MINISTERIE VAN JUSTITIE Atmishon na Kňrsou pa personanan ku

MINISTERIE VAN JUSTITIE
SECTOR OPENBARE ORDE, VEILIGHEID EN RECHTSHANDHAVING
TOELATINGSORGANISATIE CURAÇAO
Atmishon na Kòrsou pa personanan ku e Lei di Atmishon i Ekspulshon
(LTU) no ta aplikabel
Personanan ku den artíkulo 1 di Lei di Atmishon i Ekspulshon (Landsverordening Toelating en Uitzetting,
LTU) ta menshoná, no tin mester di un deklarashon òf pèrmit di estadia pa por keda atmití òf
permanese na Kòrsou. E Lei di Atmishon i Ekspulshon no ta aplikabel pa nan, e asina yamá NVT-ers.
Konforme artíkulo 8 insiso 1 bou di 2 di e Toelatingsbesluit, un nvt-er tin e derechi pa medio di e
formulario indiká huntu ku dokumentonan rekerí, hasi un petishon pa e deklarashon di nvt.
Lei di Atmishon i Ekspulshon no ta aplikabel riba:
a. Personanan ku a nase na Kòrsou, ku na momentu di nasementu a haña nashonalidat hulandes;
b. Personanan ku a nase promé ku 1 di yanüari 1986 na Aruba ku na momentu di nasementu a haña
nashonalidat hulandes, miéntras e persona riba 1 di yanüari 1986 tabata biba na Kòrsou;
c. Personanan ku a nase promé ku 10 di òktober 2010 na Boneiru, Saba, Sint Eustatius òf Sint
Maarten ku na momentu di nasementu a haña nashonalidat hulandes i ku riba 10 di òktober
2010 tabata biba na Kòrsou;
d. Yunan ofisialmente rekonosé i adoptá pa personanan ku nashonalidat hulandes ku ta kai bou di
punto a,b i c.
Personanan ku nase na Kòrsou òf na Antias Hulandes i ku despues di tempu a haña e nashonalidat
hulandes no ta kai bou di artíkulo 1 di LTU.
E personanan ku ta kai bou di punto a, b, c i d tin e derechi sin mas pa biba, traha òf studia na Kòrsou.
Nan ta keda atmití na Kòrsou sin ningun restrikshon, kondishon òf preskripshon. Personanan ku den
pasado, a base di un legislashon benifisioso a otorgá nan un deklarashon di nvt, lo mester entregá un
petishon pa atmishon di estadia.
Yunan menshoná den punto d, no mester di tin nashonalidat hulandes. A lo ménos un di e mayornan
mester a nase na Kòrsou i na momentu di nasementu a haña nashonalidat hulandes. Den kaso di un
adopshon, e sentensia di huzgado di promé instansia mester ta stipulá pa un entidat di den Reino
Hulandes. Ora di rekonosementu di un yu, esaki mester sosodé abase di Lei di Reino Hulandes. Den tur
e kasonan menshoná, e yu por tin un nashonalidat estranhero. Yunan ku nashonalidat estranhero mester
hasi petishon pa un deklarashon di NVT.

Download Report