Outoridat di Aviashon Sivil di Kòrsou

Struktura
E organisashon ta konsistí di 12 empleado ku ta
repartí den e departamentunan tékniko, tim di
sosten i e direktor.
Direktor
Outoridat di Aviashon Sivil di Kòrsou
Edifisio Siegfried Francisca
Seru Mahuma z/n
Willemstad Curaçao
+599 9 839-3319
+599 9 868-9924
[email protected]
Tim di Sosten
Tim di Inspekshon
di Buelo
Kontakto
Tim di Inspekshon
Tekniko
Tim di
fasilidatnan
www.gobiernu.cw
Ministerio di
Tráfiko, Transporte i
Planifikashon Urbano
Outoridat di
Aviashon Sivil
di Kòrsou
Outoridat di Aviashon Sivil di Kòrsou ta un organisashon di Gobièrnu di Kòrsou. Promé ku 10
di òktober 2010, e organisashon aki tabata konosí komo Direktorado di Aviashon. Outoridat di
Aviashon Sivil di Kòrsou ta forma parti di e Sektor
di Tráfiko i Transporte di e Ministerio di Tráfiko,
Transporte i Planifikashon Urbano.
Outoridat di Aviashon Sivil di Kòrsou ta sòru pa
e struktura i kordinashon di e kuadronan den
kual por práktika aviashon na un manera sigur.
E organisashon aki ta supervisá kòntròl di tráfiko aéreo, terenonan di aviashon i kumplimentu
ku regla. Tur esaki ta wòrdu hasi pa garantisá ku
tur operashon, en general i spesífikamente pa
loke ta seguridat di aviashon di e kompanianan di
aviashon di Kòrsou, ta keda hasi na un manera
sigur. Outoridat di Aviashon Sivil di Kòrsou ta supervisá pues tur asuntu ku tin di haber ku seguridat di aviashon pa Kòrsou.
Gran parti di e reglanan riba e tereno di seguridat
di aviashon ta wòrdu krea internashonalmente.
Esaki ta dor di e karakter internashonal di aviashon. Riba 7 di desèmber 1944 na Chicago paisnan a bini huntu i e firma un akuerdo pa instalá e
Organisashon Internashonal di Aviashon Sivil
(ICAO).
ICAO tin komo un di su metanan pa perkurá pa
transporte aéreo ku ta sigur, regular i efisiente. Reino Hulandes ta miembro di ICAO.
ICAO tin diferente norma i maneranan di traha
ku e ta adoptá. Tur e paisnan ku ta forma parti di
ICAO ta obligá, pa medio di e akuerdo, pa sòru di
implementá e normanan i maneranan di traha aki,
den nan leinan nashonal.
Ministerio di
Tráfiko, Transporte i Planifikashon Urbano
Tareanan prinsipal:
1.Sertifiká i registrá individuonan i kompanianan di
aviashon di Kòrsou i nan avionnan;
2.Supervisá tur aktividat di aviashon, tantu tékniko
komo operashonal;
3.Mantené leinan, reglanan i akuerdonan internashonal pa garantisá kalidat i seguridat di aviashon sivil;
4.Emití lisensia na pilotonan;
5.Konsehá Minister i Tim di Maneho riba tur asuntu
di aviashon;
6.Sostené e Departamentu di Maneho riba nivel
tékniko pa loke ta:
a.Desaroyo di maneho di aviashon stratégiko
nashonal;
b.Desaroyo di leinan, reglanan i instrumentonan di
aplikashon;
c.Tradusí e maneho di Reino Hulandes i akuerdonan internashonal den maneho nashonal táktiko i operashon.
Outoridat di Aviashon Sivil di Kòrsou ta supervisá
Dutch Caribbean Air Navigation Service Provider,
Aeropuerto Internashonal Hato i kompanianan lokal
di aviashon.

Download Report