TALA LELEI MAI I LE LAGI

Lesona 8
TALA LELEI MAI I LE LAGI
O lo’o tatou ola nei i se lalolagi faataalise o le poto faaonapo nei, o se lalolagi ua
faaa’upegaina i auala eseese o faasalalauga e aofia ai le lalolagi atoa, ma faailoa
atu ai i ona tagata uma lava mea tetele ma le taua o lo’o tutupu i le lalolagi. A’o le
mea e faanoanoa ai, o le tele lava o tala fou mai i nei ripoti, o gaioiga ia poo
faalavelave tutupu ma amioga leaga. Tatou te faalogo i soligā tulafono, o taua, o
oge, o faalavelave tutupu o le natura e fasiotia ai tagata, ma sauaga e sili ona leaga.
Ua faatumuina loto o tagata i le fefe ma le mata’u a’o latou manatunatu i nei mea
leaga uma, ma latou te manatunatu po’o le a le i’uga mulimuli o nei mea uma.
Peitai afai tatou te su’esu’eina le Upu a le Atua, e lē tatau ona tatou ofo pe tatou te
fefefe fo’i pe matata’u. O nei mea uma lava ua uma ona valo’ia mai i le tele o
senituri ua mavae e ala i se ripoti mai ia Keriso lava ia: “Pe a outou faalogo i taua
ma fouvalega, aua tou te atuatuvale; auā e ao ina mua’i taunuu o ia mea, a e lē
o’o mai loa le gataaga. Ona fetalai atu ai lea o ia ia te i latou, E sii le taua e le
tasi nuu (nation) i le tasi nuu (nation), ma le tasi malo (kingdom) i le tasi malo
(kingdom): e oti foi tagata i le matata’u, ma le faatalitali i mea e o’o mai i le
lalolagi: auā o le a luluina ‘au a le lagi.” Luka 21:9, 10, 26.
I lenei faamatalaga tonu ma le sa’o e faatatau i mea e tutupu i le lalolagi, lea sa
tusia e tusa ma le 2000 tausaga a’o le’i tutupu nei mea uma, na faapena foi ona
tuuina mai e Iesu ia i tatou se feau matagofie lava o le mautinoaga, ua folafola mai
ai ia i tatou le faaolataga e faavavau.
“A afua ona faia o ia mea, ia tepa a’e outou, ma ia ea i luga o outou ulu; aua ua
latalata ona faaolaina outou.” Luka 21:28
O le tala lelei a le Atua, e lē fa’atāuaina ai mea leaga, peitai e faailoa mai ai le
faafitauli ma foai mai ai le faamoemoe mo i latou uma e taliaina le lapataiga. O le
tala lelei moni lava lenei, o le tala lelei mai i le Atua o Lē “e le mafai ona pepelo”
(Tito 1:2). O nei “Tala Lelei” o loo faaigoaina i totonu o le Tusi Paia o le “Tala
Lelei (Gospel)”. O lenei feau o le tala lelei e manaomia ina ia malamalama i ai, ina
ia faatāuaina ai.
UA FA’ AMATALAINA E PAULO LE TALA LELEI
E ui lava ina fa’aaogaina le upu “tala lelei (gospel)” e le miliona ma miliona o
Kerisiano i totonu o le lalolagi atoa, ae e toaitiiti lava i latou o loo malamalama i
lona uiga moni. Ua aumai e le aposetolo o Paulo ia i tatou le faamatalaga sili lava
o lona uiga: “Auā ou te lē ma i le tala lelei ia Iesu Keriso; auā o le mana lava lea
o le Atua e ola ai i latou uma o e talitonu; e muamua le Iutaia, atoa ma le
Eleni.” Roma 1:16.
