Saunoaga Faataupou a Sui Usufono 1961-2011
PALEMENE VII
1979-1981
Tofa Hon TUUU FALETOESE
Itumalo Faaalaalafaga:
Siumu
Filifilia:
9 Mati 1979
Tofia ma Fofoga Fetalai:
28 Mati 1979
Faatauto:
28 Mati 1979
Uluai Lauga Faa-Fofoga
Fetalai:
28 Mati 1979
Lau Susuga a le Failautusi a le Fono Aoao Faitulafono
ona o lenei mamalu o le a faaee mai ia te au, ou te ofoina
atu ai ma le loto maulalo a‟u lava i le finagalo o le Fono
Aoao i le faataunuuina o lea itu. Ou te matua talitonu e
mafai ona faataunuuina le galuega tele ua tuuina mai ia
te au ona o la outou lagolago mai i le finagalo malie, e
galulue faatasi atoa ma le fesoasoani mai o sui usufono
mamalu uma o le Fono Aoao. Ou te lagona o se tiute
taua ma le mamalu le auauna atu i le Fono ina ia puipuia
ai aia tatau a vaega toaitiiti ma ia tumau pea faiga
masani o le le faaituau i le saolotoga ma le maopoopoga
o le nofo filemu o lo o sau ai e oo mai i o tatou po.
Lau Susuga ou te ofoina atu ma le loto maulalo au nei i
le Fono Aoao.
Ae ou te lei nofoia le Nofoa e avea ma Fofoga Fetalai o
le Fono Aoao, ou te fia momoli atu lau faafetai tele i sui
usufono mamalu ona o lenei mamalu tele ua outou faia
mo au, o le tuuina mai lea o au i lenei tulaga. Ou te
tautino atu i le Fono Aoao o le Pule a le Fofoga Fetalai e
faamoemoe lea i le lagolago mai ma le finagalo malilie o
sui usufono mamalu uma o lenei Fono Aoao. O le a ou
taumafai i mea uma ina ia maua lo outou lagolago mai
ma le finagalo malie.
Ou te faasilasila atu i le Fono Aoao ua ou faamoemoe
ina ia tuuina atu nei loa lava au i le Ao o le Malo e tusa
ai ma Tulafono Tumau. Ou te faamoemoe o le a matou
malaga faatasi ma le na faatuina au ma le na faaluaina
faapea foi le toatele o sui usufono mamalu e mananao
ina ia aufaatasi ai.
Ou te faasilasila atu ma le faaaloalo o le a faataatia nei
Galuega a le Fono Aoao, ae o le a sauni atu mo le
malaga a Lana Afioga Mamalu O le Ao o le Malo.
Afioga AIILOILO SUA
Itumalo Faaalaalafaga:
Faasaleleaga Nu.4
Filifilia:
9 Mati 1979
Faatauto:
28 Mati 1979
Lauga Faataupou:
5 Tesema 1979
Lau Afioga i le Fofoga
Fetalai, ona o lea ua
maua atu lau faaiuga, e muamua ona ou faafetai i le Atua
ona ua tatou maua foi lenei taeao matagofie i Lona alofa
ona ua toe tauaofia le Maota lenei i sui usufono mamalu
ma lau Afioga i le Fofoga Fetalai . E leai se mea o
faaletonu i le alofa ma le agalelei o le Matai ma ou te
talitonu e faia pea e le Atua mea sili e pei foi ona i ai
lenei taeao fou ma le matagofie. E alu lenei taeao o tatou
viia le Atua ona ua tatou toe faatasi i le manuia e le lava
le viiga o le Atua, ae tau ia o se mea e iloga ai.
Ua ou tulai lau Afioga i le Fofoga Fetalai e fia faaali se
manatu ma se taofi i le Fonotaga i lenei taeao. E
muamua ona ou faafetai i le Afioga i le Minisita o Tupe
ma lana saunoaga matagofie lea ua i luma o le Laulau a
Fono. Ou te le faitio i le matagofie ma le lelei saunia aua
o lo‟u talitonuga lea, ua tali atoa le tausaga o fau le lauga
a le Minisita. E muamua ona ou faatepa lau Afioga i le
Tulafono Tau Faaofi ma le tulaga i a tatou tupe e fia
faaune. O le mea lena e popole ai lo‟u taofi ona o lenei
ua maua e lo‟u sui usufono e tau faaofi lenei Tulafono,
ae ua mae‟a ona faaaoga ia tupe. I lo‟u talitonuga faa-sui
usufono, o se mea e le talafeagai aua foi o lea ua tofia le
Komiti latou te tau faaofi mai lea Tulafono, ae ua uma
ona faaaoga. Ona lagona ai lea e lo‟u sui usufono e
toatasi lo‟u matua le fiafia i lea vaega. Atonu sa faapea
mai foi i ia auga-nofo, ae ua toe fotua‟i mai i lenei auganofo, tulou, e foliga mai o se mea o le a tupu pea. O se
isi manatu vaivai, ou te talosagaina se Tulafono e
faamuta ai ina ia aua ne‟i toe faia lea tulaga. E le gata foi
i lea ua ou tilotilo atu i le pepa lea e i o‟u luma i le
Faatatauina o Tupe o lo‟o i ai le Fuaiupu 8 ma le
Faamatalaga lona 5 – o lo‟o aumai ai se faaupuga
faapea, “Ina ia tuuina atu se pule-faataga a le Maota
lenei ia soloia ai tusi a le Malo, tupe ua le iloa”. O le
aofaiga lea ou te tilotilo atu i ai, e $61,450.29. O le fesili
faamolemole lau Afioga i le Minisita ina ia aumai se tala
auiliili i se taimi o i luma se‟i malamalama ai lo‟u sui
usufono.
O le a agai atu la‟u tautalaga i le tulaga o lo‟o i ai le
Matagaluega o Lafoga. Ou te faaluaina le saunoaga
ananafi i tupe o lo‟o tuusaunoa i tagata faigaluega. Sa
taua e le sui usufono e faapea e $408, a‟o lo‟u talitonuga
e $416. O le mea lava lea na tatou sau a‟i mo tagata
faigaluega uma. O la‟u fesili la faamolemole, e faapefea
ona soifua le tagata faigaluega i lenei $416? I lo‟u
talitonuga, tasi lea mea o lo‟o mafatia ai le tele o tamalii
ma failauga aemaise o auauna a le Malo, ona o le laitiiti
Saunoaga Faataupou a Sui Usufono 1961-2011
o le tupe ua tuusaunoaina. Ou te faaluaina se manatu e
faapea ua uma Niu Sila latou ma a latou fuafuaga, a‟o
lea ua Tutoatasi Samoa. E le‟i talafeagai ea ona sii a‟e i
luga po‟o le $1,000 e faamuta ai le tuusaunoaina mo se
tagata faigaluega o le Malo o Samoa?
O lona lua o mafuaaga o so‟u taofi, i le aso ananafi a‟o
ou talanoa i le alii Asiasi Sili o A‟oga, ae o‟o atu loa se
teine faia‟oga e saili lona totogi. O lana mea e maua e
$30.50 i le lua vaiaso, ae suesue ane o la e fai le lafoga.
O i ina tonu na tupu ai se manatu i lo‟u lava sui usufono,
talofa i le aufaigaluega a le Malo i lo latou mafatia, a‟o
lea lava tatou te silafia ma iloa le faatauvaa o le tupe ua
tuusaunoa, e le lava ai le totogi o se tagata faigaluega e
tausi ai si ana fanau.
Ou te fia tautala i le Matagaluega o Galuega: faafetai
lava i lau Afioga i le Minisita. O fuafuaga i lenei
tausaga, malo lava le galue ma ou te talitonu o lea ua e
saunoa mai o le a fai le vai o Lano. Faafetai, ou te fia
tautala i le Matagaluega o le Malosi tau Eletise. Silasila
lau Afioga i le Fofoga Fetalai, masalo o lea e afio i inei
le Minisita sa fai upu ma le Itumalo lenei o Faasaleleaga
atoa i le fuafuaina o moli. O se mea e faanoanoa ai aua
foi o le faaupuga lea sa fai i luma o Faasaleleaga, o
Novema i le tausaga e 1978 o le a faamumu ai le eletise
mai Salelologa e oo i Pu‟apu‟a. Sa avatu le fautuaga ina
ia galulue nuu uma o Faasaleleaga i lea fuafuaga. Sa tali
ma le faamaoni aua o le Afioga lava i le Minisita sa
saunoa e faaupu mea uma. Peitai ane, o fea nei o i ai le
paoa, o le a le mea ua avatu ai tuu i Tuasivi? Ua maumau
mea aoga a lea Itumalo mai Tuasivi i Pu‟apu‟a. O „ulu
ma niu sa soifua ai ia Itumalo, ua na o le faalalo ma
faaleaogā ae augapiu ma se eletise o mumu ai. O le fesili
faamolemole, o afea la o le a taumafai ai eletise ma
faaoo atu le paoa faamolemole? A fuafua atu i le tau o
mea ua faaleaoga a lea Itumalo, e matua maoa‟e. E mafai
e lea Matagaluega ona toe totogi uma mea aoga ua
faaleagaina i lea galuega ae ua le taunuu?
Lua, sa faigaluega fua afioaga ma alalaafaga i le
taumafaiga e aveese ia mea uma. E amo i ua ona o le a?
O le manatu i le Malo, ae silasila ua agaleaga atu po‟o ua
olegia lenei Itumalo i lea tulaga? O la‟u talosaga ma la‟u
fesili, o afea e mumū ai le Itumalo i se moli eletise? O
lea o le a pala pou na avatu, vaeane le Maota, ae leai lava
se mea ua faagaoioia. Ua lē iloa po‟o fea ua o i ai lea
Matagaluega.
O le Matagaluega o A‟oga: o le mea muamua ou te fia
tautala i ai i le Matagaluega o Aoga o tagata faigaluega.
O faiaoga i la‟u suesuega ma lo‟u talitonuga, o i ina o
lo‟o i ai le puna o le Malo o Samoa mo a taeao. O lo‟u
talitonuga e le o lelei le tausiga ma le faagaoioiga o
tagata faigaluega. Silasila lau Afioga, o lo‟o i ai le mea
lea e tupu. A oo nei ina o le a tuua a‟oga, ona fai lea o le
tusiga o mea a‟oga a tamaiti, aemaise la ou te le tautala i
nuu nei e latalata i le taulaga, ae ou te tautala i Itumalo ia
e i Savaii, Falealili ma Aleipata. O lo‟u iloa i le faiga o
le tusiga o mea a‟oga, e faaopoopo le tupe. Afai o le
tamaitiiti e $2.40 i le matou Itumalo, e faaopoopo lana
$0.30 sene. Sa ou fesili po‟o le a le uiga o lea mea, ae
tali le faia‟oga o le mea lea e pasese ai le Ulu o le A‟oga
e alu e aumai le tusiga o mea a‟oga a tamaiti. O lona
uiga la ua toe pa‟ū foi le mamafatū o le avega i nai
matua vaivai. Lau Afioga i le Fofoga Fetalai, e le mafai
ea e lenei Matagaluega i se tulaga faigofie ona avatu se
taavale e tuu uma i ai mea a‟oga a tamaiti ma mea uma
tau a‟oga, ona faasavali lea i Upolu ma Savaii? Ave i ai
ma se latou totogi, tuu i ai na ona totogi lava ma faalisiti, a‟o la e saofa‟i le faia‟oga ia i lona falea‟oga e fai
aoga a fanau.
Tolu, a sau le faia‟oga ae tuu lona taimi e tatau ona
faaaoga e fai ai a‟oga a tamaiti? O la‟u fautuaga, silasila
toto‟a i lea itu mo le agai i luma. E tatau ona fo‟ia lea
faafitauli i le tausaga fou lea o le a amata nei.
O le itu i le A‟oga Faa-Faia‟oga i tamaiti o lo‟o aooga
ai, o se mea e ootia ma mafatia ai lo‟u loto ona ua o
tamaiti i tua e leai ma se mea e maua, tama ma teine ua o
e galulue faafaia‟oga. O isi e o e vaavaai, ae silasila e
taugata pasi i femalagaaiga. O ai a ia totogia pe afai e
leai se mea a le Malo e ave i le tamaitiiti e totogi ai
femalagaaiga? O le a le mea ua taofia ai alauni o nai
tamaiti sa fai i ia tausaga?
Lau Afioga i le Fofoga Fetalai, ou te lē faitio i le
Matagaluega, ae ou te ta‟u atu o le avega tauave lea a le
Maota lenei ma le Malo, se‟i silasila toto‟a i ai. E le gata
i lea, i la‟u faitau i a‟oga e i ai Vaipouli, Avele, le A‟oga
o Matata Eseese ma le Kolisi o Samoa, na o le fa a‟oga.
Ua le mafai ea e le Malo ona se‟i faapa‟ū ifo i lalo pili o
ia a‟oga? Na o le fa lava a‟oga a Itumalo, ou te talitonu e
le ni pili mea na e i ai a‟o pili lava a le Itumalo, o
meatotino a le Itumalo. O a‟oga ia ua ou matauina na o
le fa lava a‟oga a le Malo ia e i ai. Silasila i le mafatia o
matua i tua, e popoto o latou alo, ae a oo mai loa i a‟oga
ia e faavaivai ai i ina, e tele mea o totogi o mea a‟oga a‟o
le taugata foi o lavalava a‟oga. Ua le iloa e matua po‟o
fea le mea o le a sulufa‟i i ai. Ua maumau isi fanau
popoto ua le taunuu i le sini le faamoemoe talu ai le
vaivai o mea tau tupe. Lau Afioga i le Fofoga Fetalai,
afai ua le mafai e le Malo ona toe soloia, faaafa pili o
tamaiti o ia a‟oga e fa aua le lumanai o le Malo ma le
Atunuu.
O le Matagaluega o Faatoaga: faafetai lava i lea
Matagaluega aoga. O la‟u vaai i le itu lea e ta‟u o Savaii
Sasa‟e, o Salelologa lea. E i ai se tulaga faaletonu
muamua, o le tausaga le la e leai se mea e fai ai lea
Ofisa. A o atu le aufaifaatoaga e su‟e e leai se mea e faia
ai galuega, e pei o se mea e le mautū, ae maua atu e fai i
le fale Samoa. Ua uma lena tausaga oo mai i lenei
tausaga, e toe o atu le aufaifaatoaga ua leai foi le fale lea,
ae ua fai i totonu o le fale‟apa.
Silasila lau Afioga i le Minisita, a saga tuu ai lava faale
iloga faapea lea tulaga? E pei e le o se Matagaluega taua.
O fea le mea sa ou faalogo i ai ae ou te le‟i oo mai i le
Maota sa faapea o le a fai ai le Ofisa o Faatoaga? O lenei
Ofisa o se Ofisa taua, ae silasila i le toatuga ua tulai mai?
O le a le uiga o lea mea o le alu atu o le tagata e Pule ai
fealualuai e leai se mea e nofo ai aua o le potu sa fai ai le
pa o lea ua tuu i ai ma momono i ai, vaeane le paia o le
Saunoaga Faataupou a Sui Usufono 1961-2011
Maota le Ofisa o A‟oga? Silasila toto‟a ane i ai, ua tatau
ona fai se fale lelei e faamautu ai lea vaega. Ou te
tautino atu ana o se papalagi lea e Pule ai, semeamanu ua
leva ona fai le fale papalagi faaneionapo. Silasila i lea
Tulafale o le Atunuu e alu atu e pulea lea vaega, e moe
savali solo ona e leai se fale e nofo ai.
O le tulaga i le popo: lau Afioga i le Fofoga Fetalai, ua
ou le malamalama po‟o le a le tulaga ua i ai le popo a
Samoa. Talu lava ona Tutoatasi le Malo o Samoa, ou te
le‟i faalogo lava faapea ua maua ni tupe mamā a tagata
fai-popo ma tagata fai-koko. O le ponesi, o fea o i ai le
ponesi a tagata aufai-popo ma le aufai-koko, o ai o ona
faaaogaina? Ua fia tausaga talu ona Tutoatasi Samoa ae
e le‟i faia lava lea mea? Aisea? O le a le mea ua taofi ai
tupe mamā a tagata ua tatau ona ave? O le mea lea ua ou
lagona e le o fiafia ai le tele o le aufai-popo ma le aufaikoko. Silasila foi, a fai faaaliga a le Ofisa o Faatoaga ona
ou faalogo lea o faapea, “O Pai ua sili i pauna popo”,
ona ave lea i ai o le fia selau t ā l ā ma lea Itumalo. Oi
talofa, a ave i le mea lautele ae e le o sali popo uma le
Itumalo? O la e galue le tagata fai-popo na o ia lava e i ai
ana pauna popo, a‟o le a le mea o le a ave solo ai? Se tuu
sa‟o tupe a le tagata faifaatoaga e tatau ona maua i ona
aao. Ua faavaivaia tagata sali-popo ona o le lē maua o a
latou tupe mamā e tatau ona maua.
Lau Afioga i le Fofoga Fetalai, o la‟u fautuaga, afai o
se Malo amiotonu lo tatou Malo, fai le mea sa‟o ma fai
le mea tonu. Ave tonu tupe a tagata e tatau ona maua e
tauia ai lo latou afutoto i a latou galuega sa fai.
Sa ou faalogo i se taimi ua leva sa pasia ai le Fale Popo
i Savaii. Ua fia nei tausaga talu ona pasia lea fuafuaga,
ua le faatinoina o le a? E pei ona ta‟ua e sui usufono,
silasila foi i le popo mai Salafai, e sau i Savaii e $32 i le
100 pauna, o le taavale e $30, o le telefoni ma penisini, a
faatusatusa atu ua ova i le $100. Faafetai o lea ua aogā lo
tatou Fale Popo i Tumua nei, ae aisea ua lē fai ai le Fale
Popo ua leva ona pasia mo Salafai ae se‟i avane uma i ai
a matou popo?
O le isi faafitauli o lo‟o i ai i le aufua-popo, a o mai le
aufua-popo mai Savaii e fua i le Nu.2, aisea? E leai se
Asiasi-Popo o i ai. Lau Afioga i le Minisita, aisea ua le
avatu ai se isi vaega a le Au Asiasi-Popo i Savaii e vaaia
le popo i le motu tele i Salfai? A tuu uma la i Apia nei ae
a faapefea Savaii? O le faiga la lea le aumai o le popo
fua i le Nu.2, ae seiloga e aumai i Apia nei ona faatoa
iloa lea po‟o le Nu.1 po‟o le Nu.2 e fua ai popo, a leai
ona tuu lava lea ma le kamupani. O se mea matautia lea
o lo‟o tupu ma e tupu pea lava pea.
Ou te talosaga atu ia tautuana lea tulaga; afai ua le lava
a outou tagata, sue ia lava aua e maua i Savaii nisi tagata
lelei o le Ofisa o Faatoaga e o ane e silasila toto‟a i le
popo ina ia alu tonu le pauna Nu.1 i le tagata fua popo.
Ou te fia tautala i le Ofisa o le Falemai: o lo‟u
talitonuga a matou faitio atu ona faapea mai lea o le
Minisita, e le lava Fomai. I le faasologa o Falemai, o
lo‟o tulaga muamua Motootua i Upolu nei, a‟o Tuasivi e
lona lua. Afai o ni gasegase e mafatia tele ona aumai lea
i Tuasivi. Silasila lau Afioga i le Fofoga Fetalai, a aumai
la i Tuasivi na o le tasi le Fomai la e i ai. Ua na o se lala
e tau ina mapu i ai le motu i Salafai, a‟o le a le mea ua le
faatolu ai, faafa pe faalima ni Fomai ina ia foia ai le
faafitauli o le aumai o gasegase i le mea mamao, ae o
mai fai mai e toe ave i Motootua? O le a le mea o le a toe
ave ai i Motootua, a‟o lea ua tasi le fuafuaga a le
Matagaluega ma le Malo o Tuasivi o le a aumai uma i ai
gasegase mafatia i le motu tele i Salafai? Talofa, ua
mafatia uma Itumalo.
E pei ona ta‟ua e nisi sui usufono, e leai ni Fomai i isi
Falemai. Aisea? O lo‟u talitonuga, e tele Fomai aogā e
le‟i taitai ona faapea ua lē aoga i le galuega, ae ua
faamalolo vave ona o le Tulafono lea e 55 loa tausaga
malolo. A malolo la a‟o lea e manaomia tele Fomai,
Fomai aoga ma Fomai ua afu lo latou soifua i le
galuega? Ua o ese uma le tele o isi Fomai e fai a latou
pisinisi. Ou te fai atu lena mea, o lona uiga e le o lelei le
faagaoioiga a lenei Matagaluega. Lau Afioga i le Fofoga
Fetalai, tautuana le Matagaluega. Ou te talosaga atu, ia
lima ni Fomai e ave i le Falemai lea i Tuasivi e ave uma
i ai gasegase mai Savaii.
Ou te tautala foi i le siitaga o totogi: e matua
lagolagoina e lo‟u sui usufono le siitaga o totogi o tagata
faigaluega ona o lenei le itu. Silasila lau Afioga i le
Fofoga Fetalai i le taugata o le soifuaga, o le eletise ua
taugata, o totogi o telefoni ua taugata ma le suavai ua
taugata. A ola la i le a le tagata faigaluega? O lea ou te
talitonu ua tatau ona ou lagolagoina lea tulaga ma ou te
lagolagona le 30%.
O le isi itu taua e tatau ona silasila toto‟a i ai le Maota
lenei, afai tatou te si‟i totogi o tagata faigaluega, o le tele
foi lena o le tupe maua i a tatou lafoga. Aua e a? Ou te
talitonu o le si‟i i luga o totogi, o le si‟i foi lena i luga o
lafoga a tagata faigaluega. O lona uiga la, o la lava e ola
le Malo i lafoga a tagata faigaluega. O lea ou te matua
talitonu lava e tatau ona si‟i le 30% aua o le a maua ai a
tatou tupe e tele. O le tele o tupe maua a le Ofisa o
Lafoga, o le tele foi lea o tupe e totogi ai uma i tatou
aemaise foi o tupe maua i fua o le laueleele. O lea la ou
te talitonu ai e toe faaopoopoina tupe maua pe afai e toe
fai le si‟itaga o totogi o tagata faigaluega.
Ou te fia tautala i mea ia o Komiti: lau Afioga i le
Fofoga Fetalai, o atinae ia e fai i lo‟u lava talitonuga, tasi
ia tupe ua alu i le Komiti a Pulenuu a‟o lea na o le
nonofo, ae ou te talitonu e le o ni tagata faigaluega a le
Komisi o Galuega a le Malo.
Faafetai lava lau Afioga i le Fofoga Fetalai, i le vaai ma
le matau a lo‟u sui usufono, ua tele galuega ma
feuiuiaiga, a‟o lo‟u talitonuga o le Ofisa a le Palemia o
tagata faigaluega tumau ia a le Malo. O le Ofisa o
Faatoaga o tagata faigaluega tumau foi a le Malo
aemaise o le Ofisa o Tupe o tagata faigaluega tumau foi
ia a le Malo. Silasila la i le mea lea ou te lagona ai le
faanoanoa ma la‟u vaai toto‟a i ai, sau talosaga ave i le
Ofisa o Pulenuu, e le o ni tagata faigaluega tumau a le
Malo. Ina ne‟i ou sese, ae ou te leiloa po‟o fea se
vaegatupe o totogi ai lea vaega, a‟o lo‟u talitonuga i lea
Saunoaga Faataupou a Sui Usufono 1961-2011
mea, ave sa‟o i le Ofisa a le Palemia latou te faatautaia
lea vaega.
O le mea moni lau Afioga i le Fofoga Fetalai, e leai se
malamalamaaga o le Ofisa o Pulenuu i mea tau eleele ma
mea tau lafumanu, vaeane le paia o le Maota, ae na o le
Ofisa o Faatoaga e vave ona latou silafia ia tulaga. Aisea
la le mea o le a maumau ai ia tupe e tele le alu i ia mea,
a‟o lea lava e i ai auala malamalama e tuusa‟o i ai lea
vaega?
Lau Afioga i le Fofoga Fetalai, e fia malamalama lo‟u
sui usufono po‟o gafea o totogi ai lea Ofisa, le Ofisa o
Tinā ma Komiti a Tina lea ua ou faalogo i ai ua tauanau
lea vaega e pei foi ona malie i se saunoaga a se tasi sui
usufono. O tina, na faia lava e le Atua e feasoasoani i
tamā, a o le mea lea ua tupu mai, o le a toe mafatia foi le
tina e toe alu i lea tulaga. Se‟i silasila ane, o lea e manaia
Komiti Tumama ia e i ai. Afai e talosaga, e talosaga sa‟o
mai lava i le Ofisa a le Palemia, o lea foi ou te iloa ua
uma ona fai atinae a isi Komiti Tumama. A silasila i ai, o
le mea ou te fai atu ai i lo‟u lava manatu, o tupe faaaoga
o tupe alu. Fai lea Komiti alu ai na tupe, ae le
malamalama. E sili le aumai i luma o le Maota, aumai
tupe ua alu i ia Komiti. Ou te le lagolagoina ia Komiti,
ma ou te toe faamamafa atu ou te matua le lagolagoina
lava nei Komiti.
Ou te fia tautala i le Ofisa o Femalagaaiga: lau Afioga i
le Fofoga Fetalai, e i ai le toatuga lea ou te iloa ma ou
vaai pea i ai i le mea lea. E $250 lea e totogi e tagata e o
i fafo, aemaise o matua. Ua le mafai e le Malo ona
fesoasoani i lea tulaga ae taofia? O fea foi le mea a maua
ai e nei matua vaivai lea $250 e tuu i le Ofisa lea ona
faatoa matala mai lea e malaga i fafo?
I se manatu i lenei taeao, ou te faapea atu ai ma le
faaaloalo i lau Afioga i le Fofoga Fetalai, o a‟u fautuaga
na ma lo‟u agaga moni, e leai se mea e mafai e
Matagaluega pe a aunoa ma le lagolago i ai o le Malo. O
le Malo ma tatou uma o le Maota nei, o tatou e faaleleia
tagata uma. A mafatia le Maota, sala ina mafatia lo tatou
Maota, ae manumanu i le Atunuu ina ia fo‟ia le oi o lo‟o
alaga mai ai le Atunuu o lo‟o i tuā. Ma lo‟u faaaloalo
lava, ia soifua lava.
Tofa ASIATA SOLOMONA
Itumalo Faaalaalafaga:
Satupaitea
Filifilia:
9 Mati 1979
Faatauto:
28 Mati 1979
Lauga Faataupou:
12 Tesema 1979
Lau Afioga i le Fofoga o
le Fono ma le mamalu o le
Fono, ae ou te lei tautala i sou manatu ua ou
faamoemoeina, e muamua lava ona ou momoli malu atu
le vai afei i le paia o le Fono faapea foi le faafofogaaga a
le atunuu, ia Pule ma Tumua, Ituau ma alataua, Aiga i le
Tai ma le Vaa o Fonoti, ae tainane foi le faafofogaaga i
Le Ao Mamalu o le Malo, le Susuga ia Malietoa, faapea
foi le Tama a Aiga, le afioga ia Tamasese Lealofi IV, e
faapea foi le faafofogaaga i Ulu o Ekalesia e fia i le nofo
a tofi i Susuga i alii Faifeau o loo latou tauasuina le vai o
le ola aua se manuia o Samoa mo a taeao.
E muamua lava ona ou fai atu le upu lea e tupu lava i
lou mafaufau e faapea. O e e folau i le sami, latou te
vaavaai i le silisili ese o galuega a le Atua. o lena upu e
tupu lava i aso uma i lou mafaufau, ma ua avea ma au
mea lololo poo au mea suamalie. Ua oo ai i lenei taimi
ua lagona le fiafia o lou lava tagata pe a ou manatu i le
taeao seia oo i le taimi i le taimi lenei ona ou faapea lea
„faautaga i le silisili ese o le alofa o le Atua‟. Atonu o lea
foi na faapea ai se molimau a se tasi o alii fai salamo: „O
se mea ina a matagofie ma lelei o uso ae nonofo faatasi‟,
aua ou te talitonu e ui ina faapea o Samoa lenei ua avea
ai faipule taitoatasi mai lea itumalo ma lea itumalo ae
ana le seanoa le alofa o le Atua atonu e le maua lenei
toa. Ao le faafofogaaga i nisi o saunoaga poo fetalaiga,
atonu e tatau ona ou faapea e i ai nisi upu o loo sili atu lo
latou malosi, e i ai nisi upu e tiga ai se isi, e i ai nisi upu
foi e mamafa i le faafofoga a nisi. Ae pei ona ou fai atu
ana le seanoa le alofa o le Alii e le maua lenei matagofie.
Ona ua tele naunau lava mataupu ua aofia i saunoaga a
le Maota ona ou faapea lea, e sili ia ona aua ou te tautala
i mataupu ia ae o le a fai sau lauga i le Tusi Paia aua e
fai lou tofi faa-failauga o le Talalelei. O le upu ua ou
mafaufau i ai e faapea „aua foi nei faapei o e e faamalo i
le tofi o le Atua, a ia fai outou ma faaaoao i le lafu
mamoe”. Ona ou manatu lea e sili la pe a aveese le upu
ia faapea „outou‟ ma le „lafu mamoe‟ ae tatau ona faapea
– „aua foi nei faapei o e faamalo i le tofi o le Atua, a ia
avea i tatou ma faaaoao i le atunuu”. Aua foi o lenei o
mea e faia e le Maota lenei, e faapena foi oan faataitai
mai i ai le atunuu. O lenei lava mea o le tofi, tasi lea mea
i lou talitonuga e faamimita tagata, tasi foi lea mea e
faafefete tagata, aua foi tasi lea mea na sese ai Peteru ina
ia faaaoga sese lona malosi ma lona olaga. Ae sa le iloa
e ese le taimi lea e i ai. E pei ua ou aumaia lea upu e le
faapitoa lau tautalaga i se tasi, ae ou te tautala i totonu o
le Maota lenei. Ina nei tele atu lau tautala i le Fono ona
faitioina lea faapea ou te lei sau e fai sau lauga faale-lotu
ao le a faagata ai i. OU te le faafetai atu i lau afioga a le
Fofoga o le Fono ae ou te faafetai i le Atua ona o lona
fesoasoani i lau Afioga ua e maua ai le tofa loloto ma le
faautaga mau ua matafofie ai le taitaiina o le Fono. Ia
viia pea le Alii ona o mea sili ua na faia mo i tatou.
O le Ofisa lea o Femalagaiga. Ao lei amataina e tatau
ona fai le matua o lau lauga e faapea o le Faasao mo a
Taeao. O se mea lava ou te matua lagona ai lou
faanoanoa pe a ou oo atu i le uafu i le mea o loo faaee ai
le pasese e o i Tutuila, a timu le po talofa e i le mamalu o
le atunuu, talofa e i tama ma tina e malaga i Tutuila, ua
ou vaai soo lava i ai ma ua ou lavea ai foi i le mea e
malaga i Tutuila ma ua ou vaai soo lava i ai ua ou lavea
ai foi i le mea lea. Ona faapea ai lea o lau fesili, aisea ua
fiafia ai lenei Matagaluega e fai le faasao mo laau ae a
Saunoaga Faataupou a Sui Usufono 1961-2011
pe afai se faasao mo le soifua o le mamalu o le atunuu?
O le uafu lea e i Apia e timuia lava le mamalu o le
atunuu i le po e malaga ai, a taunuu mai foi vaa muamua
mai Tutuila e pei ona outou silafia poo le 12.00 i le po,
ao le isi o le 2.00 i le vaveao, a taunuu mai la o timu e
faatimu mai lava lea i tai i le uafu o i uta, ui i lalo o pulu
ae a ta vaai atu i ai o tupu ma tamalii o le atunuu. Ona ui
lea o lau fautuaga faapea i le Minisita lea sei silasila lelei
ane lava i ai pe lei tatau ea ona faia loa se fale iina i le itu
lea i sasae poo le itu i tai o le uafu, ma ia faia faalelei
lena uafu i le mea lea o loo pipiii ai le Salamasinas ina ia
faigofie ai ona faaee pasese. O le mea moni toeitiiti lava
oo ina afaina lea o se soifua o se isi o tamalii o le atunuu
aua a fai galuega o vaa o le faiga lenei o le alu o ia mea.
O le mea la lea ou te fautuaina ai le Matagaluega ina ia
faia se fale lelei iina. Ae le gata foi i lea a ou vaavai i alii
o ofisa e aafia i lea mea ou te alofa tele i ai aua a faia a
latou galuega ae timu ua le iloa poo le a faapefea. Ia ua
tuu le pepa i luga o le vae vae atu le paia o le Maota ae
uu le faailoga ma tui i le vae. Atonu e faigata tele ma o i
foi i lou iloa e tau mai ia e le o atoatoa ona faatinoina
mea tatau poo mea totino e faia e le Malo mo le lelei o
ona tagata.
O le Ofisa autu foi e i ai lou talitonuga e tatau ona
manaia o se fale, ia tatau foi ona faia se fale fou, aua o le
fale e tu i le moa o le taulaga. O le tasi lea Matagaluega
o loo tele lana tupe maua aua o le mea lea ua i ai nei ua
$5 i le tusi folau ae $2.50 i le pepa faamaoni. Afai la e
500 tusi folau i le tausaga e tasi sei silasila ane lava i le
tele o le tupe, pe le lei alagatatau ona faia se fale fou a
lea Matagaluega ina ia faamatagofieina ai foi le taulaga.
O se ofisa o le Matagaluega lea i Savaii, o lau faatusa la
lea i le mea lea e i ai nei e faapea vae atu le mamalu o le
Fono ma le au faafogafoga, e pei o se fale matagofie ua
fausia ae tu i se fanua e le lelei ona teuina le vaoa. A
outou silasila la i ai i le tu mai i le manaia o le fale ae a
oo ifo la lau silasila i le fanua ona e inoino loa lea. O lou
talitonuga o le Minisita i le Matagaluega lea o le tama
foi o matou i Savaii, pe aisea ua le silasila ane ai i lea
tulaga. Sa ou vaavaai i le faitau aofai o tagata i Savaii e
65,000 poo sao lau faitau poo sese. O lau la fika i ai i le
tatau ona 500 tagata Savaii e o ese mai Savaii i lea
tausaga e tasi. Afai la o le a fai se fale o ofisa autu i
Savaii, avatu i ai ni ou tagata faigaluega se toalua, atonu
o le mea lena e tau o le faasao mo le soifuaga o le
mamalu o loo i ai i Salafai. O loo ua i ai le Ofisa o
Leoleo i Savaii tasi lea ofisa e galulue faatasi ma le
Ofisa lea o Femalagaiga, o loo ua i ai foi le Ofisa o le
Falemai e galulue faatasi ai. E le iloa la poo le a le mea
ua faigata ai ona fai o lea mea ao la ua i ai uma
Matagaluega i Savaii, silasila la i ai a sau le Savaii i
Apia nei e fai lona pepa pea valaau atu foi i le 2AP, o i la
i lou nuu o Satupaitea, e $6 e sau ai le tagata ma toe foi
atu i ai. A faapea la o le a moe i Apia nei e toe
faaopoopo foi isi tupe. Ae silafia e lau Afioga ma le
mamalu o le Fono a sauni se isi e malaga i nuu mamao
poo Tutuila foi e le toatasi e sau i Apia. Afai la o le a fai
se Ofisa lea i le motu i Savaii ou te talitonu o le a
faafiafiaina ma o le a iloa ai foi o loo tutusa le tausiga a
le Malo ia Upolu ma Savaii ma Manono. O le mea ou te
tau atu lava i lou faamaoni tailo i le oi foi lea sa oi ai
Isaraelu ao pologa ia Aikupito ao le oi lea e i ai i le omai
e fai pepa ma toe o atu e matautia lava le maualuga. O le
mea lea ou te talosagaina ai le Minisita o loo i ai i lea
matagaluega sei silasila lelei ane lava i ai i le mea lea, ua
tatau lava ona faia. O le mea moni ae faia le mea lea i
totonu o le tolu tausaga lenei e le iloa poo oe le isi
Palemia e sosoo atu ai.
O le a oo mai lau tautalaga i le mea lea o le SPDC,
atonu e le o toe po se lilo i lenei kamupani, ma ua tele
naunau tupe ua aumai e fai ai le falemai i Motootua ae
lei taitai ona uma. Sa ou i ai i se tasi aso i le falemai lea
ma sa ou fesili ai i le papalagi, pe faapefea ona faia o
lenei galuega poo le faiga faakonekarate? Ae fai mai le
tala a le alii ia te au, „o le konekarate lea e totogi ma
faaopooopo. Ona ou lagona lea o lou faanoanoa ma ou
faapea ane, ou te ofo foi i e na faia le aiaiga o lenei
feagaiga aua o le mea lea o le totogi ma le faaopoopo na
o le faa-milioneaina o le kamupani. O si au
faamalamalamaga laitiiti e faapea, a faapea nei o le a
faasaga le kamupani lea e faaalu le $1,000 i le aso ae a
loto foi latou e tuu i ai ma le isi 100% o le tupe lea o le a
maua i le aso. Ae a faapefea la le Malo ma le faiga o le
falemai e manao ia uma? O le mea moni lava i lou lava
mafaufau ma le mea ou te iloa e tigaina tatou i le mea lea
ma o nuu mamao e matua aloalosa lava se kamupani poo
se Malo poo soo se isi e manao ae alu atu le kamupani e
fai le fale e manao i se ituaiga feagaiga lea, e matua
fefefe tele ai tagata. O le ala foi lea o le faiaga o tagata
faigaluega, ona ou fai atu lea i le papalagi poo le a le
mea na le fai ai sa latou tau faapitoa mo le fale? Ae fai
mai le tala a le alii e faigata leaga e tele le fale e lavelave
foi le faiga e le mafai ona fai se tau.
O le mea la lea ou te fautuaina ai e moni o le kamupani
lea e i totonu o le Malo ae o lou lava malamalamaga ma
lou mafaufau e leai se tupe e maua mai ai a le Malo ona
o mea la nei. Afai la o le a fai le mea lea o le a totogi le
tupe lea a le kamupani ua alu i laupapa, sima, fao ma
mea uma, ona alu ese lea ao lea la ua totoe nei le $1,000
o le a fai la totogi o tagata faigaluega i le mea lea, aveese
ai ma isi mea la e faaaoga mo le faagaoioiga o le
kamupani. A oo la i le taimi o le a fai le tufatufaga e laki
ae maua se 5% o le tupe faasili o le tausaga i lea galuega.
Na ona ou fautuaina ai lava le Minisita o loo faafeagai
ma lea itu, afai foi o le tulaga lea o loo fai ai auala i
Savaii, o lau talosaga e tatau ona faamuta ae toe suia le
feagaiga pe afai o fai ai auala.
Sa ou maua i se tasi sui o le mea la ua oo i ai nei le
auala faapea o gauta o lou nuu, ua pei o le ula foi lea e
alu i luma see i tua, alu i luma see i tua e faapena le mea
la ua i ai le galuega, ua ou le malamalama la. Ou te
lagona ua ala ona faapena ona o le le faamaoni i le
puleaina o le galuega ina ia vave ona uma.
O le a ou oo mai la i le matagaluega lea o le EPC. O le
tele o vaega o lenei faalapotopotoga ua uma ona saunoa i
ai le mamalu o le Fono, ae pau ia o nai mea ou te fia
Saunoaga Faataupou a Sui Usufono 1961-2011
faasilasila i ai le mamalu o le Fono. O se tasi o alo o le
atunuu pooo se tasi o tamalii o le atunuu ua 4 tausaga o
galue ai ma o lona totogi sa maua e $5,000 i le tausaga. o
lana galuega sa fai o le mea lea o le alii Ofisa e aoaoina
le tulaga o le saogalemu. Ae tei ane ua aumai le papalagi
lea sa pule-lua le isi papalagi e ese le auala na aumai ai.
Ona aumai lea o le papalagi lea ua le avea i le mea na
aumai ai ae avane loa tuu ese le tamalii lea o le atunuu
ae tuu loa i ai le papalagi na faamata la ua talafeagai ai ia
tulaga? O le tamalii lea o le atunuu o se failauga foi o le
sikolasipi o le Malo o Samoa. Sa i ai lona faamoemoe
maualuga e faaaoga lona soifua e tautua ai le Malo o
Samoa. O lana faaupuga o ia ua agai ina musu ona o
tulaga ia ua le iloa la e ia poo le a le mea o le a na faia,
ae tuu ane foi i le loloto o le galuega lea e le
malamalama atoa foi i ai le papalagi i le mea lea. O le
mea la lea ou te talosagaina ai lau afioga a le Minisita o
loo faafeagai ma lea Matagaluega sei e silasila lelei ane
lava i ai aua o se mea faigata le oi o le atunuu se mea ina
faigata mo alo ma tupu ma tamalii i le tele o tausaga ma
aso sa tuua ai o latou nuu ma aiga a e o atu i atunuu
mamao ona o le finagalo o le Malo, ae foi mai e le
manuia tulaga ia e i ai.
O mea ia tau taavale, atonu tasi lea mea ua ala ai ona
taugata ia eletise. I lau lava vaavaai i ai, o nisi o taavale
ua faaaoga lava e nisi e pei o latou lava mea. E i ai
taavale o loo matou vaai i ai ua faaaoga e isi e momoli
atu ai a latou fanau i le aoga. E faapena foi i le faiga o
faatau, o lou talitonuga e i ai lo latou agaga maualuga ma
le faamoemoe e siisii i luga le tau o le eletise ae tuuaiina
le suauu faapea ua taugata. O le tasi lea mea o le a fai ma
alofaga, o le a fai ma olo aemaise lava le kamupani lea,
sei silasila i ai ua oo i luga le tau ua 10.5 le tau ua i ai
nei, o se mea matautia. Ae talu ai nei sa ou i ai foi i
Ausetalia, Niu Sila, o le mea lea sa ou vaavaai i ai ma ou
fesilisili i ai, o le tau o le eletise. Masalo tailo i ai, a
vaavaai i ai ma ou fesilisili i ai, o le tau o le eletise.
Masalo tailo i ai, a vaavaai i ai ma ou fesilisili i ai, o le
tau o le eletise. Masalo tailo i ai, ao le eletise a Samoa ua
numera tasi nei i le lalolagi le taugata. O le mea lea e i ai
e lua lava, tolu masina ma sii, o lea ua 12sene i le unite e
tasi, o le a tauau foi la ina fefefe tagata e pei o nisi o
saunoaga. O le totogi o le tagata togiaso e $2.60 i le aso,
a faatusatusa mai la e tipi le 20sene i le aso e sefe mo le
tau o le pili lea i le lua masina, ua leiloa la pe faapefea
ona fuafua lea mea. na o le fautua atu lava i lau Afioga i
le Minisita ia alofa ane i ai.
O le isi mea o papalagi e i ai, ua ou leiloa pe na
faapefea ona toe faafaigaluega le isi papalagi lea e i ai,
ae na toe foi a e tei ua toe foi mai. Ina nei ou sese ma lau
faalogo ao lea foi o le a toe manao o le a suia le laina
eletise lea e alu atu i Apia i le malae vaalele, ao ia foi lea
sa na faia muamua.
Lau Afioga ma le mamalu o le Fono, sei ou sau taeao
ma aumai le igoa o le papalagi, ou te lei manatuaina ao
la e i totonu o lau tusi.
Faafetai, o le a ou usitai i lau faatonuga o le a faagata ai
foi i lau toe tautala i le EPC.
O le a ou soso mai la i lalo i le Komisi e Pulea Tagata
Faigaluega a le Malo, o le tasi lea Matagaluega o loo ou
faanoanoa i ai, o lau upu e tatau ona fai tasi lea
Matagaluega o loo latou faavevesia tagata faigaluega a le
Malo. O mea nei o sikolasipi a le Malo lea e ave o loo
tofu lava le tagata ma lana matata e ave, o faiaoga,
eletise, inisinia, kamuta o mea uma. O le mea muamua
na tupu, taunuu mai le isi sikolasipi o le tagata poto
faapitoa mo le ofisa lea o Galuega ma Uaealesi, ae
faasalalau lona avanoa i le Ofisa o Fanua ma suafa. O le
a le mea ua fai, ua nofo le Komisi e Pulea Tagata
Faigaluega a le Malo maumai le sikolasipi ma ave faainisinia o leitio i le Ofisa i Mulinuu ae leiloa se mea o
lea mea aua e lei aoga ai. O lana lava aoga na toleni ai i
Niu Sila, o lona faia lea o leitio a le atunuu ma
faasalalauga ina ia lelei, aua nei toe leaga leitio pe a
matagi ma timu aso. Ao lea ua sau nei ua faasaga atu e le
PSC ua le tuua i o i mea na alu ai tupe a le Malo i lea alo
o le atunuu.
O lona lua, o Matagluega e tofu ma lona ulu, ma le isi e
pito i ai ma le isi pito i ai, ao lea la o le a faamavae nei le
Uluo le Matagaluega, ae poo ua fia sefulu ni tausaga o se
failauga poo se tamalii o le atunuu, o lagolago pea i le e
ulu i le Matagaluega. Ae pei ona silafia e lau afioga ma
le mamalu o le Fono, o le e sui i le ulu o se
Matagaluegas, ua ia te ia uma lava le galuega atoa, aua e
i ai le isi taimi e tuua ai le Ulu o le Matagaluega, ae
tauave e le o loo lagolago i ai. E le mafai la ona pe a
faapea o lea ua alu ese lona lua, o le a la le mea e le
aumai ai lona tolu, aua o latou lava na faia tofiga. Ao lea
la ua fai nei le avanoa lea ua faasalalau, o le mea lea na
tupu i le Ofisa o Galuega, na aumai nei le tamaloa e taua
o le alii e Pulea Tupe lea e i ai nei, ita loa le isi failauga
o le atunuu o ia lea sa Tausi Tusi sili ai i le Ofisa o
Galuega, ona ua aumai le papalagi lea e vaaia a o ia lea
ua fia tausaga o ona tausia tupe a le Matagaluega. Ua le
malie loa le tulafale lea ona see mai loa lea o lona lua i ai
na te tausia tusi e oo mai i le aso. Ae tei ua faasalalau le
avanoa, ua le maua e le alii lea le avanoa aua sa tatau
ona sii atu ia i luga, peitai ua aumai le isi fafine mai le isi
Matagaluega e alu ai i le mea lea. Aua silasila lau Afioga
ma le mamalu o le Fono, o le atunuu lenei a fiafia e uma
lava le taimi faigaluega togia o le Malo ae fai lava ia aua
foi la e fiafia. Ae afai e le fiafia, ia talofa i lena
Matagaluega, ua le toe faigaluega lelei le alii lea aua ua
afaina lona finagalo ma o le a fiu la le tagata fou lea ua
aumai e tasitai ona e leai se isi e faalogo i ai. A alu ese
foi lena e toe aumai foi se isi mai se isi Matagaluega, o
le a faapea ai lava nei tamalii o le atunuu. O le mea lea
ou te fia fautuaina ai poo ai le Minisita o i ai i le mea lea,
ou te avatu maumaututu lava, o le mea lea o loo tupu i le
Ofisa o Galuega. O le tamaitai la i le Ofisa o le Tupe o le
sau i ai, o le mea lea lau fautuaga ia outou alolofa ia
tausia a outou Matagaluega, ia maua lefilemu i tagata
uma ma ia maua o latou agaga fiafia e atiae ai a latou
galuega.
O le tasi lea o faalavelave e le o laalaa ai i luga galuega,
ae alu i lalo ona o le le manuia o faatulagaga a le Komisi
Saunoaga Faataupou a Sui Usufono 1961-2011
e Pulea Tagata Faigaluega a le Malo. O e lava oi isi
galuega a faapea o le a alu ese le ulu, e tatau ona sii atu i
ai le isi e pito i ai. O le a maua ai le toafilemu, e faafiafia
ai finagalo mo tagata faigaluega ona lelei lea ona fai o
galuega a lo tatou Malo. O le a filemu foi le Minisita
fiafia le Kapeneta, ae sili ona olioli lePalemen pe a le toe
i ai se mea faaletonu e tupu mai.
O le a ou toe fai atu lava le mea lea o le avanoa fou
lava lea e i le Ofisa o Galuega, le alii Ofisa e Pulea
Tupe, atonu na i ai se tasi o sui usufono na suanoa i ai, sa
fesilisili i le alii lea i le faiga o lana galuega. Masalo pe
silafia e lau Afioga ma le mamalu o le Fono, o le alii na
faigaluega i Tutuila. O le a ou le tautala la i le mea na
sau ai ia i tatou ao le a ou tautala tonu i le mea lea.
Faafetai lava i lau Afioga ma le mamalu o le Fono, o
lenei la alii palagi o lau molimau a tele taimi e nofo ai le
alii lea i le ofisa masalo poo le lua itula i le aso. O au e
masani ona ou alu i ai ma ou vaavaai pea i ai i le alii lea,
ma sa ou galue ai foi iina i isi taimi. E faapea la le
saunoaga a se tasi o uso sa fesili i ai, a faapea le tali a le
alii, e eseese le faiga o tupe a Amerika ma tupe a Samoa.
O lau fesili la, na faapefea ona talia e le Komiti e Pulea
Tagata Faigaluega a le Malo, le alii lenei? O lea e fai
mai e eseese tupe a Amerika ma tupe a Samoa ma atonu
o le Komiti o Tupe o loo i ai se lipoti maumaututu lava
mo lea alii. Sa i ai se tasi aso sa fai ai mea a le matou
Itumalo faa-vaipaipa i Savaii, na aumai lea o pepa mai
luga o le faleoloa sa ou avea i le Ofisa o Tupe ae fai mai
ou te sau e saini le alii lea. Na ou alu lea i ai i le ofisa ae
fai mai le tala a le teine e sili ona e alu i le malae tapolo
e saini ai lau pepa i le aso. Ona ou fai atu lea, oi, manaia
le faiga a le tou ofisa. O le mea la lea ou te fautuaina ai
lava, fetuutuunai lava le tofa ma le faautaga i lau afioga i
le Minisita i le alii lea ina nei oo mai lenei alii i nisi
auala ae tigaina ai tatou.
O mea nei o Kamupani fai oloa ua saunoa i ai le
mamalu o le Maota. O le mea muamua masalo o le 20
tausaga talu ai pe na o le fa lava kamupani sa i ai iinei i
Apia. O mea uma lava e faaaoga e maua ai i fale ia e fa,
ao isi faleoloa na o mea lava tau lavalava ou te iloa sa
masani ona faatau ai e isi; o isi fale na o mea taumafa e
maua ai. Sa toa lava e moni sa maulalo le tau o mea i
lena vaitaimi ao le taimi lenei ou te fai atu, e fai mai o le
tau o mea i o, ae sili le faaopoopo lea e faaopoopo ai e
iinei le tau o mea. Ou te leiloa la poo fai se tulafono a le
Malo e aiaia ai, ao Malo uma lava ma atunuu e matua
faavasega lelei lava lea faleoloa ma lea faleoloa. Afai o
le faleoloa e faatau na o mea taumafa na o mea taumafa
lava, afai o le faleoloa e faatau ai na o mea e faaaoga ai
le fauga o laoa ma maota ona pau lava na o mea e maua
ai. Afai foi o fale e faatau ai na o mea ia o teuga ma mea
faapena, e pau ai lava e oo foi i lavalava ao le mea lea ua
tupu nei a avatu a latou vaegatupe faataga ona faapea lea
ua faatele meaai.
I lou faaaloalo lava i le mamalu o le Fono, e tofu uma
lava fale sima la e faatau ai, aua e le toe faapea o le a ou
alu ia Pīpī poo Nelesoni, Molesi poo Eveni sa masani
ona maua ai sima. O le taimi lenei na ona oso atu lava i
soo se faleoloa, aumai ni au taga sima se fia, aua o le
mea lea ua i ai ou te fai atu e laitiiti mai o, ae pei ua fai
ma le faaopoopoga. O lea la ua nonofo ma fai lea tulaga,
ae tailo i le Minisita o loo ona vaaia poo ua talafeagai ia
mea. O le Komiti o Fefaatauaiga e na o mea taumafa
lava e afaina ai. Ae faapefea la isi mea? O le a le mea ua
le lavea ai mea e fau ai fale, ai ona soloia lea Komiti, aua
o le ala foi lea e tele ai galuega a le Ofisa o
Faamasinoga. E feoai, feoai
aumai momoli lea kamupani, avatu i tai fai mai le
faamasinoga ia solofua e le faamaonia le moliaga. O lau
talosaga ma le fautuaga ia alofa le Minisita ma le Malo
aumai se tulafono e puipuia ai. Afai lava na o le faleoloa
e manao i lavalava, ia aiaia lelei se tulafono atonu o se
auala lena e maua ai se tatou fesoasoani, aua o lea ua lao
uma lava. O le isi mea ia i ai le tulafono ina ia puipuia le
tau o mea uma lava, „aua le faapea na o mea taumafa
leaga e le na o mea taumafa e faaaoga e le atunuu. O lea
foi e mananao e fau maota ma laoa, e oo i lavalava ma
mea uma e faaaoga e le tagata mo lona soifuaga e
faalelei ai ma isi mea.
O le mea lea ua taua o oloa sii atoa sa saunoa i ai nisi
sui. Na ou lavea ai foi i le tausaga lea na tea nei, na ou
sau vaeatu le mamalu o le Fono e sue ni au taga suka, ae
fai mai le pule o oloa sii atoa se malie lava Asiata, e le o
faataua le vaega o oloa sii atoa a matou, o la ua i luma
uma o le faleoloa. Ona ou fai atu lea, o le a le mea ua
ave uma ai i le faleoloa ao lea e faatau pusa-apa ma isi
mea i oloa sii atoa ae fai mai o le faatonuga a le Pule. O
lau fesili, poo se mea ua talafeagai lea mea? A vaai atu
loa le Pule ua laitiiti taga sima pe toe 20 oan le toe
faaaogaina lea o oloa sii atoa, ao lea ua ave i luma e
faatau taitasi ai. O lea ua ou faatauina le taga suka i le
tau a le Malo lea ua faatau ai i tagata tua. A faapea la o
au e fai lou faleoloa o le a la le tau o le a ou faatauina ai i
Savaii? O se mea matautia lava lena ma o lau molimau e
le atoaina uma ai kamupani i le amio lea. Leai, e pei na o
le 3 lava kamupani lea ou te mautinoa e aafia ai i le faiga
lea. Ao isi kamupani o loo tausisi lava latou a uma lava
oloa sii atoa ua uma lava, ae le faia le togafiti lea o le tuu
i i, ae ave i luma ae maua ai lana tupe tele.
Faafetai lava i lau Afioga ma le mamalu o le Fono, e fai
le malologa o loo i ai i le oloa sii atoa. E faaiu atu ai lau
tautalaga i le mataupu lea ma lau fautuaga, afai ua le
faamaoni pe fiafia nei kamupani i oloa sii atoa o loo i ai
nei e faatau uma ai a latou oloa nai lo le ave pe a laitiiti
faatau i tai, ua tatau ona taofia loa. Aua le toe faataua e
latou ni oloa sii atoa ao la e i ai isi kamupani e mafai ona
latou faia. O lau fautuaga la lena i ai.
A silasila i le fale lea ua i ai apa ato fale, sai ai lou
manatu e i ai se puipuiga o lea kamupani aua o le
kamupani lea o le autu moni lava e na o le faia o apa ma
faatau atu i le kamupani ma latou faatau atu i le mamalu
o le atunuu. Ao le mea lea ua i ai ua latou faatauina foi e
latou, afai la ua latou faatauina e tatau la ona latou
faatauina mai tagata taitoatasi i le tau o le fale gaosimea.
Ae le o le faatau foi e i latou i le tau lea e faatau ai e
kamupani. Ua le talafeagai la mo tulafono o le
Saunoaga Faataupou a Sui Usufono 1961-2011
Fefaatauaiga ma tulafono tau Fale Gaosimea. E le tatau
ona faatauina e le kamupani lea apa i tagata lautele. Afai
la o le a latou faatauina, e tatau la ona tuu i ai le tulafono
e faatau la e latou i le tau i totonu lava o le fale la e fai ai
apa. Ia tutusa ma le tau o loo latou faatauina ai i
kamupani. O lau fautuaga sei slasila totoa ane lava i ai le
Minisita lea ae tatau ona faasao, e tatau ona fai ia lelei ia
fiafia ai itu e lua ma malilie ai foi le atunuu.
O le tau o oloa o lau talosaga i le Malo, afai ua mafai e
le Malo ona fesoasoani i nisi o mea mo le atiae aisea o le
a le mafai ai ona fesoasoani i le tau o oloa i Savaii. I lou
mafaufau, afai o oloa ia e aumai fafo o le latou tiute e
42%, e le mafai la e le Malo ona faapau oloa mo Savaii i
le 5% poo le 7½%? e faatatau ina ia kava ai le lau atu o
oloa iinei i Savaii. Ao le autu moni o lou manatu, afai e
faatau le apa eleni, tulou le mamalu o le Fono, iinei e
45sene, e tatau foi ona faatau Savaii i le 45sene. Afai e
faigata le fetuunaiga o pasene e tatau la ona fesoasoani le
Malo i le va lea. Aua o le mea moni afai o le a tasi le tau
ia Upolu ma Savaii, o le a leai se vevesi o le a mama foi
galuega a le Malo. Ona i ai lea o lau fautuaga faapea, a
silasila ane i ai le Minisita e pei e faigofie lena.
O lea foi ua i ai vaa o le Malo e fesoasoani ai ia Savaii
aua o le mea moni a omai, o le taavale lava a Pai e
taitaiina, a ta sau iinei ma aumai lau taavale ma le uta e
aumai iinei e $19 e totogi. Afai la o lau faatatau e lau foi
ni mea pea toe foi i le matou nuu lea e lata mai i
Faasaleleaga, ona toe totogi foi le isi $19. A ta nofo la
ma fetuutuunai le taimi lea i le totogi o le tama na matou
omai i Apia nei, o lona uiga pe lima, ono sene o le a
faaopoopo i le mea e tasi. A omai la le mmalu o le matou
nuu e faatau ua taugata. E pei la o lau fautauga lenei ae
afai la le fesoasoani lea a le Malo mo le felauaiga atu o
iinei i Savaii atonu e sili pe a faataitai ini masina se lua
poo se tolu ma vaai ai pe lelei pe leaga.
O le a ou oo mai la i le Falemeli. O lau fesili muamua
la, poo faaaoga le suauu i mea ia o pusameli, aua e pei
ona silafia e lau Afioga faapea le mamalu o le Fono,
masalo o pusa meli ia e i le falemeli, o nisi o pusa ua
atoa le 30 tausaga poo ua sili atu lava. O lau matau la e
$5 i le pusa sa i ai. Ua ou le malamalama la i ai poo le a
tuuai i le suauu. O pusa ua leva na fai ao lea foi ua toe
aumai nei pili ua $7.50, ua matua nunumi lava lou
mafaufau poo le a le mea ua sii ai pusameli. Ae silasila
foi lau afioga, a leaga le loka pe leiloa le ki o le
pusameli, ou te alu lava au e faatau mai le loka fou, e
leai lava se mea a le aulii lea e faia i ai. Na pau lava le
mea e fai na o le tuu o tusi i totonu o pusa alu atu ita ki
ma aumai lata tusi. O le a ea le mea e soona fai ai faapea
tatou? Afai ua maualuga le tau o le suauu sei fai toatoa
lava, silasila i le mea ua oo i ai le atunuu e faigata. O lea
foi e oi le atunuu i le telefoni, atonu foi e aoga ona o lena
e faaaoga i ai le suauu, ao lenei lava mea o pusameli o
lau talosaga lava ia toe faapau i lalo ma aveese le isi
$2.50. A silasila ia tatou siitaga e 2,000 pusameli tusa e
$10,000 i le tausaga, tuu atu ai ma le $7.50, toe
faaopoopo atu i ai ma le isi afe lena vaai la ua tele afe. O
lau fautuaga ia alofa le Minisita o loo vaaia lea
Matagaluega sei fesoasoani ane i le atunuu. o le mea e
tatau ona taatia ai faapea ae aua le avea le suauu ma mea
e tuuaiina i ai isi mau mea e le tatau ona aafia ai.
Ia silasila foi i telefoni e pei lava e malie lava i nisi ae
413 lea e totogi e ta ita i le lua masina. O le sii lava ia
kiliki le mea, .04sene, a umi na talanoa ua .04sene. Ua
ou le malamalama la poo le a le mea e faaaoga i ai le $13
lea, ao lea foi e toe faaaoga foi le mea lea e kiliki faapea
pea sii i luga le telefoni. O le tasi aso sa ou alu atu ai ma
finau i ai, vae atu lava le mamalu o le Fono, sa ou
telefoni i le tama i Savaii e fai la si mamao o le matou
fale ma le mea e i ai le telefoni. Ona ou fai atu lea i le
tamaitai o le a tuli e le aiga se isi i le matou aiga, e sau se
isi i le telefoni, ona ou fai atu lea o le a tuu i lalo i lalo
lau telefoni ae a taunuu ane le tagata ona telefoni mai lea
ao lea ua tusi ia te au le telefoni. Ae tei ua fai mai le tali
e le mafai, a tuu i lalo ae toe alu ane le tgata o loo i
Savaii e toe totogi foi le isi 20sene. Ua ou le
malamalama la pe faapefea oan fuafua ia mea, ao lea foi
e i ai lau $13 e totogi i luga atu o lena mea.
o le mea lea o Falepopo. O le tasi lenei o mea o loo oi
ai le matou motu. E i ai lou talitonuga ua faalua ona
pasia e le Maota i tausaga ua mavae o le a fai le falepopo
i Salelologa. o le mea moni ou te fia fesili i le alii
Minisita pe aisea ua le faia ai? Ae a ou vaavaai i le Tala
o le Tupe mai le 1977 i le 1978, o le matua tele lava o le
tupe, e tele naunau le tupe. Ia tailo nei ou sese ae ou te
iloa e tele tupe ia e tipi e le Ofisa lea o le Komiti Faatino
o le Popo. E i ai lou talitonuga ao lei alu ese atu le vaa
ma Samoa nei ma le popo e i ai le pasene latou te tipia
pe 4% ea pe 3% faatatau la ma o le va o Samoa ma le
nuu lea o le a ave i ai. A taunuu atu la le popo e leai se
tulaga o le a afaina tele ai. O lona uiga e maua le isi tupe
tele mai le 4% lea, ou te iloa foi e pei ona sa ma talanoa
ai ma se isi e tipi foi le isi 12% ma le isi foi 12½% e le
Komiti Faatino lava lea. O lau fesili la, o fea ea le mea o
alu i ai lenei mau pasene e tipi e le Komiti lenei, o lea
toeitiiti lava au i le 20%, ao le faaletonu laitiiti e pau le
tau o le popo. Ou te fiafia lava la pe ana faapea e tipi e
faasao aua le va o tatou ma nuu i fafo ina ia tumau pea i
le $15 le tau o le popo aua le toe pau. Aumai le tupe lea
e ave e lagoalgo ai lea mea, a oo foi ua toe faapena mai
fafo ia oso i luga, o la lava e tumau pea le tatou tupe lea.
O lau fesili i le alii Minisita, e a pe a aumai la tupe ia i
tausaga e sefulu ua mavae e tipi ae avatu e fai ai lo
matou falepopo i Salelologa seia foi ai le oi o tagata i
Savaii? Sa ou vaavaai i le tausaga o le popo na tea nei,
na pau le puana popo a Savaii a ua maualuga le pauna a
Upolu nei. O le tali o lea mea ua tu mai ia te au ua
augatata tagata Savaii ona o le faigata o auala ae augofie
tagata Upolu oan o le faigofie ma matagofie o auala. O
le la foi o le a lelei auala o Savaii ae a tuu ane la i le mea
lea o le avane i kamupani i o o le mea moni o nisi o
faioloa i o e oi tele i lena mea. A umi ona tuu i le fale
popo e alu atu ua fai mai ua selau pauna ua leiloa ua alu i
le mei. A aumai sao foi e pei a ona ou fai atu e $19 le tau
ae lei i ai se penisini, e le o i ai foi le leaga toesea o
taavale. E tele a mea e le o i ai, ae na o le $19 lava le
Saunoaga Faataupou a Sui Usufono 1961-2011
totogi lava o le vaa. O lau fautuaga m lau talosaga i le
Minisita lenei sei e alofa fesoasoani ane, fai se tatou
falepopo i Savaii, o le tasi lea mea ou te tau atu o iina e
faaatoatoa ma taunuu ai le upu faa-Samoa foi lea ua atoa
tino o Vaatausili. a faapea lava Savaii poo le a lava le alu
o le Malo e le atoa pe a le taufai atiae tutusa Savaii ma
Upolu, o lau talosaga o le Minisita lea e tatau ona fai o
se Komisi Suesue e suesueina le kamupani leneii le
Komiti lea i le Ofisa. Aua o le tele o le mamalu o le
Komiti e na ona omai a foi e le Komiti faasologa ma
gaoioiga o loo fai ai e le Ofisa lea le mataupu.
O le a ou oo mai la i le NPF. Ua ala ona ou tautala i le
NPF ona o lea ua ou vaai atu nei o lea e taatia i ou
talanae le lipoti lea o le 1976 ma le 1977. A ua ou faitau
atu i le lipoti o le 1976 ma le 1977, e tutusa lelei lava
upu ia e i ai, o lea e saini ai i lalo le Suetusi a le Malo. O
le faaletonu ona o le faatamala o le NPF, e leai se tusi o
faamaumaua ai mo mea o tupe. A outou silasila lelei ane
i ai i le Lipoti lena a le Suetusi i le 1976 ma le 1977 e
matua tutusa lelei lava upu. O lau fesili la pe ai se a ua
faapea ai ona fai e le Pule o le NPF nei mea. O lau
faaupuga e tatau ona tuu i ai o le soona fai poo le le
faautauta ofi o le Pule, atonu foi ua ou tau manatu ai pe
ona o le tele o ia mau mea sa fai i ia taimi. Aua a moni
lou manatu na faatau e le NPF le fale tuai o Koki ona oo
ane lea i isi feuiaiga o lea ua maua e le Malo, toe silafia
lelei lava e le Pule o le NFP o lea o le a amata le fale fou
e pei ona outou silasila i ai o loo ua tu nei. Ae toe o ese
lava ma le mea tuai lea sa i ai, ae toe o foi lisi le fale fou
o Koki. O se mea matautia lava ua tulai mai ae le o ni
tupe a le alii lea o tupe a le atunuu. A outou silasila lelei
i le oi o tagata faigaleuga, ao lea e tipi lava le NPF, ae fai
mai le faaupuga sei vagana ua atoa lou 55 tausaga ona
faatoa mafai lea ona tala mai i tua ao lea la e taalo ai le
alii lea i le tupe.
A outou silasila la i ai i le tupe lea e faaalu nei nei ou
sese, ae faasao mai au faapea pe $5 i le sikuea futu. O se
matua tupe lava ou te le iloa, ou te fai atu e leitioa tata
soo mai i le leitio. E o tagata faigaluega i kamupani na
faigaluega ai e avatu le faamaoniga o a latou tupe atonu
la o tupe a nei tagata ua ala ona nunumi faapea ona o le
faiga o mea nei e felavasai faapea i lalo. E pei ona maua
se saunoaga a se tasi o sui, e ala ona faapea o le
faaputuga o mea ona o loo i ai mea i lalo. Na ona ou tau
atu o le saunoaga a le sui lena, ao le a faapena lava, o loo
ua i ai ma le aufaigaluega fou ou te leiloa pe se
aufaigaluega fou pe na o le Pule. Ua tatau i le Malo ona
sei suesue lelei lava lenei mea, poo o le a le mea ua
soona fai ai faapea. o le a le mea na le nonofo ai pea le
NPF i le fale tuai lea o Polo, aua ou te iloa sa laitiiti le
lisi o le fale a ua toe laga lava i o i lea mea, ao lea ua alu
i ai le isi selau lua sefulu afe ea pe fia le tau.
O lau fautuaga i le Minisita ina ia alofa o loo i ai ma
sailisili ane, e i ai lau fuatuaga i le mea lenei ia alofa le
alii Minisita sei aumai le lisi o e o loo i ai latou
nogatupe, amata mai i le $20,000 e oo i luga i le selau
ma ona tupu afe. Ona o mafuaaga nei ou te fai atu ai, ua
oi le atunuu. A o atu e manao i ni tupe ae fai mai e le
mafai o le „policy a le NPF e $20,000. Afai atu foi la i le
$20,000 ae fai mai e le lava le puipuiga e faamau ai, e
maua ea i fea e le Samoa lena mea sei vagana lava le o
loo i ai mea. O le manatu la o le NPF o le ua tele mea o
le a saga faafaulai lava i ai mea, ae faapefea le atunuu lea
e mafatia, e pei a ona faaali e nisi o sui. E lelei le faifai
malie, e lelei le fai felagolagomai ma le fevaaiai e tupu
ai le manuia. O le mea lea o le ave lava e le isi e lau ma
lau lava e tagata maumea ae faapefea ea matou nei e
totogi a matou NPF ae leai ni o matou fanua poo nisi
mea e faamau ai matou nonogatupe e au i se $20,000.
O lau fautuaga lava ia alolofa e pei ona malie i nisi o
sui, tuutuu ifo lava i lalo tuu i lalo poo le $5,000 poo le
$2,000 fuafua i le auvaivai, ae sili ai pe a tuu i lalo i le
$1,000 e faatatau i le auvaivai, manatua e i ai le isi upu o
le a ou tau atua, e lelei le tagata saosaoa ona toe
faateletelegese mai i tua ae le mafai e le tagata telegese
ona na tulia le tagata saosaosa. O le mea la lea ou te fai
atu ai, taumafai tatou e fesoasoani ia i matou nei vaivai,
ina ia mafai ni a matou nonogatupe tai $1,000
faasolosolo atu ai. Ae oo lava i ai i luga o le $20,000 pe
afai o le a fesoasoani mai le Malo poo le NPF ia matou e
vaivai e tuutuu atu ai i luga lo matou faamoemoe ina ia
atiae ai, atonu e faatamala tagata e pei o matou e vaivai,
ao lau upu moni e sili atu ona fefe i le falepuipui, e fefe
foi e vaai atu ua tu mai le Minisita poo ai, ona fefe lea. E
faanatinati foi la le totogiinha o na mea, o lau fautuaga
lena ina ia silasila ane lava i ai le Minisita poo le a le
mea ua faapea ai ona soona fai nei mea e le NPF.
O le a ou oo i le Soifua Maloloina. E le tele a sau
tautalaga pau a o lea o lau fautuaga i lau Afioga, ia e
alofa o loo i ai le numera 6 i Motootua, o lena numera e
silafia lelei e lau afioga ma le mamalu o le Fono o
gasegase tigaina uma lava e i ai. Ae a outou silasila i ai,
ua outou silafia lelei le atunuu lenei e pei o le tasi upu, o
au o matua o fanau. E faapena foi la i fanau i matua, o
lau tala lava ia te au, i le tausaga e 1965 sa i ai lou tama
tulou le paia o le Maota i le fale lea. E matou te momoe i
fafo i lalo o le pulu ma matou aai ai foi i lalo o le pulu.
Poo le a lava le mea e oo mai ao le mea taua sa i o matou
loto matou te fia vaavaai atu a i totonu o le fale lea e i ai
lo matou tama, pe timuia pe laina pe fia ai ma fia inu ae
le o ese aua foi o le agaga o le fanau o matua. O lea la ou
te talosagaina ai le afioga i le alii Minisita pe finagalo
malie ae fai sina fale i se mea o iina e mapu i ai le
mamalu o le atunuu. O le mea moni lava e faasa tagata
tausimai ae le mafai ona o ese mai ai ma matua poo
fanau foi i lalo o le pule lea.
O le Ofisa lea o Faataoaga. E faapena foi e le tele foi
sau lauga i le Ofisa lea o Faatoaga, ae na o lau fautuaga.
E pei ona silafia e lau Afioga i le Minisita o loo i ai nei
pulenuu ma ua tofu a le nuu ma le pulenuu. Ao lau
matamata la i le vaega lea o le sue manu ainiu, o lau
fautuaga la e a pea tuu ese le vaega o le sue manu ainiu,
aua ou te tau atu lava i luma o lau Afioga ma le mamalu
o le Fono e maumau ai tupe. Ae sili ai ona fai pea le
galuega lea a le pulenuu i aso Gafua uma tai lima manu,
Saunoaga Faataupou a Sui Usufono 1961-2011
vaeatu le mamalu o le Fono ma lau Afioga. O lau
fautuaga lena i lau Afioga i le Minisita o Faatoaga.
Lau Afioga i le Minisita o Galuega. O le mea muamua
lava, atonu e te le o silafia o mea nei o vai e vili i
alaalafaga taitasi. O lau fautuaga la o mea foi nei o pamu
ua tele vaeatu le mamalu o le Maota. A avatu e faapipii e
le aufaigaluega a outou ona avatu lea tuu muamua i lalo i
le tolu selau ma ona tupu futu. Ae o atu tama o le Vaai
Fetu ua sei ae i luga le pamu. O le faamatalaga la ia te au
e se tasi e faigaluega i le vaai fetu o le isi pamu na sei ae
i luga ua le aoga aua ua maulalo tele le mea na pau i ai.
O le ala foi leao le tupu o le fetoai o le palama a le Ofisa
o Galuega ma le papalagi Pule o le fale laupapa lea e i
Asau. o le faalavelave a lea e tasi. E o atu e faapipii le
pamu ae o atu foi tuu i lalo ae le faapipiia le pamu, e
faafoi mai la le pamu ina ua sei ae i luga ua puupuu. O le
ala lena na tupu ai le faalavelave i mea na o pamu ona o
le le mataalia o le alii palagi lena e i ai i Savaii e taitaia
le au palama. E pei ou te iloa o ia a lena e faapitoa i le
faapipiina o mea ia o pamu.
O le isi au fautuaga o mea nei o fale fono a le Ofisa o
Galuega. o lau fautuaga la i lau Afioga, pe a pea avane
fale na e tuu i tua e faa-konekalate aua o lea ua e silafia e
tele naunau konekalate lelei a alo o le atunuu, o nisi foi o
tamalii ma failauga. ua ou fuafua atu i tau o fale a outou
la i Fagalii ua maoae tele le tau o fale. Ona ou nofo lea
ma fai lau tusitusiga laitiiti a faapea e tuu i se kamupani
tua le fale e $20,000 i le tolu potu moe, atonu e fetaui
lelei lava lena. O lena la fale e pule ai lava le kamupani
lea, a uma ai a le fale i le $20,000 ina ia maua lana
polofiti. Afai e le maua ua leai, ou te iloa o fale o loo i
Fagalii ua au i le $33,0000. Ua ou le malamalama la pe
faapfea oan fai, ao lau sailiga ma lau suesuega, toeitiiti
lava tutusa le tau o mea e fai ai le fale ma le totogi o
leipa. Masalo pe na o le 4½% e eseese ai le tua o mea ma
le tau o le isi. O lau fautauga la a faataitai i nai fale se
lua, poo ai le kamupani fau fale a ttou o i ai ae tuu i ai se
tau e faafinagaloina e lau Afioga ma le matagaluega, ua
sili atu lena. Atonu o iina e te silafia ai le taugofie toe
filemu ai foi ma lou finagalo.
O le isi la lea mea o le a ou oo atu i ai, o le mea lenei o
le palau lea e tau nei e tatou. Ae sili oan ou fai atu e
aveese le igoa lea o le palau ae tatau ona tau i ai faapea o
le enisini ma lana pusa e ave e lau ai uta a tagata. E
silafia e lau Afioga i le Minisita e le o i ai ni mea foi ia e
suaina le eleelem, na ou fesili ae fai mai e lei oo mai ao
le aoga lea e tufa ai na o le lauga o uta. Ae silasila i ai i
le tau lea e totogi ai ua fai lava sina maoae tele, e a la pe
a toe fuafua sei oo mai ia totogi ia o le masina lea, ona
toe faaaoga lea o le latou tau fuafuaina lea. Ae sili pe a
avane ae togi uta, aua o lea e totogi itula nei le mea lea,
fai mai e $3.50 ea i le iutla. E oo ia maotu e uma le iutla
e lei oo i uta vae atu lau Afioga ma le mamalu o le Fono,
ae alu aumai na o le uta. O lau talosaga pe a malie i ai le
Ofisa lea lau AFioga i le Minisita, ae toe tuu la outou
totogi lea sei oo mai totoga o le palau, ona faaauau lea.
Ao le taimi lenei, e tatau ona togi uta. O le mea moni
lava ou te tau atu e au, e le tatau ona totogia aua o
meaalofa na aumai mai fafo. Sa fai mai se tasi o le Ofisa
o Pulenuu e le aoga le palaau ae le toe maua se isi palau.
Ona ou fai atu lea i ai, e le o le agaga lena na
faameaalofa mai ai masini mai Ausetalia. O le agaga na
aumai ai masini ina ia maua e tagata le fesoasoani ae le o
le toe maua ai nisi palau se fia ma se fia, e leai. O le mea
la lea e talosagaina ai poo lau fautauga ia alofa ane ae
toe fesuiai, aua e le iloa pe oo mai ni totoga o na mea pe
leai ao lea lava ua totogi i le totogi lea e i ai mea ia.
O mea nei o faleaoga. Lau Afioga i le Minisita, ou te le
tetee lava i se mea e tasi. Ona pau a lea o le mea lea ou
te fautuaina ai lau afioga, atonu na fai e te lei oo atu i le
Ofisa. O mea nei o ata o faleaoga, atonu ua sialfia e lau
Afioga ma le mamalu o le Fono, ua i ai ata ua uma ona
faia, ua faatulagaina lava e le aualii, tolu sefulu i le
luasefulu ma le valu i le poti e tasi. Ua i ai le potu e tasi,
ua i ai potu e lua, faapena foi ma le fale fogafale lua. O
tau o ia fale o le fale e tolu potu ae fogafale-a-lalo e
$40,000 ma le faaupuga a le Ofisa lea ia faaaoga ata na i
nuu uma e fai faleaoga. o le a taumafai ia aua nei toe
faaaogaina ia fausaga tuai ae faaaoga lava nei ata.
O lau talosaga a omai foi nuu e talosaga i le NPF i se
$40,000 e le mafai, fai mai leaga o mea faitele. A omai
foi talosaga i le Ofisa o le Atiina Ae, o nisi e mafai ao
nisi e le mafai. O le mea la lea ou te talosaga ua taugata
tele ata. O ata o loo i ai i fale fogaflelua e le talia le fola
laupapa, ae na o le fola sima. O lau fautuaga la i lau
Afioga, sei e toe silasila ane lava i ai i le mea lena. E
lelei le fuafua i le malosi o le tagata ae leaga o le
faamalie o le finagalo o lo outou ofisa, ae oi ai le atunuu.
Faafetai lava sa ou faapea lava au e le faauilavea le
afioga i le alii Minisita, sa tatau ona musumusu mai ia te
au ona ou sau lea taeao ma se ata e matamata ai, ona
talitonu ai lea i lau faamatalaga. Ae o le mea moni a lena
ma o loo i ai nei foi ata i le Ofisa o le au tusiata a le
Ofisa o Galuega. O ia ata na ala ona fai o le talosaga a le
Ofisa o Aoga, e lei tusia fua e le au tusiata a le Malo. O
lau talosaga ae sei silasila totoa ane lava i ai, talia le fola
laupapa o fale fogafale lua, atonu e fesoasonai i nuu ma
fesoasoani i le vaivai i lenei vaitaimi. O le isi mea e tatau
ona faataga pea tusi lava nai ata e lelei ma malosi e pei o
le tulafono aotnu e sili atu lena ona manaia.
O le mea lea i le Ofisa o Faamasinoga. Ou te talitonu o
le tausaga lea poo le tausaga ea na tea nei, sa mata ai ona
faatu le pule a le alii lea Resitara i suafa matai. A ou
tilotilo pea i le pepa o lau faitauga i le isi nuu i o latou
suafa matai ua aumai nei i pepa, ua au i le 800. O le
fesili i lou mafaufau poo fea la o i ai le tulafono lea, pe
na amata lava e le alii Resitara faapea a ova atu loa i le
tolu tagata e umia le suafa matai e tasi, ua i ai le aia tatau
a le Resitara e tuuina atu ai i luma o le Faamasinoga ma
ia soloia ai. Ao lea la ua faasolosolo mai nei, e mafua lou
manatu e tatau ona fai i ai lea malosi poo lea tulafono, ae
lei oo ina tigaina tele le tagata. o lea lava e silafia e lea
Ofisa ma ia aua ai foi nei faapalapalaina pepa a le ofisa.
O le mea moni e pei ona ou fai atu o le nuu lea ua ova
atu poo le tai 50 i le matai e tasi. Poo ua le mafai ea la
ona faaaoga loa le tulafono i le taimi lea, nai lo le tuu atu
Saunoaga Faataupou a Sui Usufono 1961-2011
ona pei foi lea o le mea lea na tupu na semeamanu e oo i
nisi tulaga, aua ua oso mai le ma o tagata. Ua leva foi
ona fai ana mea faalenuu ma ana mea faalelotu ae o le a
toe momotu atu faafuasei. O lau fautuaga i le Minisita
lea o Faamasinoga, afai loa ua faasolo mai faapea le
aluga e tatau loa ona taofi ai ae lei oo atu lea tagata i
totonu o faiga upu ma faaalu foi lona malosi i ana mea
faale-mii ma faale-lotu.
E faauma atu ai lau lauga i lau fautuaga e faapenei,
atonu o le mea a lenei na tupu talu mai le amataga o le
Malo lenei o Samoa. E faapenei a le matou avatu, pese
atu, vaeatu le mamalu o le Fono ma lau atu. Ona oo lea i
le taimi ua uma ae tali Minisita ona faapea lea o se isi
malie lou finagalo ua uma ona avatu i luma o le Fono le
Tala o le Tupe Faaalu o le tausaga. Ou te talitonu e pei e
le aoga ia matou lauga nei, e le aoga foi ia matou
fautauga nei. Ae le mafai e le Minisita ona toe alo ai pea
faataunuu le mea lenei matou te fai atu ai, aua e leaga o
la ua uma ona fuafua lelei. O lau talosaga la ma lau
fautuaga i le Mota, pe a pe a tuu mai se tulafono, ae tatau
ona tatou faapenei muamua ona tau atu lea o le mea e
finagalo i ai le Palemen ma fuafua i ai, ona faatoa fai loa
lea o le Tala Faatatau o le Tupe. A oo atu loa i le isi ana
fonotaga aumai ai loa i luma, atonu o iina e
faamamaavega foi ma o le a le toe i ai se feseeseaiga o le
Palemia ma Minisita ma le mamalu o le Palemene. A
tago la le Minisita e toe tuu ese le isi mea la ua uma ona
fuafuaina ae fai le isi mea ua ou tee foi aua o le a fai le
mea a le isi faipule ao lea foi ua le faia le mea lea ou te
loto au i ai. Ae pei la e na o lau fautuaga lena e faauma
atu ai lau lauga, pe a ae fau se tulafono ae faaupu ai
faapenei iina. Ia muamua ona tatou penei ia ona tuu atu
lea fuafua mai, aumai le Tala o le Tupe ia pasia, avatu,
galulue latou ae leai lava se mea e toe tupu. Ona uma ai
lea o lea upu o le soona faaaoga o le tupe, o le soliga
faavae o le a ma le a. O le mea lena ua oo mai ai i lou
manatu e avatu ai sau fautuaga faapena.
Ona faaiu atu ai lea o au upu malie lou finagalo i le
Fofoga o le Fono, afai ua umi lou taimi poo ua i ai foi se
upu e le tonu, ua faamoemoe i lau afioga. o moomooga o
le agaga ina ia maua e lau afioga se Kerisimasi Fiafia ma
se Tausaga Fou Manuia. Ua faamoemoe i lau Afioga i le
alii Palemia ma le afioga i le Minisita leai, o le matou
tiute lava lea ma le matou galuega matou te lau atu ao la
matou fesoasonai na i la outou galuega. A i ai foi nisi
mea le aoga ia faamaumau ane, e faamalie atu ai ona o le
naunauga lava o le agaga ina ia maua se Malo lelei ma
matagofie. O lea e faapea atu ai i lau Afioga i le Palemia
ma le Kapenetas faapea foi le mamalu o le Palemene ina
ia alofa le Atua ia taitai lo outou soifua ma lo matou ola
tatou maua se Kerisimasi Manuia ma se Tausaga Fou
Fiafia. Ia manuia.
Tofa AUTAGAVAIA TISENA
Itumalo Faaalaalafaga:
Palauli
Filifilia:
28 Mati 1979
Faatauto:
3 Aperila 1979
Lauga faataupou:
4 Tesema 1979
E muamua lava ona avatu
le faafetai tele i lau afioga i
le Fofoga Fetalai ona o le lava faafoe o lau galuega fita.
Faafetai foi i le afioga i le Palemia ma le Kapeneta,
faapea ou uso a faipule mamalu ua aofaga potopoto i
lenei aso i le Palemene o Samoa i Sisifo i le lagi e mama
ma le soifua. Ou te faatalofa atu foi i le tapuaiga a Le Ao
Mamalu o Samoa o loo faafofoga mai. Faafetai i le Atua
mo lenei taeao matagofie. Ua avea au i lenei taimi ma
sui o lou Itumalo o tau molimoli oo atu ai i lumamea so
matou manatu pe tau ane ai i le fiangalo o lo tatou Malo.
Afai e avatu se manatu ae tau foliga e paopapa i la outou
faafofogaaga ia malu ave i fale lo outou finagalo, aua o
le taualuga o le faamoemoe o e na o le fia faufautua atu
aua lo tatou sa ina ia faaleleia mo le auiluma o Samoa.
O le mataupu muamua ou te fia tautala i ai, o le
mataupu lea o loo faipea ma toatuga mo le motu tele
lenei o Salafai, o vaa lau pasese i le va o Salelologa ma
Mulifanua. Lau Afioga i le Fofoga Fetalai, o faafitauli ua
tulai mai pea i lenei lava mataupu ma tulaga matuia ma
le mataga ona ua tutupu ai misa ma feeseeseaiga. Ua
tatau loa lava i le Malo ona aumai i ai se vai fofo. Aisea
ua fai tuulafoai ai lenei tulaga? Ua matou le iloa lava le
mea o i ai fautuaga a le Malo i lenei mea.
Ae silasila foi ua le toe feoai vaa o kamupani ona o le
taugata o le suauu. O le Limulimutau, o le Puleono, o le
Salamasina, talofa i le loto tuimomoia o Salafai, aumai,
aumai nei vaa ma fai mai o vaa o Salafai, o fea nei o i ai?
A le gau lea vaa ua fai mai ua ave i fea. O lea taimi ua
ave i Apia e fai, o lea taimi ua ave i Tutuila ma tau mai
ua feosofai ai, ae tasi le vaa i o. A silasila i ai lau Afioga
i le Fofoga Fetalai, e fai foi o tagata faigaluega latou i le
faaletonu ae lau atu lau atu taavale, talofa e, i nai tama
mafatia i Savaii ua fetolofai i lalo o uili, ou te le ma e tau
atu. Ua le ofi le fale o le vaa e nonofo ai, ae ua pei o le
lafu povi tulou le faafofoga a le Fono ma le atunuu, ou te
tautala sao, ao a la mea e fai e le Malo lenei ma sui
mamalu?
Lau Afioga i le fofoga Fetlaai, a tatou puipui i le
aganuu e muamua ona tatou faaeteete i le mamalu. O le
tulaga lea ua oo i ai Salafai o lena ua ou tau atu, ou te
tautala i upu sao. O lau fesili aisea? A fai na ou fanau
mai lava e mafai ona ou tau atu se mea na pologa ai
Savaii, o le mea lava lea ua ou tau atu i letaimi lenei.
Lau Afioga i le Minisita o Felauaiga sei e silasila totoa
ane i ai. Ua tatau ona fai se vaa o le Malo e felauai ai tau
o pasese ae aua le tuufaatasia ma taavale, tau ina avatu
Saunoaga Faataupou a Sui Usufono 1961-2011
pea i lumamea le manatu ao iina le pule ma le faitalia mo
le lelei o le atunuu mo a taeao.
Lau Afioga i le Fofoga o le Fono, o le a fai atu se
manatu i le Minisita mo Galuega. Faafetai i lau Tofa
Seuamuli, o lau Afioga o le Minisita o Savaii e ui ina
faitau faapea o le Savaii, leai, o le Malo o Samoa e le se
Malo o Savaii. Ae pei o lenei vaitaimi ma le galuega ua i
ou aao o lea e avatu ai se manatu e faufautua.
O le tele o faaunegatupe ia e i ai le Tala Faatatau o le
Tupe, o tupe faatatau i le atiina ae, ao le mea lea ou te
matauina paga lea, pe ave ave foi le atiina ae o Salafai
ona faaletonu lea i se taimi. o ute fautuaina lau Afioga
sei e silasila totoa i le Matagaluega ma le aufaigaluega o
loo faataunuuina, e tele ni vaaiga o loo vaai ai lou tagata
e tumu i le le faamaoni i le Matagaluega, ae atonu o i ai
se taimi sa ta feiloai ai ma iloiloina lea mea; aisea? O le
manumanu o le Malo i ana tupe, ao le aufaigaluega a
Samoa e solomua Samoa ona taumafai e faagau le Malo
e ala i lo latou malosi ma le poto. E fautuaina ai lava lau
Afioga ia silasila toota i lona tulaga, mai i le amataga o
le galuega o loo i ai nei, ua telegese tele aisea? Ua pule
lava i latou ma le faitalia. O lea foi o le a iu lenei tausaga
e lei taitai lava oo i Papa, ae a na faapea o se tulaga lelei
ona ati, ai ua lelei se tulaga i Salega.
Lau Afioga i le Minisita o Falemai, sa taua muamua e
se tasi o sui usufono le faafetai tele mo le
faamaopoopoina o lenei Matagaluega; ae pau lava le
mea e talosagaina ai lau Afioga ona o le mea ua tupu ma
o le a tupu pea. I tausaga ua alu, sa ou faalogo mai tua ua
uma ona fai polokalame o o falemai, o Tuasivi, Foaluga
ma le Falemai i Sataua, ma sa faapena le faamatua le
talafeagai leni mea. Ia faafofoga afai e tupu le
faalavelave faafuasei i Gataivai, aumai i Satupaitea, le
mafai ona aumai lea i Tuasivi e oo mai i Tuasivi ua
faamavae le mai. O le ala lea e talosaga atu ai e a ea pe a
fuata ma le lou? Afai ua faamaonia i ia tausaga, ae a pe a
toe sui nei i lenei tausaga?
