Zeedel - Pierrot

FASNACHT 2016
Bisch du no normal oder scho bitz bsunder?
Mach schnäll mit bi däm glaine Tescht!
Es koschtet nyt, drno bisch dr bescht.
Froog ains:
Bisch psychisch e Dier oder mänggmool labyyl?
Froog zwai:
Bruuchsch uffem WC Babyyr und wenn jo wievyyl?
Froog drey:
Bisch lieb zue Frau und Kind?
□ Jo
□ Y sag nyt, will mi nid blamiere
Froog vier:
Jä, wie duesch du denn parkiere?
□ Langsam oder
□ Gschwind?
PIERROT-CLIQUE BASEL
Froog fimf:
Wie fyylsch di, wenn's ruesst und pfyfft?
Sujet :
Froog säggs:
Bisch maischtens logger oder eender verschtyfft?
InSeggde
Froog siibe:
Glaubsch du an e heecheri Macht?
Wenn jo, an
□ Gäld (hm),
□ ebbis anders oder an
□ d Frau Fasnacht
Dr Bappe lauft mit em Lyseli
am Sunntig gmietlig duurs Iseli.
D'Lyse froggt: „Babbe, isch daas e Gägg?
Do het's iiberall so Men in Blägg!
Und lueg, das luschtige Kryz an dr Wand.
Hey, s Kaffi het offe, und s het e Biecher-Stand.“
Si schteen kurz aane zem glai weeneli gnaisse.
Daas isch e Fääler - im Iseli neyerdings e haisse.
Dr Bappe wird sofort in d Mangle gnoo
und duet sich drnoo teschte loo.
„Sii, iiri Psyyche isch schlächt und instabyyl,
Y gsee nur ai Leesig, es koschtet nit vyyl...“
Zum Gligg sait dr Bappe nai und goot wytter.
Aber sythäär fyylt är sich zimmlig schytter.
Die ganz Familie ziiglet drum in en ander Quartier,
ins Wettstai,ooni Seggde.S'schmeggt no Arzt und altem Bier.
Kaini Missionare und Men in Blägg,
si hänn jetz Rueh uf iirem Ärdeflägg.
Doch fascht wiene Seggde, isch s ainzig wo steert...
dr Roche-Turm, wo vyyl heecher isch wie sich's gheert.
Aber dää Verglyych sell nyt verharmloose.
Dr Morin macht e Fääler – e riisegroosse,
will är maint, dä Verain syg e kirchlichi Institution,
wo sii am Sunntig dien schaffe fiir Gottes Loon.
In Amerika isch es gaar nid besser.
Nai, s Brobleem isch deerte no vyyl greesser.
Deert steen iiberall immer e baar Seggdologe,
egal eb Physiker, Bio- oder Psychologe.
Y glaub, langsam kasch fascht kaim mee draue.
So vyyli „InSeggde“, eb Männer, eb Fraue:
S Hirni wird dr total gwäsche,
dr Kassier liggt dr uff dr Däsche.
Du fyylsch di wiene lääri Fläsche,
und am Ändi wänn si no dyy Äsche.
Aber ains nimmt uns jetzt scho no wunder:
Nimm fir jeedi Antwort irgend e Zaal,
welli spiilt kai Rolle, jetz hesch no d Waal.
Denn zellsch alles zämme, mol Pi im Quadrat.
S Resuldaat duet verbliiffe, s isch präzyys und akkurat.
D InSeggde-Forschig het’s bewiise, dä Tescht isch genial.
Folg dr Uffleesig, sunscht ändisch fataal!
Uffleesig:
ENTWEDER null bis zwaievierzig Pinggt:
Bisch scho ganz durenand, schwitzisch und so?
Denn isch d Leesig glaar: Kumm zue de Pierrot!
ODER iiber zwaievierzig Pinggt:
Bisch no glaar im Kopf, kasch no sälber dängge?
Denn due dr e Mitgliidschaft bi de Pierrot schängge!
Bi uns wird dr ghulfe, mer dien nit Hirni wäsche.
Mit Fasnacht und Spass bisch kai lääri Fläsche.
Denn kasch im Iseli au blyybe stoo,
saisch “NAI!” und fyylsch dii guet esoo!
Doleranz und Freyhait gälte s ganze Joor,
nit nur an dr Fasnacht, bhalt daas im Oor.
Frey kenne dängge isch absolut wichtig,
daas yyz‘schrängge iiberhaupt nit richtig.
Laider gitt‘s vyyl zvyl Religione
und no vyyli anderi Institutione,
wo dir verschpräche s Glygg uff dr Wält.
Drbyy wänn sii nur dyy Wille und s Gäld.
Mir glaube - logisch - nur an aini,
wo jetz graad do isch, und sunscht an kaini:
Dasch d Frau Fasnacht, isch doch glaar!
Mit iire isch es wunderbaar!
Me goot an d Ladäärnenuusstellig uff e Minschterblatz.
Si isch offe vom Määntigzoobe bis am Mittwuchdemoorge.
De findsch uns und unseri Jungi Garde au im Internet under
www.pierrotclique.ch

Download Report