1
Fai mai Paulo e faatatau i le tala lelei: “O le MANA/MALOSI! lea” O le
mana/malosi, o se malosi ola lea, e malosi pe a fa’aaoga pe faataunuuina ai foi
so’o se galuega. E matuā taua lava le mana po’o le malosi ia i tatou o lea ua tatou
fausia ai fale eletise ina ia maua ai le malosi/eletise mo fale faigaluega mo le faia o
galuega, mo femalagaa’iga ma fa’aaogaina i totonu o fale o aiga ta’itasi. O lenei
faataitaiga ua aumaia ai ia i tatou se malamalamaaga e faatatau i le tala lelei; o le
mana lea o le Atua lea e mafai ona faataunu’uina ai se mea mo i tatou. E lē o se
malosi e i ai sona gataaga, ae o le mana poo le malosi lava lea o le Atua. O le Atua
o Lē e mai i le vavau ma o Ia e ona le malosi uma e lē mafuatia, o Ia lava o le puna
o le mana ma malosi uma lava o loo i ai i le taimi nei. Na a’oa’o mai Iesu ia i tatou
ina ia tatou ioeina lenei mea moni i le tatalo na Ia a’oa’o i Ona so’o: “auā e Ou
le… mana.”
O lenei malosi, ma lenei mana silisiliese lē mafuatia o le Atua, ua foa’iina mai ina
ia aumaia ai ia i tatou le faaolataga. O iinei fo’i, o loo sese ai le toatele i lo latou
talitonu, o le uiga faigofie o le faaolataga: “o le alu lea i le lagi.” O le faaolataga,
o lona uiga “O le lavea’iina lea”, ma o le a le mea e tatau ona lavea’iina mai ai i
tatou? Tatou te maua le tali i le suafa tonu lava o lo tatou Alii: “…ia fa’aigoaina o
ia o IESU: auā o le a ia lavea’iina lona nu’u mai i a latou agasala.” Mataio
1:21
Ioe, la’u uo pelē, o le tala lelei e aumaia ia i tatou le fa’aolataga po’o le lavea’iina
mai i le agasala iinei lava, i le taimi lava lenei. E finagalo le Atua ina ia lavea’i oe
mai i le malosi o le agasala ma tu’u atu i totonu ia te oe Lana lava amiotonu ina ia
fa’aalia atu Lana amiotonu i le lalolagi.
“Auā ua fa’aalia mai ai le amiotonu a le Atua i le fa’atuatua, ina ia fa’atuatua
ai, e pei ona tusia, e ola le tagata amiotonu i le faatuatua.” Roma 1:17
O fea, pe na fa’apefea ona maua lenei malosi tele e lavea’iina ai? Ua fa’ailoa mai e
le aposetolo o Paulo le tali ina ua ia fai mai: “Auā o le mataupu i le satauro o le
valea lea i e ua malaia; a’o le mana o le Atua lea ia te’i tatou o ē ua fa’aolaina.”
1 Korinito 1:18
O luga o le satauro na faailoa mai ai e Keriso le faamaoniga sili ona malosi o le
mana o le Atua. O iina na ia maua ai le manumalo i le agasala ma o lenei
manumalo ua Ia ofoina mai ia i tatou o se meaalofa ofofua mai e leai sona tau! O
le TALA LELEI lenei.
O ANAFEA MA O FEA NA AMATA MAI AI LE TALA LELEI?
O le to’atele o tagata latou te talitonu o le tala lelei na amata mai i le Feagaiga Fou,
peitai o se su’esu’ega faaeteete lava o le Tusi Pa’ia o le a fa’aalia ai, o le tala lelei
e matua atu nai lo le tagata; i le Tusi o Fa’aaliga tatou te faitau ai e fa’atatau ia
Keriso o Ia o le: “…Tama’i Mamoe na fasia talu ona faavaeina le lalolagi.”
Fa’aaliga 13:8.