Lau Afioga i le Fofoga o le Fono, ao faia le malologa o
i ai lau tautalaga i luga o le Minisita o Falemai. O le
fautuaga sa ou taua i au upu muamua, afai o se tulaga sa
i ai i ia tausaga, e le se mea leaga ona fesuiai ma e
talosagaina lena. O se mea e matua faafaigata le mea e
oo i ai le tu valavala o nofoaga o le atunuu, aemaise foi o
lo matou itumalo ma itumalo e fia o le Faasaleleaga. A
aumai le gasegase tigaina mai Gataivai e oo mai i
Satupaitea o letalia ai le fanoga, ae fai le faatonuga e ave
i Tuasivi. Ae paga lea, vae ane lo outou paia ma le
mamalu o le Maota, e le o i ai tatou le ola, tulou, o le
mea e gata i le Atua, ao le a le galuega topito a le tagata?
O se laveaiina ae paga lea le faigata o ala. O le mea lea e
talosgaina ma fautuaina ai e a pe a tofu le falemai ma le
fomai? O le a tupu ai le fiafia o le atunuu, soo se mea e
fuafuaina e le Malo, e talisapaia e le atunuu aua e talia o
latou manao.
Lau Afioga i le Fofoga o le Fono, o se manatu e
faatatau i le Minisita o Aoga, tulouna lou paia lau Afioga
fuimaono, o lea faatoa ou vaai atu ua afio mai. Ae paga
lea o se tasi sa filifilia e lou Itumalo e fai ma Komiti o
Aoga, masalo ua latalata i le 30 tausaga, e le gata i le
itumalo atoa ao le aoga e fitoitonu i ai lou lava nuu. Sa
silasila totoa ane i le Matagaluega ma le galueaiina o
tulaga faale-aoga, ailoga o tutusa faiaoga i nuu ma
itumalo. O nisi faiaoga e faasaulala i o latou nuu, ioe, o
lau upu moni lea. Ae aisea e toe talia ai? Tulou, e talia o
le pau ma le gagana o le vaai i le tino, o outou alo ma a
tatou fanau, ae a pau i le tulaga o galuega ma le atiina ae
o le manuia o le atunuu e le taitai ona talafeagai.
E fia fautua atu ai i lau Afioga i le Minisita, ia silasila
totoa, o le manuia o Samoa e pei ona taua e se tasi o sui
o le tasi lea o le tamaoaiga o tagata. Ou te iloa e lua lava
faavae o le lalolagi lenei pe leai ni fanua, ae saili le
tamaoaiga i le atunuu. Ou te tautala i le mea ua ou iloa,
ma ua ou fautua atu ai ona ua tauau ina tutaia matua i le
faiga a nisi o faiaoga. O fea la e ave i ai ia manatu? E
avatu lava i lumamea lau AFioga o loo faafoea lea
Matagaluega ma le Faatonu sili o Aoga. Ia tautuana mo
le manuia o Samoa a taeao, o ni nogatupe ma nei aitalafu
o loo lilia i ai le atunuu, e tasi lava le togafiti. E mavae
atu tatou ae a tutupu mai tupulaga e atamamai, o le mea
faatauvaa ia i latou. Ae faapefea la ona fai pe a faapea e
tutupu mai e valelea le fanau vaeane le paia o le Fono, e
tutaia matua o na tamaiti, fai o pili o tamaiti i aoga ao
faiga foi a faiaoga latou.
Ia avatu ia i lumaema i le Minisita ia silasila totoa i ai.
Atonu o le mea taua ua avatu ni manatu ao lenei lava
mea o le totogi o le tagata faigaluega, e avatu aofai ai
sou manatu iina e agai i le Malo. A lelei le totogi o
tagata ua faamaoni foi e fai se galuega. O le mea lea
fautuaina ai le Malo, afai tatou te mananao ia manuia le
Malo ia faamalie tagata o loo auauna i le Malo ona fiafia
lea.
O le aso ma ni manatu, e momoli atu le faafetai i le
Fofoga o le Fono faapea foi le faafofogaaga a sui
mamalu o le Palemene, ou te faapea atu ai a i ai se upu
ua sala pe pona ia faafoi mai i lou tagata, ao lau talosaga
o le paia o Samoa i ona upu faalupelupe, Aiga ma o
latou Tama, poo Tama ma o latou Aiga, Pule ma Tumua,
Aiga i le Tai ma le Vaa o Fonoti, lea na latou filifilia lo
outou mamalu ma le paia e faatinoina le sailiga o le
manuia o Samoa. Ou te talosaga atu ai, a mavae fatia
afai na faaletonu ai sui o le Palemene, ia agai i le Atua e
saili i ai se manuia o Samoa. E mai fea? Ia saili i lalo, e
le sailia i luga se manuia o aiga, nuu, atunuu ma le Malo.
Ia sailia lava i lalo.
Ou te le aoaia la outou tofa ma le fautuaga-oo ae na o
ni nai moomooga lafo vale, o le fealofani o Samoa o le
mea sili lea. Ia tasi lo tatou gagana, tatou te faamuamua
le Atua e saili ai le manuia o Samoa mo a taeao ma ona
tupulaga fai mai. Ia alofa le Atua pulepule tetele ia
manuia le usuia o le Fono o le Palemene, amata i lau
Afioga i le Fofoga Fetalai e oo mai lou Malo ia faia o
outou fiangalo ma o tatou loto uma nei. Soifua.
Saunoaga Faataupou a Sui Usufono 1961-2011
Mr BERKING, RONALD GERD
Itumalo Faaalaalafaga:
Palota Taitoatasi
Filifilia:
9 Mati 1979
Faatauto:
28 Mati 1979
Lauga Faataupou:
5 Tesema 1979
Faafetai i lau Afioga i le
Fofoga o le Fono mo le
avanoa. E muamua ona
avatu se taumafaiga vaivai lau Afioga i le Fofoga Fetalai
ma le mamalu o le Maota, faapea foi le paia o le au
faafofoga a le Atunuu, e faamalulu atu foi i se upu e sala
pe lē logo lelei se taumafaiga vaivai o le a taumafai i ai
lenei sui usufono.
O le mea muamua e fia tautala i ai, e pei foi ona lāgā
ananafi e nisi o sui usufono mamalu o le Maota a‟o le‟i
malolo le Maota, sa avatu ai se talosaga a sui usufono o
lo‟o manaomia e le Maota le Lipoti faale-tupe a le Ofisa
o le Tupe 1978, atoa ma otootoga faale-kuata o tala o
tupe faaalu ma tupe maua o le tausaga lenei 1979. E
faanoanoa le mafaufau pe a suesue atu i le tulaga lea, o
lea ua aumai le otootoga faale-kuata o le 1978 e gata ia
Setema. A silasila foi lau Afioga i le Fofoga Fetalai, o
lea ua tuu mai i luma o le Maota le Tala Autu o le Tupe
faapea ma le Tala Faaopoopo o le Tupe mo le 1979, a‟o
lea e le o iloa lelei e le mamalu o sui usufono o le Maota,
po‟o le a le tulaga sa i ai le Malo i le faagaoioiga o ana
tupe i le tausaga 1978. O le tausaga 1979 o le tulaga lava
lea, e matua pogisa lava, a„o lea o le a aumai le Tala o le
Tupe o le 1980 ina ia iloilo ma pasia, ae tatou te le o iloa
po‟o le a le mea sa sau ai i tua. Ona i ai lea o se manatu
vaivai, po‟o le a ea le aoga e fai ai le Tulafono o le
Faatatauina o Tupe? O lea foi o lo‟o faataatia lelei mai, e
faamae‟a galuega a lea Ofisa ia Mati, Aperila ma tausaga
uma e mulimuli mai. E leai la se taimi o totoe e fai ai se
sailiiliga a le Suetusi Sili ma pasia ai, ma faaoo mai ai
loa i totonu o le Maota.
Silasila foi lau Afioga i le Fofoga Fetalai, o lea ua toe
nei o ni aso ona uma lea o le 1979, a‟o lea lava tatou te
pogisa i le 1978.
Ma le agaga vaivai lava, afai o le a faapea ona alu ai, o
lona uiga e sili ona malolo le Fono se‟i mae‟a uma mai
Tala o Tupe ona faatoa usuia lea.
Lau Afioga i le Fofoga o le Fono, ou te fia tautala i le
itu lea i le Tulafono o Faiga Palota aemaise le itu lea e
faasaga i le vaega o le palota a Tagata Taitoatasi po‟o
Individual Voters. Ou te lē o mautinoa lau Afioga i le
Fofoga Fetalai po‟o ua silafia e le tóatele o le Atunuu, o
lo‟o i ai se vaega aemaise le vaega lea i le taimi e resitala
ai po‟o lo‟o taumafai ai ona resitala tagata aua faiga
palota. E i ai le pepa o lo‟o faaaoga e le Ofisa lea, o le
Pepa Nu.2. O lo‟o i ai la ni fesili, o ni fesili e talafeagai
ai ma le Tulafono ma o lo‟o i ai foi i totonu o le Faavae.
E tatau ona manino po‟o i ai ni tulaga solitulafono aua e
puipuia ai le aia po‟o le avanoa e mafai ai ona palota se
tagata pe leai. A silasila la i le fesili Nu.3 i le Pepa lea, o
lo‟o faapea mai, “O oe o se tagata ua le mafai ona totogi
au aitalafu”? A faapea e te tali ioe, o lona uiga e le‟i
faamagaloina au agasala, ae a faapea e te tali atu leai, o
le tali foi lena e le‟i faamagaloina lau aitalafu. Po‟o le a
se ituaiga tali e tuu i ai aua ua faamaasiasi le tagata i ia
fesili.
O la‟u suesuega vaivai i lea mataupu, e le‟i maua i se
tusitusiga i totonu o le Ofisa o le Resitala se isi ua le
talia ona resitala talu ai ona o se tulaga faapea e le‟i
faamagaloina ni ana aitalafu.
O le fesili Nu.4 o lo‟o faapea mai, “Ua famaonia lou
nofosala i totonu o Samoa i Sisifo po‟o Amerika Samoa i
se solitulafono e ono mafai ona faasalaina i le oti ma le
nofo i le falepuipui mo se vaitaimi e lua tausaga po‟o
luga a‟e po‟o ua faamaonia lou nofosala i totonu o
Samoa i Sisifo i so‟o se faiga ua faaalia manino e avea o
se faiga ta‟uvalea i le Tulafono o Faiga Palota 1963?” E
faanoanoa lava le mafaufau lau Afioga i le Fofoga
Fetalai, afai o le agaga o le Tulafono ia aafia ai nuu i tua
i solitulafono faapea, aisea la e le ta‟u manino mai ai pe
sa molía oe i se solitulafono faapea i Atunuu uma o le
lalolagi? Aisea e ta‟u ai lava na o Amerika Samoa? O
fesili faapenei i le taimi e alu atu ai se tagata e faatumu
le pepa. E pei ona silafia e lau Afioga i le Fofoga Fetalai,
o le tóatele o tagata, uso ma matua o lo‟o fia ofi i totonu
o lenei aiā. E maua tele le tagata i tulaga maasiasi ona o
nei mau fesili e tusa ai ma la‟u suesuega.
O le palota a matai, a resitala le matai aua o lana aiā
tatau e palota ai, e leai ni fesili faapea o lo‟o ave i ai. O
le mea la lea e pei ona aliali mai, ou te le mautinoa pe
mafua aisea, ae pei e faapito ma faailoga lanu pe faailoga
tagata foi nei fesili. O le mea lea e faanoanoa ai lo‟u sui
usufono ona e i ai nisi faaupuga i totonu o le Tulafono
lea i alo o Samoa, aemaise se tagata totolua o lo‟o
malaga i fafo i nisi tulaga ae toe foi mai i Samoa. A
vasa‟i le ono masina talu ona toe foi mai i le Atunuu ae
le alu e logo le Resitala, e oo lava i le faavavau e le toe
faia lana aia tatau lea. Ia silasila la i lea tulaga le manuia
o lo‟o i ai nei lea vaega o le palota taitoatasi? O lo‟o i ai
alo o le Atunuu o lo‟o ua foi mai fafo ua manuia a latou
taumafaiga ma ua faaipoipo foi i teine mai fafo, o ia la
teine e lima tausaga e nofo ai i Samoa faatoa maua le
avanoa e avea ai ma sitiseni Samoa, ona faatoa maua lea
e ia faletua le avanoa e resitala ai ma palota ai, a‟o o
latou taitoalua o alo o le Atunuu e le palota.
O nai vaega ia ou te fautuaina ai le Minisita o lo‟o fitoi
tonu i ai lea Tulafono, se‟i silasila toto‟a ane i ai ma se‟i
fai tutusa a tatou Tulafono. E pei foi ona silafia, ua i ai le
isi Tulafono, le Tulafono lea o Leipa. O lea Tulafono e
pei e faasino tonu pe aofia ai na o tagata faigaluega i tua
atu ae le o ni tagata faigaluega a le Malo. O lo‟u lava
manatu toatasi e aliali mai foi, e pei e faaitu‟au le faiga o
Tulafono. Aisea e fai ai le Tulafono o Leipa ae aafia ai
na o tagata faigaluega i pisinisi ma galuega i tua atu o le
Malo, ae le aafia ai tagata faigaluega a le Malo aemaise
Saunoaga Faataupou a Sui Usufono 1961-2011
le vaega lea e ta‟ua o tagata faigaluega togiaso a le
Malo?
O le mea lea lau Afioga i le Fofoga Fetalai, ou te
fautuaina le Minisita e fitoi tonu i ai lea mataupu, se‟i
silasila toto‟a ane i a tatou Tulafono. O lea e fai mai lo
tatou Faavae, e Faavae Samoa i le Atua. O lona uiga i
lo‟u malamalama vaivai, e tutusa tagata uma i le silafaga
a le Alii. O se fautuaga lena e faatatau i lena Tulafono.
Ona ou sosō mai lea i le Tulafono lava lea o Faiga o
Palota, i le Vaega e 121 o lo‟o i ai se faaupuga e faapea:
121.
“Sainia ma le taunuuga o tusi faamaoni ma se
lipoti.
(1)
O le tusi faamaoni ma so‟o se lipoti a le
Faamasinoga i le faaiuga o le suesuega o se
talosaga e uiga i se faiga palota o le a tatau lava
ona sainia e le Faamasino Taitai Suega.
(2)
Ina ua uma ona fofogaina e le Fofoga Fetalai e
uiga i le tusi faamaonia ma so‟o se lipoti a le
Faamasinoga, o le a poloaiina loa e le Fono
Aoao Faitulafono ia mea ina ia tusia i totonu o
Tusitala a le Fono Aoao, ma o le a tuuina atu
lava ni faatonuga e tatau ai mo le faamaonia po
o le suia o le taunuuga o le palota po o mo le
tuuina atu o se faaaliga faalauaitele mo tagata
uma mo se faiga palota fou po o mo le
faataunuuina o le faaiuga, e pei ona manaomia e
tusa ai ma uiga ua oo i ai”.
O lea la ua matua maanuminumi lo‟u mafaufau aua e
pei lava ona e silafia sa fai suesuega, sa fai foi
faamasinoga ma na iu ina oo mai i ou luma se lipoti a le
Faamasino Sili. Ua ou le malamalama pe aisea ua le
tutusa ai le tulaga lea ma le fuaiupu o le Tulafono lea. Pe
aisea ua ala ai ona le taloina le Fono Aoao Faitulafono e
tuu mai i ai le mataupu lea ma fai i ai se iloiloga a le
Maota lenei e tusa ai ma le fuaiupu lea o le Tulafono? O
le mea lea lau Afioga i le Fofoga Fetalai, o lo‟o nofo pea
lenei sui usufono ma le pogisa ma le maanuminumi e
tusa ai ma le feteena‟iga o ia vaega o le Tulafono ma o
lo‟o taatia ai lava faapea.
Ou te fia tautala i le itu lea e uiga i Lafoga ma Tiute. I
le tausaga ua mavae 1978, sa aumai ai se pepa, Pepa a le
Palemene Nu.33, o se Toe Teuteuga o le Tulafono o
Lafoga o le 1974. Ma o le aano o lea Toe Teuteuga ina ia
ave ai le avanoa i tagata mai fafo o lo‟o „eli auro i totonu
o le Atunuu latou te filifili ai pe a oo i le taimi e fai ai a
latou lafoga, pe fuafuaina o i latou o ni tagata nofomau
po‟o ni tagata e le nofomau, o se tagatanuu po‟o se
tagata mai fafo. Ma e faanoanoa tele lo‟u agaga ona ua
ou maua i a‟u suesuega le vaivai tele o lea itu ma ua
aliali mai ai e pei e mamafa tele faiga a le Malo lea sa i
ai ae faapea foi le Malo o lo‟o i ai nei i le ave o le
faamuamua i tagata mai fafo o lo‟o „eli auro i totonu o le
Atunuu, ae o lo‟o faati‟eti‟e pea le mamafa o le ogalaau i
tagata faigaluega o le Atunuu. O le itu lenei sa fesiligia e
le Minisita i Taualumaga o le Fonotaga i le tausaga ua
mavae, ma o lea o lo‟o faamaumauina lelei lava lea
faamatalaga i le itulau 596 i Faamaumauga Aloaia a le
Palemene o le aso 13 o Tesema. Sa fesiligia e se tasi o
sui usufono, “Pe faamata a pasia lea Tulafono o le a le
faaitiitia ai tupe maua a le Ofisa o Lafoga”? O le tali a le
Minisita, “Ua uma ona ma talanoa ma le Komesina o
Lafoga ma o lana faaaliga, masalo pe na o se afe tālā se
tupe o le a pa‟ū”.
Sa ou sailiili i ai ma fesiligia le Komesina o lo‟o i ai nei
i le Ofisa o Lafoga, o le iuga o la‟u sailiiliga pe a
finagalo i ai le Maota, e mafai ona ou taina le pepa lea
ma faasalalau; e le i lalo ifo o le lua afe tālā le tupe e
totogi e le alii lea i totonu o lafoga a Samoa. A
faatusatusa atu la i nisi tagata mai fafo le tulaga lea, e le
taumate ua tele se tupe ua le maua e le Atunuu.
Faafetai i lau Afioga i le Fofoga Fetalai. O le vaega lea
o le Ofisa o Lafoga, o lo‟o aliali mai ai i sa ma feiloaiga
ma le Komesina o lea Ofisa, ona sa ou fesili i ai pe na
mafua aisea ona laga lea Toe Teuteuga o le Tulafono o
Lafoga. O lana tali mai ia te au, ona e fita le galuega ma
suesuegata ma tele le taimi o le Ofisa e alu ai, ae
faalelava se seleni e maua mai ai e ala mai i lafoga
faapea. O le mea e sili ona ou faanoanoa i ai lau Afioga,
ona mai a‟u suesuega vaivai, o lea ua manino mai ai ua
nofo lea alii ma fai se Tulafono e pei e faamanuia ai na o
ia. Atonu a faaupu i se faaupuga faigofie, o se Tulafono
e manuia ai na o tagata mai fafo o lo‟o „eli auro i totonu
o le Atunuu, ae pei e aliali mai - aua na ou fesili lava i ai,
“O e manuia ai la i le Tulafono lenei?” O i ina na nofo ai
loa lea alii, tilotilo i luga, tilotilo i lalo, ona fai mai loa
lea ia te a‟u, “Ioe o lea ou te manuia ai”.
I a‟u suesuega vaivai i lenei mataupu i le auala e mafua
ai ona fai ni Tulafono faapea, o se faiga na ou maua, o
Atunuu uma i fafo e i ai faiga faapea, ae faapitoa lava na
o tagata popoto e i ai Saienitisi i le fausia o atomika ma
Saienitisi o le vateatea. Ona pau ia o tagata e ave i ai
avanoa faapea, a‟o le mea lea ua fai i Samoa, vaeatu le
paia o le Maota ma lau Afioga i le Fofoga Fetalai, o le
Au Kamuta ma le Au Palama ua tatala faasolo atoa i ai le
Tulafono lenei ina ia filifili ai pe a oo ina fuafua lafoga,
ona faitalia lava lea ma filifili pe fuafua o ia o se
tagatanuu Samoa pe fuafua o ia o se tagatanuu mai fafo.
O lea la o lo‟o i ai le avanoa mo le tagata mai fafo e
filifili ai i le va o le 6 masina ma le tausaga, pe faapefea
ona fuafua lana lafoga. Ou te le tau fai atu i lena itu aua
e tusa lava po‟o le a le valea o le tagata mai fafo, a o le a
filifili pea lava ia e fuafua o ia o se tagata e le nofomau i
Samoa nei. E faanoanoa tele ai la lo‟u tagata i le o mai o
Alii Popoto mai fafo o lo‟o ave i ai le faamoemoe ma le
faatuatuaga o le Malo, e o mai nonofo ma fau Tulafono
faapenei e faapitoa ia i latou lava. Atonu e „au i ai lo‟u
sui usufono pe ana faapea o ituaiga o tagata nei e o mai
mai fafo o ni tagata matitiva. O le mea foi lea e ala ai
ona o mai i totonu o le Atunuu e su‟e auro ona o le tau
faamautuina lelei o ō latou tulaga, a‟o lea ua aliali mai i
faiga faapea ma ua silafia foi e le mamalu o le Atunuu
ma le mamalu o le Maota, o le tóatele o tagata nei mai
fafo o tagata e tulaga lelei ma lelei tamaoaiga o ō latou
aiga.
O le isi mataupu o lo‟o i lalo o le vaega lea o Lafoga, i
a‟u suesuega ua aliali mai ai i lalo o se isi Tulafono, ua
Saunoaga Faataupou a Sui Usufono 1961-2011
ave ai foi e le alii lava lea le faatagaga i tagata faipisinisi
ma tagata popoto maoa‟e o lo‟o galulue i totonu o le
Atunuu e pei o le Au Tusiata popoto faapitoa ma nisi
vaega o tagata togipau o lo‟o i ai i totonu o le Atunuu. E
i ai se vaitaimi a‟o i ai lo‟u tagata i le NPF, sa fai ai ni
vaegatupe e totogi ai tagata nei o Tusiata popoto
faapitoa. Ona ou nofo lea e tusa ma le Tulafono ua ou
masani ai, na aveese lafoga taofiofi ae tuu i ai na o le
latou tupe mamā. Sa ioe i ai le Komesina i le itu lea, ae
peitai ane ina ua vasa‟i ni masina se lua, na ou toe maua
se isi faaaliga e faapea e „aua ne‟i toe taofiofia ia tupe, ae
ave uma pea tupe a tagata ia e ave i fafo ae se‟i uma le
tausaga ona fai lea o le fuafuaga i lafoga, ona toe aami
lea o tupe e aumai i totonu o le Atunuu. O le mea lea ou
te lē malamalama ai, pe aisea ua ala ai ona fai faapenei
lenei Tulafono. Afai o tautua moni ma faamaoni le
Komesina o Lafoga e ala i lana galuega, aisea la ua le
tago ai e faasa‟o lea vaega o le Tulafono.
O le Fuaiupu 40 lea na ta‟u mai e le Komesina o
Lafoga ia te a‟u e vaivai, o le mea foi lea o lea e mafai ai
e tagata ona le totogiina ni a latou lafoga le tumau i le
taimi lea e ave ai o latou totogi i fafo. A faatusatusa la
ma le isi Tulafono lea na faaofi mai muamua, a oo loa i
le mea e lelei ai ia, ua vave loa ona fai le Tulafono, ae a
oo loa i mea e puipui ai le Atunuu ma maua ai tupe maua
a le Atunuu, ona faataatia loa lea ma le amanaia.
O le isi itu na ta‟ua foi i saunoaga a se isi sui usufono
mamalu, o le itu lea i faafitauli o lo‟o faafeagai nei ma le
Malo i le faatagisia lea e le Aufaigaluega a le Malo o se
siitaga i o latou totogi. Ua tele tausaga o taugata le
soifuaga, a‟o lo‟o faapea foi ona faatuai e le Malo ana
faaiuga aua le pagatia o lo‟o i ai tagata faigaluega a le
Malo. O lo latou faamoemoe o le tausiga o aiga ma
fanau, o a‟oga, lafoga, moli-uila ma mea uma, aua o ō
latou totogi e maua mai le Malo. Ae silasila foi, na
amata mai i le 1972 e oo mai i le asō, masalo po‟o ua
faafaina, faalimaina pe faa-sefuluina le taugata o le
soifuaga. A fuafua la i totogi o lo‟o ave i tagata
faigaluega, e le o taitai ona faafaina, faalimaina pe
faasefuluina foi. O le mea lea lau Afioga i le Fofoga
Fetalai, e tasi le auala, le auala lea sa ta‟ua e le sui
usufono ana taeao mo tuusaunoaga. Silasila foi, mai le
1972 e le‟i toe faia lava se isi fuafuaga a le Malo i le
$416 o tuusaunoaga a tagata fai lafoga. O lo‟o i ai ma le
isi vaega e $208 tuusaunoaga mo tupe foa‟i faameaalofa
e $50. Ua silafia foi e lau Afioga i le Fofoga Fetalai, o le
tasi lea itu ua pei ua avea ma aganuu a Samoa, o le fai o
lafoga po‟o alofa i Faifeau. Na o le tusi faapea o lea e i
ai se avanoa e toese ai se vaegatupe faameaalofa faapea,
ae le o taliaina e le Ofisa pe a faatumu atu le pepa a le
tagata o lana meaalofa i le faifeau e $52.
O pili o tamaiti a‟oga e $208 o le mea ula aua o lea e
silafia e le mamalu o le Maota o aiga Samoa uma, e le i
lalo ifo le tóatele o se fanau i le toafa pe toalima. E
toaono agai i luga, a‟o lea tupe faatauvaa o le $208 e le
taitai talafeagai. E faapea foi i inisiua – GSF e $400. Ou
te faaluaina, faatoluina ma faasefuluina le saunoaga a le
toeaina lea ana taeao, ua tatau ona tuu i luga
tuusaunoaga tau le tagata lava ia i le $1,000. O tamaiti
a‟oga e $400, tupe faameaalofa $100, pili o a‟oga $400,
o le inisiua ma le GSF ia si‟i i luga i le $800 po‟o le
$1,000. Aua foi o tupe ia e ave e le tagata i le NPF po‟o
le Inisiua e tua i ai le tagata faigaluega i le taimi e litaea
ai po‟o le taimi e manu‟a mai ai i se galuega ma ua le toe
maua se tupe. O i ina o lo‟o i ai lona faamoemoe ona ua
le toe mafai ona faatino se galuega. Ou te fautuaina ai
lau Afioga i le Palemia ma le Malo, se‟i silasila toto‟a
ane ma fuafua lelei ina ia fai se faiga i le Tulafono o
Lafoga ina ia faamāmā le avega aua o i ina o lo‟o maua
ai e tagata faigaluega faamanuiaga mo le lumanai o aiga.
E tusa lava pe i ai se fuafuaga e sii ai i luga totogi. E pei
lava ona outou silafia, o le faiga o le Tulafono o Lafoga i
le taimi nei, a tele lou totogi ua maualuga foi au fuafuaga
faatatau mo lenei soifuaga. A maualuga au fuafuaga
faatatau, ua tele foi lau lafoga e totogi. E emo ane le ata,
ua laitiiti le seleni e totoe i ou lima aua le faatauina o
oloa. Pau le auala e fofo ai, o le tuu i luga o tuusaunoaga.
Ou te fia tautala i le itu lea i fuafuaga a le Malo i tagata
faigaluega, aemaise o faiga faavae a le Maota i le itu tau
galuega. E pei ona silafia e le mamalu o le Maota ma le
Atunuu, o lo‟o lolofi mai tagata mai fafo e su‟e galuega
ma „eli auro i totonu o le Atunuu ona o le tele o tupe o
lo‟o aitalafu mai e lo tatou Atunuu e fai ai atinae o lo‟o
faafeagai nei ma le Atunuu. E pei ou te matau atu i le
tele o tausaga ua mavea e pepese ai pea sui usufono o le
Maota lenei, ia ave le avanoa i alo ma fanau a le Atunuu
o lo‟o i ai le atamai ma le tomai ma i ai faailoga, ia ave i
ai le avanoa latou te faia ai galuega nei. A‟o le a le mea
lea e aliali mai nei? E faanoanoa ona o le tulaga lea e i
ai, e peiseai e faatagā fai ae le matua faia. E ao lava ona
silafia, o le Ofisa o Tupe o lo‟o i ai se alii tomai ma
agavaa i mea tau tupe. Ua fia tausaga o i ai lea alii i
totonu o lea Ofisa? Ou te le mailoa masalo ua sili i le
sefulu ma ona tupu tausaga o nofo ai lea alii i lea Ofisa
ma a‟oa‟o se alo o Samoa e tauaveina lea Matagaluega?
Ou te le iloa ae na o tamaiti faatoa i‟u mai a‟oga la e i ai.
A‟o tagata sa i ai i totonu o lea Ofisa ma sa ave i ai le
faamoemoe ma le faatuatuaga o le Atunuu, o la ua felelei
e pei o le falemoa foi lele ua tofu i ai le lulu, vaeatu lo
outou paia. Ona o le a? Ona ua latou silafia e fiu e
nonofo ma faigaluega ma tautua i totonu o le Ofisa lea,
ae e leai lava se avanoa latou te maua e avea ai i latou
ma faauluuluga o lea Matagaluega.
Silasila foi i le Ofisa o le SPDC ma le Ofisa o le Soifua
Maloloina? Silasila i le Ofisa o Lafoga, le Ofisa o le
Suetusi ma le Ofisa o le Faletupe o le Atinae? Ou te fai
atu aua o lea e silafia lelei e le mamalu o le Maota ma
lau Afioga i le Fofoga Fetalai, o Matagaluega na e le o
faauluulu ai se alo o le Atunuu. A‟o lea foi na saua i o‟u
taliga e faapea o le a aumai foi se tagata mai fafo e avea
ma Pule Lagolago. A‟o le a faapefea alo ma fanau a le
Atunuu ua leva ona i ai i totonu o le Ofisa? O lona uiga e
leai ni mea latou te iloa i nei tausaga e tele sa tautua ma
gagalulue ai i totonu o lenei Matagaluega? E sili atu ona
malamalama le tama Samoa i mea o lo‟o tutupu i totonu
o le Atunuu ma fuafuaga e taumafai ai atinae i lo
Saunoaga Faataupou a Sui Usufono 1961-2011
Polofesa po‟o ma tagata mai fafo. O le mea moni e pei
ona tatou silafia, po‟o ai lava le poto mai fafo e sau i
totonu o le Atunuu lenei, e atoa lava le tausaga o su‟e le
mea e tutu ai ona vae, tulou.
O le itu foi lea ou te fia tautala i ai, o le itu i totogi aua
e pei o le mea lava lea e ala ai ona felelei moa. Silasila o
lea ua aumai nei i le Tala o le Tupe mo le 1980, o lo‟o i
ai faaopoopoga i totonu o Faauluuluga o Matagaluega
ma o le Matagaluega e aupito sili ona maoa‟e le totogi
lea ua tuu i ai, o le Loia Sili a le Malo. O lo‟o i ai se
vaegatupe o lo‟o tusia i le Tala Faatatau Faaopoopo o le
Tupe e tusa e $25,000, faasa‟o mai a‟u pe afai ou te sese.
Afai o le fuafuaga lea a le Malo, ua alagatatau ona avatu
se $25,000 e totogi ai le Loia Sili a le Malo ona o le
Ofisa e aupito sili ona mamafa a latou galuega aua le
tautuaina o le Atunuu ma tagata uma o lo‟o galulue ai
aua o „assets‟ ia a le Malo o Matagaluega ia e pei o le
Ofisa o Galuega, Falemai, Ofisa o A‟oga ma le Ofisa o
Faatoaga. Afai ua talafeagai i le $25,000 mo le Loia Sili
a le Malo, o totogi o Ulu o Matagaluega ua tatau ona
$35,000. Ou te le malamalama po‟o fea e faavae ai lea
fuafuaga ina ia ave le $25,000 e totogi ai le Loia Sili a le
Malo, ae a fuafua i galuega ma tagata faigaluega o lo‟o
vaavaaia meatotino o lo‟o i lalo o pulega a tagata ia, e le
taitai tutusa. O le mea lea ou te matua fautuaina ai le
Malo, le Palemia ma le Kapeneta ina ia vaevae lelei la
tatou puligi.
Ona ou oo mai ai lea i le isi mataupu lea o lo‟o ou
faalogo pea i ai o lo‟o alalaga ai pea sui usufono, e le
gata i sui usufono o lo‟o afifio mai nei i le Maota, a‟o sui
ua mavae atu i le tele o Palemene ua tuanai, o le itu lea i
le leai o ni pili e totogia mo aoga a fanau. Ou te lagona o
lea e fai le sao o le Atunuu e ala i tupe totogi. Ou te
lagona foi o lea e fai le sao o le Atunuu e ala i tupe o
lafoga ma tiute. O lea e tuuina atu tupe e faaleleia ai itu
nei e pei o Falemai, Aoaoga ma isi lava galuega, a‟o le
mea taua o le itu lea tau aoaoga. E pei ona silafia e lau
Afioga i le Fofoga Fetalai, o le lumanai lea o le Atunuu
ma o le tatou faamoemoega lea o aoaoga. Po‟o a lava
sesē o a foi mala e oo mai, ae a o tatou ave ni aoaoga
lelei i a tatou fanau, atonu o i latou o le a latou
faamāmāina le avega aemaise foi o fanau a tatou fanau i
aso o i luma.
O le tupe lea o lo‟o ua aumai nei i le Tulafono e toe sii
ai i luga totogi o a‟oga, ou te le taitai ona ou auai. O le
tupe lea o lo‟o maua mai e le Malo mai pili o tamaiti
a‟oga pe na o se selau afe tālā; e le mativa ai le Malo.
Silasila foi, o se vaegatupe a le Atunuu o lo‟o alu i le
tausiga o Ofisa i fafo mo Ofisa o Samoa o lo‟o i
Atunuuu i fafo aemaise le Failautusi lea o lo‟o i Niu
Ioka. Sa ou nofo ma otooto mai i totonu o le Tala o le
Tupe, pe sa‟o a‟u pe sese la‟u fuafuaga, ae e tusa e
$145,000 lea o lo‟o alu i le tausiga o le Ofisa o le
Failautusi lea o lo‟o i Niu Ioka. O lo‟u lava manatu
vaivai, e le tau faia so tatou Ofisa i Niu Ioka, ae e
taugofie ai pe a nofo le tagata lea i inei ma faimalaga i
Niu Ioka pe a fai fonotaga a Malo Aufaatasi, ae aumai le
$145,000 lea e totogi ai pili o aoga a tamaiti. E ao ona
ave le faamuamua i pili o aoga a tamaiti aua o le tele o
tagata tomai mo le lumanai o le Atunuu e le o mafai ona
maua le avanoa e faamae‟a ai a latou aoga ona o le lē
tagolima o matua ma aiga. Afai o le agaga o le Malo e
lagolago i sui usufono o le Maota lenei aua le lumanai o
a tatou fanau ma le Atunuu, o le mea moni ia aveese pili
o aoga ina ia maua e tamaiti uma o le Atunuu le avanoa
e aoaoina ai ina ia manuia le Atunuu mo le lumanai. O
se isi foi tala ua maua i la‟u faalogo e uiga i le tatou
Failautusi lea i Niu Ioka. O le itu e faanoanoa ai le agaga
pe afai e sa‟o, ona e tele naunau o lenei tupe e $145,000.
O le tala na ou faalogo i ai e faapea o le alii e nofo i Niu
Ioka i le mea o lo‟o i ai le Ofisa o Malo Aufaatasi ae
faamautu i Las Vegas.
Ona ou see mai loa lea i le mataupu lea ou te fia tautala
lava i ai e uiga i sitiseni e lua. E pei lava ona silafia se
tulaga faavesivesi talu ai nei ina ua faatoa tatala le
Fonotaga muamua i lea lava mataupu. E o‟o lava i le asō
e le‟i aumaia lava se faamalamalamaga e uiga i lea
mataupu.
O le nuu lea o Las Vegas o le nuu o Amerika, masalo o
lea sa maua mai e se isi sui usufono na lauga i le taeao se
manatu ua tatau ona fai se „gambling‟ i inei i Samoa. Ou
te le iloa po‟o fea na maua mai ai e le sui usufono le
manatu lea. A‟o le nuu o Las Vegas o se taulaga i
Amerika lava, a‟o le faamalamalamaga lea i le fesili. E
tusa ai ma le iuga o le Faamasinoga lea na fai i le
mataupu lea i sitiseni e lua i le aso 3 o Oketopa 1979, na
fai mai ai le iuga a le Alii Faamasino e faasino i le
Afioga Mapuilesua Pelenato lea e alaala i inei e soso‟o
nofoa i maua. E le faapea la ua laga lenei mataupu ona e
i ai se mea ou te le malie ai i le Afioga i le sui usufono
mamalu, e leai, ae ona o le principle. O le faaupuga a le
Alii Faamasino Sili e faapea, “O le Afioga Mapuilesua
Pelenato e foliga mai o lo‟o ia umia ni tulaga tagatanuu
se lua. O lo‟u lava malamalama vaivai e ao lava ona tapa
se Tusi Folau a le Malo o Samoa i Sisifo. O le mea lea o
lo‟o mamafa i lo‟u sui usufono ona e pei ua faagalogalo
pe ua le silasila toto‟a le Minisita o lo‟o feagai tonu ma
Femalagaaiga i lea tulaga.
O le a ou tautala loa e uiga i le Tulafono o Pulega o
Tupe a le Malo 1964. Silasila i le Fuaiupu 7: “Tuuina atu
o Sea – O le a tatau ona tuuina atu ma faamauina sea mo
tupe uma na nonō mai i lalo o tuutuuga o lenei Tulafono,
ma o le a ta‟ua lava o sea o le Malo o Samoa i Sisifo”. E
pei lava ona sa ou ta‟ua e faapea, a o‟o ina faatino lenei
Toe Teuteuga, o le a faapena lava ona fai le galuega. O
le a le toe maua ni tusitusiga, ae afai tatou te fia maua se
malamalamaga e uiga i ia mea, ona tatou o lea tatou te
fesilisili. A faapefea la pe a su‟e atu ua le toe i ai tagata
ia sa faia le galuega lea pe ua malaga i fafo? O le mea
lea e faanoanoa ai lo‟u tagata.
O le Fuaiupu 10 – O lea foi o lo‟o faatagisia mai ai le
Toe Teuteuina o le Tulafono o Pulega o Tupe a le Malo
1964, ina ia avatu i le Minisita le avanoa na te su‟eina
mai ai ni tupe aitalafu po‟o ni tupe nonō e aunoa ma le ui
atu i se Tulafono e pasia e le Maota e faatagaina ai le
Minisita ma le Kapeneta e nonō mai ni tupe faapena. O
Saunoaga Faataupou a Sui Usufono 1961-2011
lea Toe Teuteuga e faasaga tonu i le Fuaiupu 40 o le
Tulafono o Pulega Tau Tupe.
O le Fuaiupu e 40 – “Fuafuaina o nisi tuutuuga mo le
nonōina o tupe mai fafo atu o Samoa i Sisifo.” O
Tulafono taitasi e faatagaina ai le Minisita na te nonōina
mai ni tupe mai fafo atu o Samoa i Sisifo o le a fuafuaina
ai mataupu nei ua ta‟ua i lalo:
(a)
O le atunuu o le a nono mai ai le tupe ma sea o
le a tuuina atu ma faamauina mo aofaiga uma o
tupe e faapea ona nonō mai;
(b)
O le nofoaga mo le totogiina o le tupe autu i le
faasologa o lo o tutu mai ai.
(c)
O le tupe po o le ituaiga o tupe o le a nono mai
ai le tupe; ma
(d)
O le tupe po o le ituaiga o tupe o le a tuuina atu
ai sea ma ua faaalia manino o le a fuafua
faatatau i ai po o le a tatau ona totogi atu ai po o
le a toe totogiina atu ai le tului, le tupe autu ma
so o se tasi lava tupe ua faapea ona maua mai ma
malu puipuia ai, tusa lava po o le tupe a Samoa i
Sisifo po o le tupe a se tasi lava atunuu, tusa foi
po o le ituaiga o tupe mua‟i nonō mai ai le tupe
ua faapea ona maua mai ua malupuipuia ai pe
leai.
Atonu o le agaga o le Toe Teuteuga o lea Tulafono ina
ia tuuina atu ai i le Minisita le avanoa na te nonoina ai ni
tupe e aunoa ma se Tulafono e faatagaina ai. Ia silasila
foi e le mamalu o le Maota ma lau Afioga i le Fofoga
Fetalai, o le Fuaiupu 41 o lea lava Tulafono, o lo‟o
faaalia mai ai e faapea: “Feagaiga e faasino i aitalafu e
sasaoina i fafo atu o Samoa i Sisifo:
(1)
E mafai e le Ao o le Malo, i le faia i luga o le
fautuaga a le Kapeneta, ona ia osia so‟o se
feagaiga ma le Malo po‟o se Sui Sooupu o se
Malo o se atunuu e ese ai nai lo Samoa i Sisifo,
se feagaiga lea ua manatu o ia o le a
faafaigofieina ai le sasaoina o se aitalafu i luga o
tuutuuga e tatau ai i totonu o lea Atunuu e le
Malo o Samoa i Sisifo.
(2)
E aunoa ma le faatapulaaina ai o le tulaga lautele
o le puipui (1) o lenei fuaiupu, e mafai i so o sea
feagaiga ona faia ai ni tuutuuga mo le tuuina atu
o se iloiloga ina ia maua ai se puipuiga mautu o
le aitalafu, ma mo le puipuiga mulimuli ane o le
ua na tuuina atu le puipuiga mautu.
(3)
O se ata o so o se feagaiga e osia e le Ao o le
Malo i lalo o le fuaiupu lenei o le a tatau lava
ona faataatia i luma o le Fono Aoao Faitulafono
i totonu o aso e luasefuluvalu pe afai o tauaofia
le Fono Aoao i lea taimi, ma afai e leai, o le a
tatau ona faataatia i luma o le Fono Aoao i
totonu o aso e luasefuluvalu talu mai le aso o le
amataga o le tauaofiaga e sosoo ai o lo o
lumanai”.
I lo‟u la manatu vaivai e tusa ai ma le agaga o le Toe
Teuteuga lea ua i lalo o le Fuaiupu 10, ua manao nei le
Palemia ma le Kapeneta e aveese le pule lea e ui atu i
Lana Afioga Mamalu O le Ao o le Malo pe a manao e
nonō mai ni tupe i fafo. O le mea lea ou te faanoanoa ai
ma ou fefe tele ai ona e le‟i te‟i te‟i tusi faapenei le
Tulafono. Ua fia tausaga o Tutoatasi le Malo o Samoa
faatoa ou faalogo lea ua tau faaofi mai ni mea faapea. O
lona uiga la e le gata ua manao e „aua ne‟i toe ui atu mea
faapea i Lana Afioga Mamalu O le Ao o le Malo, ae e
pei o le talosaga ia saini le Maota lenei i se tusi siaki e
le‟i tusia le tupe ona ave lea i le Minisita o Tupe, ona
faitalia lea o ia pe fia le tupe e alu e faaaoga i le siaki lea
ua tuuina atu i ai. Ou te manao foi e faatepa lau Afioga i
le Fofoga Fetalai ma le mamalu o le Maota i tulaga
faapenei o lo‟o tutupu i nisi atunuu i fafo.
Masalo ua leva ona silafia i le faalogo i leitio, televise
faapea foi ma nusipepa aemaise mea o lo‟o tutupu i
atunuu o Aferika. E tautaua pe a vave siitia le tamaoaiga
o se atunuu ma se Malo i ana Kamupani tetele, ae te‟i i
le toe su‟e atu o tagata sa faia ia Kamupani tetele ua
mou, ae aliali a‟e i se taimi fai mai o la e i Amerika i
Saute, aua foi o Amerika i Saute e pei o i ina e mapu i ai
tagata foi ia, se‟i tulou. Ou te le faaleaga i le Afioga i le
Minisita o Tupe aua e pei lava ona silafia e le mamalu o
le Maota ma lau Afioga i le Fofoga Fetalai, o ia o se
tagata ua lauiloa ma ua tino mai ana galuega i tausaga e
tele talu ona avea o ia ma sui usufono ma o lo‟o ia te ia
foi le faatuatuaga ma le faamoemoega o le Atunuu. Ana
aumai la le Tulafono e Toe Teuteu a‟o lo‟o aumai ai le
suafa o le Minisita ma o ia foi e ave i ai le faatagaga lea
e alu ai i fafo e su‟e mai ni a tatou tupe, ou te ioe i ai.
Aua ou te faatuatuaina tele le Minisita o Tupe aua e ala
ona fai Tulafono faapenei ona e fesuisuia‟i tulaga o aso.
E pei lava ona silafia tatou te feoa‟i fua, a‟o lea tatou te
feoa‟i ma le valaau a le Tama o i le Lagi. O le isi itu, toe
lua tausaga tatou alo i le Faiga Palota tele. O ai na te iloa
pe toe sao mai le vaa o le Afioga i le Minisita o Tupe pe
leai? Ina ne‟i sau se isi Paeaiga fou te‟i ua tofi se tagata
se‟ifana, se tagata faaletonuga, masalo e pei o lo‟u
tagata, se tagata e le faamaoni, poto e teu le amio, poto e
fai mea faaufiufi, fai mea faapito ma manatu lava na o
ia, o ituaiga tagata la na e ala ai ona fai Tulafono. Aua a
tatou sasi, tatou te toe fiu e su‟e ua mou, e fiu e toe su‟e
po‟o fea le tupe na alu e aumai a‟o la ua i Amerika i
Saute.
O la‟u toe sōsō atu i le Tulafono o le Faatatauina o
Tupe lea o lo‟o taatia mai nei i le Maota, o lo‟o
talosagaina ai le pasia o le vaegatupe mo le atinae, atoa
ma tupe e faaalu i le taimi nei mo le tausaga o lo‟o i
luma.
Muamua, i le itulau e 2 Fuaiupu 2 o le Tala Autu o le
Tupe o lo‟o faaupu mai ai e faapea: “Faaaogaina ma le
Faatatauina o Fesoasoani mai Nuu Mamao mo Galuega
Tetele 1980.” O le aofaiga o lea tupe o lo‟o tuuina mai
faameaalofa, po‟o le a lava le ituaiga tupe, e tusa e
$15miliona. O le mea lea i lo‟u lava manatu vaivai, ua
alaga tatau i le Malo ona aumai se auiliiliga o mea o lo‟o
faaaoga i ai lenei vaegatupe. O fea e sau ai le tupe ae
po‟o a ni tuutuuga o i ai i nei tupe? Soso‟o atu ai ma le
itulau 2 e uiga i le faaaogaina o nogatupe e maualalo
tului 1980. O tupe ia o lo‟o masani ona aumai i le
Saunoaga Faataupou a Sui Usufono 1961-2011
Faletupe o le Atinae o Asia, EEC ma le ADP. O ia
vaegatupe e tusa e $11miliona. O le faaaluina uma o ia
tupe faaopoopo ma tupe ia mai luma, e tatau lava pe afai
e finagalo i ai le Malo, e fia maua i ai se malamalamaga
po‟o se manatu a‟o le‟i pasia i le Maota; e tatau ona
aumai uma faamatalaga auiliili o ia tupe, le faaaogaina
ma tulaga uma faapena.
Ou te fia faatepa le mamalu o le Maota i se vaegatupe
lea o lo‟o i lalo o le Faalapotopotoga o le Malosi faaEletise, lea o lo‟o faatagisia mai ai se vaegatupe e
faaopoopo i ai ma tupe ia mai Fesoasoani mai Nuu
Mamao mo Galuega tetele, ona maua ai lea o se
vaegatupe e tusa o le $4.3 miliona. O lo‟u lava manatu
vaivai, pe a fuafua i le tau o le eletise lea o lo‟o i ai nei
ma le faagaoioiga o lea Ofisa, ua matua maoa‟e lava
tupe nonō, aua o ia tupe e puipuia foi e le Malo. O le
mea lea e faanoanoa ai le mafaufau ona o lea o lo‟o alu
pea i luga le tau o le eletise, a‟o le Ofisa lea o se Ofisa e
tuma‟oti, e i ai ana tupe maua ma e i ai foi ana tupe
faaalu mai luga o ana lava gaoioiga. O le mea ua faigata
ai ona e tatau lava ona fuafua lelei e lenei Ofisa a latou
tupe maua, ae vagana ai se mea ua mautinoa o se atinae
e faataugofie ai le eletise pe faafaigofie ai foi a latou
galuega. Ae peitai, ua aliali mai o lo‟o faalagolago tele
lenei Ofisa i se tupe e avatu e le Malo. E le gata i lea, ae
o lo‟o avatu i ai tupe e le Malo mai totonu o le Tala
Faatatau o Tupe. Silasila la i le itulau e 147 o lo‟o i ai i
lalo o le Mea Taitasi o Atinae Nu.85, lea o lo‟o i ai se
vaegatupe e faapea: “Sao mo Galuega Faavae ua
faaopoopoina a le Faalapotopotoga o le Malosi FaaEletise” - $300,000. Tupe Faa-Aitalafu e leai se tului i le
Faalapotopotoga o le Malosi Faa-Eletise e $200,000. O
lea foi ua aliali mai i inei le mea sa ta‟ua i la‟u
taumafaiga muamua; o lea foi ua amata ona monomono
atu i inei tupe a le Atunuu e faatino ai galuega a ia Ofisa.
Aisea? Ou te le iloa, ae masalo o lo‟o i ai ni tulaga
faaletonu po‟o atonu e le o lelei le faafoega o ia
Matagaluega. Atonu e le o silasila toto‟a ma fuafua lelei
aua e oo mai i le taimi nei, e fia iloa e lo‟u sui usufono
pe fia ni tupe faapea o lo‟o ave e aunoa ma se tului e le
Malo i lea Ofisa? Ou te fia iloa foi le uiga o lea mea o
galuega faavae ua faaopoopoina e pei ona faataatia mai i
le Tala o le Tupe.
Lau Afioga i le Fofoga o le Fono, faafetai i le avanoa
ua tuuina mai e taumafai atu ai lenei sui usufono. Ua
vela foi le fala, ma ou te faamalūlū atu pe afai ua i ai se
upu ua faamanu‟alia ai finagalo o le Maota, a‟o le mea
moni, o le agaga pe afai o le agaga lea o sui usufono uma
atoa ma lo‟u tagata, o le o mai i totonu o le Maota lenei e
avatu ni mea lelei, avatu uma ma mea e le lelei aua le
faafoega o le tatou Atunuu, aua a lelei, ia ua faapea foi
ona māmā le avega o lo‟o tauave e le Malo ona o le
agaga lava ia si‟i tutusa la tatou pitolaau.
O la‟u taumafaiga vaivai lea, faafetai. Ia manuia le
Fono.
Tofa Hon FAASOOTAULOA SEMU PUALAGI
Itumalo Faaalaalafaga:
Gagaemauga Nu.2
Filifilia:
28 Mati 1979
Faatauto:
3 Aperila 1979
Lauga Faataupou:
15 Novema 1979
Lau Afioga i le Fofoga o
le Fono ma le mamalu o
sui usufono o le Palemene, ou te fia tautala foi i lenei
Tulafono Tau Faaofi ua opea nei i le Maota.
O le mea muamua e pei ua aliai mai poo ua tusa ua
$7miliona le tupe ua faatagisia nei e manao e nonoina
mo nisi galuega ua fuafuaina. Ou te lagolagosua i le
atugaluga ua faaalia e le sui usufono ua mavae atu nei e
uiga i le Fuaiupu 10. O le a talepe ai mea sa maumaututu
ma mulimulitai ai le Minisita poo le Ofisa foi o Tupe,
ona o le puipuia o a tatou meatotino poo tupe e nonoina
e le Malo o Samoa i Sisifo. Ou te faanoanoa tele ona o le
a amata ona tatala ma atonu foi o le tulaga lea ua pei ua
faatagisia le tatala mai o nisi o fuaiupu o Tulafono taua
ma Tulafono e puipuia ai tupe. Ou te lagona atonu na
tatau ona tuuina mai se Tulafono e teuteu ai lenei
Tulafono. O Tulafono nei ua na o le nonoina o tupe ma a
uma foi le tausaga lenei, ua uma foi le aoga o le
Tulafono, ae vagana le puipuiga o le toe totogiina o lea
lava aitalafu i le taimi e uma ai. A oo foi i lea tausaga e
toe aumai foi le isi Tulafono e toe nono ai foi tupe aua o
le faatagaga lava a le Palemene lenei, e mafai ai ona
nono tupe. Ae a tatala loa, ou te fefe Samoa i le mea o le
a oo i ai. O le ala lea e matua taua ai le laga o lenei
Tulafono a‟o le‟i oo atu i le Komiti o Tulafono.
O lona lua, o loo taua mai i le Fuaiupu 8 ma ua faapea
mai, e nonoina se tupe e US$2 mo le tatou fefaatauaiga
lea i fafo. O i la ua aliali mai ai ua matua pagatia Samoa
ia tatou tupe o loo teu i fafo ia tatou fefaatauaiga, poo le
faaaogaina foi ma le le faautauta e le Malo o a tatou fua
o faatoaga e avatu i fafo. O i tonu lava lea o loo i ai le
atugaluga, a‟o loo i ai lava aiaiga o Tulafono. O
Tulafono e lua o le 1961 ma le 1964 ua mafai ai ona
tatou talosaga atu i le Faaputugatupe faava o Malo o le
IMF mo se fesoasoani mai, pe afai ua faaletonu a tatou
fefaatauaiga ma atunuu i fafo. A‟o lenei ua aliali mai i
talosaga nei ua tuuina mai i le Maota, o le $2miliona lea
e le o se $2miliona e faamalieina ai le faatauina mai o
oloa nei mai fafo e soifua ai le tatou Atunuu. O lona uiga
a fuafua atu i ai pe a tatou mafaufau i ai faale-tagata ona
tatou iloa ai lea, ua tatou i ai nei i le vanu o le oti.
I le fuafuaga i lenei mataupu ua tuuina mai o le faatoa
oo lea i ai o se fuafuaga a le Malo o Samoa i Sisifo talu
ona tatou Tutoatasi. O le a aitalafu se tupe mai fafo e
aumai ai a tatou oloa i totonu, ae le o po se lilo o le tele o
alofa o atunuu mai fafo o loo aumai mo le tatou Atunuu
aua a tatou atinae. E le tatau ona tatou popole ma faapea
o tupe ia o le a alu i atinae, e leai, o le a i ai tupe e aumai
Saunoaga Faataupou a Sui Usufono 1961-2011
e Malo o loo alolofa mai e i ai Ausetalia, Niu Sila,
Siamani ma isi lava atunuu ua le mafai ona ou laulau atu.
A aumai la tatou tupe na mo a tatou atinae, e faaaoga
lava e aumai ai oloa mo a tatou atinae, e le mafai la ona
faapea mai le Minisita o Tupe o tupe na mo le tatou
atinae. O lo‟u lagona vaivai lena i le mafuaaga ua ala ai
ona ou laga lenei mataupu taua, ona ua lagona le popole
ma le faanoanoa o lo‟u sui usufono i le mea ua amata
ona aliali mai i lenei Tulafono i le nonogatupe i lenei
tausaga e 1979.
Ou te faafetai atu i le faamalamalamaga a le Afioga i le
Palemia, atonu e lei atoatoa lou malamalamaga peiseai e
le o malamalama foi le Afioga i le Minisita i le autu tonu
o lenei Tulafono. E faamalulu atu foi i le sui usufono sa
laga mea nei o alauni, e le o totogiina ai se lafoga. O lo‟u
malamalamaga i ai i le Fuaiupu 2, o alauni uma lava ia e
$300 mo le taavale, $700 mo femalagaaiga ma le avea
ma sui e aafia ai lava poo se Samoa poo se tagata mai
fafo. Ona pau lava alauni nei e ese mai i lo le Samoa i
lau vaai i ai, o alauni foi ia e fuafua e le Komesina o le
Aufaigaluega mo isi tagata mai fafo. Ae a pasia lenei
Tulafono i lo‟u malamalama i ai, toe faasao mai au aua e
le o malamalama mai i le saunoaga a le alii Palemia, o
alauni nei e pasia i totogi ma alauni o le Suetusi Sili a le
Malo. O lona uiga poo ai lava e umiaina e maua lava le
alauni e maua foi le tulaga tuusaunoaina, ona pau o le
mea e ese ai o se tagata mai fafo. O le alauani lea e ave i
ai e le Komesina o aufaigaluega a le Malo e masani ona
tuu i tagata mai fafo. E i ai le atugaluga lea ou te iloa o
se tagata e le o faigaluega i le Malo, ao loo faigaluega i
fafo ma ua faigaluega i le SPDC, poo nisi o kamupani
mai fafo ae tasi ua aumai e galulue i totonu o le atunuu.
O iina la lea o loo i ai le atugaluga, o loo i ai ni alauni e
le o silafia e le mamalu o le Palemene ma le atunuu aua
e i ai se suiga o la tatou Tulafono na faia i le faaiuga o le
tausaga talu ai. E i ai le avanoa o le Minisita o Tupe e
mafai ona tuusaunoaina ai le totogiina e nisi o tagata mai
fafo lafoga masani, ao le Tulafono ou te matua
lagolagoina, e selau pasene, atonu e le o lava foi le totogi
na tuu mai mo le Suetusi Sili. E pei o lea e taua mai e le
o aumaia nei Lipoti ma Tala o Tupe i totonu o le
Palemene ona o le le lava o le aufaigaluega poo le le lava
o le tomai o le tagata talu ai le laitiiti o le totogi. O le ala
lea e tatau lava ona fuafua tatau, ou te lagona e le o lava
le totogi o le Suetusi Sili e maua ai le tagata e aupito sili
ona tomai e vave ai ona suetusi a le tatou Malo.
Lau Afioga i le Fofoga o le Fono ma le mamalu o le
Palemene, ua saunoa ma fetalai nisi o sui i le saunoaga a
le Afioga i le alii Minisita, atonu ou te le toe oo foi i
tulaga i paia ma le mamalu o Samoa o loo faafogafoga
ao le a fagatonu le malama i le saunoaga a le Afioga i le
alii Minisita, aemaise mafaufauga i lo tatou Malo tau
atiae o Samoa i Sisifo.
I lau tautalaga mulimuli ae ou te lei faamavae ma le
Maota talu ai ao ou igoa ia Sam Saili, na amata ona
avatu ai au faitioga i le alii Palemia talu ai, aua ua tolu
tausaga e lei aliai mai se tulaga e ao ina manuia ai
Samoa mo le lumanai. O lauga amata ina ua tulai mai le
Afioga i le Palemia i le Sa o Samoa, sa ou matua tuu atu
le faalagolago ia te ia, ma tuu atu lou malosi ma le
atamai i se sao i totonu o lenei Palemene, e avatu uma i
ai fautuaga lelei e oo i ai lou mafaufau, e fau ai le Sa o
Samoa. Ua uma le tolu tausaga e leai e pei lava e le
amanaia e le Afioga i le Palemia ma Minisita. O le a la le
mea ua tupu ia Samoa ma le atunuu? O le a le mea na ala
ai na ae le tofa ma le fautuaga i le toatele o nisi o sui o le
Palemene ua nonofo mai nei, ia suia le Malo? E leai so
latou leo, ia avanoa ia i ai lo tatou atunuu ae paga lea ua
faasaina le fofoga o Samoa faapea foi ma nusipepa a le
Malo; o le paga lea ua faasaina le fofoga o Samoa faapea
foi ma nusipepa a le Malo; o le tele foi o nusipepa e au
foi i le Malo. Sa iu lava ina matua faaleagaina ai nisi o
sui usufono poo nisi ua toe pale mai i lenei taimi, atonu
ona pau lenei o le avanoa vaeatu lau Afioga i le Fofoga o
le Fono ma le mamalu o le tatou Palemene, aemaise le
faafogafoga a le atunuu o Samoa, e mafai ona avatu ai so
matou leo i alaga tatau ma auala sa taumafai i ai.
E moni ua papale mai lau Afioga i le alii Palemia e ui
atu i le Afioga i le Fofoga Fetalai, o lenei fatoa fono le
tatou Palemene. Ua lauga nisi o sui mamalu ua afaina le
pule maualuga poo le fefe o nisi mea e aafia ai le
faafofogaaga a le atunuu poo le fefe e fai le mea tonu.
Aua le fefe e tau atu le sao ina ia ou sese ai. Ua ou tei ina
ua ou faitau i se tasi o nusipepa a Niu Sila o loo tuu mai
ai le ata lalelei o le tatou Palemia i se la talatalanoaga ma
sa fai mai se tasi o tusitala o nusipepa i Niu Sila Sila,
atonu o nisi o saunoaga i le mamalu o le tatou atunuu ma
le paia o aiga, sa faapea ai nisi o le tatou Palemia, pau
lava le mea ua ia te ia na o ia ma le Atua, ao le atunuu
ma mea o iole uma, vaeatu le paia o lenei Maota. Ou te
lei talitonu i lea faaupuga a nei tagta sei ou faitau atu se
tasi o vaega: “O le mea ua ia lagona e le alagatatau ona
valaauina le Palemene seia aulia Mati a sau, nai lo le
tulaga masani sa tatau ona fono ia Iuni talu ai e iloiloina
ai le Tala Faatatau Faaopoopo o le Tupe. Ua faapea
Tupuola – “Ua ou fuafuaina e valaau le Palemene ia
Novema, sa ou fiafia lavae valaauina le Palemene i aso
ua tuanai, ae ua ou manatu sa matou le moomia se Tala
Faatatau Faaopoopo o le Tupe. Ua matou taumafai e tipi
le tupe ona o loo i ai sina faafitauli i le utiuti o a matou
tupe i fafo. E mafai ona e avaavau i tagata o le Malo ina
ia faitiitia tupe alu, ae le mafai lava. Ona pau lava le
auala e te mafai ai ona taofia i latou ina ia faaitiitia le
tupe alu o le taofia lea o le tupe mai ia i latou.
E faigata ona ou oo atu i nisi o faaupuga i totonu ou te
ma ma ou maasiasi e faaupu atu faa-Samoa nisi o
faaupuga o i ai i totonu. Ao i ua aliai mai ai le
faamaualuga o le taotu Palemia; e le o taitai manatu i le
mamalu o sui faipule o le atunuu. Ua tuu i lona lava
faitalia, e le faia se Fono faatoa fai ia Novema; ae sei
faapea mai e le manaomia se Tala Faatatau Faaopoopo o
Tupe. O le a la le mea ua tupu nei? O lea ua silasila i ai
lau Afioga i le Fofoga Fetalai ma le mamalu o le
Palemene, e ova i le $3miliona lea ua toe tuu mai i
tootnu o le Palemene. Ua uma le tausaga, ao le mea
moni ua uma ona faaaoga tupe. Ua saunoa se isi o sui i le
Saunoaga Faataupou a Sui Usufono 1961-2011
$1,700,000 na sili atu i luga na faaaogaina e le alii
Palemia ma lana Kapeneta i le 1977, i lo le mea na
faatagaina e le Palemene ua ova mamao i le 1%. O le
mea e masani ai foi nisi o Paeaiga talu ai, o ona tua atu e
uma le tausaga ua i ai nisi mea ua tatau oan fai, ae lei oo
se maoae faapea i le pule tutu a le tatou Palemia ma le
Kapeneta i le faaaoga o tupe a le tatou atunuu. E leai se
isi atunuu i le lalolagi e faapea se faiga o so latou Malo.
O lea foi ua aumai i le tala a le Lipoti a le Komiti o
Tupe ua taatia i le Laulau a Fono i lenei taeao, e faapea
mai o le 1979 o loo lelei pea lava le pulega o mea tau
tupe, na o le $1,700,000+ ua faaaoga e le tatou
Kapeneta. O le mea ua avanoa mai lalo i le Tala o le
Tupe 1979, e mafai ona latou faaaoga le $180,000, o le
mea moni ou te ofo i le alii Taitaifono ma lenei Komiti i
le latou aumai o lenei tala faapea i totonu o lenei
Palemene a ua latou silafia lelei o lea ua ova mamao atu
le faaaogaina e le Malo o tupe a le tatou atunuu. Na ona
aumai o mea la ua pasia i totonu o le Kapeneta ua
faaaoga, ae le o aumai mea sao o mea o loo pulepuletutu
ai i latou ma faaaoga pea i totonu i Matagaluega eseese
ae lei pasia atu i totonu o lenei Maota. E mafai ona ou
alu i tua faamatala mai i tausaga ma tausaga, o tupe sa
faaaogaina e lea Paeaiga ma lea Paeaiga, ae talu mai le
Paeaiga lenei i le tolutausaga ua maoae tele. O le mea e
sili ona ou faanoanoa ai e le o manatu i le pule a le
Palemene; ua tuusaunoa mai lava ua le faia sa tatou Fono
ia Iuni poo Iulai.
O lea foi ou te manatua o au lava sa ou tautala i lenei
Maota, i lau fuafuaga ina ua ou tulai mai i le tulaga o le
Minisita o Tupe, atonu i se lumanai o le a tatau ona toe i
ai se Tala Faaopoopo o le Tupe ona o le agaga lea. E
mafaufau lava ulu o Matagaluega e le afaina o loo i ai le
Tala Faaopoopo o Tupe e toe aumai foi nisi tupe. Ona
soona faaaoga ai lava lea i le amataga o le tausaga, a na
faapea mai le Afioga i le Palemia i le faaiuga o le
tausaga talu ai, e leai se Tala Faaopoopo o le Tupe, ona
ou ioe lea, ae leaga e oo mai lava ia Iuni ma Iulai ua
silafia lelei lava ua ova mamao le tupe i lo le tupe e tatau
ona faaaoga i lea taimi.
O nisi nei o mea sa faaaogaian e le Malo e aunoa ma se
faatagaga a lenei Maota. E moni o lea ua aumai i totonu i
le Tala Faatatau o Tupe i le Maota lea o Pulenuu. Sa
tautalagia le Maota o Pulenuu i le Fono ia Iulai i le
tausaga talu ai. Sa lei manatu lava le Palemia ma le
Kapeneta i le pule a le Maota; ua fai lava le Maota o
Pulenuu, ae sa tatau ona aumai i le Tala o le Tupe 1978
mo le 1979. O lea faatoa aumai le tupe lea e $46,000 ina
ia faatagaina mo le fale lea ua leva ona faaaoga.
O le fale o Samoa i Niu Sila, o le tasi lea o fale ua
faaaoga tupe e aunoa ma se faatagaina e lenei Maota. E
moni sa tatou pasia se Tulafono mo le aitalafuina mo se
nonoina o le tupe mo le fausia o lea fale; ao le mea lava
e masani ai e pasia le Tulafono e nono ai tupe mo lea
atiina ae, ae aumai poo faapefea ona faaaoga. Ua uma le
Maota o Samoa; ua manaia o se atiina ae lelei, ao loo
nofo auliuli le paia ma le mamalu o Samoa, pe fia se
tupe na alu ai i le fausia o lea Maota i Niu Sila, e tatau
ona aumai i totonu o le Tala o le Tupe. Sa maua foi le
tala faapea sa faatauina foi e le Malo se isi fale i totonu
Uelegitone. E i ai isi tala ou te le manao e talai ma
auiliili atu, a ua fai foi i le pulepuletutu le faatauina o
lenei fale e aunoa ma le faatagaga a le Palemene. Ua
leva ona faatau ao lea faatoa aumai i totonu e tuu i ai le
mea foi lea e taua i le faapapalagi o rubber stamps poo
faailoga oomi ao lo tatou Maota.
Lau Afioga i le Fofoga Fetalai ma le mamalu o le
Palemene, pe na tatou omai ea e o tatou itumalo tatou te
omai e nofonofo? A aumai lava mea tatou te tuu i ai le
tatou stamp? E pule pea le Palemia ma le Kapeneta? O le
pule lea ou te lagona ua afaina ai le atunuu? E faapea foi
le faaaogaina o tupe o loo ua sagisagi nei i ai le Afioga i
le Palemia ma faapea mai, o le atiina ae ua sili i lona
finagalo o le atiina ae lea o itumalo ma alaalafaga, o mea
sili ma mea lelei.
A silasila i le faatuina mai o le atiina ae mo le 5 tausaga
lea o le a maea, o iina na afua mai ai ae ese le agaga sa i
ai aua o au sa fafau mai na tulaga. E le o se agaga e
pulea atu e le Malo le mea e alu agai i ai le tupe, e pei o
le atunuu e leai ni o latou finagalo ma ni mafaufau e
fuafua ai e i latou le mea lelei mo i laotu lava. Ao le a
lea? leai, a le avatua pa uaea e leai se atiina ae, a leai le
afi o moli e leai se atiina ae o le a lea? Ou te leiloa foi i
le mamalu o lenei Palemene poo ai kamupani o loo
okaina nei uaea ma nei masini ao ai o loo maua ai a altou
komisi. O mea lelei, o mea ia e faigata i lou mafaufau
ona ou ioe i le tulaga o loo i ai e manuia lautele ai le
atunuu ma lenei fia miliona ua faaaoga i totonu o tupe
nei i le tele o meaalofa mai fafo. E ui o lea e tatau ona
aumai i totonu o lenei Maota, aumai i totonu fuafuaga ua
faaaogaina nei e le Palemia ma nisi o Komiti le tupe tele
lenei a le atunuu, e aunoa ma le silafia e le Palemene.
Poo faapefea ona faaaoga, poo ai o ave agai i ai? E leai
se tala o aumaia, na o le tasi a le mea lea e sau i le Tala o
le Tupe ma le Tala Faaopoopo oTupe. O le tupe lea e alu
agai i ai ao se upu i le faaaogaina o le tupe, o le pule lava
a le Palemene e tatau ona faaaogaina ai le tupe lenei. E
le faaaogaina i se pule a se toatasi, a leai fau se
Tulafono. O ala ia o a tatou mea mo le faaaogaina o le
tupe, e pei lava o le faaaogaina o le tupe mai lea
Faletupe o le Atiina Ae. Ia lelei le Tulafono, aumai le
tupe nono ma meaaalofa mai fafo, ave i ai e faataatia ai
aua e le mafai ona alo ai se tagata, e le mafai ona
faaauau ai se tagata aua o lea ua i ai le Tulafono e pulea
ai meatotino a lo tatou atunuu.
Ua i ai foi le popole tele i le tele o faipule ona ua faatoa
oo i se taimi muamua lenei ua aliali mai i Paeaiga talu ai,
ua aitalafu lo tatou Malo e aunoa ma le fesiligia o le
faatagana a le Maota lenei. Ou te fia faasilasila atu lau
Afioga i le Fofoga o le Fono ma le mamalu o le
Palemene i le lauga a le Afioga i le Minisita ia Tesema
1978 i le Tala o le Tupe mo le 1979, ua ou faamavae ma
le tofi. O loo i lalo i le vaega lona fa i le numera 6 le
aitalafu a le KFW 1978 e 13 lona numera. Ua taua mai ai
ua aitalafu lo tatou Malo i maka Siamani e $7miliona
tala (DM7m), e tusa lea o le WS$1.7miliona. O le
Saunoaga Faataupou a Sui Usufono 1961-2011
faaupuga o le tupe e fesoasoani i le faatupeina o le vaa
foi lea sa silasila i ai le mamalu o lau Afioga i le Fofoga
o le Fono ma le mamalu o le Palemene i le taeao ananafi.
Ae a silasila la i le Tulafono na faatagaina ai le
faanegatupe lea, o le Tulafono lea numera 8 1978, ao le
fuaiupu 7 ua faapea mai: Faatagaina o le faauneina mai o
le $6miliona maka. Ua faatagaina nei le Minisita o Tupe
i lalo o aiaiga o le Tulafono o Pule Tau Tupe 1964, na te
faanueina mai tupe i luga o le puipuiga o Tupe Maua a le
Malo o Samoa i Sisifo i le vaitaimi e faagata i le aso 31
Tesema 1979, o se aofaiga o tupe e le sili atu i le
$6miliona maka Siamani, o le a toe totogiina atu i tupe
Siamani i luga o le tuutuuga poo tuutuuga e le sili atu i le
15 tausaga i se tului e le sili atu i le 8½%.
A outou silasila i ai na o le $6miliona maka lea e tau
mai, ao le aitalafu lea ua faia e le Malo, e $7miliona
maka. Ua muamua ta le aufai a faanoi mulimuli i lenei
Maota, tatou te alolofa, tatou te manumanu foi ia tatou
Minisita ma le tatou Palemia, e le mafai ona le ioe i ia
mea, ae sei alolofa. Na aumai faatasi ai i le fonotaga lea
ia Tesema lelei faaunegatupe numera 25 e aitalafu ai le
isi miliona mulimuli, a ua leva ona uma ona aitalafu ma
faaaoga lea tupe. O iina e atugalu ai lou sui aua ou te iloa
lelei tulaga i mea tau tupe. O lea foi e atugalu ai lou
manatu vaivai, ma le tele o sui i le tele o nisi o Tulafono
i faaunegatupe nei e tau faaofi mai i totonu o le tatou
atunuu. I le avatu o le pule e toatasi ai le alii Minisita e
mafai ai ona faia nei ituaiga mea. A tatou taofiofi mau i
le pule ma le mea e saogalemu ai Samoa ona tatou
leleilava lea mo le lumanai.
O le tasi foi mea o loo i le Tulafono 1964, Tupe a le
Malo, le vaega 14 i le aitalafuina ma tupe faaaitalafu i
totonu o le Faletupe. E mafai ona aitalafu pe faaaitalafu
lo tatou Malo i totonu o le Faletupe o Samoa i Sisifo i
soo se vaitaimi o le tausaga, ae a oo i le faaiuga o le
tausaga ua tatau ona totogi uma atu na tupe faaaitalafu
faatasi ma le pasene. O lona uiga a oo i le faaiuga o le
tausaga, e tatau ona leai se aitalafu o i ai a le tatou Malo
i totonu o le Faletupe. Ao le a le mea ua oo i ai? O lea
foi faatoa aumai tala nei o le tupe 1976, atonu e le o tofu
afioga a alii faipule ma le kopi. A silasila la i ai i tupe o
loo aitalafu ai le tatou Malo i totonu o le Faletupe o
Samoa i Sisifo, e fai lava sina maoae.
O le 1976 o loo i totonu o le pepa lea le $551,505, o loo
aitalafu ai le Malo i le Faletupe o Samoa i Sisifo. Ao
mea nei e ilitata tele i ai le Minisita o Tupe ma Failautusi
o Tupe. Ua leiloa poo le a le mea ua faapea ai, e pei foi
la ona ou tau atu faamama i lea itu, ao le mea moni ona
ua ova tele le faaaoga a le Malo e le taitai talafeagai ma
le mea o i ai. O fea la le mea o le a aumai ai nisi tupe? O
lea ua na o le aitalafu, aitalafu ae le faatagaina e
Tulafono. O le 1977 e $460,434 tupe o lea e ave i totonu
nai lo le mea o loo faatagaina e le Tulafono.
O lona tolu, i totonu foi o le faaupuga lenei poo
mitamitaga ma saaafiafiaga a le alii Palemia ua faapea
mai. O se tasi lea o atiina ae o loo mitamita ai, afai e
tuumalo i le aso, ua manaomia e tautaua ai i lea atiina ae.
O loo faapea mai foi ae ou te le tau atu le upu sao o loo
sau ai i totonu, o ni faitioga a nisi o tagata o loo i le itu
tetee faapea ua solo ina manuia pea le au maumea ae au
ina mativa le tagata mativa o loo tatou atunuu. O le
matua i sese lea faaupuga i le saunoaga a le Palemia, ou
te le tau atua le isi faaupuga poo le isi veape o loo i ai.
Ou te ma i tau atu.
O le tau o le soifuaga ma le faaitiitia o le aoga o le tupe
a le Malo ia Me ma Iuni o lenei tausaga, ou te matua i
faitio ma tagi uu lou mafaufau i lenei fuafuaga ua fai e le
Malo. Ou te lagona e lei i ai se fuafua agai i luma, fuafua
agai i tua, fuafua agai i autafa, fuafua i le mamalu o le
Atunuu, le mamaul o le aufaigaluega i faatoaga, le
aufaigaluega a le Mao, aufaigaluega i le aufaipisinisi, e
leai se fuafuaga, ona pau a le mea atonu o lea sa saunoa
ai le Afioga ia Leota, ai ua faamalosi mai fafo iatatou ina
ia faaitiitia le aoga o le tatou tupe. O le mea lea e tupu ai
e fiu latou e fai mai ia te au i aso o ou Minisita ae leai,
aua foi e afaina ai le atunuu ma le atiina ae. O mea la nei
fai mai e 15% le faaitiitia o le tatou tupe, ae le sao foi
lea, e 20%, na o le va lava ma le tupe a Niu Sila sa
faaitiitia ai le tatou tupe e 15% ao isi atunuu uma o le
lalolagi e 20%. O le a la le mea ua oo i i le atunuu i le
faaitiitia o le aoga o le tatou tupe i le taimi lenei? Ia sei
saunoa mai la le Afioga i le Palemia sei tali mai o le a le
mea o loo faavae ai lona finagao. E leai, o loo manuia
atu le mativa i lo le maumea i lenei taimi.
I le fuafua i totogi ma le tau o le soifuaga, o le 1975 pea
tatou fuafua i le tagata faigaluega na o le $5 i le aso, ao
se totogi maoae lea mo a tatou tagata faiguega. O se
tama ma se tina ma ni o la alo se toatolu e nonofo i
totonu o le taulaga ae $5 le totogi o le tama, a fuafua atu
i le mea e soifua ai latou i totonu o Apia na o le taumafa
lava ae le faataua ai se isi mea, a fuafua mo le vaiaos e 7
falaoa, lua pauna pata, ½ pauna ti, 10 pauna suka, 1 le
pauna masima, lua pauna gao, 6 pauna povi, 6 pauna tau
ia, 4 apa eleni, 1 le moli tamea, 10 pauna alaisa, 25
pauna talo, kuaka le faaaoga o le tooth paste lapoa
vaeatu le paia o le Maota, ia ma le 8 pauna mamoe. O
mea nei e ola ai le aiga e toalima, o le tama ma le tina
ma o la alo e toatolu, 1975, faaopoopo atau o mea uma
lava nei i le tau na i ai i na taimi e $18.82 i le vaiaso,
aveese ai le totogi o le tama i le vaiaso, totoe le $6.18 e
fai uma ai isi mea. O le $6.18 lea e totogi ai le moli, ave
ai le alofa i le faifeau, pili o tamaiti aoga, ae le taitai ona
lava. O le 1979 i le taimi ina ua ave i lalo le aoga o le
tatou tupe, o le aofaiga o nei lava mea taitasi e $28.62,
ae a fuafua i le totogi e $25 i le vaiaso i lea vaitaimi
faaopoopo i ai siitaga sa pasia e le Mao e 5% i le vaiaso
7½ i le 1977 ma le $80 lea ua uma ona faatagaina e le
Mao, ona maua ai lea o le totogi o lea tgata mai lena
tiami e oo mai i lenei taimi e $29, o lona uiga ua na o le
.38sene a lea tagata e maua i lenei taimi e faatusatusa ma
le $6.18 i le 1975. O le a la le manuia? O le a la le sili ae
o le tagat mativa i lenei taimi taimi? O nisi o
faatusatusaga pea fuafua i le aotetele o Samoa ma fuafua
i tupe o loo faataavale, o tupe a tagata o loo teu i faletupe
ma tupe o loo nono mai i le faletupe o le atunuu atoa. A
fuafua la i le 1975 & 1979, o tupe a tagata sa teu i
Saunoaga Faataupou a Sui Usufono 1961-2011
faletupe, $7,225,000 o tupe o saofaga a tagata faigaluega
ua ave i totonu o le NPF; e $3,006,000 ona faaopoopo
lea o le $11,000.65.
Faafetai lava i le Fofoga o le Fono ma le mamalu o le
Palemene i le avanoa. Ou te lagona foi o loo fia
faafogafoga le mamalu o sui aemaise le mamalu o le
atunuu. Ona aveese ai lea o tupe nono mai i Faletupe e
tagata; Faletupe e $4,170,000 o tupe nono mai le
Faletupe o Atiina Ae e $987,000,000, ona totoe ai lea o
le tupe mama faatusatusa i le 1975 $1,029,000, a
faatusatusa la i le 1979, o tupe o loo teu i totonu o le
Faletupe, Faletupe $15,648,000, tupe teu i totonu o
Falemeli e $848,000; tupe poo saofaga i totonu o le NPF,
$7,000,000; o le faatasiga e $23,526,000, ao tupe o loo
aveese mai poo aitalafu nono mai Faletupe e
$10,269,000; tupe nono mai le Faletupe o Atiina Ae
$4,832,000; tupe e nono mai le NPF e $9,309,000; a
faaopoopo e $24,410,000. O lona uiga ua tele atu tupe o
loo aitalafu nai lo tupe teu. O lona uiga ua tatou ola
aitalafu i lenei taimi. E le gata i lea o aiga o loo i fafo. O
na e silasila le mamalu o le tele o malaga e o atu i fafo,
omai ma luugatupe; o mea na o loo soifua ai nei lo tatou
atunuu i lenei taimi ao se upu i le atiina ae ma le
faamanuaina lautele, talofa e Samoa.
O isi faatusatusaga pe afai e alu i alamanuia, o isi
faatusatusaga o mea e mafai ona faia e tagata i lea
vaitaimi ma lea vaitaimi aua a lava tupe a tagata ua fai
galuega ae a leai ua leai. I le 1973 o pemita nei na
faatagaina mo le fausia o maota o aiga taitasi. E 404
pemita i le 1973, 1974 e 373; 1975 e 390; 1976 e 358; ua
sau i lalo, 1977 e 262; 1978 ua feoloolo le 1973, 1974
ma le 1975. O iina e iloa ai le manuia o tagata lautele, ao
le a le tulaga o le aumaumea na o le tou silasila lava i
maota fou o loo fai nei i le taulaga. A outou fia tagai ona
outou o lea i se taavale mananaia ma fale taugata. O le a
la le faatusatusaga o le maumea ma le mativa i lenei
taimi? Talofa e Samoa, aua le aumaia upu e faavalea ai
le atunuu, ae tatou o i mea ua tino mai mea ua
faamaonia, talofa e ia Samoa, o le a le tulaga o le a i ai le
tatou atiina ae. Ua outou sialfia lelei le taimi ao ou
Minisita, sa ou inaina i le tatou sone saoloto lea ina ia
vave faamaonia. O le taimi lena o le totogi sa i ai le
tagata faigaluega ua faatagaina e $1.50 i le aso. Ou te
tagi uu i le aufaigaluega a le Malo, e moni, tagi mai, a
faatusatusa i le tau o le soifuaga ua le talafeagai ao le
mea sa ou manatu i ai o loo i ai aiga e taitoasefululua, ao
na aiga e na o le toalua tagata e faigaluega. A faatusatusa
la i le totogi sa i ai ae lei pau le tatou tupe e $2.50 a le
leipa, na o le toalua tagata faigaluega e $5 i le aso le tupe
a le aiga atoa e toasefululua e maua. Ao le agaga sa ia te
au, e auina mai falegaosi mea i totonu aua e taugofie le
tau oa tatou tagata faigaluega, faafaigaluega uma le isi
toavalua i le $2.50 ona faaopoopo mai ai lea ua maua le
tupe o loo sili mamao atu nai lo le tupe o loo ola ai le
aiga. Ae a sii le totogi i le $3.30 i le aso, e tele kamupani
e le omai i totogi, aua ua sili ona taugata atu tatou tagata
galulue nai lo tagata Toga. E o agai i Toga, e fuafua e
tagata faipisinisi le lelei o lea atunuu ma lea atunuu i le
atiina ae, Afai la o tagata malolosi ua tatau ona
faigaluega i le taimi nei i le tatou atunuu e tusa ma le
50,000 tagata, o le taimi nei e tusa na o le 20,000 tagata
o loo faigaluega. ao le agaga sa i ai ia faigaluega uma le
40,000, taatia pea ia la le isi 10,000 aua e tatau ona i ai
nisi tagata e tausi aiga. A faigaluega uma le 40,000 ua
omai i falegaosimea ua i totonu iina, ona amata loa lea
ona fai o le tiute a le Malo, fai le tiute o le siisii i luga
totogi, aua e le mafai ona toe sosola i fafo aua o lea ua i
totonu i le faamanuiaga lea e manao ai, ao le a manuia ai
le lautele o tagata i le atiina ae o loo mimita ai nei la
tatou Palemene sei fesili i itumalo poo le a le manuia o
maua mai iina.
O lea foi sa lauga se tasi o sui o tupe nei e nono mai mo
tatou Faletupe, o manuia lava na o le maumea. Ao le a le
faamanuiaga o le tagata lautele ina ia tagai i pa-uaea. A
ou alu atu i le auala lea e tau atu i Leulumoega o la e
puipui ai le auala tele puipui ai pa-aute. O le a la le
manuia o le atunuu e maua ai? E sese nei faaupuga, lau
Afioga i le Fofoga o le fono ma le mamalu o le
Palemene, ua tatou agai atu lava i le tulaga o le a le
mafai ona toe foia le faafitauli ona o le le lelei o le
faautauta ma le fuafuaina o tatou atiina ae, faapea ma le
mea ua ala ia ona faaitiitiaa le aoga o le tatou tupe. E tasi
lava le taimi e fai ai le faaiuga, o lenei ua tagi mai le
aufaigaluega a le Malo, ae ana e faaitiitia le aoga o le
tupe e le tele se mea e tagi mai ai le aufaiglauega a le
Malo. Ao le mea moni e tatau ona faamalie le
aufaigaluega a le Malo aua o tatou lava ua tatou nofo ma
faataugata le tau o le soifuaga, e tele mea e fai e tatou i
totonu o le atunuu e mafai ai ona faaitiitia ae le o faia e
le Malo. ua fiu foi e avatu fautuaga se ua fiu e avatu
fautuaga e fai le malae vaalele lea ma le uafu e ui lava
ina outou mumusu e fai ai ona o le tou faapea o le mea
na taumafai e Sam Saili. Ioe, ae ou te tau atu e pei ona
ou fai atu muamua e galulue fua e atiina ae pe a le faia
lea atiina ae. Ae atonu o le manao o nisi o Minisita poo
le Minisita o loo vaaia e fealuai fua i luga o le vaalele lea
a le Polenisia, leai e mafai lava ona tatou puipuia o le
tatou vaalele. O le a aumai vaalele tetele i fafo, o le
manuia lautele o le tatou atunuu. O le a taugofie pasese
aua e omai sao vaalele, e manuia ai foi le Poneisia. Ou te
le fai atu e uunai le Polenisia? E le lava tagata omai i
totonu o le tatou atunuu e faamanuia ai le atiina ae, le
kamupani vaalele a Fiti lea ua sau nei ua manuia aua foi
o loo i ai le latou malae vaalele tele e o atu i ai sasaa le
tele o tagata , ona manao lea o tagata nei e o agai i Toga,
omai i samoa ma isi motu o le Pasefika ona tumu ai lea o
a latou vaalele. Ae a leai ni tagata e o i totonu o Fiti e oo
foi le Kamupani vaalele a Fiti e pei o le tatou kamupani
vaalele i totonu o Samoa. O le a le mea tatou te fefefe ai,
e miliona ma miliona tupe o lea na saunoa Leota e tele
lava le tatou tulaga faatuatuaina ioe, lelei. A le mafai ona
tutu i luga i le mamafatu o le avega, o le taimi a lenei o
loo ua amata lava oan mamafatu talu ai le le lelei o
fuafuaga a le Malo ua ala ai ona faapenei.
Lau Afioga i le Fofoga o le Fono e tele nisi o mataupu
ou te fia tautala i ai, e pei o le pulega a se tasi o Minisita
Saunoaga Faataupou a Sui Usufono 1961-2011
ua aliai mai ua aumai nisi oloa i totonu ua ave agai i tua,
ae lei siakiina, aumai fua i luga o le vaa a le Malo, atonu
foi ua ou faalogo e i ai foi ma nisi mea na aumai i luga o
le vaalele a le tatou atunuu, omea lava o le pisinisi a le
Minisita ae totogi e le Malo, sei silasila lau AFioga ile
Palemia i ia faiga faapea. E mafai ona ou auiliili atu ae
sei aumai se tali a le alii Minisita ma le afioga i le alii
Palemia poo a ia faiga faapenei.
O lea le mamalu e o le Palemene, ona ua ova tele lo‟u
taimi ma ou te manatu foi o loo toatele nisi o sui usufono
o lo‟o fia saunoa. Afai e pao-papa le tautalaga, ona pau
lava le agaga o lenei tagata e fia tautala sa‟o atu lava i se
mea oi lo‟u loto. Ou te le fefe i le mea moni, ou te
faapenei atu ai i lau Afioga i le Fofoga o le Fono ma le
mamalu o le Palemene, poo fea lava le mea o loo i ai, o
lea o loo faafofoga mai Samoa. Aua ne‟i avea i tatou ma
fasi laau e tafia i tafeaga ma alu atu ai lava, aua o le a le
lelei ai ona outou tofafa ma momoe i le po, ae ao ona
faataua i o tatou mafaufau le tiute na tuuina mai e o o
tatou Itumalo tatou te omai e fai le mea moni, fai le mea
sao ma fai le mea amiotonu mo le manuia a taeao o
Samoa. A faapena, ou te matua fiafia aua po‟o le a le
mea e oo i ai le tatou Paeaiga, ae ua fai le tiute moni aua
le manuia o Samoa mo a taeao. Soifua.
Tofa FUATAGA LAULU
Itumalo Faaalaalafaga:
Vaimauga Sasae
Filifilia:
9 Mati 1979
Faatauto:
28 Mati 1979
Lauga Faataupou:
10 Tesema 1979
Lau Afioga i le Fofoga
Fetalai, sa fai si o‟u
faaletonu ina ua ou vaavai
atu i le taimi ua puupuu, ae le lelei foi se lauga ae fai fai
motu, ae ui i lea ona o lo‟u faaaloalo i lau Afioga i le
Fofoga Fetalai, o lea ua ou sauni ai e avatu se manatu.
Lau Afioga i le Fofoga Fetalai ma le mamalu o le
Palemene aemaise foi le tapuaiga mamalu ia Tumua ma
Pule, Ituau ma Alataua, Aiga i le Tai ma le Vaa o Fonoti,
e le gata i lea o le tapuaiga mamalu i Fata Faitaulaga e
fia o lo‟o tapuaia se Malo manuia mo Samoa, aemaise le
agai i luma. Ou te manatu foi o lo‟o tapua‟i mai lo matou
Itumalo, ma e i ai lo‟u talitonuga o le a latou aufaatasi
ma a‟u o le sui usufono ua outou filifilia e ave so tatou
manatu aua le tau atiaeina o le Malo o Samoa.
