Mittwoch, 24. Dezember 2014 Seite XI heide kurier Verlagssonderveröffentlichung An’n Hilligobend Hans un Grete sitt in de mollige Köök un speelt „Minsch arger di nich“. „He, du hess eben schummelt Grete, loot dat no, sünst speel ik nich wieder mit di“, sä Hans to sien twee Johr jünger’ Süster. „Du spinnst, ik hebb nich schummelt, ik harr een süß, un denn kann id tweemool wörpeln“, anter Grete so’n lütt beten grandessig. Dat Spill güng wieder un luüt Grete hett wunnen. „Ik krieg den Appel“ jubileer se. „Jo, mit Schummelee is’t jo ok licht to winnen“, brummel Hans vör sik hin. „Ik geev di den halben Appel ok af, wenn du nochmool mit mi speelst“, bettel Grete. „Na, för mientwegen, so geiht de Tiet wenigsten hin. Wat is egentlich de Klock? Och, iers dree. Wat meenst, op de Kujees uns wull finnen warrt“, froog Hans banghaftig. „Wat schull he uns wull nich finnen? Hett he uns noch jeedeen Johr funnen“ anter Grete plietsch. Hans dacht mit sien teihn Johr al so’n lütt beten wieder als Grete. Mamma harr seggt, datt de Kujees dit Johr wenig Geld harr. Veel Minschen harr dat liekso dropen as jümehrn Pappa, se harrn de Arbeit verloorn, un müssen spoorn an all’ de Ecken un Kanten. Bloots Pappa kunn nich dormit trecht warrn. Giern wüür he in Hoben to sien Arbeitssteed gohn. Foken bröcht he in sien Zampel, jüst nu in de Wiehnachtstiet, Appelsinos, Mandarin or ok Nööt mit, ween mool een Kist or een Sack bi’t Utloden twei gohn wüür. Dat wüür nu vörbi, ober Opa harr jüm een Kist Appeln ut sien Goorn bröcht. Opa harr seggt, de sünd nich sprütt, dor köönt ji rinbieten ohn jüm to schelln. Uns Appeln smeckt veel beter as de ut dat Utland mit de roden Backen or ok de grasgreunen Appeln. Vunmorgen wüür Pappa no Opa un Oma gohn un hett jüm holpen dat Hult to kleuben. Bi Oma un Opa stünn noch een groten Kacheloben in de Döns. Oh, wat wüür dat kommodig, wenn dat Hult in den Oben gnistern un knacken dä un in de Piep de Brootappeln an’t Prütteln wüürn. Wenn die Kujees ween wüür, schull dat no Oma un Opa gohn to’n Eten. So Betriebsurlaub vom 22.12.14 bis 11.01.2015 wüür dat ober al ümmer ween. Traditschoon, denn Oma kook an’n Wiehnachtsobend Greunkohl mit Swiensback, Kassler un Kohlwüß. Jungedie, dor wull Hans ober rinhaun, bloots an dinken, un he harr al een woterigen Mund. Allothoop hebbt se giern Greunkohl eten. Den iersten Wiehnachtsdag geev dat sünst ümmer een Goos to’n Middageten, ober Mamma harr een Swiensbroden köfft, de Goos wüür to düür ween, Oh, jümehr Mamma kunn good koken, ok son Swiensbroden kann een Festessen ween. Hans schuul mool warrer no de Klock. Dat wörr buten al schummerig. Nu kunn Pappa ober ok bald koom. Mamma wüür in de Döns an’t Schirrwarken un de Kinner schulln speeln. Grete kunn noch keen Halma, ober „Swatten Peter“, jo, dat wüür doch mool wat een anner Speel. Hans hool de Korten, misch jüm un deel ut. Grete wüür fuurts Füür un Flamm’ un frei sik al, Hans swatt antomolen. Ober hier kunn se nich schummeln, de Korten wörrn utdeelt un dat Spill füng an. Grete ehr lutte Snuut wörr ümmer linger as se mit een Koort backen bleev. Se sä to Hans: „So, nu mool mi man swatt an, ik hebb jo dat Spill verloorn“. „Du büß jo wull nich mihr to redden, swatt an- mooln, wullt du Mamma unnütz Arbeit moken? Wullt di an Hilligobend noch de Snuut swatt insmeern? Beten mihr Verstand schullst du ober hebben, ok wenn du iers acht Johr old büß“, entrüst sik Hans. Dor harr de lütt Diern nich öber nodacht, geev ehrn Broder ober recht. Endlich keum Mamma ut de Döns un meen. „So mien beiden Seuten, goht in de Boodstuuv un wascht jo de hannen un de Snuut nochmool, boodt hebbt ji jo güstern Obend al. Treckt jo ok man joon Sünndoogstüüch glieks an, in de Schummeree kummt mierestiet de Kujees al an.