2
O lona uiga o le foa’iina mai o lenei malosi mamana o le Atua, na faia lea mo le
faaolataga o le tagata a’o le’i foafoaina le tagata. Ona galue loa lea o le tala lelei i
le taimi lava na faato’a mavae ai ona pa’ū’ū le ulua’i ulugalii: “O le a ou
fa’atupuina le feitaga’i i le va o oulua ma le fafine, i le va fo’i o lau fanau ma
lana fanau; o le a ia tu’imomomoina lou ulu, a’o oe e te tu’imomomoina lona
mulivae.” Kenese 3:15
O iinei ua folafolaina mai ai ia Atamu ma Eva ma le aigā tagata atoa lava le
lavea’iga mai ia Satani lea na tu’imomomoina lona ulu ina ua faato’ilaloina o ia e
Keriso i luga o le Satauro.
O Aperaamo o se faata’ita’iga muamua lava lea o se tasi na folafolaina atu i ai le
tala lelei: “Na iloa foi anamua i le Tusi, o le fa’atuatua e ta’uamiotonuina ai
nuu ese e le Atua, na ia folafolaina ai anamua le tala lelei ia Aperaamo, ua
faapea, E manuia nuu uma lava ia te oe.” Kalatia 3:8.
O le tala lelei lava lea e tasi na tala’iina atu ia Isaraelu i le Feagaiga Tuai: “Auā
fo’i na tala’iina mai ia i tatou le tala lelei, e pei o i latou: peitai o le upu na
tala’iina e lē’i fa’amanuiaina ai i latou, ina ua lē tu’ufaatasia ma le fa’atuatua i
ē na fa’alogologo i ai.” Eperu 4:2.
O lenei fuaiupu o loo faailoa mai ai foi le auala e mafai ai ona tatou maua le
meaalofa lē mafuatia o le tala lelei. E na’o le fa’atuatua lava e mafai ai ona tatou
taliaina lea meaalofa.
O LE TALA LELEI A IESU KERISO
Na fa’amatalaina e Ioane le Papatiso Iesu o Ia o le: “…Tama’i Mamoe a le Atua
na te aveesea le agasala a le lalolagi.” Ioane 1:29
O le tala lelei ua fa’apena ona faaigoaina sa’o: “…o le tala lelei a Iesu Keriso, le
Alo o le Atua.” Mareko 1:1
Na amata e Iesu lana auaunaga poo lana talaiga fa’alaua’itele e ala i Lona laugaina
o le tala lelei: “Ina ua mavae ona tu’uina atu Ioane i le falepuipui, ona maliu
atu lea o Iesu i Kalilaia, ma tala’i atu ai le tala lelei o le malo o le Atua ua
fa’apea atu, Ua faataunuuina le taimi, ma ua latalata mai le malo o le Atua, inā
salamo ia ma talitonu i le tala lelei.” Mareko 1:14, 15
Na ia taula’iina atu mafaufau o tagata i le tala lelei o le faaolataga ma le malo o le
Atua ma vala’aulia atu i latou ina ia salamo ma talitonu i le tala lelei, auā ua
faataunu’uina le taimi.
E lē gata ina lauga atu ma tala’i atu Iesu, ae na ia fa’ailoa atu fo’i le tala lelei i
tagata e ala i gaioiga faatino.
3
“Mulimuli ane ua faata’amilo o ia i aai ma faoa aai ua tala’i ma folafola tala
lelei o le malo o le Atua: sa faatasi foi ma ia le to’a sefulu ma le to’a lua.” Luka
8:1
Na ia fa’aaluina tausaga o lana auaunaga poo lana tala’iga i le galuega o le
lavea’iina o agaga mo le malo o le lagi. Na ia faimalaga solo atu i le laueleele uma,
ma a’oa’o, fa’amalolo i ē mama’i, fesoasoani i ē na mana’omia le fesoasoani ma
tala’i atu “le malo o le Atua”.