Ua ou fai atu lea tala i le tapuaiga a lo matou Itumalo
ona ou te le tau faamatala atu, o lea e silafia e le
Palemia. O le isi lenei Itumalo e faiā i le Palemia ma ou
te faapenei atu, e faigata ia te a‟u lo matou Itumalo, aua
o a‟u lava ia ma o matou aiga, e aiga i le faletua o le
Palemia, a‟o se mea faigata ia te a‟u lo‟u alu e fai o
matou aiga ae lafoa‟i le Itumalo na latou filifili mai a‟u,
aemaise le tele o manaoga ua au tausagā e le o
fesoasoani le Malo i le soifua manuia o le Vaimauga i
Sasae.
O le a amata atu la‟u faamatalaga i se mea na laga e se
tasi o sui usufono. O lo‟u manumanuga lava aemaise foi
o a‟u, a faalavelave se isi a‟o ou lauga, ou te le fiafia i ai
aua e galo ai la‟u lauga. Sa saunoa le sui usufono mo
Faleata e faapea, ua faimea faapito le Palemia ia
Vaimauga. Ina ne‟i taitaiseseina le Maota aemaise le
faafofoga mai a lo matou Itumalo, o lea o le a ou amata
atu ai i le vaega lea o lo‟o faapea mai ai lenei sui
usufono o Vaimauga o lo‟o i ai faamanuiaga a le Malo
aemaise lava o mea tau eleele.
O le Itumalo lenei o Vaimauga Sasae, ua fai ma
muagagana pe a matou o atu i atunuu i fafo, e tai pei foi
o Tutuila. E i ai le upu faa-Samoa e faapea, “E lumafale i
le sami ae tuafale i le papa”. O le upu masani lea a le
Atunuu, ae o le gao lea ua faaigoa ai lenei Itumalo, e
lumafale i le sami ae tuafale i pa povi a papalagi. A
outou malaga i Sasae ona outou silasila ane lea i le nuu o
Vailele. E sosoo lava le mea o lo‟o nonofo ai lo matou
Itumalo ma le pa povi, o le atina‟e a le Malo o lo‟o fai ai
i lena nuu. O lea ua ou manatu ai, e leai, ua le sa‟o lea
faaupuga. E le o faimea faapito le Palemia ia Vaimauga.
Atonu ai lava o naunau ina ia faasa‟osa‟o le faasoasoaina
o eleele, ae na ona ou faamanatu atu, e leai lava ni
afioaga o le Atunuu atoa o sosoo ma ni pa povi. O se
mea e logotiga i so‟o se isi lenei manatu.
I le taimi na tulai mai ai le Afioga ia Mataafa ina ua
Tutoatasi Samoa, sa matou talosagaina. O lana saunoaga
o le a fai se Tulafono e faamatuu ai eleele o le Atunuu ia
e i lalo o le Esetete Tausi ina ia mafai ona maua ni eleele
o Faleata ma Vaimauga. Ona avea‟i, avea‟i lea afio mai
le isi Tama a Aiga, Afioga Tupua Tamasese, na ona ou
faamanatu atu i lau Tofa Tupuola, o lo‟o i ai i Tala
Faamaumau o lenei Maota, na saunoa lava Tamasese o
Vaimauga o le Itumalo muamua lava lea o le a tuu i ai
eleele. E faanoanoa le agaga ona ua uma mai le itu lea i
Aiga i le Tai, ua tofu lava na nuu ma eleele. Ai ona o le
Alii Pule o le Esetete Tausi e afio mai lena Itumalo, ua
tafili saoloto lena Itumalo i eleele. E sa‟o foi Faleata, ae
finagalo malie lau Afioga i le Fofoga Fetalai, masalo o le
taimi lenei e tatau ai ona ou faamatala atu lo matou le
fiafia i le faasoasoaina o eleele. Sa matou talosaga mai i
ni mea e nonofo ai le mamalu o lenei Itumalo, atonu ua
silafia ua tóatele aiga. O nisi o aiga ua taitoalua,
taitoatolu matai faatasi ma a latou fanau, ae na o le tasi
lava le fale o lo‟o nonofo ai uma ia matai e toalua pe
toatolu, ona ua na o le pau lava lea o le eleele na latou
ola mai ai, ae e faanoanoa ona ua 17 tausaga talu ona
Tutoatasi le Malo o Samoa, ae ona pau le mea na saunoa
mai ai le Palemia i le tausaga 1978, “Letogo ma
Vaileele, o le a tuuina atu fanua o le Esetete Tausi o lo‟o
lisiina ia Pakini e vaelua mo nuu nei e lua”. Ona aveai,
aveai lea sau Pakini faalavelave. Ua leai se fanua saunoa mai le Palemia, “Ia outou malilie, o lea o le a ave
le Vaimauga i Tiavi”. Ia, faasolo, faasolo uma Tiavi, ae
leai se fanua. Sa matou galulue pea ma lo matou agaga
faatuatua ola e alofa mai le Palemia i lenei Itumalo. Ua
Saunoaga Faataupou a Sui Usufono 1961-2011
leai ni o matou fanua i Tiavi. O atu le Komiti o Eleele e
faasino fanua, ae le mafai Pakini, ae ua faasino le isi
vaega i luga o le mauga, e ta‟u e le matou nuu le mea
lena o le Tula na faasino i ai Vailele ma Letogo.
E tatau ona ou faamatala atu le upu lea o le Tula. Afai
tou te silafia se tasi o tamalii po‟o se failauga ua leai ni
lauulu i lona ao, o le mea lena na ala ai ona faaigoa lenei
eleele o le Tula ona e oo loa i aso mugālā, e pēpē uma
meatotō i luga o lea ogaeleele ae aliali mai na o le
palapala mūmū. Ia, matou te le‟i teena lena foa‟i, ae ua
matou iloa lelei e maumau le taimi. E leai se mea a
Pakini talu ona lisi atu i ai le fanua e le Esetete Tausi o
faia i lena eleele, ona o lo‟o iloa lelei foi e Pakini ia, e
leai se mea e ola ai i eleele ia na faasino mai e le Palemia
ma lana Komiti e o i ai Vailele ma Letogo, aemaise foi
lau Afioga i le Fofoga Fetalai, e ese foi fuafuaga a le
Malo ia. Atonu ai o lo‟o manumanu ma naunau le Malo i
le Esetete Tausi, ae ou te talosaga atu lau Afioga i le
Fofoga Fetalai, ia silafia lelei e lenei Maota ua i ai atinae
ia ua faia e le Palemia ma le Faigamalo i o matou eleele i
Sasae.
Muamua o le Malae Ta Polo: e lelei, e ui lava ina faaTamā Lana Afioga Mamalu O le Ao o le Malo ae Sui
faa-Tamā le Palemia, ae fai pea ia le Malae Ta Polo e ui
lava ina o lea e vaavaai atu ma le faanoanoa e leai se
mea o tino mai mo lenei Itumalo. Pau lava la le mea o
lo‟o fai nei o le tatalo i le Atua.
Lua, ua avatu le Malae Vaalele: ia e sosoo lava ma fale
o lenei nuu. E leai lava se‟i alofa mai le Palemia ma le
Faigamalo i le talosaga atu o lenei nuu. O lea foi la ua
avatu lenei polokalame e fai ai fale e nonofo ai alii
papalagi mai fafo. O se mea lava matou te matua lagona
ai le faanoanoa. Atonu ai ua fuafua lenei Malo e fai fale
e o mai i ai papalagi, ae a faapefea ea le mamalu o le
Atunuu o lo‟o afifio i lea vaega o Samoa, aemaise lenei
Itumalo ua 17 tausaga o talosaga lava i ni eleele se‟i
soifua ai? Ou te fai atu faapenei aua o le mea e sili ai o
lo‟o faafofoga mai le Afioga i le Palemia, ou te matua
tetee i lenei tulaga ua i ai fuafuaga a le Malo, ma o se
mea mataga foi i le aganuu le faafesaga‟i faapenei ma
tagata ese. Ou te lagona o i inei o le a avea ai lenei
Itumalo ma ni tagata le taupulea. O nei papalagi ua o atu
nei ma nonofo faatasi ma matou; ua outou silafia uiga o
papalagi. E fai a matou leoleoga matou te taumafai e
puipui le mamalu o le Atunuu aemaise foi ē e
fegasoloa‟i. A‟o papalagi latou te le iloa po‟o a ia mea o
lotu. E fai lava latou aua e ese o latou talitonuga, ese a
latou aganuu. Ou te talosaga atu faapea i lau Afioga i le
Palemia, avea ia a‟u ma sui o lo matou Itumalo aua ou te
talitonu, a oo loa i tulaga ia, ailoga e i ai se Vaimauga e
toe fiafia i se Faigamalo? Ua matou le fiafia ona o lo‟o
tagi mai i le fia maua o ni mea e soifua ai, ae e te naunau
lava i le fai o atina‟e povi. O lea ou te talosaga atu ai, e
sili ea nei povi i lo le soifua o lenei Itumalo? E avea ai
a‟u ma sui o lenei itumalo ou te talosaga atu ai, ia e alofa
e le o se mea telē le itu i Sasae o le Malae Ta Polo. E ui
lava ona ua toe faalautele atu e oo i gauta o Vailele, a‟o
lenei lava matou te faimea faalogo i lau Afioga, ae ona
pau lava lena o se vaega ia tuu mai, o le itu i Sasae o le
Malae Ta Polo e soifua ai ma faalautele i ai le aai o
Vailele. E le gata i lea o le nuu lea o Letogo e nonofo
mai i uta i le toafa, ae a pe a aumai le itu i Sasae o
Vailele? Pau lava lea o se poloka e tasi ma e le tele foi se
mea e vavaeeseina mai le Esetete Tausi a lo tatou Malo
ina ia soifua ai lenei nuu. Ou te talosaga atu foi, ua lava
ia fale o le Malo. O le a la‟u mai, la‟u mai ia papalagi o
le a uma eleele, ae tuu mai lena fasi eleele e laitiiti i
gauta o atufalega o le Malo se‟i maua ai ni nai fasi fanua
aemaise foi se‟i fausia ai so matou faleaoga.
Ua ou le iloa ia Fuimaono ua leva ona talosaga i ai i se
mea se‟i fai ai se faleaoga. Sa matou talosaga i lena itu,
ae ou te masalo ai e le fiafia Fuimaono ia te a‟u ona o
lo‟u le alu atu e lagolago ia te ia ma le Malo. O lea la ou
te talosaga atu ai i lau Afioga i le Palemia, e le tagisā le
Vaimauga, ae ona ua lagona le faigata o le soifuaga
faatasi ma le lē maua o le soifua maloloina ona ua
tóatele ē ua soifua mai i se fasi fanua e tasi poo le fale
foi e tasi, ae ua faatoateleina le faitau aofai o lenei
Itumalo. Ou te faapea atu ai, e le faamata‟ua le Malo ae
silasila i le fale o le Malae Ta Polo na fai na mu lefulefu,
ua fiu leoleo ua le iloa po‟o fea na sau ai le mu, ua siliga
ma e le‟i susunuina e se tagata, a‟o le mana o talosaga i
le Atua ina ia aveese le Malae Ta Polo ona o lenei e oi
lenei Itumalo i le fia maua o ni eleele e soifua ai.
Silasila i le Faalapotopotoga lea sa vevesi ai nei
nusipepa, sa latou fai mai o ai lea tamalii, o ai lea
failauga ua le iloa po‟o fea Tala o Tupe? Na ona ou
faapea atu, aua le popole i lea vaega; leai o lea ua talia
talosaga a le Itumalo lenei ma e fiu lava e fai atina‟e nei,
a tatou le galulue faatasi ma matou faamagalo atu, e le
manuia se polokalame e tasi e fai leaga o le eleelesā lea
matou te nonofo ai. Pau lava lea o le mea ou te talosaga
atu ai Tupuola ma le Malo i lenei taimi, a tatou galulue
faatasi, matou lagolago malosi atu.
O lea foi o lo‟o faafofoga mai lo matou nuu i Vailele
aua e ao lava ona ou ta‟u atu. Ina ua sua atu le malae lea
o le a faia i o latou gauta, na matou feiloai ma o le latou
upu mai, tatou o ia i mea faanuupo, o le a tatou taofia le
malae lenei ona ua siliga tali i seu se finagalo o le
Palemia. O la e faafofoga mai lena afioaga o le matou
Itumalo. Pau lava la‟u upu, leai, taatia na manatu, aua
tatou te faaleaga i fuafuaga a le Malo, atonu ua silafia e
le Palemia lo tatou naunau i ni nai fanua e soifua ai lo
tatou Itumalo. O lea la ua ou fai atu, ua avea a‟u ma sui o
lenei Itumalo lau Afioga Tupuola aemaise le Malo, e le
tele lava se mea lea ua ou talosaga atu ai, na o le itu lava
i Sasae o le Malae Ta Polo aua o lea foi matou te
fesoasoani atu i le faiga o la outou malae. O gauta foi o
fale o le Malo e le o se mea tele foi. Pau lava le talosaga
ona e tóatele nai aiga o Fagalii e le o tofu eleele le
lautele. O la‟u talosaga lea i lea itu e faamalamalamma
ai le saunoaga a se tasi o sui usufono na faapea, ua
faimea faapito le Palemia ma ua ou leai atu la i lea itu. O
lea ua ou fai atu, atonu o lo‟o manuia le itu mai lea, ae e
le tele foi se manuia. Aua la e te popole le sui usufono, o
lo‟o tutusa lava tatou Faleata.
Saunoaga Faataupou a Sui Usufono 1961-2011
Ua ou manatu e tatau ona faamuamua atu le vaega lea
ma e faaali atu ai i lau Afioga i le Fofoga Fetalai ma le
mamalu o le Palemene lo‟u matua lagolagoina o le
Lipoti ua tuuina mai i le Maota. O le Lipoti lea o lo‟o
faapea mai, o le faitau aofai o tagata ma le atina‟e. E
lagona le fiafia ona ua avea i ma‟ua ma le Fofoga Fetalai
e fai ma sui o Samoa i lea fonotaga. Ma e ao lava ona ou
faaali atu i le mamalu o lenei Maota le lagona fiafia ona
o lo‟u auai atu i lea fonotaga. Atonu o le Lipoti atoa lea,
e le lava lea e faamatala ai le tele o aoga na matauina i
lenei fonotaga. O la‟u faaupuga faigofie e mafai ona ou
ta‟u atu i lenei taimi, o atunuu uma o le lalolagi aemaise
nei atunuu e 65 sa matou aufaatasi ai, e faamuamua i o
latou finagalo le atina‟e o tagata soifua. Atonu e feteenai
lenei lipoti ma nisi o talitonuga o le mamalu o le tatou
Atunuu i le itu faa-kerisiano, ae na ona ou ta‟u atu i lo‟u
lava lagona toatasi, o le lipoti lea ma le faamatalaga o
lena fonotaga sa ma auai ai, e faasilisili lava ē ua soifua
mai. Ou te talitonu foi, o le ala lea ua pagatia ai le lautele
o le Atunuu ma ana atina‟e ona ua le o fuafua le Malo i
le faitau aofai o tagata soifua pe a fua i faamatalaga ma
fuafuaga a le Malo. O tagata soifua uma lava e ao ona
fuafua i ai polokalame ina ia mafai ona latou maua le
soifua maloloina, aoaoga ma fesoasoani aua mea latou te
nonofo ai e ala i fale ma fanua. Afai e faamalieina le
mamalu o le Atunuu i ia polokalame, e leai se mea o le a
tatou vevesi ai pe popolevale ai foi.
I la‟u la faapuupuuga i nei polokalame, ae ou te le‟i oo
mai i le Maota lenei, o le mea lava lenei o lo‟o ou
matauina e a‟u. E tagi mai lava sui usufono mo Savaii i
le leai o ni Fomai, tagi mai Upolu i nuu i tua i le leai o ni
Fomai ma e le lava foi le aufaigaluega. O le mea la e
fesili ai lo‟u mafaufau, ua i ai ea se fuafuaga a le Malo e
faafetaui ai le tagi mai a le Atunuu i nuu i tua? O lenei
foi ua oo mai i lenei tausaga e leai lava se suiga i
polokalame o aoaoga. Sa saunoa se tasi sui usufono e
tatau ona fau nisi faleaoga se tele e faafetaiaia ai le
soifua tuputupu a‟e o le Atunuu.
O la‟u tala faatusa e faamalamalama ai i le lautele o le
Atunuu. Atonu ina ne‟i faapea ai o a‟u ou te le kerisiano
ua ala ai ona ou lagolago i le Lipoti a le Fofoga Fetalai.
Afai o se ulugalii e to‟a 10 le fanau ae na o le tamā e
faigaluega, o lana tupe e maua pe tusa na o le afe tālā i le
tausaga, o le matua pagatia lava i le taimi lenei. Ua
taugata mea uma ma ua le taitai ona lava le faasoa i le
afe tālā. Afai foi o se ulugalii e 3 le fanau, e afe tala foi
le totogi e maua i le tausaga, ia ua silafia uma lava e
lenei Maota, e tele avanoa o le a maua e matua nei e na o
le toatolu le fanau. O le a mafai ona lelei le tausiga o le
fanau lenei e toatolu, a‟o le mea e silisili ona taua, afai o
le toatolu lenei o lo‟o maua uma meataumafa ma
lavalava, o le a mafai foi ona tulai mai o ni tagatanuu o
Samoa e lelei aua o lo‟o maoona, aua foi o lo‟o lava mea
uma e tausi ai lena toatolu o le fanau? A‟o le fanau e toa
10, masalo o le mea lena e tatau ona faatusa i ai lo matou
Itumalo. O le tele o nisi fanau e le o mafai ona o i aoga
ona e le lava le totogi o le tama e faaaooga ai le fanau
lenei e toasefulu ma fai ai faalavelave o le aiga. O le mea
lea e pei ona ou ta‟ua nei, o lo‟u lava manatu o se mea e
ao ona silasila i ai le Malo.
Faafetai atu i lau Afioga i le Fofoga Fetalai ma le
mamalu o le Palemene ona e faia le malologa o lo‟o ou i
le Lipoti a le Fofoga Fetalai e pei ona faataatia i luma o
le Maota.
O le isi lea itu o lo‟o ou matauina pea i atina‟e a le
Malo o lo‟o fuafua. Atonu e ao ona ou faamamafa atu
lea vaega. O le atina‟e ma le faitau aofai o tagata soifua,
o se mea ua tatau ona le mafai ona tuueseeseina. E ao
ona ou faatepa lau Afioga i le Fofoga Fetalai ma le
mamalu o le Maota i le tele o atina‟e o lo‟o alo atu i ai lo
tatou Malo. E i ai lava lo‟u lagona ua mafua ona pagatia
ma aumai foi ni faasea e pei ona ou ta‟ua i le taimi ua
fano, ona ua le lava tagata faigaluega e pei o Fomai. O le
Ofisa o A‟oga ua le mafai ona lava faiaoga mo le
aoaoina o alo o le Atunuu, ona ua le o silasila le Malo i
le faitau aofai o ē o lo‟o soifua mai i lea tausaga ma lea
tausaga. O se isi vaega o le Lipoti o lo‟o fautuaina ai le
Malo ina ia „aua ne‟i faamamafaina le polokalame lenei
o atina‟e na o le talafatai i Apia nei ma ou te matua
lagolagoina lea vaega.
E le o po se lilo, o le ala lea ua le mafai ai ona lava
eleele o Faleata ma Vaimauga. E pei lava ona silafia, o
le mamalu o le Atunuu i alaalafaga i nuu i tua, e lua lava
mea e ala ai ona maliu mai le toatele o le Atunuu mai
alaalafaga i tua ma aumau i le taulaga. O le mea
muamua, o aoaoga, aua o le tele o matua o lo‟o i ai lo
latou talitonuga, e le manuia aoaoga i nuu i tua. O le ala
lea ua malaga mai ai i le taulaga, ma e sii uma mai lava
lea aiga ona o le fia sailia o aoaoga i le taulaga aua alo
ma fanau. O le ala lea ua ou faamanatu atu ai lea itu
taua. E ui lava ina e le‟i oo ane i le Afioga i le Minisita o
A‟oga, ae ou te talitonu afai e faaleleia a‟oga i nuu i tua,
o le a leai se mea e malaga mai ai fua matua i le taulaga
ma tau sailiili avanoa ai mo o latou alo ma fanau aua le
aoaoina.
O le isi vaega ou te faamanatu atu, aua o le mea lea ua
autovaa mai ai foi le mamalu o le Atunuu i le tele o
tamalii ma failauga, o mea nei o galuega. Ou te talitonu
lau Afioga i le Fofoga Fetalai ma le mamalu o lenei
Palemene, e le o lava le aoaoina o tupulaga i aoaoga
latou te silafia ai o le Malo o Samoa, o le latou faavae
ma le poutu o lo‟o faagaoioia ai galuega uma o le
laueleele lea. Ma ou te manatu e lava le silafia e matua
aua a i‟u mai alo ma fanau i aoaoga, aisea o le a maumau
ai le malaga mai i Apia e su‟e galuega leipa ai i le na o le
$2 pe $3 i le aso, ae o lo‟o i ai laueleele i na Itumalo i
alaalafaga i tua e tua i ai fanau? E tele tupe e mafai ona
maua e alo ma fanau i nuu i tua pe a afai ua i ai so latou
malamalamaga po‟o se talitonuga, a galulue i le
laueleele o le tasi le eka fa‟i, e mafai ona maua mai ai
pusa fa‟i e 400 pe 500 i le tausaga. A faatusatusa la i le
$4 lea ua i ai nei, e tasi lava le vaa fa‟i e 20 pusa-fa‟i ae
tele le tupe e maua ai. Afai e 20 pusa fa‟i e maua mai ai
le $80 i le vaiaso. A‟o le vaiaso atoa e malaga mai ai le
mamalu o le Atunuu mai tua e faigaluega leipa, e suesue
galuega i kamupani ma Ofisa o le Malo, afai e
Saunoaga Faataupou a Sui Usufono 1961-2011
faigaluega e $2 i le aso, na o le $10 i le vaiaso. Ma ou te
fautua atu, atonu e le o mamafa i le Malo ma a tatou
fuafuaga fai o le atina‟e lea tulaga. E pei lava ona
faafofoga foi i ai i se taimi ua fano i talosaga a Itumalo
nei, o le mea lava lenei e ala ai ona faatumulia le taulaga.
Pe le o i ai se fuafuaga po‟o se polokalame a le Malo mo
le ta‟i 5 tausaga ina ia faamalosia le lautele o le Atunuu
latou te galulue i le laueleele? Ou te fiafia lava a‟u e
faailoa atu ma avatu foi so‟u manatu i le taua o lea itu e
pei ona faataatia i luga o le Laulau a Fono le lipoti lenei
a le Fofoga Fetalai.
O le isi vaega, a ou vaavaai atu i le faiga lea e fai nei e
le Malo i lafoga. Ua ta‟u mai lava i lo‟u manatu ua
nonofo le Malo ma faamalosia tagata ia e tóatele a latou
fanau. Aua a silasila i ai i le mea lea o lo‟o tupu, aua o
a‟u foi le isi tagata ou te tilotilo soo i mea nei o lafoga, a
tóatele lau fanau ua leai se lafoga e aveeseina i lou
totogi. O le isi lea mea e ao ina silasila totoa i ai lau
Afioga i le Minisita, e sa‟o lava manatu sa faatulai mai e
nisi sui usufono, ae ou te faamanatu atu e a‟u i le
polokalame lea, e nofo lava le Tulafono ma faatosina le
mamlau o le Atunuu e faatoateleina o latou alo, aua le
tuusaunoaga lea a tóatele lau fanau ona laitiiti lea o lau
lafoga, ae le o le agaga lea o lo‟u manatu, e ao i le Malo
ona silasila po‟o talafeagai fuafuaga i lea taimi ma lea
taimi, ae ou te matua fautuaina lau Afioga i le Fofoga
Fetalai ma le mamalu o le Palemene, e ao lava ona
silasila totoa i ai i lea tulaga.
O se isi vaega o le polokalame lea ae ou te le‟i see atu i
se isi tulaga, e taua i la‟u faalogo ma la‟u faitau i le
Lipoti, o le tele o atina‟e o lo‟o taumafai lava le toatele o
le Atunuu e aveina atu i fafo. O le uiga o lea upu, e le o
le malaga ma afioaga e maua ai se lumanai, ae ao lava i
le mamalu o Itumalo po‟o le motu foi i Salafai ona
faigaluega i Salafai lava latou e aunoa ma le malaga mai
e nonofo i le taulaga. O le mea lea ua faatumulia ai le
taulaga ona o le autovaa mai o matua, ua le gata i le
faaaoogaina o alo ma fanau, a‟o le tau sailia o ni
galuega. O se manatu lea e fesoasoani atu ai i lau Afioga
i le Fofoga Fetalai aemaise le Malo ma lenei Palemene,
ou te matua lagolagoina le fuafuaina lelei o atina‟e ina ia
laugatasia le mamalu o Itumalo i tua ina ia „aua ai ne‟i
saga tupu pea lenei faafitauli o le fia o mai uma o le
mamalu o le Atunuu e alaala i le taulaga.
Faafetai tele atu i sui usufono mamalu ua latou
fesoasoani mai i le faaumiina o lo‟u taimi.
Lau Afioga i le Fofoga Fetalai, ona pau lea o ni manatu
ua ou maua ou te lagolagoina ai le tatau ona fuafua lelei
o atina‟e i le faitau aofai o le Atunuu o i ai nei. Ou te
faai‟u atu ai i le mataupu lea e pei ona ou taua muamua
ona o le isi lea mafuaaga o le lē lava o eleele i le taulaga
ona o le lolofi mai o le Atunuu i tua ma nonofo i le
taulaga.
Ina ua autovaa mai le mamalu o le Atunuu mai nuu i
tua ma latou nofoia eleele o le Vaimauga ma Faleata, ua
faigata ona fuafua e le Malo lea tulaga. Atonu e sa‟o foi
le Malo, ae ou te toe faamanatu atu le auala na aveina ai
nei eleele. E peiseai o se upu toilalo pe a ta‟u atu, sa
faatau nei eleele i paipa ‟ele. Pe e le‟i oo ea i le taimi ua
tatau ai ona alofa mai le Malo ma faamatuu mai ni eleele
mo i matou o lo‟o nonofo i le taulaga nei e pei o le
Vaimauga ma Faleata? O se mea e matua ou faanoanoa
ai ona o le mea sili o lea ua oo mai le sui usufono
mamalu o lo‟o pulea le Esetete Tausi, ou te toe talosaga
atu e leai, o atina‟e uma lava ua faia e lo tatou Malo, e
leai se agaga matou te tetee i ai, ae pau lava lea o le mea
e fia faailoa atu lau Afioga i le Fofoga Fetalai ma le
mamalu o le Palemene, o le tele o atina‟e ua faia i le
Vaimauga aemaise le Vaimauga i Sasae, e toaitiiti nisi e
faafiafiaina ai e pei o taaloga. E le gata foi i lea a‟o nisi o
atina‟e, ua na o se vaega laitiiti o ē o lo‟o soifua e
faamanuiaina ai, ae o lo‟o silafia e leai o lenei Itumalo
atoa lava o lo‟o talosaga i ni eleele. E le‟i oo ea i le taimi
e finagalo ai le Malo e faamatuu mai ni nai eleele se‟i
soifua ai i matou? Atonu foi o lo‟o i ai se fuafuaga aua
ou te le iloa pe sa‟o le tala na ou faalogo ai, ua i ai lo
latou finagalo o eleele nei, o eleele taua mo le atina‟e o
le Malo. Silasila ane la i ai lau Afioga i le Minisita o
Eleele, o lea ou te tuuina atu lea mataupu ma lo‟u matua
talitonu, atonu o le a finagalo malie le Malo aemaise foi
le mamalu o lenei Fono, ae faamatuu mai ni nai eleele
ina ia soifua ai lenei Itumalo.
O le a agai atu sa‟u faamatalaga i le atina‟e lea o lo‟o
mitamita ai le Palemia o lo‟o ta‟ua nei, o le atina‟e o
Nuu ma Itumalo. E ui lava ina e le‟i afio mai le alii, ae
ou te manatu o lea o lo‟o faafofoga mai le Fofoga
Fetalai. O le atina‟e lea, ua tatou masani i uiga o le
Atunuu, po‟o fea lava e maua ai sa ta mea maua fua, e
vave lava ona alu i ai aua foi o lea ua ou iloa e 65% e
totogi e le Malo, ae 35% e totogi e tagata taitoatasi? A‟o
le fesili la o lo‟o tulai mai i lo‟u mafaufau, po‟o ua
silafia e le Malo e i ai se aoga o lenei atina‟e mo le
tamaoaiga o le Atunuu? E ao ona ou faapea atu, o le tele
o nei atina‟e sa talosagaina ai lea vaegatupe, ona pau
lava le mea sa mananao i ai ina ia maua se fesoasoani lea
o le 65%. Ou te molimau atu o le tele o nisi Itumalo sa
ou asiasi i ai ona o ni feau, o pa uaea la ua pa ai fale. O
le tele o pa uaea ua pa ai tafatafa o auala tetele. O le mea
la e ao lava ia te a‟u ona ou faailoa atu ina ia silafia ai e
le mamalu o le Atunuu, ua ala ona tele talosaga e tuuina
mai ona o le fia maua o tupe ia. Ou te talitonu lava a‟u
ana tuu atu e le polokalame lea i faifaatoaga taitoatasi,
ou te talitonu e toe foi uma mai lava tupe nei, aua e i ai
lo‟u talitonuga o mea faitele, ua na o se taimi. Ae ana
faapea e tuu atu i le aufaifaatoaga taitoatasi, e le mafai
ona faatamala e naunau ina ia fua mai le atina‟e lenei aua
o ia lava e pa‟ū i ai le mamafa o le toe faaola mai o le
tupe lenei.
O lea la ou te fai atu ai lau Afioga i le Fofoga Fetalai
ma le mamalu o le Palemene, se‟i toe silasila lava le
Malo i atina‟e nei. Aua o se isi lea vaega tele o tupe a le
Atunuu o lo‟o alu i ai, ae le o po se lilo o lena ua outou
silafia le maketi i le taimi nei e lua i le tolu talo i le $2. A
o fea la o i ai atina‟e sa fai nei?
O se isi vaega o lea atina‟e ou te fia tautala i ai, o le
mea lea o lo‟o aliali mai nei o le lolofi mai o le Atunuu i
Saunoaga Faataupou a Sui Usufono 1961-2011
le taulaga ona ua maua le faamatalaga e 65% le Malo ae
35% nuu ma Itumalo. Atonu o lo‟o aoga nisi o talosaga
ona e ese a latou matata o lo‟o fai ai, pei o afi-molī ma
nisi mea faapena. A‟o le mea lava lea tau i le atina‟e o
laueleele, ou te talitonu a‟u tailo ne‟i ou sese. O le tele o
atina‟e, e le o faamanuiaina a latou talosaga. Pau lava le
mea ua fiafia ai ua maua atu se fesoasoani maua fua a le
Malo, ae le o maua ai so latou agai i luma po‟o se
manuia o le Malo mo atina‟e ma tupe nei o lo‟o avatu e
faagaoioi ai lea polokalame.
O se isi vaega e pei ona ou matauina i lea polokalame,
ou te talitonu e le o lelei foi le fuafuaina o ia atina‟e. Aua
a ou vaavaai i nisi o atina‟e i nisi o alaalafaga, ua tuu
saoloto lava le talosaga ia. O nisi o alaalafaga ua
talosaga mai i pa-moa. Ia, o le uiga lava lea o le Atunuu,
a vaai atu ua fai le pa moa a le isi, ona talosaga foi lea o
ia i le pa moa ma ua agai tasi uma lava i lea atinae e tasi
ma ua leai ai se malosi i le Komiti lea e tatau ai ona fai
fuafua. E tatau ona fuafua e faapea afai ua pa moa le isi,
ona atinae togalaau lea o le isi. A‟o le mea lea ua tupu
nei pe afai e silasila lau Afioga i le Fofoga Fetalai i le
maketi, ua talosaga mai lava le toatele o tagata na o
togalaau aina lava. A silasila la i Aso Toonai uma, ua na
o pi lava ma kapisi le maketi i le vaitaimi lenei, ae sa
tatau ona maumaga le isi vaega ae togafa‟i le isi vaega,
ae faatoaga laau aina o pi se isi vaega. A‟o le mea lea ua
i ai, ua tuusaunoa lava i le manao o le tagata ua talosaga
mai i lea nuu ma lea alaalafaga, ae ua leai se faiga fuafua
tatau ina ia aua ai ne‟i taotasi i se atinae e tasi aua o le
mea lea ua ala ai ona faale lelei atinae i lenei vaitaimi.
O pusa fa‟i foi ia e le na ma le laina lena vaega, ua tele
foi i ia ituaiga atina‟e ae taatia le tele o isi atinae ua le
faia. E pei lava ona silafia e taua le fa‟i i le Vaimauga
ma Falealili aemaise afioaga e taulalata mai i le taulaga,
aua foi e faigofie le fela‟uaiga e leai se tupe tele e alu ai,
a‟o le itu lea ua faalogo atu i ai e togafa‟i Savaii i le Itu
Salega, togafa‟i Faasaleleaga, a‟o ia Itumalo e mamao
ma le taulaga ma felauaiga. E tatau la i lo‟u manatu ona
faaali atu, e leai, o itu na o lo‟o tamaoaiga latou i le popo
ma le koko. Aisea e le uunaiina malosi ai le popo ma le
koko i na Itumalo aua e mamao, ae tuu mai le fa‟i po‟o
togalaau aina latou i Itumalo ia e faafaigofie ona e leai se
tupe tele a le Malo e alu ai ina ia taufai galulue faatasi ia
e si‟i faatasi atina‟e uma ina ia tofutofusia le tagata ma
lana atinae e manuia ai? O se manatu lea ina ia aua ai
ne‟i faia na o se itu e tasi po‟o se atina‟e e tasi, ae
faagalo isi atinae ina ia tofutofusia ai tagata uma ma
faamanuiaga. O le ala lea ua ou lagona ua pagatia ai le
tatou atina‟e ona afai lava o pa povi, ua pa povi uma
lava; afai o pa moa, ua agai uma lava faifaatoaga e fai na
o pa moa, ae e tatau i le Malo ona fai fuafua ma vaevae
atina‟e ina ia ave le atina‟e e faigofie i lea Itumalo ma
lea Itumalo.
Ou te matua talosaga atu ina ia silasila totoa i ai le
Afioga i le Palemia ma le Kapeneta i lea itu, aua ou te
iloa o lo‟o auai foi le Afioga Fuimaono i le Komiti lea o
lo‟o fuafuaina atina‟e. O lo‟o matou faufautua atu aua le
faaaogaina o tupe a le Atunuu ina ia alu tonu i atinae e
aoga ma manuia ai le Atunuu. O lea la lau Afioga i le
Fofoga Fetalai, ou te lagolagoina lo tatou galulue faatasi.
E le tatau foi ona taofia ni lagona i mea e tatau ona
matou faufautua atu ai i le Malo, ina ia faaitiitia ai le
pagatia ua i ai lo tatou Atunuu ona ua utiuti tupe, ae ua
tele atina‟e ua taumafai e faagaoioi.
Ona o lo‟o ou i ai pea i le Matagaluega a le Paelemia, o
lea e fia faaalia ai se manatu i le Ofisa o Leoleo. Ua ou
matauina ma le faanoanoa le tele o taimi o le
Matagaluega lea e pei lava foi ona i ai lenei vaiaso, o
lo‟o faia a latou faiga faatosina. O ia lava mea i lo‟u lava
lagona, e le o se mea e faapea e fai i se aso e tasi ona
uma lea, pe na o se masina foi e tasi ona gata ai lea, leai,
o le Ofisa lea o lo‟o galulue e tausi Tulafono ua faia e
lenei Maota. O le mea lea o lo‟o ou matauina pe afai e
oo i aso tumutumu po‟o aso faailogaina o le Malo, e o
mai uma Leoleo mai Savaii ma leoleo mai nuu i tua i
inei i aso o le Tutoatasi, ae lafoa‟i nuu i tua ma Itumalo.
O le a o mai la i Apia nei ae tia‟i Itumalo. A o mai uma
la ae tulai mai ni faalavelave i afioaga i tua, o ai la e pa‟ū
i ai? Ou te talosaga atu, e le o lava le aufaigaluega a le
Ofisa o Leoleo.
Atonu ua lava taimi e malaga so‟o ai Minisita i atunuu i
fafo, a‟o sa‟u tala faataitai, o le Malo lea e latalata mai ia
i tatou o Amerika Samoa. So‟o se taimi e te fealua‟i ai i
le taulaga, e te le iloa lava o le leoleo lea ua sosolo mai i
ou tafatafa. Ma o le mea foi lena ua taofia ai le tele o
soligatulafono ona ua faaeteete tagata uma i le Tulafono.
O le isi itu e pei lava ona ou matauina e a‟u, po‟o fea
lava se mea e te malaga i ai, e seasea lava ona e vaai i se
leoleo. Atonu pe toatasi pe toalua leoleo o lo‟o malaga i
tua i aso taitasi, ae ou te manatu o le ala lea ua tau fai ai
lenei faiga faatosina i lenei vaiaso a le Ofisa o Leoleo,
ona e le o lava meafaigaluega e faatino ai a latou
galuega, aemaise foi o le lē lava o alii leoleo ina ia mafai
ai ona taofiofi le solitulafono. Ou te faamamafa atu le itu
lenei, ua tóatele nisi o le Atunuu ua maumau o latou
soifua ona o faalavelave tau taavale. O le mea lea o lo‟o
ou matauina nei, e le tuuaiina foi le aufaigaluega a le
Matagaluega o Leoleo, ae ona o le lē lava o ē e faia le
galuega ma vaavaaia le faatinoga o le Tulafono, o le ala
lea ua mafua ai ona tele le mau solitulafono ona o lo‟o
silafia lelei e le mamalu o le Atunuu, e leai nisi o
vaavaaia latou ma a latou soligatulafono o lo‟o fai.
O le a ou see ane i le Ofisa o Pulenuu: e faanoanoa ona
e le o afio mai le Taitaifono o le Ofisa o Pulenuu, a‟o le
isi lenei Ofisa e pei lava e na ona ou toe faaopoopo atu
ona o lea sa saunoa i ai le tele o sui usufono. Pau lava le
mea ou te fia faaopoopo atu, e sa‟o ua le maua se
malamalamaga i galuega tonu e tatau ona fai e Pulenuu.
O le mea lea e i ai e pei lava ona silafia, o nisi lava o
Pulenuu na o le tufaina lava o nusipepa o Savali le mea
la e fai, aemaise lava lo matou itumalo ona e faaleai ni
eleele. E leai ni galuega e tatau ona fai e Pulenuu ona na
o tafatafa lava o maota ma laoa o lo‟o teuteu. O lea la ou
te manatu ai, e tatau ona i ai se fuafuaga i lea vaega o le
Komiti lea o Pulenuu.
Saunoaga Faataupou a Sui Usufono 1961-2011
E le gata foi i lea, e i ai se tasi o a‟u uō Pulenuu mai se
alaalafaga i tua ua faamanuiaina ona ua i ai se palau a lo
latou nuu. Sa ou fesili i ai i lea Alii Pulenuu, “O a la mea
o fai i lena palau aua e leai se palau i le matou Itumalo”?
Na fai mai lea Alii Pulenuu, “O le palau lena o la e i le
isi Pulenuu o le matou Itumalo ona e tasi lava le palau,
na o le fealualua‟i ai lava o ia; e alu ai i le faatoaga ma
sau i tai”. O le mea lea ou te le o malamalama ai a‟u i ai,
pe aisea ua ave ai palau i ia alaalafaga ae latou te le o
manaomia ni palau? Fai mai le Pulenuu lea ia te a‟u, “O
la e manaomia se ketapila e sua ai le auala galue ona ua
le toe sao ai se taavale, ae avatu le palau, ia o la ua na o
le fealua‟i ai lava o le Pulenuu ia i uta i lana faatoaga ma
sau i tai, ua pei lava o se palau a le latou aiga”. O lea la
ou te fautua atu ai, se‟i silasila mamao le Malo, afai e le
o manaomia ni palau, aisea la e aumai ai fua na mea?
Faafetai atu i le Toosavili mo le faauilavea. O a‟u lava
ia ou te musu e tautala i se mea e le mautinoa, a‟o la‟u
uō Pulenuu lea e mai se mea o Falelatai. O le saunoaga a
lea alii, ua avatu nei le palau ae e le mafai ona sua ai
ma‟a aua na o alā ma koko la e i ai i lo latou laueleele, ae
leai se mea e sua ai faatoaga ina ia totō ai ni togalaau. E
pei la ua ou fai atu lea itu ona afai e le o manaomia e
lena Itumalo se palau, ia o i inei i le taulaga lea e i ai nai
fasi eleele e mafai ona palau e pei o Faleata. E ui lava
ina faale tele ni eleele, ae i ai lava nai mea e tatau ona
palau. Aisea la le mea o le a ave ai fua palau i le tele o
Itumalo gaoā, ae le o manaomia se suotosina mo o latou
eleele?. E pei o le mea lea na ona ou faamanatu atu,
faafetai i le sui usufono mamalu lea, a‟o la e faafofoga
mai le Pulenuu na ma talanoa, e mai se mea o le faaitu
lea.
E matua lagona ma le faanoanoa i le vaega lea o le
Matagaluega a le Palemia, o le Tinei Mu. E matua
lagona le faanoanoa ona e le‟i leva ona silasila le
mamalu o lenei Maota i le faagaoioiga o lea
Matagaluega. O se mea ua tatau ona ave i ai le
faamuamua a le Matagaluega a le Palemia ona tatou te le
iloa po‟o nai nei aiga ua mafatia i mu i le asō, ae le iloa
po‟o se isi o Minisita po‟o se isi foi o le mamalu o lenei
Maota o le a oo i ai le faasologa i se mu i se taimi o
latalata mai. O le mea lea ou te talosaga atu ai ona ua ou
le malamalama po‟o a mea o fai ai galuega a le Au Tinei
Mu. O a‟u le isi tagata sa ou matamata ai i lea aso sa
tupu ai se tasi o faalavelave. Na matua fiu e faaola le
pamu lea e pamu ai le suavai. O le mea na oo i ai, ua ese
ona ola o le pamu ae leai se suavai. Sa ou faapea lava a‟u
ai o lava saunia le Au Tinei Mu. Ua ala ona ou
faamanatu atu lea vaega ona sa ou vaaia le popole o le
Afioga Asi ona o lo‟o tu latalata lona maota i le fale lea
na mu. Atonu o le a faaleleia lea Matagaluega i se taimi
lata mai ona o le tele o le mamalu o le Atunuu aemaise
ua tu lalata le tele o maota i fale tetele i Apia nei ma o
lo‟o faalagolago lava i le vaega lea o ne Tinei Mu. O le
mea moni o se manatu na oo mai ia te a‟u i lea taimi,
afai o le tulaga lea o lo‟o i ai le Tinei Mu, e leai la se isi
mea e tatau ona fai, ua tatau loa ona tofu le mamalu o
lenei Maota ma le faagaau e sauni ai ina ne‟i oo mai le
malaia pe mu se maota, ona sau foi lea o le taavale tinei
mu fiu e faaola le pamu ua le ola, pe pamu atu le vai e
leai se suavai. O le mea la lea ou te fautuaina ai le Malo
ia alolofa ia faaleleia le Ofisa Tinei-Mu. E le gata i lea ia
faaleleia foi le aufaigaluega ma ia faatoatele. O la‟u vaai
i lea aso e toagaogao le aufaigaluega sa i ai, o le ala foi
lea na le mafai ai ona tineia le mu.
O le a ou tautala i le Afioga i le Minisita o Galuega. E
pei lava ona ou ta‟ua, o tatou o le Aufai Tulafono, tatou
te faia Tulafono mo le lelei o tagata. E le faapea la ou te
faaleaga i nisi o le Maota sa i ai i lena tolu tausaga ua
mavae, a‟o se fautuaga mo le Minisita ua tulai mai nei. E
matuā le aogā ia auala sa fai i lea polokalame ona o lo‟o
aliali mai e pei e faatapulaa a lima loa aso ua uma. E tusa
lava pe mafai pe le mafai foi ona alu ai se taavale, ae
uma lava i le lima aso. O se mea la e faapopoleina ai lo‟u
sui usufono ona ua leai se aogā na fai ai lenei
polokalame pe a faapea ua na ona faauma o le lima aso,
ona toe foi mai lea o le aufaigaluega. O lea ou te fautua
atu ai i lau Afioga i le Minisita ua sui tulaga nei, se‟i e
silasila ane lava i ala galue o lenei Itumalo. O le taimi
nei ua le toe mafai ona uia e se taavale ona ua le aoga
mea na sua i lena vaitaimi. Ua na ona o atu lava o
taavale ma toe solomuli mai i lalo, ae ua leai se aoga na
fai ai ma faaalu na tupe i le faiga o nei auala. O lea e
talosaga atu ai i lau Afioga i le Minisita o Galuega, se‟i e
silasila ane i le polokalame lea, toe fetuunai lau
polokalame ina ia lelei ma aogā auala galue.
Ou te fia fesiligia lau Afioga i le Minisita ua i ai nei
ona o lo‟o i ai se faafitauli o lo‟o tulai mai nei i lo matou
Itumalo. Sa pasia le taligalu i le afioaga o Laulii i le
1975. Sa i ai le faamoemoe e faataunuu i le 1976, ma e
oo mai i le taimi nei o lo‟o fai pea sailiga a le Ofisa o
Galuega ma le Ofisa o Fuagafanua, fai mai e faatali se‟i
toe saili po‟o fea o i ai le maliega lea. E pei lava la ona
malie i le saunoaga a se tasi o sui usufono i le taimi ua
mavae, o mea sa pasia mai i lena tausaga ua mavae, a‟o
lenei ua toe soloia. O le mea lea e talosagaina ai lau
Afioga i le Minisita, se‟i e silasila i ai i le nuu lea o
Laulii, toeitiiti lava oo i uta i le mea o lo‟o nonofo ai le
toatele o le nuu le malosi o le sami. Na pasia lenei
fuafuaga e nai tamā ua mavae atu ona o lo latou alolofa i
le Atunuu ma le pagatia, peitai ane, ona o lau Afioga i le
Minisita e fou mai i le tofi, se‟i e silasila ane i ai ona toe
logo mai lea ona o lo‟o faafofoga mai lo matou Itumalo.
Na latou fesili mai po‟o a mea a le Malo ua toe fai i na
tupe na pasia i le 1975, ae na ou fai atu i ai e malilie ia, o
le a outou faalogo mai lava o le a ou fesili i le Minisita i
lea tulaga. Ou te musu e taumusumusu ina ne‟i faapea ai
ou te faaauau i la‟u uo lea. O lea ou te talosaga atu ai,
aumai sau faamalamalamaga pe aisea ua le faataunuuina
ai lea galuega, ae po‟o afea foi e faataunuu ai.
O le isi lenei o mataupu e faafitauli tele i le polokalame
lea a le Malo, o le vaega lea o le EPC. O le mea muamua
ou te faatepa i ai lau Afioga i le Fofoga Fetalai ma le
mamalu o lenei Maota, o lenei matou te talosaga i ni
eleele, a‟o se mea matou te le o malamalama ai ona o le
molī lea ua alu atu nei i Sasae. Matou te matua lagona le
Saunoaga Faataupou a Sui Usufono 1961-2011
faanoanoa ona e pei lava ona silafia, o matou o lo‟o
manao i ni eleele, ae ua avatu le faatonuga o le molī e
alu i luga o le mauga. O le mea lea e faailoga fesili i lo‟u
mafaufau, pe aisea ua alu ai i uta i le mauga? Ua ou
matamata i le tauavega i luga o pou molī, o se matuā
mea fitā o loo faia e le aufaigaluega a le EPC. Ona
faapea lea o lo‟u mafaufau, ai e i ai se auala ua ala ai ona
faaui le molī i luga o le mauga; a‟o lea ua tuu lo tatou
aualatele o le mea e masani ai le Atunuu aemaise le
Malo, e faigofie lava le aualatele aua o le auala o le
Malo. O le mea la ou te lagona ai lo‟u faanoanoa ona na
ou fesiligia se tasi o lea Ofisa, o le tali mai o le fuafuaga
na fai e le alii palagi, e faigofie le oso atu i ina e puupuu
ai ma laitiiti uaea e alu ai. A silasila lau Afioga i le
Fofoga Fetalai, o lea e alaala mai le Afioga ia Aumua o
le Pule o le Esetete Tausi, e alu atu i le magafa le mea e i
ai le fale mo le eletise e alu i uta pasia Letogo, ona toe
alu atu lea i le mauga alu i luga i le tumutumu. O lo‟u
talitonuga ua tele fanua, tele pou, tele uaea ua alu i le
fuafuaga lea a le alii palagi. O le mea ou te matua ofo ai
o le usiusitai o lea Ofisa i fautuaga a lea papalagi.
Silasila foi lau Afioga i le Fofoga Fetalai, o le ala lea na
mafua ai ona fai molī i le alatele ona o le fesoasoani i le
mamalu o le Atunuu, aemaise ē e faimalaga i taavale i le
po ina ia mafai ona maua se fesoasoani mo ē e
femalagaa‟i. A‟o le mea lea ua aliali mai ua mulimuli le
tatou Malo aemaise le Ofisa o le EPC i fautuaga a le alii
papalagi, ae ua tuu fautuaga a nai alo o le Atunuu o lo‟o
malamalama lelei i ai i ia vaega. O lea la ou te avatu ai
se fesili ina ia aumai ai se tali a le Minisita o Galuega,
po‟o le a le eseesega o le tau o le alu i uta o le moli ma le
ui atu i tai? Atonu o le toatele o le mamalu o lenei
Maota, o nisi foi e alaala i le itu i Sasae, aemaise foi o
lo‟o silafia lelei e tele faalavelave sa tutupu i le va o
Letogo ma Laulii ma ua i ai nisi ua maliliu ai ona o le
mamao o le va lea, ae leai ni moli e fesoasoani i ai. E le
gata i lea afai e faataunuuina le molī lea ua alu i luga o le
mauga, ua lafoai uma le isi vaega tele o lenei Itumalo e
amata atu lava i Letogo. Atonu o lo‟o silasila i ai le tele
o sui usufono o lo‟o malaga mai i lea itu, ua nofoia uma
tafatafa o le alatele. Afai la o le a toe foi mai le Malo e
toe faauaea atu lea vaega mo na foi tagata soifua o lo‟o
soifua ai, ou te manatu o se matua tupe tele o le a alu ai.
O lea o le a lua galuega e fai i le taimi e tasi, ae ou te le
iloa po‟o le a se aoga aua afai e tupu se faalavelave i le
po ae leaga mai luga o le mauga, o le a aafia uma atu ai
le itu i Sasae aua e le mafai ona a‟e se isi i luga o le
aufai-molī, se‟i vagana o se vaalele helicopter e mafai
ona feavea‟i ai le aufai-moli i luga o le mauga. O lea ou
te talosaga atu ai i le Afioga i le Minisita, aumai se
faamalamalamaga aua o le isi lea vaega e pei lava ona ou
matauina e a‟u i lo matou Itumalo, o le tele o eleele nei
ua talosaga mai ai le Malo ina ia aua ne‟i faia ni taui. O
le mea la e masani ai i tatou, tatou te lagona le va
fealoaloa‟i ma ua ioe mai le afioaga i Laulii e pei foi ona
asia ai e le Komiti o Pulenuu ma ave i ai le talosaga, ae
ao lava ia te a‟u ona ou faamanatu atu lenei vaega i lau
Afioga, o lenei va tele ua faaaoga e le Malo o se mea telē
aemaise foi pe afai e te silasila i ai, masalo po‟o le 200
iata le va tele. O nisi o na aiga sa soifua mai i o latou
koko ma mea faapena, ua uma nei ona faatamaia. Ou te
talitonu e leai se isi mea e mafai ona toe maua mai ai.
Faafetai atu i lau Afioga i le Fofoga Fetalai, masalo e
pei o le mea lea na ou fai atu ai muamua ona ou te le o
malamalama foi a‟u ia i lea vaega aua atonu ai sui
usufono lea e musu ou te ta‟ua molī ia e alu atu agai i
Sasae, aua sa le ta‟ua i sana saunoaga. O le mea lea ou te
talosagaina ai lau Afioga i le Minisita ona o lo‟o matua
lagona e le mamalu o lenei Itumalo, aemaise nai aiga ua
aafia uma a latou meatotino i le molī lenei ua ui atu i le
mauga. O le mea lava ou te manatunatu i ai o lenei fasi
eleele faatasi ma mea totō ua aveesea ona ua aumai le
finagalo o le Malo e le mafai ona taui. Silasila foi, e
matua lagona le faigata i nai na foi aiga ua talosaga mai i
o latou eleele, ae ua mafua uma lava nei faafitauli ona o
le lipoti lava lenei a lenei alii papalagi. Ou te talosaga
atu ai lau Afioga i le Minisita o lo‟o fitoi tonu ma lea
Matagaluega, se‟i aumai lava se faamalamalamaga. Aua
e pei o lea ua ou tolaulau atu le tele o faafitauli e aliali
mai ai i le molī lea ua ui mai i luga o le mauga. E le o se
mea e taofia ai fuafuaga a le Malo, ae pau lava le mea o
se mea ia faigofie ma ia mafai ona maua e tagata uma le
molī, aemaise ia maua foi se fesoasoani mo ē
femalagaa‟i. O ē e malaga mai i Apia nei i le po, ia o le a
fesoasoani le alu i tai o le molī e faamalamalama ai le
auala.
O le isi vaega mo le Faalapotopotoga lava lea a le EPC,
ua taugata tele le eletise lenei tatou te faaaoga. O le mea
ua oso mai i lo‟u mafaufau ona ua tuufau pea papalagi
nei e o mai mai fafo. O se faataitaiga sa ou vaavaai lava i
mea o pou nei e faaaoga i molī. Sa ou vaai muamua lava
o faaaoga pou laau. Sau lea papalagi fai mai e leaga laau,
e sili pou paipa. Ia fai pou paipa. Sau lea papalagi fai
mai e lelei pou-simā, ia fai pou-simā. Ia ua ou toe
vaavaai atu nei, ua tiai uma paipa ma sima, ae o lea ua
toe foi lava i laau. O le mea la lea ou te fautua atu ai i le
Afioga i le Minisita o Galuega, ua le malamalama le
Atunuu pe aisea ua fesuisuia‟i ai. O le sau lava o lea
papalagi sui lea faiga, faamaumau, faamaumau tupe toe
alu. Sau lea papalagi fai ana faiga toe alu, ae ua ou
matauina foi i se tala a se tasi alii faimolī na fai mai, “E
musu tele le papalagi lea e faaaoga pou oganiu ia e fai i
totonu o le Atunuu”. O le mea lea ou te matua lagona ai
lava e lo‟u sui aisea le faanoanoa, aisea le mea tatou te
tuu ai i tonu a papalagi nei, a‟o lea e fautua mai alo o le
Atunuu o lo‟o lava lo latou silafia i nei mea ? Fai mai se
tasi o alii poto faapitoa i mea ia tau pou moli, e leai lava
se pou e sili atu nai lo pou ia e faaaoga ai le oganiu. Ma
o lea la e pei ua ou ta‟u atu nei mau fesuiaiga o pou e
faamalamalama atu ai lou le matua talia o nei fautuaga e
pei o ni mea e soona fai e papalagi, ae galo ia i latou o le
mamalu o le Atunuu o loo faatinoina uma nei fuafuaga o
loo fai.
O le isi la lenei mea matautia ua maua mai i nai a‟u
suesuega vaivai; o le alii papalagi lea e pule nei o le alii
na sau e tafao, ae te‟i ua faigaluega ai ma ua maua ai e ia
Saunoaga Faataupou a Sui Usufono 1961-2011
le totogi e $24,000. Ae ua saua foi i uaealesi mosooi, e
pei ua tau faamavae se alo o le Atunuu sa tuu atu i ai lea
Matagaluega ma ua ou faalogo ua faamavae. O faiga la
ia e pei e faufautua atu ai, o mea faapenei e tofu oo lava i
ai, e oo lava i le mamalu o sui usufono o lenei Maota. O
se tulaga le manuia aua o lea ua sau nei lea papalagi
faapenei na sau e tafao, ave i ai le galuega toe ave i ai le
totogi tele, a‟o lenei o le a faamamulu ai le mamalu o alo
o le Atunuu ona o le lē fetaui o fuafuaga fai a le Malo.
O le isi foi faafitauli ua ou faalogo i ai, o le alii
papalagi lea e i ai nei ua ou matua mautinoa e tele se
vaegatupe ua faamaumau e lenei alii i ana pulega i le
taimi nei. O lea vaega, afai e silasila le Maota i mea nei
o laina e fesuiai. Ua le mafai ona faapea e avatu le laina
fou ona tatala ese lea o uaea sa i ai i lena laina ua
faamalosia le eletise. O le faiga la a le alii lea, ua le toe
faaputuina lelei laina nei, lea e talai mai i lea laina i lea
laina. O le mea sa fai ai e le Matagaluega e faaputuputu
lelei lava aua e i ai nai isi laina o lea o le a alu i Sasae,
po‟o Savaii foi e toe aoga uma ai lava uaea nei, ae ua fai
le faatonuga a le alii ia ave uma mea na e lafoai ma
susunu. O la‟u faatusatusa i ai i le faaupuga a se tasi o
alii e i ai sona tomai na fesiligia, po‟o le a le tele o nei
uaea ua lafoai e le alii ma susunu. Sa tau mai ia te a‟u e
$60,000 le tau o uaea nei ua lafoai e le Pule fou lea na
sau e tafao lea ua faafaigaluega. O lea la ou te fautua atu
ai e ala i lau Afioga i le Fofoga Fetalai, se‟i silasila lenei
Maota aua o mea faapena e pei e fai faataaloga e alii
papalagi, aua e leai so latou popole i tupe nei a lo tatou
Malo. Ou te faatu atu ai se manatu, pe a tusa ai ma lou
finagalo, ae a pe a tofia ni sui mamalu o le Maota
aemaise foi o lo‟o i ai nisi o sui usufono e i ai o latou
tomai i lenei matata e vaaia lea tulaga ina ia faamaonia
ai la‟u tala lea e fai atu? Aua e mafai ona faapea mai nei
le Minisita, e leai se mea faapena o tupu. Aua o le mea
moni, afai e uma ona lafoai uma uaea ia, ou te masalo e
faaono oo atu lava i le $100,000 le tau o ia uaea ua
lafoai. A‟o tupe uma nei a tatou e sauunoa i ai lenei alii.
O lea la ou te fautua atu ai po‟o le a se finagalo ae se‟i
silasila le Maota i mea nei ua molimauina mai o lo‟o
soona fai e lenei alii papalagi ua ia pulea lenei
Faalapotopotoga a le Malo.
E le gata foi i lea, e i ai se isi ou te masani ai i le aufaimolī ua fai mai, ua faafaigaluega foi e le papalagi lea
lona afafine i se totogi tele, a‟o i latou ua afu ma fia
tausaga o faigaluega e le‟i oo lava latou i le totogi lea ua
amata ai nei lea tagata faigaluega. O le mea la lea ou te
manumanu ai i tulaga ia aua e tatau ona puipui i ai le
Maota. O ni tulaga e alia‟i mai e faamanu‟aina ai
finagalo o alo ma fanau o ē o lo‟o tautua mo le manuia o
le Atunuu. Aua afai o tulaga ia o le tuu ai pea e papalagi
ma a latou faiga ia, aua o le mea muamua ou te
faanoanoa ai ona o le a tauau ina faamavae alo o le
Atunuu, ae lafoai i papalagi, ae pagatia ai le Atunuu i le
soona fai o ana tupe. O le faaaliga lea ma le faaaloalo i
lau Afioga i le Minisita, se‟i tuutuu i lalo le pili o molī. E
sa‟o lava o suauu nei e alu ai, a‟o se mea ua leva ona fai
fuafuaga e faaaoga le suavai e pei ona ta‟ua e nisi o sui
mamalu. O fautuaga ia i lau Afioga i le Minisita o
Galuega ma le EPC.
O le a oo atu la‟u tautalaga i le Minisita o Faatoaga. O
le Matagaluega lea e pei lava ona silafia e lau Afioga i le
Fofoga Fetalai, ou te le iloa poo ua sese le faaupuga foi
lea e fai soo aua o le poutu lea o le tamaoaiga o Samoa i
Sisifo. A‟o le mea lea ou te vaavaai atu a‟u i ai i tupe
faaalu ma tupe talosaga mai, e leai lava ni vaegatupe a
lenei Matagaluega ua faatutu mai mo le lautele o le
Atunuu. Ou te talitonu a‟u, e ala ona le toaga le Atunuu e
fai faatoaga ona o le lē o i ai o se fesoasoani tuusao i le
aufaifaatoaga. O le vaega lea na ona ou faatepa i ai lau
Afioga i le Fofoga Fetalai, ua fautuaina a‟u e le mamalu
o Pulenuu po‟o faapefea le mea foi lea o le faatosina lea
sa fai i taavale e tai 5%. O lea ua faalogologo i latou ua
sau a lea kamupani mai fafo ave i ai le faatosina, aumai
fua taavale e leai ni tiute ma mea uma faapena. O le mea
la ua ou fautuaina ai pe ou te talosaga atu ai e ala i lau
Afioga i le Fofoga Fetalai, e le‟i i ai ea se fuafuaga e fai
e le Malo e ave ai se faatosina faapea i le mamalu o le
Atunuu o loo galulue i faatoaga? Aua o le isi lea mea e
pei lava ona ou matauina, ona pau lea o le mea o loo fai
e le Malo i le aufaifaatoaga o le faaopoopo i ai pe tuu i ai
le tiute lea o fua o faatoaga e ave i fafo. Ia, ae ia silafia, e
iu ina faapea ua gau le Malo, ua le lava fua o faatoaga. O
lea ou te talosaga atu ai, ua tatau i le Minisita ona se‟i
silasila i lea tulaga. Aua o le mea lea e i ai nei, ua tele
naunau le fenumia‟i i le aufaifaatoaga. Ua ese le vaega
lea o le atina‟e e avea i fafo fua o faatoaga, ae ua le iloa
la poo le a le vaega a le Ofisa o Faatoaga e fai ona ua na
ona o atu fautua atu e fai lea, fai lea, ae a matua fa‟i o
pusa fa‟i, ae o mai le Matagaluega o le Atina‟e fai mai e
le lava vaa. O le mea la lea o lea e pei ou te matauina ua
fai sina feteenai o Matagaluega ia e lua, ae uma ane lava
ua pagatia le faifaatoaga ua le mafai ona ave i fafo fua o
faatoaga.
O le mea mulimuli ou te talosagaina ai lau Afioga i le
Fofoga Fetalai ma le mamalu o lenei Palemene, ou te toe
fia faaopoopo i se manatu o se tasi o sui usufono ua
mavae atu, o mea foi nei o aso o le totoga-laau. O le
mamalu o le Atunuu o lo‟o alaala i Apia nei, ou te
masalo e le mafai ona maua se avanoa e toto ai ni laau
aua o le tele o fanua o lo‟o alaala ai, o fanua lisi. O loo
nonofo nisi i nai fanua laiti, ae e le lava le aso e tasi lea o
loo avea ma aso o totoga-laau. Ou te manatu lava a‟u,
afai e finagalo le Malo ia atina‟e atili ma ia oo atu le
mamalu o le Atunuu i nuu i tua e toto ni a latou laau i
aso faapea, e tatau ona fai se aso malolo pe lua, pe tolu i
le tausaga se‟i o atu ai le mamalu o le Atunuu o loo
alaala i Apia nei i o latou afioaga ma aiga e toto ni a
latou laau. Aua o nisi o tamalii ma failauga e le mafai
ona oo atu i alaalafaga i tua poo Savaii i lea aso o le
totoga-laau, ae se‟i vagana ua i ai se fuafuaga a le Malo
ina ia maua ni avanoa e malolo ai mai galuega a le Malo,
ae afifio atu ma tala atu aao o le mamalu o le Atunuu o
loo alaala i Apia nei e toto ni a latou laau. E tatau ona oo
atu i se taimi o i luma, ua tele ni laau e totoina aua e
Saunoaga Faataupou a Sui Usufono 1961-2011
aoga lea e faaosofia ai le toe fia foi atu i alaalafaga i tua
e alaala ai.
O lea la o le a ou oo atu i le Minisita o loo gafa ma le
Atina‟e. Faafetai i lau Afioga i le Minisita o loo feagai
ma le vaega lea o Atina‟e. O a‟u o le isi faifaatoaga i lo
matou Itumalo, e le o se tala e faaleaga i se tasi, ae ao
lava ona avatu le mea moni. Sa ou fesiligia soo lava le
vaega lea e avea fa‟i i atunuu i fafo, “Ua silasila ea le
Minisita i lenei Matagaluega ma le mea lea o loo fai”? O
le tali moni lava ou te ta‟u atu, e le mafai ona ou sese. Sa
faapea mai se isi o lea Matagaluega, “E lelei si alii lea ua
sui mai nei ua asiasi mai, a‟o le isi alii sa i ai muamua, e
uma lava le tolu tausaga matou te le‟i vaai faatasi o
asiasi mai”. Ona ou fai atu lea i ai: “Oi sole! a faapefea
la ona maua ni maketi e ave i ai le fa‟i pe afai o le faiga
lea o le alu o ia e su‟e maketi ma sau nofonofo”? A
faapefea la ona maua ni vaa e la‟u ai fa‟i i fafo o lenei e
talosaga atu i se 100 pusa fa‟i i le vaa fa‟i a‟o la e
nofonofo? Na fai mai nai tama, “Ua lava se 20 ni au
pusa fa‟i, leaga na o le lima pusa tuu oloa tetele ia e
avanoa”. O le tali lava lena sa fai mai i ia tausaga ua
mavae, o lea lava foi e fai nei. O le vaa fa‟i lea na mavae
atu nei, o le tali lava foi lena. E talosaga atu i se 100
pusa fa‟i ae aumai le 30. O le mea la lea ua le
malamalama i ai lo‟u sui usufono. O fea ea la le sa‟o o
nei mea aua o lea e faapea mai ua le lava fua o faatoaga
e ave i fafo? Ou te manatu e le o mamafa i le Malo lea
vaega aua atonu e tatau ona fesiligia e le Minisita o le
Matagaluega pe faamaonia la‟u faamatalaga lena. Ua
matua ōi le aufaifaatoaga sa galulue i le fa‟i ma le talo
ona ua leai ni avanoa e ave ai a latou fua o faatoaga i
fafo.
Sa matou talatalanoa ma nisi o le aufaifaatoaga na
faapea mai, ua ala ona laitiiti a tatou pusa fa‟i ona ua tele
ina ave e le Esetete Tausi le fa‟i ma le talo. Ua tele le
avanoa ua tuu atu i le Esetete Tausi, ae laitiiti le avanoa
ua tuuina mai i le aufaifaatoaga. O le mea sili o lea e
faafofoga mai le Pule o le Esetete Tausi ma ou te matua
lagona ma le faanoanoa, ona o le Esetete Tausi o le isi
lea vaega malosi o le Malo. Aisea ua toe fai ai foi e ia
lea matata o le fa‟i ma le talo o loo galulue ai tagata
taitoatasi vaivai e na o le fa‟i lava ma le talo le mea e
mafai ona soifua ai? Aisea ua le faamausaliina ai e ia na
o le povi, o le popo ma le koko? O lea la e ao lava ona
ou faaali atu lea vaega ina ia fai se fesoasoani a le Alii
Pule ma lea foi Faalapotopotoga ina ia faateleina ai fua o
faaeleeleaga o loo mananao le Atunuu e auina atu i fafo,
ae ua le lava ni avanoa.
O le isi vaega lau Afioga i le Minisita o Atina‟e e fia
maua so‟u malamalamaga i le faatoaga lea e i
Tanumalala. Na ou faalogologo i Tala i Vaifanua o
faapea mai, “O lea o le a aumai pusa fa‟i e ave i pusa
pepa ma o lea foi o le a faatutū a latou pusa aisa i le
uafu. O le mea la ua ou popole ai ona o le tele o
faifaataoaga aemaise le mamalu o le Atunuu, poo le a le
tulaga i le fesoasoani lea na aumai e fai ai le faatoaga
lea? Ua ou maua le faamatalaga ua le iloa poo fea o i ai,
pe i lalo o le Matagaluega a le Atina‟e pe i lalo o le
Komiti Faatino o le Fa‟i. A‟o lea ua fai feutanaiga a le
papalagi lenei o lea lava ua fai lava ia, ae ua leai ma se
manatu i le Atunuu. E ao foi ona silafia e lena papalagi
ma le mamalu o i latou o latou galulue faatasi, o lea e ia
te a‟u le pepa sa faamatala mai ai e se tasi o alo o le
Atunuu o loo i le Faletupe e faapea, o tupe uma lava o
loo faagaoioi ai le faatoaga lea, o tupe a le Malo mai le
Faletupe o le Malo. Ona faapea lea o se manatu, poo fea
la o i ai le afa miliona lea na faapea mai o le fesoasoani a
Ausetalia? O tupe a tatou nei e totogi ai gaoioiga a le alii
papalagi lea. O le mea la ou te popole i ai, ona e tasi foi
lea vaega e lagona ai lo‟u faanoanoa, aua o lenei alii
papalagi o le mea moni e leai sana mea o faia. E le iloa
foi e le papalagi lea i lo‟u talitonuga fai se togafa‟i. O
alo o le Atunuu la e faagaoioia le polokalame lea, ae na
ona sau lava o le papalagi faaalu ai le isi vaega tele o le
fesoasoani lea mai Ausetalia, faatasi ai ma le vaalele lea
sa ta‟ua foi e se tasi o sui usufono, o ni tupe maumau
lenei fesoasoani ona o le lē lelei ona faafoe. O lea ou te
talosaga atu ai e ala atu i le Nofoa ina ia „aua ne‟i
feteenai le faatoaga lea e i Tanumalala lea e fai i le
fesoasoani lea, ma le Faalapotopotoga lea e faafoeina le
fa‟i ona ua uma ona ave i ai le pule a lenei Maota. Ua
tatau ona ala e tasi le faatoaga lea, ia ma se‟i aumai se
faamalamalamaga a le Minisita pe aisea ua feteenai ai ia
vaega e lua.
O le mea mulimuli lau Afioga i le Fofoga Fetalai ma le
mamalu o le Palemene, ou te fautua atu i lau Afioga i le
Minisita o lo‟o pulea fefaatauaiga, se‟i silasila ane i le
aufaigaluega ma le faagaoioiga o a latou galuega. Ua ou
asiasi soo i le Ofisa lea ma ua iloa ai, na o le Pule la e
totogi e le Faalapotopotoga o le Fa‟i, a‟o le toatele o le
aufaigaluega la e i ai o lo‟o i lalo o le Komisi e Pulea
Tagata Faigaluega a le Malo. Ou te manatu a‟u e pei lava
o lo‟o i ai se feteenaiga i le itu lea. E tele le feteenaiga i
la‟u matau ona o lalo lava o le Komisi e Pulea Tagata
Faigaluega a le Malo le vaega e toaono la e i ai, ae na o
le Pule lava la e totogi e le Faalapotopotoga. Pe e le‟i
tatau ea ona tuu atoa atu lea Matagaluega i lalo o le
Faalapotopotoga o le Fa‟i ma avatu i ai se vaegatupe e
totogi ai lona faagaoioiina? Ou te manatu foi afai e oo i
le tulaga lena ina ia tumaoti ai le aufaigaluega mo
Fefaatauaiga, o le a fiafia uma na alo o le Atunuu o i ai
ma lelei ai a latou taumafaiga e atia‟e le latou
Matagaluega.
E faamalulu atu pe afai ua umi se manatu, ae ia
finagalo malie lau Afioga i le Fofoga Fetalai ma le
mamalu o le Maota, e le o toe tele ni nai manatu ia e i ai.
Ou te fia asiasi atu i lau Afioga i le Minisita o A‟oga. E
i ai so‟u iloa i le mea lea e tupu i le Ofisa o Aoga. Ia
taatia ia la le gaogaosa ae ou te fia tautala faapitoa i
faiaoga. Ua lava lo‟u iloa aua afai ae le fiafia faiaoga, na
ona tusi lava o numera faigata usu atu tamaiti fai
numera. E ta lava le tasi tuua, e leai ma se mea o faia. E
tatau ona i ai se mafuaaga ma o se mea foi e pei ona ou
ta‟ua muamua, o le ala lea o le gasolo mai o le tele o
matua mai nuu i tua e aumai o latou alo ma fanau i Apia
nei. E pei lava o a‟oga nei e i Apia e pei o Malifa,
Saunoaga Faataupou a Sui Usufono 1961-2011
Leifiifi ma le Kolisi o Samoa o lo‟o fiafia i ai alo ma
fanau ona fai mai latou o a‟oga na e lelei. Ou te molimau
atu e matua sese lea faaupuga ia te a‟u. E mafua mai lava
ona o le lē lelei o le vaaiga o aoga i tua, o le ala lea ua
mafua ai ona le faatuatuaina e matua le faaaooga o alo
ma fanau i aoga ia i tua.
Lau Afioga i le Fofoga Fetalai, e i ai nai tausaga atonu
ua silafia e le To‟osavili sa ou i ai i le Itumalo lea o
Falealili. O le mea masani lava i ina, e leai se faiaoga e
fia alu i tua. E i ai faiaoga a tofi atu loa e alu i Falealili,
ua alu faamavae i le Ofisa o Aoga. O le mea la e tatau
ona ou ta‟u atu, e i ai le mafuaaga e ala ai ona mumusu
faiaoga e o i tua. O le mea muamua, o le alu i Falealili
ma toe sau i le taimi nei o le matua taugata lava. Afai e
alu se Alii Faiaoga na o ia ae ua uma ona faaipoipo i tua
e faiaoga ai ae tuu lona faletua i Apia nei ma ona alo, o
le matua taugata lava, e le talafeagai mo lena aiga
aemaise o se Alii Faiaoga ua uma ona faaipoipo. O le
mea la ou te fai atu ai, o le totogi o le faiaoga i lo‟u
manatu, atonu o lo‟o faapea nisi o sui usufono mamalu,
se o le galuega lena na o le afa aso. O le mea lena o lo‟o
taia pea i la‟u faalogo. O lo‟o faitau nisi o le faiaoga na o
le afa aso; a tuua foi a‟oga ona tafafao lea ae totogi lava.
E pei lava ona ou fai atu lau Afioga i le Fofoga Fetalai, o
mea ia e tatau ona ave i ai le faamuamua a le Malo ina ia
lelei le aoaoina o outou alo ma fanau. E ao ona
faamuamua e le Malo le aoaoina o outou alo ma a tatou
fanau aua o le lumanai lea o aiga, nuu ma le Atunuu.
Aua o le ala lea o le fia o mai o Savaii ma tuā e aooga i
Apia nei, ona o le latou molimau e le lelei tele aoga i le
taulaga nei. O le mea la e tatau ona fai, ua tatau ona
faalelei muamua aoga ia i nuu i tua. E le o se mea faigata
ona faalelei totogi aua o le matafaioi lea a le Malo.
O faiaoga la e i tua, e tele lava ina faifaiaga aua foi a le
malie le loto i le totogi ua faapena faatasi ma lea, o
Asiasi A‟oga isi vaega ia e faaletonu o le Ofisa o A‟oga.
Ua ou maua ma o lo‟u lea talitonuga, e lē lelei ona
faatino galuega tau aoaoga i nuu i tua ona o le lē malilie
lava i le Malo aemaise le Minisita o A‟oga. E le o silafia
e le Minisita le faigata la e feagai ma faiaoga i nuu i tua.
Afai lava e leaga le totogi, o le mea lena e oo i ai, na o le
tafafao lava ma faatafafao atu ai ma tamaiti, ae a
faapefea la ona atina‟e fanau? A faapefea ona aoaoina
alo ma fanau pe afai o le faiga lea?
O le isi mea sa masani foi ona ou vaavaai i ai i na taimi,
e tasi lava le aso o le masina e oo atu ai le Asiasi Aoga i
lea a‟oga ma lea a‟oga. Ua iloa lelei e faiaoga o le aso 5
o le masina nei e sau ai le asiasiga, ona pau lava lena o le
aso e faatumu ai luga o le laupapa. E tofu le pou o le fale
ma le teu, ae a alu foi le Asiasi Aoga, ona nofonofo foi
lea o le faiaoga ma toe faaauau ana mea ia sa fai aua foi
e le o malie le loto i le taui lea e maua? O lea ou te
fautua atu ai i lau Afioga i le Minisita o Aoga ina ia
silasila toto‟a i ia tulaga.
Sa ou vaai i le taimi o pulea le tatou Malo e papalagi
aemaise le Ofisa o Aoga. E faaaoga e Asiasi Aoga
papalagi taavale a le Malo. E te‟i lava lea a‟oga ua tu atu
le taavale a le Asiasi Aoga papalagi, a‟o le mea lea e i ai
nei nai Asiasi Aoga, afai lava e faasolosolo atu ona
faapea lea o nei Matautu, taeao o Moataa, o ona tala atu
o Fagalii, sosoo atu ai ma Vailele, ua iloa lelei lava e Ulu
o Aoga ma faiaoga le aso e oo mai ai le Asiasi Aoga. O
le a la le mea o le a popole ai e faatigaina a‟o la ua iloa o
le aso Tofi e faatoa oo mai ai le Asiasi Aoga? O le aso
lena e faamanaia uma ai le siosiomaga o le aoga ma mea
uma aua le asiasiga lea o le a sau. O lea la ou te talosaga
atu ai i lau Afioga i le Minisita, se‟i e silasila ane i ai. O
le mea foi lena ua le lelei ai galuega a Asiasi Aoga ona e
leai se fesoasoani o tuu i Asiasi Aoga. Afai ua leai se
taavale, ia tuu i ai ni tupe se tele e fai ai ona alauni pe
faatau ai se taavale ina ia faigofie ai ona faatino ana
galuega. Ia te‟i lava le aoga ua tu mai le taavale a le
Ofisa o A‟oga, ae te‟i ua sau e le o a‟oga le Ulu Aoga, e
le o aoga lea faiaoga ma lea faiaoga. Afai la e faapena se
faiga e fai ai le Ofisa o Aoga, ou te manatu e leai se
faiaoga e toe faatamala. Ia faaleleia o latou totogi ona
fiafia lava lea e a‟oa‟o tupulaga o le Atunuu.
Ua tele lava sui usufono ua ou faalogologo i ai o laga i
o latou finagalo le mea lea ua tatau ona aooga fua alo ma
fanau. O tatou uma lava e tofu ma fanau aemaise le
taugata lea ua i ai le soifuaga ua i ai i lenei vaitaimi. Ou
te lagolagoina lea manatu faatasi ai ma se mea o lo‟o
feteena‟i i lo‟u mafaufau i le faapea mai o nisi sui
usufono, ia faaaooga fua alo ma fanau i a‟oga uma. Afai
na o a‟oga a le Malo e faatatau i ai finagalo o le Maota, o
lea e i ai A‟oga Tulagalua ma o faiga lava a nuu latou la
e taugata ai i le tau atia‟eina o o latou faleaoga. A‟o
a‟oga ia e fa lea ou te masalo o le ¼ o alo o le Atunuu
lea e aooga ai i le Kolisi o Samoa, Avele ma Matata
Eseese faatasi ai foi ma a‟oga i Savaii, a‟o le mea ou te
fia faamanatu atu o Ekalesia nei o lo‟o latou fesoasoani
mai i le Malo mo le aoaoina o alo ma fanau. Ou te
talitonu, ana leai a‟oga a Ekalesia e le mafai ona maua
uma e alo ma fanau ni aoaoga mo le tele o le Atunuu. Na
ona ou faaopoopo atu ai i nisi o finagalo ua uma ona
aumai, pe e le‟i alaga tatau ona fesoasoani le Malo i
a‟oga a Ekalesia? E le faapea o le a ō e fai faleaoga, leai,
ou te manatu e faigofie le fesoasoani i totogi o faiaoga o
lo‟o galulue i a‟oga a Ekalesia. O se fesoasoani lelei lea
o le a faamāmā avega ai i pili o tamaiti a‟oga ia o lo‟o
aooga i aoga a Ekalesia. Po‟o le a lava se faiga a le Malo
e fesoaoani ai, aua afai lava na o a‟oga a le Malo o le a
ave i ai le fesoasoani lenei, ou te manatu o nisi o alo o
Minisita aemaise o le mamalu o le Palemene ia e le o
popole tele aua o lo‟o lava nai a latou seleni. A‟o le
mamalu o le Atunuu o lo‟o i tua ma ē o lo‟o aooga o
latou alo ma fanau i a‟oga a Ekalesia, e tatau ona ave i ai
se fesoasoani mo nei matua.
E le gata i lea na ta‟ua e se isi sui usufono togiga. O le a
le mea ua le ave ai se fesoasoani mai le Ofisa o A‟oga
mo togiga a alo ma fanau ina ia foia ai lea faafitauli o
lo‟o i ai nei? E le gata i lea, o le fesili lava ma le tali o
lo‟o masani ona aumai e Minisita i mea nei o aoaoga, e
leai se tupe a le Malo e fai ai ia vaega. Ou te manatu afai
e finagalo ai le Malo, e le o se mea faigata lea vaega.
Afai lava e feutaga‟i lelei ma fai ni fuafuaga mautu, ou
Saunoaga Faataupou a Sui Usufono 1961-2011
te manatu o le a talafeagai le taugata o le soifuaga i le
taimi nei ma le mea o lo‟o oi ai matua aemaise ē e le o
tagolima i le taimi nei.
O le a ou le taua ni mea sa ta‟ua e nisi sui usufono, pau
le mea ou te fia faasilasila atu i lau Afioga i le Minisita o
Fale Meli, e taua ia te a‟u le faaleleia o le aufaigaluega a
le Malo aua ou te manatu o le ala lea ua mafua ai ona
faapea. Aua e ave i fea nei tupe, a‟o le soifua o le
Atunuu e aupito sili ona taua? E le gata i lea e pei lava
ona ou vaavaai i le tele o nisi o le mamalu o le Atunuu o
lo‟o i ai i le maota gasegase i Motootua, e le o talafeagai
nofoaga i le taimi nei o lo‟o i ai i le tele o maota
gasegase. O lea tatou te faatalitali po‟o afea e uma ai le
fale fou ae se‟i faalelei ē o gasegase i le taimi nei? E le o
lelei o latou nofoaga faatasi ma mea taumafa. Ona o le
falemai e taua tele i lo‟u sui usufono, o lea e fesiligia ai
lau Afioga i le Minisita ona ua ou tau ane i se tasi o
nusipepa o lo‟o feteenai le Pule fou papalagi lea e i ai nei
ma le Faalapotopotoga a le Liona. Sa latou ofo mai se
meaalofa e fesoasoani ai i le tatou falemai, ae sau lea alii
papalagi fai mai e le aoga. O se fesoasoani e maua fua
faapea e le tatau ona tatou teena pe tatou te mumusu ai.
Ua ou maua foi se faamatalaga e telē le falemai o fausia
nei e aoga ai lena meaalofa. Afai ua ofo mai ni
fesoasoani mai ni Faalapotopotoga, ou te le iloa i nei
papalagi pe aisea na te teena ai ia meaalofa na ofo mai e
nei Faalapotopotoga. E le gata i lea, o le mea ou te matua
ofo ai a‟u pe a ou vaavaai ifo i le Tala o le Tupe, o lea e
faatalosagaina ai le Maota mo tupe e ave ai gasegase i
fafo. O se mea e faigofie ia te a‟u pe afai e aumai ni
masini e faaaoga i gasegase i inei. E toatasi lava le fomai
e sau i Samoa nei e vaai gasegase, ae afai e fautua e le
fomai le ave i Niu Sila o gasegase, e tele naunau tupe a
le Malo e alu ai aemaise le tatou falemai o le falemai
fou. Ua ou vaavaai atu nei i le mea lea ua tupu i fomai,
ua le iloa pe na o le fou o le fale ae o atu gasegase e leai
ni fomai. O le mea lea e talosaga atu ai lau Afioga i le
Minisita o le Falemai, se‟i e silasila ane i ai ma toe fai se
polokalame ina ia mafai ona faafaigaluega fomai ua
faamavae mai ona o le lē lelei o o latou totogi.
Lau Afioga i le Fofoga Fetalai ma le mamalu o le
Maota, e tasi lava la‟u mataupu lea e fia fai atu i le
Minisita mo le Fale Meli. Amuia outou Minisita o lo‟o
lava nai a outou seleni e totogi ai pili o telefoni. Ua ou
vaavaai atu i ai o le isi lea vaega o lo‟o su‟e ai tupe a le
Malo ma ua le alolofa i ē o lo‟o faaaogaina telefoni. O
lea ou te maua atu o le tupe lea na nono e fai ai telefoni e
$2.6miliona, o le tupe lena na aumai mo le 25 tausaga e
toe totogi ai. A‟o le tupe lea e maua mai i le tausaga e
tasi e $1.2miliona. Se‟i vaai la i le faiga lea e fai ai le
mamalu o le Atunuu i pili o telefoni ia e oi ai le Atunuu?
E lua lava tausaga uma le faaunegatupe lenei, a‟o le mea
lea o lo‟o fai ai nei e le Malo pili o telefoni, ou te
talosaga atu se‟i toe tuutuu ifo i lalo ma ia faaaoga na o
telefoni, ae tuu ia lenei $0.04 sene o lo‟o totogi. E lelei
mo tatou o lo‟o maua nai seleni, a‟o le mamalu o le
Atunuu i nai tagata faigaluega, e uma lava le totogi i le
pili o le telefoni ae le tausia le fanau ma le aiga.
Ou te fia faai‟u atu i le Minisita o Tupe. O le mea
muamua lau Afioga i le Fofoga Fetalai ma le mamalu o
le Palemene, sa ou faalogo o taua e nisi o sui usufono le
faletupe lenei o le NPF ina ia tuutuu i lalo le aofai o le
tupe e mafai ona nonō. Ia tailo ne‟i sese se tala na ou
faalogo ai, a‟o lo‟o i ai pea i le Minisita le paoa. Na
faapea mai se isi sui usufono e mafai lava ona saini le
Minsita ina ia tu‟u ai i lalo le tupe nonō i le $1,000 aua
ua uma ona pasia le Tulafono ina ia mafai ai ona fai
nonogatupe mai lea Faalapotopotoga. Ai ona o le
Minisita e tele ana tupe, a‟o lea e talosaga atu, afai e
moni lea faaaliga na ta‟u mai e se isi ia te a‟u, ia
tautuana ia tu‟u i lalo le aofai o tupe e mafai ona nonō i
tua. Ou te talosaga atu i lau Afioga Vaovasamanaia se‟i
e alofa i le Atunuu. A‟o lea foi mea o faigofie mo le
Atunuu e le gata i tagata faigaluega a le Malo, a‟o le
aufaifaatoaga ma tagata uma ina ia mafai ona ni nai
nonogatupe e fai ai o latou fale ma mea faapena.
E le gata i lea ae faatasi ai foi ma le Faletupe o le
Atina‟e. E tele se faamatalaga ou te fia faia ae na ona
faapuupuu atu e faapea, e tóatele le aufaifaatoaga o lo‟o
faasea i le faletupe lenei. E le o le aufaigaluega ae fai
mai a latou o le mea lava ua pasia mai i le Maota. Na
ona ou fia faatepa lau Afioga i le Fofoga Fetalai ma le
mamalu o lenei Maota i le aufaifaatoaga ia e o mai e fai
a latou nonogatupe. Afai nei e talosaga se faifaatoaga e
avatu se $500 e fai ai sona togafa‟i, e tasi lava le masina
fai mai loa le faletupe, “Amata totogi mai”. Pau la lea o
le mea ou te talosaga atu ai i lau Afioga i le Minisita, ia
te a‟u lava ma lo‟u manatu ua le talafeagai le tasi o le
masina ae toe amata ona totogi. Vaai foi e 8 masina
faatoa fua le fa‟i pe tasi le tausaga faatoa mafai ona fafao
pusafa‟i. O fea la tupe o le a totogi ai i le masina e tasi le
nonogatupe lea na aumai nei, a‟o lea e le‟i faaaogaina
fua o le faatoaga na ala ai ona nonō mai le tupe? O le
mea lea na ona ou faamanatu atu, atonu ua silafia lava e
le Afioga i le Minisita e faigata tele lea faiga mo le
mamalu o le Atunuu o lo‟o faigaluega. O le ala foi lea na
mafua ai ona tele ē sa aitalafu ua le mafai ona totogi. Ua
faaputu, faaputu, faaopoopo i ai ma le pasene, ua faigata
i le aufaifaatoaga ma tagata faigaluega ona toe totogi nei
tupe. O lea e talosaga atu ai Vaovasamanaia ina ia toe fai
se fuafuaga, se‟i fua faatoaga ona totogi mai lea o nei
nonogatupe. Aua afai na fai le nonogatupe, e leai se isi
mea o le a vave totogi ai pe afai e le‟i fua mai le faatoaga
na fai i le nonogatupe. O lea e talosaga atu ai i lau
Afioga i le Minisita o Tupe, se‟i e silasila alofa i le
Atunuu ua faigata le soifuaga i lenei vaitaimi, aveese
uma tiute o mea taumafa. Ou te manatu afai e taugofie
mea taumafa, o le a mafai foi ona foia nai faafitauli o
aliali mai i le Atunuu. O la‟u talosaga ma lo‟u faaaloalo
e momoli atu ai le faafetai i lau Afioga i le Fofoga o le
Fono, faapea foi le lava o le onosai a lau Afioga i le
Fofoga Fetalai ma le mamalu o le Palemene, ae le gata
foi i lea o le tapuaiga a le Atunuu. Ou te momoli atu le
faafetai mo le avanoa ua tuuina mai.
Ona ua tulata foi i le Kerisimasi, ou te ofo alofa atu i le
mamalu o le Atunuu aemaise lo matou Itumalo o
Saunoaga Faataupou a Sui Usufono 1961-2011
faafofoga mai; atonu o le a alofa le Palemia o le a maua
ni eleele mo lenei Itumalo. Ia manuia le Fono.
Tofa LAVEA LIO
Itumalo Faaalaalafaga:
Gagaifomauga Nu.1
Filifilia:
9 Mati 1979
Faatauto:
28 Mati 1979
Lauga Faataupou:
11 Tesema 1979
Talofa si ou alofa i lau
Afioga i le Fofoga
Fetalai., E ese lou lalelei, ese lou tomai i le faafoeina o le
tatou fua tau, malo le fai o le faiva. Lau Afioga i le
Fofoga Fetalai, e momoli atu lau faamalo ma lau faafetai
i lau afioga ona ua maua se avanoa e mafai ona fai atu ai
sau faamatalaga ma sou manatu e tusa o le Tala Faatatau
o le Tupe, tupe ua maua, tupe ua alu ma le patu lenei e
tupu i totonu o le Maota, o upu e ia te au faamagalo pea i
ai se upu ua sese. O tupe ua faaaoga e le Malo ae lei i ai
se faatagaina e sui mamalu o le atunuu.
