15. Tschanteda dal cussagl cumünel in marculdi, ils 23.7.2014 a
las 19.00 in chesa cumünela S-chanf
Presidi:
Duri Campell
Preschaints: Gian Andrea Bott, Paolo Bernasconi, Jnes Barblan, Liun Quadri
Absaints:
Actuar:
Duri Schwenninger
___________________________________________________________________
Tractandas:
1.
Protocol
2.
0.211
Dumandas da fabrica
3.
2.100
Revisiun totela ledscha da scoula, prüma lectüra
4.
0.212
Tscherna giarsun rasgeder
5.
1.090
Cas zona da pos per sulvaschigna, dumanda reponderaziun
decisiun dals 28.05.2014
6.
9.420
Rita Melcher-Marugg e Martina Godly-Marugg, dumanda per
pudair ütiliser chamanna Pignait
7.
9.999
Varia
La glista da tractandas vain appruveda cun stricher la tractanda 4.
Protocol: Il protocol da la tschanteda dals 09.07.2014 vain appruvo.
99
2.100
Scoula primara
Revisiun totela ledscha da scoula, prüma lectüra
La cumischiun, chi’d es gnida tschernida da la radunanza per fer las differentas
revisiuns dals tschantamaints, ledschas ed uordens, ho gieu differentas tschantedas
ed ho decis da piglier per mauns il prüm l’uorden da scoula, siand cha la situaziun
actuela sufficiainta sainza president dal cussagl da scoula scu eir ils memma pochs
commembers i’l cussagl da scoula. Als pertuchos, a la magistraglia ed al cussagl da
scoula, s’ho pussibilto da piglier part ad üna consultaziun voluntaria e s’ho inoltro la
proposta al departamaint. Il cussagl piglia cugnuschentscha da las objecziuns e
propostas da la magistraglia scu eir da l’examinaziun preliminera cun las differentas
objecziuns dal departamaint e fo üna prüma lectüra da la ledscha da scoula e
propuona differents müdamaints. In üna prosma tschanteda vain fat üna seguonda
lectüra da la ledscha.
- 45 -
100
1.090
Giuridicziun
Cas zona da pos per sulvaschigna, dumanda reponderaziun
decisiun dals 28.05.2014
Ils 28.05.2014 vaiv’il cussagl decis da multer il surpassamaint reguard l’access dals
26.04.2014 illa zona da pos per sulvaschigna in Arschaidas. Aunz cu cha’l decret
d’eira leghelmaing valabel, haun ils culpabels inoltro üna dumanda da
reponderaziun, siand cha’ls sclarimaints cun üna collavuratura da l’uffizi chantunel
da migraziun haun demusso, cha la vschinauncha nu sclerischa als emigrants chi
piglian domicil a S-chanf sur d’eventuels scumands. In seguit s’ho pretais dal
mneder da l’uffizi chantunel üna pusiziun reguard las expressiuns da la
collavuratura chi paun gnir resguardedas scu ün’intermettaziun ill’autonomia da las
vschinaunchas. Ils sclarimaints haun cleramaing demusso, cha la collavuratura ho
oriento al petent sur dals pass giuridics, ma na cusglio u dafatta güdicho la decisiun
dal cussagl. Il cussagl decida unanimamaing da refüser la dumanda, siand cha la
populaziun es gnida orienteda sur dal scumand illas chaschas nairas,
respectivmaing illa Spia d’üerdi dal mais december 2013 scu eir cun munter las
tevlas in differents lös. Üna revisiun da la decisiun füss ün pregüdizi per l’avegnir e’l
trattamaint eguel nu füss pü garantieu.
101
9.420
Stabels da la faculted finanziela
Rita Melcher-Marugg e Martina Godly-Marugg, dumanda per
pudair ütiliser chamanna Pignait
Il cussagl piglia cugnuschentscha da la dumanda da Rita Melcher-Marugg e da
Martina Godly-Marugg per ütiliser inavaunt la chamanna Pignait, siand cha
l’ütiliseder fin co, lur bap, es mort. Zieva animeda discussiun decid’il cussagl
unanimamaing da surder scu üsito a la descendenza, respectivmaing a Rita
Melcher-Marugg ed a Martina Godly-Marugg la chamanna Pignait.
102
9.999
Varia
Il president orientescha, cha mincha abitant da S-chanf e fillielas ho il dret da
nüzzager las alps cur cha quellas nu vegnan druvedas per l’alpageda. Il cussagl ho
adüna darcho constatto, cha differents ütiliseders da quellas faun lavuors vi dals
stabels, sainza infurmer al proprietari, a la vschinauncha. Ch’ün simil agir nu po pü
gnir accepto in avegnir.
Inavaunt orientesch’il president, cha’ls 2 avuost 2014 ho lö in Flin-Val Botta
d’Flöder-Blais ün exercizi d’acziun dals chauns per retscherchas da surfatscha dal
salvamaint alpin Grischun, regiun dal süd.
A las 22.10 vain la tschanteda alveda.
In buna fè
L’actuar:
D. Schwenninger
- 46 -

Our da la chesa cumünela Departamaint da fabrica

hier - Tusem Essen