Amigus stimaus,
seu prexau meda de Si mandai su programa de is atividadis chi faeus in Sàrdara su 12 de su mesi de
Ladàmini in ocasioni de sa dii de is “Bandiere Arancioni” de su Touring Club Italianu. Est un’apuntamentu de
importu po sa comunidadi amistadosa nosta, cun bisitas in donu (museu Villa Abbas, tempru nuraxinu de
Santa Anastasia e crèsia romànicu gòtica de Santu Gregoi), po ddus avalorai ndi bogaus su mandiari e is
prodotus artisanalis de bidda, unu laboratòriu de tzeràmica nuraxina ghiau de sa coop. Villa Abbas e unu
cuncursu fotogràficu. Sa dii presentaus unu progetu anca su comunu de Sàrdara intrat in d-una “caminera”
turìstica tzertificada de si gosai cun d-unu aina eletrònica: Easy Personal Guide (Epg), una genia de tablet
cun d-unu avatar (una màgini virtuali) plurilìnguas e personalizau (ddoi at a essi povintzas sa lìngua sarda)
chi funtzionat che una ghia virtuali (cun su schermu de su Epg) candu unu turista si stentat in Sàrdara su
Epg fueddat sa lìngua sua. Digitalizat is cuntènnius de is “arrenguitzadoris culturalis” (Museu Villa Abbas,
situ archeològicu se Santa Anastasia – crèsia de Santu Gregoi e caminera de su tzentru stòricu) manixendi
una tecnologia brevetada chi permitit a su turista de si movi solu solu, cun màginis orientadas chi sighint su
logu anca s’agatat su turista, e chi podit spriculai finas cun “s’arrealidadi crèscia” o “realtà
aumentata/augmented reality”. Po s’ocasioni domus arricidoras e ristorantis cuncordant propostas e menù “a
colori de aràngiu”.
Bosi abetaus, spassiai-sì.
Peppe Garau
Su Sìndigu de Sàrdara

Resultats seniors masculins

Manos de Oro 2014

AGETIVOS E PRONÙMENES DIMOSTRATIVOS Sos agetivos