Na tofia au e lo matou Itumalo ua ou leiloa poo Fepuari
poo Mati, e sau i totonu o lenei Maota, e faaali ai o latou
finagalo. E amata mai i lea taimi e maua lou totogi ae ou
te leiloapoo le a le aoga o lenei totogi ia te au. O lenei ua
faafofoga i ai le Maota toe lua vaiaso ona tatou aulia lea
o le Aso Soifua o Iesu le tupu o le Lagi, ao lenei faatoa
monomono mai le Tala Faatatau Faaopoopo o le Tupe ua
uma ona faaaoga e le Palemia ma ana Minisita e
toavalua ae leai se malie o sui mamalu o le atunuu.
I lou talitonuga faa sui usufono o le Maota, o le soli
faavae lea, soli tulafono. E i ai lou talitonuga lava na o
au, o le Kapeneta o matua ia, ao le atunuu o alo ia o le
atunuu. Afai ua amata maii matua le solitulafono ma soli
Faavae, tou te silasila i ai i le mea o le a taunuu i ai
Samoa ma lona Malo, aua e a? E amata mai i amtua le
solitulafono, talofa i le Ofisa o Leoleo, aua o lea ua
amata mai matua le soli faavae, solitulafono, ua avatu e
nei matua le faataitaiga lea. E tele mea sa ou fia tautala i
ai, e pei ona silasila mai e lua lelei api tutumu lelei i
faamaumauga, ae ua i ai nei lou manatu o le a faapuupuu
lau lauga ua vela le fala. Ua oo mai foi le Kerisimasi ma
e tatau ona fai se tonu tatou te taunuu ai i itumalo ma
aiga e feiloai ma tau atu le mea ua tupu i le Malo.
E momoli atu ai lau faamalo ma le faafetai i sui
usufono mamalu uma o le Itu Tetee, le Vaega o le
Puipuiga o Aia Tatau o Tagata, i se saunoaga ma se
fetalaiga ua latou faaalia ai ni molimau maumaututu i ni
mea ua aliali mai i totonu o le Malo, e i ai lou talitonuga
ua i ai le faatuatuaga a Samoa uma o loo faaletonu le
Malo.
Ou te faapea atu ai i lau Afioga i le Fofoga fetalai,e pei
ona alaala mai i le Laulau paia o Fonotaga faa-Palemene,
e le o se aganuu faa-Samoa. Lau Afioga i le Fofoga
Fetalai, poo le a sou finagalo pe mafai ona ou tali e
faamalamalama le mataupu lea e pei ona saunoa i ai le
tootoo?
Faafetai lava i lau Afioga e tusa o le faaiuga, ae na ona
ou faaopoopo i sui mamalu na tulai ma faauilavea i lau
tautalaga e faapea o le Itu Tetee e le o se mea fou i
totonu o le atunuu lenei. E sili atu i le 10 tausaga o afio
Fiame, tulai mai Tupua, Tulai mai Tupuola fai le Itu
Tetee, ae le o se mea fou, E gata mai iina, e tele lou fia
faaumiumi atu ae leaga o lea ua silafia sa i ai Itu Tetee
muamua ae sa faavae mai i tu ma aganuu e masani ai. O
faiga faa-Palemene, e le o se tu ma aganuu lea a Samoa.
O le Palemene na fanau mai i le Malo tele o Peretania, o
lea e auai uma ai le taupulega o tatou o sui o le
taupulega.
O le a fai atu lau tala i se mea na tupu i leneiMalo tele
mai i se tusi na ou faitau ai. Sa i ai se tupu na
pulepuletutu lea atunuu, o ia lea o Tupu Salesa I. Sa ia te
ia le manatu o loo ia te ia le mana faa-Atua poo le tofi
mai le Atua. O ana upu o le Tulafono lea, ma na ia faia
aitalafu maoae i le atunuu, o aitalafu i le atunuu ma
aitalafu mai fafo. Sa faataape le Palemene mai lea taimi
ma lea taimi, o mea uma nei e pei ona ou faitau ai i lenei
tusi, olea peiseai ua aliali mai i le tatou atunuu. O le a la
le mea na taunuu i ai? Ona o le mataala o faipule o lea
Malo, o lea na iu ai ia faapapalagi o loo tusitusi i lea tusi.
“He was beheaded” poo le faatagatavaleina. E i ai la lou
talitonuga lau Afioga i le Fofoga Fetlaai, e le mafai, le
mafai ona taunuu nei faasalaga faapenei i le atunuu
lenei, ona o upu tomua o lo tatou Faavae. E faavae
Samoa i tua ma aganuu ma le faa-Kerisiano, ae i ai lou
talitonuga lava nao au o upu lava e to ia te au, e tatau
ona faamuta lenei mea o le solitulafono ma le soli
faavae, aua ou te popole i le Ofisa lea sa ou i ai o le a
malosi le solitulafono, ona o le maua lea o se manuia o
le atunuu. E i ai la lou taliotnuga e faapenei, e tatau ona
fai se mea e faamuta ai ma ia vave ona faamuta, aisea? A
faapea o le a tulai ese le afioga i le Palemia lea e i ai nei,
ae tulai mai se isi Palemia ona faapea foi lea o ia,
solitulafono foi au. O le a ou faia lava tupe i le ou te loto
i ai aua ua faapea foi ona fai e Pai ma Lafai, ia silasila i
le mea o le a tupu. A tulai mai se isi Palemia ona faapea
foi lea ona ia fai. O le a malepelepe le atunuu.
O lea e i ai lou manatu nao au lava, ao fafofoga mai i le
Falemai lau Afioga i le alii Palemia. O le tatou atunuu e i
ai le vafatafata ma le vafealoaloai. E faapea uiga o mea
faa-Samoa, afai e te silafia ua e soli faavae, solitulafono
e tatau ona e alofa i lou atunuu. O le a le mea e tatau ona
e faia? O lou tago lea i le peni, tusi se tusi aloaia, e pei o
loo i ai i totonu o le tatou faavae ona tauaao atu lea i le
Ao Mamalu o le Malo, e faamavae atu i lou taofi
Palemia ona faamuta ai lea o le solitulafono ma le soli
faavae i totonu o le atunuu. E i ai foi lou talitonuga e
faapenei o le tulai mai o le afioga i le alii Palemia e pei
ona alaala mai i lena nofoa o le Taitai au o le tatou
atunuu, e lei faapea o sona tomai, leai, ona o le ava ma le
faaaloalo o le atunuu i lona tino faa-Tama a Aiga. O lea
e mafua ai lou tulai mai i le tofi Palemia, ae afai e alu alu
Saunoaga Faataupou a Sui Usufono 1961-2011
ai faapea le faiga o aiga faapea e te silafia e lau Afioga e
i ai le taimi.
O au e pei foi ona ou fai atu i le taimi ua mavae, sa i ai
lou manatu e alu alva le vaiaso o ou lauga, ao le a liliu
lau lauga i le mea e tau o le Atiina Ae Le Talafeagai. A
tau le upu lea o Samoa, e aafia ai Tutuila ma Manua. A
tau le upu lea o le Malo Tutoatasi o Samoa i Sisifo, e
aofia ai Apolima, Manono, Upolu ma le motu tele i
Salafai. Ia tailo ai, ae oo mai le aso gataaga o fai lava le
pologa. O le faitau aofai o Tutuila ma Manua e 30,000 i
faamaumauga i lenei vaitaimi. O le a le mea ua taunuu
nei i ai Tutuila ma Manua? E ese le maoae o le
tamaoaiga o Tutuila ma Manua? Ona o le pulega lelei
ma le maoae o le fesoasoani a le Unaite Setete ao lenei
taimi afai o e faafofoga mai Peresetene Carter i le Fale
Paepae, e momoli atu lau faamalo ma lau faafetai i lau
Afioga e tusa ai o lautausiga lelei i nei tagata o lo matou
atunuu. Ae talosia foi o i ai se isi Peresetene e tulai mai e
faufautua e fesoasoani pea ia Manua ma Tutuila. O le a
ou liliu mai loa i le mea e tau o le Malo Tutoatasi o
Samoa i Sisifo.
ua 17 tausga talu ona Tutoatasi le Malo o Samoa i
Sisifo, talofa e talu mai ona ou ola mai i lenei atunuu ou
te lei oo i Apolima. Ae fai mai le faitauga aofai o lea
motu e pei ona faamaumauina e le Ofisa mo Fuainumera
Faamaumauina, e 140 tagata o loo i ai, faafofoga lelei
mai lava Apolima, tamalii ma failauga ma alo o le
atunuu i lea motu o le Tutoatasi, e 17 tausaga. Ua le
manino i lou mafaufau poo le a se atiina ae ua fai mo lea
motu, poo ua i ai ni taga falaoamata ma ni taga araisa
poo ni vaa fagota e 15 ua faameaalofa atu ia i latou, poo
ua i ai se falemai ma se faleaoga ma se latou faletalimalo
ma sa latou helicopa. Ou te le iloa poo ua i ai se atiina
ae, tatalo pea i le Atua toeitiiti sau se aso.
Ona ou soso mai lea i Manono, faafofoga lelei mai
tamalii ma failauga, atonu e i ai se taimi tali mai le
afioga i le alii Palemia, poo le a se mea o fai mo outou. E
910 le aofai o tagata o loo soifua lelei i totonu o
Manono, ou te le iloa poo se a se atiina ae o loo fai mo
outou. Ua leva tausaga ou te le toe oo atu i ai, e tasi lava
le taimi na ou oo atu i ai, o le taimi lea na tofia ai au e le
isi alii leoleo ou te alu e tafana uma mea i tuaolo, ona
gata mai ai lea o le tatou feiloaiga.
Ona ou soso mai loa lea i Upolu, le au aiafu, leai ou te
le taea le mamalu i alaalafaga, faamagalo o le upu e to ia
te au. A o i lava i le mea tonu e tau o le tatau ona aveese
upu ia o le Malo Tutoatasi o Samoa i Sisifo, ae tatau ona
sui le faavae e faapea, o le Malo Tutoatasi o le au
maualuluga ma le au maumea i totonu o Apia. O upu ia
ou te manao e sui ai le faavae i lenei taimi iinei i Upolu o
loo i ai le faitau aofai o tagata e 108,950l meaalofa e
aumai mai fafo. Ua fausia i tupe a le atunuu, o le mau
taavale afi ma fomai popoto uma e amata mai i le fomai
pato, fomai taliga, fomai isu, fomai mata, fomai tipitipi,
ua leai se fomai e le o i totonu o lea Falemai, afifio atu i
ai latou ua taua o le au maualuluga ma le au maumua i
totonu o le taulaga. Ou te faatepa le mamalu ma le paia o
lau Afioga i mea tau aoaoga, ua i ai le Iunivesite i
Alafua, o Kolisi ua i ai uma tagata e fai tikeri i totonu o
le taulaga, ae talofa i mea o loo asa mai ai i Falealupo
seia taunuu i mea e o agai i ai ma le mea e taunuu mai ai
foi iinei. O le pologa ua leva ona fai.
O le a faafofoga mai le Puleono ia Salafai ma ona
Faleupolu i lo outou pologa ua leva ona fai i tausaga ma
tausaga. O loo lau mai la outou popo ma fai, komko ma
a outou laupapa. O outou e ona le Malo, aua o a outou
meatotino. O le poto ma le maumea a silasila e ati i le
lagi tuafitu, ao le tagata e le malamalama e gata mai lava
i le puipui lea o le Maota ona uma lea. I le o lea, fai mai
tagata e ese le maoae o le atiina ae o le Puleono ma le
Limulimutau, ae ou te fai atu o le tasi lena pologa o
Savaii. A silasila i Matautu-tai ua faulalai ai vaa karasini
ua pala, e faapena i Mulifanua ma Mulinuu, latou te
faaalia mea faapea ina ia tatou faapea atu ai, talofa i le
aufai oloa ma e maumea. Ua tatou faapea ua latou
mafatia ae leai, ua momono atu mea a le Malo ua avatu
le Limulimutau avatu ma le Puleono e pei ona taua e lau
uo lea, le Tootoo o Fuifatu le Afioga Tofilau o le mea foi
lea e faapea a sau le fai faatoaga i Falelatai e faatau fua o
faatoaga, e uma lava lana faatau toe foi ae lei oo mai
lava i Mulifanua le fai faatoaga Savaii. Ia o le sau lea i
Falealupo e taunuu mai i le uafu i Salelologa, fai ai
fusuaga ma misa iina i le tau faaofiofi o lau uta fua o
faatoaga, toe totogi taavale i mea maualuluga, taunuu
mai i Mulifanua i le ala lava e tasi ona omai lea iinei e
fua a latou popo i le Komiti Faatino o le Popo, ae toe lau
atu oloa e fai lava si pologa tele o le motu. Ua leva ona
faapogisa i tatou, e pei ona taua e lau uo lea aua o le alii
lea ma te totolua faatasi, o le susuga lea ia Pakini, toto
Siamanai, na faapea mai le susuga lea ia Pakini i le mea
foi lea o le Polenisia lea ua faapogisa ai le atunuu, fai
mai o lea e lelei le fua a Samoa ma lafo i ai tupe ae leai
se tupe faasili.
O lou itumalo o le Gagaifomauga lea e aofia ai le
afioga ia Tauaanae. O lea ou te vaai atu ua matua uu
lona ao ma lulu. Sa outou faalogo foi i le tasi faipule o
lou Itumalo aua e tolu faipule o lou itumalo o
Gagaifomauga Nu. 2, le Afioga ia Malaitai. Ae fai mai le
malelega na pau atu ia Malaitai, ua sili atu i le 10
tausaga talu ona fau le Falemai o Safotu, e leai se fomai,
leai se taavale, leai se pusa telefoni e pei o mea nei e
paepae i le auala i Apia nei. E leai se mea e tasi, ou te le
iloa poo i ai se Fale Talavai, sa faapea ou te alu atu ou te
asiasi i ai, ou te iloa pe na o ni vaimasima ma ni
vaisuauu, vae atu lo outou paia. Ou te le iloa faavasega
ai o tagata la o ni tagata mai Aferika i Saute, ou te le o
malamalama i ai. A silasila la i ai lau Afioga i le Fofoga
Fetalai i le mea e tau o le Tamaoaiga le talafeagai, ao le
Malo o le Malo o tagata o Samoa, e aofia ai Apolima,
Manono, Upolu ma Savaii. O mea totino a tagata Samoa,
silasila lelei lava ma e faafofoga mai, ua leva ona outou
pologa Savaii, ao lou taimi muamua lenei faatoa ou tulai
atu ai ua leva ona faapogisa outou.
E momoli atu lau faamalo ao lea ou te le o vaai atu o
alaala mai le sui lea le afioga ia Tofaeono. E ese le
maoae o le tulei saunoa a Tofaeono. Ae na pau a ia o ana
Saunoaga Faataupou a Sui Usufono 1961-2011
upu na ou taofiofia fai mai, ua oo i le taimi ua tatau ona
fulisai le Faavae ina ia ogatasi ma le taimi, teuteu le
Faavae, selau pasene lou lagolagoina o lea saunoaga,
aisea? O Tulafono i lou talitonuga e lei fausia e mafatia
ma pologa ai tagata, ae na fausia ina ia puipuia tagata ma
ia maua ai le tamaoaiga o le tagata taitoatasi e ona le
atunuu. Ae faafofoga mai Salafai, afai o ni tupulaga fai
mai afai e le faia e lenei Paeaiga ia faia i le isi Paeaiga.
O lau fautuaga lea e uma ai le pologa ma e maua ai le
manuia o Salafai.
O lo outou manuia i le alavai lea i le va o Apolima ma
Savaii. O iina e sau ai le ala manuia o Salafai, uma ai loa
e le toe i ai se mea, fai le uafu tele i Salelologa, o loo
taatia le palolo i o i Aleipata ua goto mea uma. O ai e
taunuu i ai meli ma setima muamua? O Savaii ona
taamilo mai ai lea faatoa oo mai ai i le taulaga iinei i
Apia, ou te talitonu o mea tou te fuaina mai e fuaina atu
foi. E sao lava le Peresetene Amerika lea ou te vaai ai i
loan ata i totonu o le lima tala, na fai mai o ia, e mafai
ona e faavaleaina nisi tagata i nisi taimi, ae le mafai ona
e faavaleaina pea i latou i taimi uma.
Faafetai lava i lau Afioga mo le faaiuga, o le a la le mea
o le a taunuu i Salafai? O le a faatoa silasila i le mea e
tau o le saolotoga, o le a pau tupe o meli e pei o le mea
lea e taunuu nei i totonu o le taulaga, e lua meli tetele a
ia lava le uafu, e lava le $3miliona aua a silasila ane o
lea ua savalivali i le $40 i le $50miliona.
Ia Savaii e, talofa i o outou alo pe a outou le faafofoga
mai i lau faamatalaga lenei. O iina tonu lava e uma ai le
faafitauli aua o iina o le a lauina ai fua o faatoaga, pau
oloa i Salelologa, taamilo mai uma le motu elau atu a
latou oloa e aumai e papalagi, ae lau a tatou popo. A
tumu lava le vaa i popo ma koko a Savaii, e foi ai pea le
vaa ae taatia ai iinei le taulaga, o le a outou silasila i ai
ma e tupu e le mafai ona le tupu. A faapea ona fai le
solitulafono a le atunuu lenei, o lau fautuaga ia Savaii,
Manono ma Apolima Tutoatasi.
O le Faavae na fai e fesuiai ae lei faia se Faavae e
taofiofia, e talitonu mai outou o iina o le a sau ai le
manuia, e laitiiti lava atiina ae o Savaii ao outou
faafofoga mai. O le isi atiina ae aupito sili ona tautaua o
le Malae Vaalele o le va o Malo i le va o Saleaula ma
Samalaeulu. O le a outou silasila i le mea lena. Ou te
lagona lava o le a afio atu le alo tamaitai tautaua lea o
Aggie Grey ma fai ai foi sona fale talimalo iina. O le a
lau ifo uma i ai fua o faatoaga iina e pei o kapisi ma pi e
fai ai meaai o faletalimalo iina. E faapea foi le afioga ia
Sua Simi Curry aua o tagata e i ai le tomai i mea tau fale
talimalo, o lena o le a uma ai loa ma le pologa o Savaii.
O iina foi o le a lau sao ai lava e le 747, DC10, DC8 i le
Malae Vaalele i le va o Malo lea na ou taua i Honolulu,
o fua o a latou faatoaga. Ou te iloa le mea o le a taunuu i
le taulaga e pei o le saunoaga Peresetene Lincoln, ia
outou mataala Savaii, ia outou tutoatasi. O lea lava ou te
tilotilo atu o loo silasila totoa mai lava le sui lea, aua o le
tasi lea o tamalii sa finau malosi e fau le uafu le uafu i
Salelologa ma mea uma faapena ona uma loa lea o le
pologa o Savaii. E tasi lava la le mea e fai e tagata Savaii
na o le felelei mai e fai konaseti iinei ma siva ma isi mea
faapena ma toe felelei atu i vaalele. Ua uma ona faaaoga
le Limulimutau e o atu ai le au alii ia e faatau mai le
laupapa a Savaii, e fai ulu o a tatou Matagaluega e tele.
Ou te talitonu na o le 43,000 tagata o Savaii o faipule
uma o Savaii a laitiiti mai le totogi o faipule, e laitiiti
mai e $25,000 aua ua ou leiloa poo fea o le a lau i ai le
tupe. O ulu o Matagaluega a latalata mai o le $30,000.
O le isi au fautuaga aua ua lua nei au folafolaga o le
uafu tele i Salelologa, Malae Vaalele i le va o Malo ma
le mea e tau o le auina atu o tagatai fafo. E 43,000
tagata, ona ave lea o le isi 13,000 e talosaga ia
Peresetene Carter e pei o le mea lea e tupu i Niu Sila, e o
foi faigaluega i Hawaii ma Amerika ma aumai foi mea ia
e taua o vaegatupe le mafaitaulia e aumai iinei. O lena ua
outou faafofoga mai i mea e manuia ai Savaii, talosia ia i
tupulaga fai mai e mafaufau totoa i ai aua e i ai lou
talitonuga o le au atamamai uma ia e i Ulu o
Matagaluega, o Sui Pule, o tagata uma lava mai Savaii.
E sili ona foi atu outou e fai lo outou Malo, ae sei taatia
le mala paga lea ua leva ona pologa ai lo tatou motu.
Na ona ou otooto atu faapenei i le vaitaimi lenei ae lei
tutoatasi Savaii, tapuni lo tatou Ofisa i le Malo
Aufaatasi, aua le faaaogaina le tatau lea Ofisa. Ua pei
ona taua e se tasi sui o loo i Las Vegas le alii i le mea o
loo tele ai le pele tupe ma tamaitai ma isi mea faapena.
O le mea lena e tatau ai ona tapuni ae fai loan Ofisa
iinei. E faapena foi le Ofisa o le Hai Komesina i Niu
Sila. Ua tatau ona tapuni, ua tatau foi ona tapuni le
Konesula, a silasila i le alo o Samoa o Eti Sehlia ua leva
ona pologa, ua tatau ona tapuni uma Oifsa i vagana le
susuga a Eti Stehlin e tuu i ai le tofi o le Hai Komesina
ma tuu i ai sana aufaigaluega lelei ona manuia lea o
Samoa.
O le isi mea sa taua e sui, ou te faaopoopoatu i ai ina ia
silasila lelei i tupe nei o lafoga, aemaise tulaga o
tuusaunoaga i lafoga. O le aofaiga lea e $416 e tatau lava
ona tuu i luga sei fai se fesoasoani i le atunuu. Ae atonu
ou te sese ae ou te iloa e tatau ona tuu i luga i le $1,500
ae $500 tamaiti, e fai ma fesoasoani i le atunuu. Ou te
talitonu o le Minisita lea o le a na faia se mea lelei lava
mo le atunuu i lea vaega ma le taasi mea o lafoga a
faifeau. O se mea lava e tatau lenei mea aua o lea e i
totonu o le tatou Faavae, oFaavae Samoa i tu ma aganuu
ma uiga faa-kerisiano. O le tapuaiga lea o loo manuia ai
Samoa.
O mea tau totogi, e i ai lou manatu o se mea le sao tele
lenei mea ua aliali mai, e amata mai i le tumutumu i le
Palemia ma Minisita ou te faautuaina, aua nei siia totogi.
Ae silasila i lenei mea le sao o le maua fua o o tatou
totogi ao lea e na o le tasi pe lua vaiaso tatou te
faigaluega ai. E tasi le mea ou te fautuaina o le
aufaigaluega a le Malo. A fiafia le aufaigaluega a le
Malo, latou te faia mea sao ma le faamaoni. Ao tatou ia
o taitai, avatu se faataitaiga sao lava ia i latou, o iina e
amata mai ai ona faigaluega fiafia, ua lava o tatou totogi.
E oo foi ia te au e amata mai ia Fepuari i le taimi e saini
ai lou totogi, a te fefe i lenei mea o le aiafu lea e fai, e le
Saunoaga Faataupou a Sui Usufono 1961-2011
sao ma le talafeagai aua o loo silasila mai le Atua e le o
se mea sao, ae tuu tonu lava tupe i le aufaigaluega a le
Malo.
O le isi mea ou te fautua atu ai, sei silasila totoa lava i
le totogi lea o le Loia Sili, poo le a le mea ua ala ai ona
faapea lea totogi ua $25,000, ao se Matagaluega aupito
sili ona laitiiti lea i totonu o le Malo? Ua le mafai ona ou
malamalama i lau fiatau atu i le Faavae, o le tofiaina o le
Loia Sili e tofa lea e le Afioga i le Palemia ae faamaonia
mai e le Ao Mamalu o le Malo e pei ua le talafeagai la
ma le sao.
O le isi mataupu lea ou te fia faasilasila atu, ua ou maua
pea ni faamatalaga mai lea taimi ma lea taimi o loo
faaaoga pea e le Afioga i le alii Palemia lona faafefe o le
aufaigaluega o le Malo. E le sao lea mea, silasila o le
Malo e tolu ona vaega. O le Vaega o Faatonu, Vaega o
Faamasino, ma Komisi e Pulea Tagata Faigaluega a le
Malo. E tumaoti uma nei vaega e tolu, e tofu lava le
vaega ma ona tulafono e puipui ai. E le faafefea foi e le
Palemia tagata faigaluega a le Malo, e sa, o Vaega o
Faamasinoga, e le mafai e sa ae maualuga lava le Malo.
O le tasi lea mea e alo i ai le Malo e fai, a faapea ua sau
se iuga i le Faamasino Sili e gugu le Faavae, o le a le
mea e fai e le Palemia? E togi le Faavae i luga o le
Laulau a le Kapeneta, sei outou silasila totoa, aami le
Loia Sili pe aisea ua ala ai ona faapea mai le Faamasino
Sili e gugu le Faavae. E le fesiligia e se isi le iuga a le
Faamasino Sili, e sa. E tumaoti lava, ae na o le pau lena
o le mea e maualuga ai le Vaega o Faatonu, a silasila atu
loa i se tulafono o faaletonu, togi i le laulau ona fau mai
lea o le Tulafono, aumai iinei i sui mamalu o le atunuu e
pasia ai. O le faaaoga tonu lava lena o faiga o Tulafono,
ae sa i se Palemia poo se Minisita ona faafefe ni tagata o
le Komisi o Tagata Faigaluega a le Malo. E sa, aua e i ai
tulafono e puipuia ai i latou. E faapea foi i le Vaega o
Faamasino, e sa, aua lava nei aafia i tatou i se mea
faapea.
O le isi fautuaga faaeteete mo mea nei o fesoasoani poo
meaalofa, o se mea leaga e pei foi ona silafia le upu, e
taumafa lava letagata i le afu o lona muaulu. O aumai
fesoasoani e tautau mai ai ma le manoa e matautia. O le
a outou silasila i ai i mea nei o meaalofa e le o se mea
lelei, a silasila i le Falemai na aumai e Niu Sila le
meaalofa e fau ai le Falemai, ao lea ua le mafai ona tali,
fai mai le Komisi Suesue e avatu le matai i ai, ae leai,
faatonu uma mai o mea uma. E faigata ae tatou faaeteete
i mea nei o fesoasoani e le ni mea lelei. E leaga e
saisaitia ai le atunuu, o loo tele fua o a tatou faatoaga ma
mea uma e mafai ona maua ai le saolotoga ma tautalatasi
le tagata i le mea e ao ona saunoa i ai vaeatu lo outou
paia.
O au e pei foi ona ou fai atu, e le umi lau lauga e
puupuu lava, ao lenei vaitaimi poo le a sou finagalo e i ai
nai au upu puupuu lava i lou itumalo. Ou te fiafia foi o
se taimi muamua lenei faatoa tulai atu ai lou tootoo i le
Maota. O lea ao faafofoga mai le atunuu aemaise tupu
ma tamalii ma failauga faapea auauna a le Atua i Safotu
ma Manase, Gagaifomauga Nu. 1, poo le a sa outou
faafofoga mai i se upu ua faaletonu finagalo malilie e
fou lou tootoo. Ao lenei taimi ma te faatasi atu ai ma
Netina ma te ofo alofa atu, ia manuia lava le Kerisimasi
ma le Tausga Fou ma ia maua se tausaga fou tausaafia
mo lo tatou Itumalo. Soifua ma ia manuia.
Afioga LEILUA MANUAO
Itumalo Faaalaalafaga:
Salega
Filifilia:
9 Mati 1979
Faatauto:
28 Mati 1979
Lauga Faataupou:
4 Tesema 1979
Lau Afioga i le Fofoga
Fetalai faapea le mamalu o
le Maota, aemaise foi le tapuaiga i le mamalu o le
Atunuu o lo‟o tu‟i mai le mulipapaga ma tapuai mai aua
se manuia o Samoa.
Ua ou tulai atu e fia avatu so‟u sao i le fauina o lo tatou
Sa atoa foi ma ni fautuaga ma ni atugaluga o lo‟o i ai i
lenei sui usufono. A‟o le‟i faaalia so‟u manatu, e
muamua ona ou faafetai i le Afioga i le Palemia ona o le
amataga o lenei Paeaiga aua ana sese lau faatautaiga,
tulou, se meamanu ua faaletonu. Ua fetaiai foi le
amataga o lenei Paeaiga ma fesoua‟iga i le tele o
faafitauli, ae peitai ua aliali mai e foliga ua aumai e le
Atua se faaiuga ma se filemu aua le Malo o Samoa. E
talitonu le manatu sa e le amanaia lou tomai ma sa e
faatuatuanai foi i lou poto, ae ua e pipii i le Faavae o le
Malo o Samoa o lea ua mafua ai ona aumai le taui lelei
ma ua faafilemu ai fevesiaiga.
Ou te faafetai foi i Afioga i Minisita ona o lo outou
faapalepale ma lo outou onosai ona o le tele o faafitauli
ma to‟atuga sa feagai ma a outou Afioga i le amataga o
lenei tausaga. Afai foi o a ni fautuaga ma ni manatu o le
a faaalia, e talitonu le mafaufau e tatau foi i a outou
Afioga ona outou utagia ma outou talia ni fautuaga mo
se manuia o le Atunuu lenei. O le mea taua i le taofi ma
le mafaufau ona e le taua i lo‟u mafaufau se faaupuga
malie, e le taua foi i lo‟u taofi se folafolaga matagofie,
ae taua i lo‟u manatu le faatino.
E muamua ona ou fia taua le tulaga lea i femalagaaiga.
E le faapea ona o lo‟u sui usufono e mai Savaii ona ou
tautala ai lea faapitoa mo Savaii, ae ou te tautala mo le
manuia lautele. Ua uma ona faaalia e se tasi sui usufono
lenei lava tulaga o loo avea ma faafitauli i femalagaaiga i
le va o Savaii ma Upolu, poo le va o le uafu i Mulifanua
ma le uafu i Salelologa. E tautala lo‟u sui usufono aua o
a‟u foi se tasi e malaga soo i lea va ma o loo ou vaaia
pea ma ou oo foi i ai.
E muamua ona ou taua le vaa lea o le Salamasina lea e
faananau i ai le motu i Salafai ona o le faaupuga sa i ai e
pei ona malamalama i totonu o lenei Maota, o le vaa o le
a faaaoga mo femalagaaiga i le va o Savaii ma Upolu.
Ave ai, ave ai, te‟i ane ua saluvale le lau taamu o le nuu,
Saunoaga Faataupou a Sui Usufono 1961-2011
tulou. Sa i ai sauniuniga mo le vaa a‟o le‟i taunuu mai,
ae te‟i ane ua taunuu mai le vaa ae faalogo atu i le tala ua
faapea mai, e le talafeagai le vaa ma le uafu ona o le
papa‟u. Ae na faapefea ea ona fai lea fuafuaga? Ua aliali
mai ua pei o se fagogo malie na faalogologo i ai le
Atunuu, aemaise Savaii i faaupuga na faapea mai ai o le
vaa e femalagaai i le va o Savaii ma Upolu, e feoa‟i ai le
mamalu o le Atunuu, ae fuli a‟e le sioka a le South Sea
Star lea ua alu i Tutuila. Ona aumai lea o le Puleono
faapea e fai ma sui, ae ua le talafeagai foi. Sa lelei lava
ina o lua vaa, o le Limulimutau ma le Puleono sa feoai
ma sa solosolo lelei ai lava femalagaaiga i le va o Savaii
ma Upolu, aemaise lava le aufaipisinisi ma ē o loo latou
tautiga i le aumaiga o fua o faatoaga. Ave ai, ave ai foi,
leaga foi le Limulimutau ona aumai lea o le Puleono i
Mulifanua ae leai foi se vaa e moe i Savaii. Ona tulai
mai lea o le fesili tele i le mafaufau pe aisea? Aua e
foliga mai e pei e numera lua Salelologa, ae numera tasi
Mulifanua, a‟o lo‟u lava talitonuga e tutusa lelei. E aliali
mai foi e pei e faatauagavale le Afioga i le Minisita ma
le Malo i le motu aemaise lava le aufaipisinisi ma le
aufaifaatoaga, ua faale-amanaia i lea tulaga. Ou te
manatu foi ona o le le‟i aafia o le Afioga i le Minisita i ni
faafitauli o loo tutupu ma silasila foi i ai, masalo foi o le
ala lea o le faatuai o se fofō mo lea faafitauli. Aua o a‟u
lava le tagata ua ou i ai ma ou pupulu misa, tulou aua ua
tutupu misa ma ua faaleagaina foi le tele o meatotino i
faafitauli lava nei o lo‟o tutupu i luga o le uafu.
O le mea lea ua ou talosaga atu ai ma ou faufautua atu
ai i lau Afioga i le Minisita, ina ia silasila toto‟a lau
Afioga i le tulaga lea ma fai i ai se fuafuaga ma ia
faatino loa e pei lava ona ou taua muamua. E sili ona
manumanu le mafaufau i taumafaiga o loo taumafai mai
ai Salafai mo le faaleleia o le atinae ma tulaga o mea
faapea. Afai e faavaatuia i le mea lea, ona tau foi ai lea o
le fiafia i le faiga o le atinae o le Atunuu.
O lona lua, o mea tau nonogatupe: e pei lava ona maua
i saunoaga a nisi sui usufono o lo‟o i ai le faafitauli i le
mea lea, aemaise lava matou nei o le au vaivai. E leai ni
a matou mea e faamaonia ai pe taofia ai ni faaunegatupe
ona le maua lea e i matou o le avanoa e maua ai ni a
matou nonogatupe e fai ai ni atinae o lo‟o fuafua e fai.
Afai lava la o le tulaga lea o loo i ai, e vagana ua i ai se
mea e faamaonia ai le faaunegatupe. A tuu atu la i le
tagata vaivai ma le mativa e leai se mea e faamau ai le
faaunegatupe, o lona uiga o le a mativa ai pea le tagata
mativa, ae e tatau ona fai se fuafuaga i lea tulaga ina ia
maua ma sa‟o ai le faaupuga o lo‟o i ai nei, o le manuia
mo tagata lautele.
O lo‟o faaletonu foi ma tulaga le manuia le faafoeina o
lea matata ona e foliga mai e le faamaoni le
aufaigaluega. E i ai foi se tasi faaupuga faapea e mafua
ona le talia se faaunegatupe a se tagata vaivai ona e le
faaaoga tatau, e pei o se tagata e sau e fia nono se tupe e
fai ai se atinae fa‟i ae mulimuli ane ua leai se atinae fa‟i,
ae ua faatau ai meataumafa po‟o a lava nisi mea. O le
pito la lea e pei ona ou taua o lo‟o faatamala ai le
aufaigaluega. Aua e tatau lava ona latou silasila totoa ma
tulituliaupū le tagata ina ia alu sa‟o le tupe i le mea na
ala ai ona faaune mai. A‟o la‟u matau atu e faale mamafa
se vaavaai a le Ofisa i le tulaga lea. O le ala foi lea o le
lē faamaoni o le tele o ē o loo talosagaina ni nonogatupe
ona e i ai lo latou talitonuga, e le o tulituliloaina i latou i
lea tulaga. E avatu ai le fautuaga i lau Afioga i le
Minisita o lo‟o feagai ma lea tulaga, ia fai se fuafuaga i
mea na. Ave le avanoa i nai tagata vaivai se‟i o latou
maua ai se seleni e fai ai se atinae e tautua ai ma ola ai.
O le itu tau i oloa ma le Komiti o Fefaatauaiga: masalo
po‟o le 10 masina lenei ou te le‟i toe vaai lava ua alu atu
se asiasiga a le Komiti lea, a‟o le tau o oloa i tua ua le
mafai ona faavasega; ua pule lava le faioloa ia i le tau o
ana eleni. Aua foi ua le toe i ai se asiasiga a le Komiti
lea e vaaia le tulaga lea? E pei lava o mea masani, a
vaaia so‟o le asiasiga lea, o le solo lelei foi lea o le
fuafuaina ma le faiga o tau o oloa i pisinisi i tua, ae a le
vaaia loa le Komiti lea, ona ou alofa ai lea i le mamalu o
le Atunuu aua na ona oi lava, ae leai se mea e mafai i ai.
O le mea la lea e fesili atu ai i lau Afioga i le Minisita i
lea tulaga, pe aisea ua le toe gaoioi ai le Komiti lea. Aua
o le Komiti lea e tatau ona gaoioi faatatau i le tulaga lea i
le taugata o le soifuaga ma le soona fai o tau o oloa a le
aufaipisinisi i nuu i tua, aemaise foi totonu o le taulaga i
Apia.
O le isi itu o le tulaga foi e pei ona faavasegaina ai e le
Komiti lea o lo‟o faapea mai o le Sone A, Sone B ma le
Sone C ua faatulaga ai faapena. I lo‟u lava manatu
toatasi, e le o talafeagai lea tulaga ma le fuafua atu i
felauaiga ma le mamao o le mea o loo i ai le isi
faipisinisi ma le isi faipisinisi. A faatusatusa atu i le
faipisinisi mai Falealupo, e taunuu atu i Falealupo ua
toeitiiti lava maua le $30 e alu i le totogiina o ana oloa
ma ana mea e felauai i taavale ma vaa. A faatusatusa la i
le faipisinisi e nofo i Safata po‟o Falealili, e matua
eseese mamao lava; masalo pe $5 le totogi o oloa a le
aufaipisinisi i Falealili i felauaiga i taavale. O le mea lea
e tetee ai lo‟u taofi i lea tulaga, ona e foliga mai e le o
talafeagai le fuafuaina o le tau o oloa. O le mea la lea e
tuu atu ai le fautuaga i lau Afioga i le Minisita ina ia se‟i
silasila totoa i lea tulaga ina ia manuia tutusa tagata o le
Atunuu, ae aua le fiafia le isi ae faale-fiafia le isi.
O le Komiti o Taavale Afi: ou te fia taua le itu lea ona
talu ai nei foi sa vevesi ai le Atunuu ina ua sii pasese o
taavale, aemaise lava taavale lau pasese i nuu i tua ma
Savaii foi. O le mea o loo atugalu ai lo‟u mafaufau i le
Komiti lea ona e foliga mai e leai se tasi o le Komiti na
te silafia lelei tulaga o lo‟o i ai Asau poo tua i Falealili. E
le mafai la ona fai se fuafuaga tatau ma talafeagai aua e
le o i ai se malamalamaga i auala po‟o le mamao. Afai
foi e silafia e le Komiti e tutusa le alu i Falealili ma le
alu i Salega, ae le‟i silafia e le Komiti le tulaga pe
faape‟ī le auala, pe gaoa, pe a‟ega po‟o ni tulaga
faapena. E tatau ona faataoto faapena fuafuaga a le
Komiti ina ia taufai faamalieina le ti‟eti‟e taavale ma le
fai taavale.
O la‟u fautuaga i lau Afioga i le Minisita o loo feagai
ma lea tulaga ina ia aumai se sui mai Falealili, se sui mai
Saunoaga Faataupou a Sui Usufono 1961-2011
Falealupo ma se sui mai le Itu o Tane ina ia i ai i totonu
o le Komiti lea aua o latou tonu na latou te silafia lelei
tulaga ia ma faafitauli o loo i ai i lea itu ma lea itu i
femalagaaiga.
O le NPF, ua saua soo lava i la‟u faalogo, ua o atu
tagata tai 55 o latou tausaga e fia maua mai a latou tupe,
a‟o le tali mai a le NPF, ia malie ua leai se tupe. A le o
lea foi e ta‟u mai e faatali se‟i aulia se masina o le a
tauina mai ona faatoa maua lea. E faanoanoa lo‟u taofi
aua o le faaupuga lava sa i ai i le amataga o lenei
polokalame, a uma le 55 tausaga o le tagata i lona
soifuaga galue, ona maua lea o lana saofaga o le NPF.
A‟o lea foi ua ese lea faaupuga ua i ai. O le a la se
faamalamalamaga a le Minisita e fitoi tonu i ai lea tulaga
ina ia malamalama lelei ai le Atunuu? Aua o le
faanaunauga lava o le mafaufau ia faaauau pea e pei ona
i ai le folafolaga muamua, a aulia le 55 tausaga ua ave
loa le saofaga o le NPF a le tagata ia.
O le Maketi e pei ona sa ou faalogologo mai ai foi i ni
aso ua mavae o taua e nisi. Sa taua soo nei mea i se
maketi, po‟o se fale popo i Savaii ina ia foia ai faafitauli
e pei ona ua silafia e lenei Maota ma le mamalu o le
Atunuu. E faigata tele le felauaiga o mea tau popo
aemaise mea tau le atina‟e ma fua o faatoaga a le
Atunuu. Ua saua soo i le faalogo lea tulaga, ae aliali mai
e foliga mai ua tau sauniuni se isi fuafuaga i lea tulaga.
O se mea lava ua alaga tatau ona faatino le tulaga lea i se
fale popo ma se maketi i Savaii ina ia foia ai le faafitauli
lea i felauaiga o lo‟o mafatia ai le motu i Salafai.
E faapena foi le tau o le popo ma le koko: ua silafia
lelei lava le tulaga o loo i ai aua a faatusatusa foi le tau i
Savaii ma le uta popo e aumai i Apia, ua tulaga mai foi i
se tulaga ua latalata i le $40. O le sau i le vaa o le taavale
ma le uta popo e $30, toe foi atu e $30; o lona uiga e $60
ae le taulia ai isi mea e le o taua. E foliga mai e tele se
tupe o le a faaalu e tagata fai popo o Savaii i lo tagata fai
popo i inei i Upolu. O le mea lea se‟i alofa lau Afioga i
le Minisita se‟i fai se fuafuaga i lea tulaga ina ia aveese
lea faafitauli o loo mafatia ai le motu i Salafai. E ao ona
fai se fale popo i Salafai ma fai se maketi ina ia ogatasi
le aufaifaatoaga i Upolu nei faapea foi ma Savaii, ae aua
le faapito na o Upolu nei ina ne‟i manuia le isi ae malaia
le isi.
O tulaga i falemai. E pei lava ona silasila i ai lau
Afioga i le Minisita i tulaga faaletonu, ona talitonu ai lea
o le mafaufau i le tele o faafitauli e oo i ai. Faafetai foi i
le Afioga i le Minisita o Falemai pe a mafai ona oo atu
se‟i tagai i le tele o faafitauli o loo feagai ma Falealili,
aemaise foi Savaii. O le mea lea o loo i ai le tele o tulaga
faigata e pei ona taua e se isi Tootoo i mea lava nei o
fomai. O faafitauli ia e aupito sili ona tūgā, o le lē lava o
fomai. E le gata foi i lena, a‟o le lē lelei o fomai. E le o
fomai uma, ae i ai lava nisi fomai o lo‟o faaletonu. E pei
lava ona faaalia faafitauli o lo‟o feagai ma matou i tua
ona e mamao tele, a aumai le ma‟i ma ou te manatua ai
se mea na tupu, na aumai le gasegase mai lo matou
alaalafaga i le falemai i Foalalo, e le‟i maua ai i ina se
togafiti. Ona aumai lea mai Foalalo i Tuasivi, e leai foi
se togafiti, toe aumai mai Tuasivi i Motootua. Na toeitiiti
lava oti le gasegase vaeatu le paia o le Maota ma le
faafofogaaga a le Atunuu. Na aliali mai ai i ina le tulaga
faaletonu o lo‟o i ai. E le o se faafitauli fou foi lenei
faafitali aua e talitonu ma ioe lo‟u taofi, o faafitauli nei
ua leva ona tutupu. Ua tatau foi ona fai i ai se fuafuaga
ma foia ia faafitauli.
E tele ni manatu o loo fia taua e lo‟u nei Tootoo, ae
atonu ua i ai lava i finagalo o lenei Maota aemaise foi le
Atunuu le tele o faafitauli o loo faufautua atu ai nei i
Afioga i Minisita, aemaise foi le Palemia ina ia fai i ai se
fuafuaga ma ia faamalieina ai le Atunuu.
Lau Afioga i le Fofoga Fetalai ma le mamalu o le
Maota, afai foi ua i ai se upu ua sala, e le iloa e le tagata
lona sese. A‟o manatu ia ma nai faufautuaga ua tuuina
atu i luma o lau Afioga i le Minisita ma le Palemia,
talosia ia silasila toto‟a i ai ma faatino i le lumanai. Ia
manuia le Fono.
Tofa LEULU LAIFAGA
Itumalo Faaalaalafaga:
Faasaleleaga Nu.3
Filifilia:
19 Fepuari 1981
Faatauto:
20 Fepuari 1981
Lauga Faataupou:
25 Fepuari 1981
Lau Afioga i le Fofoga
Fetalai, ona o au o le Sui
fou e tatau foi ona ou faapai atu i le mamalu o lenei
Maota, o outou paia ma o outou Sa ma o outou faigata, e
tumau lava mai le amataga e oo i le gataaga. Mai le
vavau lava e oo i le faavavau.
Lau Afioga a le Fofoga Fetalai, lau Afioga i le alii
Palemia le mamalu o le Kapeneta, le aiga-Minisita,
faapea foi le mamalu o Sui o le Palemene o Sui o le
Malo o Samoa i Sisifo. E tatau foi ona ou tautala agai i
lou itumalo o Faasaleleaga Nu.3. O au o la outou
auauna. Ou te faamoemoe o la outou tapuaiga e manuia
ai la outou auauna i le nofoa lenei i le Maota o Samoa.
O le a ou tautala i le mataupu ua taatia nei i le Laulau-aFono.
E muamua ona ou faafetai ma faamalo i lenei Komiti
na tofia e le Kapeneta i le gapatia ma le fatuatia ona o le
galuega tele sa feagai ai. Faafetai foi mo finagalo faaalia
i Sui mamalu e uiga i lenei lipoti, ae muamua ona ou
faatu atu se manatu e fai ma manulauti o lau tautalaga i
le faale-tino ma le faale-agaga. I le faale-tino, o Samoa
ma ana agaifanua. I le faale-agaga, e Faavae Samoa i le
Atua. Atonu o iina tonu lava e ao ina tupu i o tatou luga
le Maota nei, le Faavae o le Malo o Samoa, o le Atua.
I lau tilotilo ifo i lenei mataupu ma lenei lipoti ona ou
faanoanoa ai lea. Atonu o le ala tonu lea o le mea e tofia
e le Kapeneta o se Komiti latou te iloiloina le lipoti, o
iina lava foi e toe ui mai ai se lipoti i totonu o le Maota
lenei.
Saunoaga Faataupou a Sui Usufono 1961-2011
Sa saua i lau faalogo se saunoaga a le Palemia, ua ia toe
fautuaina le mamalu o le Kapeneta e faaali ni o latou
finagalo. Atonu o i tonu ua aliali mai ai se manatu e lei
oo i le Kapeneta lenei lipoti. E atugalu a lou taofi aua
foi, afai e tofia au e le Fofoga o le Fono e faia se lipoti
ma ia ona maua le lipoti lena, e uma loa ona ou saunia se
lipoti, e ao lava foi ona ou toe tuu atu i le Fofoga o le
Fono. A e aliali mai i atonu e lei silasila totoa le
Kapeneta i lenei lipoti.
Atonu vaeatu le paia ma le mamalu, o lo o i ai se
malosi ese o lo o uunaiina lenei lipoti i lou lava sui ma
ou mafaufauga. A toe sialsila ifo i le Komiti na tofia, i
le amataga e toaiva sui na sau ai, ona ave ai lea ua oo ina
faale-manuia le Komiti, ua seasea ona feiloai ma ua le
maopoopo ni fonotaga. Ona toe tofia lea o isi sui
mamalu e toalua, a tuufaatasi ua 11. Ae silasila ifo i le
Komiti na pasia le lipoti lenei, e pasia ane le lipoti ae toe
toaono le Komiti.
Ae ofo foi lou loto i le Tama-a-Aiga ma le taumafai e
liliu ma fuli le Faavae o Samoa, le Faavae o le atunuu, o
measina a le atunuu ma lena aganuu ma lana agaifanua.
Na o nei tagata e toaono ma le mamalu o le Komiti a ua
taumafai e liliu le Faavae o le atunuu na sau ai, o le mea
e sili ona faapelepele i ai lo tatou atunuu. Ua oo mai i
lou mafaufau le faanoanoa, aua o tulaga lava ia e i ai le
tatou atunuu e manumanu i ana measina.
Na saua i lau faalogo le saunoaga a le Palemia ma le
tasi fuaitau, fai mai o lo o fautuaina o ia e Malo mai fafo
o lo o tatou faifai mea faatasi. Ona ou lagona a lea o le
faanoanoa, e pei a aumai mea mai fafo e fai ai le atunuu
ona taatia ese ai lea ma mavae atu ai le agaifanua ma le
faa-Samoa. O mea na sau ai le tatou atunuu.
E faalogo soo foi ou taliga o faapea ni saunoaga iinei,
“o mea e sili ona faapelepele i ai o tatou matua ma outou
tuaa ua mavae”. Ae faapefea ona vave ona mou e se atu
pe afai e agai mai tu mai fafo? E lelei pe a tatou maua ni
fesoasoani mai ni atunuu i fafo, e tau atiina ae ai lo tatou
atunuu, ae leaga pe a aumai tu mai fafo, e taumafai ai e
lepeti ma aveesea le tatou agaifanua sa masani ai o tatou
tuaa ma o tatou matua.
Ona oo ane lea o sau faamatalaga i le tulaga o i ai nei
ma lenei lipoti ua leva o lauiliuina i le Maota lava lenei.
Maumau lava pe ana faapea o lenei lipoti o lo o taumafai
ai ina ia sui le taugata o le soifuaga lea o lo o i ai nei. O
lenei lipoti i lou malamalama e le o taitai ona talafeagai,
vaeatu lava le Maota lenei. O le taumafai e palota le 21,
talofa ua taumafai e tetee atu le aganuu ma le faa-Samoa,
ae aumai nisi tulaga e le tatau ai. Afai e valu-selau ma
ona tupu ni tagata na fetaiai ma le Komiti lenei, atonu na
o se 1/2% o le atunuu na feiloai ma lenei Komiti a e aliali
mai, o le mea moni o lo o taumafai lava ina ia uunaia ma
ia faamalosi lenei lipoti ina ia mautu.
Sui Palota Tutoatasi. I lou lava mautinoa ma le lagona,
aua lava nei o tatou faia se mea e faamanuaina ai le
finagalo o lea vaega tele o le atunuu o lo o gapatia foi
ma fatuatia o lo o tautua. E lei tatau la i le taimi lenei
ona oo se tofa po o se faautaga i le Maota lenei ina
aveeseina lenei tulaga. O o tatou uso tatou te faifai-mea
faatasi, o lo o gapatia foi ma fatuatia ona o lea lava
tulaga. E matua teena i lou taofi lea mataupu.
Oo ane i le Faatosina. E ese le manaia o le lagaina o
lenei mataupu. Silasila foi o le atunuu e Faavae i le
Atua, a e silasila foi i le mea ua i ai nei, ua le mafai e le
matai ona faaaoga lona tiute moni ma le agaga moni na
tofia ai e tausi le aiga. Ua lava lava le palota a le matai e
toatasi, o lo o tauave ai le maliega faatasi o le aiga, pe
afai e faasagatonu lona finagalo i le Atua. O le Atua o le
Faavae o le Samoa. O le mea moni e le taitai tu se matai
mativa, e pei o lou nei foi tagata pe ana le ogatasi nei
Tulafono ma le tulaga ua i ai nei lo tatou atunuu. Ou te
matua faaopoopoina lava e au ina ia matua faamamafa
atu le sala i sē e taumafai e faatosina le atunuu, aua ua
taumafai lena tagata e aveese mai le Agaga Paia o le
Atua i so o se matai.
Filifilia o le Palemia. I lou lava taofi moni, e le aumaia
i fafo lava nisi tulaga. O le Maota lava lenei o le atunuu,
o ai ua tofia, o i lava e tofi ai le Palemia.
O sou manatu i uso i fafo. E moni ma faamaoni nisi
tootoo o lo o tautua o lo o taumafai mai, maua foi le
agaga ia latou e naunau mai ai. Ae i lou lava taofi
toatasi na o au, o aso nei ua tasi le suafa ae pe fa pe lima,
atonu la o le isi suafa la e Niu Sila, ae tulimatai lava ē o
lo o punonou i le aiga ma le nuu ma le itumalo. A maua
mai le fesoasoani mai uso mai Niu Sila, a talafeagai ai
foi ma le taimi o le a oo mai ai e feagai ma le palota, o
iina lava e i ai lona leo. A e ou te le manao au e avatu i
fafo. Leai ia tatou o lava i ē o lo o mafuta i totonu o le
atunuu o Samoa, ma i latou o tatou faifai-mea faatasi. O
nai ou manatu ma lou talitonuga afai e pei o au uluai upu
tatou o, o Samoa ma ana aganuu ia tumau ai. O le Atua
na Faavae ai Samoa, ia outou silafia ma tatou mautinoa o
a faiga sese, o a tulaga faaletonu ae aumai e le Atua le
mea moni e taitai ai le Maota lenei. Soifua.
Mr LOBER, GEORGE MICHAEL
Itumalo Faaalaalafaga:
Palota Taitoatasi
Filifilia:
9 Mati 1979
Faatauto:
28 Mati 1979
Lauga Faataupou:
12 Tesema 1979
Lau Afioga i le Fofoga
Fetalai ma sui usufono
mamalu o le Palemene, e muamua ona ou faafetai i le
mamalu tele o le Au Palota Taitoatasi ona o le
lagolagoina o a‟u e avea ma o latou sui usufono i le
Maota o Samoa. O lea faatuatuaga e le‟i aumaia faatasi,
ae sa faaalia faalua i se tulaga maualuga lava. Ma o lea
ou te toe faafetai atu ai ia i latou sa lagolagoina a‟u ina ia
avea a‟u ma o latou sui usufono i le Palemene. O le a le
faaumiumia sa‟u tautalaga ona o le tele o mataupu sa ou
fia tautala i ai, ua uma ona pa‟ia e saunoaga ma fetalaiga
a le tele o sui usufono ua uma ona tulai, ae na o ni nai
Saunoaga Faataupou a Sui Usufono 1961-2011
mataupu laiti lava e le‟i saunoa i ai sui usufono o lea ou
te fia fola atu i luma o le Maota Fono.
O le mataupu muamua, o le tulaga lea i totogi ma ē o
lo‟o aumau ma nofomau i nuu i le talafatai o Apia po‟o
tuāmaota o Apia. O le fesili o lo‟o tulai mai nei i lo‟u
mafaufau, po‟o ai ua sili ona mafatia i le si‟isi‟i pea o le
tau o le soifuaga? Ua faapea mai nisi o Itumalo i tua, a‟o
la‟u tali i lea tulaga, o nuu e tulalata mai i Apia e i ai
Saleufi, Togafuafua, Lalovaea, Fugalei, Malifa, Pesega,
Vaitoloa, Lotopa, Vaimea, Tufuiopa, Matautu ma isi nuu
uma ia e taulalata mai i Apia. Ona faapea lea o se isi sui
usufono, aisea o le a mafatia ai i latou ia o lo‟o i nuu ia
ua ou taua? O le tali, e ala ona mafatia i latou nei aua o
latou ia o lo‟o nofo lisi le tóatele i totonu o le taulaga. O
le tóatele foi o latou ia, e tua i galuega ma o lo‟o
faigaluega i Apia. O le toatele foi o i latou nei e leai ni
fanua e fai ai ni faatoaga ma tua i ai. E moni o nisi e i ai
fanua, a‟o le tóatele lava e leai ni fanua. O le tóatele foi e
tua i le maketi aua meamata mo le tausiga o le soifua i
aso uma. E tua i le laulau i‟a faapea foi faleoloa aua mea
taumafa mai fafo. O nuu i tua, a taugata le apa eleni ona
afisi lea o le matatao ma le mata, tulou le paia o le
Palemene, ona alu lea fagota ma e i ai fanua ma laueleele
e tua i ai. A‟o i inei i le taulaga, e leai, na o galuega lava
e faamoemoe i ai aua le tausiga o le soifua. A silasila lau
Afioga ma le mamalu o le Palemene i nuu ia e i ai
Saleufi, Togafuafua ma Lalovaea, ona tatou iloa ai lea i
ina o le tulaga faigata o lo‟o i ai. O le tulaga i fale la e i
ai nei, aua e le po se lilo i lea tulaga, toetoe lava a tu le
fale o le isi i luga o le fale o le isi, ia po‟o nisi foi tulaga
ou te musu e ta‟u atu. E ala ona le faia ni fale lelei o ia
tagata, aua e leai se isi e fia faia se mea mautu i luga o
fanua o lo‟o nonofo lisi ai ona e le ni a latou meatotino
ia eleele. O lea la ou te fautuaina ai le Malo, ia alofa i le
tulaga lea.
Muamua, ou te fautuaina totogi e le o le tulaga
maualuga, a‟o totogi o le tulaga lea ia i latou o lo‟o i le
ogatotonu e sau agai i lalo i tagata faigaluega leipa. O le
tóatele o latou o lo‟o aumau i ia nofoaga, o lo‟o lavea i le
tulaga lea. Ou te fautuaina le Malo, ia alofagia se‟i fai se
fuafuaga a le Malo i le tulaga lea, ni nai fanua e seei ai le
tele o le mamalu o le Atunuu o lo‟o aumau i lea vaega. E
peiseai o Fiti ma isi Atunuu o le Pasefika, o lo‟o i ai le
tulaga lea o le atina‟e o fale, ma e tatau ona fai i ai ni
fuafuaga a le Malo i lea tulaga mo le vaitaimi nei. A lē
foia nei i le vaitaimi lenei, e i ai se taimi i le lumanai e
tulai mai ai ni faafitauli matuia i nofoaga malepelepe ia e
i Apia. O le umi ona tuu e le faia i ai se fuafuaga i le
tulaga lea, o le faigata foi lea ona faafoe le mataupu lea,
ou te fautuaina ai le Malo ina ia silasila ane i nei
faafitauli. E talosagaina pe e le mafai ona aumai ni fanua
o le Malo o taulalata mai i Apia e vaevae, ona tusi uma
ai lea o igoa o aiga ia ina ia afifio ai i nuu ia, ona tuu atu
lea i aiga ia i se tulaga lisi, ae ia maualalo ma ia umi le
taimi e toe togitogi mai ai po‟o le 15-20 tausaga, a
faapea foi e uma ona totogi le lisi ona maua lea e le
tagata le fanua. E ao foi ona tatala ni nonogatupe i tagata
ia ina ia fai ai ni o latou fale. Ou te le fautuaina la le
Malo ia fai ni nonogatupe i tulaga tetele faapea poo le
$30,000 i le $40,000, leai. Ou te fautuaina le Malo i ni
nai nonogatupe pe ta‟i $10,000, ina ia mafai ai ona fai ni
fale Samoa ma se faatoso, tulou, ina ia atia‟e tagata ia
ma faalautele ma faalaulelei o latou nofoaga. O tulaga ia
ou te faatagisia ai le Malo ina ia fai se fuafuaga, ae „aua
ne‟i toe tuufaua, aua a tatou vaai atu nei i auala „alo ia e
oso atu i Tufuiopa, sau agai i Togafuafua, e i‟u ina avea
ma faafitauli i se taimi o i luma. A oo la i lologa, ona
outou silasila lea i ai i se tulaga ese i mea o lo‟o aliali
mai i nei nofoaga ona ua tumu i tagata eseese.
O le isi mataupu ou te fia tautala i ai, o le tulaga lea i le
Faletupe o Atina‟e. E tele ni sui usufono na ta‟ua lea
mataupu, ae ou te fia faaopoopo atu, ou te le toe fia afea
lea tulaga i mea ua uma ona faaalia e nisi sui usufono
mamalu, ae na ona ou fia faaopoopo atu i le tulaga lenei.
Ou te lagona o se mataupu foi lenei na lotea e se isi sui
usufono, le Paeaiga ua tuanai atu nei. O nonogatupe ia e
faatupe ai le Faletupe o Atina‟e e aumai i le Faletupe o
Asia po‟o a nisi Faletupe na aumai ai, ma o lo‟o aumai i
ni tului maualalo, po‟o le ¾% pe 1% ona faaui mai lea i
inei i le Ofisa o Tupe ma toe faaune atu e le Ofisa i le
Faletupe o Atina‟e i se tului e 5½% i le 6%, ona faapea
foi lea ona toe faaune atu e le Faletupe o Atina‟e i le
mamalu o le Atunuu i le 8% i le 14%. E fuafua lava po‟o
le a le ituaiga nonogatupe o lo‟o talosagaina e se isi o le
Atunuu. Afai o se nonogatupe e faamoemoe mo
faatoaga, e maúalalo le tului; afai o tulaga i mea tau fale
gaosimea, e maualuga foi le tului. Ia masalo a tali mai le
Minisita ona faapea mai lea, e faigata ona o feagaiga
lava ma Faletupe o lo‟o nonō mai ai nei tupe.
Ou te fia faatepa lau Afioga i le Fofoga Fetalai ma le
mamalu o lenei Maota, o le Minisita o ia lea ua sili ona
sogasoga e taumafai mai a tatou tupe nonō ma e le o se
mea fou le aumai o tupe mai fafo. Ae a pe a taumafai le
Minisita i le Faletupe ina ia sui le faavae o lo‟o nono mai
ai tupe, ae taumafai ona tuutuu i lalo le tului lea e ave i
le mamalu o le Atunuu? E pei ona ta‟ua e le mamalu o
sui usufono, e i ai le nonogatupe o lo‟o fai nei. O nisi
atina‟e e pei o koko, e le vave ona fua mai, ae a nonō atu
nei, ae toe tapa e le Faletupe e toe totogi atu le
nonogatupe i le masina lea, ae pe o le a totogi la i le a o
lea e le‟i fua mai le atina‟e. E tatau ona i ai se vaitaimi e
tuusaunoa ai ina ia faatalitali se‟i fua mai faatoaga ona
toe totogi lea o nonogatupe. O tulaga ia ou te talosaga
atu ai i le Malo se‟i toe silasila toto‟a lava i pasene ia o
lo‟o fai ai nonogatupe nei.
Ona ou oo mai lea i le mataupu e uiga i Tiute. Lau
Afioga i le Fofoga Fetalai ma le mamalu o le Palemene,
o le Ofisa o Tiute ou te manatuaina sa i ai se mea na tupu
mai ai i aso ua mavae. E pei e mafua mai ona o suesuega
auiliili a le Komiti o Tupe sa fai i lea vaitaimi, na
faamalolo mai ai lē sa avea ma taitai ma faauluulu i ai le
Matagaluega atoa ai ma lē sa lagolago i ai. O lea la ua
tuu mai nei i lenei vaitaimi o lo‟o i ai nisi o le Atunuu o
lo‟o tauaveina ia galuega, ae e le‟i i ai lava se fofō o le
mataupu lea. Silasila foi le mamalu o le Palemene, o lea
e fuafuaina i le tausaga nei e ova i le $14miliona le tupe
Saunoaga Faataupou a Sui Usufono 1961-2011
e maua mai i le Matagaluega lenei, a‟o totogi o ē o lo‟o
faigaluega ai e maualuga ai isi Matagaluega. O lo‟u la
manatu vaivai, e tatau ona fuafua totogi lelei e talafeagai
aua galuega ma tupe maua lea e maua mai i le vaega lea.
O le galuega lenei e tele ona faaosoosoga ona o le
faatinoina lava o ia ituaiga galuega. Faafetai foi i ia uso
o lo‟o tauaveina le galuega, ai ona o le mafuta tele i le
Atua o lo‟o sologa lelei ai le faatinoina o a latou galuega,
ae i ai lava taimi e sasi ai foi. Sa ma talatalanoa ma se isi
o le Matagaluega lea ina ua ou fesili i ai i le tele o mea ia
e le iloa mai i tai i le uafu. Fai mai a ia, “Siaosi, o le a le
matou mea e mafai i ai, e sui le faiga e fai ai, sui leoleo,
sui tagata ae e le mafai lava ona foia. Aua foi a o tiute isi
i le faitotoa, ae sau le taavale a‟o lea e tu i le faitotoa pe
na o le $20 i le vaiaso; ae sau le taavale o lea e gaoi mai
ai mea mai luga o le uafu tuu atu i ai le $100”. Fai mai le
faamatalaga a lea tagata, e leai sa matou mea e mafai ona
fai i ai i lenei faafitauli. O lea la ou te fautuaina ai le
Malo, silasila i ai i le itu lea. Ona o galuega a tagata ia e
tatau ona lava se tupe maua i totogi ona mafai lea ona
tetee atu faaosoosoga o lo‟o feagai ma tagata gaoi oloa.
Lau Afioga i le Fofoga Fetalai ma le mamalu o le
Palemene, o le masini lea o le palolo ua toeaina lenei
masini. O lea e faatu mai i le Tala o le Tupe mo le
tausaga a sau e ova i le $46,000 le tupe o lo‟o fuafuaina
mo le toe faaleleia o le palolo. E ui la e le o ta‟u mai i
ina i le Tala o le Tupe, a‟o le molimau lea sa aumai e le
Faatonu Sili i luma o le Komiti o Tupe aua sa suesueina
lea mataupu. O lo‟o faaupu mai la i lalo o le Vaega lea o
Galuega tau le Gataifale.
Lau Afioga i le Fofoga Fetalai ma le mamalu o le
Palemene, tulou vaeatu lo outou paia, e fiu lava e sasa le
solofanua ua toeaina e le gaoioi. O le palolo lenei na
amata ai galuega a le Atunuu lenei. Na amata mai i le
faato‟ā uma o le Tutoatasi, sa fau ai le Uafu i Apia, ave i
o i Asau ma o lea lava e galue le palolo. O lea ua i tuā i
Aleipata, masalo o le tuugamau lena o le palolo. Ou te
fautuaina ai le Malo ina ia faatau le palolo ae
faamoemoe i le Afioga i le Minisita o Tupe aua o le
tamalii aisi. A toe alu sana malaga i fafo, ia su‟e mai se
fesoasoani e aumai ai se isi masini e sili atu lona malosi.
Masalo e tasi lenei mea ua mafua ai ona faaletonu le
palolo ona ua sese le igoa ua faaigoa ai le masini, aua ua
aumai le masini faaigoa o le palolo. Silasila foi lau
Afioga i le Fofoga Fetalai ma le mamalu o le Palemene,
o le masini lea e faatamaia le amu, a‟o le palolo e ola ai
le amu. A faapea e maua se tatou masini fou, e sili ona
faaigoa o le alamea aua o le alamea na te faaleagaina le
amu a‟o le palolo e ola ai le amu.
Ona oo atu ai lea i mataupu i lo matou auala i gauta i
Aleisa. Faafetai i lau Afioga i le Minisita, manaia le
teuteuga o le auala ua i ai nei, ae pau o lea o le mea
masani le teuteuga lea. E talosaga atu i lau Afioga se‟i
fai se mea maopoopo, se mea e tumau, e sili ona faatā le
matou auala o le mea mautu lena. Ou te folafola atu i lau
Afioga, afai ae mafai ona e faatāina lo matou auala, o le
a faaigoa le matou auala ia „Seuamuli Kurene Highway‟.
E tele foi o matou sui, a oo i taimi o faatosina mo palota
ua o atu i utā folafola o le a fai mai le auala, uma
faatosina ma uma le palota ona lē toe oo atu foi lea i utā i
le matou nuu. O le mea lea ou te talosaga atu ai i lau
Afioga i le Minisita, ua leva tausaga o taumafai le matou
auala. Ia e alofagia lau Afioga i le Minisita, se‟i fai i ai
se fuafuaga i lea tulaga.
O le itu i telefoni: lau Afioga i le Minisita o lo‟o faatoai
i ai lea mataupu, masalo o le Afioga lea ia Asi. E pei ona
saunoa le toeaina matua, Afioga i le sui usufono mo
Gagaifomauga Nu.1 e fia fai se latou telefoni i Safotu. O
lo‟o alolofa uma mai lava Safotu i lau Afioga. Fai mai a
latou tala, “Ua tu mai loa foi le tama i le Tofi ua le toe
oo mai”. Ia e alofa se‟i faataunuu lea tulaga, e le o se
mea faigofie le faatau mai i Apia ae tauasa i ō i
Fagamalo ma isi nuu e i ai le telefoni.
Ona ou oo atu ai lea i Kamupani ia mai fafo o lo‟o i
totonu o Samoa. Sa ta‟ua e le Afioga i le sui usufono
Pule Lameko tulaga i polofiti po‟o tupe maua a ia
Kamupani. Na ia taua ai e faapea, a le faaaoga i se tulaga
e mafai ai ona toe faaaogaina polofiti i totonu o le
Atunuu, e sili ona tuu i ai se lafoga maualuga. Ou te
fautuaina le Malo e faapenei, ia fautuaina ia Kamupani,
o a uma polofiti latou te maua ia toe faafaigaluega i
totonu o le Atunuu. O tupe ia e toe faafaigaluega i totonu
o le Atunuu e pa‟ū le pasene o le lafoga. O a ni tupe
latou te le faafaigaluegaina ae ave i fafo, tuu i ai la le
lafoga o le 75%. Aua e pei ona ta‟ua e le sui usufono ia
Pule, e 50% lana fautuaga. A‟o le tulaga i lafoga a
Kamupani i lenei vaitaimi, o le 42% i le 50%. O lea la
ou te fautuaina ia tuu i ai le 75% pe afai o le a ave tupe i
fafo. E aoga ona tuu i inei i le Atunuu e faafaigaluega e
fai ai fale gaosi mea ma toe faafaigaluega ai le mamalu o
le Atunuu ma e ao foi ona fuafua lafoga i le tele o tagata
e mafai ona faafaigaluegaina. E le faapea a fai mai lava
le Kamupani o lea ua toe avatu le $100,000 e fai ai le
fale gaosi mea lea, ona pa‟ū ai fua lea o le pasene o
lafoga, e leai, e fai fuafua foi i tagata e mafai ona
faafaigaluega. O le agaga lena o lo‟o manao ai i lenei
vaitaimi, ia tele ni tagata e mafai ona faafaigaluegaina.
Ona ou oo atu ai lea i le Palota a Tagata Taitoatasi. Sa
saunoa se isi sui usufono e faapea, ia lagolagoina le
lipoti na tuu mai e se Komiti ina ia soloia lea itu. Na
faatoa ou faitau i le Lipoti lenei i le taeao nei ma e i ai
tulaga ou te lagolagoina ai le Lipoti, ae i ai foi tulaga ou
te le ioeina ai le Lipoti. Na faapea mai le Lipoti, ia soloia
sui usufono Taitoatasi ae toe faatu mai nisi sui e fai ma
sui o nuu ia e taulalata mai i Apia e le o aafia i le tulaga
tau matai po‟o pulega faa-matai i nuu ma alaalafaga i
nuu i tua. Ou toe faapea atu, o le mea lava e tasi, ae a pe
a faapea ia toe sui le Tulafono lea e i ai nei le Au Palota
Taitoatasi? Ia tatala le avanoa i ē o lo‟o noatia e le mafai
ona resitala e avea ma ē e palota i le Palota Taitoatasi, ae
faalautele le itu lea ia fai ma sui o ē uma o aumau i le
talafatai i Apia ma nuu e i ai Aleisa, po‟o nuu e le o ni
nuu mavae e leai ni faalupega, ae tau ina fai ni o latou
sui e fai ma o latou leo i le Palemene.
Silasila foi lau Afioga i le Fofoga Fetalai ma le mamalu
o le Palemene, e le mafai ona tatou faapea mai e faamuta
Saunoaga Faataupou a Sui Usufono 1961-2011
le leo o tagata ia, aua o latou ia sa fesoasoani malosi i le
afu toto ma le afu liligi e atia‟e le Atunuu. O i latou foi
ia na tatou iloa mai ai fai le sapasui, toto le kapisi ma fai
pisinisi ma tulaga uma faapena. E tatau la ona i ai so
latou leo i upufai o le Malo. E ui la ina ou lagolagoina
nisi vaega o le Lipoti, ae ou te fautuaina le Malo i tulaga
na. E le faapea ia fai nisi vaega ae tuuese nisi vaega, e
leai, ae na ona ou fautuaina i le agaga maualalo. Lau
Afioga i le Fofoga Fetalai ma le mamalu o le Palemene,
e tatau foi ona i ai so latou leo aua ua tele o latou sao i le
taumafaiga o le Sa o Samoa ua mafua ai ona
faamanuiaina. E tóatele foi i latou ua aumau i Apia nei
ma ua le toe i ai ni o latou sootaga ma nuu i tua. O le upu
moni lava, o lo‟o i ai ni aiga o lo‟o i ai ni matai, a oo i le
palota ona alu lea o le matai palota i lona nuu, ae tóatele
foi aiga e leai ni matai, ua nonofo lava i Apia ma
faigaluega ai ma atia‟e ai i Apia. E leai la ni o latou leo i
le Faigamalo a le Atunuu ona o le leai o ni o latou sui i
le Palemene.
Lau Afioga i le Fofoga Fetalai ma le mamalu o le
Palemene, e le fia faaumiumiina a‟u mataupu aua e pei
lava ona ou fai atu i le taimi ua sola, o le tele o mataupu
sa ou fia tautala i ai ua uma ona afea i saunoaga ma
fetalaiga a nisi o sui usufono mamalu o le Palemene. Pau
lava ia o nai mea na ou fia faaali atu ua fola atu i luma
ona e le‟i afea i saunoaga a sui usufono.
O le a faai‟u atu la‟u tautalaga - ae ona ua faatagaina e
lau Afioga i se saunoaga a se isi sui usufono, o lea ou te
fia avatu ai o‟u moomooga alofa i le mamalu tele o le Au
Palota Taitoatasi mo se Kerisimasi Manuia ma le Fiafia.
Ia manuia lau Afioga ma le mamalu o le Fono.
Afioga MALAITAI MAGASIVA
Itumalo Faaalaalafaga:
Gagaifomauga Nu.2
Filifilia ai:
9 Mati 1979
Faatauto:
28 Mati 1979
Lauga Faataupou:
4 Tesema 1979
Lau Afioga i le Fofoga
Fetalai ma le mamalu o le
Palemene, e muamua
lava ona ou tulai atu ma lo‟u faaaloalo ma ua uma foi
ona tāpā le alofa o le Atua i lenei aso. Ua tatou
faamoemoe i le Agaga Paia o le a musumusu mai i
finagalo ma faamoemoe o le Maota o le a mafai ai ona
tatou maua mea sili ma le taua.
A‟o le‟i avatu se manatu, ua fofoga foi lau Afioga ma
le mamalu o le Maota i saunoaga matagofie o lenei
taeao. O le mea lea o le a lafo atu i lumamea i le
faafofogaaga a le Maota ni manatu e lagolago ai i
Taualumaga o le tatou Fonotaga. A‟o le a avatu loa ni
fautuaga i lau Afioga i le Fofoga Fetalai ma le mamalu o
le Palemene i ni nai faitioga, poo ni fesoasoani aua
galuega mamafa o lo‟o feagai ai ma Afioga i Minisita.
O le mea muamua ou te faapea atu ai i lau Afioga i le
Minisita o loo vaaia le Ofisa o Leoleo ma Falepuipui. O
le mea sili ona taua ua avatu le faamoemoe o sui usufono
ma ua nofofale foi i lou finagalo. Ua i ai faafitauli e
faigata, ae ua uma foi ona lafo atu i ou luma. O le mea
muamua ou te lagolagoina ona o le tulaga lea i le lē lava
o Alii Leoleo mo le puipuiga o le Atunuu. E ao ona lava
Alii Leoleo mo le faamalosia ma le faataunuuina o
Tulafono e puipui ai le soifua o le mamalu o le Atunuu.
O le mea muamua, e leai se faatuatuaga o mafaia e Alii
Leoleo ona puipuia o latou soifua ma o se mea faigata
lea. Ona ou te le‟i malaga i Atunuu mamao, ae ou te
talitonu o loo mamalu le tausiga a Alii Leoleo ma le
faafoega o le Atunuu, vaeatu le paia o le faafofogaaga a
le Maota, o le uiga o la‟u upu, o ni auupega e fesoasoani
ai i lo latou taumafai ma lo latou puipuiga. O le mea sili
lea ona faigata, aua e pei lava ona ou tautala atu i le
agaga mama aua le faafofogaaga a lau Afioga i le Fofoga
Fetalai ma le mamalu o le Maota, o mea ia ua silisili ona
faigata.
O le isi vaega ua le mafai ai ona maua se fesootaiga
vave a le Ofisa o Leoleo ma faafitauli e tutupu mai i le
Atunuu, ona o nei mea o telefoni. Silasila i le motu o
Salafai, afai e i ai se faalavelave e tupu mai i se nuu,
vaeatu le paia o le Maota, e pei o Falealupo, e le iloa le
ituaiga auala o le a mafai ai ona maua se fesoasoani a le
Malo ona o le mamao. E le o lelei fesootaiga ma o le
agaga lea e fia talosaga atu ai i lau Afioga i le Minisita
ma le mamalu o le Maota, ia tuu atu se avanoa e maua ai
ni telefoni ia e taua o telefoni otometi ina ia fesoasoani i
Taitai Leoleo ma le Ofisa o Leoleo ina ia mafai ai ona
vave fesootaiga mo se fesoasoani. O le mea lea ou te
faapea atu ai i lau Afioga i le Minisita, silasila toto‟a ane
i ai i lea tulaga. Aua a faigofie auala faapea i fesootaiga i
taimi o faalavelave tutupu, ona mafai foi lea ona vave
ona maua se fesoasoani. O le mea la lea lau Afioga i le
Fofoga Fetalai, ua tatau ma onomea ona faatino ia mea
ina ia maua ai se fesoasoani mo le Atunuu lautele.
O le mataupu foi lenei i Falepuipui. Ou te le mailoa i ai
aua o le Atunuu, o le faiga lava lenei. O la‟u matau i ai,
vaeatu le paia i lau Afioga i le Fofoga Fetalai ma le
mamalu o le Palemene, e tulaga le manuia ona e mafua
mai i nofoaga, e mafua mai foi i ni faatinoga o ni mea e
aoga mo le Atunuu. O le mea sili lea ona faigata i la‟u
matau atu i ai. E na ona avatu pea i lumamea i lau
faafofogaaga, le Minisita o lo‟o tauaveina lea
Matagaluega, ina ia e silasila toto‟a ane i ai. Ou te
talitonu o le maota i Salafai masalo ua leai se mea o
faaletonu, ua manaia mea uma i le taumafai aua le atinae
o le Malo mo a taeao ina ia manuia. Ua solosolo manuia
lava mea uma e pei ona ou tautala atu ma lo‟u faaaloalo i
lenei taeao.
O le mataupu e uiga i Femalagaaiga: o lea foi ua
faafofoga lau Afioga i le Minisita, ua momoli atu
finagalo o sui usufono e pei ona taua i le taimi ua sola,
ua avatu maumaututu lava o latou talitonuga i le agaga
fiafia aua le taumafai o Samoa mo femalagaaiga a le
Atunuu. O le mea muamua lau Afioga i le Minisita, o le
Saunoaga Faataupou a Sui Usufono 1961-2011
mea e sili ona faigata ona e faapepa uma taavale mai le
Ofisa lea e i Apia. A femalagaa‟i se taavale e alu atu i
inei i Savaii, e faapepa uma lava le alu i Savaii ma toe
foi mai i le Ofisa lea, ma o i ina la e tupu ai le
faalavelave. Afai la e malaga mai le taavale mai
Falealupo, vaeatu lau Afioga i le Fofoga Fetalai ma le
mamalu o le Maota, e taunuu mai i Salelologa ua le
maua se avanoa aua e avatu le lisi. O lona uiga, ua taofia
uma i le lisi lea e avatu i Apia le avanoa o vaa, ae malaia
lava Salafai latou. E leai la se malosi o ia Salafai e mafai
ai ona tuu atu i le Ofisa o le Vaa ni faitioga, o lea ou te
talosaga atu ai ina ia tuu atu le avanoa ia Savaii ma ia fai
sona Ofisa faapitoa ina ia faafaigofie ai ia tulaga uma? A
malaga mai le vaa mai Savaii ia tusi i Salelologa pasese
ona sau ai lea. A alu atu le taavale i Apia nei, tusi i
Salelologa ona sau ai lea, ona mafai lea ona fetuunai
fuafuaga o auala o femalagaaiga a tagata, ae le o le fao
uma e taavale e avatu i Apia nei le taimi ae malaia le
Atunuu o lo‟o alaala i Salafai. O le mea lea ou te fautua
atu ai, e leai se faaletonu pe a tuu atu aloaia lava se Ofisa
i Salelologa aua femalagaaiga a le Atunuu. O le ala foi
lea o le vevesi aua e avatu le lisi i Apia ona omai ai lea o
taavale a Savaii, ona pau la lea o le mea e maua o le
taua‟imisa ai, vaeatu le paia o lau Afioga i le Fofoga
Fetalai ma le mamalu o le Maota. O le mea lea ou te
faasilasila atu ai i lau Afioga i le Minisita pe a tusa ai ma
lou finagalo, e faigofie auala ia i lo se i isi lava ituaiga
togafiti o le a fai ai le ituaiga faafitauli lea. A avatu se
Ofisa faapitoa i Savaii, ona fuafua mai ai lea o
femalagaaiga a le Atunuu.
O le mea tau le Ofisa o Faatoaga: Lau Afioga i le
Minisita, e leai, e le a‟oa‟ia e Laupu‟ā Tamafaiga e pei o
ia upu faa-Samoa, ae na o nai manatu e tuuina atu i
lumamea aua lau faafofogaaga ma le faafoeina o le
Matagaluega. Silasila foi, ua i ai le faigata o le Atunuu;
ua taua e nisi e faapea ua taugata le soifuaga. Aisea le
mea ua taugata ai le soifuaga? Ua mafua mai ona ua le
toe mafai se togafiti e toe faafoi ai le faafitauli lenei i tua
e pei o le mea sa i ai i aso anamua. E eseese eleele o
atunuu i fafo ma eleele o le Atunuu lenei. O le Atunuu
lenei o Samoa sa faavae mai lava lona Atunuu, vaeatu le
paia o le Maota, a totō lava se mea e tasi e fia ni tausaga
o faaaoga pea, a fua mai foi e umi se taimi e manuia ai.
A‟o le mea lea ua aliali mai, ua le toe mafai ona faafoi
lea faafitauli ona o le tele o vailaau. Ua tele fomai eseese
mai fafo ua mafua ai ia tulaga ae e le masani ai le
Atunuu lenei. E le‟i masani i ni fomai a‟o lau laau lava
na ola ai. Pau lava le mea sa fai e le Atunuu lenei na ona
tuu i lalo o fua o faatoaga ona teuteu lea. E fia ni
tupulaga e ola ai i ia faatoaga, e le mafai ona faitaulia. O
le mea lea ua i ai e lua tausaga, tolu tausaga uma le
malosi. A e le alu la e nono mai ni au vailaau poo nisi
mea e faafoe ai lea faafitauli, ou te tautino atu lava e le
mafai. O le mea lea e fautua atu ai i lau Afioga i le
Minisita, ia tautuana ma oe, toe sue se isi togafiti e mafai
ai ona toe faafoi le Atunuu i le mea sa i ai muamua e
aunoa ma nei mau faafitauli ua aliali mai.
O le isi mataupu lea ou te fia faasilasila atu i lau Afioga
i le Minisita o Faatoaga, ona o lea ou te tau manatunatu
pe ua sili atu i le 8 poo le 9 tausaga o le fale lea e tu nei i
Palauli, ae e le‟i i ai ma se isi e nofo ai. O le mea e sili
ona faigata, o le tupe lea na alu ai a le Malo ae leai ma se
isi o ona faaaogaina e oo mai i le asō. O lea ua ou ta‟u
atu i lau Afioga i le Minisita lea tulaga e tusa ai ma au
fuafuaga faataatitia mo le lumanai. Ana aumai lena
vaegatupe e fai ai se isi mea e aoga mo le Atunuu, e sili
atu lena, a‟o le tu i o o lena fale ae leai se mea e maua ai,
o lena ua ou ta‟u atu ma le amiotonu i luma o lau Afioga
i le Fofoga Fetalai.
Lau Afioga i le Minisita o Tupe, faafetai mo galuega
lelei sa faatinoina ma ua faafofoga foi le mamalu o le
Maota i lau faasilasilaga. E leai la se malamalamaga tele
i ai o lo‟u sui usufono ona e faigata foi ona ou tautala atu
ina ne‟i sese sa‟u faamatalaga ona toe faitioina lea o lau
Afiioga. E ui i lea, ou te talosaga atu ma lo‟u faaaloalo,
se‟i fuafua tatau ma fuafua tutusa le faiga o le Atunuu
ona matagofie lea o a outou fuafuaga. A faapito i le aumaumea ae tuuese le au-matitiva, o le mea lena e sili ona
faigata. E faamalieina ma e fiafia le Atunuu e atia‟e soo
se mea pe a faamalieina i le tofutofusia i faamanuiaga.
Ae mai fea le faasoa amiotonu? Mai le lelei o lau
faasoasoa.
Lau Afioga i le Minista o Galuega: E leai, o a‟u foi le
isi tagata ua leva ona galue i galuega, ou te malamalama
foi i tiute fai o lea Matagaluega. O lea foi e faafofoga
mai le Minisita, ina ne‟i ou tautala atu i ai ona faapea lea
ua taofi i lo‟u loto le mea ua te‟a, ae e le taofia ai le mea
e tatau ona fai. Pau lava la‟u fautuaga, se‟i e silasila
toto‟a ane i lea tulaga. O tagata faigaluega e pei ona
maua foi e lo‟u sui usufono, o loo faitioina e nisi ona e
pei ona faafofoga i ai le Maota i lenei taeao. E moni
lava, o le faiga lava o le Atunuu lenei, a faitio lava i se
mea e faapena lava, ae e talitonu Malaitai o lo‟o solosolo
manuia lau galuega aua foi ou te masani ai ona o le mea
sa ou i ai. O le mea lea ou te faaali atu ai i lau Afioga,
pau lava le fautuaga ia e alofa, ia fai tutusa tagata
faigaluega. E le o le aumai i luga i le maualuga ona oso
lava lea pau i lalo, ae faapefea le isi ogatotonu lea? Ia
fuafua toto‟a i ai ma ou te ta‟u atu i lau Afioga, o loo i ai
le faafitauli lea o loo tulai mai i le motu i Salafai, ona e
tasi le Pule la e i ai. E leai se isi lagolago ma se isi
lagolago i ai i tala atu o le mea e maua ai se mea lelei a
le Atunuu, ma le galuega. Na ona fautua atu e sili pe a
faatumu ia avanoa, vaeatu le paia o le Maota, ona maua
ai lea o se fesoasoani mo ia tulaga. Ia tautuana ma lau
Afioga, o lou taumafai foi i galuega, ae a i ai ni faafitauli
o tulai mai i le motu tele i Salafai, e mafua lava ona o le
lē malamalama ma le lē manino, ae a manino lava ona
faapupula e lau Afioga i le Minisita ma le mamalu o le
Matagaluega, ona fiafia lea o le Atunuu.
O nai fautuaga ia i lau Afioga i le Minisita e tusa ai ma
mea tau galuega ma o lena ua e faafofoga i ai. Na ona
fautua atu ma avatu ni o matou manatu i lau Afioga, ae
silasila toto‟a ane i ia tulaga. O le mea ua tuai ai le
galueaiina o auala i Savaii, o le tuai o au fuafuaga i ni
Saunoaga Faataupou a Sui Usufono 1961-2011
mea e faatino ai. O la‟u masalo ma la‟u matau, vaeatu le
paia o le Maota, afai o le a vave ona e faatino galuega
nei, o i ina foi o le a vave ai ona faasoasoa mai le
galuega ma maua se lumanai manuia, ae afai o le a
taofiofi ina ia tele, pe mátele i le isi itu ae tuu le isi itu o
lau Matagaluega, ona le mafai lea ona maua se taunuuga
lelei. Aua o le Matagaluega lea o le SPDC, tailo pe sa‟o
la‟u ta‟u faapapalagi, a‟o le mea lea ua sili ona ou lagona
ai le faanoanoa, ua tele meafaigaluega, tele mea o loo
faagaoioi ai galuega, a‟o le tuai ona faatino. E le iloa la e
a‟u poo le a le mea ua mafua ai lea mea. Aua o le Itu
Amoa agai atu ai i le Itu o Tane, o lena ua ou ta‟u atu.
Ana ua faatino atu galuega nei, masalo ua oo i le isi itu o
le motu.
O le mea lea na ona fautua atu ai i lau Afioga i le
Minisita e faapea, se‟i e silasila toto‟a pea i ai, ae
faafetai lava i le taumafai. E le o le sasalu i le vaitaimi
lenei, e leai ae ia fai fuafua i vaegatupe, o i ina e vave ai
ona taunuu i se taunuuga lelei. Se‟i faatino nisi galuega i
se isi tausaga, a‟o le mea sili ma taua ia so‟o Salafai i le
faataina o auala. O le mea sili lava lena o le soo, a‟o nisi
vaega e ao ona faamulimuli, aua e amulī lava na mea ae
tatou te le iloa le finagalo o le Atua, vaeatu le paia o le
Maota. O le mea la lea ou te talosaga atu ai, ia tautuana
ma lau Afioga, se ua leva ona pologa Savaii. E le faapea
e faapito la‟u tautalaga ona na o Savaii, ae e faapena foi i
tuā ona o lo‟o i ai foi le pologa ma le oi.
O le Soifua Maloloina, faafetai lava i lau Afioga i le
tulai mai i le tofi i lenei vaitaimi. E pei ona ou tautala
atu ma le faaaloalo i le taimi ua sola, o Salafai e i ai lava
le mea o loo tupu mai i Salafai. O le a le uiga o lea mea?
Lau Afioga i le Minisita, o le fafao lua i se mea e tasi,
vae atu le paia o lau Afioga ma le mamalu o le
Palemene, o le mea lea ou te talosaga atu ai i lau Afioga
i le Minisita, o se mea e sili ona faafiafiaina o le tofu o le
falemai ma le fomai. E tele faamanuiaga e aliali mai ai.
E manuia ai faalavelave faafuasei ma gasegase mafatia,
ae puipuia ai foi le taugata o le soifuaga ona o le
feaveaiga o gasegase. E le faapea la e faapito atu ona o
lo‟u Itumalo e leai se fomai. Ua ou le mataulia le tausaga
na leai ai se fomai o Safotu, vaeatu le paia o le Maota. E
oo mai lava i le asō, e leai se fomai. Pau lava le faaupuga
e sili ona matuiā ia te a‟u, vaeatu le faafofogaaga o le
Maota, o le fai mai ole falemai lea o le falemai lagolago.