“ Gau wüürn den beiden in de Boodstuuv un kunn’n gor nich gau noog in’t Tüüch koom. Pappa wüür ümmer noch nich dor, as dat an de Huusdöör pulter. Dat kunn bloots de Kujees ween. Oh Gott, war harr he förn’n ruge Stimm? De arme Mann wüür jo totol verkeuhlt. „Na, Mudder Meews, wüürn de beiden Klobauters dennok oordig öber’t Johr? De Schoolmester is mit beid’ Kinner gans tofreden. Hebb mi künnig mookt. Hans, du kann’s good butenkopps opseggen, hess denn een Riemel für mi proot?“, froog de Kujees. Kloor harr he dat, un smeet sik in de Boß. Nu keum in bestet Hoochdüütsch Theodor Storm sien „Knecht Ruprecht“ ohn eenmool antosteuten ut Hans sein Mund. Wörr mit eenmool ganz fierlich, jo mit dissen Riemel wüür dat Wiehnachten worrn in dat Meews-Huus. Loovt hett de Kujees Frohe Weihnachten und ein gutes neues Jahr. Unseren Kunden, allen Mitarbeitern und Freunden wünschen wir ein besinnliches Weihnachtsfest und ein gesundes neues Jahr. Taxi Rathje Brandenburger Straße 10 · 29646 Bispingen-Hörpel Fax 0 51 94 - 9 82 00 30 · Tel. 0 51 94 - 98 20 00 www.elektrotechnik-stelter.de · [email protected] Hans för dat Opseggen und dat gode Betoon’ vunden Riemel. Grete kreeg, liektiedig Bescheed, datt se tokoom Johr an de Reeg wüür mit Opseggen. De Kujees hett Poketen ut sien Sack utpackt un is gohn. Mamma harr em noch een Grog gegen sien Verkeuhln anboden, ober he harr keen Tiet, harr noch toveel to beschicken. De Kinner wüürn an’t Utpacken as endlich Pappa ankeum. „Pappa, de Kujees ist al ween. Schood, datt du nu iers kummst, oh, de wüür so leev, hett uns loovt, un ok Poketen mitbröcht. Koomt her Mamma un Pappa, packt mit uns ut“, rötern de beiden Kinner op de Öllern dool. Hans harr Beuker kregen un Strietschooh, sien olen Strietschooh schull Grete toben Johr kriegen, denn wüür se dor sachs rinwussen. Ok harrn beide Kinner Pullovers un Windjacken utpackt un wüürn rundüm tofreden. De Windjacken hebbt se glieks antrocken no Oma un Opa as dat to dat leckere Greunkohleten güng. Ok dor harr de Kujees Poketen afgeben un för Mamma un Pappa een grote Goos. De Kujees wüß ober ok allns, ok dat Mamma dit Johr keen Goos käupen kunn. „Freer dien Swinsbroden man för Neejohr in, mein Diern, datt schall so blieben as dat ümmer wüür, den iersten Wiehnachtsdag eet wi tosoom bi jo Goosbroden, so lang als Gott dat will“, sä Oma un neuhm ehr Dochder in de Arms. Oma hett noch, as jeedeen Johr tovör, de Wiehnachtsgeschicht’ leest, de bi Lukas in’t tweete Kopittel steiht. Un to wüür daiers gans richtig Wiehnachten. Dröff ik mien Lesers mool frogen as Knecht Ruprecht: „Nun sprecht, wie ich’s hierinnen find! Sind’s gute Kind, sind’s böse Kind?“ Nu wünsch all’ mien leben Lesers besinnliche un segent Wiehnachtsdoog. Clara Cramer-Freudenthal �  쐓 Wir wünschen � allen ein gesegnetes  Weihnachtsfest und einen guten Rutsch ins neue Jahr! 쐒 쐒  Nils Meyer und Team Inh. Nils Meyer 29646 Bispingen · Hauptstr. 10 콯 (0 51 94) 23 64 www.meyer-bispingen.de SB-Restaurant · Partyservice Menue-Bringdienst Eigene Herstellung Wir wünschen allen Kunden, Freunden und Bekannten ein frohes Weihnachtsfest und ein gesundes, erfolgreiches 2014! Familien Morris, Buchholz und Mitarbeiter Autohaus Buchholz Subaru-Vertragshändler Verkauf & Reparatur aller Fahrzeugfabrikate Seestraße 39 · 29646 Bispingen-Behringen Telefon 0 51 94 - 70 99 · Fax 0 51 94 - 24 64 www.autobuchholz.de Wir wünschen allen Kunden, Freunden 앰 앰 앰 und Bekannten ein frohes Weihnachtsfest  und einen guten Rutsch ins neue Jahr.  Hörpeler Ring 3 A · 29646 Bispingen OT Hörpel Telefon (0 51 94) 72 18 · Fax 2809 ★ ✩ Wir wünschen unseren Kunden ein besinnliches Weihnachtsfest ✩ und alles Gute für das neue Jahr. ✩ ★ ★ Wir wünschen allen Kunden, Freunden und Bekannten ein frohes Weihnachtsfest und einen guten Start ins Jahr 2015! St. Antoniuskirche, Bispingen ★ ★✩ Bauunternehmen HANS-PETER MEYER Inh. G. Hauenstein Bispingen Tel. 0 51 94 - 15 00 + Soltau Tel. 0 51 91 - 97 88 88 Wir werden auch im nächsten Jahr weiterhin in gewohntem Service für Sie da sein. Altbausanierung · Umbau · Neubau Volkwardingen Nr. 13 · 29646 Bispingen 콯 (0 51 94) 9 70 70 77