O fa’amatalaga ia ua mavae atu, o loo faailoa mai ai o le tala lelei, o le mana lea o
le Atua e lavea’i ai i tatou mai i le malosi o le agasala. O loo faamatalaina e le
aposetolo o Ioane le agasala faapea: “o le soliga lea o le tulafono.” 1 Ioane 3:4. A
tatou taliaina loa le tala lelei a Iesu Keriso, ua mafai loa e i tatou, e ala i Lona
mana, ona tatou tausia le tulafono a le Atua.
“O le feagaiga lava lenei o le a Ou faia ma i latou pe a mavae atu ia aso, o loo
fetalai mai ai le Ali’i, o le a Ou tu’uina a’u tulafono i o latou loto, ma o le a Ou
tusia foi a’u tulafono i totonu o ō latou mafaufau; o a latou agasala fo’i ma a
latou soli tulafono o le a Ou lē toe manatua lava.” Eperu 10:16, 17.
O le mea lea o loo faapena ona faamatalaina ai tagata o le Atua: “…o ē e tausi i
poloa’iga a le Atua, ma le fa’atuatua o Iesu.” Fa’aaliga 14:12.
O LE FA’ASALALAUINA O LE TALA LELEI
Na fa’atonu atu e Iesu ona so’o faapea: “O lenei ia outou o atu ma a’oa’o malo
uma lava, ma papatiso ia te’i latou i le suafa o le Tamā, ma le Alo, ma le Agaga
Paia: Ma a’oa’o ia i latou ia latou tausi i mea uma lava ua Ou faatonu atu ai ia
te outou: Faauta fo’i, Ou te ia te outou i aso uma lava, e o’o lava i le gata’aga o
le lalolagi. Amene” Mataio 28:19, 20.
O lenei faatonuga a Keriso, na mua’i faataunu’uina e le ulua’i ekalesia. A’o latou
aga’i atu ma tala’i atu le tala lelei, sa matuā vaaia se fa’aaliga o le mamalu ma le
mana o le Atua e le’i faapea lava ona molimauina muamua. O le faatumuina o le
ekalesia i le Agaga Paia, na faia ai e i latou se galuega na lūlūina ai le lalolagi. I
totonu o se augā tupulaga e tasi, na aveina atu ai le tala lelei i malo uma lava o le
lalolagi anamua.
O le aai o Ierusalema na tala’iina i se vaegā taimi pu’upu’u lava, ma ina ua mavae
ona faamalosia e sauaga Kerisiano ina ia latou tu’ua lenei aai, na faapena ona
salalau atu ai le tala lelei i isi aai. I totonu o se vaegā taimi e tusa ma le lua tausaga
(Galuega 19:10) na faalogo ai tagata ta’itasi uma lava oi Asia i le feau o le tala
lelei, o tagata Iutaia atoa ma Eleni. Na amata mai iina ona salalau atu le tala lelei i
Aferika i matū ma Europa i sasa’e.
“Pe afai lava tou te tutumau i le faatuatua ua faavaeina ma mausali, ma le lē
faate’aeseina mai i le faamoemoe oi le tala lelei na outou faalogo i ai, sa
tala’iina atu foi i tagata uma lava o loo i lalo o le lagi; o a’u o Paulo ua fai ai
a’u ma auauna i ai;” Kolose 1:23.
4
O LE TALA LELEI I TOTONU O LE VALO’AGA
O le tala lelei e le’i fuafuaina ina ia mate ‘ese atu i le taimi o le ulua’i ekalesia. O
le fa’atonuga a Keriso e mo vaegā taimi uma lava, ma, ina ua Ia fetalai e faatatau i
aso mulimuli, na Ia vavalo mai faapea: “O le a tala’iina atu foi lenei tala lelei o le
malo i atulaulau uma e fai ma molimau i nu’u uma; ona o’o mai ai lea o le
gata’aga.” Mataio 24:14.