E faigata ona talia lea faaupuga ma ou te tautala atu ma
le faaaloalo i lea tulaga e pei ona ou maua, ona pau lava
le sini o lo‟u faamoemoe lau Afioga i le Fofoga Fetalai
ma le mamalu o le Maota, e ao ona silasila totoa pea i ai
le Malo ma fai i ai se fuafuaga. E tusa lava pe ua fia
tausaga o Safotu, ae leai lava se fomai o ia vaaia. O le
mea lea ou te talosaga atu ai, ua le gata foi ia Safotu a‟o
le va o Sataua ma Salailua, ma le va o Satupaitea ma
Tuasivi. O le mea lea ua sili ona faigata, ae lafo atu pea i
lau Afioga i le Minisita o le Soifua Maloloina, ia
tautuana ma lau Afioga le soifua maloloina o le Atunuu.
O le isi mataupu lea ou te fia tautala i ai ma lo‟u
faaaloalo, o le tulaga lea i le Ofisa o Aoga. Lau Afioga i
le Minisita o Aoga, o le mea muamua ou te avatu i lau
Afioga, se‟i e silasila toto‟a ane i alii o loo avea nei ma
Asiasi Aoga. O le a ou avatu la se tala puupuu aua lau
faafofogaaga. Silasila foi lau Afioga i le Fofoga Fetalai,
o loo i ai fale e tolu ua uma ona fausia i Savaii, na fausia
faamoemoe mo Asiasi Aoga Itumalo. Ua na ona tutū
lava o fale ae leai ni mea o faaaoga i ai. A o atu Asiasi
Aoga ona o lea e su‟e le manuia, ae tuu le mea na fai e le
Malo e nonofo ai. O le mea lea e sili ona faigata ia te a‟u
aemaise lo‟u Itumalo ua lua nei faleaoga. Ou te le ma e
ta‟u atu a‟o mea lava e tatau ona ta‟u atu, afai la e te le‟i
asiasi i ai ma silasila toto‟a i ai, o lea ua ou ta‟u atu. O le
mea lea e i ai faleaoga, ua le faaaogaina, a‟o le mea moni
lea ou te ta‟u atu, se‟i e alofagia ni faiaoga. A mumusu
ni Asiasi Aoga e o atu i isi Itumalo, tofi i ai nisi Asiasi
Aoga. O lo‟o i ai le au tomai o le Itumalo e mafai lava
ona nofo i lona aiga ma faatino lana galuega, ae le o le
fai o le fale ae musu e faaaoga. O le mea lea ou te avatu
ai le fautuaga i lau Afioga ina ia e silasila totoa i ia mea
ina ia fai se aoga mo le lumanai. Tatou manumanu i le
taugata o le soifuaga lea ua i ai, ina ne‟i maumau fale
lelei ma maumau ai tupe e tele, ae leai se aoga ona e le
fia nofoia e Asiasi Aoga.
O le isi mataupu lau Afioga i le Fofoga Fetalai, ua ala
ona faafitauli nei mea o aoga ona o le lē lava o faiaoga.
E le taitai lava faiaoga i lo‟u iloa i ai ma la‟u matau. Ou
te le iloa faiaoga, ae ou te iloa matau faiaoga. Ana faapea
lava e tofutofusia le vasega ma lona faiaoga, o i ina foi e
ta‟u mai ai le lumanai o fanau a le Atunuu, a‟o le toatasi
o le faiaoga i le tolu vasega, ua le talafeagai ma le taimi
ma le tiute o faiaoga. E le mafai ona oso le faiaoga fai le
isi vasega ae tuu le isi aua e leai lava se mea lelei e maua
ai e tamaiti. E mafua mai i le a? Ona o le lē lava o
faiaoga. Ou te le iloa poo le lē lava o faiaoga, poo le lē
lava o tupe poo se isi mafuaaga, ae pau lava le mea ou te
lagolagoina o le totogi o faiaoga. Ou te masalo o le ala
lea o le faale lava o faiaoga ona o le lē lava o latou
totogi. Na ona lafo atu lava faapena i luma o lau Afioga i
le Minisita e te silasila toto‟a i ai i ia mea, ina ne‟i tupu
mai se faalavelave i se isi aso ona e faapea lea o le le
logo atua o lau Afioga i ia tulaga. O lea la ua avatu sa‟o
lava i lou finagalo aua o le mea sili lava lena ona taua.
Lau Afioga i le Fofoga Fetalai ma le mamalu o le
Maota, pau lava lea o le mea ou te le‟i faalogo ai i lenei
taeao o taua e se sui usufono, o le Ofisa o Fanua ma
Fuagafanua a le Atunuu. E ui ina le o afio mai le
Minisita, ae faigata foi ona fai atu se manatu. A‟o le mea
sili ona taua ia te a‟u o le tulaga i le Ofisa. E ese le
manaia o lea Ofisa i le va fealoaloai ma tagata. O le
taimi lava e te oo atu ai i totonu o le Ofisa lea, e le tuai
lava le tali mai ia te oe. E i ai se mea e te manao ai? O ai
e te manao ai? E le mafai ona tuai, ona savali loa lea o le
tagata lea ma vaai le mea e te manao ai ma maua loa lou
avanoa. O se tulaga lelei tele lea nai lo le oo atu tu ai
lava, o atu ia toeaiina, vaeatu le paia o le Maota, tutu ai
lava. E ese le malie o lo‟u loto i lea Ofisa. A faapea uma
la Ofisa o le Malo, o le mea sili lena ma taua.
O lea la ou te faapea atu ai, e le mafai lava e se isi ona
faaleaga i Matagaluega, a‟o mea lava e lagona e le sui
Saunoaga Faataupou a Sui Usufono 1961-2011
usufono ia e tatau ona avatu aloaia i luma o lau vaaiga
ina ia e silasila toto‟a i ai. E tatau ona e vaai manumanu i
mea a le Atunuu; ae le o le avatu o fuafuaga ae le iloa e
le Atunuu. Tatou o pea i le mea moni i le va fealoaloai o
le Atunuu lenei, aua o i ina e faavae ai lona Malo, o le va
fealoaloai o Samoa o le mea sili lea ona taua. O i ina foi
e manuia ai mea uma pe a mautu Tulafono, aua e leai se
paoa o le Malo pe a le ogatasi ma le aganuu aua o i ina
tatou te maua ai se tulaga manuia. O le mea lea e
talosaga atu ai, e le o lava na fesoasoani mo le Atunuu i
le taumafaiga o Matagaluega eseese.
O le Ofisa o le Fale Meli, o i ina e ao ona silasila toto‟a
i ai le Minisita o le Ofisa o le Fale Meli. O le mea sili lea
ona faigata e pei ona ou taua i le taimi ua sola, na ou
taua ai le Ofisa o Leoleo ona o ni faalavelave e faaono
tutupu mai i le Atunuu. O lena ua momoli atu i ou luma
ni manatu ma ni popolega o le mafaufau. O le mea lea ua
avea ma faafitauli ona o le tulaga le manuia lea e tulai
mai i Savaii i fesootaiga pe a tulai mai ni faalavelave
faafuasei, poo ni mea e tutupu faafuasei ona o le lē mafai
ona faatinoina galuega a le Ofisa o Fale Meli e ala i
telefoni i po ma ao. Silasila foi, a tupu se faalavelave i
Savaii, o le a le afaina le talafatai i Upolu nei, aua ua
faigofie i soo se mea, a‟o Savaii a i ai se mea e manao ai
se isi o le nuu lea o Aopo, vaeatu le paia o le Maota, ona
tau su‟e lea o se taavale, a maua se taavale ae mamao foi
le sau i Fagamalo. Silasila i le mamao, e matua mamao
lava lea va. Afai la o se faalavelave faafuasei, o lena ua
ou ta‟u atu i la‟u tautalaga. O le mea lea e moomia o le
fesootaiga faigofie ma taugofie, aua o lo‟u Itumalo e leai
se telefoni o i ai, e tau o mai lava lo‟u Itumalo i
Fagamalo. E leai se telefoni o i ai i le matou itumalo lea i
le sau mai Aopo e tau i Manase. O le mea faigata lea, ae
a tau tuli mai Fagamalo e le tofu ma le taavale, vaeatu le
paia o le Maota. O le mea la lea e fautua atu ai i lau
Afioga, se‟i e silasila totoa i ia mea uma lava.
O nisi o uiga i fafo poo a nisi uiga e pei ona maua e nisi
sui usufono i lenei taeao, e faamalieina foi lo‟u nei
faamoemoe aua e ala ona ou le taua ia mea, ona e le oo i
ai lo‟u malamalama. E le aoga la ona ou tautala i se mea
ou te aitalafu ai i totonu o le Maota, ae ou te tautala pea i
le mea moni. O le mea lea ou te fautua atu ai, o lena ua
tuuina atu o‟u manatu i ou luma, tautuana ia ma lau
Afioga i le Minisita.
O le isi faafitauli lea ua ou manatunatu i ai, silasila i
amioga a kamupani ia ua i ai, a oo ina moomia ni taavale
e fia tusi i fafo, vaeatu le paia o le Maota, ona tusi lea o
taavale e ta‟i fia sefulu afe tala. A‟o le a la le mea lea ua
oo i ai? O le ala lea o le oi o le Atunuu i le taugata o le
soifuaga. A silasila i ai, na ona la‟u mai lava o taavale a
Burns Philip, la‟u mai taavale a Molesi ma faatau i le
Atunuu. A oo la ina lua vaiaso pe tasi le vaiaso ua leaga
se taavale, e te fiu e su‟e se mea e fai ai, e le maua se
totoga e tasi. Aisea? Auā foi e manao le kamupani ia
leaga lena taavale ae toe faatau mai le isi taavale fou. Ae
sili ai ona o le a se tofa i lau Afioga ma le mamalu o le
Maota, a le lava ni vaega faaleoleo o taavale e faaalu ai
taavale a le Atunuu, o lona uiga o le a taatitia uma lava.
E leai se aoga e maumau ai le taimi e faatau ai ia taavale
fou aua a leaga loa, ua leai se mea e maua, ua leai se mea
e toe faatau mai e sui ai ma vave ona fealuai, vaeatu le
paia o le Maota. O lea ou te faapea atu ai lau Afioga i le
Fofoga Fetalai, se‟i e silasila totoa ane, a le maua ni
vaega faaleoleo e fai ai taavale a le Atunuu, „aua ne‟i toe
okaina ni taavale. O le mea lea ou te lagona e a‟u, se‟i
suesue mai ni mea e lelei ai le gasologa o galuega a le
Malo poo tagata taitoatasi ina ia fesoasoani i le vaivai
poo le mativa. Afai la o lena, o lena ua ou ta‟u atu, taatia
ia nisi taavale fou se‟i aumai i se isi fia tausaga o
lumanai, ae se‟i taumafai mai ni mea e faatino ai nei mea
ua oo mai i le Atunuu. O nai manatu ia tau ina tuuina atu
i lau Afioga i le Fofoga Fetalai ma le mamalu o le
Palemene.
Ina ne‟i umi so‟u leo aua e fiu foi le mea e avatu ma
avatu, ae tailo, na ona tuuina atu pea i lumamea aua la
outou faafofogaaga. Ia silasila toto‟a pea i ai, atonu foi e
aoga ni fautuaga i le Maota mo le agai i luma. O le ala
lea ua ou tautala atu ai ma lo‟u faaaloalo i lenei itula, e
avatu ai se vaivaiga o lo‟u nei sui usufono ona o
faafitauli o lo‟o tulai mai i le Atunuu. A‟o i ai ni mea ua
faaletonu pe sala foi le gagana, ou te manatunatu pea a‟u
o le a manuia mea uma i le tatou felagolagomai aemaise
le nofo fealofani o le Atunuu, o le a tatou maua ai se mea
sili aua le faafofogaaga a Samoa. Ia manuia le aso.
Afioga LE MAMEA ROPATI
Itumalo Faaalaalafaga:
Faasaleleaga Nu.1
Filifilia ai:
9 Mati 1979
Faatauto:
28 Mati 1979
Lauga Faataupou:
7 Tesema 1979
Faafetai i lau Afioga i le
Fofoga o le Fono mo le
avanoa. Atonu foi o le aso lenei na taua e isi Tusitala o le
aso e faapitoa i le aufai fagogo. Ia sei taumafai atu ia
sina fagogo vaivai.
E muamua ona ou momoli atu le faafetai i lau Afioga i
le Fofoga Fetalai i lou seei mai i le Nofoa. Ia ou te fia
faafetai atu foi ona o le faafoeina o le Fono Aoao
Faitulafono a le Malo o Samoa i Sisifo. Ma e mitamita
lava lou mafaufau i le vaavaai toatasi atu o lo‟u Sui i le
matagofie o le faafoeina o le tatou mataupu. Masalo a
faapea e faatagaina au e fai ni togi o Fofoga Fetalai o ia
mau tausaga e oo mai i lenei vaitaimi, ou te avatu i lau
Afioga ni maka e sefulu, masalo na o le afa maka e sili ai
le Afioga ia Toleafoa, ae le taulia isi Fofoga Fetalai sei
ta‟u mulimuli i ai o latou togi.
Ou te fia faafetai i le Atua ona ua maua lenei avanoa pe
la o ai na iluilu talotalo o le a ou tulai atu i luma o le paia
ma le mamalu o le Maota o Samoa. Ou te fia faafetai foi
i lenei taimi ona o a‟u o se sui usufono fou i lo‟u itumalo
o Lefaga ma Faleaseela, i le paia i Aiga Sa-Tuala faapea
Saunoaga Faataupou a Sui Usufono 1961-2011
le Aiga Taulagi, aemaise foi le faautaga ia Tuisavailuu
ma le Faleaana. Ia ae tainane foi le tapuaiga a Auauna a
le Atua ma lo‟u itumalo atoa ona o le tofa faatupu ma le
tofa faatamalii, ua tusi aao ai ina ia avea a‟u e fai ma sui
aua se leo o le matou itumalo i luma o le Fono Aoao a le
Malo o Samoa i Sisifo.
O lenei la itula ou te fia faafetai foi i le paia ma le
mamalu o le Palemene ona o taulaumaga o le tatou
Fonotaga, o lo o tuu mai pea avanoa e faaauau ai
saunoaga po‟o fetalaiga, aemaise lava i matou o sui
usufono fou nei faatoa oo mai i le Palemene nei. E
momoli atu ai le faafetai i le paia ma le mamalu i ponaoo
o Samoa o lo o afifio nei ona o le naunau lava e tasi ina
ia taunuu i se manuia le Sa o Samoa. O lenei la taimi o le
a ou agai atu loa i le saunoaga a le Afioga i le Minisita o
Tupe.
A ou vaavaai atu i le saunoaga a le Minisita, ona oso
ifo lea i lou mafaufau le tala i le manu foi lea o le
oseterisa i le Konetineta o Aferika. O le manu lenei,
atonu ua lausilafia foi e le tele o sui mamalu, o se manu
lapoa ma o se manu tele. Aua o le manu e faapea le tala
sa masani ona lele, ae ua le mafai nei ona ua lapoa tele.
Masalo a faatusatusa le mamafa o lea manu e pei lava o
le mamafa o tama pii foi nei, tulou le Maota, e pii soo i
le maea. O le manu lenei e faapea a maua i se popole pe
faalogoina le pao mai o nisi, ona elieli lea o se oneone e
lafi ai lona ulu. A‟o le faalavelave la, o lenei manu e pei
ona ou faaali atu, o se manu lapoa ma le tele. E faapea
lava le manu a elieli se oneone ma tuu i ai lona ulu i lalo
ona lilo atoa ai lea ma lona tino, ae leai. O la‟u faatusa
lena i le saunoaga a le Afioga i le Minisita.
Ou te fia faatepa lau Afioga i le Itulau 1 – o lo o tusi
mai ai tupe alu faatatauina mo le tausaga e 1980 pe a
faatusatusa i le 1979. A silasila totoa i ai ona iloa ai lea o
se tulaga faaletonu. O le tupe maua i le taimi nei o lo o
fuafuaina mo le 1980 e $22.6 miliona. O tupe ia o le a
faaalu e le Malo i le tausaga 1980. O tupe la
faaletulafono e tusa ma le $3.138miliona, ona maua ai
lea o le aofaiga e $22.8miliona o le a faaaluina i atinae,
faaopoopo i ai ma le $7.7miliona ona maua ai lea o le
aofaiga atoae $30.5miliona. A toese mai la i tupe maua
masani a le atunuu e $31.358miliona, ona maua ai lea o
le aofaiga o le tupe e tatau ona manaomia e faaauau ai
galuega a le Malo e $2.13miliona. Maumau pe ana
faapea e lua ni vaitusi o lo o lolomi ai le tusi lenei,
semanu ana faapea e uliuli le vaitusi o tupe maua ae
mumu le vaitusi o tupe faaalu, o le a silafia lelei ai e le
mamalu o lenei Maota le tele o fuainumera o le a vaitusi
mumu. E i ai la le fuainumera tele lenei o le
$2.13miliona. O le mea ofoofogia la ua aliali mai i lenei
vaitaimi, a le lava loa tupe a le Malo ua tapa loa i ni
nonogatupe i totonu o le atunuu. Ae a silasila i ai, e pei e
foliga mai o le $2.13miliona lea o se tupe mama. A‟o le
mea tonu e tatau ona tusi ai i luma o le tupe lea se
mataitusi o le tupe toese. Ona faasolosolo mai ai lava lea
i lalo o lenei laupepa. A faaopoopo la i ai i le tupe lenei
nonogatupe i totonu o le atunuu, ona oo mai loa lea i le
faaiuga ua faapea – tupe faasili ua faatatauina e $73,260.
Ae a fuafua i le mea tau tupe lava ia, e le o ni tupe faasili
nei mea. O le mea e tatau ona tusi mai ai i i, o le tupe
toese, faaopoopo i ai ma le nonoga tupe lea, ona maua ai
lea o le $4.13miliona tupe o le a faaaluina e le Malo i le
tausaga o lumanai nei.
O le isi mataupu o lo‟o ou fia tautala i ai i lenei taeao, o
le mataupu lea i tulaga pau i fefaatauaiga po‟o „Trade
Deficits‟. I le aso 23 o Aperila 1979 sa lomia ai i le
Savali faa-Peretania le tulaga pau o le fefaatauaiga a le
tatou atunuu. Sa i ai i lea pepa ni ata faatusatusa e
faasilasila mai ai le tulaga pau o lo‟o i ai a tatou
fefaatauaiga. I le masina o Me i lona aso 7, 1979 sa fai ai
se saunoaga faalauaitele a le Afioga i le Minisita i le
Savali lava lea. Ma ou te le iloa po‟o le mea foi lea na
ala ai ona faamavae pe tuli foi sia alii palagi na tusitusia
lenei Savali. Aua e le‟i umiumi lava le mataupu lea, ae
faalogo atu faapea ua faamavae. Na lauga ai le Afioga i
le Minisita ma e pei e foliga mai ai ua tuuaiina se isi
vaega o le Malo o loo faamaumauina fuainumera, faapea
e sese nei fuafuaga ua lomia i le pepa. Ae a silasila i le
lauga po‟o le saunoaga foi a le Minisita ua opea nei i le
Maota, o lea ua taua mai ai e le Afioga i le Minisita le
$32miliona lea ua taua nei o le tupe pau i fefaatauaiga
ma o le tupe lea na tusi mai i le Savali. Pei la o le mea ua
foliga mai i lou sui usufono e toatasi, ua le matua silasila
totoa le Afioga i le Minisita i faamaumauga o tupe alu
ma tupe maua a le Malo lenei.
I le tausaga e 1978, o tupe na maua mai i faaeleeleaga a
le atunuu sa auina atu i fafo, e $8.5miliona. O tupe na
faaaluina i le aumaiga o oloa i totonu o le atunuu, e
$40.5miliona, ona maua ai lea o se vaega pau e
$32miliona. O le mea la lea ou te faufautua atu ai i lau
Afioga i le Minisita, se‟i e silasila totoa i mataupu
faapenei. Atonu foi ua lagona le faanoanoa i lenei
Matagaluega o Fuainumera Faamaumauina. Ae e pei e
aliali mai e le o maua se fetuunaiga a lau Afioga ma lea
Matagaluega.
O le mataupu e uiga i le pau o le tupe i le tausaga nei,
lea sa saunoa ai le Afioga i le Minisita o le a pau i le
15%. Ae ou te tau atu e pei ona saunoa nisi sui usufono
mamalu o lenei Palemene, o le faatusatusaga o le pau o
le tupe e tusa e 20% pe a faatusatusa atu i tupe a isi
atunuu e i ai le tala Amerika. O le mea la lea ua tupu nei
i le atunuu ma ua maua ai le pagatia i le taimi nei, ona ua
oso mamao i luga le tau o le soifuaga ma ua maua ai foi
le le malilie o le aufai-pisinisi e pei ona silafia i le taimi
nei, ona ua taugata oloa e aumai i totonu o le atunuu. Ua
tele se vaegatupe e manaomia e oka mai ai a latou oloa i
totonu o le atunuu. Ua tatau lava ona silasila totoa le
Afioga i le Minisita i lea mataupu. Afai na faapea e tatau
ona pau le tupe a le Malo, e tatau ona silafia e le Minisita
pe faapea foi sona finagalo, ae a pe a pau le 5% i lenei
ono masina, uma lea ono masina pau le isi 5% ma
faasolosolo ai faapena? Ae aua le matua fanaina le
atunuu e pei o le pulu tasi foi lea, tulou o le upu e to ia te
a‟u. O le mea la lea ua tupu ai le faalavelave i le atunuu
ona ua te‟i ua faafuasei le pau i lalo o le tala ($) Samoa.
Saunoaga Faataupou a Sui Usufono 1961-2011
O le isi matuau o lo o popole ai lo‟u nei sui usufono, po
o lenei ea pau o le tupe o se mea na fuafuaina e le Afioga
i le Minisita faapea le paia i le Kapeneta? Po‟o se mea na
faamalosia mai e ni tagata mai fafo po‟o ni Faletupe mai
fafo e i ai le IMF? Aua o lo‟o i ai le talitonuga ua le
mafai e se isi ona toe nono mai se tupe mai le IMF ona
ua tulaga pagatia le atunuu i le vaitaimi lenei. O lo‟o
silafia lelei e ē o lo‟o pulea nei vega o lo‟o maua ai
fesoasoani a le tatou atunuu i ni nonogatupe e i lalo o le
tasi le pasene le tului, ua pagatia le atunuu. O lea la na
faapea ai loa lo‟u masalosaloga toatasi mai a‟u suesuega,
e tatau ona faapau le tala ($) Samoa ona maua atu ai lea
o nisi nonogatupe. E pei o le a pulea mai fafo alagatupe
a le atunuu lenei. O le mea la lea ia silasila totoa i ai lau
Afioga i le Minisita o le Malo Tutoatasi lenei. A faapea e
te silafia e tatau ona fai ni fuafuaga i le mataupu lenei, e
tatau ona fai vaega; e tatau ona fai faautauta lelei le
faaaogaina o a tatou tupe e ala i tupe maua ma tupe alu.
O le isi mataupu ua aliali mai talu ai lava le faafitauli
lenei i le pau o le tala, o lea foi ua toe talosaga mai i se
$105,000 o se nonoga-tupe e ave i le Faletupe o Samoa i
Sisifo, ina ia taumafai ona foia ai le faafitauli o lo‟o i ai
nei. Ana le pau le tupe atonu e le manaomia lenei
$105,000 e mafai ona faaaoga i le tele o nisi o mea, e pei
o pili ia e talosaga mai ai Aoga ma isi mau mea. Ia ae ui
i lea, e mafai lava ona fai se nonoga-tupe i se isi auala
aua o se mea e tatau ona fai.
O le a agai atu pea i le Tulafono Tau Faaofi o lo‟o tau
faaofiina nei e le Afioga i le Minisita e uiga i nonogatupe o lo‟o faamoemoeina mo le tausaga nei ma le
tausaga o lo‟o lumanai nei. O lenei Tulafono Tau Faaofi
ou te matua tetee i ai i nisi o vaega e pei ona saunoa nisi
sui usufono mamalu, ona ua aliali mai ai le faaletonu o le
tulaga o tupe a le Malo lenei. A tuufaatasi le aofaiga o
nei tupe ua talosaga mai ai le Afioga i le Minisita, e
foliga mai e $7.7miliona. O se matua vaegatupe tele e
fuafua i le tatou atunuu ma tatou oloa po‟o faaeleeleaga
foi a le atunuu o lo‟o avatu i fafo. A silasila totoa i le
Fuaiupu 5 o lo‟o tuuina mai nei o lenei Tulafono, o lo‟o
faatagisia ai le $2miliona lea, faaopoopo i ai ma le isi
$2miliona lea e i le Fuaiupu 8, ona maua ai lea o le
aofaiga e $4 miliona. Silasila la i le tulaga sa i ai le tupe
a le atunuu lenei?
I le tausaga e 1976 o tupe faaleoleo i atunuu mamao a
Samoa e $4.7miliona. I le tausaga e 1978 e $4.3miliona,
e leai ni nonoga-tupe na manaomia i le mea lea. I le
tausaga e 1979 lea e faapea mai e $5miliona. O le
tausaga o lo‟o lumanai nei 1980, o lea e i ai le
faamoemoe e maua ai le $5miliona. O lea e saunoa mai
le Afioga i le Minisita, o tupe faaleoleo ia i atunuu
mamao. O le fesili la, o le a la le mea o le a nono mai ai
lenei $4miliona a‟o lea ua e tagai atu nei i ia tausaga ua
ou tolaulauina atu nei sa le manaomia ni nonoga tupe,
a‟o lea e laiti tupe faaleoleo sa i ai e $4.7miliona,
$4.3miliona? O lea la o le a sili tupe faaleoleo i le
tausaga e 1980. O le a la le mea o le a manaomia ai lenei
$4miliona? Ia o lenei foi ua talosaga mai le Minisita ina
ia nonoina mai le $2miliona. O lona uiga o le a
faataatiaese le Faavae o le Tulafono o lo‟o i ai i le vaega
e 40?
Ou te matua tetee i lenei Tulafono Tau Faaofi ona e i ai
le pogai. O le mea muamua, a silasila lelei i le Tulafono
o Nonoga-tupe e aafia ai ma le Ao o le Malo i se faiga o
le nono mai o tupe i totonu o le atunuu lenei. A‟o lea la
ua talosaga mai le Afioga i le Minisita ina ia tuu atu le
paoa ia te ia e toatasi e faitalia ai ia po‟o a tuutuuga, po‟o
fea le mea e aumai ai tupe. O le mea la lea afai o le a ou
palota i lenei Tulafono pe a oo mai, o le mea moni ma le
faamaoni, ua ou le alofa i lo‟u itumalo ma lo‟u atunuu.
Ou te matua tetee i nei mea aemaise lava i le faaupuga
lea e i le Palakalafa 10 e talosaga mai ai le Afioga i le
Minisita, ina ia faataatiaese. O lona uiga foi ua ou le
alofa i le Ao o le Malo, aua o ia lea e sainia uma tupe nei
e nono mai fafo. O le mea la lea lau Afioga, e matautia
lenei tulaga ua aliali mai i lenei Tulafono Tau Faaofi.
Faafetai lava i le saunoaga a le Fofoga Fetalai, ae ona e
pei foi o le Tulafono o lo‟o i ai nei le tulaga lea i le
Vaega 41, ia na o sina faamalamalamaga atu i le
Tulafono e pei o le tulaga lea ua aliali mai, ae o le a ou
usitai i lau faatonuga, faafetai.
O le isi tulaga ua aliali mai o fuafuaga i mea nei o
nonoga-tupe e popole tele ai lou nei Tootoo. I le tausaga
e 1970, tusa lea ua valu tausaga talu ona Tutoatasi le
Malo lenei, e latalata i le $4miliona tupe ua nonoina mai
i totonu o le atunuu lenei. A silasila totoa la i le 1978 ua
oso mai i lena vaega laitiiti, oso mai i le $23.1miliona. A
oo la i le tausaga lea e i luma nei ae talia nei mau
nonoga-tupe e tele, o le vaegatupe o le a nono mai i
totonu o le atunuu lenei o le a latalata i le $40miliona.
Ma le isi la mea, a silasila totoa i le Fua Faasolo 31 o le
Tala Faatatau o Tupe po‟o le lauga a le Minisita, o lo‟o i
ai foi ni nonogatupe o lo‟o faamaonia e le Malo lenei. E
i ai se vaega tele o lo‟o i ai totonu o tupe e faamaonia e
le tatou Malo. O lo‟o aliali mai ai e $6miliona le aofai o
nonogatupe ia e faamaonia e le Malo. Ua ou leiloa le
Malo lenei o tatou po‟o le a ola i nonogatupe? O se
tulaga uiga ese lea o le a i ai le tatou Malo. A faapefea la
o lea ua silasila atu nei lau Afioga ma le mamalu o le
Maota i le tele o Kamupani nei e fai i ai sea, pei ona i ai
la‟u fesili faatu e le‟i talia mai lava e le Afioga i le
Minisita, ae ua atoa nei le tolu vaiaso pe a ona taatia atu i
luga o le Laulau a Fono? O ni tupe ua toe maua mai e le
Malo mai galuega tau atinae a nei kamupani e ave i ai
sea e le Malo ma faamaonia e le Malo? E matua leai ma
se mea lelei a le Malo o maua mai ai. Na o tupe gau i lea
kamupani, toe tuu atu le isi vaegatupe po‟o le faamaonia
foi e le Malo o lea nonogatupe toe gau. A faaopoopo
uma nei mau aitalafu ua matua popole lo‟u mafaufau. E
talitonu lo‟u loto e tasi foi lea mea o lo o atugalu i ai le
tele o le paia ma le mamalu o lo‟o opea nei i le Maota.
O le isi mataupu o lo o aliali mai, o lenei e masani ona
maua a tatou nonogatupe mai le ADB po o le IMF i se
tului e amata mai i le .05%, 1.5% po o le 11/2%.. O lona
uiga ua le toe mafai se nonogatupe a tatou mai
Faalapotopotoga nei e maua mai ai se fesoasoani. A‟o
lea ua amata nei ona tatou laalaa atu i luga i nisi
Saunoaga Faataupou a Sui Usufono 1961-2011
kamupani po o nisi faalapotopotoga e aumai ai ni tupe i
ni tului maoae. O lona uiga ua aliali mai e 10%, 5%, 8%,
o se mea uiga ese o le a tele le tupe e alu i totonu o le
Malo lenei.
O le tulaga o lo o i ai nei mo le toe totogiina o
nonogatupe nei, ua tatou laalaa atu nei i le 10%. O le
taimi lenei ua 8.5%. O le faiga o le tele o Malo o le
lalolagi lenei e tatau lava ona 1% - ae sei silasila la ia
Samoa si tamai atunuu lo tatou atunuu – o lea ua laalaa
atu nei i le 10%. Masalo o le 1981 pe afai e alu ai pea
faiga nei, o le a ova i le 10% le tupe maua a le atunuu o
le a totogi ai lenei mau aitalafu. O le mea la lea, ua ou
tautala umi i lenei mataupu ona o se mea e aafia ai tele le
atunuu, e aafia tele ai le soifua o e o lo o soifua nei ma e
o le a soifua mai i se taimi mulimuli. O le mea la lea, ia e
alofa i le atunuu i nei nonogatupe, o le mea e faigata. E
tatau lava ona fai ma le faaeteete nei mea aua e fuafua
lata mea e aumai i le mea e avatu. Ia fai totoa i ai lau
fuafuaga lau Afioga i le Minisita.
O le isi mea lea ua popole ai tele lo‟u mafaufau, ua
aliali mai i lenei vaitaimi i le nofoaiga a le Palemia, le
Afioga ia Tupuola faapea le mamalu i le Kapeneta. O
mea lava nei o lo o vevesi ma atugalu ai le tele o Afioga
i sui usufono, aemaise foi le atunuu, o le mea lenei o
tupe faaalu ae le‟i faatagaina. Ou te tau atu ma lo‟u
faamaoni, o se tulaga matautia le mea lea ua oo i ai tatou
i lea itu. Fai mai le tatou Faavae, e fia manaomia e le
Palemia ma le Kapeneta po‟o le Malo se tupe e
faaaogaina e le‟i faatagaina e le Palemene lenei, aua ne‟i
sili i le 1%. Ao le a le mea lea e pei ona taua e nisi sui
usufono mamalu? Ua matua soli Faavae lava le Malo.
Taatia ia le Tulafono ia aua e pei e maualuga le Faavae i
le Tulafono. O le tupe ua uma ona tusi mai e le Suetusi
ina ua tapunia Faamatalaga tau Tupe o le 1977 e
$8,779,000.00. O le tupe faasili faaalu lea a le Malo i le
vaega o Mea Taitasi. O le a la le mea ua aliali mai nei?
A tagai ifo lau Afioga i le Tulafono o Tupe lea e
faaleoleo nei mo lenei tausaga, ua aliali mai ai se mea
matautia i le Vaega 5 lea e faapea (B) i le Faamatalaga
Lona Fa – Galuega na sili atu i le faiga o auala i le 1977.
A silasila totoa i ai lau Afioga i Faamatalaga tau tupe i le
1977, manatua ua lua nei tausaga ua tuanai pe a, na tusi
mai ai Matagaluega o Faatoaga, Tiute, Aoga ma le
Soifua Maloloina e pei o le lisi lea e i ai. Sei ou tauina
atu se mataupu e tasi lava ona o le a umiumi le tatou
mataupu.
Faafetai lava i lau Afioga i le avanoa ua toe tuuina mai
e faaauau ai lau tautalaga.
O le tulaga lea e i ai le Matagaluega o Aoga e $5,321.
Ae a silasila la i le Tulafono lea ua tuuina mai po o le
Tulafono lea ua tau faaofi mai nei, ua toe manaomia ai e
$149,840 tupe faaalu a e lei faatagaina. O le mea la lea e
popole ai lou mafaufau i nei faiga matautia ua aliali mai
i le solitulafono ma le soli Faavae o le tatou Malo o lo o i
ai nei. I le 1978, o lea e le o maua mai nei ia tala autu o
tupe uma ua alu. Ae o nai au suesuega vaivai i ai, tusa e
$3 miliona tupe faaalu a e lei faatagaina. O le tausaga e
1979, ia lea ua tagai atu lau Afioga, na saunoa nei le
Afioga i le alii Palemia, o le a le fono le tatou Palemene i
le taimi e masani ai i elnei tausaga, e le manaomia se
Tala Faatatau Faaopoopo o le Tupe. A ole a la le mea
lea ua aliali mai nei? Ia ou te tau sao atu lava ma lou
faaaloalo, ua olegia e le Palemia le Maota lenei ma le
atunuu lenei. O lea ua tuumai nei le Tala Faatatau
Faaopoopo o le Tupe, ua ova i le $3 miliona lea e
manaomia. A o fea la saunoaga matagofie foi a le
Afioga i le alii Palemia, e le manaomia se Fono e faataga
ai se tupe? A o le a la le mea ua toe talosaga mai ai i
lenei tiami e faataga atu lenei ova i le $3 miliona. E a pe
a finagalo ia le Malo, finagalo malie ia le Malo aemaise
lava le Afioga i le alii Palemia ma le Minisita o Tupe, sei
tau alu tatou i le faavae masani o le atunuu lenei? Sei
soi8a ia tatou te soli faavae, aua o se matua solitulafono
maoae le mea lenei.
Ua ou fia fesoasoani atu nei i le mataupu lea o Tupe e
faafaigaluega e le Malo e toe saili mai ai nisi tupe. O lo
o taua foi lau fesili lea i le Afioga i le alii Minisita, ae o
lenei lava e le i maua se tali. A e na ou faamoemoe ia
vave maua se tali ona faufau atu ai lea o si au lauga. Ae
peitai o le a taumafai atu pea si ou vaivai. O tatou tupe
nei o lo o tuu nei i nei mau kamupani e i ai le Fale Gaosi
Ava, o le Kamupani o le Polenisia, o le Kamupani
Laupapa, o le Fale Talimalo o le Tusitala ma nisi lava
Kamupani, ua aliali mai e leai ma se tupe alu a le Malo.
A an tuu nei trupe e fai ai ni atiina ae manuia mo nuu ma
itumalo, pe faasoo ai auala ta ma mea faapea lea e
talosaga mai ai alii faipule, aemaise lava o pili o aoga a
alo ma fanau a le atunuu lenei, ou te fai atu ua matua ou
viia le Malo. Ia sei tali le Afioga i le Minista i au fesili
nei, ona outou silasila toto alea ma silafia lelei le
faamaoni o lau upu lenei e fai atu; e leai ma se tupe o toe
maua mai. A e a maua mai masalo pe na o se tasi pe i
lalo ifo o le tasi pasene e maua mai i tupe nei. O le mea
la lea ou te fia faasilasila atu ai i le Afioga a le alii
Minisita, ia e silasila totoa i le faaaluina o tupe a le
atunuu lenei.
O le isi vaega o lo o ua fia taua o ema nei o tusaga o
tupe e otaina mai ai oloa mai fafo e le aufai pisinisi. Ia o
ela foi e i ai lau fesili o lo o opea nei i luma o le Maota, i
mea nei o tusaga o tupe e otaina mai ai oloa mai fafo. E
talitonu lou sui e le o lelei le faasoasoina o tusaga o tupe
e otaina mai ai oloa mai fafo, e le Malo. Atonu nei tei ua
tuuaiina ai au i se isi itu, a o lou talitonuga lava toatasi, o
mea nei o lea foi e fai ai ia polokiki ma faatosina a le
Malo. Ia silasila totoa le Afioga i le Minisita i lenei
mataupu, ia faatusatusa lelei, ia tutusa le amanaia o
pisinisi uma. Ae e fautua atu r lou lava Sui toatasi, ia
matua sili ona e alofa i fai pisinisi iinei i Samoa; fai
pisinisi a tagata nuu o Samoa. I le 1974 o tupe faaalu a
le Malo i le aumaiga o oloa i totonu o le atunuu lenei e
$15.9 miliona. O tupe na maua mai i faaeleeleaga a le
atunuu e $7.6 miliona. Ia a tagai i ai e foliga mai masalo
pe na o le $7 miliona le eseesega po o le pau o
fefaatauaiga. Ae a tagai nei la i le 1978 ile mea lea e i ai
nei e $40.4 miliona tupe alui le aumaiga o oloa i totonu o
le atunuu i fafo. Tupe e maua mai i faaeleeleaga a le
Saunoaga Faataupou a Sui Usufono 1961-2011
atunuu e $8.5 miliona; eseesega e $32 miliona, o se
vaega tupe matautia. Lau Afioga i le alii Minisita ia e
silasila totoa, tuu ia le faia o faatosina i nei mea o tusaga
o tupe e otaina mai ai oloa mai fafo, ae alofa i le atunuu.
O le mataupu e 5. O le isi mataupu lea e aliali mai i lou
manatu, o le pau lea o tiute ua faapau nei e le Afioga i le
alii Minisita i le taimi o le tausaga lenei. O le tiute o
meaafale, mea fau fale a kamupani. Oi a faapau la
kamupani a e a faapefea le atunuu la e oi mai i le taugata
o sima, laupapa ma mea faapena? A faapau le kamupani
o la e maua gofie nonoga tupe i le faletupe a e a faapefea
le atunuu la le e oi mai le faigata o o le olaga? E tau
faatau apa taugata, ia o lea ua totogi atoa e le atunuu. A
afio mai se tamalii e faatau se mea o sona alaalafaga, ia e
totogi atoa e le atunuu le tiute lenei. Ae silasila le
Afioga i le alii Minisita o lea ua faapau le tiute o mea e
fai ai fale o le NPF. Ia e tele tupe a le NPF, po o ai a le
kamupani, po o lau foi kamupani e fai sou fale fou ia e
pau le tiute. Oi, a faapefea si loomatua ma si toeaina la e
tutulu le faleoo laupolapola i tua, la e oi mai e fia maua
ni apa e fai ai? O le mea la lea ua le sao lenei tulafono
ua fai. Ia sili ona faapau tiute i tagata vaivai i le paia ma
le mamalu o le atunuu o lo o tau fia maua se faiga e
faafaigofie ai le olaga taugata. E tele mea e taugata
meaai; taugata le atoina o le fale; faiga o laupapa ma
mea uma faapena, ia a e o lea foi ua toe tuu le avanoa i
nei aufai pisinisi.
Sei e silasila totoa i ai po o se mea e talafeagai le
faigafoie ona maua o ni nonoga tupe a kamupani, ae
faigata ona maua se nonoga tupe a si toeaina ma si
loomatua i tua, tulou.
O le a ou talanoa i le mataou lea i le taavale lea sa
aumai i le vaalele mo le Tupu Tamaitai o Elisapeta. A o
le taavale e le o se taavale fou. O lea ua outou tagai nei i
le taavale. O ai la lea e fealualuai ai nei? O lea e feaveai
ai tama pii foi lea e omai nei i Samoa. O le mea la lea
ou te fai atu, pe faapefea ona feaveai o nei tama pii i
taavale? Ae o le taavale na aumai i le vaalele. Ia na o le
tasi lava le as ope fia ni nai minute na tietie ai ia le Tupu
Tamaitai i lenei taavale, ae o le taavale tuai. Ia, lele ua
fealualuai ai Maivia ma le isi tamaloa lapoa foi lea o le
Sauai. Ia a o tupe a le atunuu. Ana aumai foi i se vaa, ia
atonu e feololo. Se sei faamolemole sei faia ia ma le
tatau tupe a le atunuu lenei. O la e oi le ausali popo; o la
e oi le au tao koko i le timu, la, timu, la, tau le koko, sali
le popo, a o la e feoai ai ia nei tama pii i lenei taavale, o
lea e faaalu ai ia latou tupe.
O le isi mataupu ou te fia tautala i ai o le mataupu lea e
uiga i Fale Gaosi Mea i totonu o le atunuu. Sa i ia se
faamoemoega faapea i le Malo, atonu a gaosi ni mea i
totonu o le atunuu o le a taugofie. A e o le a le mea lea
ua aliali mai nei? O le matua taugata o le soifuaga. O i
tatou uma e le taumamafa uma i le mea lea o le Vailima
ma le pia. A o le maoi na o nai isi toeaiina, ao le tau o le
pi alea e i a nei o le matua taugata tele. Atonu e i ai nisi
e faapea o le a faataugata le pia ona le faatauina ai lea e
toeaiina, a e ave uma tupe aua le fanau ma le faletua. A
e ou te tau atu, tus ape oo i le $5 le tau o le pia, a e afai o
au lea ou te fiafia i lea mea, ou te alu lava e faatu. Sei
fuafua lelei tau o nei mea o lo o gaosi i totonu o Samoa e
i ai le fasimoli, e i ai le pia ua ou tau atu, e i ai afitusi,
sikaleti; e na o le tuleiga i luga o le tau o mea. Aua foi o
lea e sii i luga e le Malo le tiute ina ia faafaigata ai e le
aufai pisinisi ona lau mai mea i totonu o le atunuu. A e
leai, o la e lau mai lava, aua foi ua masani tagata e fia ula
isi i Penisone, e fia ula isi i Kamela; ia e tiga ona taugata
ia o lea foi o le a toe sii nei. A e talitonu e lau mai lava.
E tiga ona sii i luga le tiute o mea nei e gaosi i fafo, ia a
e atili ai ona alu i luga.
O le isi mataupu ou te fia tautala i ai o le mataupu lea e
uiga i Tiute o Oloa foi ia e faatau atu i fafo. I le tausaga
na tea nei i le 1979 o le tupe na maua mai ai i lea tiute e
$320,000. O le tupe na ou fuafuaina nei mo le tausaga
nei e afa miliona. O tupe nei o tupe a le aufai popo ma
le aufai koko ma talo ma fai ia e avatu i fafo. O le a le
mea ua ala ai ona le alofa le Malo toe aveese foi nei tupe
ua atili ai ona taugata ia mea ia e ave atu i fafo? E tatau
ona toe soloia ese nei tiute o lo o faaopoopo fua i
faaeleeleaga a le atunuu. Sei tagai i nei vaega tupe o lea
o le a fuafua mo lea tausaga – afa miliona tala. Ia tupe
nei e tatau ona tufa i nai fai faatoaga la e i tua. O malo
uma i fafo e uunai pe taumafai e faatosina o latou tagata
ina ia ave i fafo a latou oloa aua foi e maua mai ai le
tupe a le Malo. Tasi lenei vaega e faatosina ai le au sali
popo ma le aufai koko. Tuu i ia le latou afa miliona lea
e faamoemoeina mo le tausaga lea, ua taugata le
soifuaga. O la e oi i tua i le taumafaiga o le gaoioiga o le
eleele ma le taumafaiga o le olaga o lo o i ai nei. Ua tele
mea ua taugata a e toe toese foi e le Malo lenei afa
miliona mo lea tausaga.
O le isi mataupu o lea e aliali mai, o Lafoga o Tupe
Maua mai Fafo. Lau afioaga a le Minisita o Tupe, o le a
ea le mea ua e atili ai ona e faataugataina le tau o le
soifuaga? O lenei foi ua e toe faaopoopoina lenei 0.1%
pe a o tupe ia ua toe faaopoopo i oloa ia ua aumai mai
fafo. Ia e moni o lea e faapea o le a tuu i le aufai pisinisi
ia le pasene lea latou te totogia mai mo fesuiaiga o tupe,
ae o le mea lea e aliali mai, o au foio le isi fai pisinisi. O
tupe nei ua ou tago atu ua faaopoop i tau o oloa ona
faatau lea i le mamalu o le atunuu. O mea ia o lea e fai e
le aufai pisinisi. Ae ou te tau atu, a le faia e le aufai
pisinisi, ia ua tapuni ua gau. O lea foi e tusi mai i i, o le
tupe o le 1979 e $440,000. 1980 e sili i le afa miliona le
$550,000 le tupe lea o le a toe faaopoopo foi e le aufai
pisinisi i le tau o oloa. Ia lau Afioga a le Minisita ia aua
e te ila gofie i mea o lo o faalaulau atu ona o le fia
manao lava ia manuia le atunuu.
E i ai lava si fasi fuaiupu lea e i totonu o le Tala
Faatatau o le Tupe lea e faapea Tupe mai le faatauina atu
o auro. Ia ona o au e leai ni au auro ma e ou te le iloa foi
pe i ai ni auro a le tatou Malo. Ae o lea e faapea mai,
trupe e maua mai le faatauina atu o le auro 1978 e
$110,000. 1979 e $85,000. O lau fesili lau Afigoa a le
Minisita, sei faamalamalama mai lava le mataupu lea?
Po o tatou ua i ai ni auro a o lea e faatau atu i fafo? Na
Saunoaga Faataupou a Sui Usufono 1961-2011
ona faamalamalama lava ona o lea e le o malamalama
lou Sui Usufono.
O le isi mea. Ia atonu ua e silafia le tau o le auro lea e i
ai i le vaitaimi lenei. O le auro o se mea taugata tele i le
vaitaimi lenei. Afai o ni tupe nei na maua mai le
fesuiaiga o ia mea faapea, o le a le mea na vave fai ai ae
le tuu i lenei taimi ona fai ai lea aua o lea ua taugata le
auro e tele ai ni tupe e maua?
Ou te fia faatepa foi lau Afioga i le Tala o le Tuep e
maua mai i le Fale Meli. 1977, e $794,000; 1978 e $1.5
miliona. Oo mai loa i le tausaga lea o lo o lumanai nei
ua sili i le $2.2 miliona. A e a tagai lau Afioga a le
Minisita i tuep ia e manaomia e le Fale Meli mo ana
galuega, e matua i lalo, lalo lava. O le mea ua ala ai ona
ou fia taua le mataupu lea ona o le tau o le telefoni. Ua
oi le talafatai nei i Apia nei i le mea e tau o le telefoni
otometi. Aua foi o el taimi lava e sii ai i luga le telefoni,
ia kiliki le 4 sene. Sii i luga, ia 4 sene. O le mea la lea
ou te fai atu ai i lau Afioga a le Minisita, o lea e
manaomia e le Fale Meli se vaega tupe maulalo faaalu.
A o le tupe lea e maua mai ai i telefoni ma mea nei ua
matua maoae. Ua lava le totogi o le lisiina o le telefoni.
Ia ma e o le nonoga tupe na aumai e fai ai le telefoni e
$2 miliona. Ou te ofo au i nei mau tupe na maua; i le
1978 – $1.5miliona, 1979 - $1,776,000, ia a e o lea o le a
sili atu i le lua miliona i lea tausaga. O le a le mea e ala
ai ona le faamama ai ia le avega? O le talafatai o Apia, e
leai ni maumaga, leai ni faatoaga. O i latou ia o lea e
totogi lafoga i nei e lei ni maumaga, leai ni faatoaga. O i
latou ia o lea e totogi lafoga i nei mea o telefoni. Totogi
le pili, totogi le telefoni, taugata aoaoga o lo o aooga ai
alo ma fanau iinei i Apia, taugata le soifuaga. E ola lava
i le tupe. O le a le mea e le fesoasoani ai le Malo e
aveese ia o lenei 4 sene mai le telefoni ma mea e
faataugata ai fua le fesoasoani i nai tagata o le tatou
atunuu.
O le isi au talosaga i lau Afioga i le Minisita: O ni
nonoga tupe a le atunuu lautele, aemaise lava o tatou
alaalafaga i tua. A taamilo pe tagai lau Afioga i nuu i
tua o lo o tele lava le faleoo laupolapola, tulou; ua tau le
maua ni lau i nei aso, ua faigata. A o launiu ia ua
faaaoga. O le mea lea ou te talosaga atu ai i lau Afioga a
le Minisita, o le a ea le mea e le fai ai se tuutuuga a le
Malo ina ia mafai ona maua e nai tagata i nuu i tua ni
nonoga tupe pe i lalo ifo o le afe tala i le leai o se tului,
po o se tului e tasi le pasene, seia faafaigofie ai o latou
maota ma laoa o lo o alaala ai. Aua o au le isi Sui a
Faipule faatoa ou tu mai lenei, a e tasi lenei avega
faigata o lo o faafeagai ma faipule uma. O le talosaga
mai lenei o o latou itumalo ina ia alofa faafaigofie sin
nonoga tupe sei fai ai se fale, pe faigofie sina nonoga
tupe sei fai ai sia mea? O le mea la lea ou te le tautala
atu nei ona faapea o au, a e o le mamalu ma le paia
lautele o le atunuu, ina ia fai se fuafauga a le Malo. Afai
e leai ni mea totino a nei tagata, afai e leai ni fanua a
tagata taitoatasi, e le mafai ona faamauina ai ni nonoga
tupe. A e faamoemoe lava i le galue i le faatoaga e maua
ai sina tupe e totogi ai ia nei nonoga tupe.
O lou fia laalaa atu lea i le tulaga o lafoga. O le tulaga
o lafoga o lo o i ai nei le atunuu e pei ona ou taua i le
taimi ua fano, o se tulaga pagatia mo le mamalu ma le
paia o le atunuu o lo o alaala i le talafatai i Apia nei. Ai
se foi? Aua foi o latou ia o lea e totogia ai lafoga. O
nuu i tua, e leai ni lafoga e faapea e maua mai ia latou
tupe ia e maua mai popo ma koko ma a latou
faaeleeleaga. Ao latou o lo o alaala i le talafatai o Apia
o latou ia o lea o lo o tigaina i le taugata o le eletise,
taugata o meaai ma le tausiga o le soifuaga. Taugata o
pili o telefoni, a e a silasila i ai i tupe ia o lafoga e
tuusaunoaina ai le tagata e $416. Ua uma foi ona taua e
nisi Sui, atonu e le tatau ona ou toe faalauteleina, a e na
ona ou tau atu ua tele le mea la lea ou te talosaag atu ai i
lau Afioga a le Minisita, a e a pe a sii i luga i le afe tala
le $52 lea, ua pau tele i lalo. E le gata i lea, ia e pei foi
ona talosagaina e se isi Sui mamalu ia lafoga ia e totogi e
faifeau. E silafia lelei o tupe ia e ave i faifeau ua uma
ona lafo ai lafoga a isi. A faapea nei o au e $1,000 ia lau
tupe lea e maua i le tausaga, ona aveese lea o lau lafoga
pe $200 ona maua lea o lau $800; ia pe e te alu tuu le
$10 i le faifeau a e ua uma ona lafo ai lau lafoga, a e o la
e foi o le a toe avatu e toe lafo ai foi ma le lafoga a si
faifeau. O le mea la lea ou te talosaga atu ai i lau Afioga
ina ia silasila totoa i lenei mataupu.
O le isi matupau o le itu lea e uiga i tau o oloa. O le
tulaga o lo o i ai i le vaitaimi lenei mo pusa eleni, suka
ma isi mau mea faapena, o lo o faatau nei e kamupani i
le tau o mea taitasi po o tau foi nei e faatau atu ai i luma
i faleoloa. A e a faapefea la pisinisi laiti o le atunuu?
Ua omai nei faatau atu i le tau o mea taitasi e leai se tau
sii atoa, ia a faapefea la e tatau foi ona maua se latou
polofiti. A tau tuutuu ifo i luga se polofiti ia a e sau le
Komiti o Fefaatauaiga foi a lau Afioga la e i ati i le Tiute
faasala. Ia silsila totoa nei, afai o le a tuu se laisene o
oloa e faatau sii atoa i lea kamupani ia alu a la na o le
oloa sii atoa. Afai o oloa e faatau i tau o mea taitasi, ia
faia lava faapea. A o le mea lea e lalafi ai nei le aufai
pisinisi tetele, e lau mai mea ona tanutanu lea i lalo. A
ta alu atu i ai i se pusa eleni o la e faulalai ae fai mai se
ua faigata tele, a e sili ona e oo i luma i le faleoloa e
faatau ai sau pusa. Ia ona alu atu lea o si toeaina e ona si
pisinisi ma se atigi pusa foi lea, tulou, ua faatau tai fia
sefulu sene i le apa eleni, ua fue faatumu ai le pusa apa
ona alu lea ma ia i tua. Sei tagai la i ai i le faigata o le
mea lenei ma se mea matautia lea o lo o fai. Aua a oi le
aufai pisinisi ia e i alaalafaga i tua, ia e le mafai ona paau
uma mai le mamalu o le atunuu e faatau i Apia. Afai la
o lea a taugata, ia o le a taugata foi latou. Ia o ai la o le a
pau i ai le mamafa? E pau lava i tagata i tua, ma e molia
ai foi i le tau o oloa.
O le isi talosaga e faatatau i le mea lenei o le fealualuai
e tau kilia pepa e lau mai ai oloa i totonu o le atunuu. E
tu i o le isi kamupani e fai ai le pepa e fai ai le latou
saini, tu i o le isi kamupani i le Tiute e fai ai isi pepa. E
uma lelei le aso o taamilomilo i le faiga o nei feoaiga. E
alu le penisini o fealualuai ai, a e o lea foi e tau faasao a
tatou penisini. O le a le mea e ala ai ona le faia se
Saunoaga Faataupou a Sui Usufono 1961-2011
fuafuaga e faapea o kamupani uma nei e i ai a latou ofisa
o vaa ia tuu faatasi i se fale e tasi i tafatafa o le Fale
Tiute ina ia faigofie ai i le mamalu o le atunuu ona
aumai i tua a latou oloa. Ia o le isi toeaina e sau mai
Tutuila, po o fea le mea e i ai le vaa, ia a e sau alu atu i
le Fale Tiute ae faapea, alu sei aumai lau pepa i gauta.
Ia toe sau i le tiute e lei pipii ai le faailoga, toe alu. Ua
fealualuai si nei toeaina e le masani. A e a tasi se fale e
tuu uma ai nei ofisa, ona faigofie lea i le mamalu o le
atunuu.
O le mataupu la o lo o i ai nei i le Fale Meli, ua pei ona
silafia ua faamavae nei ia le Afioga a se tasi tamalii mai
Ausetalia sa Pule o le Fale Meli. Ou te masani i si nei
toeaina. Ma e o lana faaupuga ia te au, Mamea, ou te
vaai atu i le tatou atunuu, e ala ona manaomia a matou,
matou te omai i inei, e le o le matou galuega a o matou
tupe. Aua e faigofie ona maua ai tupe a le tou atunuu. O
lea la e pei e faalata mai ai matou ia maua mai ai le
fesoasoani lea. O le mea la lea ou te fia fesili atu ai i lau
Afioga a le Minisita ou te tapaina pe ai se a ua faamavae
ai lenei alii? Pe i ai se mea ua le talafeagai ua ala ai ona
faamavae, aua o le a avea foi lea ma togi uliuli i totonu o
Ausetalia o le tatou atunuu?
O le mataupu lava lea i le Fale Meli, e uiga i telefoni a
Itumalo. Lau Afioga a le Minisita o Fale Meli, o lau
fesli: O ai ea le itumalo e tuu ai le telefoni a o ai le
itumalo e le tuuina ai se telefoni? O isi itumalo ua tai
lua, tai tolu, ou te talosaga atu ai i lau Afioga, e le faapea
ua ou fai atu ona o lou itumalo e leai se telefoni. A e ou
te talosaga atu e silasila totoa afai ua tuu le telefoni ia
Safata, ia po o ai lava isi itumalo, ia e tatau foi ona tuu se
telefoni se lua pe tolu pe fa i le matou itumalo aua e vava
mamao. Aemaise lava mea nei o faalavelave e tutupu
faafuasei. E talosaga atu ai i lau Afioga ia ia e silasila
totoa, afai o le a maua ni telefoni a lou itumalo, faafetai.
Ia a e ou te iloa foi o lo o tele le paia ma le mamalu o Sui
a Usufono nei e leai foi ni telefoni i o latou itumalo. Ia o
au lea ua talosaga atu ia alofagia ia matou itumalo uma.
O le a ou savalivali atu nei la i le Matagaluega o
Falemai. E talosaga atu i lau Afioga a le Fofoga Fetalai
faape ale mamalu o le Fono ia lava mai pea le onosai ona
o si ota taimi muamua foi lenei. E tel enai mea o lo o fia
faalaulau atu, ia atonu e pau lenei o si taimi e pese atu ai
foi i lenei tausaga ia faatoa tatou toe feiloai foi i lea
tausaga pe a pule alofa le Alii e aulia le ola ma le malosi.
O le matagaluega lenei o le Falemai, ua matua aliali soo
mai ai le tlee o faafitauli i tausaga uma. O le mea lea e
tupu nei i le falemai, o se faafitauli e faanoanoa ai lou
mafaufau. O le a amata atu faapenei i le tulaga lea e i ai
nei ia le Faatonu Sili fou. Silasila foi, a ouotu afioga ma
le mamalu o lenei Palemene o si nei tamalii ua i ai nei i
le Falemai o se tamalii mai fafo. Ia a tagai lelei lau
Afioga i le tulaga sa i ai le falemai, sa i ai muamua se alo
o le atunuu. O le Afioga lea ia Solia. Ia o si na toeaina
tulou, ua ou tau toeaina si na tamalii o le atunuu, ua uma
lava lenei fia tausaga o tau faapea „Sui Faatonu Sili‟; a
silasila la i ai lau Afioga i le mea lea ua i ai nei, ua sau le
palagi ua pule ai, e tusa ua toe tulei i lalo. O le a la sau
faafofoga pe a faapea o au lenei po o oe foi lau Afioga a
le Fofoga Fetalai sa e Sui Faatonu Sili a e tei ua toe tulei
i lalo faapea? E te le matamuli ea la e faafeagai ma le
atunu ma tagata o le atunuu? E matautia le mea lea ua
aliali mai i le Falemai. O le tuu tuu i ai o le alo o Samoa
a e sau le palagai ua toe tulei i lalo. Afai o au o Solia ou
te fai atu ua matua lagona e au le puapuagatia. A faapea
la e le agavaa lenei alo o Samoa, a e ou te talitonu e
agavaa, ole a la le mea e le toe filifili ai se isi alo o
Samoa i le tausaga lea na tea nei ma le tausaga nei?
Sa ave i fafo le tasi alo o Samoa, o le fomai lea o Dr
Schuster, e suesue i mea tau le Puleaina. A faapea la e le
agavaa le Afioga ia Solia, ona tuu lea i ai o lea. Ia po o
nisi o tamalii o le atunuu o lo o i ai neiu e i ai le Afioga a
Asi Faletoese o lo o ona vaaia foi se isi vaega o le
falemai. O le a la le mea e le tuu ai se isi o alo o Samoa
i ai? O lenei foi e tuu i ai lenei palagi i lenei tolu
tausaga. Ia a e silasila i le totogi o lea e tua mai e $35,00
po o le $30,000, a e pei lava e $28,000. A silasila la i le
Tala Faatatau o le Tupe lae e tusi mai ai e pei e $9,000
ma ona tupu, a e o lo o sau i la tatou Tala Faatatau o lo o
faatumu mai fafo le pu, e faatosina. A faapea la a uma
lenei tamalii i lenei tiute i le $30,000 lea? A foi le
tamalii lea a e tuu i ai au, ou te tau atu ou te le talia? Ai
se a? Aua foi leaga e eseese maua. O lona uiga o le
taufaafeai le igoa o le mea lea. Aua ou te tau atu o au foi
na ou lavea i le mea lea i le falemai e tau sao atu lava. O
se mea matautia le tuu tuu o le palagi a e sau le alo o le
Samoa ua tuu i se totogi maulalo. Ia o le mea lea ou te
talosaga atu ai lau Afioga a le Minisita o Falemai, ia e
silasila totoa. Ou te le iloa po o le a le agavaa o lenei
palagi i totonu o le tatou atunuu. Se o lea e tele alo ma
fanau a Samoa na o i fafo. O le a ea le mea e fai ai lenei
mea, o le aumai o papalagi ua litaea, ua vaivai, ua
matutua, ua le toe talia e o latou atunuu, auami
faafaigaluega i inei? A o lenei ua tuu i ai ia galuegta ma
totogi tetele. O lea foi e pei ona silasila i le tulafono
lenei, sei ou oo atu i ai i le mea lenei o lafoga, ia e
matuia. O lo o tuusaunoaina a latou tupe maua. O lo o i
ai le tulafono na pasia e le Maota i le tausaga na tea nei,
o lea e faailoa na o tupe ia e maua iinei. Faapefea la
tupe4 la e maua mai i isi atunuu? O le mea la lea ou te
fai atu ai, e matua le talafeagai nei mea e aliali mai pea i
le tatou atunuu.
Na taua e nisi Sui le tulaga i Komisi Suesue foi nei e
emo ifo le ata o tagata na avea ma sui o Komisi ua i ai i
totonu o Matagaluega. Ia a e seasea lava ni tagata
talavou e sogasoga le mafaufau e faaleleia ni mea. Ae
tasi a le mea na sau ai, o le tali le manuia aua e tele le
tupe ma le totogi lafoga. Na sola mai foi i o ona o le
lafoga, ao i inei e le totogia ni lafoga mo tupe maua. E
taatele tele ituaiga tagata ia iinei, tagata ua litaea ua
matutua ma ua le toe talia i atunuu i fafo ona ua matutua.
O le mea la lea sei silasila totoa i lenei mataupu o lo o fai
pea.
O le isi mea o lo o aliali mai i le Falemai o le vaega ia i
alii fomai. Ia a silasila nei i lenei mea ua aliali mai, o uta
i le falemai e 10 sene e te vaaia ai le fomai. O lo o i ai
Saunoaga Faataupou a Sui Usufono 1961-2011
nei a tatou fomai ua tu maoti i tua. Ia sei tagai la i ai i le
matautia lea ua i ai nei. Afai e vaai oe e faomai ia, e tai
$3, $4, $5, ao le falemai e na o le tai 10 sene. Ua silafia
lava nei fomai e faigata ona faatautava ma le falemai, a e
alu ese lava. Ai se a? Ona o le leaga o le faiga
(treatment), ma le leaga o totogi. O le mea lea ou te tau
atu pea i le mamalu o le Maota nei, o le isi fomai lea o
Lance Eves, ou te fai atu e leai se fomai palagi, i lau lava
vaavaai i ai e faatusatusa i le alo o Samoa lea i le mea
tau tipitipi, tulou. Ou te tau sao atu ma le faamaoni lena
upu. Ai se a ua tupu mai ai lenei mea o el faamavae o
alo o Samoa? Tiga na iloa e faailoga fesili pe mafai ona
ola le aiga i le mea o le a fai, a e alu ese ona o le
toatamai i lea mea ona o le leaga o le totogi ma le le lelei
o le tulaga i le falemai.
O le isi alo o le atunuu na ave nei e tusa ma le 4 tausaga
mo mataupu talu le mafaufau, ia ua alu ese foi ia. O le a
le mea ua faapea ai. Ua tele tuep a le atunuu ua ave ai i
fafo a e toe le lelei le faiga. Atonu ua faalogo soo lo
outou mamalu i lenei mea, a e o le a ea la se faiga e foia
ai lenei faafitauli? Ia o nai teine tausimai la e i ai. O le
mea lea ou te fai atu ai, ia fai se fuafuaga i totogi o alii
fomai ua matua maulalo tele. E le gata foi i lea, a e o le
totogi o isi matagaluega a le falemai pei o le fale talavai,
fale suetoto, faaata ma isi matagaluega uma o le falemai.
O le soifua o le tagata o le mea e aupito sili ona taua i
lona olaga. Ia fai se fuafuaga i ai, aua o le mea foi lea e
faitio ai le tele o Sui i alii Faipule ona e o atu e le lelei le
faiga. A e pe la o ai e fiafia e faigaluega pe a aumai nei
totogi e le lava e tausi ai le aiga ma le olaga taugata.
Ou te fia tapa lava sina faamalamalama i le matupu lea
o le Komisi Suesue lea na fai i le falemai. Ua faapea
mai ai ua na o se matai e agavaa i le tulaga lea o le
Faatonu Sili. Ou te fia maua se faamatalaga pe o se
agavaa ea lenei o le matai e mafai ai ona e fusia se lima
ua manua o se tagata. E tele alo o sAmoa ia ua iinei e lei
maua ni o latou matai. Ia atonu o le le fia matai o isi. O
isi alo o Samoa e leai ni o latou piitaga i se mea e maua
ai se matai. A o le atamai e tele naunau. Ou te fia maua
la se faamalamalamaga i agavaa po o tomai o tagata e
avea ma Faatonu Sili o le falemai, ina ia avea ma matai
ona mafai ai foi lea ona avea ma Faatonu Sili.
Lau Afioga i le Fofoga Fetalai, o lena ua ou tau atu lena
mataupu. O le isi mataupu ua aliali mai nei sa ou
faalogo i ai i le aso ananafi, o le Faatonu Sili fou. O le
tamalii lea mai fafo. A silasila lau Afioga i le faiga lea e
fai ai le falemai i le po, e alu le taavale a le falemai e
momoli teine tausimai ia i tua. O isi e i tai i Moataa, po
o Vaiusu a o nai tina nei ua matutua lava ma lapopoa.
Ua faigata ona savali atu i Vaiusu i le Falemai po o
Moataa foi i le falemai. A o lea ua taofia le tulaga lea.
O le mea la lea ou te talosagaina ai lau Afioga i le
Minisita o Falemai, sei e silasila totoa i le aveese mai o
taavale nei mai e o lo o tiute po i le falemai.
Ou te fia oo atu i le Matagaluega o Fanua ma
Fuagafanua. Ia e le o alaala mai i le Afioga ia Lesatele,
a e sei alofa se isi o el aiga Minisita sei faamaumau ifo
lau mataupu lea. O lou itumalo, o lea ua uma ona
talosaga le isi Sui a Faipule i mea lava nei tau fanua. O
lo o sosoo i matou ma le alaalafaga lea o Salamumu.
Atonu e le po se lilo i le mea na afifio mai ai e o lo o
aumau nei i Salamumu. Atiby e ke oi se kuki u ke nea ba
afifio mai ai e o lo o aumau nei i Salamumu. O le fanua
ia o lo o i ai i Salamumu, ole fanua o le itumalo lenei. E
fia selau ma selau eka! Ia alofa le Malo sei fai se
fuafuaga i sina fanua e ave mo Salamumu ma se isi foi
fanua e aumai mo matou. E le gata i lea, o gauta i
Faleaseela o lo o i ai fanua o lo o ua ave e le Malo, fanua
ia o le Esetete Tausi o Samoa ma fanua o Tanumalala i
le mea o lo o i ai le Ili. O le a le mea e ala ai ona le toe
faafoi mai fanua o le matou itumalo. Fanua ia na lisi e le
Esetete Tausi. O lea ua talosaga isi itumalo, o lea la foi
ou te talosaga atu foi au, o fanua uma ia e i tua o
Faleseela, la toe faafoi uma atu faamolemole. O tua foi
o le matou itumalo, o lo o i ai le pa povi a le Esetete
Tausi, i luga o le tuasivi. Ua alu atu matou ua le pai ile
tuasivi. Pei o le isi mea matautia lea o lo o tupu nei i lou
itumalo. O nuu uma ma alaalafaga uma e faasasao i le
tuasivi. A e pau nei o le itumalo e le pai i le tuasivi a e
agai i Safata. O le mea la lea ou te fia, talosaga ai i lau
Afioga le Minisita, pe afai o e faafofoga mai i le leitio,
sei e tagai mai lava ile faafanua o el matou itumalo po o
le a le mea ua le agai tonu ai i le tuasivi a e ua o
faasalafa agai i Safata. Ia na o le femisaai o matou ma
Safata. O le mea la lea sei alofa fai fuafua lea mataupu.
O le isi mataupu o lo o ou fia malamalama ai ona o
ananafi sa ma malaga ai ma le afioga i le alii Minisita o
Galuega i tua i lou itumalo. E momoli atu foi lau
faafetai e ui lava ina pisi le Afioga i le alii Minisita, a e
tau faaavanoa mai lava lona taimi ma te malaga ai. Na
ma matamata lea ina ua ma foi mai i le faatoaga fai lea o
lo o fai nei e i ai le vaalele lea na ta mai i le leitio, a lele
atu i luga e faga fai, a e tauai e tamaiti i maa. O le mea
la ou te fia fesii atu ai nei, o le togafai ea lenei ma le alii
Ausetalia lenei ma lona vaalele lea e i lalo ea o
Matagaluega o Faatoaga pe i lalo o le Matagaluega o
Tupe? Ua ou le malamalama i le mataupu lea; pe o le
meaalofa lea na fai ai lenei vaalele? Pe afai o lena ou te
taua e au o se meaalofa le manuia ia lenei vaalele. Pe fia
selau afe tupe meaalofa na aumai ai lenei vaalele? Ana
aumai ai se isi mea aoga, semanu o lelei. Ia sei silasila,
ua saunoa mai le Afioga i le alii Minisita e faatasi i le
vaiaso ona fana. Ae faapefea la lenei tupe tele o le a tutu
ai lava e le faaaogaina? O lena na ou fai ai i le Afioga i
le alii Minisita ananafi, se o le tatou atunuu e fiafia
puupuu. Ou te fai atu o le manaia ia o lenei togafai, ae
ou te talitonu e le atoa se 3, 4 pe 5 tausaga. Pe agi mai
se afa, ia ona uma lea. O le tatou atunuu na ona fai o lea
atiina ae, pau, fai lea atiina ae, pau.
Ou te fia talatalanoa atu i le Afioga i le Minisita o
Faamasinoga. Lau Afioga i le Minisita o Faamasinogam,
ua saua soo i lau faalogo le tele o tala a nisi tagata ma le
mamalu o le atunuu, i le aafia tele o se toalua pe tolu,
afioga i alii Faamasino Samoa, i mea nei faapolokiki.
OU te talosaga atu ai ia e matua saunoa lelei i nei
Faamasino; pei ou te iloa e tolu lava suaa ia ua ia te au, a
Saunoaga Faataupou a Sui Usufono 1961-2011
e ou te le tauina atu nei. O le mea uiga ese e tupu mai i
mea faapenei; o se mea matauita e tupu mai. O le a fai
lea ma mea e sese ai faaiuga a Faamasino. O le a fai ma
mea e faoa ai mea totino a nisi o aiga pe a aafia tele i
mea nei tau polokiki. O le mea la lea o lau talosaga
vaivai lea i lau Afioga i le alii Minisita, sei e silasila
totoa i lenei mataupu.
O le Matagaluega o Aoga. O le fuafuaga ma le tulaga
ua i ai nei lo tatou atunuu, e sili atu i le 50% o le faitau
aofai o le atunuu e i lalo ifo o le 21 tausaga. O le mea
lea ou te talosaga atu ai i lau Afioga i le alii Minisita ma
lau Afioga i le alii Palemia, sei silasila totoa i le tulaga
lea o le a tupu nei i le tatou atunuu. O le toatele ia o alo
ma fanau a le atunuu ua faigata ona nonofo i nuu i tua a
e amata ona omai i Apia. E augata e nonofo i tua e fai
feau ma mumusu e faalogo i o latou matua ma mumusu
e i lalo o le pulega a alii ma faipule. Tasi lenei faafitauli
tele o le a faafeagai ma le atunuu lenei, aemaise lava le
Malo i aso o lumanai. O alo nei o Samoa sei silasila ane
i ai po o le a se fuafuaga a le Malo e tatau ona fai ina ia
faagaoioia ni faiga e fuafuaina mo ni galuega e galulue
ai nei alo o le atunuu. O le mea la lea ou te faapea atu ai
i le e fitoitonu i ai lenei mataupu ia sei silasila totoa ane i
lenei mataupu.
O pili o aoga o alo ma fanau a le atunuu pei ona lavea
foi i saunoaga a nisi Sui. Ia ou te toe faaopoopo atu, sei
toe silasila totoa i ai. Afai e faapea mai le Afioga a le
alii Minisita o Tupe, o le tupe faasili lea e taua mai nei
mo le tausaga 1980 e $5.5 miliona, e le se mea talafeagai
ea ona aoga fua alo ma fanau a Samoa. Aua e pei ona
taua e se tasi o Sui, o mea totino taua ia a le atunuu lenei
o a tatou alo ma fanau. Aua e tusa lava pe mativa ia se
aiga e tuputupu ae ai se alo a le atunuu, a e a lava le
aoaoina ma maua le mafaufau lelei, ou te tau atu e
manuia. A lelei le aoaoga o fanau ma ave i fafo, e foi
mai e maua le manuia. Po o le a le mativa, ao le poto
lena o le a atiina ae ai le lumanai. O lemea la lea ou te
talosaga atu ai i lau Afioga, ia silasila totoa, faaaooga fua
fanau.
O le mataupu foi lea e uiga i sikolasipi. Ou te talosaga
atu ia matua saili mai ni sikolasipi aua ou te iloa e le o
lava sikolasipi ia o lo o i ai nei. Ou te iloa e le o matua
sogasoga foi le Minisita. O lo o ua toatele alo ma fanau
a le atunuu, ua tuputupu ae pea i luga le atiina ae o le
mafaufau ma le aoga. E tatau la ona tuu atu i fafo. Aua
a foi mai, e foi mai ma le poto ma le atamai. O le mea la
lea ou te talosaga atu ai8, sei silasila totoa foi lau Afioga
i le alii Minisita pe afai o e faafofoga mai i se leitio. O
totogi o faiaoga e pei lava o fomai. A lelei le totogi po o
le tupe e maua, o le a toaga foi e aoao alo ma fanau o le
atunuu. O lea la, aemaise lava faiaoga i nuu i tua. Ua
tau mumusu i latou ia ona o le mamao. Aua o le toatele
lava ua nonofi i inei i le talafatai i Apia. O lea e talosaga
atu ai ia fai se faiga faatosina po o ni fesoasoani a le
Malo i totogi o faiaoga i nuu i tua. Ia tuu i ai se totogi
lelei ina ia fia nofo ai itua ma toaaga ai e aoao alo ma
fanau a Samoa.
O le isi mataupu, e tatau ona toaga le Malo ia fausia
nisi Aoga Maualuluga. Ou te talosaga atu o aoga o lo o i
ai nei, Kolisi o Samoa, Avele ma isi, e le o lava. Pei ona
ou taua muamua, e i luga ae o le 50% o le faitau aofai o
le atunuu nei, o tagata e i lalo ifo o le 21 tausaga, o fanau
ma alo o le atunuu lenei. O lea ua tatau ai ona toe fau
nisi aoga maualuluga ina ia maua pea e o tatou alo ma
fanau le avanoa e aooga ai.
Lau Afioga i le alii Minisita o Galuega. Ia faafetai i lou
faaavanoaina o lou taimi i la ta malaga i le aso ananafi.
Ou te momoli atu ai le faafetai, ma ou te tatlitonu o le
faafetai foi lea a le matou itumalo. Ma ou te faapea atu i
le Afioga i le alii Minisita, ua galo ona ou fesili atu ia te
oe ananafi. O polokalame lava nei o auala galue. Na fai
auala e o ai taavale, po o tagata, pe e o ai solofanua ma
asini, tulou? Aua ou te tau atu e le sao ni pikiapu ma
nisi taavale i auala galue ia e fai nei. Sua nei ua manaia,
uma le vaiaso a ua timu, e leai ma se mea lelei ua i ai.
Afai la o le tali o le mataupu lea e faafaigofie ai le feoai
o solofanua ma asini, tulou, ia faamolemole o le matou
itumalo e faaleai ni mea ia o asini. O le mea la lea ou te
talosaga atu ai, o matou e feololo nai pikiapu, sei toe
suasua lelei nai o maotu auala galue ia ia faigofie ai
feoaiga i faatoaga.
Sa faasino atu i lau Afioga i le aso ananafi le vai lea e
tafe i uta i Faleaseela. Sa e tagai i ai ma e talitonu ai
lava, tasi lea o punavai e ono faatino ai se malosi
faaeletise mai le suavai i Samoa. Ou te tau atu ma le
faamaoni, tasi lea vai matagofie i totonu o Samoa nei.
Po o le a le mugala, e le pe. O la foi e i ai le fua o le
Malosi FaaEletise o lo o fua ai pea le loloto o le vai lenei
i aso uma. Po o le a la se finagalo o le matagaluega a e
faaaoga lenei vai mo se afi moli eletise? E aoga foi lea
aua le lumanai e mafai foi ona alu atu ai le paoa i le
malae vaalele, Falelati, Leulumoega, ia aemaise foi
Safata. Ia ma ou te talosaga atu foi lau Afioga i le alii
Minisita, o le eletise lea ua tau atu i le itumalo o le
Afioga i le alii Palemia ma ua tau ae foi i le afioaga o le
Afioga ia Aumua, ia toe lava o ni nai taaiga uaea ona oo
atu lea i lou itumalo. A e a pe a finagalo malilie le Malo,
o le a se fuafuaga, a e faaauau atu ia ua fia mu moli
eletise foi Safata latou, ma le la itu atoa.
O le Esetete Tausi a Samoa i Sisifo. Tasi lenei o mea
ou te vaai atu o le a tupu mai ai ni faaletonu ia Samoa i
le lumanai. Ua ou matau atu lava e tasi lenei
matagaluega ua amata ona lau mai tupe. E le tau afe, pe
selau foi, a e tau miliona. O le mea lea o le a amata foi
ona fai e le Esetete Tausi le mea lea ua tupu nei i le
Malo. O le isi mea lea ua aliali mai nei le Esetete Tausi,
se ua leiloa po ole a le mea lea o lo o i ai. Ua fai lea
mea, fai lea mea, ao lou talitonuga ma lau fautuaga, ua
lava le koko, popo, povi, e fai maauga o atiina ae a le
Esetete Tausi. O le a manuia ai nai lo le tele naunau o
ituaiga atiina ae a e eseese. Ia o le mea lea e fai nei e le
Esetete Tausi, e taamilo loli e lau popo ma faatau le
koko mai isi faatoaga ona foi mai lea faamagao, ona
latou faamaumauina lea faapea: O tupe maua mai
faatoaga a le Esetete Tausi, a e ou te fai atu e sese. O isi
Saunoaga Faataupou a Sui Usufono 1961-2011
mea ia o talo ma fai ma popo ma koko a le atunuu lea e
alu mata mai e le Esetete Tausi ona ave lea faapea o a
latou mea. E matua sese le aumai o se ata le sao i totonu
o le Tala Faatatau a le Esetete Tausi. Ou te talosaga atu
foi, ona e le o afio mai le Pule Sili o le Esetete Tausi, ai
ona o lo o tuatuagia le Afioga ia Aumua i nisi fuafuaga.
Ae e tatau lava ona i ai nisi fai faatoaga e lagolagoina ia,
aua o Aumua o se tamalii poto i le tupe, a e o lou
talitonuga, e le agavaa tele Aumua i mea tau faatoaga.
Ua tatau ona i ai nisi e lagolago malosi ia Aumua i mea
nei tau faatoaga. O la e i ai le Afioga foi lea ia Tupuola
o lo o faigaluega ai nei i le Esetete Tausi. Tasi lena
tamalii traua o le atunuu ma isi foi fai faatoaga e
lagolago malosi i le Afioga ia Aumua.
Faafetai atu ile faauilavea a lou uso a faipule, le Afioga
i le Tootooalii. Leai, o lea ou te iloa lelei, tasi lea fai
faatoaga o lea e lagolago malosi i ai, a e o lea ou te fai
atu toe aumai ma nisi fai faatoaga aua e eseese matata a
fai faatoaga. O nisi fai faatoaga e patino i le popo, o isi
o koko, ao isi o fai. Ia o le Afioga ia Tofilau o le koko
ma le popo lea e i ai.
Lau Afioga i le alii Palemia, ou te fai atu lenei tala i lau
Afioga ao e faafofoga mai. O au o le isi Sui fou, a e ou
te matauina pea i fonotaga taitasi ma lau faalogologo
mai i le leitio, ia le faiga lenei o le le lelei o le tali a le
Minisita, ona e tulai lea pei ua e puipui i le Minisita. Na
ou nofonofo lava i louf ale i le isi aso ma ou vaavaai lau
matua moa ma lana toloai, tulou, e le faatusaina le paia
ma le mamalu o la outou Afioga i se moa ma se toloai.
A e a soso atu i le moa ma lana toloai, ua oso le tamai
moa a e lele mai le matua moa ua taufelei ta ita. O le
mea la lea ou te fai atu ai i lau Afioga i le alii Palemia, se
aua le faia faamatuamoa a tatou mea. Afai e le agavaa le
alii Minisita, ia e pei o le manu lenei o le aeto.
Ou te momoli atu le faafetai i lau Afioga i le Fofoga
Fetalai, ia pei ona ou tau atu i le amataga o lau lauga, o
le aso Faraile, e tau o le aso fai fagogo malie e pei lava
foi i lauga e masani ai. A fai fai sa ta lauga fai foi sina
mea malie e faatoe tasi ai, a e le faapea o le a atugalu ai
le Afioga i le alii Minisita. O le Minisita o lo o toatamai
nei, o sou usuo lelei lava. Aua e te popole lou finagalo i
lena mataupu.
Faafetai i lau Afioga i le Fofoga o le Fono. E leai, ina
nei tei ua oo atu i se isi tulaga, ona maua ai lea o se
finauga ma le Afioga i le alii Minisita, ia ona faaletonu
ai lea. A e leai, o le a agaigai atu pea. Pau a lou naunau
e pei ona ou tau atu, o le mea a lenei e tatau lava ona
saunoa mai lava le Minisita i lana matagaluega, aua o ia
e aupito silafia uma upu o lena matagaluega. O le mea
la lea, o lau tali sao lena ua avatu. A e talitonu mai lau
Afioga ma le mamalu o le Fono, e oo nei foi ile taimi e
tali ai Afioga i alii Minisita, o le mea foi lea o le a tupu.
O le a tulai foi le Afioga i le alii Palemia, a e ui o lea, ia
faatea ia lea mataupu.
Ou te fia taua le mataupu e uiga i le tatou Tulafono
Faiga Palota 1963. Lau Afioga i le Fofoga Fetalai ma le
mamalu o le Palemene. O se faafitauli lea na matuai
aliali mai i le taimi na fai a Palota Laiti ia na fai nei.
Ona ua tuu mai nei faaiuga i le tulafono ua toe soloia ai
nisi o alii faipule i lena vaitaimi. A e ua toe faaauau e le
Malo ni Faiga Palota e aunoa ma se tausisi i le tulafono
lea. O lea tulafono, a faapea e uma le faaiuga a le
Faamasino ona tuu mai lea i luma le faamatalaga atoa o
le Faiga Palota i le Vaega 121. Ou te fia tapa ai le
Afioga i le alii Palemia i sana faamalamalamaga i le
Maota lenei, aemaise foi le faafofogaaga a le atunuu i
lenei tulafono. O lou talitonuga atoa foi ma nisi o Sui,
ua solitulafono o le Malo i le tulafono lenei. O le mea la
lea ou te talosagaina ia le Afioga i le alii Palemia, ian ia
tuu mai se faamatalaga i lea tulafono. O le tulaga sa i ai
nei le mataupu, pei ona silafia i le amataga o le fonotaga,
sa faatautoina ai nisi o Sui. Ou te le toe fia agai i si ou
uso a faipule o Mapuilesua, o se tasi foi o tamalii o lenei
itumalo. A o le mea lea ou te fia agai i ai, o lou
manumanu i le atunuu lenei. A silasila lau Afioga i le
Faavae, o lo o i ai le vaega lea i lona mataupu e 18,
palakalafa 2a: O le Tofiaina o se tasi e agavaa e fai ma
Ao o le Malo, o le a le tau agavaaina se tasi ina ia filifilia
i le tofi o le Ao o le Malo, (a) pe afai o ia e le o se tasi e
tau agavaaina ina ia filifilia e avea ma Sui Usufono o le
Palemene lenei.
Lau Afioga ma le mamalu o le Palemene, a faapea la o
le a tatou o ai faapea ma faatagaina nisi mai fafo, taatia
ia Mapuilesua aua o ia o se Samoa moni, a e sau la se isi
mai fafo fai sona tagata nuu ma sona matai i inei i
Samoa, se palagi po o se Saini po o se Initia, a
faatusatusa atu i le faavae lea e i ai, o lona uiga ua
agavaa ia e filfilia? A e a silasila o le Ofisa pito sili ona
maualuga lea i le tatou atunuu i le Faavae o le Ao o le
Malo. O le mea la lea ou te tetee ai i lea tulaga, aua lau
Afioga i le alii Palemia ma le Kapeneta, o se tulaga
matautia lea pe afai a e toe tupu mai i le lumanai. Ou te
faafetai atu i lenei mataupu ua aliai mai, aua o le a maua
ai le tonu ma le sao o le mataupu lenei. Ou te le tuuaia
lou uso a faipule, ae ou te tuuaia le Afioga i le alii
Palemia ona sa tatau ona faamalamalama lelei e le
Afioga i le alii Palemia ae le i faia le mataupu lea. Ia a e
atonu o lea ua faamanualia finaglao o lenei tamalii o le
atunuu ia i matou sa tetee; ia a e ou te taua sao atu, o le
Palemia sa tatau ona pau i ai le mamafa o le laau. Sa
tatau ona faamalamalamamai po o le a le mea e fai. Ia
ona uma lea. A o lea ua tupu nei le faalavelave, ia atonu
ua matua faamanualia tele le finagalo o lenei tamalii o le
atunuu.
Ou te fia tautala i le Ofisa o le alii Palemia. A silasila i
tupe faaalu a le Ofisa lenei i le 1979, e $411,800, a o le
1980 e $1.9 miliona. I le tusi lea e tau mai ai tupe faaalu
a matagaluega eseese, e amata mai i le tausaga 1975 e oo
i le 1980. O le matagaluega a le Palemia ua matua tele
naunau le tupe ua alu ai. Ua 475 pasene le sii o tupe mo
lenei matagaluega i nei tausaga e lima. Sei tagai la i le
mea matautia lea ua aliali mai. Ua tele naunau le tupe ua
alu. O lea e tusi mai i mo le 1980, e $1.9 miliona, a e
afai nei se Tala Faatatau Faaopoopo o le Tupe, talitonu
mai e ova i le $2 miliona le aofai o tupe o le a alu i le
Ofisa lea o el Afioga i le alii Palemia. O le mea la lea ou
Saunoaga Faataupou a Sui Usufono 1961-2011
te talosagaina ia ia silasila totoa lelei i lenei mataupu, i le
tele o le tupe o le a tuu i lenei matagaluega laitiiti.
O femalagaiga i totonu o le atunuu. Silasila la lau
Afioga i le 1979, le tausaga nei, e $58,000 Feoaiga i
Totonu o le Atunuu po o le faaaogaina o taavale i totonu
lava o Samoa. Na tusi mai i le Tala Autu o le Tupe e
$35,200, a o lea ua sau nei i le Tala Faaopoopo o Tupe,
ua toe faaopoopo i ai ma le isi $23,000, ona maua ai lea
o el %58,000. Ua tele naunau nei tupe ua faaaogaina i
Feoaiga i Totonu o le Atunuu, ma e ou te fia maua foi se
faamalamalamaga o lenei mataupu ua matua taugata tele
nei taavale e feoai ai. O le tausaga e tasi lenei e alu ai le
$58,000.
Ia o le isi tulaga i totonu lava o le Matagaleuga a le alii
Palemia, o malaga ia i nuu mamao. Ou te faatepa lau
Afioga i tupe na faaalu i le tausaga na tea nei e
$101,900. A tuu i se fuainumera atoa ua lata ane i le
$102,000 na alu i le matagaluega lava a le Palemia i
feoaiga. Ua ala la ona ou taua lea mea ona sa ou talanoa
i nisi sa malaga i fafo. O nisi o ou uso a faipule, o nisi o
Ulu o Matagaluega. O a latou faamatalaga ia te au, o le
tele o nisi o tupe nei e le aoga, e alu maumau a e na o
tafaoga malaga ia e o i fafo. E le o faapea o malaga
uma, a o isi o malaga o lo o alu i fafo, e le o aoga, ae o
lea e tele tupe a le atunu lea e alu ai.
Ia o le isi mea o lo o aliali mai, a silasila totoa lau
Afioga ma le mamalu o le Palemene i le Tala Faatatau o
le Tupe atoa mo le 1979, i le 1978 o el aofai o tupe na
alu i malaga i fafo, e $255,000. Silasila la i le tausaga
lea o le a sau nei. O le tupe lea o le a faaalu ai, e
$365,000, po o le 1/3 o se miliona. Ou te tau atu ma lau
amiotonu, o se tulaga matauita lea ua aliali mai i mea nei
o femalagaiga i fafo. A outou alolofa, lau Afioga i le alii
Palemia, le aiga Minisita ma le Minisita o Tupe, silasila
totoa. O lea e manomia se tupe pe $100,000 pe a, mo
pili o aoga. A e sei tagai i le $364,000 lea e faaalu mo
nei malaga i fafo. Ou te talosaga atu ai ma le faaaloalo
lava, sei silasila totoa i le mataupu lenei o tupe faaalu i
fafo.
O le isi mea lea ou te fia taua i le Matagaluega lava a le
alii Palemia, o mea nei o Pati po o sauniga faapea a le
Malo. Silasila i le 1973; tupe a le Malo na faaalu ai, e
tusa ma le $21,000. O le 1977, e $116,000 lea e fai pati
ai le Malo. Ia sei tagai la.
Faafetai lava i lau Afioga i le Fofoga o le Fono. Ou te
faamalulu atu foi i lau Afioga faapea le paia ma le
mamalu o lenei Palemene i le lava o le onosai. Ia e le
faapea o se fia iloa o se tasi, a e ona o le naunau lava.
Ua fefuliai faalaau mamafa le tofa i le Afioga i le alii
Faipule ona e faigata le tulaga o i ai nei, le pagatia ma le
taumafai e fai atu foi ni nai mafaufauga; e ui foi ina
vaivai, a e o le a taumafai atu pea i ai.
Sa ou taua le mataupu lea e uiga i Sauniga Faale Malo
lea sa ou faaali atu ai faapea e $21,000 sa faaaogaina e le
Malo e fai ai pati i le 1973. A silasila i le 1977, e
$126,000 na faaaogaina ai e le Malo. O le mea la lea e
tetee ai lou mafaufau ona o le soona faaoga o nei tupe i
nei faiga faapati a o la e oi le atunuu i tua i le faigata o le
olaga. O le mea lea ou te talosagaina ai ina ia matua
silasila toto ape o talafeagai le faaaogaina o nei vaega
tupe.
Ou te fia fesoasoani atu foi i le mataupu lea lau Afioga
ile Fofoga Fetlaii siitaga o totogi. O lo o taosaga mai nei
e le Malo se siitaga mo le 5%. Lau Afioga ma le
mamalu o le Palemene, o lou sui a tootoo e toatasi ua
matua le talafeagai lenei 5%. A faapea mai i le Tala o le
Tuep e sili atu i le $5 miliona le tupe e faasili a le Malo,
ia sei tagai la i lenei 5% pe talafeagai. o le tau o le
soifuaga ua taugata ma ua uma ona saunoa foi i ai le
mamalu onisi o le Palemene i se siitaga e tatau ona i ai
pe 30%. Ou te tau atu ma lou faamaoni, o lou agaga foi
lea. Ua faigata le olaga lea e i ai nei; o le sii e tatau ona i
ai, aveese le 5% a e tuu i ai le 30% aemaise lava e o lo o
galulue faatogi aso, po o leilpa, e maulalo tele tulaga o
totogi o lo o i ai.
Ole faaaoogaina o le fanau e taugata aemaise o nai
tamalii foi e vaivai i tulaga tau le aoaoina. O lou
talitonuga, ia matua faamamafa le siitaga nei totogi i e o
maulalo a latou galuega po o leipa.
Ou te fia tautala foi i meaalofa mai fafo. E matua
faanoanoa lou mafaufau ma o se mea foi e amata ona ou
lagona ai le popole ona o le faaaogaina o meaalofa nei e
aumai i fafo. I se isi taimi lata mai nei na aumai ai
faameaalofa mai fafo e i ai pusa ia ma araisa. A o le a le
mea na fai e le Malo? Na faatau e le Malo i kamupani.
Oi a faapefea tua? Toe omai lea o tua faatau atu, a o le
meaalofa e leai ma se tupe a le Malo na alu ai. O le mea
la lea ou te faanoanoa ai i lea foi uiga na aliali mai i lea
vaitaimi. A toe maua mai ni meaalofa o mea taumafa, ia
tufa i tua i le atunuu, aua e le tofu maua tupe. E le tutusa
tupe, o isi e maua le $5,000, e mafai ona omai faatau
uma tupe. E le tutusa tupoe, o isi e maua le $5,000, e
mafai ona omai faatau uma i kamupani meaalofa nei mai
fafo, a faapefea la si toeaina ma si loomatua e vaivai e le
maua se tupe? O lea la ou te talosaga atu ai, ia tufa
tutusa i tua i Pulenuu latou te faasoasoaina ai lea i o
latou alaalafaga.
O le tulaga ua tau aliali mai, e pei o le a faamoemoe
tele le tatou atunuu i mea nei o meaalofa mai fafo. O se
tulaga matautia le tulaga lea o le a ia i le tatou atunuu. A
outou silasila i le manu lea o le namu, e mimiti, mimiti le
toto o le tagata ona iu lea ina pa, tulou o le upu e to ia te
au. O le mea lea ou te faapea atu ai lau Afioga, aua nei
avea lo tatou atunuu e pei o se namu. O fesoasoani nei
mai fafo, ia o tupe foi o lo o alu ai le afu o la foi tagata a
la atunuu. A aumai i inei, ia faaoga ma le tatau. A e po
o fea foi ua alu i ai vaega tupe o meaalofa mai fafo. Ta
te falogo atu ua maua mai sia vaega tupe, tei lava ua uma
a e le i ai se faamatalaga auiliili e tuuina mia i luma o lau
Afioga faapea le mamalu o le Palemene lenei. Ou te
talosaga atu ai i lau Afioga ina ia faia se fuafuaga i lenei
mataupu. E pei ua faalagolago malosi le tatou atunuu, e
pei ua le mafai ona galulue ai lo tatou atunuu ina ia
taumafai e atiina ae e tatou lava atunuu ma selesele a
tatou lava fua o faaeleeleaga.
Saunoaga Faataupou a Sui Usufono 1961-2011
O le a ou soso atu i le va ma atunuu i fafo. I le
nusipepa a le tatou atunuu i le aso 6 o Tesema i le
tausaga lenei, o lo oi ai le fuaiupu faapea: “O le avea o i
tatou ma sui i Malo Aufaatasi faapea le Oifsa o lo tatou
Amepasa i Niu Ioka e leai ma sa tatou pene e tasi e alu
ai, aua o lo o faatupeina e le „CIA‟ po o le
Faalapotopotoga Faaleoleo nana a le Iunaite Setete.”
Lau Afioga, ou te fia maua lava se faamalamalamaga
mai le Afioga a le Palemia pe sao lea faaupuga, aua o se
mea e matautia le mea lenei pe afai o lo o faatupe faapea
le tatou Ofisa i Niu Ioka. Ou te talosaga atu ma le vaivai
ina ia tuu mai se faamalamalamaga e le Afioga i le alii
Palemia e uiga i lenei faaupuga o lo o i ai i le nusipepa o
le aso 6 o Tesema 1979.
Mo le tausaga o lumanai nei, o le a manaomia ai le
vaega tupe e sili atu i le afa miliona; le vaega tupe e
$228,000 pe $229,000 lea e faaaogaina mo lo tatou va i
fafo, aemaise ona o o tatou ofisa faaamepasa i Amerika
po o Niu Sila. O se vaega tupe maoae, ma o siitaga o
totogi o lo o i ai ua sili atu i le 200% ma le 300%. O lea
ou te talosaga atu faapea, a faapefea la lo tatou atunuu o
lo i ai nei? Ia fai se fuafuaga i lenei tupe tele; na amata
mai o laitiiti, ao lenei ua amata ona alu i luga. Tailo, o le
tausaga lea, 1981, atonu o le a oo lava i le miliona le
tupe lea. O le tupe e $629,000 lea mo le 1980, ua sili atu
i le afa miliona.
Ona ou agai atu ai lea i le faiga o le va fealoai a lo tatou
Malo ma le Malo o Niu Sila. Ua tumu lava lou Sui i le
faanoanoa o i ai e uiga i lenei mataupu. Ai se a? O le
mataupu lava lenei o le soona faia o o tatou tagata. E
matautia le mea ua aliali mai. Silasila foi, o le Malo o
Samoa ua uma ona sainia le Feagaiga Faauo ma le Malo
o Niu Sila. Po o lona uiga la o faiga faale uo faa-Niu
Sila ia e taua mai nei, o le fetuliai e taifau ia alo ma
fanau o Samoa? Sa ou matamata i Niu Sila lata mai nei i
le tifaga foi lea, i el tusi a se tasi o alo o le atunuu, o le
“Atalii mo le Toe Foi Mai.” Ua tau mai ai i la lea tifaga,
ia le faiga lenei a Niu Sila, e matua leai ma se faaaloalo,
elai se tuitui i le faitotoa e pei o tu ma aganuu
faapapalagi. A o atu i totonu o fale e faale lelei le
faaPeretania a matua, ia o le a le mea e fai ai? E pei lava
o le faiga o mea foi ia, tulou le paia o lenei Maota. O se
faiga uiga ese lea e fai ai e Niu Sila. A o le faiga a le
Palemia a Niu Sila, o se faiga matautia, atonu foi o le
mea lea ua tele faaupuga a nusipepa a Niu Sila i le latou
Palemia. Ua faaigoa e nisi, o Muldoon le puaa, tulou.
Atonu la o faiga na o lea e fai ai a tatou tagata faapea. O
le mea la lea ou te talosaga atu ai, se sei tuutuu lelei le
tofa e faatatau i le taotu va ma Niu Sila aemaise lava le
tulaga o femalagaiga. O lou talitonuga i lemea o lo o i ai
nei, ua talafeagai. Na o Samoa lava le atunuu e
manomia le $250. A fia malaga se Samoa i fafo i Niu
Sila, e asiasi i aiga po o ni fanau, e le mafai ona malaga
vagana ua tuu atu se saiaki e $250. E faaali mai ai le le
faatuatuaina o o tatou tagata e le Malo o Niu Sila. Afai
la o latou o le tatou uo, ia fai la le mea e tau o le uo
faamaoni.
Ou te fia tautala foi i le Fuafuaga o sikolasipi. A
faafofoga lau Afioga i tusitusiga foi po o faasalalauga i
le ea, o lo o ta ai faapea: o sikolasipi ia e fia sefulu e tuu
ia Samoa, Toga ma Fiti, a o le mea lea e tupu nei, o
Samoa sa vaavaaia e Niu Sila, o Toga ma Fiti sa
vaavaaia e isi Malo, a ua foliga mai nei, pei ua faatutusa
i tatou e Niu Sila. Ia silasila la ia Papua Niu Kini, e fia
selau miliona Ausetalia? E alu ese Ausetalia mai Papua
Niu Kini ua matua lelei faavae, ma e oo mai i le taimi
lenei, o lo o alu pea le fia selau miliona, sefulu miliona a
Ausetalia il e faaleleiga o lenei Malo. Silasila i atunuu i
Aferika, o nuu uma o Europa sa vaaia ia nuui Aferka, ua
o ese ua matua lelei le faavaeina o na atunuu. A o le a la
mea lea e aliali mai i Samoa? O lea faatoa tau lelei mai
Niu Sila. O lea ua laga mai e fai le faleami tau laga mai
fai isi meaalofa. I lou lava Sui, ou te tau vaai atu pea i le
faale manuia o le tatou va ma Niu Sila. OU te
lagolagoina ai foi nisi o saunoaga matagofie o Sui a lenei
Maota Fono. O le a le mea tatou te le tuutuu atu i se isi
itu? Afai o faapea Niu Sila, soso atu i Ausetalia,
Amerika ma nisi lava atunuu e maua mai ai le
fesoasoani, ou te faitioina foi le Malo o Niu Sala,
aemaise foi le tatou Malo.
O le taumafaiga o aia e tu laueleele ai vaalele a le
Polenesia. Silasila, O le Ea Niu Sila sa le taunuu i
Faleolo; a na le alu nei le Polenesia alu sao mai i Faleolo
i Niu Sila, e le oo mai foi i inei le Ea Niu Sila. O lea e
faatusatusa mai i tatou, o si tamai atunuu o lea e tau
atiina ae, a tau fai atu sia mea, ae laga mai Niu Sila fai
mai o i matou foi ia e taumafai ia mea. Sei tagai la ia i,
ua le toe tuta i Tutuila, a ua tuta sao mai i inei, a e ai se a
na le faia ai e i latou i le aso ua mavae? O le mea la lea,
e tatau ona silasila totoa i ai le Malo, aua le vaivai le
finau i le mataupu lenei. O le isi faataitaiga o Tahiti, sei
tagai i ai, a na se malo alofa moni Niu Sila, ua tuu mai.
Vaai i si nei tamai va laitiiti, a o lenei e musu foi e tuu
mai ia Samoa. O lea e musu Niu Sila, tagai la i ai i le le
lelei o le fianuina o le tatou mataupu. O lea ou te matua
faaali atu ai lou taofi i le Malo, ina ia matua finafinau i
se mea e lelei ai Samoa. Aua nei inosiaina pe tuugofie;
ia finafinau malolsi aua se lumanai ma le manuia o le
tatou atunuu.
Ou te fiafia i le Malo o Saina; ua ou vaai atu nei i le
Tala Faatatau o le Tupe, ua oo mai ai foi se meaalofa a
Saina ua fuafuaina mo se fausia o se fale taalo. Ou te fia
momoli atu ai e lou Sui e toatasi lau faafetai i le Malo o
Saina. Ma o lau vaavaai atu i uiga o tagata Saina, e tai
foliga tutusa lava ma Samoa, le fealoaloai ma le
faaaloalo. O le mea la lea, e tatau ona tatou faafetai i lea
Malo ua maua mai ai nai a tatou fesoasoani.
Na taua e nisi Sui le tulaga o Tusi Folau Mumu. E
lagona lou faanoanoa ona o se mea na ou iloa. Ua feoai
nisi o Matagaluega a le Malo i Tusi Folau Mumu, a e ua
tuu tusi folau masani i le mamalu o Sui a Faipule. O le
mea lea ou te talosagaina i lenei lava Ofisa a le alii
Palemia, sei silasila totoa i le mamalu o Afioga a
Faipule, aua afai ua faaaoga e alu aufaigaluega ia Tusi
Saunoaga Faataupou a Sui Usufono 1961-2011
Folau Mumu, a e a faapefea le mamalu o Sui Usufono o
le atunuu lenei?
O le mataupu o lo o fai lava si faigata i lou mafaufau, o
le mataupu lea i le 2AP. ua ou fia taua lea mataupu, ona
o se saunoaga a le Afioga a le alii Palemia ia le 2AP, sa
faapea ai le Afioga a le alii Palemia, an te moomia ma
fia maua ni finagalo ma ni manatu o le atunuu i le 2AP.
Atonu o lea e a ua le mafai e le 2AP. O le isi Sui a
Usufono, sa oo mai lava i le 2AP ma faaupuga sa sau ai i
tua, sei ave la sei faafofoga i ai le alii Palemia pe
talafeagai ona faasau ai lea i luga o le ea. O se mea
matautia lea mea. O lea ou te faafesili atu ai, o le a ea le
tulaga o tatou? E tatau ea ona pasia faapea mea i totonu
o Samoa? O le 2AP e avanoa, so o se alii faipule po o
soo se isi e mafai oan saunoa i le faafofoga mai a le
atunuu. O lea ou te talosaga atu ai, o se faiga le
talafeagai i lou Sui e toatasi lenei mataupu. O isi taimi
sa taumafai foi nisi alii Faipule e faasalalau nai a latou
mea i luga o le ea, po o fonotaga a isi alii Faipule, ae
faapea mai le Pule Sili a le 2AP, faamolemole e le mafai
ituaiga mea na. Na matua finau malosi ai alii Faipule ma
le Pule Sili o le 2AP mo le taumafaiga o mataupu nei. O
le mea la lea ua aliali mai i lou mafaufau, ua fefe le pule
o le 2AP e faasalalau mea e mananao i ai isi alii faipule.
Ou te talosagaina ai ona o lenei faiga, afai o le a alualu
a‟i faapea, ia e oo lava tatou pei o Siamani i aso o Hitila.
O le mea tonu lava lena e popole ai lou mafaufau. Tuu
ese na faiga tau aliali mai i totonu o le Galuega a le
Malo.
O lo o i ai la le isi mea lea o lo o aliali mai i tagata
faigaluega a le Malo; ua auai foi nisi i mea faapolokiki.
O lou talitonuga, a faapea e i ai se tagata faigaluega a le
Malo i tamalii ma failauga e fia i ai i polokiki, o le
Maota lenei, ua tuu lana galuega a e sau i se palota ma
fai ana faiga faapolokiki i totonu o le Maota lenei. Ia
faataatiaese faiga faapolokiki mai i tagata faigaluega a le
Malo, ma ia aua nei aafia ai e pei ona aliali mai nei.
Silasila o isi tagata faigaluega a le Malo, ua fefefe. O le
isi mea ua ou matauina, o tagata sa masani soo ma lou
nei foi tagata, ua pei e tau fefefe e talatalanoa i maua atu
e se isi o tutu ma talatalanoa ma lou nei tagata, nei
faapea ai o ia lea po o fea le vaega lea e i ai. O le mea
tonu lea e popoe i ai lou mafaufau, ma ou te iloa foi, o lo
o atugalu i ai nisi o Sui.
Lau Afioga, ou te fia savalivali atu foi i tagata mai fafo
ia e faigaluega i totonu o le tatou Malo. Na ou taua i se
taimi ua fano nisi o tamalii o lo o faigaluega i inei, pei na
tau e nisi Sui Usufono. O lea ua omai iinei e eli auro ai,
eli auro i totonu o Samoa. O se tasi o tamalii mai fafo o
lo o faigaluega i le taimi nei i totonu o le Malo mai le
Malo o Siamani. O lea tamalii ua leva na i ai nei i
Samoa. Nofo, nofo, faigaluega, maua le avanoa e faatau
ai fanua, maua le avanoa e fau ai le fale. A fau loa le
fale faatau ma le fanua, o lona uiga, ua mautu i inei ua
eli atu lava le auro, manaia le auro a Samoa, ona eli ai
lava lea ua le toe fia foi. Ou e fia talosagaina ai le
mataupu lenei ina ia tuu le avanoa i alo ma fanau o le
atunuu lenei. Se mea e faanoanoa ai lou loto ma lou
mafaufau ona o lou vaavaai atu i alo ma fanau a le
atunuu lenei, o lo o faamavae atu i i, a e sau le palagi
pule i ai. Ou te fia vaavaai ma ou fia matamata lou Sui i
se matagaluega o lo o pule ai se Samoa. A i ai se
papalagi e aumai tuu i lalo o se Samoa. Ma o le taimi
lenei i totonu o le atunuu, ua tele naua e mai fafo, ou te
le iloa po o ai nei mau tamalii ua i totonu o le atunuu. O
le mea la lea, e faanoanoa ma tagi „u‟u ai lou nei loto
toatasi. Talofa i alo o fanau a Samoa ia e ave i fafo ma
toe aumai i inei, a e leai se manuia po o se avanoa o tuu i
ai. Afai o latou totogi, ia alofagia, alo ma fanau a
Samoa.
Ua ou fia soso atu i le tulaga lava lea tau le totogi .
Aua ua faaalia e se tasi Sui, ua tulai mai nei le Tala
Faatatau o le Tupe mo le tausag a sau nei, e $25,000 le
totogi o le Loia Sili. Ma ou te fafetai i lea totogi, ma o le
mea e pito sili ona ou faafetai ai, o la e tuu i le alo o
Samoa. Ana o se papalagi, ou te matua tetee i ai. A e o
le mea la ou te fia faamamafaina ai, afai la o le tulaga lea
ua i ai le totogi o le Faatonu Sili po o le Loia Sili, ia
silasila totoa la i isi Matagaluega; e pei ona taua e se Sui
le mataupu o mea totino. O mea totino e fuafua i ai le
malosi o lea matagaluega ma lea matagaluega. Sailsial i
le Matagaluega o le Falemai, ua lelei la o lea ua i ai le
palagi ua oo i le $30,000. Talitonu mai, e alu ese nei loa
le palagi lea, ona toe pau foi lea i lalo.
Silasila la i Matagaluega o Galuega, Aoga ma
Faatoaga. Silasila totoa i totonu, o le mea lea e ala ai
ona tupu, goto ma pagatia o tatou alo ma fanau. O alo
foi ma fanau sa aooga i fafo e tuu atu i sikolasipi, tasi lea
mataupuou te fia faufautua ai ma fai fesoasoani i le
Malo. O lou talitonuga ma le fiafiaga e foi mai i latou
nei i le atunuu lenei ma faigaluega. Ae ou te talosaga
atu ai, ia tuu le avanoa ia i latou nei e foi mai e leai se
tupe e amata tau atiina ae. Ia maua se avanoa ina ia
maua ai ni a latou nonoga tupe i tului laiti e fesoasoani ai
e faatau ai se fanua, po o se fale, po o mea faapena ina ia
fia nofo tumau ai i totonu o le taunuu nai lo le ita loa alu
i fafo. O le mea la lea e talosaga atu ai, o alo uma ma
fanau a Samoa ua i inei, o le a amata foi ona toe gasolo
mai i le tatou atunuu; ia taumafai ona taofiofi le atiina
aeina o le tatou atunuu a e aua le toe taumafai e tului i
fafo.
Ou te fia laga foi le mataupu sa talanoaina e se tasi Sui
i se Faletupe i Niu Sila. Ia ou te auai i lea mataupu, sa
ou fia tautala malosi i ai, aepeitai, o lea ua uma na
saunoa i ai lea Sui. OU te lagolagoina ma le famaoni le
lelei o lenei mataupu; o faitioga ia i le Malo. A e o le
mea lea e atugalu i ai le tele o Sui, ma popole ai foi lou
nei tagata toatasi. O lea tatou te sii lea mea, sii lea mea,
sii totogi, pe faapefea la le tupe? O lea la o le a ou fia
fesoasoani atu ai i le itu lea.
O le mea muamua, turisi. O lou talitonuga, o Samoa e
leai ni minerale po o ni auro po o ni mea faapena. O le
ala manuia lenei a Samoa e tatau ona matua atiina ae. Ai
se a? Ia silasila, ua maua tupe a le malae vaalele i
Fesuiaiga o Tupe ma isi atunuu po o tupe mai fafo;
galulue le aufai faatoaga e matua osi fua o faatoaga ma
Saunoaga Faataupou a Sui Usufono 1961-2011
mea uma aua mea taumafa i faletalimalo. Tele galuega i
faletalimalo, ma ole mea la lea, e matua ou lagolagoina
ai. Ou te faanoanoa i le Tala Faatatau o le Tupe ma le
saunoaga a le Afioga a le Minisita; e le o i ai se
faamalosiga o le atiina ae lenei. E tasi lenei atiina ae ou
te iloa e aupito i muamua nei, o le mataupu tau turisi. E
tele mea e maua ai e lo tatou atunuu. E faafaigaluega ai
le tele o tagata i tua; tagata i totonu o faletalimalo, tupe
mai totonu o le atunuu lenei ma tupe mai fafo. A pipii
faatasi atu ai ma le faateleina o le taou malae vaalele, ou
te lagona o le a matua faateleina lo tatou manuia.
Silasila, o lea ua uma na tatou faafofoga i le sogasoga o
le Tupu o Toga, na malaga faapitoa ai i Libya, maua mai
ai le tupe lenei e fau ai le malae vaalele tele i Toga.
Tatou la i tei ua muamua Toga ae mataga ai lo tatou
timuia. O le mea la lea ou te matua lagolagoina le faia
faamalosi o le tatou malae vaalele, ia faateleina.
Ao ou i ai i le Malae Vaalele, ou te talosagaina lava le
kamupani lenei o le Polenesia ia aua nei faataua se latou
vaalele lea e fuafua nei. Ou te matua talosaga, sei fai
muamua le Malae Vaalele, ona fuafua mulimuli ai lea po
o le a le ituaiga vaalele e tatau ona aumai. O le taimi
lenei o lo o talosagaina se isi vaalele, e pei o le vaalele
lea e fealuai ile va o Samoa ma Niu Sila. Ou te
talosagaina in aia aua nei faataunuuina lenei mataupu a e
sei vaavaai muamua ma mataitu le Polenesia, po o a
polofiti e maua mai ai. E le i maua lava se polofiti, ma
ia sei mataitu faiga o le Malae Vaalele lenei pe faapei le
tele, ona fuafua lea i ai o se vaalele e aumai mulimuli.
Nei tei ua aumai foi lenei vaalele, fia miliona, a e toe
mulimuli ane ua toe aumai foi se isi vaalele po o le
„Boeing 747‟ po o se „DC10‟ ona o lea o le a mafai ona
tulaueleele ai vaalele tetele ia.
O le mea la lea ou te talosaga atu ai, taatia lea vaalele o
le Polenesia a e ia fausia ia lelei le tatou Malae Vaalele,
ia faateleina ni o tatou uafu, ina ia mafai e vaa tetele ia e
aumai ai tagata tafafao mai fafo i totonu o le atunuu.
Silasila i Fiti, e le misi le aso ma vaa tetele e lua i le tolu,
aua foi o la e lelei le uafu ma e mafai ona fia omai ai
tagata. Ua atili ai le tele o tupe e maua ai e lea atunuu.
Ma o le mea lea ou te talosaga atu ai, ia fai se fuafuaga a
le Malo. E leai se fuafuaga a le Malo o i ai nei i le Tala
Faatatau o le Tupe i nei mea e tolu ua ou tau atu; e leai
se fuafuaga i le uafu mo tagata tafafao mai i totonu o le
atunuu e maua mai ai a tatou tupe.
O le isi manatu faaopoopo i lenei mataupu, o tagata
tafafao mai, e ala ona fia omai ona e i ai se mea e fia
vaai ma matamata i ai; pe o i ai la se mea e ala ai ona fia
omai i Samoa? O le mea muamua, o le tatou aganuu o lo
o fia matamata i ai tagata, ma le aulelei ma le matagofie
o le fogaeleele o Samoa. Lona lua, o Amerika i le mea
lea o „Disney Land‟ e matua tele i ai tagata maimoa. Ou
te le faapea atu la e fai se „Disney Land‟ i inei i Samoa, a
o se mea e tai foliga faapea e pei o le nofoaga o lo o i
Hawaii i Laie, o lo o lolofi i ai tagata tafafao e maimoa i
mea faaPolenesia e i ai uma Fiti, Samoa, Toga ma isi
atunuu o le Pasefika.
Sa taua foi e se isi Sui se Kasino. O le mea manaia, a
ia tausia faalelei. E talitonu lou mafaufau, o mea uma ia
faapenei, e faatosina mai ai tagata tafafao i totonu o lo
tatou atunuu ma manuia ai, aua o lenei e oi ma pagatia i
nonoga tupe ona o le le lava o le tupe.
Ou te fia fesoasoani foi mea ia tau galuega taulima a le
atunuu. Silasila i Toga i le tausaga na tea nei, na maua ai
le $2 miliona i galuega taulima. E le o i ai foi se
fuafuaga a le Malo i lea mataupu o mea taulima uma e
gaosia i Samoa, ato lalaga, le fale fai siapo, ietoga, ta
faatagata, suisui, ula sisi ma mea faapena – ia matua
atiina aeina e le Malo. Ou te matua lagolagoina se
fuafuaga a le Malo ina ia atiae mea taulima a Samoa. O
le isi mea e sili ai, a sau nei si toeaina po o se loomatua
mai nuu i tua ma sana mea faaSamoa, e maua lana tupe i
le taimi lena. E tuu atu loa le tanoa ua uma ona ta mai,
fia le tau, $20, ona avatu ai lava lea i le taimi lena. O lo
o toe alu lava le tupe i o tatou tagata. Ou te talosagaina
lau Afioga a le Fofoga Fetalai o lenei Maota, ia fai se
tatou fuafuaga i le Faletalimalo, ia faateleina aua a tele
faletalimalo ua tele foi le fia omai o tagata e tafafao mai.
O le mataupu mulimuli la ou te fia fesoasoani ai i le
tatou Malo, ou te fia talosagaina le solia ese o le
Faleoloa o le Ofisa o Tupe, a ia maua se avanoa e ota sao
ai mea a Matagaluega taitasi. Ia maua se avanoa e fausia
ai se isi Faalapotopotoga, pe tuu uma i ai ia e o lo o i ai
nei i le faleoloa o le Ofisa o Tupe i lea Matagaluega fou
ina ia mafai ona maua ai se atiina ae i mea ia tau Komisi.
A silasila le mamalu o lau Afioga ma lenei Palemene i le
tele o mea nei e lau mai fafo, e i ai vaalele po o vaa, soo
se mea, po o afi eletise ia e maua mai ai komisi. Silasila
i le tele o tupe a le atunuu o lo o i taga a isi papalagi i o.
O lo o i ai sui sooupu mautru ma le Ofisa o Galuega a
Niu Sila o lo o fai ma sooupu o Samoa. Ua tele komisi,
ua avatu e le Malo ota i fafo, Matagaluega eseese, e i ai
le Falemai, Eleele ma Fuagafanua ma Ofisa eseese uma
o le Malo, o lea e ave e sui sooupu mautuia. O le mea la
lea ou te fia talosagaina le faavaeina o le Matagaluega
fou lea e i ai le Faleoloa o le Ofisa o Tupe ma a iai se
Matagaluega po o se Ofisa e fia manaomia se masini po
o se mea faapena, a ua uma ona tapena uma e le
matagaluega fou lea a le Malo se mea e maua mai ai le
tau faapea foi ma le Komisi. O le a foia ai foi le
faafitauli o lo o tupu nei i Matagaluega a le Malo, avatu
isi ota, taatia ai lava ma tuai ai ona faagaioi. Ma ou te
fia talosagaina ai ia avea lea matagaluega ma i latou o e
o suesue mau kamupani autu po o kamupani i fafo ina ia
maua ai e le Malo Komisi nai lo le alu i taga a se tasi
tagata e toatasi.
Atonu foi ua vela le fala, ma ou te faafetai atu ai ile
onosai foi i le mamalu o alii faipule, a e o le mataupu
lava lenei o lo o fai pea ma ou vaai i ai ma le faanoanoa,
o se mataupu sa aliali mai atonu o le faaiuga o le tausaga
po o le amataga o el tausaga fou. O le mataupu jlenei e
pei ona faasalalauina o le „Au Sapioni‟. Ona o au foi o
se tasi o le Ekalesia o lo o taua ai le ioga, ou te mauta fia
maua ai se faamalamalamaga mai le Afioga i le alii
Palemia o uiga i le mataupu lenei. O lo o aafia ai nisi o
Saunoaga Faataupou a Sui Usufono 1961-2011
Sui mamalu o tamalii, ma failauga o le atunuu lenei,
aemaise lava o lo o aafia ai mea faale lotu. O lea ou te
talosagaina ai, ia tuu mai se faamaninoga i totonu o le
mataupu lenei po o fea tonu o i ai, ma ou te iloa o lo o
atugalu foi i ai le tele o le atunuu.
E faauma atu la faapea ma lau faaupuga lau Afioga, sa i
ai se polepole o lou mafaufau i taimi ina ua ou faipule
mai i le tauvaga i le tofi Palemia. O le mea la lea ou te
talosagaina ai nei le Maota ia silasila totoa i faiga faafafo
ia o le a fai mai i totonu o le atunuu lenei. E tele nisi
faasalalauga e pei ona silafia e nisi o Sui a Faipule, ua le
mafai ona faasalalau a latou faitioga, ua fai a latou pepa
ma faasalalau, faitau ai le tele o le atunuu. Ua ta fia
talosagaina ai nei faiga faafafo o le a oo mai i totonu o le
atunuu aua e i ai se faalavelave e ono tupu mai ai le
lumanai. Ona o lea pei ua aliali mai ua amata ona
vevala, ou te talosaga atu ai e silasila totoa lava le tatou
atunuu aemaise le Malo i faiga faatosina faapenei, a ia
puipuiina ma faatumauina pea le aganuu o le faaSamoa i
le mamalu o lenei atunuu. Ia soifua.
Afioga MAPUILESUA PELENATO
Itumalo Faaalaalafaga:
Palauli-le-Falefa
Filifilia:
9 Mati 1979
Faatauto:
28 Mati 1979
Lauga Faataupou:
11 & 12 Tesema 1979
Lau Afioga i le Fofoga o
le Fono ma le mamalu o le
Palemene, e muamua ona
ou faafetai atu i lo‟u Itumalo ma lo latou talitonuga mo
a‟u. Ua latou le masalosalo e pei o Toma, ae ua latou
talitonu o a‟u e ao ona avea ma o latou sui i lenei
Palemene mamalu. Tapuai mai a‟o le a ou faaooina o
outou finagalo e pei ona outou fautuaina ai a‟u i ni
manatu e tuuina atu i le Palemia, le Kapeneta ma le
mamalu o le Palemene.
O Samoa ua uma ona tafa‟ifā, tafa‟itia, tafa‟i-aofia,
tafa‟i-tofi ma ua uma foi ona fai lona Faavae. O le
Faavae lea, Aiga o Tupu, Aiga o Nofo, Aiga na Ee i ai
Pāpā, Tama ma o latou Aiga ma Aiga ma a latou Tama.
Ua uma foi ona vavae le Usoga a Tumua i le va fetalaiga
ia Tumua ma Pule, le va tootoo o le Aufueloloa o
Samoa, ae tainane foi le faafofogaaga ia Sua ma
Vaifanua, Fofo ma Aitulagi, Saole ma Saleaaumua,
Tama a le Manu‟a ma Tootoo o le Faleula. O le auivi lea
o Samoa ma ona upu taoto.
Lau Afioga i le Fofoga o le Fono, o le a ou le toe fanua
vaetali i le tau pe ou te toe suaotoina le upega o le Tuifiti
aua ua lupepe le taumanuula e pei o le fetalaiga ia Tooa
ma Fitiilagipupula. Ua faaali foi atu o le taeao ma ua
maea ona totō le niu o le tuaoi.
Lau Afioga i le Palemia, e le o afio mai le Palemia i
ona seetaga e masani ai, talosia lona gasegase ma lona
lagi faatafa ia toe foi mai i lo tatou Maota lenei. Le
mamalu i le Kapeneta, o a‟u lea e tau fuafua pe fai atu
so‟u manatu pe leai, ona e fai foi o le fia fai atu o se
fesoasoani, ae ua alofa atu foi. E popole foi lo‟u manatu
aua a ou tepa atu i le Laulau lea e tau atu i le isi pito le
la, ia o a‟u uo mamae uma lava Alii Minisita. E ui i lea,
poo le uo poo le tatou mafutaga masani, ae malie maia.
Ua ou manatu i le talosaga a Maria na fai i lona Alo
Pele, poo le vavega muamua ea lea a lo tatou Faaola ina
ua le lava le uaina. O le tali a Iesu, “O le a le mea ua fai
mai ai lenei mea ia te a‟u ae e le‟i oo i lo‟u ituaso”? E ui
la ina lagona e Iesu e le‟i oo i lona taimi, ae sa taliaina le
talosaga a Maria ona o lona alofa i le faaipoipoga lea o le
a mataga - o la‟u faatusa laitiiti lea.
Ia tapuai mai la ma see mai i o outou seetaga, ae se‟i fai
atu so‟u manatu e fesoasoani atu ai pe aoga pe le aoga,
a‟o le a lafo atu ia i lumamea atonu e tau ane ai i se isi
vaimea. Ou te ta‟u atu, o lea ua ou toesea le 60% o mea
ou te manao e faaali atu, ma o lea ua tuuese i le pito lea,
ae tusa na o le 40% lea o le a ou laulau atu. Ia alofagia ia
utauta i ai le tofa loloto ma se faautaga saili, ia outou
alofagia e avatu lava moomooga o le matou Itumalo
faatasi ai ma la‟u faamaulaloga ia alofagia ia amanaia
mai lo matou manatu.
Ou te fia tautala i le Ofisa o le Loia Sili. Se ou te fai atu
o le Loia Sili lea o le Loia a le Malo, o le Loia a le
Atunuu atoa. Ua taua foi e nisi sui usufono le aafia pea i
Komiti. Ou te talitonu i ai aua ua uma ona ou suesueina.
Ou te le malamalama i le mea ua faatulai soo ai le Loia
Sili lenei i Komiti, ae o lea ou te talitonu ma o lea foi e i
le Maota lenei isi Loia. Ua tele foi ia matata ua manuia
ai le aoaoina o alo o le Atunuu. O la‟u fesili pe le o i ai
nisi Loia Samoa o i ai nei e agavaa e tuu i Komiti pe afai
e ala ona tuu i ai le Loia Sili ona o lona agavaa? O la‟u
fesili lea faamolemole e fia manino i ai i se taimi. O lo‟u
talitonuga e tutusa lava ma isi sui usufono, ou te matua
talitonu e tatau ona tutoatasi. Ou te le toe tolaulau atu le
mea e ala ai ona tutoatasi aua o ia lea e vaaia uma a tatou
Tulafono, ma o ia o le sui o le Malo i taualumaga faafaamasinoga pe a fai.
Ona ou oo atu lea i le Ofisa o Faatoaga. O la‟u uo pele
lava lea e i ai o Seumanu. Ou te le tuuaiina le
Matagaluega lenei i lau Tofa poo lau Afioga i le
Minisita, ae tasi lava le vaaiga lautele lea ou te vaai i ai.
Talu lava ona ou i inei i Samoa ma ou alu atu i fafo ma
ou faalogologo mai, ua ou toe oo mai o le tulaga lava lea
o lea e tu ai le Ofisa o Faatoaga e oo mai i le asō. Ua
toeitiiti atoa le 200 atina‟e ia e i totonu o le Ofisa lenei,
ae leai lava se mea o tino lelei mai. Ou te le malamalama
la pe aisea. O lea ou te talosaga atu ai ia te oe lo‟u uso
pele, se‟i e silasila totoa ane lava i lea itu. E le aoga le
tele o manuia ae le faia, se‟i sui se isi faavae poo se isi
polokalame e tau aliali mai ai se atina‟e o lo‟o faatino.
Ou te masalo e te tali mai nei lava i nisi atina‟e ua i ai, ae
atonu e sa‟o a‟o lea o le a ou faamaoti atu sina manatu
laitiiti.
O le Ofisa o Faatoaga na o i ina lava e maua ai le mea
lea e ta‟u o le tupe moni a le Atunuu, aua e i ai tupe
Saunoaga Faataupou a Sui Usufono 1961-2011
pepelo se‟i oo i se taimi ona ta‟u atu lea, o mea e ta‟u o
tupe moni o tupe e maua mai le tamaoaiga o le Atunuu.
O i ina e iloa ai le tamaoaiga o tatou. O le mea lea e tu
mai i lo‟u manatu, o Atunuu i fafo e taofia le atinae i
totonu o le Ofisa lea, ona e leai ni eleele, ae silasila foi,
ou te matua ta‟u atu lava ua toeitiiti leai se Samoa e leai
se eleele e fai ai se atinae. O la‟u la faafesili lena ua oo
mai, pe aisea la ua taofia ai?
Ma le isi, o fua o faatoaga i fafo. Se‟i faamalamalama
mai lava e lau Afioga i le Minisita, poo le a le mea ua
tupu soo ai le mea lea? A tele talo ma fa‟i ua leai ni
maketi i fafo. Ua te‟i lava ua o atu i tai i le Ofisa ae fai
mai e leai ua lava au pusa talo e lua, leaga ua tumu le
tatou avanoa lea na aumai, ae a leai ni fa‟i ma ni talo, ua
o mai tauanau mai tagata e avatu ni pusa talo ma ni pusa
fa‟i. O ai la le faifaatoaga valea, vaeatu lava, ta‟u ia o
a‟u, o le a ou alu ai e fai la‟u faatoaga ia tele. Aua a fai
foi le faatoaga ua tele, ae tuu atu i le Ofisa mo se maketi
ae fai mai e leai se mea e ave i ai? E faapefea ona fuafua
nei tulaga? Ua fai pea, fai pea lava lea masani. A ua
maua ni maketi i fafo, ae a pe a taofiofi le avanoa i le
taimi lea e mau ai Samoa. O la‟u tautalaga lea i lea
tulaga, ia tautuana ma oe le Minisita, ou te talitonu lava
o oe e te talavou ma e talavou foi lou finagalo, ia alu
televave i luma lea Matagaluega aua se tupe moni a le
tatou Atunuu ina ia maua mai fesoasoani i fefaatauaiga
ma atunuu i fafo, aua ua toeitiiti ona toe foi lea o
faaeleeleaga i lalo i le palapala.
O le Ofisa o Falemai poo le Ofisa lea o le Soifua
Maloloina. O le lelei o le Atunuu lenei ma le vaaiga
mamao aua o tatou uso mai fafo, aemaise foi o lea e
taumafai mai le tatou atina‟e mai fafo. O le tulaga e uiga,
vaeatu le paia o le Maota, i fale mamao. O le a le mea ua
le fuafua ai e lau Afioga, se‟i taumafai e fesoasoani i le
tau o ia fale ina ia faamalosia alaalafaga i tua e taumafai
le atinae lea. E oo mai nei lava, o lea lava ou te vaai e
faaleagaina lava le tatou sami i ia tulaga ona o fale ia i
luga o le sami. Faamolemole lava, e mamafa tele ia te
a‟u lea tulaga, aua e o atu le Atunuu ma faamalu i le
sami i nisi vaitaimi, a‟o lena e tutu ai fale nei i luga o le
sami.
O Alii Fomai: ae a pe a malie lau Afioga i le Minisita
fou, se‟i e taumafai e fo‟ia lenei faafitauli? Ua tai leai a
se sui usufono e le lauga mai i lenei mea, a‟o lea foi ua
ou toe lauga atu ai a‟u ona o le tumu o a‟u i le lē malie i
lea tulaga. O fea a tatou sikolasipi na auina i fafo? O le
polokalame lea o sikolasipi lea ua tatau ona maua mai ai
ni Fomai se tele. Se‟i e faamalamalama mai poo le a le
tulaga ua i ai? Ou te talitonu afai o le faafitauli lea o le
Atunuu atoa, ou te masalo e le po valea foi le Komiti o
Sikolasipi latou e faasili ni alo o le Atunuu e avatu i lea
matata o loo afaina ai le Atunuu. O le a le fuafuaga a le
Ofisa o le Falemai ma le Komiti o Sikolasipi lea? E le‟i
aumaia ea sa outou fautuaga ia faasili atu ni alo o le
Atunuu, aua lenei mea o loo tagi mai ai pea le Atunuu i
ia tulaga? Ou te le ta‟u atu, a‟o le matou Itumalo na i ai
le fomai i le isi vaitaimi, ae le‟i atoa ea se fia aso ae
mou, e oo mai nei lava o la e mou lava. O le a faapefea
la? Ou te le iloa la aua ana ou fomai ou te fai atu, e tuu
lo‟u faipule ae ou alu ou te fomai ai e fesoasoani i le
matou Itumalo. Ia e alofa, o lea o le a ou alu nei e
taumafai le matou Itumalo ina ia fai se matou falemai ia
lelei, atonu poo le tulaga lea e ala ai ona le avatua se
fomai. Ae faamolemole a uma ona fau le falemai lea, o
lea ua ou talosaga atu nei i la‟u lauga faalauaitele, aumai
ni nai fomai ua lava se tolu, aua le sana aumaia nei te‟i
ua tumu. Ia faafetai lava i lau Afioga i le Fofoga Fetalai.
O le Ofisa o Aoga: e i ai le mea ou te le talitonu ai, ae
ou te masalo lava o malamalama i ai nisi. Ou te talitonu
e le o malamalama ai isi o le Atunuu, poo malamalama
ai le Palemene, ae le o malamalama ai foi i latou i tua. O
le aoga maualalo lea i Malifa, se faamolemole o a‟u ou
te le fiafia i le igoa o le aoga lea. Sa tatau ona faapea
aoga a le Malo i Apia. O mafuaaga nei, se‟i
faamalamalama mai lava e lau Afioga i le Minisita poo
le a le mea ua fau ai e le Malo le aoga lea i ona faleaoga,
pe ave fua le mea ua fau ai e le Malo le aoga lea i ona
faleaoga, ia pe ave fua ai foi mea aoga? Ou te le o
mautinoa lelei ae ou te masalosalo o lena e fau fua
faleaoga e le Malo, ae e le pei o aoga ia i tua e fau lava e
Itumalo o latou faleaoga. Se‟i faamalamalama mai lava,
aua o le aoga lea e na o Apia e i ai. E moni lava o la e
sue mai tamaiti i tua, ae ou te talitonu o loo mátele lava i
nofoaga o le taulaga. Na oo i se isi vaitaimi e le‟i taliaina
matou mai tua, e omai i le aoga lea ae fai mai e o pea i
tua leaga o le aoga a Apia, o lea la ou te fia malamalama
ai po‟o faapefea ona faagaoioi lenei aoga.
Ma le isi la autu tele lea ua oo mai, atonu e i ai lava sau
tali lelei e tuu mai ou te talitonu i ai aua ou te lagona e
leiloa poo le a faapefea ona e tali mai i ai. O le mea lea e
uiga i le faaleleia o le aoga lava lea. Ma ou te ta‟u atu,
leaga ou te le iloa le faa-Samoa, e le o faavasegaina e lau
Afioga le ave o le ogaumu uila. Vaai e oo i le ogaumu e
fai ai kuka ua ave i le aoga lea. E a pe a e malie ua lava
ia na mea ua ave i ai, a‟o le a saga fau lava lea aoga e
tasi ae a faapefea la aoga i tua e tutusa lelei lava ma le
aoga lea? O lea ua tagi mai i le ogaumu, ua ou iloa o se
isi aso e tagi mai ai i se helikopa. Ia, ma ou te ta‟u atu o
na polokalame uma, na soifua mai lava le tamaitiiti
Samoa iloa fai le suavai aua e le tau aoaoina na mea. O
loo i ai loomatutua e a‟oina na tulaga, ae tuu ia na mea o
lea e tau le lava tupe a lo tatou Malo.
O le Ofisa o Galuega: lau Afioga i le Minisita, o le isi
foi lea a‟u uo. Se‟i e silasila lava i le faamatalaga lea sa
musumusu mai ai nei le isi uso lea e i le pepa lea? O
uaea nei ua taua nei ua $60,000 le tupe lena e maua mai
ai ae ua susunu e le Ofisa lea o le Malosi Tau Eletise. O
le umi o ia uaea pe a toso e tusa ma le 15 maila. O uaea
ia aua o a‟u ou te le fai uila, ae ou te talitonu o uaea
apamemea o kopa faaaoga i galuega a le Malosi FaaEletise. O lona uiga e i ai lava le mea e aoga i ai uaea ia
e uaea ai nisi mea e mama ai le alu a le eletise, pe afai ua
le aoga i le mea lea e maualuga ai le paoa. Se‟i e
faamalamalama mai la poo a uaea ia ua sunui e le aualii
papalagi ia e tumu i le Malosi Faa-Eletise faamolemole
lava lau Afioga i le Minisita?
Saunoaga Faataupou a Sui Usufono 1961-2011
O polokalame e le lelei le fuafuaina, se‟i e
faamalamalama mai, ae poo le a foi le mea a lau Afioga
o le a fai nei i le matou Itumalo ma lena itu atoa? Le
polokalame foi lea na fuafua e faata na o aai ona faatoa
faagaoioi mulimuli ai lea o vai vao. O lea la ua toe alu
atu nei le isi polokalame fou lea o le faata faasolo atoa o
Savaii, ae le‟i taina lava le matou aai i le matou nuu. Poo
le mea la e amata mai isi nuu, ae ai ona o le lē taulia o le
Itumalo lea ou te sau ai. O lea la ua feita nei toeaiina ma
fai mai ia te a‟u, “O lea lava ua toe oo mai le isi
polokalame ae e le‟i taunuu lava isi fuafuaga muamua a
le Ofisa o Galuega i le faataina o aai poo alaalafaga o loo
nofo mau ai le mamalu o le Atunuu? O lona uiga ina ne‟i
ou sese, o polokalame nei e le‟i fuafua leleiina?
Ou te fia tautala i le auala lea i Savaii. E le mamafa la‟u
tautalaga aua ua ou fiafia ua fai le auala, ae se‟i silasila
lau Afioga i le Minisita, e pei lava ua fai sina tuai tele. O
le mea lava le la na i ai le auala i le vaiaso i tua atu ma
lea masina, o la lava e migoigoi ai, e pei e le o gaoioi le
faiga o le auala faamolemole lava. Afai e le o gaoioi le
faiga o le auala a‟o le tupe a le Malo lea e afaina. E le
faapea o nofo ona nofo ai lea o le tupe aua o lea e alu le
tupe ae nofo le galuega. Faamolemole se‟i e silasila
toto‟a ane i ai i lena tulaga.
O le isi tulaga ou te le ma e ta‟u atu e uiga i le Ofisa o
Galuega, ona o le isi lea o Ofisa ua malosi tele le soona
faaalu o tupe lea e atugalu i ai sui usufono. Ua ou taua le
tulaga lea ona e afaina ai le papalagi lea na aumai tonu
lava e pulea le faafoeina o tupe, lea e taua o le Pule o
mea tau tupe ona ua galo ia te a‟u le suafa o le papalagi
lea. Se‟i faamolemole lau Afioga i le Minisita, ne‟i te‟i
ua ou fia poto, a‟o se manatu e tuusa‟o, o fea se papalagi
ua ova nei i le tausaga ae na sau tonu lava i lana
matafaioi lea o le Pulea o Tupe, ae oo mai i le asō ma le
aso na ma talanoa ai e le iloa lana mea e tatau ona iloa
muamua? O lea e alaala mai le mamalu o le Maota lenei
na faigaluega i le Ofisa o Tupe. O le mea e muamua iloa
e le Suetusi poo le Tausitusi, o le muamua iloa ona fai
lana faatonuga i le Ofisa o Tupe. O lea ou te matua
tautino atu aua o ia lava na tautala mai e le iloa, e le iloa
e le papalagi lea, Seuamuli. Ou te le iloa la pe faapefae
ona fai lana galuega ae ua ova i le tausaga talu ona
faigaluega.
O le isi mea, e fesili atu i ai e uiga i le Komiti
Faufautua ae na te le iloa foi. Vaai i le Komiti Faufautua
i le Matagaluega e le iloa e le alii lea? O lona uiga e le‟i
feiloai lava le alii papalagi lea ma le Komiti. O fea la se
mea e sau e taumafai le Matagaluega lea i mea tau tupe,
ae le iloa le Komiti e Faufautua i le Matagaluega? Ia ma
o lea ua ou fai atu, o le papalagi e le iloa faigaluega, ina
ne‟i te‟i ua poto le palagi ia te a‟u, a‟o lea e le iloa. Na
ma talanoa ma ou fesilisili i ai ma o la‟u faaiuga toatasi
lena. O lea la ua ou talosagaina lau Afioga ona o le
puipuiga o le Matagaluega lena, aemaise foi o tupe alu a
le Malo lea o loo sili pea i lau Matagaluega. E sili ona e
toe talosaga i le Komisi e Pulea Tagata Faigaluega a le
Malo e aumai se sui o le tamaloa lea, ae vaavaai lelei le
taimi e alu ese ai, aua ou te vaai atu e fai atu a‟u
faamatalaga ae ataata, e lē kea. O lona uiga e le kea foi i
lana galuega ma mea ia e fai i ai. Ou te le ta‟uina atu a‟u
faamatalaga na fai i ai ona e fai sina mamafa. E sili ona
aveese ae vaai i toe alu ma ave nisi tupe. Ina ne‟i ou
sese, ae ou te faalogo e faale-lelei lona talaaga mai le
mea na i ai. Faamolemole lava ne‟i ou sese, a‟o
faamatalaga ia na ou mauaina, ua tatau ona saili poo fea
e sau ai lea tamaloa a‟o fea foi sa faigaluega ai.
O le matou suavai: e leai, ou te le fai atu ona faapea ou
te fia tautala i se mea e le o i ai. Malie e i ai le vaega o le
matou nuu e le o inu e oo mai i le asō ma ua uma foi ona
faatoai atu la‟u talosaga i lo outou Ofisa, a‟o lea na ta
fetaui latalata mai nei lava i fafo, e te le‟i silafiaina. O le
a faapefea nei la ona amanaia le talosaga a lo‟u Itumalo
pe afai o lena e te le‟i silafiaina Seuamuli faamolemole
lava? E le o inu le tele o le matou nuu ma e le o
taumamafa alii o le matou nuu, a‟o lea e matau atu ua
tau galo ia te oe, ae se‟i e aumai lava faamolemole se
faamatalaga i le suesuega lea sa fai i le vai lea i gauta o
Sili. Ua ova nei i le tolu tausaga, ae le tasi foi se
suesuega na fai Seuamuli; ua ou iloa ua ova atu lava le
tele. Ua na ona aumai e papalagi ma faapea mai, o le vai
lea e taumamafa uma ai Savaii. Atonu e aoga foi lo‟u
taumafai atu i le matou Itumalo, e aoga i nisi alaalafaga
ia e leai ni vai. Ou te lagona foi e fiafia i ai nisi nuu o loo
latalata ane ia matou. Fai mai le lipoti o le vai lea e i Sili
e mafai ona taumamafa uma ai Savaii. Se‟i faamolemole
aumai ma sau lipoti pe lelei le vai lea mo se uila ona e
pei ua le lava foi tutu moli ia e alu i le karasini, ma o lea
foi e leai ni karasini ma ni penisini, a‟o le uila, ia taugata
pea ia a‟o le mea sili o loo i ai le mea e mumu ai.
O le a ou oo atu i le Ofisa o Tupe. E sili ona ou ta‟u
tamaina Vaovasamanaia aua ou te faaaloalo tele i ai. E
tele lava mea ou te fia fai atu ai, ae se‟i tau ia na o taua.
O mea ia o lea ou te manao ai nei, o le tupe foi lea e
aumai nei i le Tulafono Tau Faaofi o le Faatatauina o
Tupe. E moni e le‟i talanoaina, ae ese lo‟u manatu i ai i
le mea lea. O le $61,457.29 le tupe lea e ta‟u o le tupe
leiloa. Silasila foi lau Afioga i le aafia tele e oo lava i nai
toeaiina, e le malamalama i le igilisi. E sau loa lava le
faaupuga lea, tupe leiloa aafia loa. E aafia la a‟u ae ese le
mea e aafia tele ai lo‟u manatu. O le mea e aafia tele ai
a‟u o le faaupuga lea, ma e sau lava i lo outou Ofisa le
fai mai e leai se isi e tuuaiina ai. Vaovasamanaia, o lea o
le a ou tautala atu lava a‟u i mea na ou faigaluega ai ma
lo‟u iloa, pe a ou valea ua ou malie foi i ai. E leai lava se
mea e ta‟u o se tupe leiloa ae le aafia ai se tagata, e leai.
Fai mai o tupe ia ua fetusia‟i ai lo outou Ofisa ma
Matagaluega, ua feeuna‟i solo e le isi i le tasi, ua leiloa
nei la poo ai e ona le leiloa lea. Ou te talosaga atu lava
ona o a‟u ia ou te le fia vaai lava i lea ituaiga tupe
faapea, ae fai foi sina maoae, e $61,000 e le se tamai
mea. O tupe e masani ona leiloa i Tutuila e na o sene ma
ta‟i 5 sene e faapogai mai i le eseesega o le galueaiina o
fuainumera. A i ai la, e i ai lona faamatalaga ma le tagata
e tatau ona ave i le Fale Faamasino poo luma o le
Minisita o lana Matagaluega, ae leai se mea faapea, o le
leai o se isi e aafia i se tupe faapea.
Saunoaga Faataupou a Sui Usufono 1961-2011
O le NPF: ua ou ofo i le faamatalaga lea e faapea o la e
teena e le Suetusi Sili le lipoti a le NPF. Se‟i
faamalamalama mai pe ua teena aisea? Ua ou tagi atu foi
la ona e i ai la‟u fesili e fia faaoo atu i totonu o le Maota
faamolemole. Ua ou le maua le faa-Samoa o le mea lea
na ou fesili atu ai ia Pule, ae e tau le iloa foi e ia le mea
lea o le paoa o le Minisita o Tupe e fesuia‟i ai tupe ia ua
pasia atu i totonu o le Maota lenei. Malie lo‟u tama o
Vaovasamanaia, se‟i faamalamalama mai.
A foi lea ua amata ona ou tau faamalamalama atu, ou te
le iloa le faamalamalamaga ae ou te le iloa le faa-Samoa
o le upu lea e tasi e aafia ai. O le paoa lea e tuu atu i lau
Afioga Vaovasamanaia e fesuia‟i ai vaegatupe ua
faatagaina pe a ua silia se tupe e faaaoga e se
Matagaluega i se Mea Taitasi. Se‟i ou fesili atu lava, o le
a le fautuaga o e faia e faamaonia ai pe faavae ai le
fetuunaiga o tupe e le Ofisa o Tupe? Ua ou suesue i lau
galuega ona e aafia a‟u i le isi manatu lea, ona e tatau
ona faaeteete le soona faaaoga o le paoa lea. Silasila foi i
le mea e ala ai ona faaeteete? E o mai Matagaluega ma
la‟u mai i le Maota le tele o vaegatupe, ae nana isi
vaegatupe e faaagaaga e faaaoga mulimuli i isi mea ona
ua sili tupe faaalu. O lona uiga o se isi
faamalamalamaga, ua leai la se aoga na pasia ai lenei
vaegatupe ma ua leai foi se aoga o le mea e ta‟u o le Tala
Faatatau o le Tupe, aua ua le puipuia le aano na pasia ai
le faaaogaina o tupe. O le auala tonu lava lea ua aafia ai
a‟u i le faaaoga o le paoa lea o lau Afioga i le Minisita.
Ou te talitonu lava, o loo lelei ona faafoeina e lau Afioga
lea matata, ae toe fautua atu ia e alofa toe suesue lelei
Matagaluega, pe na aumai tonu i le aso lea na pasia ai
lea vaegatupe tele ua fuafuaina aua e na ona faaleoleo ae
le faaaogaina. Tatou te iloa uma lava fai na mea o le
aumai o isi mea faatumu ai isi mea.
Faafetai lava, faapea lava a‟u e leai so‟u uso o i inei,
a‟o lea o o‟u uso uma lava nei. Faafetai lava i le mamalu
o le Maota faapea lau Afioga i le Fofoga Fetalai. Ou te
fautua atu i le Afioga ia Vaovasamanaia, e leai, o fale
nei o le tatou Palemene e i inei. Ia tautuana ma oe aua o
le isi lea mea e aafia ai ona e faapea o lau Susuga o le
Loia, ae ua e tauaaoina foi mea tau tupe a le tatou
Atunuu. Tautuana ma oe ia lelei ona faafoe aua e afaina
ai lau Afioga, a‟o ta‟ua foi e so‟o tulutulu o ta Itumalo.
Ou te le fia vaai ma faalogo atu o tautalagia lau Afioga i
lea tulaga.
O totogi o tagata faigaluega, ou te le fai atu e fia lauga
nisi sui usufono ona o le fia lelei atu i tua i tagata
faigaluega a le Malo poo mea faapena, e leai, e sa ia te
a‟u. O a‟u e ese lo‟u lagona i totogi o tagata faigaluega a
le Malo. O le mea moni lava e maualalo, ae tele ina
fesiligia pea. O le fesili muamua lava e tulai mai, pe i ai
se tupe? Ona i ai loa lea o le manatu ia te a‟u talu ai sa
gata la‟u faigaluega i le Malo i le tausaga 1972, o lea la
ua ou toe oo mai nei i se vaitaimi, ae ou te le‟i tilotilo i le
mea lea. O lea faato‟a ou tilotilo nei i ai ma ou te le iloa
poo anafea na sii ai totogi o tagata faigaluega a le Malo.
E i ai totogi ia e i totonu o le Malo ua ova i le 100% mai
le 1972. Ou te le malamalama la, poo a totogi ia e ta‟u
mai i inei, a‟o a‟u ou te manao e sii totogi, ae ia sii
faapea aua le toe siia totogi o le aualii ia ua 100% le sii.
Ou te le fai atu o lena ua silafia e le Komiti lea e
suesueina totogi ma le Komisi e Pulea Tagata Faigaluega
a le Malo, ae taumafai e sii le vaega lea e maualalo
totogi ina ia tau aumai i lalo e faafeagai ma luga. O la‟u
lena fautuaga ona e pei e le talafeagai le aumai uma o le
30% lea, ona ailoga e lava se tatou tupe e fai ai lea
tulaga. Atonu ua lelei le 15% e tau aumai ai i lalo agai i
luga totogi ia e pule ai le Komisi e Pulea Tagata
Faigaluega a le Malo.
O mea ia o inisiua o taavale, ou te le iloa e aua e le‟i
laga e se sui usufono, ae o inisiua foi ia e ta‟u o noataga.
O le mea lea e i ai nei le tatou Atunuu, vaeatu le mamalu
o le Palemene, a so‟a lava e le isi le taavale a le isi ae alu
ia i le atoa, e le kea mai. A‟o le a faapefea le tagata lenei
na fuafua lelei ma manumanu i lana taavale? Ua alu i le
atoa ona e leai se inisiua o lana taavale, ma e le popole la
i ai. O lea la ou te talosaga atu ai, ae a pe a pasia se
Tulafono Tau Inisiua poo se mea faapena e puipui ai
tulaga noatia o le taavale a le isi lea na lavea ia te oe, ae
faitalia ia oe ma lau taavale pe toe fai pe tia‟i, ae ia e
popole i le isi ou uso, le tagata lena e manumanu i lana
taavale? E faaono puipuia ai foi le tulaga lea i le isi
tagata i le tausiga o le filemu aua atonu e le toe i ai se
mea lea o le fasi o le ave taavale. O le a mafaufau ane foi
faapea tagata, o lea e i ai le inisiua lea e puipui ai le
soifua o le tagata lea poo le taavale lea ua faaleaogaina.
E le o auai mai le Palemia, ae o lea ou te tautala i le
Minisita o loo gafa ma le Ofisa o Leoleo. O le mataupu i
apa fou e tusi ai numera o taavale, ua aumai nei le suiga
o laisene o apa fou. Ua totogi e tagata lautele, ae ua uma
foi ona totogi le apa o le numera tuai. Sa ou faapea a‟u e
sau ai pea i le mea lea, ae poo ai na mafua ai le suiga o le
faiga lenei. Sa tatau lava ona totogi e le Matagaluega, ae
aua le suia mea faapea ma aumai e totogi e le Atunuu, ae
aumai se faamalamalamaga pe na sui la i le a, ae poo ua
le totogia e a e le Matagaluega?
O vaa ia o lo‟o femalagaai i Savaii, ou te ofo lau
Afioga Asi o loo faafeagai ma lea tulaga. O le a avatu
pea la‟u tautalaga poo ai le Minisita e fitoi tonu i ai lea
vaega. Ua faafetai lava mo vaa, ou te matua faafetai lava
a‟u ia aua o aso ia, o le vaa Niue na taualo mai ai a‟u e
lo‟u tama i le aoga. O lenei ua i ai vaa, ae e i ai la le mea
lea ua faafitauli poo le auala o le aumaiga o vaa. Silasila
i le Salamasina, ou te fia maua se faamatalaga pe aisea,
pe na faapefea ona aumai le Salamasina ae le ofi i
Mulifanua ma Salelologa? Ou te le fai atu e valea lea
fuafuaga, leaga e pei e le mamalu, ae sili ona ou faapea
atu ua pa‟ū tele lea fuafuaga. Silasila i le pa‟ū o ia
fuafuaga, e iloa foi e i matou i tua ona fai fuafuaga e
maua ai le mea lea e ta‟ua o le loloto e talafeagai ma le
vaa, ona fua lea i le tapili lea e pito i lalo ina ne‟i lavea i
le amu, ona fua mai lea i luga i le tino o le vaa, ona
faatatau lea i le loloto o Salelologa ma Mulifanua pe sao
ai. Ailoga lava i se a e leai ni papalagi o i inei latou te
mafai ona fai lea faatatau? A‟o le aumai o le vaa e pei
ona i ai nei, ou te lagona o le tau faasee lenei mea ia
Saunoaga Faataupou a Sui Usufono 1961-2011
Savaii. O le a le mea na le fai sa‟o mai ai o le vaa lea na
aumai e fealuai e tau su‟e mai se tatou tupe? Ou te
talitonu lava e ioe mai Savaii leaga o lea e utiuti a tatou
tupe, ae ave e sue mai ai se tatou tupe, ae aua le
faavaleaina faapea le Atunuu. Ua pei o le mea lea o le a i
ai, o le a i ai na o le auala ae leai se taavale. Ua matua
aafia lava a‟u i lea mea i le aumai o le Puleono ma le
Limulimutau ae leaga le uafu. Ou te fai atu lava o le tau
faasese lea mea ia Salafai. Silasila, o le a le mea e fai sifi
ai vaa ia? A lelei le isi vaa, e otometi lava le leaga o le
isi. Ou te ta‟u atu, e tolu aso, fa aso, a‟o fea le vaa? O la
ua i Pagopago. O lona uiga ea la e aumai na o vaa pala e
tau ina faamalilie ai Savaii ma le pisa soo mai? E lelei
lea faiga o lo‟o fai nei?
Lau Afioga i le Minisita o loo pulea mea tau vaa, e
aafia pea le mamalu o le Atunuu o loo afifio i Salafai i
nei faafitauli. Ua toeitiiti lava se fogifogi i le misa soo i
le uafu. Ailoga o silafiaina e lau Afioga i le Minisita le
faalavelave lea e tupu pea i le uafu i Mulifanua? Ae a pe
a fai i ai sau fuafuaga faamolemole? Ua leva ona tupu
lenei faafitauli a‟o lenei lava e fai. E faapea ni mea o le
soifuaga? E leai se mea i le soifuaga lenei e le mafai ona
fai, faamolemole. E i ai leaga o le Atunuu lenei, a silasila
atu lau Afioga i le Minisita i se mea ua faaletonu, ua
tatau ona e tulai e faalelei. E moni e te le tau alu e fai ia
mea, ae afaina ai soo le Matagaluega. O lo‟u lena
talitonuga aua ana ou Minisita, ou te matua alu lava i ai.
O lea ua ou oo mai nei i le isi vaa lea e taula mai i tai, o
le „Forum Samoa‟. Lau Afioga i le Minisita o Tupe, ou
te manatu lava a‟u o lena foi ua faalālā mai lenei mea, ae
faafetai lava pe afai o se manuia. A‟o mea ia ua oo mai
ia te a‟u, se‟i uma ona tali a‟u fesili ia o le a avatu ona
toe fai atu lea o so‟u manatu i se taimi o i luma. Ua ou
manao nei e aumai se tala o tupe alu ma tupe maua o le
vaa lenei ua fuafuaina e le Malo.
Lau Afioga Asi o lena ua lau atu le mea muamua. O
tupe maua ma le faagaoioiga o tupe alu o le vaa lea i
lana femalagaaiga. E aafia ona o lea e mumusu vaa e
omai i le Atunuu lenei talu ai o le taugata o le
faagaoioiga o le vaa. Lua, o le fesootaiga o le vaa lenei i
uafu eseese i taulaga, poo fea taulaga o le a afea i ana
femalagaaiga?
O le isi, pe i ai se eseesega o fua faatatau ia o le a
tapaina mai e le vaa i tagata o le Atunuu faapea ma isi
Atunuu mo a latou oloa ma pasese, poo a mea e fia ave
ai i le vaa?
O le a le tulaga o le a tu ai lo tatou vaa pe a tulai mai
tulaga faatuiese i uafu ma vaa? E tatau ona ou fesili atu i
lenei tulaga ona ou te masalo foi o le a aafia ai finagalo o
Maota, pe o le a faapefea la le tatou vaa? O le mea lea ou
te fia maua ai, pe afai e oo mai lea tulaga i le tatou
Atunuu. Talu ai le faafitauli o loo feagai ma vaa o
Savaii, se‟i aumai lava poo le a le matua o lenei vaa; pe
se vaa tuai, poo se vaa pala foi? E mamafa i lo‟u
mafaufau lea mataupu ona o lea e alu ai a tatou tupe. O
tupe foi e le ni selau, pe afe ae faitau miliona. Ia, ma
aumai se lisiti, se lisiti o tau o vaa nei. O le a ou ta‟u atu
le mea e ala ai ona ou tapa le lisiti. Talu ai ina ne‟i te‟i
ua faavalea i tatou e Atunuu la, fai mai o vaa ia e
$19miliona pe fia, ae leiloa pe na o le tatou tupe lava lea
na avatu na faatau ai vaa. O lea ua ou manaomia ai se
lisiti, se‟i ou tilotilo i ai ona ou fiafia ai lava lea.
O le Faletupe o Atina‟e: ou te ta‟u atu e pei ona aafia i
saunoaga a nisi sui usufono ua fai sina tele o atunuu na
taamilo ai. E aoga foi lo‟u taamilomilo e saili ai ma isi
mea aoga, ae ou te le‟i aumaia mea le aoga ona o la lava
e tia‟i ai i fafo. Faatoa ou vaai lava lea i se Faletupe o
Atina‟e e tutusa lelei lona tului ma Faletupe faapisinisi
poo faletupe taitoatasi. Se‟i tali mai lava le Minisita pe
aisea? E le fetaui nei fuafuaga aua o lo‟u lava talitonuga
na o a‟u, e le tutusa. Muamua, o le Faletupe o Atina‟e e i
ai lona autu na fau ai, na fau e nisi sui usufono ua mavae
atu ma nisi sui usufono o lo‟o alaala mai, ina ia taumafai
ai le atinae o le Atunuu. O le tulaga lea e i ai, e ave le
tupe e totogi ai le tausiga o le Faletupe, ae le o le autu
lea na fai ai le Faletupe. A‟o lo‟o silafia e sui usufono,
se‟iloga e mokesi atu i mea e taunuu i ai le maualuga ona
faatoa mafai lea o le nonogatupe. Ou te le faitio la i le
upu lea o le mokesi leaga e faatatau i tulaga ia e toe
totogi ai nonogatupe, a‟o le tulaga lava lea tau i tupe
tului.
O le isi mea e ala ai ona ou tetee i le mea lea ona o tupe
ia e ave e fai ai le Faletupe lea, na aumai i fafo e tau leai
se tului; o le isi e 3/5%, a‟o le isi e 1%. Se‟i fuafua la i le
eseesega o le 1% ma le leai o se pasene, a‟o lenei ua tuu
aofai i le 12% lea e tapaina mai e le Faletupe o le
Atina‟e i le Atunuu? Ua le gata ina le faataunuuina le
faamoemoe na fau ai le Faletupe lea, ae ua toe i ai foi ia
tulaga faapea.
O la‟u fautuaga lea i lea tulaga ma faamolemole lau
Afioga i le Palemia, po‟o a mai lau faafofoga mai, e
fautua atu i le Komiti lenei se‟i fai vave se fuafuaga ona
ua leva ona fai lea mea o le maualuga o le tului. Ua leai
lava se eseesega ma lo ta alu i le Faletupe lea o lo‟o
galue faapisinisi. Po‟o le mea la ua fai ina ia tele ai tupe
maua a le Faletupe lea i Sogi ua tauau lava ina aafia soo
mai ai a‟u i ni manatu, ona o le lē talafeagai pea o le mea
lea?
O le Komiti o le Tau o Oloa: o se tasi lenei mea ua tau
le malamalama i ai le Atunuu lenei ona o lea Komiti. E
tasi lava le tali e tuu mai ia te a‟u, e leai se uiga o le
Komiti lea aua foi o lea lava e fai tau o oloa ia e masani
ai? Po‟o a la nisi saunoaga ma nisi mea, e tasi lava le tali
e aumai, e leai sona uiga o aliali mai. Afai ua le lava le
paoa o le Komiti lea, ae a pe a malie ia pasia se Tulafono
se‟i faataitai ai ona tapuni se faleoloa lapoa i totonu o le
taulaga; ona outou silasila lea i ai e matua paoa tele le
Komiti lea. O le a le mea e le faataitai ai ona pasia se
Tulafono faalua ma faatolu ae se‟i tapuni se faleoloa? E
faapena le faiga i o i le mea na ou i ai. Ua ala ona avatu
a‟u faatusatusaga ona o lo‟u le malamalama, ae ana lelei
lava tatou ia, e leai lava se faatusatusaga e avatua ona o
la e galue lelei lava lea Komiti. Afai ua faaletonu tele,
ave se paoa i le Komiti pe afai e fai mai ua le lava le
latou paoa ina ia faafoeina ai a latou faaiuga. O lenei
toeitiiti a leai se sui usufono e le ta‟ua lea mataupu. Afai
Saunoaga Faataupou a Sui Usufono 1961-2011
foi o le a fai mai le faatauoloa e pei ona ta‟ua e le isi sui
usufono, e avatu le tau faatauva o oloa e manaia tele, ae
ou te toe vaai foi agai i lalo, aua a ave la le mea lea e
maua i tai i le tufatufaina o oloa. E leai lava se uiga, aua
a sau loa le alii lea, e mafai ona ia tuu le $800 i le paelo,
aua foi o lea o le a uma le tufatufaga lea; o lona uiga, e le
fetaui foi lea mea. Afai foi o le a ou fai atu e tuusaoloto
pisinisi i totonu o le Atunuu, e ao la ona tatala le
tufatufaga lea. A toe manatu ifo foi i lalo, o le paleni o
tupe i fafo ua fai lava sina faaletonu ona o le maualalo,
ae fuafua ane e outou o loo tauaveina lea matafaioi,
faamolemole.
O le totogi o sui usufono. O a‟u ou te le‟i fia lauga i lea
mea, ae i ai le mea ua ala ai ona ou fia taua nei. E le o
totogi tonu o le sui usufono lea ou te agai atu i ai, ae
faaupu faapea o totogi o sui usufono e amata mai le
Palemia e oo i sui usufono e tulaga mataga. Silasila foi,
ailoga ua silafia e le Maota lenei e tutusa le totogi o le
faipule ma le tamaitai foi lea e taina le laau lomitusi? Ou
te masalo o le numera 20 ma ona tupu e tu ai le tulaga
lea i le faasologa o totogi. Ailoga latou te silafia e sili le
totogi o le lomitusi sinia i le faipule? O le mea lena ou te
ta‟ua ai e mataga.
O le isi la mataupu autu lea o le a ou fai atu ai. Le
mamalu i le Kapeneta, faamolemole aua le tulai mai se
isi ona faatoa ou tulai lava lea o a‟u. Na ou oso atu i fafo
ae ma fetaui ma le isi Minisita, ona ma talanoa lea i le
mea lea. O le a lava le mea ua ala ai, aua ou te talitonu
foi a‟u ua mataga tele. O a‟u ia a ou alu i Tutuila ae fesili
mai se faipule pe fia lo‟u totogi. Tou te silafia ou te
ta‟uina i ai e $100,000 lo‟u totogi ona ta te ma, ou te
matua ma tele e ta‟u sa‟o i ai lo‟u totogi. Ona ou faapipii
lea i ai ma a matou taavale ma alauni ma fai i ai, leaga o
lena e sese la outou faafofoga mai i a matou Fono. Ta te
ma e ta‟u totogi ia e i ai, faamolemole ua matua maasiasi
lava tagata i nei totogi.
Ona o lea lava ou te le‟i tautala i le mea lea e faaautu i
ai la‟u tautalaga, ae se‟i faauma atu la la‟u tala i le alii
faipule. A fesili atu, o le a le mea ua le pasia ai e le
Kapeneta se isi faiga fou? Ia faafofoga la i le tali, e
faigata tele le Atunuu. E faigata tele le matau mai a le
Atunuu. Oi, o lona uiga la o le fia lelei le isi mea, a?
Afai la o le fia lelei, a‟o le a faapefea la? Ma le isi,
ailoga o silafia e la‟u uo Minisita lea, o le Atunuu lenei e
leai lava se faipule e le suia mai se Itumalo; o totogi ia e
pisa ai i tagata faigaluega o totogi ia taitoatasi, na o le
totogi lava o le tagata ia; a‟o totogi o faipule o le totogi o
le Atunuu atoa aua e leai lava se faipule e le faaaluina ni
ana tupe i lona Itumalo. Ina ne‟i te‟i ua tatou solitulafono
aua tatou te faatosina uma lava. O lona uiga e toe oo
uma le tupe lea na pasia i le mamalu o le Atunuu. Ailoga
i se a e le toe oo uma le tupe lea na pasia i le mamalu o
le Atunuu? Ailoga i se a e le finagalo malilie le Atunuu
pe a fai atu o le a sii totogi o faipule? Ou te masalo e
fiafia i ai le mamalu o le Atunuu.
O le mea lea ou te fautuaina ai le mamalu o le
Kapeneta, e pei lava ona ou fai atu o outou o a‟u uo
mamae, a sau lava le faitioga ia e le fetaui, ia o lena. E
taui mai lava e le Atua; ae fai le mea e lagona e le tagata
e tatau ona fai. E le tau a‟oa‟ia e Laupua Tamafaiga i
lena tulaga. Tautuana ma outou, ua ou maasiasi tele a‟u
ia. E faamaonia la‟u tala, ou te le naunau tele i le tupe ua
ala ai ona ou tautala i tupe. O Feesago lena e alaala mai,
e oo mai i le asō ou te le‟i vaai i se mata o la‟u siaki i
lo‟u totogi faasui usufono. O Feesago la e i totonu, o
lena ua ou fai atu, ou te leiloa poo ua totogi a‟u, a‟o le la
ua ave i tai i le Ofisa o Tupe, ia ai o faula‟i ai. E le
faapea la ua ou inoino i le tupe, ae pei e ese le lagona lea
e tau oo mai ia te a‟u, ou te le‟i vaai lava i sa‟u siaki o
so‟u totogi faasui usufono, na o siaki a le Komiti lea e i
ai la‟u siaki, ae leai se siaki o so‟u totogi faasui usufono
ua oo mai ia te a‟u; o le siaki foi lea e le taitai atoa se
$100 i le vaiaso.
O le isi mea o lea ou te ta‟ua ai le mataga, o Tusifolau
foi nei e taua e sui usufono, o le tasi lena faamaoniga. O
le faasologa o le Malo lenei, o Lana Afioga Mamalu O le
Ao o le Malo, o le Palemia, sau ai lea i sui usufono oso i
lalo; o lona uiga, e aumai Tusifolau alu i lalo a‟o la e
alaala sui usufono. Ta ma e, se ou te fai atu lava, se o lea
ua lava Tusifolau ia na pisa ai ou te alu ai, ae ou te alofa
lava o e e le lelei ni Tusifolau o i ai. Se‟i fuafua lelei mai
lau Afioga i le Fofoga o le Fono, e le o le taliē, ae e
mataga tele.
Ia na pisa foi i Pulenuu, o le matua mea moni lava. O
lea o le a ou ta‟u atu le mea moni e faamaonia ai. O le
toeaina o le matou nuu ma le matou aiga lea ma te matai
faatasi e Pulenuu. Na ou nofo i le fale ae lālā le laau i
fafo, vaeatu lava, ua tautau ai le fu‟a. O lo‟u lava manatu
faapea o sa‟u fu‟a na momoli atu e se isi. O a‟u la, na ou
fia fesili i le fu‟a ae fai foi si o‟u ma, ina ne‟i te‟i ua ou
fesili atu ae e le o a‟u e ona le fu‟a. Ona ou faatalitali lea
se‟i te‟a ese le tumu o le matou nuu ona ou fesili lea.
Faafetai lava i lau Afioga i le Fofoga Fetalai. Ona ua e
faauilavea mai i la‟u lauga, ae a uma la‟u lauga ona e
talitonu lea i lo‟u agaga ina ia mamalu le Maota lenei
leaga o lea e le‟i uma. O le ala foi lea na mafua ai ona ou
lafo atu le faalupega o le tatou Atunuu, a‟o i ina tonu
lava na ala ai ona ou lauga ma ou faataatia atu mamalu o
le Atunuu lenei. Ina ne‟i te‟i ua matau mai lau Afioga
faapea ai a‟u e faaletonu i le tulaga lenei. Leai, se‟i oo i
lalo ae ou te taliaina lau fautuaga, ae ona pau lava o le
Maota i le tausagi ma le fiafia i la‟u lauga o lea e pei ai e
tōtōē, ae o le a ou usitai i lau Afioga i le Fofoga Fetalai.
O oloa a le Malo lea e oka i atunuu i fafo, o a‟u ou te
faanoanoa lava. Silasila i le tulaga lea ua oo i ai, a
masani le Faauluuluga o se Matagaluega i se Kamupani,
ona ui atu ai lea o le okaina o oloa i fafo. E leai la se mea
o i ai, a‟o le mea lea ou te matauina o le tupe faamagalo
a le Malo; e leai se mea lea. O lea foi o le a ou toe taua
malo i fafo aua e aupito manaia lava le oka lea e alu atu
sa‟o mai le Malo, aua e mautinoa lelei e le Kamupani o
se vaega tele ma e masani foi ona ave i ai se pa‟ū
maualalo lava. O le mea e tupu lea la ua ou iloa nei, e
aumai le pa‟ū lea ona faaaoga lea o Kamupani ia, ae le
sau i totonu o faaputugatupe a le Malo. Se‟i tau fuafua
mai la le fesootaiga ma le faatauina o mea sa‟o? O lea ou
Saunoaga Faataupou a Sui Usufono 1961-2011
te ta‟u sa‟o atu lava, ou te iloa foi isi Kamupani ia e
auala ai le tulaga lea, ae le o alu la i luga o le Malo ina ia
maua ai ni ana tupe faapea.
O le Ofisa o le Suetusi Sili: o a‟u ou te manatu aua o le
faatuatuaga sili lea o le Maota. O se Matagaluega lea ou
te faatuatua lava i ai aua o i latou tonu lava ia e sailiilia
mai mea o loo faaletonu ai le faatinoga o galuega a
Matagaluega aua le silasila i ai o le mamalu o le Maota.
Ou te ta‟u atu, o lea foi ua afaina le Fonotaga, afaina ai
ma a‟u ma nisi sui usufono ona o lea ua aumai le Tala o
le Tupe o le 1978. Sa sili ai ona aua le aumaia aua o a‟u
ou te fia vaai i le ata o Tesema 31 poo le faaiuga o le
tausaga. O i ina lea e faaputu uma i ai galuega totino o le
tausaga. A‟o lea e gata ia Setema; atonu la o le isi tulaga
lea e i‟u ina le toe aumaia.
O le a pisa atu le Maota ma faasea atu i fafo, a‟o le
pogai lea o le faaletonu? E fautua atu ai e fai se fuafuaga
i le Suetusi Sili, toe faaopoopo lana aufaigaluega ia ma
le totogi o le Suetusi Sili. Ou te manatu ana aumai le
totogi lea ma ou tilotilo atu e talafeagai, masalo ou te
matua fiafia lava.
O faaunegatupe a le Malo i fafo, ou te talitonu o le mea
lelei le aitalafu, a‟o le mea lea e i ai, e leai, e le se mea
lelei; o le mea aoga e faafouina ai se pisinisi i le Malo
poo galuega foi; ae a sese ona fuafua o le a faaletonu. O i
ina foi ou te talitonu ai e le o se mea lelei. O tulaga la ia
ou te le talitonu ma malamalama i ai, o loo i ai noataga e
leai se tatou tupe tului e totogiina. Ou te talitonu la a‟u, e
leai lava se aoga e la‟u mai ai faaunegatupe ae alu ai a
tatou tupe i le totogiina na o le tului ae le o vaegatupe
autu.
O le ¾ o le pasene poo le pasene e tasi, ou te fia
malamalama ai i lau Afioga i le Palemia, poo le a le mea
ua le faaaoga ai na o faaunegatupe ia na ou taua, ae aisea
ua tatou faaaoga ai faaunegatupe ia e 7½% - 12%? Ana o
a‟u lea e faipisinisi, a i ai se isi e galue ia a‟u ae oso fai
faaunegatupe ia, o le mea e oo i ai e tuli. Aua o fea se
mea ua faaaoga ni pasene tetele e alu ai tupe a‟o lea e tuu
mea ia, ma ua tau oo mai ai la lo‟u manatu ou te masalo
o se mea faatopetope ma faanatinati? Ou te fautuaina le
Afioga i le Palemia poo le Minisita o Tupe,
Vaovasamanaia, tautuana ma oe. O lo‟u talitonuga, afai
ua le avanoa Faletupe ia tailo, ¾% ma Faletupe ia e
aumai fua ai nonogatupe, ou te iloa e sili ona tuu. O le
upu moni lava lena. Silasila foi, o mea ia e faaune mai e
i tatou tupe, na ona faatopetope lava faapea e miliona. A
miliona la le tupe, ae afai la e 10%, e $100,000 i le
miliona e tasi. Ou te matua manumanu i le $100,000 lea
ne‟i alu i fafo. Ou te mautinoa, e sili ona tuu
faaunegatupe ia e fai i atunuu e i ai pasene maualuluga.
Ou te manao la i se faamalamalamaga, pe aisea ua fai ai
faaunegatupe ia e alu i pasene maualuluga, ae tuu
faaunegatupe mai Faletupe ia e maualalo pasene,
faamolemole.
Lau Afioga i le Minisita o Tupe, o le a lava le mea ua
masani ai ona tapa pea e le Malo le tiute e sii? O lona
uiga ua na o le pau lea o le auala e foia ai faafitauli o le
Atunuu poo le paleni o tupe i fafo, se‟i saunoa mai poo
le a tonu lea mea? Ua na o le fai lava o lea mea tapa le
tiute e sii i luga. O lena ua taua e nisi sui usufono, o la e
totogi e tua poo le mamalu o le Atunuu le tiute lea aua e
le totogia e Kamupani nei tiute ia. E le o se auala lelei
foi i lo‟u talitonuga le aumai o le tupe lea i totonu o le
Tulafono Tau Faaofi o le Faatatauina o Tupe lea e aumai
ai le $4miliona, $2miliona le isi mea i luga ae $2miliona
i lalo e tau faapaleni ai tupe i fafo. Ou te le talitonu o se
auala tatau lea, pe ona pau lava lea o se auala e foia ai
faafitauli? Atonu lava o loo i ai nisi auala e foia ai
faafitauli, ae le o le tau faaune mai o tupe e foia ai le
faafitauli. Ou te le talitonu foi o le faapa‟ūina o le tala o
se mea mulimuli lava lea e faia e se Taitai mo lona
atunuu, pe afai ua leai se mea e tagolima i ai. Ua galo ia
te a‟u le mea lea o le tulaga e gafatia ai e le Malo ona
tauave
se
faaunegatupe.
Malie
lau
Afioga
Vaovasamanaia, se‟i aumai lava se fua faatatau e gafatia
ai ona toe totogiina faaunegatupe, ae ia e malie fuafua
tau lava o le tupe mama a le Atunuu mai ana oloa e
auina atu i fafo ma le aofaiga o nonogatupe e faatatau
agai i nonogatupe fou, paleni o nonogatupe e le‟i
totogiina ma isi nonogatupe. Afai e le galue mai faapena
le fua faatatau lea o le a aumai, ou te le manao ai la a‟u,
ae afai e te finagalo e galue mai i le tupe mama a le
Atunuu e pei ona ou taua, o le a faamalieina ai la lo‟u
taumafai atu. E i ai mafuaaga e ala ai ona ou faapuupuu
atu, aua e tele auala e mafai ona fai ai. Ou te le talitonu i
le tupe faasao a le Atunuu lea e i ai. E sili pe a ou
faapuupuu atu, e leai se tatou tupe faasao o i ai. O le mea
lena e ala ai ona ou musu e faaaoga le tupe faasao i le
fuafuaga lea o le a faaaoga ai i le fua faatatau lea ou te
manao ai.
O le Malae Vaalele: faamolemole lava le Minisita lea e
feagai ma le malae vaalele, ou te manao i le fua faatatau
o tupe nei o loo taofiofi e le Malo e maua mai pe a
faaliliu le malae vaalele lea i se malae vaalele faava o
Malo. A tagai i tupe mama e maua i sea o le Malo lea e i
le Polenisia, e ala ona aafia ona o le Polenisia, aua e
nana fua le tetea ae manino i le mata o le vai. Na ala ona
le suia le malae vaalele i le malae vaalele faava o Malo
ona o le vaai i le Polenisia. Aumai la le fua faatatau se‟i
silasila i ai le Atunuu i le tupe lea e taofiofi i fafo ma le
aafia o le Atunuu i le mafatia i le femalagaai atu agai
Tutuila ma poloka ai i ina. Silasila foi i ai, e matua aafia
ai tele le Polenisia, o lea faatoa uma atu nei lava le sii.
Afai la e silasila le Polenisia i le Atunuu, $27 sii i le $48,
lea la e silasila atu le Malo ae le silasila mai. O lea la ua
ou manao nei i le faatusatusaga o le tupe lea e le o maua
e le Atunuu pe a faava o Malo le malae vaalele ma le
mafatia o le Atunuu lea e malaga atu i fafo, atoa ma le
taugata o le vaalele lea e ta‟u o le tatou vaalele.
O mea o fua faatatau o tului, se‟i tali mai lava le Afioga
i le Minista lea na pasia nei fale ia e i ai e pei o le
Vailima, Fale Afitusi ma le Fale Sikareti. O le mea lea
ua oo mai i lo‟u manatu, poo le a le mea ua le faapea ai
pei o le Fale I‟a o Tutuila. Silasila i ai na ona tu lava o le
Fale I‟a faigaluega uma loa le tóatele o tagata Tutuila i
ina. A‟o le sii tetele ia o totogi ua maua e tagata. Aisea
Saunoaga Faataupou a Sui Usufono 1961-2011
ua le faapea ai tatou? A‟o le Fale Afitusi, Vailima ma le
Fale Sikareti, o lea ua tolu fale, a‟o Tutuila na o le Fale
I‟a lava. Se‟i silasila ane foi i le pologa o le Atunuu. Na
fai le Fale Pia o le Vailima e 60 seleni, na fai ma le
faaupuga faapea e fesoasoani i le Atunuu, ae uma ona
fau ua oo i le 90sene i le fagu. O le a le mea ua tupu ma
faapea ai faamolemole? O lea la ua mafatia tagata, sa sili
ai ona aua ne‟i faia lea fale. Na ona fai mai o loo fai sea
ai le Malo, ae leai, faafetai lava i na uso o loo fai sea ai i
totonu. Ou te le loto leaga aua o lea foi e i ai la‟u tupe e
mafai ona faatau ai la‟u sea, ae le fia faatauina ni o‟u sea
ona ou te le malie i le autu o lea fale ona e le o lelei. O le
mea e su‟e ai ata tupe ma o ta fiafia i le aluga o le
galuega lea e alu ai, o le ala lena e ala ai ona ou musu
a‟u e faatau so‟u sea se tasi.
O Faifeau: ou te masalo e leai se lauga ua fai agai i
Faifeau. O a‟u foi la ou te ava tele i Faifeau ma o ni nai
a‟u tupe uma lava e maua, ou te alofa lava i Faifeau, ae
ua aafia Faifeau i faiga faatosina i Faiga Palota.
Faamolemole Susuga i Faifeau, taatia ia mea a le Atunuu
ma mea tau polokiki, ae faamamalu pea le matafaioi o
loo outou galulue ai i le galuega a le Atua. I Hawaii sa i
ai se Faifeau ou te le taua se lotu, a‟o le mea moni lava.