O lenei feau mulimuli o le tala lelei o le a faapena ona toe o’o atu i tagata uma lava
o loo nonofo i le lalolagi i se taimi pu’upu’u lava. Ae o loo i ai upu moni faapitoa
poo upu moni fa’aopoopo o loo fausia ai se vaega sili ona taua o le tala lelei i
augātupulaga o loo mulimuli atu. O loo tautala le aposetolo o Peteru e faatatau i ia
upumoni, o: “Upumoni mo le taimi lenei” (2 Peteru 1:12). O se autu lea mo le
taimi lenei, o se feau lea mo le taimi lenei, peitai e lē mafai ai lava e upu moni ia
ona lafoa’ia upumoni muamua ua uma ona tuuina mai.
FE’AU MULIMULI O LE TALA LELEI
O le upu moni o se tu’ufaatasiga lea o feau uma lava a le Atua i augā tupulaga
ta’itasi. O le upu moni mo le taimi lenei e aofia ai feau faapitoa mo le taimi lenei.
O nei feau mulimuli o loo i le mataupu e sefulu ma le fa o le tusi o Fa’aaliga:
O le agelu muamua o loo ia faailoaina mai le amataga o le taimi o le faamasinoga.
“Na ou iloa fo’i le tasi agelu ua lele i le taulotoa’iga o le lagi, ua ia te ia le tala
lelei e fa’avavau ua folafola atu i ē nonofo i le lalolagi i atunu’u uma, ma itu
aiga, ma gagana eseese, ma nu’u, Ua fa’apea atu ma le leo tele, Ia outou
matata’u i le Atua ma avatu ia te ia le vi’iga; auā ua o’o mai le itu aso o lana
fa’amasinoga ma ia outou ifo i Lē na faia le lagi, ma le fanua, ma le sami, atoa
ma puna o vai.” Fa’aaliga 14:6, 7.
Ia maitau mai, o le agelu o loo lele i le taulotoa’iga o le lagi o loo ia te ia le feau o
le tala lelei e fa’avavau, pe a faamatalaina i nisi upu, o lona uiga, o le mana lea o
le Atua. E lē’o fai mai le valoaga o loo sau le agelu ma lauga mai le tala lelei e
fa’avavau, peitai o loo ia te ia le tala lelei. O lenei agelu o se fa’atusa lea o ni
tagata po’o se fa’agaioiga. O le mea lea, i aso mulimuli nei, o lo’o i ai ni tagata o
lo’o ia i latou le tala lelei e fa’avavau e tatau ona tala’iina atu i tagata uma lava o
loo nonofo i luga o le laueleele. Latou te vala’au atu i tagata uma lava ina ia latou
ifo i le Atua moni o Ia lea o Lē na faia mea uma ma ‘ia latou alagaina le amataina
o Lana fa’amasinoga.
O le agelu lona lua o loo ia faailoaina mai le pa’ū o le ekalesia tele po’o lona liliu
ese mai i le Atua. “Ona mulimuli atu ai lea o le tasi agelu, ua fa’apea atu, Ua
pa’ū, ua pa’ū Papelonia, le a’ai tele, auā ua ia fa’ainu i nu’u uma i le uaina o le
to’asa o lana faita’aga.” Fa’aaliga 14:8.
O le agelu lona lua po’o le faagaioiga lona lua, ua ia fa’atasi atu i le agelu muamua
ma lana fe’au mata’utia lava.
5
Ua tuuina atu e le agelu lona tolu lana lapataiga ina ia aua ne’i taliaina le faailoga
o le manu feai. “ Ona mulimuli atu ai lea ia te i laua o lona toatolu o agelu, ua
faapea atu ma le leo tele, Ai se tasi e ifo i le manu feai ma lona fa’atagata, ma
talia le faailoga i lona muaulu po o lona lima, e inu lava ia i le uaina o le toasa
o le Atua, ua liligiina atu e lē suia i le ipu o Lona to’asa, e pupuagatia foi o ia i
le afi ma le teiō i luma o le au agelu paia ma luma o le Tama’i mamoe, o le asu
foi o lo latou puapuaga e alu a’e e faavavau faavavau lava; latou te lē maua foi
se filemu i le ao ma le po o ē ua ifo i le manu feai ma lona faatagata, ma sē na te
talia le faailoga o lona igoa.” Fa’aaliga 14:9-11.