Na lauga le Faifeau lea i Moanalua ma maua ai lana tupe
tele lava e $300. Ona oo mai lea o lea Faifeau ua fai le
ma talanoaga i totonu o lona maota ma ou fai i ai, o a‟u
ou te fia foi mai i Samoa ua ou alofa i lo‟u Atunuu. Ona
fai mai lea o le Faifeau, “Amuia outou o loo lelei i inei,
a‟o matou i Samoa i Sisifo, ua uma le mea o le alu i tuli,
ae ua alu nei i le manava. O upu moni lava nei a le
Faifeau lea. O le Faifeau Samoa ae ou te le tauina atu le
lotu, ae o loo i ai i totonu o le Ekalesia Samoa. Alu le
matou Palemia faaune mai ia mau tupe, ou te le iloa poo
le a faapefea. Ou te le tauina atu le mea na faatusa i ai e
le Faifeau lea le auala e totogi ai faaunegatupe nei. Ia
se‟i faafofoga mai le Maota poo se tulaga lea o se
Faifeau. Ou te talosaga atu, afai o faafofoga mai lenei
Faifeau, ia e tatalo i le Atua mo lou faamagaloga.
O le taliaina o isi atunuu mai fafo e le Afioga i le
Palemia. Ou te fia malamalma i le Palemia poo le a sana
fuafuaga pe a oo mai ni taua i le va o malo nei ua i ai nei
i Samoa i Sisifo. Mo se faataitaiga, a tau le Malo o
Amerika lea e i ai le Amepasa ia i tatou ma le malo o
Saina Komunisi, poo le a le tulaga o ni ana fuafuaga e
fai pe a oo mai lea taimi aua e le o faapea o lilo i le
mamalu o le Maota, ma e i‟u ina aafia ai malo nei o loo i
totonu o Samoa i Sisifo? Faamolemole, ou te manao i se
faamalamalamaga a le Palemia ma ou te tautala atu ma
lo‟u faaaloalo, e lelei le fai uo ae i ai le upu e fai i le
faigauo a le Samoa ma le Toga, leaga o a‟u o le Samoa
aua e toe foa ai foi i le isi taimi. Fuafua tatau le aumaiga
o Malo ia mai fafo aua e le mafai ona avatu le agaga faaSamoa e fai ai mea o loo fai i Malo o lo‟o i ai o latou
Amepasa i totonu o le Atunuu i le taimi nei.
O fesoasoani mai Saina: ou te matua ta‟u atu lava e
lelei le fesoasoani mai ma e talia, a‟o le fesoasoani lea
mai Saina ou te tetee i ai ona o tulaga nei. Ona pau lava
lea o fesoasoani ua i totonu o Samoa e uma ona toe
totogi lea. E le gata la i lea, ae toe aumai tagata Saina e
toe faaaoga ai le tupe lea e aumai. Ua leai la se uiga o ia
fesoasoani. Ou te ta‟u atu le mea sa‟o, o fesoasoani nei e
aoga mo le Atunuu pe a talafeagai aua o le isi lea atunuu
e faaeteete tele i ai atunuu uma i fafo. Ona e ta‟u tagata
nei o folo tamaoaiga, vaeatu le paia o le Maota. O lona
uiga, e aumai le soifuaga o le Samoa e alualu lemu,
aumai le soifuaga o ia tamalii e masau. Ou te le tau
ta‟uina atu le mea e oo i le tamaoaiga o le Atunuu i se
taimi aua o lena ua outou silafia uma. O loo i ai
faamaoniga e pei la o le motu lea o Hawaii sa ou i ai.
Toeitiiti soo lelei lea atunuu i Faletalimalo tetele o
Sapanī ma Saina; a‟o le tausaga e 1961 na ou i ai, e leai
ma se Saina na i ai se Faletalimalo e tasi. A silasila la i ai
i se taimi pe a outou malaga i fafo, aumai la faataitaiga
na pe a talafeagai ai.
O Atina‟e a Tina: o a‟u ou te le talitonu i le mea lenei.
Ai faapea outou le mamalu o le Maota ma lau Afioga i le
Fofoga o le Fono ou te sau i fafo ou te talitonu i mea
uma mai fafo. O a‟u ou te le talitonu i le agaga
faapapalagi lea o le vaelua tutusa o le aia tatau. Na tofia
lava le tina o le aiga ia, aemaise lava le Atunuu lenei, ou
te le toe ta‟u atu aua ua i ai lona tofiga e fai. Aua le
aumaia polokalame faapenei e faamasani ai ona toe oo
lea i le isi taimi alu atu le toeaina ae ua fai mai, “Fai le
mea e te malie i ai ae fai foi le mea ou te manao a‟u i ai.
E tofu ta‟ua ma le aia tutusa”. Aua le faataitaia ia mea
aua o loo tupu tele i fafo. A ave a‟e la le Atunuu o matai
ma ponaoo o le Atunuu ma atunuu i fafo, o la e tetee le
aia tatau a le itupa vaivai. A faapefea la ona taliaina e le
Atunuu lenei? O le mea lena ou te fai atu ai, taatia pea le
pule i Alii ma Faipule ua tofia ai i lau Aganuu.
O a‟u sa tuu ou te le tautala i le mataupu lenei ona e pei
a ou tepa i lea itu ma lea itu, ia o o‟u uso uma lava. A ou
tepa atu foi i le isi o‟u itu, o o‟u uso foi, ae i ai le mea e
ala ai ona ou tautala i le mataupu lea. O le mea muamua,
ou te lagona e le o malamalama le Maota i le tulaga o
loo i ai a‟u i lo‟u sitiseni. Ia ma e aafia ai la a‟u i le
matou Itumalo aua na filifilia a‟u e lo‟u Itumalo ma lo
latou talitonuga, o a‟u o le Samoa moni. E le sese la le
filifiliga a le matou Itumalo. O le a ou faapupula atu la
faapea lea mataupu.
O le mea muamua e oo mai ia te a‟u, afai e fai le mea
lea o loo atugalu ai sui usufono, ua toe taunuu lava la a
latou saunoaga ia latou, ua soli Faavae. Ia silasila, o le a
ou ta‟u atu le faavae muamua ua soli pe a tupu lea
tulaga. O le tusi pa‟epa‟e lea, o lea ua tusia mai ai i inei
ua pasia e le Palemene e faaofi i totonu o le Tulafono e
taua o le Tulafono 1972, ia soloia ai le fuaiupu o le
Tulafono 1959 i le mea tau sitiseni. O le tusi lea, o le
Atua lea o le Atunuu lenei. O le Faavae, o le Atua faalelalolagi lea o le Atunuu lenei. Ina ne‟i ou sese, e usitai
uma i ai i tatou uma. I le parakalafa lea, se‟i ou lauina
atu le Itulau 26 lea e ta‟u mai ai e faapea, “Soo se tagata
e ta‟u agavaaina ina ia filifilia ai e avea ma sui usufono o
le Palemene, o ia lea o se tagatanuu o Samoa i Sisifo ma
e le‟i ta‟u faale-agavaaina o ia e tusa ma aiaiga e soo se
Tulafono. Afai o se tagata e ese ai i lo se tagata e tusa ai
Saunoaga Faataupou a Sui Usufono 1961-2011
ma le Tulafono ma aiaiga o le fuaiupu muamua, ua
filifilia e avea ma sui usufono o le Palemene, o le
filifiliga o lena tagata o le a le aoga.” Ia poo a ni a outou
saunoaga, o a‟u lava lenei e fai mai i ai a outou faaseā
ma tulaga faapena. Ave a‟u e fai ma na tulaga, ae ou te
manumanu ne‟i te‟i ua matau mai fafo, e le iloa e tatou
faitau le Faavae lea. O i inei ou te manumanu ai i le
mamalu o le Maota lenei. Se‟i silasila ane la i le Itulau
27 o le Faavae, Fuaiupu 47 aua o i ina e uma ai mea
uma, “O mataupu uma e ono laga e uiga i le aia tatau a
soo se tagata ina ia avea pe tumau ai pea e avea o se sui
usufono o le Palemene, o le a tuuina atu lea ii ma
fuafuaina tatau e le Faamasino Sili.”
O lea e ta‟u mai i inei i le Faavae, a i ai se fesili ma se
mea e faaletonu ai se sui usufono mo lona agavaa ina ia
tulai mai i le tofi, e sili pe a fesili i le Faamasino Sili. O
lea lava e i le Faavae.
O lea la ua aumai le iuga a le Faamasino Sili e taitaiina
ai i tatou. E i ai la ma le isi mea tele e le o malamalamaa
ai le Maota, sa tuu lava ou te le tauina atu. O le mea foi
ua ta‟u mai, ia o lea o le a ou folafola atu, e le o a‟u o se
sitiseni Amerika. Ia vaai la i ai, o lea la ua outou aumai
ae ana faapea lava tatou te fetaui i fafo, vaeatu lo outou
paia, ma outou fesili mai ia te a‟u, ua leva ona ou
faamalamlama atu. O lea o le a ou faamalamalama atu, o
a‟u e le o se sitiseni Amerika. Sa ou sitiseni ae ua uma
ona aloaia lelei i luga o le pule faitalia a le Minisita lo‟u
sitiseni. Ma le isi la mea lea ou te fia fesoasoani atu ai, e
le o Tupuola Efi na faia lo‟u sitiseni. Ia vaai la i le le
malamalama? O le isi Minisita i tua atu.
E le o a‟u o se sitiseni Amerika. Ia silasila ua uma ona
tuuina atu o‟u Tusifolau ma lo‟u sitiseni ia Iulai Toma? I
totonu o Tulafono a Amerika, se‟i ou faamalamalama
atu, o le taimi e te sitiseni ai i se isi atunuu, o le taimi
lena e soloia ai lou sitiseni Amerika, ae afai la e le o
soloia e Amerika lo‟u sitiseni Amerika, e faitalia lava i
latou ma lena faafitauli. E leai foi se mea e taofia ai se
sui e fia afio ma susu atu e soloiese lo‟u sitiseni. Ma ou
te ta‟u atu i totonu o lenei Maota, ou te le fia sitiseni
Amerika ona o tulaga foi i lena vaitaimi sa tau o ai e
aooga ma sailiili manuia mai aua le Atunuu. O lea la ua
ou toe foi mai ma ou te faapea atu ai i o‟u uso, soia, o
maia, o a‟u lava o le Isaraelu moni. Ana taitaiina outou i
le mea lenei ou te fai atu ai meamanu tou te le sese. Sa
tatau ona outou fesili poo a‟u o se ataliii o se Initia, se
Siamani, se atalii o se Malini poo se Saina, a tali mai e
sa‟o, o lena.
Faafetai lava i le Fofoga o le Fono ma o le alofa o le
Atua i lenei taeao ua maleifua mai ai le mamalu o le
Palemene i le soifua lelei, ua mafai ai le tatou feiloaiga i
lenei taeao fou.
O a‟u ua tau uma la‟u mataupu masalo o se 15 minute
lea e totoe o le a faauma atu ai. Se‟i ou toe tau
faamalamalama laitiiti atu lo‟u agaga tonu e uiga i la‟u
tautalaga ananafi ona o loo i ai lo‟u uso a faipule lea sa
faauilavea.
Sa ou talosaga atu i le taimi ua tuanai e ui ina o tulaga
ma faavae o le Maota, ae sa momoli atu la‟u talosaga e
alofagia se‟i uma la‟u tautalaga ona faauilavea lea o se
isi, ae ui lava i lea, o loo i ai lava le aia tatau ou te
malamalama ai. E peiseai o le ala lea na ou le tulai soo ai
a‟u i le taimi ua mavae ina ia tuu mai se avanoa ia te a‟u
ou te tautala ai. O le upu lea faapea o le le malamalama
ua aafia ai se finagalo o se sui usufono, ou te matuā le
iloa se isi upu ou te faamalamalamaina ai so‟u manatu.
Sa ou fofola atu i luma o le Maota tulaga ia, aua o lea la
ua aafia a‟u ma ou te mulimuli lava i saunoaga ua mavae
i le amataga o le tauaofiaga o lenei Fonotaga mamalu. O
le upu lea faapea e lua o‟u sitiseni, o lea la ou te
faamalamalama atu aua na o a‟u lea ou te iloa. O lea la
ua ou fofola atu i luma o le mamalu o le Atunuu ma le
Palemene, o a‟u e le lua ni o‟u sitiseni. E faamaonia la‟u
upu ona e leai se Tusifolau o ia te a‟u. Ou te le o malaga
foi i fafo ma faapea o a‟u o se Amerika. O lea lava ou te
malaga o a‟u o le Samoa i Sisifo. O le uiga lea o la‟u upu
o le le malamalama, ae le faapea ua ou fai atu se upu
sese aua atonu e pei ona atugalu le sui usufono, e po
valea. E leai, ou te le‟i ta‟ua le upu lea.
Faafetai lava i lau Afioga i le Fofoga o le Fono mo lau
iuga i o‟u lava manatu. O le tulaga lea i lo‟u lava
malamalama faatauvaa, o lea e lauga faalauaitele. O le
mataupu lea, ia e moni, atonu o le faavae, ae ou te
tautala atu ma lo‟u faaaloalo, poo le a fai mai e aafia, a‟o
lo‟u lava talitonuga ua ou aafia. E i‟u foi ina ou le toe
tulai mai i le isi palota i le mea lea. O ai la o le a saunoa
mai ou te le o aafia i lea mea? E leai se Itumalo e fia ave
so latou sui usufono o se Amerika. O lea la ua ou ta‟u
atu faamolemole, tuu mai se avanoa ia te a‟u aua e le o
a‟u na lagaina le mea lea i totonu o le Maota lenei. E le o
a‟u, a‟o le mamalu lava o le Maota. Ia, ma silasila foi, o
lea ou te fai agai i le Faavae. Pei lava ona ou faitau atu
ananafi, o lo‟u Atua faale-lalolagi lea ou te fia puipuia.
Ou te le iloa pe na i ai se isi o lo‟u aiga i le fausia o le
Faavae lea aua ai na o outou tuaa. E tatau la ona outou
fiafia o lea ou te matua amanaia ma lo‟u loto atoatoa.
Se‟i ou toe faitau tasi lava faamolemole aua o le
faapapalagi na faitauina ananafi – O mataupu uma e ono
laga e uiga i le aia tatau a soo se tagata e fia avea, pe
tumau ai pea, e avea o se sui usufono o le Palemene, o le
a tuuina lea ina ia fuafuaina tatau e le Faamasino Sili.
Sa ou manatu la a‟u a i ai se finagalo o se sui usufono e
uiga i lea mataupu, o le Faavae lea, le Faamasino Sili ae
le o Totonu o le Maota lenei. O lea foi ua laga mai e le
mamalu o le Maota, a‟o lenei foi ua ou taumafai atu, ae o
lea foi ua toe aveese. O lea malilie mai, afai ua aafia o
outou finagalo lo outou mamalu, ia ou te faamalulu atu
ae ua ou aafia foi a‟u. Ia malū ave i fale i o outou
finagalo. Silasila la i le tuliloaina o le upu lea o le le
malamalama. Ne‟i le lava i le minute e tasi, silasila la lau
Afioga i le Fofoga o le Fono o lea ua saunoa le isi sui
usufono, na ou sitiseni i le 1976. Silasila la oe, o lea o le
a ou ta‟u atu. Na ou sitiseni i le aso 2 o Tesema i le
1975, silasila la i le le malamalama e pei ona ou tau
faapupula atu. Aua o le Faamasino Sili lea e sau i luga o
le Faavae, a‟o le taotoga o lo‟u faamasinoga o lea e ia te
a‟u. Lea foi ua ou tauto atu i luma o le tatou Palemene,
Saunoaga Faataupou a Sui Usufono 1961-2011
ou te le o sitiseni Amerika. Afai e le‟i soloia lo‟u sitiseni
Amerika, a lea na ou fesoasoani atu ananafi? O Tulafono
faa-Amerika e leai se tasi e magalo ai. O le taimi e te
sitiseni ai i se isi atunuu, e otometi le soloia o lou sitiseni
Amerika. O lea la ua soloia lo‟u sitiseni Amerika. Afai e
le o soloia i pepa a Amerika, faitalia ai latou ma a latou
pepa. A‟o le aganuu a tatou ma lo‟u agaga e le o po se
lilo i nisi matou te mafuta, na o i inei lava i Samoa i
Sisifo. O la‟u faamalamalamaga lea ma lo‟u faaaloalo
lava.
O le a taatia loa lea mataupu ou te faamalulu atu ai i le
mamalu o le Maota. O le mataupu lea sa galo ia te a‟u
ananafi. O tupe foi nei lau Afioga Vaovasamanaia, o
tupe ia e feavea‟i e le Ofisa o Tupe i le EPC ma le
SPDC. O loo feaveai e aunoa ma se tupe tului, e feaveai
saoloto lava. E le o faaalia la i totonu o le Tala o Tupe
Maua ma Tupe Alu a Matagaluega ia e ta‟u o
Matagaluega Tutoatasi. O la‟u fesili la, pe aisea ua ave ai
faapea tupe ia a lo tatou Malo aemaise foi e le o ni nai
$10, a‟o le ta‟i $100,000? Poo le a le mea ua le totogiina
ai se tului aua o lea a fai le galuega a le isi Matagaluega
e le isi Matagaluega, e totogi lava le pili o le moli ma pili
o telefoni?
O le maga lona lua o la‟u fesili, pe faapefea ona silafia
e lau Afioga le mamafa o lea tupe i totonu o tupe maua
ma tupe alu aua ou te lagona e le o faaalia le fealuai o le
tupe lea e saoloto?
O la‟u tautalaga e uiga i le Sisiga Fu‟a: na o sina
manatu lava; e pei lava ua tele aso o le tatou Sisiga Fu‟a
e tagi‟u‟u ai lo‟u mafaufau e toatasi. E peiseai o se Malo
e ta‟u o loo tau e atia‟e e pei o isi Malo tau atia‟e e
masani ona faamamalu o latou Tutoatasi i le ta‟i ½ aso,
ta‟i 1 aso, ina ia faasaoina ai tupe. A faatusatusa la ma le
tatou Atunuu lea e taumafai e atia‟e, ua tele naunau ia
aso e alu i le faamaumauina o galuega ma tupe alu foi a
le Malo ona o le faamamaluina o le tatou Tutoatasi. E
pei e talafeagai le tasi poo le lua o aso e tau sefe ai le
tatou tupe faasoasoa.
Ou te fia tautala i le mea mulimuli lea e uiga i
Faalapotopotoga Tutoatasi a le Malo e pei o le WSTEC.
E pei lava ona ou tautala i le taimi ua mavae, e faaali atu
lava manatu ae o loo i ina le tofa loloto ma le faautaga
saili i le mea e tatau ona fai. O lea e pei ua laga soo le
faaletonu o le Malo, ae a pe a toe sui se isi faiga fou? A
ou fesili atu i le aualii ia e feoai solo i le taavale a le
WSTEC, ae fai mai e le aia mai le Malo i mea ia o mea a
le Tutoatasi ma o matou e ese. Silasila foi i lenei
WSTEC ua leva ona faavae, ae o lea lava e ave i ai tupe?
Na ou faapea lava a‟u a faavae se mea faapea o le a sau
ai se alagatupe a le Malo. A‟o le mea lea ua leva, ua ola
foi niu, vaeatu le mamalu o le Maota ma atina‟e, a‟o lea
lava e ave lava i ai tupe. Ou te malamalama i le ave o le
tupe e faagaoioi ai le galuega ma le tausiga, ae ou te le
malamalama i tupe tetele ia e ave e toe fau ai isi atina‟e.
E oo foi la i le EPC e pei ona ou ta‟ua ananafi. O lea ua
ou maua le faamatalaga ua oo lava isi i le faatamaia o
mea aoga a le Malo, e peiseai e le popole mai i le Malo.
Sa ou manatu lava a‟u e aumai uma mea ia i totonu e
puipui ma fai ma lala o le Malo e pei o isi Matagaluega.
O a‟u fautuaga mulimuli nei ona uma ai lea o la‟u
lauga. O le autu o le matua o la‟u lauga – Ia avea le
Malo o lau lava meatotino. Ou te manatu, a i ai le agaga
lea i se Matagaluega poo se tagata soifua o le Atunuu
lenei, masalo e i‟u ina ta‟u le Malo lenei o le Malo o le
Lagi, ae le o le Malo o le lalolagi talu ai le manuia o le a
oo mai aua o lea e puipui lava oe i mea a le Malo e pei o
lau lava mea.
O a‟u fautuaga i le Palemia ma le Palemene, ia outou
alolofa silasila totoa i le atina‟e o le Atunuu. O lo‟u
talitonuga o le faafoiina o nai nisi mafuaaga e faafoia ai
le faafitauli ua tatau ona tau agai e su‟e mai nisi auala
fou o tupe maua i le tatou Malo, e vaivai tele le tupe lea
e sau. E le oo atu foi lo matou malosi i mea o loo i ai a
outou galuega, ae taumafai e aumai nisi mea e maua ai
sa tatou tupe. A le maua i inei, tatou saili i fafo. E le o le
aumai la o isi Kamupani ia e tiga lava ona tulai mai e
gau e le fesoasoani i le tamaoaiga o le Malo ae aumai
lava.
O lona lua e fautuaina le mamalu o le Kapeneta se‟i toe
iloilo totoa isi polokalame ona e pei ua tau ova ae le o
aoga. E aoga uma lava polokalame, ae taumafai e ave le
polokalame o loo tele lona aoga.
O le aganuu lenei e pei lava ona ou ta‟ua i la‟u lauga. O
Samoa ua uma ona tofi ae tau faamalosia le amiotonu i
totonu o le tatou Atunuu, ma ia toaga i le tatalo. O le
Palemene o loo aafia i le tele o saunoaga a sui usufono.
Ou te talitonu foi i ai i isi vaega e i ai tului o nogatupe ia
o lea e avanoa Faletupe e aumai ai le tupe e leai se tupe
tului, poo le 1%, ae ua aumai i le mea e le talafeagai e
tele lona pasene. O lena e i ai la‟u fesili i lau Afioga i le
Palemia e tali mai i ai i se taimi. O lo‟u la mafaufau ua
tupu mai ona ua faafuaseia lea fuafuaga, o lea ou te
talosaga atu ai, fuafua mamao polokalame a le tatou
Malo ma fuafua tatau.
O nai a‟u fautuaga vaivai ia ae ua uma la‟u lauga. Ou te
faamalulu atu i le paia o le Maota, lau Afioga i le Fofoga
Fetalai, o le Fetalaiga ia Leulumu ma Lefaoseu, ia ua
faamalo le fai o le faiva. A i ai se upu ua sala, ia faafao
le vaa, aumai manū e tausi ai lo tatou Malo. Faafao i vaa
o mala ae laga vaa o manū, aua le atia‟e o le Atunuu ma
le faafofogaaga a lo tatou Atunuu. I finagalo o sui
usufono, faatafea ia i auau o le tai i Vaiavea, le lauti e le
putea e pei o le fetalaiga i vaifanua o le Vimoto, ae
magalo lo‟u leo ona o lo outou agaga Kerisiano.
Ia alofa le Atua Pulepule-tetele ia tului mai ni manū i le
Malo o Samoa, ae tatou galulue faatasi aua le tapuaiga a
lo tatou Atunuu mo se tatou manuia i le lumanai. Ia
manuia le Fono ae ou ola.
Saunoaga Faataupou a Sui Usufono 1961-2011
Afioga MATAUTIA FANOLUA
Itumalo Faaalaalafaga:
Vaisigano Nu.2
Filifilia:
7 Me 1980
Faatauto:
15 Iulai 1980
Lauga Faataupou:
7 Aokuso 1980
Faafetai lava i lau Afioga
a le Fofoga Fetalai mo lou
avanoa. E muamua ona ou
faatulou atu i le paia ma le mamalu o le Palemene, o Sui
Filifilia o Itumalo taitasi. E faatulou atu i le paia o
tapuaiga i le atunuu, i ona tulaga faalupeina. E faatulou
atu foi i tapuaiga a le aufai lotu o lo o latou tatalo ma
utufia le vai o le ola aua le manuia o Samoa ma lona
Malo.
O lenei taimi, lau Afioga i le Fofoga Fetalai, sei ou
faapai atu muamua sou manatu i lou Itumalo o
Vaisigano Nu.2. Ou te faatalofa atu i lou Itumalo i ona
tupu ma ponaoo ma vaega uma o lou Itumalo. Talofa.
Ou te faamalo atu ona o le tofa ma le faautaga ua outou
filifilia ai Matau e fai ma Sui o le tatou itumalo i le
Palemene o Samoa ma ona upu-fai. Tapuai maia o lo
outou Sui lenei o le a fai se tatou sao i le Palemene o le
Malo o Samoa. Ia outou tatalo ia manuia lo outou Sui.
Ia tapuai maia ma le manuia.
Lau Afioga i le Fofoga Fetalai ma le mamalu o le
Palemene, a e ou te lei faaali sou manatu i le Tulafono
Tau Faaofi ua taatia nei i luma o le Laulau-a-Fono a le
Palemene, e muamua ona ou faaali atu se agaga ootia i
lou fiafia ona o lenei Tusi. A ou faitau i ai, ona tupu mai
ai lea o lou lagona fiafia atonu o se mea fou lenei ua fai
se tusi tele e faamaumau ai saunoaga matagofie a lenei
Palemene i lenei nofoaiga. Ona faapea ifo lea o lou loto,
o lenei tusi ou te taua e au, o le tusi o le Ola, aisea? Aua
foi ua faamaumau ai finagalo o Sui taitoatasi, aemaise o
finagalo o le Palemia ma le aiga liuliu. O tofa sa liuliu
pea ma faaalia i luma o lenei Palemene, lea ua faamau i
i; ona faapea ai lea o lou manatu, o le Tusi o le Ola. E
fuafua i ai taualumaga a lenei Palemene, ona ou manatu
ai lea i le Tusi o le Ola na faaalia ia Ioane i le motu o
Patamo. A fuafua la i ai, e ese le manaia. Ae paga o le
tele o mea o i i, e itiiti mea ua faataunuuina. Aisea? Ia
lafo atu i lau Afioga, i le Malo ma le aiga Kapeneta.
I lenei taimi, ou te fia faaali ni ou mafaufauga ma ni
fautuaga i lenei taeao. Ma ou te faamalu atu i le Malo
ma le Kapeneta. Afai e pao papa se upu, ia tofa malie,
ae ou te lagona e iu i le lelei.
O le a amata mai lau tautalaga i le Sofiua Maloloina. E
i ai nisi mea ua aafia i saunoaga a nisi Sui mamalu, ae na
ona ou toe faamanatu atu. Muamua o le itu tau totogi Totogi o Fomai. O aso muamua, masalo o le 1923, ou te
manatua sa galulue ai fomai i na aso. E lei i ai lava se
mea e tupu mai ai pe tagisia mai i ni totogi, sau ai lava,
sau ai lava. O le fesili aisea? Sa tutusa lelei le totogi ma
le soifuaga, ae ou te lagona sa maualuga le mea e maua e
le fomai i lo le soifuaga i na aso. Faasolo mai faasolo
mai i le taimi nei, ua maualuga le taugata o le soifuaga,
ae maulalo le totogi o le fomai. O lea na ona ou fautua
atu ai a o lena ua iina.
Atonu foi ua talanoa i ai nisi Sui mamalu i lea mataupu.
Ou te matua fautua atu, o lenei lava le galuega e sili ona
fita ma faigata aua a tatou mafaufau i ai, e tele faiga e i
ai i le fomai. E mafaufau ma popole po o le a se togafiti
o le a faalelei ai ma faamanuiaina ai lona uso a tagata ua
i ona lima. Silasila foi, o le mea muamua e oo i ai le
mafaufau o le tagata ua mafatia, o aao o le fomai. O
lona lua, ia o le fomai sili o le Atua lea. E le gata i lea, a
oo i le taimi ua manava ai, ua le talafeagai le tautiga ma
le mea e faamalosi ai lona soifua. O le isi itu, o fomai ia
o nisi foi tamalii ua faaeaina foi i suafa o aiga. Tele
faalavelave faale-atunuu, fai o le fomai a o le tausiga o le
aiga. E le gata i lena, o le faaaoogaina o le fanau. Ua
taugata le faaaoogaina o le fanau, toe taugata mea fai i
totonu o le aiga. O le mea lea ou te fautua atu ai, ia
alofagia sei fai ane lava se fuafuaga.
O le isi itu, ua ou mafaufau i ai, ai se a ua o ese ai isi
uso-a-fomai? Ia o lena ua faasoa atu, ua le taitai
talafeagai. Ona faapea lea, e sili ona ou alu e fai se isi
galuega. Ia e fua foi lenei, e tau le lava fomai i nuu i tua.
Ua faapotopoto uma mai fomai i Motootua ae a faapefea
tua? Oi, e faigata tele i le taimi lenei. Ua faigata, e tasi
le fomai ae fia falemai. E pei lava ona saunoa nisi Sui i
le aso ananafi, a fuafua i taimi faigaluega, e le fetaui aua
o le mea o le a oo i ai o le faanatinati ina ia oo atu i le isi
falemai ma le isi falemai. O le mea lea e fai atu ai, sei
fuafua ane. O le falemai lenei o le matou Itumalo, ua le
tulaga manuia. Ua tulaga le manuia ona ua aveese le
matou fomai, le alii fomai Samoa ua aumai e toe
faateleina lona malamalama i fafo. A o lea ua sui atu nei
o le papalagi. Silasila, e ese le lagona o le papalagi e
paepae, a o le Samoa e enaena. O le fomai Samoa, e
sauniuni pea ma le alofa. A sii mai le ma‟i, e matua
faamaoni lana suesuega i ai ma tuuina atu i ai faaaliga
lelei e fesoasoani i lona mafatiaga. A o le fomai
papalagi, pau lava le mea e oo i ai, e sau loa e le tigaina
tele, ia avatu le mea lea ma avatu loa. Ona pau lea, ma e
avatu na fuafuaga e le talafeagai ma le lagona o le ua
mafatia.
O le mea lea ou te faapea atu ai, ma le faaaloalo lava,
sei fai se fuafuaga o falemai e mamao. Afai la e
faanatinati mai i Motootua, ia vaeatu le mamalu o le
Palemene, o nisi gasegase e le aumai. O nisi, pe tasi
lava le aso toe avatu. Silasila i le faigata ma le taugata
ua mafatia aiga, maumau lo latou taimi e omai ai a e le
manuia lo latou faamoemoe. O le isi itu, o falemai i tua
o lo o maua mai ai pea le faaupuga lea, ua leai se
fualaau, o le a maua mai se fualaau i se taimi, ua le
mafai ona togafitia le ma‟i lea ua le maua atu ni vailaau
e talafeagai. Ai se a e ala ai ona faapea? E faaali mai ai
i i e le nofo sauni. Aemaise le taimi lenei ua i ai le
papalagi. A o aso o i ai fomai Samoa e magafagafa i
taimi uma ma mafaufau mo le faaleleia. Ou te tautala i
Saunoaga Faataupou a Sui Usufono 1961-2011
le upu moni, e le faapea e faapito lau tautala i fomai
Samoa. Leai, ua ou tau atu, ma le faaaloalo, o le agaga
moni lea ou te iloa i fomai Samoa.
O le isi itu, o Fomai-nifo. E leai se matou fomai-nifo e
pei ona sa masani ai i aso ua mavae. Ua uma ona saunia
le fale lelei e nofo ai le fomai nifo mo le faamoemoe, ia
maua loa le tagata i lea ituaiga mai, tau atu loa i ai le
fomai-nifo. A o aso nei, a tau atu e fiu i faatali po o fea
o i ai le fomai nifo fai mai o lea e faasolosolo atu
asiasiga a le fomai-nifo. O nisi aso e le taunuu, e oo ina
mafatia le tagata i lona oloa, vaeatu le Palemene, e oo
lava ina saili e ia le auala e foia ai lona mafatiaga. Ia a le
maua se pasi po o se pikiapu e sau ai, ia e nofo lava ma
le mafatiaga lena. O lea e talosaga atu, sei fai se
fuafuaga. Matua avatu ni fomai nifo e nofo mau ia i
matou ona e mamao tele. Alofa ia silasila ane i ai. Ou te
le fia faaaogaina lenei upu, vaeatu le mamalu, o le
silasila totoa, ou te le fia faia. Afai e silasila totoa, ia
silasila lava a outou afioga, ona pau lava lea ma tuu ai
lava i ī. Ae lelei lou faapea atu, e silasila lelei, aua e i ai
le avanoa e silasila i ai i le mea e tau o le lelei. Ia o lena
ua uma ona ou fai atu i se tasi tulaga o vailaau. Sei alofa
sei faasoasoa lelei, matou e mamao. A tau tili mai le
vailaau e avatu mo le ma‟i, e o atu ua leai. O lea ou te
faapea atu ai, ma le faaaloalo, sei silasila ane lava i ai.
O le isi itu o Aoga. O le mea muamua ou te fia tautala i
ai, o mea tau Pili. E a pe a fai se fuafuaga amata i se
vaega po o le F.1 agai i luga, sei vaai lelei po o le a le
tulaga e i ai le tamaitiiti? Aua o lenei lava e amata mai i
lalo i Tulaga Lua. E taugata tele aua e alu lava, alu lava,
alu lava, seia oo i le taimi e faaiu ai le aoga. Ona ou
faapea lea, a oo i vasega tetele ona aumai lea o faaaliga
faapea, e fia ua pasi i lea aoga ma lea aoga, ua pasi le UE
pasi le SC, e toafia ua i ai i i. Ona aumai lea o le lisi
lena, ua iloa ma manino lelei. E a ea pe a fai se lisi o e
ua le maua ni o latou tulaga faapena, ae fai i ai se
fuafuaga, toe tuu atu se avanoa ma se isi fuafuaga e o i ai
le vaega lea. Ona o lenei, o le vaega lea ua le maua se
tulaga faamanuiaina, ua foi atu ma le aoga ua foi atu i
matua, tama ma le tina ma faafitauli. Ua faaoso ita i
lenei tama po o lenei teine, aua a mafaufau atu i le tupe
ua alu, a ua le manuia ona oo ai lea i se isi tulaga ua le
malie. Ua tupu ai foi le manatu o le tamaitiiti ua le fia
nofo ai iina, ua fia alu ese. Ia o lea o le tele o tamaiti na
o le tifaga, maua ai nisi manatu le lelei, ma faatupu
faalavelave ai i totonu o aiga ma alaalafaga. O le mea
lea ou te faapea atu ai, e a pe a fai ane se fuafuaga sei fai
se isi avanoa sei fesoasoani atu ai? Atonu o le a maua ai
se isi mea aoga i nisi ua le manuia i le amataga ae
taumafai i le faaiuga. Atonu o i ai nisi Faipule lelei, ae
ona pau ua le manuia lona taumafai. O lea e talosaga atu
ai, sei fuafua ane e le Malo se tulaga e foia ai lea
faafitauli. Ua tele naunau tupulaga i nuu ua i ai le tulaga
lena. Na ona faatupu faalavelave, e le galulue, e fiu
Matua i fai atu, ae ua ese le mea ua i ai. O le mea lea e
faapea atu ai ma le faaaloalo, sei silasila ane ma ia tau
aumai se aofaiga o e e lei manuia. Ou te fai atu i le
mamalu o lenei Palemene i lenei taeao, lau Afioga i le
Fofoga Fetalai a suesue lelei le aofai o tamaiti ua le
faamanuiaina, e matua toatele. E le iloa pe 100%, ae
toaitiiti e e faamanuiaina.
O le mataupu lenei o lo o faalogo pea i ai, o fale aoga.
O aso anamua sa aoao tupulaga i falelaupola ma lalo o
ulu. Sa masani ona o i lalo o lea laau ma lea laau e aoao
ai, a o le faaiuga e ese le manaia. O aso nei ua
faamamafa faiga o faleaoga, a le faia, ua tapuni. Ia a
tapuni la a e a faapefea? E lelei e ana tapuni na o le
faleaoga, ae tapuni ai foi le malamalama o lo o fia maua
e tamaiti. Sei alolofa aua le faatauaina tele mea tau
faleaoga. O se mea lava ua mafai e le alaalafaiga e aoao
ai a latou tupulaga, e a pe a talia? Ae o le a toe avatu foi
lenei avega mamafa e tausinio i faleaoga. A na o
faleaoga manaia ea ae avane le faaiuga o le tausaga pe na
o le toatolu tamaiti e pasi mai i totonu o nei faleaoga
manaia. Silasila o le avega ua leva ona tauave e na
afioaga, e faigata tele. O lea e fesoasoani atu ai, na o le
lafo atu lava, faaali atu ae pule lava le Malo ma lona
finagalo.
O le isi tulaga o le aoaoga o tamaiti, ua matua eseese
mamao le faaiuga o lea tausaga ma lea tausaga i tua ma
iinei. Ua faigata ia te au i lou lava Sui e toatasi, pe
aisea? Ou te manatu ua faapito le faiga o ni aoaoga,
tulou lava. O le mea la lea, sei alolofa, sei fesoasoani
atu, avatu ni mataupu e aoao ai alo ma fanau i tua. E
avatu ai lava lau fautuaga, e a pe a fai se faatatau aua le
faiaoga le tagata moni i lona nuu ma lona aiga? O le
mafuaga lenei. E le mafai ona faaaogaina sao le tupe
aua o le taimi e faiaoga ai, a foi atu e le saunia ana
mataupu mo le isi aso. Aua foi, o la ua alu e fai lana
faatoaga, fai faalavelave a ia lava, ona oo lea i le taeao ia
ua faatotope. A oo la i le taimi e alu atu ai le Asiasi
Aoga, ia o la ua tusi tusi mai, a e a fai atu i tamaiti e leai
lava se mea o faia. Ona fai mai lea o tamaiti e valea.
Faamolemole, o le upu moni lena ou te fai atu. Ave
faiaoga e tufatufa i nuu e le o i ai ni o latou aiga, aua e
alu atu lava punou o lona lava lea tiute e leai se mea o
alu i ai le mafaufau, po o le a alu e fai le toaga lea i i, pe
alu e vaai lana pisinisi lea i o. Leai, ona pau lava lea o le
mea o le faamautuina o sauniuniga mo le aoga taeao, a e
a oo la i le taimi e alu atu ai, e alu atu e manuia lava. O
lau fautua atu lea ua faaleotnu ai aoga i nuu i tua. Ona
ua tagi mai lea faiaoga tuu i i aua o lea e i ai lona aiga. E
faigfoie lea ma le mea moni lea. O au foi sa ou faiaoga,
e femoeai lava faapea lava le faiaoga o mea lava ia a e a
le faiaoga, e ese le valelea o nei tamaiti. A e leai, e le o
le valelea o tamaiti, o le valea o le faiaoga.
O le isi itu, ou te faalogo pea lava ua tau faamamafa le
gagana Samoa i tamaiti, a e faatuatuanai le gagana
Peretania. O le mea moni lava, faamalosi pea le gagana
Peretania aua e le fesootai i tatou ma fafo i se gagana
Samoa. E pau lava i Samoa. A oo atu foi i fafo, na o
tagata Samoa lava la e i ai, e talanoa a alu atu le
tamaitiiti Samoa na o le faa-Samoa na te iloa, ia ona
falolo lea ma tilotilo ma faalogologo. Faapea lea o le
tamaitiiti Samoa foi lea, ai ua muimui ia po ua ita le
papalagi ia te ia. A nanu atu le papalagi i mea e fai, a e
Saunoaga Faataupou a Sui Usufono 1961-2011
pau lava, vaeatu le mamalu, na o le lili. Aua foi ua le
faamalosia le mea lea e tatau ona fai. Lea e faapea ai e
lelei le gagana Samoa a o le gagana Samoa e maua mai i
le Tusi Paia. E iloga lava le matua na te le aoaoina lana
fanau i le Tusi Paia, na te le iloa faaaoga le gagana. O lo
o i ai i i, ona pau lava lea o mea o lo o i le gagana e tatau
ona fai. O le upu „tagata‟ aua le faaaogaina le „kagaka‟.
Leai, e faigofie lava, aveese le k a e tuu i ai le t, o le N i
le g. O lena lava e malamalama. Ae o le a faatuatuanai
le gagana Peretania, e le i omai tamaiti i le aoga e aoao
le faa-Samoa. E faamoemoe i Matua e o e aoao ai le
gagana Samoa. Ia o le mea lena e fautua atu ai, afai foi
ua faamamafa, ia faamamafa faatasi.
Aua a le
faamamafa le isi itu ona le paleni lea o le iloa e le
tamaitiiti o le mea e tatau ona fai.
O le Ofisa o Galuega. Ua uma ona saunoa isi Sui
mamalu i auala, a e ao ona ou toe faamanatu atu. E
moni lava o lo o laga i finagalo auala, a o au e le mafai
ona tuua e lou Sui. A sue se itu e pito sili ona mafatia
ma puapuagatia, o le itu lenei o matou. E ae mauga, ifo i
vanu, e oo atu le tagata i lona aiga ua gasegase i le leaga
o auala. Ia o le mea lea ua tupu nei ia matou, ua na ona
fai atu polokalame o auala, fai atu le polokalame o vai,
ia fai atu polokalame o moli. O matou nei e leai lava se
mea o faia. Ua le auala le moli, le vai, ae na o le
nofonofo ma moomoo atu. A faaali atu lava lea mea, ia
ona fiafia lava lea o matou. Oi o le a oo mai le ā ma le ā,
ae matala ane e leai lava se mea o maua. O lea ou te
faapea atu, o le matou auala galue i lou lava nuu. E le
faapea o ni au faamatalaga e faatosina mai ai lou itumalo
ia ou toe sau ai i lea tausaga. Leai, o mea moni lava. Ia
o la e gata lava le matou auala i le mea na gata ai le faiga
e le alii lea o Malaitai aua o au lava na ma o ma Malaitai
o la lava e pau ai. Avatu lea polokalame, fai mai ua uma
le taimi. Sei alofa sei tuutuu atu ni nai taimi e fai ai o
matou auala.
O le isi tulaga o Vai. Ua uma lava lena tausaga pau
lava le faaupuga o le masina lea o le a sau ai le vai i fea
ma fea. Ia e oo mai i le asō, o le mea lava lena o lo o i
ai. Sei alofa, ou te faamanatu atu i lau afioga, o oe foi o
le tatou motu i Salafai, sei e alofagia si o tatou motu ua
faaletonu pea. Ou te talosaga atu, ia toe faaopoopo atu
le vai. O nuu nei i lo matou itumalo, tafefe, vaeatu le
mamalu o le Maota o lou gutu ma le afi afai ae faaletonu
pe faaumatia se Maota, e le iloa po o le a le mea o le a
fai ai se togafiti. Ona pau le mea e fai na o le tutu ma le
matamata i le manaia o le alu o le afi vae atu le Maota.
O le mea lea, alolofa sei vave faaoo atu. Ia oo mai na
faafitauli ia ua maua le mea matou te toomaga i ai. A ua
leai foi ni pamu e avatu, a o mafai ona matou o e ki vai
ma titina ai le faaleagaina o mea faapena.
O le isi mataupu ua faatopetope atu nai ou manatu,
vaeatu le mamalu o le Maota, se mea nei o taavale e
faaaogaina e Matagaluega. Ua leva lava ona uma le
taimi e faaaoga ai, a o la e pasi atu lava, ma o au ou te
nofo tonu i le auala. Sa ta faapea, po o fea se aso ta te
sau ai i le Maota, a e sei faaali atu mea nei. O lenei la ua
oo mai, ia o lea o le a e faafogafoga i ai. Oi, e fai ai a
latou galuega. A fia alu alu ii lona aiga e aumai se mea,
ona alu lea. E faaali atu ma le agaga moni, e le ni mea e
tau faaleaga, leai o mea e taugata. O lea o le a pisa mai i
suauu, a e sei vaai i nei suauu e soona fai. E le o faaaoga
tatau, o lea e faaali atu ai sei lapatai e o lo o latou
faaaogaina a tatou meatotino, o mea tau taavale. E ese le
leaga o auala, a o le alu la e i ai, ai ua mafaufau e le o
sana mea moni. A e ou te fai atu, ana sana taavale e le
soona faia. Sei lapatai atu ia i latou na ona tau atu vave i
ai se tofa i lau Afioga i le alii Minisita o Galuega, e fai
fuafua.
O le isi itu, o Asiasiga i nuu i tua. Paga le faanoanoa
ona o le tele o asiasiga e o atu, ae ou te le iloa po o le a
le mea e tele ai. O le mea moni e tasi lava le asiasiga
maua le tonu. Ou te le iloa pe i ai ni feau, ae o lo o o atu
e asiasi i ni o latou aiga. Sei alolofa e tatau ona fai
fuafua. Fai foi o lo outou asiasi atu a o lo matou asiasi
mai e fai atu mea mo outou aua ua le iloga le mea ua
matou oo i ai. O le isi itu, sei e fesoasoani mai pe a
matou tagi atu i ni mea e fia faaleleia. O lena ua tau atu
ma le faaaloalo lava i lau Afioga a le Minisita, e i ai lava
nai mea nei e i ai auala ma vai. A outou natinati atu nei
e aumai le atiina ae ma le a ma le a, o ai a atiina ae e
leaga auala? O le mea la lea sei alofa ia fesoasoani mai i
lena itu, o atiina ae.
Faafetai tele atu i lau Afioga a le Fofoga Fetalai mo le
avanoa ua tuuina mai. O au e i ai ni mea taua lava o lo o
fia faasolosolo atu i ai, a e faafetai lava o le a fai lou
finagalo.
O le a faaali atu nai mea ia, a le oo i ai, ona pau lava. O
le atiina ae. O mea nei, o le aumai o laau toto ia mai
fafo, o a ea nei laau-toto e aumai soo? O le eleele o
Samoa, o eleele faamanuiaina. E manuia lava le eleele
ia, pau lava lea, o le fia galueaina. A o a nei mau laau e i
ai nei koko fou ua aumai? A aumai, aumai na koko fou
e toto fai atu foi e le manuia toe tigaina foi. Sei alofa,
aua le toe aumaia nisi laau ma le faalavelave i laau e
masani ai le laueleele o Samoa.
O le mataupu lea i le teuina o Popo ma Koko, o au e le
manatu tele i lea mea ua tupu mai i lea 90 tone. O matou
o fai-faatoaga, e le masani ona memei le koko vagana
ona ua fai se fuafuaga i ai. A o lenei ua tulai mai lenei
mea. Ou te faapea atu ma lou faaaloalo, o lea foi ua ou
faaologo o le a faatau e le Malo le popo ma le koko e fai
e latou. O le mafaufau ea, e mafai e le malo lea mea? O
aso muamua sa faatau e kamupani le koko, sa leai ni mea
se tele e tupu mai, aua foi sa tofu le kamupani ma lona
taimi. E sau le vaa o lea kamupani, fai mai o lea ua sau
le vaa o Molesi. Faasalalau atu i lea kamupani e aumai
ni o latou tusaga i le vaa lea. O le taimi lena e galue lelei
ai le popo ma le koko a kamupani, nei mea ane ua tuai.
Ia ae leai se mea sa tupu mai ai. A o le mea lenei o le a
avatu i le Malo, ia o fua nei e le lava le iloa o le tagata o
lo o latou faafoeina lenei mea aua e le o ni tagata e
masani i le amioga a le koko. O lea la e faapea atu ai, e
mafai ea e le malo lea mea? O lou lava mafaufauga,
ailoga? A o aso sa i ai i kamupani, pau lava le mea o le
aumai, sau loa le sui o lea vaa faasalalau i kamupani pe
Saunoaga Faataupou a Sui Usufono 1961-2011
fia tone o le a ave o popo ma koko. A o lea ua tulai mai
e tuu atu i le Malo, ia o lea ua pagatia a o lea faatoa
aumai. Ou te fautua atu toe fai lava se fuafuaga i lea
mea.
O le isi itu, o le 5% lenei o lo o ave atu i nuu. Ae a pe a
finagalo le Malo e ave muamua i ai le 65% a e tuu le
5%. Aua, o le mea lea ua i ai, a uma le 5% ona nofonofo
lea. E oo mai lava i le aso, e leai se 65% a le Malo o
aumai mo matou. Sei ave muamua le 65% ae tuu le 5%.
Na ona avatu lava pe tusa ai ma le finagalo o le Malo lea
mea, a o lea ou te tau atu nai ou lava mafaufauga.
O le isi itu o lo o i ai i le Lipoti a le Minisita o Tupe,
ma o lo o faaletonu ia te au, o le itulau 4 parakarafa
muamua o lo o faapea mai “O lea la ua faia nei se
polokalame o faiga e tosina ai mo mea e faatau atu i fafo
lea o le a aofia ai faatasi ma le au faifaatoaga ma le
aufai-pisinisi.” O upu ia e lua o le au faifaatoaga ma le
au faipisinisi, ou te le iloa po o le a le mea o le a tuu
faatasi ai le au faifaatoaga ma le au faipisinisi, a o lea foi
ua toe tu mai i lalo le isi faaupuga “O le a faapea foi ona
fetuutuunai o a tatou tupe e faasoa atu mo le tusia o
oloa.” Na o oloa mea ia, a o lea ua tuufaatasi ma le au
faifaatoaga. E a pe a avane e tusi ai ma ni mea
faifaatoaga? Aua o lea ua ou manatunatu, ma lou
faaaloalo, o lea o le a fenumiai mea ia e lua, o le fai
faatoaga ma le fai pisinisi. Sei alofa sei toe fetuutuunai
ane lava. O lea e i ai ma le isi parakarafa i lalo, o le Tau
o le Soifuaga. Malie lava le Maota ua faanatinati atu,
ona o lou faaaloalo i le Fofoga Fetalai ma lana faaiuga.
O lea ua i ai i i le Tau o le Malo faiga e mafai, ina ia
„alofia ai le taugata o le soifuaga i totonu o le atunuu. E
tupu mai i lou loto, ailoga e moni lenei mea, ailoga o a
faiga. Aisea ua le aumai ai le faamatalaga a le Suetusi i
le tausaga e 1976 ma le 1977? A oo i le 1977, fai le
faaiuga a le Suetusi, ona iloa ai lea o se mea o lo o
faaletonu ina ia tauave le faaletonu lea pe mafai ona foia
i le 1977. Ua aliali mai i le 1976, 1977, 1978, 1979 ma
le 1980 o lea ua fai mai o le a fai i ai se fuafuaga. Afai
lava o lo o i ai se fuafuaga lelei ma le taua, o se mea ou
te faafetai ai au, aua a aumai e i ai se faaletonu pe a, a ua
ou iloa ma malamalama.
Lau Afioga le Fofoga Fetalai ma le mamalu o le
Palemene, e le avea lou manao ma lou fou, e sui ai le
faaiuga o Tulafono Tumau o le Maota. Ona faapea ai
lea, o le a faapau ai i ni ou manatu. Ae ou te faapea atu i
nai au toe upu, le Malo e, ma lou faaaloalo, ua amata ona
feausi tagata vaivai o le atunuu ona ou manatua ai lea le
mea na tupu i ona po o Noa. Ua uma ona avatu fautuaga
e fau, fau, fau ae leai. O le mea na oo i ai, ua oo mai le
faalavelave a e na o le feausi ma alalaga, auoi! ta fia ola,
a ua leai se mapusaga. Ona pau lava le mea na i luga o
le fogatai, na o le amiotonu. Ou te faapea atu ai ma lou
faaaloalo i le Malo, talofa, a feausi, o le a le mea e tua i
ai le atunuu? Ma lou faaaloalo, ua avatu nai fautuaga e
le faapea e faaleaga; o fautuaga, pe pao-papa, pe oona,
ae suamalie mulimuli. Ia manuia le fonotaga a le
Palemene o Samoa, manuia lau Afioga a le Fofoga
Fetalai. Soifua.
Afioga MULIPOLA LEVAULA
Itumalo Faaalaalafaga:
Aiga i le Tai
Filifilia:
9 Mati 1979
Faatauto:
28 Mati 1979
Lauga Faataupou:
13 Tesema 1979
E muamua ona ou
matautia faatulou i lau
Afioga i le Fofoga Fetalai, ma e faapea foi ona ou
faatulou atu i le Afioga i le Palemia aemaise le Paia i le
Aiga Minisita. E faapea foi ona ou faatulou atu i sui
usufono mamalu o le Fono Aoao Faitulafono a Samoa i
Sisifo. Ou te faatulou atu foi i Lana Afioga Mamalu O le
Ao o le Malo o Samoa, Susuga Malietoa Tanumafili II
ma lou Nofoa Vaevaeloloa o oe lava e faalogo i ai
Samoa. E faapea foi ona ou faatulou atu i le Sui Tofia,
Afioga Tupua Tamasese Lealofi IV, tainane le paia ma
le mamalu ia Pule ma Tumua, Ituau ma Alataua, Aiga i
le Tai ma le Vaa o Fonoti. E faapea foi se tapuaiga i le
Faleagafulu o le motu aua Sua ma le Vaifanua, Fofo ma
Aitulagi, Ituau ma Alataua, Saole ma Saleaaumua, o
nofo a Maopu ma le Auvaa o Tootoo, ae tainane le
Aufaigaluega Paia a le Atua o loo latou tu‟i le
mulipapaga i faiva o tapuaiga ma fai tatalo i le ao ma le
po, po ma le ao. O outou paia le popo na Samoa mai le
Vavau e oo atu lava i le faavavau. Ia ee mai la i Vaatapu,
alaala maia i seetaga malu Samoa ae se‟i ou liliu ane i
lo‟u Itumalo o Aiga i le Tai ma le Luaipou o Malo.
Lo‟u Itumalo e, alo maia i ou faiva o tapuaiga e pei o le
upu e fai i le tamaitai tele o Nafanua i le nuu o
Falealupo, ae se‟i ou liliu ane e fai se manatu aua so ta
sao i le Maota Fono o Samoa ma lona Malo Tutoatasi
tau atia‟e.
Lau Afioga i le Fofoga Fetalai ma le mamalu o le
Palemene, fai mai se tasi upu a muamua teu fale e malu
ai foi fafo. O lea o le a agai muamua la‟u tautalaga i lo‟u
Itumalo ma ou te fia tautala i mea tau eleele ona e taua ia
te a‟u. E fou le sui usufono, a‟o lenei mataupu i mea tau
eleele i lenei Itumalo, o se mea ua leva ona tulai mai.
Faafetai foi i nisi sui usufono e pei o le Tofa Toī ua ia
laga mea tau eleele. O le 17 lenei o tausaga talu ona
Tutoatasi Samoa i Sisifo ma o le 17 foi lenei o tausaga o
matou tatalo mai ma tuuina mai ni a matou talosaga i
luma o le Malo, e ui mai i nisi uso a faipule na se‟i
mavae atu nei. E afua mai i le Nofoaiga a le Afioga
Mataafa Faumuina Mulinuu II, e faapea foi le Nofoaiga
a le Afioga Tamasese Lealofi le IV seia oo mai i le
Nofoaga a le Afioga i le Palemia o loo tulai mai nei,
Tofa Tupuola Efi, o lenei lava e talosaga atu.
Lau Afioga i le Fofoga Fetalai ma le mamalu o lenei
Palemene, ou te fia aumaia se nuu o lenei Itumalo, o le
alaalafaga lea o Mulifanua e fai ma faataitaiga. O le
faitau aofai o lenei nuu e tusa ma le 1,200 i le 1,500 o
loo aumau i le ogaeleele e tusa ma le afa maila faatafafā.
Saunoaga Faataupou a Sui Usufono 1961-2011
O le talitonuga o lo‟u sui usufono lau Afioga i le Fofoga
Fetalai, masalo o le isi 10 tausaga i le 20 tausaga ua
matua faatumulia lenei ogaeleele. O lenei nuu o loo
galulue i se fanua tau Samoa e tusa i le 30 i le 40 maila
le mamao mai le sami.
Lau Afioga i le Fofoga Fetalai, e le mafai ona uia ma
taunuu i le ogaeleele lea e pei ona ou taua, vagana ua
sopoia pe uia le ogaeleele o le Malo, eleele ia o le
Esetete Tausi. O le mea la e atugalu ai lo‟u taofi ona e
faatulafonoina foi nei fanua. A ta le 9.00 i le taeao ona
faatoa mafai lea ona fegasoloa‟i nisi o lenei Itumalo, ae a
ta le 6.00 i le afiafi ona faasaina foi lea. O le fesili la o
lo‟o tulai mai pea i lo‟u mafaufau, tulou, ua fia ni
tamalii, failauga, toeaiina, loomatutua, o tane, o fafine e
oo lava i fanau laiti ua molía i le Tulafono? Ua oo lava
foi ina falepuipui nisi ma ou te tautino atu i lau Afioga i
le Fofoga Fetalai ma le mamalu o lenei Maota, e tele ni
misa ma ni faalavelave ua tutupu ma aliali mai talu ai le
leai o ni eleele e galulue ai pe tua i ai lenei nuu po‟o
lenei foi Itumalo?
O loo i ai foi lau Afioga i le Fofoga Fetalai le talosaga a
lea nuu o loo i ai nei i luma o le Malo, ma lo‟u lava
talitonuga e le‟i maua mai se tali maumaututu o lea
talosaga. O mafuaaga na e pei ona ou taua muamua e
faatoateleina ai pea le faitau aofai ma le tuputupu a‟e o
le tóatele o tagata o lea alaalafaga.
O lona lua, e mamao le mea o lo‟o galulue ai. O lona
tolu, o le tele o faalavealve o loo tutupu i le va o e o loo
tausia ia eleele, tagata ia o le Malo ma tagata o le
Itumalo. O lona fa, o le tele o mea e faaono faaleagaina o
le fanua o le Esetete Tausi, e i ai mea e pei o niu, koko
ma isi mea o fua aoga o faatoaga. O mafuaaga ia ou te
valuvalusia ai a‟a o le fau i lau Afioga i le Palemia
aemaise lau Afioga i le Minisita o Eleele. Ua ou vaai atu
nei e le o alaala mai le Afioga i le sui usufono, Afioga
Aumua Ioane Sanerivi, o se tasi foi o uo mamae ma te
so‟otauau i lo ma Itumalo. Se‟i outou silasila toto‟a ane,
sina vaega o eleele aemaise lava fanua o le Malo o loo
tuaoi ma laufanua o lenei Itumalo. Ou te talitonu afai o
le a tuuina mai lea foai, o se auala lea o le a foia ai ni
faalavelave o le a tutupu mai pe aliali mai foi i ni tausaga
o i luma. Ou te talitonu e le o se mea taumate lea mea, o
le a tusia foi o outou suafa i le Tala Faasolopito o lenei
Atunuu, aemaise foi Tala Faasolopito o lo matou
Itumalo o Aiga i le Tai.
O Auala ma Vaipaipa: faafetai i lau Afioga i le Minisita
o Galuega mo galuega e pei ona e fesoasoani mai ai i o
matou auala galue, ae peitai ane, e le‟i mae‟a lelei foi.
Se‟i e toe silasila toto‟a i ai aua a tetele timuga ma uaga
mamafa ua faaleagaina nisi oga-auala. Na ona toe
faamanatu atu i lau Afioga i le Minisita, e le‟i faataina
lava le auala o lenei Itumalo pe tusa o le 5 i le 6 tausaga
talu ai na faataatia mai ai lea polokalame. E faamoemoe
lava i lau Afioga i le Minisita, e pei foi ona ta fesilafai,
ua e ofoina mai o matou lava o le a muamua i lau
polokalame i le tausaga fou. Faafetai.
O mea tau eletise: faafetai atu foi i lau afioga i le alii
Minisita o loo faafeagai ma lea matata. Ua faasopolia
lava lenei itumalo seia amata atu i Mulifanua ma
Manono-uta. O le fesili la o le tulai mai o lo‟u nei sui pe
afea Manono-tai. O la‟u tali i lo‟u lava sui ua tatau ma
onomea lea mea. O loo i ai nei le galuega i lo matou
itumalo. O le tasi foi mea lau afioga i le Fofoga o le
Fono s ama feiloai foi ma se tasi uo mamae o loo i ai le
poto faapitoa ma le poto masani i ia ituaiga galuega ma
ua ia fai mai pe tusa o le $150,000 i le $200,000 e tatau
oan uma ai lea galuega. Pe le‟i alagatatau ea i lenei
vaitaimi ona fesoasoani mai le malo e faia se uaea eletise
e faagoto i le sami foi lea e ta‟i ai moli-uila i tai i lo
matou motu o Manono?
A o i ai lava i lea tulaga o le eletise, ua ou fia taua ai foi
le isi foi ituaiga polokalame fou lea poo galuega o le
malosi faa-eletise mai le suavai mo Apolima-tai aua e
lelei le vaitafe. A o i ai foi i le nuu lava lea o Apolima,
ua ou manatua ai foi mea ia tau Pulenuu. Sa taua foi i le
faalogo ua uma ona pasia le pulenuu o lenei nuu, a ua ou
le iloa poo fea le mea o i ai i ai. Ae silafia foi e nisi o
alaalafaga e pei o Saleaaumua e fai ma faataitaiga ona o
Utufaalalafa lona pitonuu pe na o se 5 matai ae le atoa se
20 ni taulelea ae fai le latou pulenuu. A o Apolima-tai, ia
ou te le fai atu e sili atu i le 15 matai ma taulelea e maua
se 50 i se 100 ae leai se pulenuu. O lea la se‟i silasila
toto‟a ane i ai lau afioga i le alii Minisita o loo faafeagai
ma lea matagaluega. Ua toe manatua ai foi le āva e pei
ona tuuina mai lava e nisi o faipule o lenei itumalo i ni
tausaga ua mavae, se‟i fai lelei le ava o si o matou nuu o
Apolima-tai.
Ia ona oo mai lea i mea ia tau telefoni. Lau afioga i le
alii Minisita o loo feagai ma fesootaiga masalo o lau
afioga lea Asi Eikeni. Se‟i e silasila ane i ai i lea vaega.
Ou te toe tau manatu at usa i ai se vaitaimi sa tautalagia
ai ni telefoni mo falemai i nuu i tua. Masalo o le
nofoaiga lenei poo se tasi nofoaiga ina ia faafaigofie ai le
fesootaiga ma le Ofisa tutotonu o le Ofisa o le Soifua
Maloloina i Apia nei. Poo fea o fai i ai ia fuafuaga pe
afai e tonu a a‟u. Ou te talitonu ua tatau mo nei motu e
lua o Manono-tai faapea ma Apolima-tai aemaise foi le
falemai i Mulifanua e pei ona outou silafia lau afioga i le
Fofoga Fetalai ma le mamalu o le Palemene. Ou te le fia
auiliiliina atu la le mau faalavelave tutupu ma na i‟u ina
maliliu ai nisi o lenei itumalo talu ai le le lelei o
fesootaiga aemaise le mea tau falemai.
Ona ou soso mai lea i le vaega lea o le PSC – le le siia
o totogi e pei ona faatagi mai tagata o le aufaigaluega o
le Malo. Ou te matua lagolagoina le siitaga o le 30%. E
le tatau foi e pei ona maua atu i nisi o Sui mamalu sa
latou saunoa ina ia faaleleia ai se vaega toaitiiti i lalo. O
lo‟u lava manatu afai ua sii lalo ia sii foi ma luga. Afai
ua sii luga sii foi lalo sii foi ma le ogatotonu ona
matagofie lea o ia e pei ona tagi mai le aufaigaluega a le
Malo. Masalo o le matafaioi lea a le Ofisa o Tupe e sili
ona o le vaega foi lea, tulou o le upu e to ia te au, o le au
ulu-tatagi e su‟e mai ni a tatou tupe e faatupe ai. Malie
foi lau afioga Vaovasa lea i ou te le faapea ou te fai atu i
lau afioga a le Minisita, ae o le vaega foi ia o loo alolofa
Saunoaga Faataupou a Sui Usufono 1961-2011
pea ma o e su‟e mai ni a tatou tupe e faatupeina ai le
siitaga a tagata faigaluega a le Malo.
O le alii Minisita o Tupe o lau afioga lea Vaovasa. O le
tau o le soifuaga ia toe tau logo atu lava i lau afioga
tuutuu i lalo ma fai ni au fuafuaga e tuutuu ai i lalo
fetuunaiga o le sii o le tiute ma le sii o le tau o le
soifuaga. Ona o itu lava e pei ona silafia afai e sii le tau
o le penisini, ia o le a faapena foi ona sii o totogi o
pasese. O lo‟u lava la talitonuga masalo pe na o le 200 i
le 300 nisi e fai taavale a o le tóatele o le a mafatia.
O le a ou le tautala atu i le tele o nisi matagaluega e pei
o le Ofisa o le Tiute, Faatoaga, Aoga. Ui lava i lea, ia ua
aafia foi i ni finagalo faaalia i le tele o Sui mamalu. Ae
se‟i ou oo mai loa la i le Soifua Maloloina. Ona o lenei
lava matagaluega e tele ma ou faaeteete tele i ai, o lea o
le a taumafai atu i ai se manatu. Ou te faafetai atuu i le
tóatele o Sui mamalu na saunoa i le le lelei o le faafoeina
o lea matagaluega a le Malo i tausaga ua mavae. Ia
masalo o loo faapena foi e oo mai i lenei taimi. Sa ou
maua ananafi i saunoaga a le afioga i le alii Minisita o le
Soifua Maloloina faapea le Minisita o Aoga, sa faapea e
le aia le Malo i le tofiga a le PSc poo le Komesina e
pulea tagata faigaluega a le Malo ma ou te momoli atu
la‟u faafetai i ia tamalii faamaoni ma le anaana i mea
lelei. O lea foi la ua fia mulimuli atu ai a‟u fesili i le fia
lagolago atu ai i le mea moni ma le amiotonu ina ia
maua ai pea le nofo fealofani tagata o le atunuu.
Ou te tau to manatunatu i le tausaga e 1977 sa
faasalalauina ai le Fomai Sili o le Soifua Maloloina, o le
taimi foi lea o ou galue ai ma pe tusa e to‟a 6 na tusi
talosaga i lea avanoa. Sa tofia le Komisi e le PSC e
iloiloina tusi talosaga ia. Ou te manatu pe moni a a‟u pe
leai, a‟o le Susuga Ron Berking le alii faipule lea o loo
faatasi mai, sa avea ma Taitaifono i le Komisi e iloiloina
talosaga ia. O la‟u fesili la i le Minisita o le Soifua
Maloloina faapea le Afioga i le Minisita o le PSC, poo ai
o oulua e maua mai ai le tali faamaoni o la‟u fesili?
Muamua, pe leai se Fomai Samoa e agavaa mo le
tulaga o le Faatonu Sili o le Soifua Maloloina?
Lua, pe a tusa ai ma tulaga o le Maota e tuuina atu ai
la‟u fesili i lau Afioga i le Fofoga o le Fono, poo ai na i
ai i le Komisi lea na fautuaina le tofiaina o Dr Ridings e
avea ma Faatonu Sili? Lau Afioga i le Fofoga Fetalai ma
le mamalu o le Palemene, ua tóatele foi ni sui usufono
mamalu o le Palemene ua saunoa tetee i le tofiaina o Dr
Ridings e avea ma Faatonu Sili Aoao.
O lona tolu o a‟u fesili, faamolemole po‟o ua tofia
aloaia le susuga i le Alii Fomai e fai ma Faatonu Sili e
pei ona faasalalauina i nusipepa ma le 2AP?
O lona fa, i le vaiaso na te‟a nei na faasalalau ai i le
2AP, ua toe tofia foi le Afioga Solia Tapeni Faaiuaso e
avea ma Sui Faatonu Sili Aoao. E fou lenei mea ia te a‟u
o ni tofiga e fai ae le‟i faasalalauina le avanoa e tauva i
ai ni alo o le Atunuu. O le isi fesili, pe aisea ua tofia
faapitoa ai le Afioga Solia Tapeni e fai ma Sui Faatonu
Sili Aoao?
Lau Afioga i le Fofoga Fetalai ma le mamalu o le
Palemene, ou te le faatauagavale i uso a tagata mai fafo,
po‟o totonu foi o le Atunuu, ae i ai itu nei e lagona ai le
faanoanoa o so‟u taofi vaivai. E le mafai ona tatou alo
ese i le lagona faa-tagatanuu Samoa e alofa moni i le
aufaigaluega pe afai ae aliali atu i a tatou felafolafoaiga i
le Maota lenei se manatu e faapea, e le taulia le tomai
ma le taleni o alo ma fanau a Samoa. I la‟u tau matau atu
i le Tala Faatatau o le Tupe ma totogi ia ua tulai mai nei
o le Soifua Maloloina, o lea e tulai mai ai le $65,000, ma
o la‟u tau matau atu, ua aofia ai le totogi o le Faatonu
Sili Aoao e $35,000. O le isi vaega o le $17,500 ua
fuafuaina e le Malo mo le Faatonu Sili Lagolago ma
Tausimai faapea le isi $17,500 lea ua fuafuaina e ave i le
Faatonu Sili Lagolago mo le Pulega. O nei avnaoa uma
atonu e aumai uma mai fafo.
O le lima o a‟u fesili lau Afioga i le ava ma le migao i
le Afioga i le Minisita o le Soifua Maloloina; po‟o ua
leai ea ni alo o Samoa e agavaa e tauaveina ia tulaga o
loo tau saili mai ai nisi mai fafo e faatutumuina? Ou te
matua lagolagoina finagalo o le Maota e le o lelei totogi
o le aufaigaluega o lenei Matagaluega. E 24 itula o
galulue i le aso ma ou te tautala atu i lo‟u mautinoa ma
lo‟u iloa o le tigaina ma le mafatia o tiute tauave o
fomai, o tama ma teine Tausimai faapea isi vaega o lenei
Matagaluega. E fologatā le maua o tala e $65,000 ua
fuafua nei e le Malo mo lenei toatolu o tagata mai fafo,
ae faale amanaia alo ma fanau a Samoa. Ua saunoa ma
fetalai nisi o sui usufono i se tasi mataupu e pei ona laga
e le Afioga Sala Suivai, ma o se mataupu e faapea – o se
tupe tele o lo‟o ua goto nei i le falemai e tusa ma le
$100,000 pe a, ma ua pa ai foi le tala e faapea ua faate‟a
ai se tasi o uso a auauna aemaise o se matai taua o lenei
Itumalo.
E foi mai lea alii sa alu i le tolu vaiaso i Fiti, ae maua le
tala ua opeopea, tulou, ua faate‟aina. A‟o lea foi ua maua
tala i le vaiaso na te‟a nei, ua matua tuli lava lea alii. O
le ono la o a‟u fesili i lau Afioga i le Minisita, poo ua i ai
se fuafuaga ma se aiaiga i lea mataupu e tuuina atu i
luma o Leoleo lea mataupu e pei o ala o mea? E tatau
ona suesueina ina ia aveesea ma faamamaina le suafa o
lea matai, aemaise o le matai o le matou Itumalo.
Ona ou agai mai lea i nisi mataupu ma e le o toe umi
foi ni mataupu o lo‟o totoe. Lau Afioga i le Fofoga
Fetalai, i tiene e lagolagoina galuega faa-fomai i
Itumalo. O lo‟u nei sui usufono ou te matua tetee i lea
vaega, ona ou te lagona o se mea e le tatau. E foliga mai
o se mea ula, tulou, ona o nei tamaitai e aoaoina pe tusa
o le 3 i le 6 masina ae leai ni totogi. Ua maua foi tala i le
Susuga i le Faatonu Sili Aoao, Susuga Dr Ridings e
faapea o le a maua ni totogi o nei teine e auala mai lea i
le Soifua Maloloina o le Lalolagi. O le fesili la e ala ai
ona ou tetee i lea itu ona o le mea moni, pe tasi le
tausaga e tauaveina ai e lea Faalapotopotoga le totogiina
mai o nei tiene, ona toe amo foi lea e le Matagaluega, ae
o lo‟o oi pea le Atunuu i le leai o ni tupe.
Ua ou fia pa‟i atu i Komiti a Tinā. O lea e nunumi i
lo‟u mafaufau ona ua tulai mai ua tolu nei ni
Faalapotopotoga a tinā i totonu o le Atunuu. O le lagona
toatasi o lo‟u lava sui usufono, e le tatau foi i Komiti a
Saunoaga Faataupou a Sui Usufono 1961-2011
tinā i le Soifua Maloloina ona taitai e se tamaloa. O le
Susuga Tapeni lea e avea ma Peresetene Aoao o Tinā, ae
i ai foi se isi Peresetene o le Fono Aoao a Tinā e pei ona
Peresetene ai le Afioga i le sui usufono o Laulu
Fetauimalemau. O se tasi foi vaega e pei o le Komiti a
Tinā ua faatu nei e le Malo e Taitaifono ma Peresetene ai
le faletua o Tiresa Lesā. O lo‟u lagona ua tele naunau nei
Komiti ua fenumiai i lo‟u mafaufau, ma ou te fautuaina
ai le Malo, se‟i tau fetuunai ina ia maua se mea e tasi i ai
le Maota aua le lelei o Samoa ma ona tagata.
A‟o le‟i uma la‟u lauga, ou te fia faatepa lau Afioga i le
Fono Fetalai ma lenei Palemene, i mea ia o palota. Malie
lau Afioga Letiu, e leai sou sese, ae o le fia maua o le
mea tonu ma le mea sa‟o. E tusa ai ma Tulafono Tumau
poo le Faavae o loo faapea mai, afai o le a toesea se
Minisita, o le a tatau loa i le Palemia i lena taimi ona
tofia e ia se tasi sui usufono i lea tofiga Minisita ae e le
aoga ona tuutuu loloa e pei ona i ai nei le tulaga lea i le
alii Minisita. Afai la ua sasi le silasila a le Failautusi o le
Fono Aoao poo le Minisita foi o loo feagai ma lea
tulaga, ia ua tasi foi le sasi, ae a faalua loa ona sasi, ua
faale-lelei loa. O ni nai fautuaga na e fia faaoo atu i lea
tulaga.
O la‟u lauga ua uma, tau ina ia manuia le Fono lau
Afioga i le Fofoga Fetalai ma le faatautaia o lenei Maota
Fono, ae ia ola le sui usufono o le Aiga i le Tai.
Mr NETZLER, JACOB JOHN OLAF JACK
Itumalo Faaalaalafaga:
Palota Taitoatasi
Filifilia:
28 Ianuari 1981
Faatauto:
3 Fepuari 1981
Lauga Faataupou:
5 Fepuari 1981
Lau Afioga a le Fofoga
Fetalai ma le mamalu o le
Fono. Ua saunoa nisi uso-a-faipule e fuafua i fanua ia, o
isi foi ua tatou faalogo atu i ai e malilie i le lafo, mau foi
e ē le malilie. O au la ou te lagolagoina le lafo i luga o
tulaga nei.
O alaalafaga nei e i ai Faleata ma Vaimauga, e le o lilo
ia tatou ua uunai i tua o le taulaga. O le a uunai uunai oo
i le tulaga ua leai ni mea e nonofo ai tagata.
Ua saunoa foi Sui, o le tele o le atunuu o lo o fai mai i
totonu o le taulaga. O le fai mai la i totonu o le taulaga o
le tele o le atunuu mai tua, ua atili ai ona faaletonu mea
ua faateleina ai faafitauli. O nei foi tulaga o fanua, o lo
o i ai se isi vaega e le o lilo ia tatou e i ai Tanumalala,
Aleisa, o Talimatau, o nei nuu ua matua faafitauli tele le
tulaga o fanua. O Talimatau ua i uta le Esetete gatai mai
fanua tau papalagi ogatotonu le tuugamau o Saina ia ae
nonofo ai i luga Talimatau. Ua faigata tele le tulaga ua i
ai Talimatau.
Sa fuafua mo Aleisa le 99 tausaga, o lea ua lata i le 70
tausaga a o lenei foi ua sii i luga e le Malo le lisi mo
Aleisa. Ua le gata la i le sii i luga, a ua sii mai i luga o le
30 sene i se tulaga pe $3.75 i le eka ma ou te lagona pei
a ua i ai le faatonuga a le mafai ona totogi mai le lisi mai
le 1976 e oo mai i le taimi nei ia ua tulai ese ia tagata o
lenei alaalafaga. Ia silasila foi le mamalu o le tatou
Maota, o nei alaalafaga ua lago i tia o latou matua i mea
nei sa nonofo ai ma galulue ai, a o lea foi o le a toe
faatulaiese. Pe i ai se fuafuaga a le Malo ma le Komiti e
fuafua i nei tagata?
Sa i ai se taimi ua mavae e le o lilo i tagata matutua o le
Maota lenei, sa i ai fanua sa faamamulu atu e le Malo i
alaalafaga i tua i le tai tala i le eka. O lo o i ai foi ni
fanua ua uma ona tuu atu i alaalafaga i tua o lo o taatiatia
e le o faatoaina, ae paga lea o nei alaalafaga e i ai ia
Talimatau ma ia mea e lata mai nei i Apia; o lo o mafatia
tele i le tulaga lenei o fanua. le vaevaega foi e faapea ua
i ai se faatusaga i fanua ua faatau atu i tua. Ia silasila foi,
o tatou ua tuu mai ai e le Atua le faitalia. A tuu mai lava
ia oe lou fanua ma le faitalia ua ia oe, afai a o lou aiga ae
toatasi ua nofo ma faatau lo latou fanua aua nei
faalauaitele a le tatou mataupu. E ese a le aiga lea e tasi
ese le lautele o Samoa. O le tele o Samoa o lo o sue ia ni
fanua e fai ai ia latou faaeleeleaga. E le aoga la ona
aumai se faatusaga e tasi o le a aafia ai le mamalu o le
atunuu lenei. Ia o nisi tulaga e lagolago ai le lafo o Vaea
pei ua atugalu ai nei Faleata ma Vaimauga.
O se tulaga ua i ai nei ua i tai Faleata ma Vaimauga ua
lata mai i le sami vaeatu lava. Soso atu i uta ua i ai le
Esetete Tausi, ia o le Esetete Tausi o se mea telē telē a
ua tutuli nei la Faleata ma Vaimauga ma nisi foi tagata
ua tuumuli i tua i luga o le mauga. Ua faigata tele ia
latou faigata tele ua faigofie atu ona faatoa eleele lata
mai o le Esetete Tausi ma na tulaga a ua le iloa le mea e
ō i ai tagata. O se tulaga lea e le faaumi atu ai au upu, a
o se tulaga lea ua ou tu atu ai ou te lagolagoina le lafo
faatu a le Fono lea.
E i ai la sou mafaufauga pe malie lau Afioga, pe mafai
ona fai se lafo Teuteu e fuafua i le Komiti. E i ai i lou
manatu vaivai lava ua tatau ona faaopoopo se isi i le
Komiti lea e le o lava ia Usufono o lo o i ai. Ou te faatu
atua la se lafo pe a lava; (“pe a malilie a e tuu ifo i ai lou
uso-a-Faipule lea o George Lober i totonu o le Komiti
lea”) ona o maua ma George o lo o aafia tele i alaalafaga
nei o lo o lavea i fanua nei aemaise a le talafatai i Apia
faatasi ai ma Aleisa, Talimatau ma le vaimea i le Ili. Ia
o se upu lea ma le faaaloalo.
Saunoaga Faataupou a Sui Usufono 1961-2011
Afioga NONUMALO FAIGA
Itumalo Faaalaalafaga:
Alataua Sisifo
Filifilia:
9 Mati 1979
Faatauto:
28 Mati 1979
Lauga Faataupou:
6 Tesema 1979
Ua ou tulai atu ma lo‟u
faaaloalo lau afioga a le
Fofoga Fetalai i lenei taeao, ma ua tatau foi ia te a‟u ona
avatu se faamalo ma se faafetai i lau afioga e tusa ai ma
lou seei mai i le Nofoa, ona o le toafilemu ma le
gasolosolo lelei o lenei Palemene talu mai ona usuia i
lenei vaiaso. O le mea lava lea ua faafiafiaina ai lo‟u nei
sui, e momoli atu ai le faamalo ma le faafetai i lau afioga
i le Fofoga Fetalai.
O lenei foi taimi o lo‟u muai tulai lenei i lenei Maota
Fono, e tatau ai ona momoli atu lau faamalo ma la‟u
faafetai i le tapuaiga i le Ao o le Malo, lau Afioga
Malietoa Tanumafili II, aemaise le Sui Ao, lau afioga
Tamasese Lealofi IV, faapea foi le tapuaiga ia Tumua
ma Pule, Aiga i le Tai ma le Vaa o Fonoti. Ae le gata i
lea o le aufai tatalo i Samoa ma le nofo a Ekalesia, o ē o
loo latou taufai tatalo aua se manuia o lenei Palemene
ma lenei atunuu o Samoa. Ou te fia avatu foi lau faafetai
i le tapuaiga a lo‟u itumalo Alataua i Sisifo i le nofo a
Tapaau faapea le paia tele i Faleupolu, i le mamalu i lo
outou aiga Samoeleoi, ia te oulua Tama Igoa, Nofo a
Pule ma le Faleauga o le mamalu lava lea o le Alataua.
I lenei itula ou te momoli atu le faafetai i lau afioga a le
Palemia faapea lau aiga-Kapeneta, e tusa ai o le
faafoeina o le tatou Malo i le nofoaiga na se‟i mavae atu
nei. Ae ou te fia agai loa e avatu ni o‟u manatu e fai ma
o‟u sao i totonu o lenei palemene aua le auiluma o le
Malo ma lona manuia. Ou te avatu le faamalo ma le
faafetai i lau afioga a le alii Minisita o Tupe e tusa ai ma
lau saunoaga matagofie ua opea nei i luma o le Maota, e
tusa ai ma le Lipoti Faaletausaga ua i luga nei o le
Laulau-a-Fono.
I lau vaavaai atu i le Lipoti sa faateia lava a‟u, ma ua
avea o se avega mamafa i lo‟u nei mafaufau, i lo‟u
faalogologo atu e pei ona ta mai i le tala o le vaifanua i
le lua aso talu ai pe a, sa faasilasila mai ai e le Komiti o
Tupe, ua le lava le 1% o tupe faaalu e le‟i faatagaina e
faagaoioi ai e le Malo ia mea e tupu mai faafuasei. Ma o
le mafuaaga lea sao u taumafai ai ma ou punou ai e
suesue i tausaga e tolu e pei ona mavae atu nei i le
nofoaiga. Ma o le mea ua oo mai ia te a‟u ou te fia
tautalagia ma ou te fia faitauina atu ai, ina ia toe
fafaguina ai mafaufau o le mamalu o sui usufono o lenei
lava Palemene. I le vaega 96 o le Faavae o le Malo
Tutoatasi ua faatumulia faapea – Tupe Faaalu e le‟i
Faatagaina. Ma e faapea ona ou faitauina lea lava
Tulafono Faavae –
“I le faagasologa o le vaitaimi i le va o le pasia o le
Tulafono e Faasoasoa ai Tupe ma soo se tausaga
faaletupe, ma le faaiuga o lena tausaga a ua manaomia e
tatau ona faaaluina se tupe e sili at upo o le lē aunoa ma
le faasoasoaina o le Tulafono Aoao Faitulafono le
Kapeneta mo le tulaga faapea e faatagaina e le Kapeneta,
e mafai e le Minisita o lo o ona tauaveina mea tau tupe
ona faatagaina le faaaluina o ni vaegatupe e pei ona
faatatauina ua tatau ai. Ae vagana ona ua faapea o le
aofaiga atoa o tupe uma ua tuuina atu ma totogiina atu e
tusa ai ma aiaiga o lenei mataupu, e le sili atu i le 1% o
le aofaiga atoa o tupe uma e faasoasoaina i le Tulafono
mo le faasoasoaina o tupe mo lena tausaga.” Ua manino
ma malamalama lenei lava Tulafono Faavae i le
faatagaina ma le tuuina atu i le mamalu o lenei lava
Palemene e 1% e mafai e le Malo ona tapa i ai pe afai ae
tutupu mai ni faalavelave faafuase‟i, e ese mai ai i le
Tala Faatatau o le Tupe i lea tausaga ma lea tausaga.
Ona ou suesue atu ai lea i le tausaga e 1976 ma ua alia‟i
mai ai o le tupe na sili atuu le faaaoga e le Malo mai le
1% e $811,068. Ma ua faatusatusaina lea i le pasene o le
Tala Faatatau Aofai o le Tupe i lea tausaga – 9% ua
solitulafono ma soli faavae ai le Malo. Agai mai i le
tausaga e 1977 ma maua ai le aofai e $512,591
faatusatusaina le pasene i le faitauaofai o le Tupe
Faatatau i lena tausaga e 6% ua toe solitulafono ai foi le
Malo. Agai mai i le tausaga e 1978 ma ona e le‟i maua
mai le lipoti faaletausaga o lea lava sa mafai i a‟u
suesuega ma la‟u fuafua atu i ai, le tupe ua ova
faaaogaina foi e le Malo e $1,418,828; ua fuafuaina lea o
le 5% ua toe soli faavae ai foi le tatou Malo. Ona ou toe
taumafai foi lea e suesue mai i fuainumera i le Tala
Faatatau o le Tupe e pei ona tuuina mai e le‟i atoa mai i
lenei tausaga. A ua mafai foi ona ou suesueina ma
fuafuaina ma ua maua ai, toeitiiti oo i le $3,000,000. Ma
e tusa lea ma le 9% ua toe solitulafono ai foi le tatou
Malo i le faaaogaina po o le ova faaaogaina lea o tupe
ese mai le 1% sa faatagaina e lenei lava Maota ina ia
tuuina atu i le Malo. Ou te fia fesili atu i le afioga a le
alii Palemia. I le tausaga muamua e 1976, 1977, 1978 pe
san a ia silafia le tulaga ua i ai, ua tatou le pipii i le
Faavae, le tulafono o le Palemene e pei ona tatou i ai
nei? Afai tatou te omai iinei i lenei Maota, tatou te osia
le feagaiga aua se manuia lautele, aisea tatou te soli
faavae ai? Ona faapea lea o lo‟u manatu, pe faaluasefulu pe faa-fasefulu pe faa-selau foi ona aumai ni
Tala Faaopoopo i lea tausaga ma lea tausaga, pe afai ua
le talafeagai le 1% lea, aisea na le aumai ai i luma o le
Laulau a Fono lenei? Pe fono faa-selau lenei lava
Palemene i ni Tala Faaopoopo i lea tausaga ma lea
tausaga, a o le mea sili o loo tatou ō i le ala o mea. O le
mea lea ua ou faanoanoa ai ona ua matuiā, ua manu‟a ai
lo‟u mafaufau pe a ou vaavaai atu i nei tausaga, 1976 –
9$ ua soli faavae ai le tatou Malo; 1977 – 6%, 1978 ua
fuafuaina e 5%; 1979 – o lenei ua toe alu le 9%. Oi
talofa Samoa, talofa i le faatuatuaga a Samoa o loo ua
lafo atu nei i luga o outou tauau lau afioga a le Palemia
ma le aiga Kapeneta. Ae paga lea o loo aliali mai i nei
Saunoaga Faataupou a Sui Usufono 1961-2011
fuainumera, o loo solitulafono i tatou. Maimau pe ana
faapea e i ai se faamasinoga i le va o Malo e mafai ona
ave i ai lenei lava fuafuaga. Aua e pei ona ou iloa i
tulaga faa-faamasinoga, a molía oe i se soligatulafono e
tasi, atonu o se sala māmā lea. Ae a toe molía oe faalua i
lea lava soligatulafono, ia atonu masalo e mamafa le
sala. Ae a faatoluina ona toe molía o oe ia ou te le iloa
poo le falepuipui, poo le a lava se isi tulaga. Ao lenei ua
aliali mai ua faafaina. O i tatou ua lafo mai i ai le
faamoemoega ma le faatuatuaga o o tatou itumalo le
mamalu lautele o Samoa. A o lenei ua faapea le tulaga o
le a tatou agai i ai.
Sa matou malaga atu i le fonotaga lea o le Taupulega a
Malo o Peretania i le vaiaso talu ai. Sa tatalaina lea lava
fonotaga aloaia e le tele o Malo i lalo o le taupulega a
Peretania sa i ai. I se saunoaga mai le Kovana o Niu Sila,
sa sooo ai ma se saunoaga a le Palemia o Niu Sila o Mr
Muldoon. Ma na ia lapatai mai i le tele o atunuu i le
mamalu o ē sa auai, ia faaeteete i nisi o Malo i lalo o le
Taupulega a Peretania, aua o loo ola i luga o aitalafu. O
nisi o Malo ua le mafai ona totogiina ia aitalafu ua uma
ona faauneina. Ma o lea ua toe faatupuina ma toe
faauneina ai nisi foi tupe ina ia mafai ona ola ai ma
totogi ai ia tului ma aitalafu ua mavae. Ona ou faapea
lemu ane lea i lo‟u toto, talofa pe le o Samoa ea e aafia i
lea tulaga? Ia atonu e tusa ai ma le tulafono tau faaofi o
loo opeopea nei i luma o le Maota, ina ia tatou pasia le
$2,000,000 ina ia mafai ona toe totogiina ai pe toe
faaleleiina ai foi tupe o fefaatauaiga o le tatou Malo. Pe
le o tulaga ea ia e pei ona saunoa i ai le Palemia o Niu
Sila?
O le a agai atu lau tautalaga i le mataupu e uiga i le
tuuina atu lea o le pule toatasi i le alii Minisita o Tupe na
te faauneina ai tupe, aua le atiina a‟e o le Malo o le
atunuu i lea vaitaimi ma lea vaitaimi. Oi talofa, o lea foi
o le a toe tuuina atu le tatou faatuatuaga. O le a toe
tuuina atu foi le tatou faamoemoe i se tagata e toatasi.
Ou te matua tetee lava i lenei lava tulafono, ona e i ai
lo‟u manatu e mafua mai i le tatou tu ma le tatou aganuu,
o le sulu tele e tele ai figota e maua mai. O le tatou
pulupululima faatasi ma lo tatou feoeoea‟i o le a maua ai
se manuia e sili atu nai lo le pulepuletutū e se toatasi le
mataupu.
O se tasi mataupu e fia agai i ai la‟u tautalaga, ua ou
vaavaai atu foi i le lipoti a le alii Minisita o Tupe o loo
faapea mai, o le a faataatia foi i luga o le Laulau a Fono
o lenei fonotaga se toe teuteuga o le Tulafono Autu o
Tiute lea o le a aiaia ai faaopoopoga o tiute o le sikaleti e
gaosia iinei faapea foi ona faatagisia le faaopoopoga o le
tiute i uaina ma ava malolosi aoa ma ni faaitiitiga
faapitoa o tiute o oloa e faasoasoaina ai le ava malosi ma
faaopoopoga o tupe mo penisini ma suauu. Ma le
fuaiupu mulimuli lea e fia agai i ai la‟u tautalaga. Ua
saua foi i o‟u taliga o le a toe sii foi le tau o le suauu ma
le penisini. Ma ou te faapea atu masalo poo le ½ pasene
o le faitauaofai o Samoa o loo mafai ona latou mauaina
taavale, a o le 99½% o tagata o loo faamoemoe i le
feoaiga i luga o pasi, i luga o vaa, ma o le tulaga o le a
oo mai pe afai o le a toe siitia le tiute o penisini, talofa i
le atunuu o le a toe siitia foi ia pasese o femalagaaiga.