O lenei agelu lona tolu, faatasi ai ma le agelu muamua ma lona lua, ua latou
tu’uina atu le fe’au mulimuli o le lapata’iga i le lalolagi. O lapata’iga o loo i totonu
o nei feau, o le a su’esu’eina auiliili i se lesona o loo mulimuli mai.
O le iuga o nei feau a agelu e to’atolu o se fa’aaliga lea o se vaega o tagata totoe
faamaoni o ē na taliaina lapataiga ma taofi mau atu ma le faamaoni i le tala lelei e
fa’avavau. “Na foa’iina atu foi i le fafine apaau e lua o se aeto tele, ina ia lele ai
o ia ai luma o le gata i le vao, i le mea e nofo ai o ia, e fagaina ai o ia i le
tausaga, ma tausaga, ma lona vaeluagalemu o le tausaga, .” Fa’aliga 12:14
O lenei “fe’au mulimuli o le tala lelei” o le a o’o atu i le lalolagi atoa lava, auā o
loo soso’o atu ai lava i le feau lenei, le faasilasilaina mai o le toe Afio Fa’alua Mai
o Iesu. O le a le mea o le a tupu pe a fa’alogo malo uma lava, o itu aiga uma, o
gagana uma ma tagata uma lava i le tala lelei?
“E tala’iina atu foi lenei tala lelei o le malo i le atu laulau uma, e fai ma
molimau i nuu uma; ona o’o mai ai lea o le gataaga.” Mataio 24:14.
Uō e, o la matou tatalo, ina ia o’o atu i lena aso, o le a ē mauaina le i’uga o i latou
ua taliaina ma usitai i le tala lelei a le Atua. (I Peteru 4:17).
Lomia e le: Upu Moni Mo Le Taimi Lenei
PO Box 6458 Apia WESTERN SAMOA
6
TALA LELEI MAI I LE LAGI
1.
O le a le feau a Iesu e faatatau i mea tutupu i le lalolagi i le
taimi lenei?
_________________________________________
_________________________________________
_________________________________________
2.
Na faapefea ona faamatalaina e Paulo le tala lelei? Roma 1:16.
_________________________________________
_________________________________________
_________________________________________
3.
Mataio 1:21. Na afio mai Iesu e lavea’i i tatou mai i le: (Li’o le
tali sa’o)
Oti
Satani
Agasala
Afi e faavavau
4.
O le a le matāfaioi ua tuuina mai ia i latou e taliaina le tala lelei
a Keriso?
_________________________________________
_________________________________________
_________________________________________
5.
Sa’o pe Sese (Tusi le Sa’o pe Sese).
O le tala lelei o le maliu o Keriso mo lo tatou faaolataga, na
amata i le satauro.
………..
Afai e sese, o fea na amata ai?
_________________________________________
_________________________________________
6. O a feau faapitoa lava e tolu o le tala lelei mo le taimi lenei
ma o le a le mea o loo ta’u mai e feau ta’itasi e tolu?
1st ______________________________________
_________________________________________
2nd _____________________________________
_________________________________________
7
Auala & Numera ________________________
Nuu/Taulaga/Aai ________________________
Setete _________Numera Itumalō ________
Atunuu _______________________________
Faamolemole faafo’i lenei Ta’iala Toe Iloiloina i le Tuatusi lenei:
SU’ESU’EGA FETUSIA’I o le UPU MONI MO LE TAIMI LENEI
P O Box 6458, Apia, Western Samoa
TA’IALA TOE ILOILOINA - LESONA 8
8

Download Report