Ma ua aliali mai i lea lava fasi faitau, ua le faapea ua
mafua lenei siitaga o le suauu ma le penisini, ona faapea
ua sii le suauu mai fafo, e leai. Ua mafua ma pogai ona o
le fia faateleina o tupe maua a le Malo o le a siitia ai ma
tiute. O le mea lea ou te matua talosaga atu i lau afioga a
le Minisita o Tupe ia „aua, ia e alofagia Samoa; „aua nei
siiina le tiute o penisini aua o le a aafia ai le mamalu
lautele o Samoa o loo feoai i luga o taavale-afi totogi o
latou pasese i luga o vaa faapea i luga o taavale laiti. Ou
te tuuia atu ai lea fautuaga ma le faaaloalo lava.
Ua oo mai lau tautalaga i tupe foi ia o loo tuuina mai e
atunuu ia o loo faatauina i ai ia le tatou popo, fua o tatou
faatoaga, koko. Mai la‟u suesuega atu i le tausaga 1977
na aumai ai tupe faa-fesoasoani mai $1,514,000; 1978 $70,000; 1979 - $80,000 faitau aofai $1,664,000. Ma o
lea lava tupe ou te talitonu sa tatau ona alu i le Komiti o
le Popo ma le Koko, a o lenei ua ou vaavaai atu ua
nunumi faatasi ma tupe maua a le Malo. O lenei lava
vaegatupe tele sa i ai lo‟u manatu ma lo‟u talitonuga,
afai e oo i le vaitaimi e faaletonu ai le tau o le tatou popo
ma le tatou koko, o i tonu lava e tatau ona faaalu i ai le
tupe lea, e siitia ai ina ia mafai ona faafiafiaina pea le
mamalu lautele o le atunuu o loo faamoemoe i le popo
ma le koko, aua le soifua maloloina. O le mea lea ou te
avatu ai lava le talosaga i lau afioga i le Minisita o Tupe
lau afioga i le Palemia ma le mamalu o le Kapeneta ina
ia fai se fuafuaga i lenei lava vaegatupe tele ina ia „aua
ne‟i niniina faatasi ma tupe maua a le tatou Malo, ae ia
ave e faafiafiaina ai i latou o loo tigaina, o loo afu i le ao
ma le po, aua le tamaoaiga o le tatou atunuu.
I la‟u vaavaai atu foi i ai i le Tala Faatatau o le Tupe e
pei ona i ai nei i luga o le Laulau-a-Fono, ua ou matau
atu ai e $1,200,000 tupe e fesoasoani mai fafo ia tuuina
atu i le WSTEC, ae ou te matau atu o le fesoasoani mai a
le WSTEC i le Malo e $60,000. Ona i ai lea o lo‟u
manatu – Afai ua tele nauā faapea tupe ua tuuina atu,
aisea la ua le faatele ai foi le fesoasoani mai a le WSTEC
i le Malo? E tatau ona tuuina mai i tausaga taitasi po o le
$200,000 po o le $150,000. Ou te lagona foi o le
WSTEC o lo o matua malosi lona atiina a‟e. E tasi lea
matagaluega e tatau ona tu malosi mai i le tatou Malo o
loo tau atiina a‟e.
E fia agai lau tautalaga i oloa faameaalofa mai i atunuu
i fafo. Mai le aso ananafi sao u maua ai se tusi mai le
Malo ua faapea mai – o le a toe taunuu mai foi nisi
fesoasoani e tusa o le 200 po o le 300 tone o falaoamata
ma araisa ma nisi foi mea faapena, mo le tatou atunuu
nei. O la‟u matau atu i le tausaga ua mavae o lo o agai
mai pea meaalofa faapenei i totonu o le tatou atunuu. O
loo i ai foi faafitauli o loo tutupu mai ai i le faatauina o
nei meaalofa ma le aufaipisinisi aua ua taunuu mai nei
meaalofa ma ua faataugofieina e le Malo i le mamalu
lautele o le atunuu. Ae a faapefea le aufaipisinisi ma a
latou oloa ua leva ona latou okaina mai. O nei foi
meaalofa e ala mai i mea taumafa e le‟i umi ona tuu; a
umi tele ona tuu, ia ona aafia lea ma o le a le talafeagai
Saunoaga Faataupou a Sui Usufono 1961-2011
ma le taumafa. E i ai la‟u fautuaga e fia tuuina atu faapea
i lo tatou Malo. E a pe a fai se feutanaiga lelei a le Malo
ma tagata faipisinisi ina ia „aua ne‟i taunuu mai i le taimi
e tasi, a ia faasoasoa mai, ma ia fai se fuafuaga i le tau o
ia lava meaalofa. Aua o le mea ua tupu ua taugofie
meataumafa ia e i ai falaoamata ma araisa, atoa foi apa
eleni faameaalofa mai, a ua feto‟i ai le o a le
aufaipisinisi. Tatou te manatua o le aufaipisinisi o le
aufaioloa o i latou ia o loo taatia ai le fatu, le ola o
Samoa. A leai i latou ia o le a le mafai ona tatou maua
mai mea o loo tatou manaomia i lea aso ma lea aso aua
le tausia o o tatou soifua ma lo tatou ola.
Ou te fia agai atu la‟u tautalaga ma ua ou matau atu o
loo faatali se taimi o lumanai o le a faamalamalama mai
e le alii Palemia e tusa ai ma iuga o faamasinoga se tasi
foi o Sui o loo ona umia ni sitiseni se lua. O lea o le a le
faalauteleina ai la‟u tautalaga i lea mataupu.
Ua oo mai la‟u tautalaga i le NPF. I la‟u suesue atu i le
fausiaina o le tatou fale lea o le NPF e pei ona solosolo
lelei nei. I le amataina mai sa mafai ona talosagaina foi
tagata tusiata, ma tagata inisinia latou te fuafuaina lea
fale, ae o loo i ai foi o tatou alo ma a tatou fanau ua
papale mai, ma ua i ai foi lo latou poto masani i lea
matagaluega i le fuafuaina ma le tusiaina o ata. A ua
maua mai suesuega sa fefinaua‟i le Komiti o lea lava
Faaputugatupe o le NPF ma ua oo ai ina manumalo mai
se tasi o kamupani mai fafo, latou te tusiina ata ma
fuafuaina le inisiuaina o lea lava maota, ae le‟i siligia alo
ma fanau a le tatou atunuu ua i ai le poto masani ma ua
lelei foi i le tatou atunuu. Pe aisea lava, o lenei ua sueina
le kamupani mai fafo, ma o le mea ua tupu o totogi ma
mea uma faapena ua alu i fafo. Ana faapea e saili o tatou
alo ma fanau i le poto masani iinei latou te tauaveina pe
mafai ona latou faia lea galuega, semanu o lenei tupe
tele ua alu i le totogiina o i latou ia, o le a nofo lava iinei
i Samoa ona avea lea ma fesoasoani tele i le tatou
atunuu.
Lau Afioga i le Fofoga Fetalai, ou te momoli atu la‟u
faafetai ona ua tuuina mai se avanoa e faaauau ai la‟u
tautalaga.
O le isi mataupu e fia agai i ai la‟u tautalaga, o le
Komiti lea o loo pulea tau o oloa. O lea Komiti i la‟u
vaavaai atu i ai ua fai ma fili o le aufaioloa i le tele o
feteenaiga ua aliali mai. O la‟u matau atu foi i le Komiti
lea e $19,000 pe $20,000 pe a le tupe o loo faaaluina i le
faagaoioiga o lea lava Komiti. A o loo aliali mai pea
faafitauli e le mafai ona faamatalatalaina, ona o mea e
tutupu mai i lea lava Komiti. O loo i ai se feteenaiga tele
lava ona o a‟u foi o se tasi o le aufaipisinisi i le tau o
oloa. O le tele o nisi taimi latou te talosagaina foi ina ia
avatu se fuafuaga faatulagaina o ia oloa mai lea taimi i
lea taimi e taunuu mai ai oloa fou mai atunuu i fafo. E oo
lava i nisi taimi pe lua vaiaso pe tali atoa lava le masina
e le‟i oo mai pe pasia ni faatulagaina o le tau o oloa fou
ua tuuina atu i le Komiti lea, ona e faapea mai latou e
le‟i faia lava se fono. A o le taimi foi lena ua taunuu mai
ai nisi vaa, ma nisi vaa fou ma nisi foi oloa fou. E
faapena ona avatu nisi lipoti faatulagaina o tau o nao loa.
O le mea ua tulai mai e pasia mai oloa na taunuu mai i le
lua masina talu ai ina ia faapea ona faamamaluina tau, a
ua leva ona uma ona faatauina e le mamalu o le atunuu.
A o oloa fou faatoa taunuu mai nei o loo faatauina nei
ma ua le talafeagai ma le faamamaluina mai o le taofia
lea o oloa talu ai. O le mea lea ua tupu ai nei le tele o
feteenaiga i lea Komiti ma le aufaipisinisi ma le
aufaioloa. Ou te faatepaina le mamalu o lenei lava
Maota, i le atunuu o Fiti, ua soloia e i latou lea Komiti
ona o le tele o feteenaiga, o le tele o faafitauli e alia‟i
mai ma le tele o taimi o le faamasinoga e alu ai. E lua pe
tolu aso talu a isa ou faalogoina foi i luga o Tala o le
Vaifanua ua faamatalatala mai nisi o kamupani ua molía
ma sala. Ona ua a? Ua le tausisi i latou i le tau o nei
oloa. A o le mea moni, o le tele ma tele o faamasinoga e
solofua pe soloia. E le mafai ona faasalalau mai.
I le nuu foi lea o Niu Sila, ua latou soloia foi lea Komiti
ma lea Tulafono. O i matou o le aufaipisinisi e i ai lo
matou talitonuga e faapea, a tuu mai le tau o oloa e
tausinio i ai le aufaioloa, o le a sili atu ona manuia le
atunuu aua foi o le a tauva le aufaioloa poo fea oloa o le
a tauliagofie, o le a taulia vave. Ma o lena lava tauvaga
ou te faapea atu ai, o le a sili atu ai ona pa‟ū ma selesele
le lautele o le atunuu i le manuia o tau o nei oloa. O le
mafuaaga ma le pogai tonu lea ua avatu ai se fautuaga
faapea.
O le a agai mai la‟u tautalaga i le tatou malae vaalele.
Ua le po se lilo i tulaga ma fuafuaga foi e pei ona saunoa
i ai le tele o Sui, i ni atiina a‟e e mafai ona tatou maua
vave ai tupe maua a le Malo pe afai e faalauteleina ma
faateleina le tatou malae vaalele. E le gata ina o le a
mafai ona auina atu ai fua o faaeleeleaga a le atunuu i
Malo ma maketi i fafo a o le a faapena foi ona faateleina
tagata tafafao mai. Ma o loo tatou manaomia vave lava
lenei tupe ina ia mafai ona faaleleia ai fefaatauaiga o a
tatou oloa o loo tatou manao e aumai mai fafo.
Sa ma feiloai ma le afioga i le alii Palemia i se tasi aso,
ma ou te fiafia lava ina ua ia faaali mai ua i ai le
fuafuaga faale-Malo o le a faalauteleina lea lava malae
vaalele. A o la‟u fesili faapea po o le a tele o le
faalauteleina o lea malae vaalele? Pe mafai ai ona pa‟ū
mai vaalele tetele, e pei ona faaaogaina e Tutuila ma nisi
atunuu? Pe na o le faalauteleina atu lava ona gata ai lea
iina? O loo i ai ni laau tetele i lo tatou malae vaalele o
loo tutu ai pe a; o loo le mafai ai ona faatumulia vaalele
tetele o loo omai nei ma pasese faapea foi uta e mafai
ona fia aveina ona o aiga tau Samoa ma o lea ou te avatu
ai se fautuaga i lau afioga i le alii Minisita o loo vaaia
lea fuafuaga, e a pe a fai se talosaga i ia aiga ina ia tuu i
lalo ia laau. Ou te talitonu o loo tipiina i lalo uta a
vaalele ona o le faalavelave o ia laau o loo tutu i le pito
mai o le tatou malae vaalele.
A o loo ou i ai i le malae vaalele, ou te fia tautala atu i
le kamupani vaalele a le Polenisia. E faapena ona ou
faaui atu so‟u manatu faa-fesili i le alii Minisita o loo
feagai ma leea matagaluega pe mafai ona tuuina mai se
faamalamalaga i luma o lenei lava Maota Fono. Poo le a
le vaega o sea a le Malo faapea sea a tagata taitoatasi i
Saunoaga Faataupou a Sui Usufono 1961-2011
totonu o lenei lava kamupani o le Polenisia? Ua i ai foi
le fuafuaga e pei ona ou faalogo atu o le a toe faatau mai
nisi a tatou vaalele tetele, poo i ai se fuafuaga a lea
kamupani e toe faateleina nisi sea e tuuina mai i le
mamalu lautele o le atunuu ina ia mafai ona selesele foi
le mamalu o le atunuu o ē o loo fia fesoasoani i lea lava
kamupani aua le atiina a‟e manuia o le tatou atunuu?
E fia agai mai la‟u tautalaga i le Faletupe o le Atiina
A‟e. Na ona faapea o le faletupe o atiina a‟e, a o le
mataupu ou te fia tautalagia o le faletupe i le atiina a‟e o
le tului lea (the rate of interest). O la‟u suesue atuu i ai e
tutusa le tului o tupe nono mai i fafo ma le tupe tului o
faletupe o fefaatauaiga o loo i ai nei i totonu o le atunuu.
Ae silasila foi o faletupe o le Atiina A‟e na faatuina aua
le atiina a‟e. Ae i ai lava la‟u talosaga i le Minisita o
Tupe ina ia fai se fuafuaga ina ia silasila totoa i ai i lea
fuafuaga ina ia faaitiitia le tului lea. Afai e $100 e te
nonoina, e $12 e te totogi i le tausaga i le tului. Ua matua
maualuga tele lava lea tului, ma ua le talafeagai pe afai e
ta‟ua o le Faletupe o le Atiina A‟e.
O le a ou agai atu i le matagaluega lea o Taui o
Faalavelave Faafuase‟i. Ina ne‟i te‟i ua ou sese i la‟u
matau pe a, a o loo faapea mai tagata faigaluega soo se
kamupani lava pe afai e oo i ai i se taimi a o faigaluega i
latou ua oo i ai se faalavelave faafuasei ma ua maliu ai.
Ua ou matau atu e mafai lava e lea matagaluega ona
totogi mai le $4,000 mo le ola o se tagata. Masalo na o
meaituaolo e faapea lona tau. A o le soifua o le tagata
ola e le taitai ona faapea lona tau e $4,000. A pa‟ū se
vaalele e ta‟i $100,000 e mafai ona faatagisia e o loo tau
i ai i o latou aiga ua feoti. E faapea foi ona ou avatuu se
fautuaga ina ia mafai ona toe silasila totoa i ai ina ia toe
sii i luga lea fuainumera, sii i luga i le $70,000 poo le
$100,000 foi.
Ua oo mai la‟u tautalaga i le Komiti o Pulenuu. Manaia
lava le faamatalaina o lea Komiti. A o le faalavelave o
lea ua ou tau le iloa ona malamalama lo‟u nei Sui po o a
mataupu e alu i ai la‟u aia tatau, aua ua ou faalogo atu o
le mataupu sa tatau ona loteina e faipule ua loteina e
pulenuu. Ma o le mea lea e pei ua aliali mai, ua tau i ai
sina felavasa‟i o tiute tauave faapenei o pulenuu ma sui
faipule mai lea ituumalo ma lea itumalo. Ua ou lagona
foi ua tau mafaufau a‟u po o a nisi ou tiute i lo‟u itumalo
ona o lea ua ou faalogo atu a tau o mea ua aafia ai le
faipule ua sau le Komiti o Pulenuu.
Ona ou oo mai lea o la‟u tautalaga i le matagaluega o le
Soifua Maloloina. O se mea foi e faate‟ia ai lo‟u
mafaufau ma lo‟u nei loto i se tala foi ua saua ai o‟u
taliga. O ni tupe foi ua leiloa i lea matagaluega, ma o le
mea ou te fia faamamafaina i la‟u tautalaga i lea
matagaluega, o loo foliga mai ua i ai ni loka ma ni mea e
fia manaomia e lea lava matagaluega. Ua uma ona avatu
i nisi o kamupani mai fafo poo kamupani foi i totonu o le
atunuu latou te aumaia, ma ua uma ona totogi i ai tupe
mo ia lava oloa, ae le‟i taitai ona oo mai oloa i totonu o
le Soifua Maloloina. Aisea ua faapea ai? Lau afioga i le
Minisita o le Soifua Maloloina se‟i e tagatagai ane i ai
faamolemole i lea tulaga, ina ia aumai se faamalamalaga
i lea lava tupe leiloa ma mea foi o loo tutupu ai e pei ona
saua i lo‟u nei Sui.
Ona oo mai lea o la‟u tautalaga i le Eletise. Masalo o le
tatou atunuu e aupito sili i le lalolagi atoa i le maualuga
o le tau o le eletise, e 10 sene i le iunite e tasi. O se tau
matuiā, pe a fuafua atu i le tau o le soifuaga ua tatou i ai.
O Niu Sila masalo pe 3 sene pe a i le unite ona o le lelei
fuafua o i latou e tele vai e mafai ona faia ai ma gaosia ai
le eletise. Sao u nofo ma ou mafaufau ma ou faapea,
maumau ma atonu o le a le mafai ona faagaoioia i se
taimi vave ae na ona avatu faa-fautuaga i le Malo i lenei
vaitaimi. Atonu e sau ni tausaga e talafeagai ai ma nai
moomooga o lo‟u agaga e faaui atu ai faapea o loo i ai le
vaituloto taua o loo tu i luga o le mauga e ta‟ua o
Lanutoo. Poo le a se fuafuaga a le Malo? Ae amata nei
ni fuafuaga pe mafai ona faasau le vai lea i lalo, saili ni
pum a tuu i ai ni paipa ina ia mafai ona gaosia ai le tatou
eletise. Masalo a tatou oo i tulaga na, o le a le toe oi i
tatou i le tau o le eletise, aua o le a maua fua, taugofie le
tatou eletise. E faapena le eletise o loo maua nei i Niu
Sila, o le vaituloto lea o Taupo. A o ou vaavaai i ai i le
matou usugafono talu ai, sa faapena ona fai. O le
vaituloto lea ua tafe ai se vaitafe ma o loo i ai se faitotoa
i lena vaitafe o tau foliga e pei na te fuafuaina le tafe mai
o le vaitafe agai i le sami. I le va o lena vaituloto ma le
vaitafe o loo faatutuina ai e le Malo o Niu Sila masalo pe
10, pe sili atu, ni eletise ma ua taugofie ai. Na o se
fautuaga e fia faataatia i luma o lau Kapeneta ma lau
afioga i le Palemia, atonu e sau ni tausaga tatou te oo i ai
e faapena ona toomaga i ai le atunuu e uiga i le tau o le
eletise aua o loo tatou mafatia lava i lenei vaitaimi i le
tele o faafitauli o ia lava tulaga.
O le tasi mataupu e fia oo i ai la‟u tautalaga, o le
kamupani Vaa lea a le tatou Malo. Ou te faanoanoa lava
ina ua taunuu mai ua fai e le Malo lenei fuafuaga ua fai
le tatou Puleono ma le Limulimutau. Ou te fai atu e
manaia tele le fuafuaga ua aumai, aua ua mafai ai ona
auina atu ma auina mai taavale. Ae paga lea i le
aufaipisinisi o e na amata mai i tausaga ma tausaga ua
mavae i vaa femalaga‟i ua ou vaai ua amata ona pala vaa
a kamupani o e sa tautua i lo tatou atunuu. Aisea? Aua
ua tauaveina nei e le kamupani Vaa lea o le tatou Malo,
a o le mea e sili ona atugalu ai lo‟u mafaufau, ua tuu atu
foi ma ua tauaveina foi e le tatou Malo, a o loo tutupu
mai lava faafitauli, o le le lava lava o le galuega. Sa sili
ai ona tuu pea vaa a nai kamupani e faafeoa‟i pea, aua
soo se taimi lava e te alu atu ai i le uafu i Salelologa, po
o Mulifanua e maua lava le vaa i na vaitaimi. Ou te
fautuaina le Malo lau afioga i le Palemia ina ia toe
fuafua lelei lea lava kamupani i va aina ia mafai ona
fegasoloai i le taimi e tatau aima ia faafaigofie i le
atunuu ona femalagaa‟i ma maua ai foi se fesoasoani aua
le aumaiga o fua o faatoaga i le tatou motu nei o Upolu.
O lenei lava Maota Fono ou te talitonu e avatu ai le tofa
ma le faautaga loloto tatou te iloilo ai. Afai foi ua i ai se
upu ua sala e le tatau ona tautala a‟i, ia ou te faamoemoe
ia te outou i le tofamamao ma le faautaga o le a mafai
Saunoaga Faataupou a Sui Usufono 1961-2011
ona faasa‟oina ai. Faafetai lava lau afioga i le Fofoga
Fetalai e tusa ai ma le avanoa. Soifua.
O le faasaoga o le faasalalauga sa saua ai o‟u taliga.
Leai e le‟i fautuaina faapea, a o loo faapea mai le Komiti
ua le lava le tasi pasene lea ua tuuina atu i le Malo. Ua le
lava le tasi pasene lea, ua tatau ona toe faateleina. O le
sa‟o lea o la‟u faalogo i le faasalalauga e pei ona sau i
Tala o le Vaifanua.
Afai la e le‟i fautuaina ma u asese la‟u faalogo, e mafai
la ona faasa‟o mai e le Sui lea, poo le a tonu le faasaoga
o le faasalalauga lea na saua ai o‟u taliga. Aua e pei ua
foliga mai ua le lava le 1% lea. Atonu pe afai ua
fautuaina e le Komiti le Malo aua foi o lea ua aliali mai
ua fa (4) tausaga lea o loo solitulafono ma soli faavae
pea le Malo, ma e o se fautuaga lelei pe afai e moni. E
tatau ona siisii i luga lea pasene. Ae faafetai lava.
Afioga NONUMALO LEULUMOEGA SOFARA
Itumalo Faaalaalafaga:
Sagaga le Falefa
Filifilia:
9 Mati 1979
Faatauto:
28 Mati 1979
Lauga Faataupou:
12 Tesema 1979
Lau Afioga i le Fofoga o le
Fono, ae ou te le‟i faia se lauga
e muamua ona ou sii le siliga ma ou talia le puna-ao o
Faasouga, ou te tata foi le liu o le Sa na i le Fatuga ne‟i
le mateia le tupua na i le Si‟uavalua. O le a ou le fagota
foi i le tai papa‟u, ae ou te alofa‟i i le tai-galu, aua ua
faigata ua taufai mapu‟e le matila ma le ofeloa i le paia o
Samoa i le Maota o le palemene. I le ou te faatulou atu i
le Fofoga o le Fono, le paia o le afioga i le alii Palemia
ma le Kapeneta, aemaise le paia o le Palemene o sui
usufono o le Malo o Samoa i Sisifo, faapea le afioga i le
Failautusi ma lona Ofisa. Ou te faatulou foi i le
faafofogaaga a le atunuu o Samoa i Sisifo mai le mataAleipata e paia le fafa o Saualii. Le paia o Aiga ma a
latou tama, o tama foi ma o latou aiga, o le mamalu ia
Tumua ma Pule, Aiga i le Tai ma le Vaa o Fonoti. Ou te
faatulou foi i le tapuaiga a le aufaigaluega paia a le Atua
o loo tala faauto i Samoa, o loo nonomanu aua Samoa
ma lona Malo. Ou te faatulou foi i le tapuaiga i le Ao
Mamalu o le Malo, le Susuga i le Tapaau Faasisina
faapea le tapuaiga i le Sui o le Fono o Sui Tofia, le
afioga ia Tupua Tamasese.
Ou te faatulou foi i le tapuaiga ma le faafofoga mai a
lo‟u itumalo pele o Sagaga le Falefa, Saleimoa i le amata
atu i le Paepaemanini e oo atu i le Pa i Tufulele, le paia i
Aiga e tolu ma le Nofo i Maopu, Alo o Sina ma Alo o
Malietoa, lau fetalaiga Luatua ma le Faletolu ma le
Gautaala. Faleula, le afio o le alii o Aiga, le Toetaufanua
a le Malietoa ma Maopu, le Faletolu ma Alo o Malietoa
ma se Tagata fou. Ou te faafetai i lo outou filifilia o lo‟u
tagata e molimoliina sa outou tofa ma sa outou faautaga i
le Maota o Samoa lea ua ou oaoa ai nei i Faleseu ma o‟u
saa i Ma‟aomalie, ma ou te talitonu o la outou tapuaiga o
le a a‟e malo ai lo‟u faiva.
O le a le alu loa foi so‟u leo, aua sa momoo faa-lupe o
naumati o lenei taeao o le a tatou faatasi ma le alii
Palemia, ae peitai ua lua aso ua mavae sa maua ai se
faaaliga mai le Fofoga o le Fono i lona lagi faatafa.
Tupuola o loo e i ai i taotoga tiga i le falemai ma o loo e
faafogafoga mai. Ou te tatalo i le Atua ona o lou lagi
faatafa, le taulia o le fala ma le falaefu, ia alofa le Atua
ia tau o se galu e faafua ae le fati ia taulu, taulu, a o se to
afuafu, foai le malosi ia vave ona e toe taliu mai ia tatou
fonotaga.
E manatua i lo‟u taofi saafiafiaga ma moomooga o le
afafine o Farao na ia faapea atu ai i le tina moni lava o
Mose ma ana mavaega e faapea: Ia e ave lenei tama ma
tausi i ai mo a‟u, ou te avatu ai foi ia te oe le totogi. Sa
ave ma tausi. E ui lava ina e le o toe taua i le Tusi Paia
pe na maua se totogi, ae lava ia te a‟u le faaeaina o Mose
ma lona i ai i le Maota o le Tupu o Farao ma lona taitai
mai o lona nuu mai le mea sa nofo pologa ai. Aisea? Sa
lelei ona tausi, sa tausi i le loto faamaoni, sa tausi i le
loto e lelei. Ua faapena le galuega ua i o outou aao ma o
tatou lima le Palemene e, lou Malo o le pepe meamea ua
tuu mai i ou aao ma o tatou aao ma o tatou lima tatou te
ave, tatou te tausi ma faapelepele i ai ona maua lea e i
tatou le taui o le loto fiafia. I le fesili la, o faapea ea ona
tausi le Malo o Samoa? O la‟u tali, e leai. Ua tatou le
faia o tatou tiute, le paia o le Malo i lau afioga i le alii
Palemia ma le Kapeneta, ua mamao lava lea faamoemoe.
Ua le tausia i le amiotonu, ua le tausia i le alofa, ua le
tausia i le agalelei, ua le tausia i le loto faamaoni. Talofa
i tuaa ua saga mai ia Pouli, ua tofafa i tia, ua lagomau i
tuugamau, le Malo sa latou atia‟e, le Malo sa latou sailia
sa saili i le toto. Ua a nei? O lea ua i o outou aao ma o
tatou lima, ae faanoanoa ai le taofi ona o ala ua faia a‟i le
Malo ma lona faagaoioiga. Ina ua tulai mai lau tofa
Tupuola i le tofi sa fa‟i lava a‟u ua tulai mai se taitai toa,
se taitai lototele, loto lelei, loto faamaoni, ae ua aliali
mai ua le faapena. O saafiafiga so o se Samoa e manao i
se Malo manuia, ma se Malo sololelei ma pulea i le
amiotonu.
Ae silasila foi lau tofa Tupuola, lau afioga i le alii
Palemia, a tatou faitau i le amata mai o alii Palemia sa
taitaia le Malo ma le atunuu, muamua o le afioga ia
Mataafa Fiame Faumuina Mulinuu II, o le Tama a Aiga.
Sosoo mai ai ma Tupua Tamasese o le Tama a Aiga,
lenei la ina ua e tulai mai, Tupuola, tulouna ia le paia o
ou suafa i Salafai, le paia i aiga o le Mavaega ma Salafai.
A o le suafa o loo e faipule ma avea ai oe ma Palemia, o
Tupuola o le tulafale Leulumoega. Le paia ia
Sooaemalelagi ma alo o Tamaalelagi o le faleiva ma le
matua na togi, ae silasila ua faaea Samoa ia te oe. Ua
tago atu Samoa faatietie oe i le maa faasalafa a o oe o le
Tupuola. O Samoa o le atunuu fai-tama. Atonu poo toe
manatu i lou tuaa, afai o lea, ua tatau. O Samoa e sapi i
ana tama. O le faiga a le Atua a ave manuia i se tagata
ma ana mea uma e faamanuia ai se tagata, e faaeaina,
Saunoaga Faataupou a Sui Usufono 1961-2011
ta‟uta‟ua ma logologoā. O le taimi foi e aveesea ai e le
Atua ana mea mai le tagata, ona taatia ai lea na o ia lava
. Tupuola, ou te faatusaina faapena le tago atu o le
atunuu sapai oe ma faatietie oe, ae ave, ave, ae lafoai oe
e le atunuu, ona ou alofa lea ia te oe. Amuia foi oe. Ae o
le a le mea ua aliali mai nei? Ua e le faia lou tiute e tatau
ai, ua e maua ula ua futifuti, talofa. Avatu manuia ma
faaeaea ia te oe a ua e le manatu i le atunuu. E mafai ona
ou talauina atu i lenei aso atoa, ma e po le aso lenei, o
o‟u talau atu ou lē alofa i le atunuu ma lou lē amanaia o
le atunuu. Ia a fai ane le atunuu o le mea lautele pe na o
le Maota lenei ua e le manatu i ai. O le mea ua tulai mai,
o le mea lava e te lagona, fai. Ua leai ma se fautuaga e
mafai ona tuuian atu. I le tolu tausaga ua mavae, paga
Tupuola na e nofo-fala lava i le ai-lua. Na e nofo-fala
lava ina faatu le la o lou vaa i le savili. E tele mea e le
talafeagai na e fai i totonu o Faigamalo. Muamua, na e
fai le Komisi Suesue i le Ofisa o Leoleo, aumai le tali e
ave le Komesina ma le taitai Leoleo e faafaigaluega i
nisi matagaluega. A‟o le a lau mea na fai, ua e nofo ma
tutuli. Silasila, ua faatu le la o lou vaa i le savili. Ua e le
manatu i le atunuu.
Lau afioga i le Fofoga o le Fono, o le aitu a le moomū.
O le Minisita a Tupuola le alii lea o le Minisita a le alii
Palemia, ia a o lea o le a ou le tali foi i ai. Atonu ua
malamalama lava na o o‟u manatu e faaalu atu pea. Lau
afioga le Fofoga o le Fono ma le paia o le Palemene, ou
te faanoanoa ai i lea tulaga, ae ui i lea o le a see atu la‟u
faamatalaga i se tasi o mea e mafai ona ou molimauina
atili ai lenei manatu.
O le tulai mai o le Komisi Suesue i le Ofisa o le Soifua
Maloloina, e tele foi tupe na faaaluina i lea Komisi. Ae
tino mai, na o le lua tagata na fai i ai le faaiuga a le
Komisi; na o le pule o teine tausima‟i ma le fomai
papalagi sa Pule-Lua. Ae le afaina isi tagata ma isi mea.
Ae o lea ua tino mai nei, e tutusa ata o ia Komisi Suesue.
O lona tutusa o le sui le Komisi Suesue o Leoleo, Sir
Angus Sharpe sa avea ma Komesina ina ua tulia le
Komesina muamua. E le‟i umi aso o lea alii, ma e
manino lelei a ma malamalama le mea na ala ai ona le
umi le taimi na sau ai e faigaluega iinei lea alii. Ou te le
toe talau atu. O lea foi ua oo ina tulai mai Dr Ridings,
lea o ia foi o le sui o le Komisi Suesue i le falemai. Lea
foi ua aumai e fai ma Pule i le falemai. Ua sili ea Ridings
i o tatou tagata? O la e faulalai i uta, le paia o alo o le
atunuu. Ua leva tausaga o avea Tapeni Faaiuaso ma Sui
Pule ma Sui Faatonu Sili, ma ou te talitonu ua matua
lava atoatoa lona silafia e fai ai le galuega. O loo i ai i le
falemai le alii papalagi lea na ou ta‟ua ua tagata Samoa.
Lau afioga i le Fofoga o le Fono, sa tatau ona avane
lena alii e faa-Pule, aua la e totogi i le totogi Samoa, ae
le gata i lea, ou te talitonu o loo i ai se tasi o alii Fomai
pei o le finagalo o le Komisi Suesue ia pule i le falemai
se e umia se suafa matai. Ou te talitonu o loo i ai i le
falemai se tasi o tamalii o le atunuu e agavaa ma ou te
matua lagolagoina le afioga ia Asi Faletoese e ave ama
pule o le falemai. Ou te le iloa foi ia Ridings, pe taitai ia
Asi. A o lenei ua aumai Ridings ua outou silasila i le
totogi tele ua tuuina atu i ai. Ma e aliali mai i ni
faaupuga a lea alii i le nusipepa i le vaiaso ua mavae, ni
upu ou te faaupuina o ni upu e le fuafua tatau, ua faia e
lea alii e faapea: O ia o le a taumafai e sii totogi o le
aufaigaluega a le Falemai, e le popole poo a faafitauli a
le Malo. Se‟i silasila i upu e aumai mai fafo. Ua aliali
mai e na te fuaaluga le paia o le Malo ma le Palemene
lenei. Ua i ai lona faamoemoe o le a faia ma pulea le
falemai i lona lava manao ma lona malie. Ia tasi lea mea.
O lona tolu ua ou sailiili i le mea na tupu i le NPF, le
mea na tuuina atu ai i le Faamasinoga se mataupu ma
aveeseina ai lē sa Pule i le NPF. O a‟u ou te matua ofo i
se tulaga faapea, ae fai mai faaupuga, o le mea ua ala ai
ona aveese ma ua tatau ona faate‟a, ona e le faaaloalo i le
Komiti foi lenei a le Palemene na filifili atu e sailiili i
totonu o lenei Ofisa. Ou te talitonu e leai se tama fanau a
Samoa e le iloa ona faaaloalo, ae pogai mai ua le faia e
le Pule o le NPF le mea sa manao ai le Komiti. Atonu o
Komiti ma pulega a Minisita, ae ou te ta‟u atu lau afioga
i le Fofoga o le Fono, o mea uma e pulea e le afioga i le
alii Palemia. Mea ia ua tulai mai ou te manatu ai, ua
faatu lava le la o le sa o le alii Palemia i le savili i lona
nofoi mai. Ua avea tofi ma mea e taui ma faaleaga atu ai
i ē ua ave ama tagata e le fiafia i ai. Ma o se mea lea ou
te faanoanoa ai pe afai e faapea se taitai na te taitaise
atunuu. Ou mafaufau i le tulai mai o lenei Palemene fou,
ua maea palota ma ua agai atu i taimi o le sailiga o le
Palemia, ua tumu i le vevesi lea taimi. Ma atonu ou te le
toe talauina le vevesi sa i ai. O iina o loo mafua mai ai le
tele o nisi mea e le fetaui, ma mea le tatau ona tupu i
totonu o le Malo. Ua oo foi lava ina aafia ai ma tupe a le
Malo. Ina ua oo ina maua le Palemia, ua tatou
faasolosolo mai.
Lau afioga i le Fofoga o le Fono, ona ua vave
faauilavea le afioga i le alii Minisita, ae o le a faaiu atu
lava la‟u lauga atonu o le a oo i ai i le vaimea lea. Ae
se‟i faasaosao pea ni nai o‟u manatu. Ua uma nei ua
maua tofi o le Malo, tatou faasolosolo mai agai mai i le
ogamanava o le tausaga. O mea ua tutupu ma aliali mai
ua faapa‟ū le tupe a le Malo o Samoa. Na avatu le
faasalalauga i le po o le aso Sa, ua i ai le finagalo o le
Malo o le a faapa‟ū le tupe ae se‟i talia le pa‟ū o le tupe
a Niu Sila. A maua mai ona pa‟ū loa lea ma tatou, ona e
fuafua i ai lo tatou va i fefaatauaiga. O la‟u fesili la o a
tatou fefaatauaiga ma Niu Sila o le a mafua ai ona pa‟ū
la tatou tupe? O le talo ea? Ae o si tamai talo lava. O le
fa‟i ea? Ona ou fesili lea ma ou tali, matua matuia le mea
ua faapa‟ū ai le tupe. O lona uiga o le upu matuia i la‟u
faaaogaina lea, o le itiiti o se mafuaaga ua faapa‟ū ai le
tatou tupe. O le mea la e ofo ai, e pa‟ū mai Niu Sila e
5%, ae pa‟ū atu tatou e 15%. O se pa‟ū matautia. Na
pa‟ū la tatou tupe ia Iulai, pe a sa‟o le masina ua ou
ta‟ua, o $5 le pisupo 3 pauna. Tasi le masina e va ai ae
$7, lenei ua $9, malo alii. Manaia le pa‟ū o le tālā. E
pa‟ū le tālā e faafetaui ai ae mafatia ai le atunuu. Ia, o lea
lava vaitaimi sa fesuiai fuainumera a le alii Minisita o
Tupe e tau faaitiitia ai tau o mea taumafa, sui mai, tuu
atu ua le fetaui. Ia toe fai mai o le a toe fesuia‟i se‟i tau
Saunoaga Faataupou a Sui Usufono 1961-2011
faapa‟ū tau o mea taumafa ia e faaaoga pea. O nei ou te
talitonu ua atili ai ona le fetaui. Ua alu pea, alu pea, ia
se‟i silasila i le pisupo 6 pauna o lea ua toeitiiti $20, e oo
i se faipule ua na le toe gafatia ona toe taumafa i se
pisupo 6 pauna. Ae ou te taofi o le a le mea e le taofi ai
le pisupo. Pei ona faia i aso o Mataafa, a taofi le pisupo,
ona le mafatia foi lea o le atunuu. Aua a omai malo, o le
a alu le Samoa e faatau le pisupo ona o le ava aua o le
pisupo o le mea pito sili ona manaia la e i le faleoloa. Ae
a leai se pisupo ona faatau loa lea o le pilitati. Ma ou te
ta‟u atu, ua matua mafatia ma oi le atunuu. Se‟i o tatou
manatu e pei ona aliali mai i le taimi ua mavae sa finau
ai foi lenei Maota.
Lau afioga i le Fofoga o le Fono, ou te momoli atu le
faafetai tele i lau saunoaga e lapatai ai i Sui i le soona
faalavelave o loo taumafai atu la‟u lauga.
Ua ou manatu i le faatautoga lenei o le afioga i le alii
Minisita o Atiina A‟e. O loo taoto pea i paga lenei
mataupu ma atonu lava o le a tali mai le Minisita. A o se
tasi ia o mea sa ou sailiili i ē latou te malamalama i lenei
lava mataupu. O se tasi o tali na aumai ia te a‟u, e pule
lava le Ao o le Malo poo ai e faatauto. Pei o se faaupuga
lautele lea i le fautuaga a le Palemia. Ona ou manatu lea
i le tulaga sa i ai le afioga i le alii Minisita le Sui o le
itumalo o Aleipata Itupa i Lalo, ua foliga mai e mafai
lava e le tagata e le o se faipule ona ave faatauto e fai ma
Minisita. Aua i lea lava taimi ou te ta‟ua, e le‟i avea
lenei Sui ma se ua aloaia. Atonu o le tulaga o le aumai o
le iuga o le faiga palota laitiiti ma le sainia o lona tofia
aloaia e le Ao o le Malo, ae le‟i avea ma Sui e auai i se
faiga filifiliga. E pei ona malie i se tasi o Sui, ua alu atu
nei ua tauto, ua fai ona finagalo i ona faiga filifiliga a le
Kapeneta, a palota, ua palota ai. Ae a aumai i le Maota e
teena e le talia. O le mea lea ua ou manatu ai o se faiga
ua le talafeagai. Pe ua le agavaa ea isi Sui o le Palemene
ia matou te nonofo faatasi atu iinei ua ala ai ona saga
faatosotoso umi ai faapea se‟i aumai lava Letiu i totonu a
o lenei e tóatele matou agavaa? O le mea lea ou te
manatu ai lau afioga i le alii Palemia, o se mea le
talafeagai ma le tatau. Afai lava e tuu i le ono masina, pe
o le a faatalitali lava i le ono masina?
Ua maua le tala nei i le taeao, pei ona saunoa le Sui o le
Palauli le Falefa, e tau faamanino lona tagatanuu. Ia
faafetai atu lava i le Sui ona o le puipuiga lava o ona aia
tatau. Ae ou te manatu pei o nisi o Sui na saunoa, o le
matafaioi lea a le Minisita o Femalagaaiga, ina ia aumai
manino le faamatalaga. Aua ou te talitonu e mafai ona
ou faapea atu, e sese le saunoaga a le Sui. Ae leai e
mafai lava ona ou nofo foi a‟u ma fai atu sa‟u tautinoga.
O le mea lea e faapea, ae pe moni pe leai, ia o le fesili
tele lena. Aua ou te iloa foi e a‟u, e le o se mea faigofie
foi le aveese o le sitiseni Amerika o soo se tagata. Ma
afai e fai se faaiuga o le Palemia o Samoa i Sisifo, poo le
alii Minisita o Femalagaaiga i sitiseni ia, ia na o sitiseni
Samoa e aia i ai le Minisita o Samoa ina ia aveese, ia ona
faaletonu ai lea o le Sui. O se mea ua talafeagai ma tatau
ona faia o se tulafono e aiaia maoti ai aua le agai i luma.
Aua ou te iloa e i ai ni Minisita e toalua e ta‟i lua ni
sitiseni. Ia e i ai foi alii faipule e toalua e tai-lua sitiseni.
Atonu afai e moni, ua tatau ona fai ma teuteu ma faalelei
le tulafono aua lo tatou agai i luma.
O le isi mea na ou faasilasila atu i le amataga ua mafua
ai lo‟u manatu ua le fuafua tatau le Palemia ma lona le
silasila i le atunuu, a ua fai lava lona finagalo. Nao u oo
atu i Hawaii, ua lua nei vaiaso talu ai, te‟i ua ou maua ai
le tala ua i ai le Konesula o Samoa i Sisifo i Hawaii, o le
alii Sapani e suafa ia Aluli. O a‟u ua ou te‟i leaga faia
lava. Aua o lea ou te iloa e leai se Konesula ua tofiaina i
fafo atu i Hawaii. Sa ou tau fesili i tagata Samoa matou
te mafuta ma masani, sa le mafai ona aumai se
faamatalaga maoti, ae pau le mea latou te iloa, e masani
pea ona feiloai le alii Palemia ma Aluli i la latou vaai. Ia
pe atonu o se uo a le alii Palemia poo se aiga o le alii
Palemia ua mafua ai ona tofia Aluli e ave ama o tatou
Konesula a o lenei lava e le o silafia e le Maota. O mea
ia ou te manatu ai, ua i le afioga a le alii Palemia lona
lava malosi e fai ai soo se mea e aunoa ma lona silasila i
le Maota ma le Palemene ma le atunuu. O lona uiga poo
fea lava e afio i ai le alii Palemia, tau atu i lea ia sau oe o
le a e Konesula ii. O lea pei o se mea e tufatufa atu, pei o
se mea e faigofie ona tuuina atu, ae le o se tofi aloaia o
le Malo o Samoa i Sisifo. E matuā faanoanoa lava lo‟u
taofi ina ua aliali mai le le fai silasila o le afioga i le alii
Palemia i le Malo ma ona tagata. Ia se‟i silasila ane i le
Palemia, le afioga i le Fofoga Fetalai, o sui o le
Palemene, o tupu ma tamalii o le atunuu. O ai se o i silī
pei o le fetalaiga ia Malietoa. Ua atoa iinei i le Palemene
ma le atunuu, a o ā nei faiga. A ou faaupuina i se
faaupuga latalata mai, vae atu le paia o le Maota, o le
upu e to ia te a‟u, ua outou faasoa mata le atunuu ma le
Palemene ma le Maota lenei. Ua outou faia lava le mea
ua outou finagalo i ai ae taatia pea le atunuu, ona oo lea
mulimuli, aumai ae mulimuli mai ai ma le faaupuga foi
lea, ia outou alolofa u asee lo matou vaa. Ua maoaluma
le Malo. Afai la e faifai nei faiga ae talea e le Palemene,
o fea la o le a i‟u i ai. Se‟i fai silasila, lauama tootoo,
toese a nuu potopoto, ona manuia lea o le Malo ma ona
tagata.
Ia o le a faasolosolo mai ou mafaufauga i matagaluega
taitasi. O le a ou amata mai i le Ofisa o le Loia Sili.
Lau afioga a le Fofoga o le Fono, faafetai lava i lau
afioga a le alii Minisita o A‟oga i lona toe tau apaapa
mai i la‟u lauga. Ae ou te talitonu pei ua avea la‟u lauga
ma mea e vevesi ai le Maota i lenei taeao, ma ua
faanoanoa ai foi le taofi ina ua aliali mai. Ae ui o lea, ua
ou tau manatu i le mea foi lea „ua nanu talai ae nofo le
papalagi‟. E a a‟u le lauga ae pei o le a faaletonu ai ia
alii faipule. Ma o lea ua ou faafetai atu ai ona ua maua se
avanoa e toe faaauau ai, ma ou te talitonu lava i lau
afioga a le Fofoga o le Fono e i ai lava le malosi o i lau
afioga e te fesoasoani mai ona e le lava le 30 minute o
loo tuu mai, ae ou te faamoemoe atu e i ai lava le pule i
lau afioga e faauta mai ai le taumafai atu o le lauga.
O loo pau la‟u lauga a o le‟i vevesi i le Loia Sili. Tasi
lenei alo o le atunuu ua ou matua le faatuatuaina, le Loia
Sili lea a le Malo. Soo se alo o le atunuu ua tatau ona i ai
Saunoaga Faataupou a Sui Usufono 1961-2011
i tama o le atunuu le faatuatuaina i lona lagolago mai ma
le faia o mea lelei mo se atunuu. Ae pei ua foliga mai ia
te a‟u ua avea le tulaga ma le poto ma mea ua le manatu
ai i le atunuu. O le tulaga tutoatasi o le Loia Sili ua
matua aafia tele, ma ua foliga mai ua le tutoatasi ae ua
galulue faatasi ma le Malo. E moni lava e tatau ona
galulue faatasi ma le Malo. A o le faia o lana galuega e
tatau ona tu mo le lautele aemaise le Maota lenei. Ou te
lagona ma lo‟u loto faanoanoa nisi o mea ua aliali mai i
le tausaga nei ua oo atu ai lava manatu ma faaupuga a le
Loia Sili i se mea e le talafeagai. E oo lava i le Ao o le
Malo ua oo i ai manatu o le Loia Sili e mafai ona ou
molimauina. Ae ui i lea, e avea mea faapenei e tutupu
mai e faamanatu atu ai i fanau a le atunuu ina ia faia ma
le faautauta, faia ma le faaeteete ma le faaaloalo i tulaga
o galuega o loo galulue ai.
O le Ofisa o Faatoaga. O le Ofisa lea o loo feagai ma le
atiina a‟e o faatoaga. Ae ou te manatua e i ai atiina a‟e a
nuu i tua o loo faagaoioi e le Ofisa o le Palemia. Ou te
fesili pe aisea? O se Ofisa ea o le atiina a‟e le Ofisa o le
Palemia? O mea nei o vaa fagota ma mea faapena o loo
faagaoioi mai i le Ofisa o le Palemia, ae a ou faaupuina i
se faaupuga lata mai, o le pepe lena a le Palemia o loo
afifi, pei o loo faagaoioi atu i tua e saili ai nisi tuulaga.
Ma ou te le natía o le mea moni lea. Aisea e le aumai ai i
le Ofisa o Faatoaga, aumai e faagaoioi atu e le alii
Minisita poo le Faatonu Sili o Faatoaga? Ua ese ona e
alu atu i le atiina a‟e o faatoaga e alu i le Ofisa o
Faatoaga, ae a alu atu i le Atiina A‟e o Faigafaiva ma isi
mea ua o i le Ofisa o le Palemia. Ou te manatu ua le o se
tulaga tatau. E tatau ona faagaoioi le atiina a‟e i le mea e
tasi, tainane o lea foi e i ai le Ofisa o le Atiina A‟e. O lea
ua ese le mea e faagaoioi ai le atiina a‟e, ese le mea e
faagaoioi ai le atiina a‟e o faatoaga, ese le mea e
faagaoioi ai le Atiina A‟e o Faigafaiva. Ou te manatu o
ia mea uma ou te faaupuina e i ai mafuaaga, pei ona ou
faaupu atu o le pepe lena a le Palemia o loo faapelepele,
pe mafua i se a?
Ofisa o le Suetusi e pei ona maua i nisi o saunoaga sau
lea Suetusi e le umi ae alu, sau lea le umi ae foi. La tatou
Suetusi sa i ai talu ai nei ua umi ona aso, o le alii lea o
Mr Overhoff e oo mai lava i le taimi nei e le o mafai ona
faamanino pe na alu ese o le ā Mr Overhoff. Ae atonu na
mafua ona ua fai pea lipoti a lenei Suetusi e uiga i tupe a
le atunuu ma ua fai ma faalavelave i le Malo mea e aliali
mai ai. E avea le aliali mai o mea moni ma mea ua
taumafai ai e puipui ina ne‟i aliali tele, o lea la na mafua
ai. O lea ua alu ese atu, lea tatou te manatua le tele o
fanau a Samoa sa galulue i lea ofisa, tamaiti agavaa ae
foliga mai o loo sili pea i le Malo ona aumai o papalagi.
O lea ua aliali mai lea papalagi o loo i ai nei a o lea e
tutupu mai ia mea. Atonu o loo feteenai le Suetusi ma le
Failautusi o le Tupe ma le Minisita o le Tupe ma le
Malo, atonu o mafuaaga ia. Afai lava o le a saunoa le
afioga i le alii Minisita o le a mafai ona manino ai, ae ou
te matua lagona le faanoanoa ona ua le aliali mai se
malosi o le Suetusi i lenei vaitaimi ma le faigamalo.
O le tama foi lenei o Tuilaepa Malielegaoi, tasi lea
tama maoae sa i ai i lea Ofisa, sau ma se tusi maualuga o
se tama galue lelei. O fea ua oo nei i ai? O la ua i
papalagī, ua alu e su‟e le mea e saoloto ai ma maua ai
lona manuia. Atonu e oo mai i se aso ua le mafai ona
tatou totogi le totogi o Malielegaoi, ona taumafai foi lea
e toso mai i lalo i le totogi e mafai ona maua e galue ai
mo tatou a o lea lava sa iinei. Ua i‟u ina sosola ese atu
fanau a le atunuu a o lea lava sa iinei, ua i‟u ina o ese
mai ma le Malo talu ai faiga faapenei.
O le Ofisa o A‟oga. Lau afioga a le Minisita o A‟oga
ou te manatua ua fai foi si leva ona tagi tagi atu le vaega
o A‟oga Faataitai i lau matagaluega e ala atu i le Malo
mo se fesoasoani. Atonu poo i ai ni taofi ona o loo
faavae e Ekalesia ona e le o fesoasoani le Malo i A‟oga a
Ekalesia, ae manatua lenei a‟oga e le na o se Ekalesia se
tasi e faapotopoto i ai Ekalesia e lua, tolu pe fa o loo
latou atia‟e. O lona uiga ua tatau ona i ai ma le alofa o le
Malo e fesoasoani mai ai, a o lea faatoa aumai nei le
fesoasoani a le Malo e le‟i atoa se masina talu ai ae ua
leva ona tagi tagi atu. A o le mea sili ona faanoanoa ai
ona o le tatau toa‟i e lau afioga a le Minisita ma lau
Faatonu Sili i luma o le Komiti o A‟oga Faataitai ma le
alii Palemia ina ua outou feiloai. E foliga mai iina e le o
galulue faatasi, e foliga mai o loo taumafai le Faatonu
Sili o A‟oga e toso lana pitolaau a o lea e manino ma
aliali mai o le pule a le Minisita, tasi lea mea o loo aliali
mai ia i latou o loo fai ma Faatonu Sili o le taumafai e
toso lana pitolaau ona e manatu mama i le Minisita. Ou
te fautua atu i lau afioga a le alii Minisita ua faafetai ua
maua le fesoasoani ae ou te talitonu e le taitai ona lava
mo le atiina a‟e o fanau iti o le lumanai lea o Samoa, o
atiina a‟e taua ia i lo le mau atiina a‟e ae na o le fai, fai le
aoga. Ou te manatu ai ina ua sailia tau o atiina a‟e lelei
mo tagata soifua o le atunuu.
O le isi lea mea ua ou maua, ua i ai Faatonu Lagolago e
toatolu o tamaitai uma, o le isi tamaitai o le faletua o le
alii Palemia. Ou te le iloa pe o se mea alagatatau ona
saga i ai pea ma galue le faletua o le alii Palemia i le
matagaluega, aua tasi lea mea ua aliali mai ua fai ma tau
faafefe tagata i totonu o le matagaluega ua le mafai ona
gaoioi lelei tagata.
Faafetai lava i lau afioga a le Fofoga o le Fono. Avea ia
lenei taimi ona ua feagai tonu foi ma la‟u lauga ou te
faafeiloaia ai ma faafetai atu foi aua ua toai taunuu i le
Maota le afioaga a le alii Palemia, lau tofa Tupuola. Ua
lagona le agaga faafetai i le Atua ona ua toe maua lou
laulelei e tala mai ai ou aao e faamaea la tatou galuega e
pei ona i ai. Faamoemoe i le Alii ia maua pea lou soifua
lelei aua a tatou galuega fai ma lo tatou feagai ai ma le
fonotaga.
Vae atu la le afio mai o le afioga a le Palemia, ua ou
lagona i le valavala mamao o totogi o lea matagaluega,
atonu e faapea i matagaluega uma. O le totogi o le alii
Faatonu Sili o A‟oga e $12,000, o le totogi e pito i ai o
totogi o Faatonu Lagolago e toatolu e ta‟i $6,000. Se‟i
outou silasila la i le va, ma ua ou manatu ua tele naua ia
Sui Faatonu Sili. O a latou galuega e fai, a ou matau atu i
Saunoaga Faataupou a Sui Usufono 1961-2011
le vaevaeina o le Matagaluega o A‟oga i ia Sui Faatonu
Sili e toatolu, o se mea ou te maofa ai, ona ua le mafai
ona lava le tagata e toatasi e faagaoioia ia galuega. O
lona uiga o lo‟u taofi, o nei Faatonu Lagolago e toatolu
ua tóatele ae itiiti galuega fai. Faapei ona ou avatu i le
taimi ua mavae o le isi lea mea ua ou manatu pe se mea
ua alagatatau ma talafeagai pea ona galue ai le faletua o
le alii Palemia i le matagaluega. Pei foi ona ou fai atu ua
fai ma faafefe tagata i totonu o le matagaluega. Ou te
iloa lea mea ou te molimauina, atonu o se mea lelei foi
ae o lo‟u lava manatu ina ia galulue saoloto i le loto
fuatiaifo e lelei i tagata o le matagaluega.
O le isi mea ua ou matauina i le Ofisa o A‟oga o le tele
o faiaoga agavaa a o totogi ua le lelei. O lea lava tatou te
matauina le tele o faiaoga ua see atu nei i a‟oga a
ekalesia, ua mafua i se a? E mafua ona o le leaga o
totogi. Ou te manatu o lea lava le galuega e sili ona taua
o le aoaoina o le fanau ina ia maua le poto mo le agai i
luma o le manuia lena o Samoa mo a taeao.
O le Soifua Maloloina. Lau afioga a le Minisita o le
Soifua Maloloina, o le Komiti o Tina Tumama foi lene
isa saunoa i ai nisi Sui, lea na faavae i le tausaga talu ai
ae Peresetene ai se tamaloa o le Sui Faatonu Sili o
Tapeni Faaiuaso, ae o le Komiti a Tinā. O lo‟u taofi sa le
tatau ona toe atia‟e ia Komiti vagana ua i ai se faaupuga
ou te mafai ona ou ioe i ai e faapea, ua le lelei le Fono
Aoao a Tina. Silasial foi o le Komiti a Tina i aso ua
mavae uua tuufaatasi ma ua faavaeina o le Fono Aoao a
Tina (National Council of Women). Sa faavaeina e le
afioga ia Masiofo Nouē, Masiofo Tunu faatasi ma isi
Masiofo a Tama-a-Aiga ma le faletua o la tatou Hai
Komisi o Mrs Powels i lena vaitaimi. Ua atia‟e o le
Faalapotopotoga Tuufaatasi o Tina Tumama Atiina A‟e
ma gaoioiga uma e faaleleia ai tinā o le atunuu. Ae te‟i
ua toe tulai mai lenei Komiti fai mai o le Komiti
Tumama, ae Peresetene ai le tamaloa. O lona uiga o le a
faaluafesasi, ma e i ai le feteenaiga o le a tupu mai. O le
mea e faamaonia ai le feteenaiga, o isi ua le auai i le
Fono Aoao a Tina a ua i le Komiti fou lea. O isi e le o i
ai i le Komiti fou ae na o le Fono Aoao a Tina. O lona
uiga o le a fevaa‟i tinā o le atunuu. Ma ou te manatu e le
o se mea talafeagai o a foi galuega o le a latou fai, o lea
foi e galulue atu lea vaega.
Ona oo mai ai foi lea i le mea na ou tautala ai i le taeao
analeila o le alii Faatonu Sili lenei ua aumai. Atonu ua
uma ona ou tolaulau atu analeila mafuaaga e le taitai ona
talia ai e lo‟u taofi lenei alii Fomai mai fafo e taumafai e
faatamo‟e le ofisa ma le matagaluega ae tau toso atu ai
ma le Malo. A silasila i faaupuga a le nusipepa, o le a alu
lava ia e faalelei le Malo. A silasila i faaupuga a le
nusipepa, o le a alu lava ia e faalelei le Malo. A silasila i
faaupuga a le nusipepa, o le a alu lava ia e faalelei le
matagaluega ae faitalia ai le Malo. O ni faaupuga
matuiā, o lona uiga ua foliga mai e le popole i le Malo
ma mea o loo tutupu mai ai. I lo‟u lava taofi sa tatau ona
avane i ai se tasi o alo o le atunuu, e pei ona ou ta‟u atu
analeila e tele fomai ma o fomai uma e agavaa e avea ma
Faatonu Sili o le Matagaluega o le Falemai, ma afai o le
tulaga i le matai, toeitiiti matai uma fomai. A o lea la ua
soli foi i i lea vaega o le fautuaga a le Komisi Suesue o
lea ua aumai le taulealea e fai ma Faatonu Sili se‟i
taofiofi ai le taimi lenei ae se‟i faataunuu le mea lea e
manao i ai le Malo. Ou te le natía e le tau faaalia atua o
la e i ai le tagata e manao le Malo e Faatonu Sili, lea la
ua aumai le papalagi se‟i tau taofi a‟i le taimi nei ona
aumai loa lea o le tagata lea i totonu. Ni faiga lelei ea ia
mea? Ni faiga ea ia e manuia ai se Malo, a o se
matagaluega? Ou te ta‟u atu e leai se manuia e maua ai.
A o le‟i faaauauina la‟u lauga ne‟i te‟i ua saga alu pea
ae ou te fia malamalama foi i le afioga a le Minisita. Lau
afioga a le Fofoga o le Fono, ou te fesili atu i le alii
Minisita se‟i tali mai: Poo le pule a le Komisi e Pulea
Tagata Faigaluega a le Malo, e fuafuau i le tusi talosaga?
O la‟u fesili la pe na talosaga mai la Dr Ridings
faamolemole i le avanoa lea. O tulaga la faapea pe afai o
le a tatou saili totoa i ai o le filifilia o se tagata
faigaluega e galue mai le Pule a le PSC, e tatau ona
faasalalauina se avanoa, e tatau ona tusi talosaga mai e
tatau foi ona fai se feiloaiga. A o lenei lava mea ou te
tautino atu e leai, e ese le auala na fai a‟i. O lea la ua
tulai mai o lenei alii Pule o le Falemai atonu pe lua ni
tausaga o aumai ai ona tulai ese lea ae faataunuu le mea
o finagalo i ai le Malo.
O le Ofisa o Lafoga. Ua saua i nisi o saunoaga a Sui
lafoga a faifeau. O le tasi lea mea pei ona ou ta‟ua
analeila na nofo sala lava le alii Palemia ma lana
faigamalo i le faatu o le la i le savili. Ua nofo sala loa le
Malo taumafai loa ina ia faia lafoga a faifeau, fai mai o
la e i le tulafono, e moni. O fea tulafono e vaaia loa
faataunuu ma faapelepele i ai e faia i le amiotonu, a o fea
tulafono e soli pala? Aua o lea ua oo atu nei i le tulafono
o lafoga a faifeau fai mai e fai loa lafoga leaga o lea e
aofia i le Tulafono. E le faatusatusaina faifeau Samoa i
faifeau i nuu i fafo, leaga o faifeau o Samoa o feagaiga
osi. Silasila foi i lo latou faalupega o Faafeagaiga
Taulagi a o lenei ua fai lafoga. Afai ua fai lafoga a
faifeau i fafo, ia e tatau, aua o la latou galuega lena, a o
faifeau i Samoa i Sisifo, e le ni galuega o le tautua i le
Atua ma lona Malo. Atonu o le galuega i le faaupuga
masani, a o le mea e faamaonia ai o le galuega e i ai lona
totogi faatulaga, lima afe nei, ono afe taeao, a o galuega
a faifeau e $10 le isi masina, $100 le isi masina e
faapena ona feme‟ia‟i aua e le o se faifeau totogi, o le
faifeau e avatu i ai le alofa o le aulotu. Ma o lo‟u lava
taofi ia matuia tele le faataunuuina o lenei tulafono, ou te
mafaufau faapena aua o lea ua tulai mai loa le Malo o
Tupuola, fai mai loa ia fai loa lafoga a faifeau o lea ua
uma ona i ai i le Tulafono. A o fea ea la tulafono a tau
atu i ai le Malo ua „alo po o le tau atu lava o la e fai mai
le tulafono o le mea lea e fai ae soli pala aua o le mea lea
o loo aliali mai. Ou te matua talitonu e le o se mea
faigata i lau afioga a le alii Palemia ma lou Malo, taofi
lafoga a faifeau, tuusaunoa faifeau mol afoga aua o le
upu moni o Faafeagaiga Osi a le atunuu lenei. Silasila
foi, soo se Ekalesia lava pe avatu i le filifiliga a le nuu,
pe tofi atu e le Ekalesia, e osi lava le feagaiga e tatala le
Saunoaga Faataupou a Sui Usufono 1961-2011
ie o le Malo e osi ai le feagaiga. A oo ina tulai ese, e
tatala i le ie o le Malo le feagaiga. E mafua i se a? O
feagaiga osi a le atunuu, o mea mamalu a le atunuu. Lau
afioga a le alii Palemia ma lau afioga le alii Minisita o
Lafoga, ia alofa, toe tuusaunoa alii Faifeau mai a latou
lafoga e leai foi se tupe tele a le Malo o maua mai ai. A o
le mea sili ona taua o le tatou amanaia ma le aloaia o
faafeagaiga faalepelepele a le atunuu.
Lau afioga i le Fofoga o le Fono, ua ou toe manatua se
tasi o mea ona o le faauilavae a se tasi o Minisita o le
Soifua Maloloina e uiga i lea mea o le toe tofiaina o
tagata faigaluega a le Malo. E tele nisi o tofiga sa faia i
le Ofisa o le Soifua Maloloina ma ua ou toe manatua nei,
e pei ona faasalalauina o se pule, se Faatonu Sili a le
Falemai, ona faia lea o se vaega foi lenei e faia ma
suesuea feiloaiga. Ona fai ai lea o le faaiuga a le Komiti
lea, ua tofiaina se tasi o alii Fomai e ave ama Faatonu
Sili a le Falemai, ae mulimuli ane ua teena e le afioga a
le alii Minisita. Na i‟u lava ina oo i le faaamasinoga, na
toe talosaga lea o le alii lea, talosaga i le ali Faamasino e
pei ona tofiaina, ma toe faamaonia ai foi e le
Faamasinoga. Ae peitai ua le mafai lava le malosi o le
Malo, taofia pea le tofiaina o lea alii e avea ma Faatonu
Sili o le Falemai.
Ma e pei ona saunoa le alii Minisita o Falemai e faapea,
o le tofiaina ma le filifilia o se tagata faigaluega, o le
matafaioi lea a le Komisi e Pulea Tagata Faigaluega a le
Malo, ua matua feteenai tele ma le mea o i ai le Malo i
ona taimi nei; aua soo se tasi e tofia e galue i le Malo, e
oo lona totogi i le $4,000, o le mea lea e pule ai le Malo,
pule ai le Kapeneta mo le tofiaina. Lea e ala ai lo‟u taofi,
ua toe aumai foi e le Kapeneta le alii papalagi lea i le
falemai e pule ai, a o lea lava o loo i ai o tatou tama
Samoa, tamalii ma failauga agavaa mo le faaauauina o
lea galuega. Ia ae le natía pei a na ou fai atu e i ai
mafuaaga ua aumai ai lea alii tau ina nofoia i le taimi nei
ina ia faataunuu mea o loo manao i ai le Malo, i le o le a
faafoeina lea matagaluega i le lumanai.
Ia ona ou oo atu loa lea i le Matagaluega o
Faamasinoga. O le matagaluega lenei o le faamasinoga
ou te tautala faapitoa i galuega a alii Faamasino Samoa o
le Faamasinoga o Fanua ma Suafa. Ou te matua lagona
le faanoanoa ona o nei tamalii ma failauga o le atunuu, i
lo latou tomai o loo faia ai lenei galuega, atonu e eseese
taofi ma nisi. O se agavaa taua o ia i latou, pe la ea o ni
alii na avatu e aoaoina i fafo, ma maua ai se poto masani
e fai ai lenei galuega. E leai, o le tomai ua latou maua
faatamalii faafaleupolu, ua faia ai ma taumafai ai le
galuega; a o le mea ua aliali mai ua leai ni ofisa lelei mo
ia alii Faamasino, afai o uta i le Ofisa o Faamasinoga e
mapu i ai i le taeao, e faapotopoto i le potu la e fai ai le
ava Samoa, e nonofo faaleiloga ai, le tofu nofoa i nisi
taimi. Afai foi e fai mai ii le Ofisa o Fanua ma Suafa, ua
leai foi se nofoaga lelei mo i latou e mapu ai ma teu ai a
latou pepa aua o le tele o pepa a alii Faamasino, o pepa
malu puipuia. Ae ua aliali mai ua tuu e alu ma ia i le
aiga. O lona uiga, o le a vaai i ai isi tagata. A ua tatau nei
ona galueaiina se ofisa lelei e faamautu i ai ia alii Ofisa,
e le gata i uta i le Faamasinoga Sili, a o tai nei i le Ofisa
o Fanua ma Suafa, faapea foi ma le Faamasinoga i
Tuasivi. E le gata foi i lea, ua lagona, i lo‟u lava taofi, ua
tele ina aiaina i tulaga faale-Malo, tulaga o Faamasinoga.
Ma o se tasi ia o mea ua sili ona faigata ona ua oo atu foi
le Malo i tulaga o faiga o faamasinoga, Faamasinoga Sili
faatasi ma Faamasinoga o Fanua ma Suafa. Ma ua le
mafai ai ona malupuipuia ai le aia tatau o alii Faamasino
latou te faia ai se faaiuga ma le amiotonu e tusa ai ma le
latou tautoga. Ma atonu o se faiga lea e masani ai le tele
o Faigamalo, e oo foi i Faigamalo i fafo.
Lau afioga a le Fofoga o le Fono, i Samoa lava ia, ou te
talitonu i le lauama tootoo, i le va fealoai, ina ia
tuusaunoa pea le paia o alii Faamasino e tusa ma le
galuega ua latou faia ma tauto ai.
Paga, e tele mea ou te fia tautala ai, ae paga o lo‟u taimi
ua faapenei ona faaletonu, ua le mafai foi ona saoloto
o‟u mafaufauga ona o taimi ua tuua ma ua faatulagaina.
Ae ui i lea, ou te taumafai atu i le mea ua ou mafaia i
lo‟u faatuatua ola i lau afioga a le Fofoga Fetalai ma le
paia o le Palemene, e mafai ai ona faauma la‟u lauga i
lenei aso.
O le Ofisa o Eleele ma Fuagafanua. O loo i ai isi mea e
aliali mai, e ui ina tele isi mea, ae taatia ia, a o le a agai
atonu la‟u tautalaga i se mea e le‟i mamao, i le tausaga
nei lava. O le eleele lea i Salafai i Faasaleleaga, na
manaomia ai e le Malo le 6 eka mai le tasi matai o le
itumalo o Faasaleleaga Nu.1 e faia ai atiina a‟e, ma ua
fai ai le sailiga, o tupe faaalu i le eleele e $40,000. Ua
uma ona tuuina atu i le aao o lea alii, le $20,000, a o se
taimi ona avatu lea o le isi $20,000; ae maua ane
mulimuli, e le aoga lea 6 eka mo le atiina a‟e na
faamoemoeina. O lona uiga, a faaupu i le faaupuga lata
mai, ua goto i le moana lea $20,000 lea ua avatu, le
faaaogaina le eleele, a ua uma ona faaaoga le tupe. O
lona uiga o se tupe ua faamaumauina i se tulaga le aloaia
ma le le mautinoa. Ma ou te talitonu lau afioga a le
Minisita o Eleele, e ui ina gasegase, ou te manatu, sa le
tatau ona faia lea foai, ma lea fefaatauaiga seia oo ina ua
mautiona lea aiaiga ma le aoga o lea eleele e tusa ai ma
le faaaogaina.
Le Ofisa o le alii Palemia. Faafetai ua oo mai le alii
Palemia o le a mafai ona tuusa‟o atu manatu e uiga i
lenei faamoemoe i lona Ofisa ma mea ua aliali mai. O
lo‟u manatu i mea nei o femalagaaiga, o se mea
talafeagai ma ua taua tele ia te a‟u, i uiga o le
aufaigaluega o femalagaaiga. O ni tama ma ni teine o loo
galulue i lalo o le vaaiga o le afioga ia Faleafaga, o ni
tagata lelei ma le agavaa i galuega; o lo latou laufofoga
fiafia pe a, e alu atu i le Ofisa, e faapea foi lo latou
galulue i le malae vaalele. A o le mea ua aliali mai ua fai
ma pona i le mea ua tupu mai, ma ou te le tuuaia le
Ofisa, ou te tuuaia lava le afioga a le Minisita o
Femalagaaiga; le mea lava lea sa ta‟ua o tusifolau mūmū
„diplomatic passports‟. Ua matou malaga faatasi atu agai
i Amerika ma nisi alii e le ni faipule, poo ni matai foi, ae
malaga i tusifolau mūmū ma e le‟i malaga foi i se
malaga a le Malo. O le mea e sili ona ou matamuli ai, o
Saunoaga Faataupou a Sui Usufono 1961-2011
a‟u o le faipule ae ou alu i le tusifolau lanu meamata, lea
e ta‟ua o le tusifolau aloaia. Ma ou te tautino atu, e le
taitai oo atu lena tusifolau i le malosi o le tusifolau
mūmū. O le mea lea e iloa ai le eseesega, ina ua fai a
matou visa, na o le tasi lava le masina na mafai ona
aumai i le visa o le tusifolau lanumeamata, ae fai mai e
ono masina na tuuina atu ona o tusifolau lanu mūmū a le
aualii lea. Se‟i silasila la, i lau afioga a le Minisita o
Femalagaaiga i le mea ua tupu mai nei. A o la‟u fesili la,
poo ai ea nei tagata e ave i ai nei tusifolau?
Ua ou toe tau manatu i aso o le sailiga malo. O fea sa i
ai ni o latou matua i le taimi na saili ai Malo? A o lenei a
leaga le palemene e taumafai atu, taumafai atu? Atonu e
fai mai se isi o lo‟u tamā o le faifeau e le‟i saili Malo;
atonu e moni, a o Nonumalo sa taase i le vao lea ona o le
sailiga Malo. O le mea lea ou te fai atu poo fea e omai ai
nei tagata, a o ai nei tagata? E moni o tagatanuu ae
silasila i le Palemene a lailoa, o le paia o le atunuu. Se‟i
tau fai fuafua ma manatu i le va fealoaloai, e pei ona
ta‟ua e se isi alii. A vaai mai tagata i faipule pe a malaga
atu, e su‟e a latou ato ae alu atu le tagata e le se faipule,
ua le suea ato. O le mea lea o loo tupu mai nei. Ma ou te
avatu ai ma le faanoanoa ona o le le talafeagai o mea ua
tulai mai i le Ofisa lenei o Femalagaaiga.
Ua ou manatu foi i le Komiti lea a Tinā e pei ona tulai
mai, ma fesili ai le tele o Sui. A o la‟u fesili lau afioga a
le alii Palemia, e talu lava na amata ona e tulai mai, e le
mafai lava ona le i ai se sui o le Ekalesia Faapotopotoga
Kerisiano i totonu o se Komiti. Sa mavae atu foi le tolu
tausaga, sa i ai se tasi o sui o le Ekalesia lea, i totonu o
Komiti ma upufai o au Komiti e pei ona i ai. Lea foi ua
oo mai i lenei Komiti, o le faletua o le Taitaifono o le
Ekalesia ua i totonu o le Komiti a Tina. Aisea? Ou te
manatu o le faletua o le Taitaifono, o le mea e
faapelepele i ai le Ekalesia, ia a o lea ua aumai ii, atonu
o le a galue ma fai atiina a‟e, atonu o le tofi lea o se
tagata o le atunuu, poo a tulaga, e te alu e te galue e
faaaoga lou soifua mo le atunuu. Ae ou te manatu ua le
talafeagai, aua a e silasila i le Komiti lea ua fai iina, e te
le silasila lava i se isi faletua o se isi faifeau o se isi
Ekalesia, na o le Ekalesia lava lea. Poo a mafuaaga, ou te
leiloa? Ae ou te tau masalosalo, e i ai mafuaaga, ua ou
lagona lava e a‟u, ae atonu a saunoa mai le alii Minisita,
poo le afioga a le alii Palemia, ona mafai lea ona maua ai
o so‟u manatu i lea mea.
Le Ofisa o le Tausi Mavaega. Na tulai mai ai se tasi alo
o le atunuu sa fai ma tausi mavaega ae peitai na i ai le
mea na tupu ai; ona ou manatu lea, ua uma ona pasia e le
Komiti o Tausi Mavaega le tupe e avea i le alii lea e
faatau ai fanua ia sa na faatau, a o la e manino mai i le
tulafono a le Tausi Mavaega, e le mafai e le Tausi
Mavaega ona aumai se tupe mai le matagaluega e fai ai
mea ia, a o la na faataga e le Komiti. Ia ae fai mulimuli
ane, ua faaletonuga ai. O lona uiga, o se mea sa auaufau
nisi e faaleagaina ai lenei tagata. Ua ou manatu ai e le se
mea talafeagai ona avatu e le Komiti o le Tupe i ai, a ua
iloa lava e le tatau ona avea. O lea la ua aliali mai ua oo
ina tupu ai le faalavelave. Ma afai la e moni e agasala lea
tama, le atalii o le atunuu, e le tatau ona toe talia i se
galuega, ia a o lea e faigaluega nei i le Ofisa o se tasi o
Loia Sinia a le Malo i totonu o le Palemene. O la ua
galue ai. O lona uiga, e le matuia se agasala pe le agasala
foi, a ua fai ma ua oo ai ina te‟a ai ma galuega.
O nisi galuega a le Malo. O le mea lea pei ona ou ta‟ua
muamua, o nei faiga a le Komisi ua latou tofia se vaega,
se Komisi latou te faia suesuega o tagata faigaluega,
fesiligia. Ona fai lea, aumai lea o iuga a le Komiti e
faafesiligia, o Simi e alu e faigaluega, ae fai atu le
Komisi e Pulea Tagata Faigaluega, e leai, o Siaki. Toe
avatu i le Ofisa, ae fai mai le Minisita, leai o Toma. Ua
le mafai ona sa‟o poo fea tonu le mea e tatau ona tu ai le
Ofisa o Tagata Faigaluega a le Malo. Afai ua leaga ona
fai, e tatau ona fai se faatatau i le Taitaifono o le Ofisa o
Galuega a le Malo, afai e le agavaa, aveese tuu i ai se
tagata e tatau ma agavaa mo le faiga o galuega a le
Malo. Anusa, tofi atu nei se tagata ave i le Faamasinoga,
ua na o le faateleina o galuega ma tupe a le Malo e alu ai
talu le le fuafua tatau.
Ofisa o Tiute – Tasi lea Ofisa o loo i ai ni matai lelei, e
pei ona tatou vaaia i Faleolo ia latou galuega fai; pau
lava le mea ou te fautua atu, ia sailia lelei ato uma aua o
loo tele mea o loo fau ai i totonu, ae le tatau ona aumai i
totonu o le atunuu. O lea aufaigaluega o se aufaigaluega
agavaa ma le laumata fiafia e tumu i le faaaloalo; a o na
o la‟u fesili lava i le alii Pule o le Tiute. Ou te manatua
sa i ai se taavale a se alii papalagi, atonu a ou faaupu
atua, tasi lea eli-auro o lea e iinei. Na aumai lana taavale
e 12 masina o tutu i totonu ma luga o le laueleele o
Samoa ae leai se tiute, seia oo ina toe aveeseina atu. Ia la
ua faasalalau i Niu Sila e fia faatau atu, sa feagai ma le
taimi o o‟u i Niu Sila, ua faasalalau i le $40,000, ae na
aumai i totonu o Samoa. O la‟u fesili, ua i ai ea se faiga
faavae e mafai ai ona aumai ai se taavale a se tagata e
faatalitali iinei se mea e aumai ai, e aunoa ma le
totogiina o le tiute. Ae afai ua i ai se tulafono, o añafea
na fai ai? O lea ua tino mai ai, ua mafai e lea alii
papalagi. Ia sau ia se tamalii o le atunuu se ponaoo o
amo ama se taavale, a le totogia le tiute e le aveesea ma
tai, faatapepe solo ai lava i tai le paia o le atunuu. Sau la
se faipule ma se taavale, e leai se taavale e avatua i ai, e
taofi lava i tai, se‟i totogi muamua le tiute e oo lava i lau
afioga a le Fofoga o le Fono, aumaia sau taavale ae le
totogia le tiute, e le mafai ona aumai i tua. Ia a o lea alii
papalagi, sau lava ma lana taavale aumai i tua tutu i lona
fale ma feosofai ai i le po, oo ina ua ao, ave tuu i lona
fale taavale mo le 12 masina, fai mai e fealuai i le po e
faaolaola ai le maa. Ia la ua aveese, ae leai ma se tiute ua
aumaia i totonu o tupe a le Malo. O le mea lea e
faanoanoa ai le taofi, ona o le aliali mai o faiga faapea, e
le talafeagai ma lo tatou Faigamalo.
O le isi lea mea lau afioga a le Fofoga o le Fono, lau
afioga i le alii palemia ma lau Kapeneta, paga le
faanoanoa i le vaai atu i o outou totogi ua uma ona i ai i
totonu faatasi ma alauni tou te femalagaa‟i ai i o outou
ala. A o lea ua vaai atu nei, ua tofu outou ma le taavale,
e le gata ina fealuai i le ao, ae tutu i o outou aiga i po. O
Saunoaga Faataupou a Sui Usufono 1961-2011
lenei vaiaso ma le vaiaso ua mavae, e le gata ina tutu
mai fafo, nonofono ai ma avetaavale, a o ai la e totogia
ia avetaavale? A tatou fono e tau i le 6:00, e nofonofo
lava e tau i le 6.00. Talofa i le atunuu, ua outou soona
fai, ua outou le fai ma le alofa ma fai fuafua. O la e tau
su‟e ni taavale e feoai ai fomai ma tiene tausima‟i e pei
ona ta‟ua e se tasi o saunoaga, o lea ua faaaoga taavale
laiti la‟upasese e tagata faigaluega i le taulaga. Ia ae tasi
se faaaogaina o se taavale laitiiti ae tau uma tupe a le
matagaluega, a o lea e tutu nei taavale malolosi. Afai foi
ua outou faaaogaina, ae a pe a ave e le Minisita lana ia
taavale. Ou te manatu i le maualuluga o tofi, o le a le
mea e le aumai ai faale-tulafono, aveese outou alauni
mai o outou totogi ae tofu outou ma le taavale, a o le
fenumia‟i faapenei? Ia na o le ofo lava o le taofi.
Ua ou manatu i le isi lenei mea o totogi o Tagata
Faigaluega. Ua aliali mai le le talafeagai, ua mafuli le
totogi o le Malo i ulu o matagaluega. E i ai se isi
matagaluega e $12,000 le Faatonu Sili ae $4,000 e pito
atu i ai, e le talafeagai. O lo‟u lava taofi moni, ia lelei le
totogi amata, tuu poo le $1,500 e totogi ai le tagata
amata. Aua o le isi tagata amata o le tamaitiiti faatoa i‟u
mai le a‟oga, a o le isi tagata amata e 4, 5, 6,7 le fanau a
o la e amata lelei i le 1,500 ona fetuutuunai lelei ai lea i
le va a o lea e lelei le totogi amata. A o lenei, o le tóatele
o le aufaigaluega o le $4,000 alu agai i lalo i le $600,
$500. A o si toaitiiti na o le Faatonu Sili ma se tagata e
toatasi, o la e i luga i le $6,000 le $10,000 i le $12,000.
Ae ou te ta‟u atu o Faatonu Sili ma tagata maualuluga o
Ofisa o la latou te inu le susu o galuega a le Malo, o
tagata sili na ona filemu. A o le au palapala ma le
aufaigaluega maualalo, o latou na o la e faia le galuega.
Ona maua uma lea o le manuia i le pule o le galuega, ae
leai se tautua. O le isi tamā o le atunuu, ua leva ua fia
sefulu tausaga o ia i le Ofisa, ae leaga e le‟i maua se
tikeri, ia o la pe ua fia tausaga na o le $3,000. Ae sau nei
le isi mai o po o le BA ma le MA, sau ma le LLB, sau
te‟i ua maua le galuega, ae le‟i tautua. Ia avane ea le
poto e fai ai le galuega ae le‟i tautua, ona alu lea selesele
fua le malosi o le isi. Atonu ona o Samoa e le‟i tele ni
tagata agavaa, le tele ni tagata ua maua ni faailoga lea ua
mafua ai. Aua a na se atunuu e tele ni faailoga, e te sau
lava ma lou BA e te alu lava i lalo aua o la e tele BA i
luga. A o le mea ou te talosaga atu ai, se‟i alofa le Malo
se‟i fetuunai totogi. Amata i le $1,500 tagata uma, ona
fetuunai malie lea o totogi, ma se‟i tau faalatalata atu le
Nu.2 i le Nu.1; a o lenei sefulu ma ona tupu afe le Pule o
galuega, ae tufi atu i lalo i le tai 4, tai 3 e ua pito atu i ai.
E le o se mea talafeagai.
Lau afioga i le Fofoga o le Fono, o le isi lenei mea taua,
o le aumatutua lea na fai ai le faaiuga a le Palemene i aso
ua mavae, pasia ai le tulafono ia litaea tagata uma i le 55.
Sa faapea ita o lenei tuulafono e pasi, ona faifai malie lea
mo le isi 5 ausaga se‟i tau sauni lelei tagata mo lea mea
o le litaea. Aua o lea mea e ta‟u o le litaea, ua matuā
pa‟ū le tupe maua. O le mea ua tupu, na o le pasi lava o
le tulafono, malolo oe, malolo oe, ae le‟i saunia le tagata
mo lona malolo. E foliga mai ua tulei tatou, ua tulei e le
Malo e ō, ae leai se tupe e o e ola ai.
Faafetai lava i lau afioga a le Fofoga o le Fono, faafetai
foi i le Sui sa faatu mai le lafo ma le na faaluaina, ma le
paia o le Fono Aoao. Ua le toe umi foi la ona ou tautala,
ua manatu foi ua faalua pe faatolu ona faalavefau lau
afioga i la‟u lauga, ma e tatau foi ona ou manatu atu e
tusa i taimi ma taualumaga.
O le isi lenei mea, o tagata matutua e pei ona ou ta‟ua,
e lagona le faanoanoa i le tóatele o le aumatutua e le‟i
lava saunia mo lo latou malolo. O loo totogi foi o latou
tupe mai aso ua mavae mo le latou tupe faa-supeaneueta
a Niu Sila, e ui i ia mea e le‟i taitai ona lava mo le latou
lumanai manuia. O lea e talosaga atu ai le alii Palemia
ma le Malo, e a pe a toe fai se fetuutuunaiga, pe toe
faapafala le tulafono? O lona uiga, e le o tuua le tulafono
a ia faapafala le taimi e faaauau ai, i ē o loo totoe nei i
totonu o galuega, pe se‟i tai 5 tausaga o nisi faaauau se‟i
maea, aua o le mea ua tupu mai, ua fia omai tamaiti ua
i‟u mai a‟oga e galulue, a o lea e nonofo atu toeaiina. Ou
te manatu e sili ai ona faaaoga pea nai toeaiina o loo i ai
aiga, taitoalua ma fanau, i lo le tuu mai o fanau iti i
totonu a o loo i ai pea lo latou faatuatuaga i o latou
matua ma nisi o aiga o loo galulue i totonu o le Malo ma
kamupani.
Ua ou toe fia faamanatu nei mea o le taimi analeila a o
le‟i afio mai le afioga i le Palemia, sa ou ta‟ua ai, atonu
pe na maua mai i le ala e lau afioga pe leai foi ae ua ou
fia ta‟ua foi le alii lea o Aluli, lo tatou Konesula lea i
Hawaii, e pei ona maua i ai fafatala i Hawaii, o le tasi lea
o loo lagona ai le mafatia o le mafaufau, ona ua oo mai
se tulaga faapea ae le‟i silafia e le atunuu ma le Maota. E
pei lava na ou fai atu i le taimi analeila, lau afioga a le
alii Palemia, o lea e faatietie oe e Samoa i le maa salafa,
amuia foi lau Tupuola, e pei ona ou faapoi i le taimi ua
fano, le tulaga o le atunuu. E pei ua ou manatu i taimi ua
fano i ou tuaa, lea sa tau asaina lou Malo. E moni o lea
ua sii oe e le atunuu a o oe o Tupuola, ona o le manatu e
le o se mea faigofie, e le faagalo gofie lou tuaa i aso ua
mavae. Ae popole ai le taofi ona o lou le fai silasila, ma
ou te faapea atu ma le upu moni, o Samoa o le atunuu ua
uma ona tofi. E feagai aiga o le atunuu ma Tumua ma
Pule ma Tama-a-Aiga, ae le feagai aiga ma Tumua ma
Pule ma outou fanau a Tama-a-Aiga a o lea ua tago atu
Samoa ua faatietie oe. Tupuola, ia silasila totoa, fai ma
le alofa i le atunuu, ia seu le manu ae tagai i le galu. E
afaina lo tatou lauama tootoo, e afaina le toese a nuu
potopoto aumai, avatu, a o lea tatou te fealoaloai. Ma o
la‟u upu moni lava Tupuola, o lea e sii oe e Samoa ae ou
te alofa nei lafoai oe e Samoa. O au upu tomatau ia te oe,
o ni ai aua lou tulai mai, amuia foi lou tagata.
O le mea lea Tupuola ou te fai atu ma lo‟u agaga
faamaoni, se‟i e silasila mamao i le Malo, „aua le maua
ula futifuti; ia e silasila mamao aua o lea lava e tautua le
atunuu, ia e silasila aua o loo manatu pea le atunuu i o
outou tuaa i aso ua mavae, aua galuega ua uma ona
faatino, lea ua pa‟i atu ai le Malo ma le atunuu, ma ou te
talitonu e leai se mea e te le mafaia. E ia te oe le agavaa
Saunoaga Faataupou a Sui Usufono 1961-2011
pe a faatasi ma lou alofa, ma „aua e te fai mea faapito a
ia e alofa i le atunuu.
Ou te faapea atu ai foi ma lo‟u agaga faanoanoa lava
Tupuola, sa ta faatasi i Niu Sila i le masina o Setema. I
asa ou matua lagona tele le faanoanoa e pei foi ona ou
ta‟ua e se tasi o Sui, le nusipepa foi lenei, na ou aumaia
lava ma le faamoemoe o le lauga lava lenei e ave atu ai,
ae peitai na ta‟ua e se tasi o Sui, a o lea foi ua toe oo mai
i lo‟u mafaufau, e le o se mea tuugofie. Aua foi e te
silafia upu o le atunuu, e tele le gagana a Samoa ua tuu e
faaaoga e fai a‟i ia mea; o Samoa foi o le atunuu e
mamala, o Samoa foi le atunuu e faaeteete gata, ae e pei
ua aliali mai i up usa faaaoga i au saunoaga, ua fai lava
si le talafeagai, ua e le seu silasila. E le afaina ia te a‟u le
tele o isi au upu. A o le upu lava lea e mamafa tele ia te
a‟u Tupuola, e le natía o le „fiu‟. E mama ia te a‟u pe a
mafaufau nei i ai, e mama i le tele o ē masani i fafo aua e
pei o se gagana tuulafoai lena e pei e masani ai talanoaga
faitele, ae tuu mai loa i totonu o le atunuu, ona ou alofa
lava lea i le atunuu.
Faafetai lava i lau afioga i le Fofoga o le Fono, ou te
faamalu atu foi ona o le faauilavea a le Sui. E leai foi se
agaga ou te avatu se uiga o lea upu ona e faigata le
faafofoga mai a Samoa, pau lava le mea ua ou ta‟ua, o
lea foi ua malamalama i ai Sui uma o le Maota, na o le
agaga ia te a‟u, e le mo lenei taimi aua o lea ua uma na
fai le upu ia, ae mo le lumanai o le Malo. Ae ou te fautua
atu ai, e ala atu i le Nofoa, ina ia aumai se
faamalamalamaga e uiga i lenei mataupu e le alii
Palemia, pe na mafua i se ā ona ia faaaoga lenei upu le
migao.
Lau afioga i le alii Palemia ou te manatu ua le mafai foi
ona sosoo atu se isi mataupu e pei o lena ua uma ona
faalau atu le tele o mea, ma ua lutia lava a‟u i le faamuta
soo o lo‟u taimi ia o lea foi ua ou manatu ai e tatau ia
ona faapuupuu la‟u lauga.
Lau afioga i le Fofoga o le Fono, o lea ua faafofoga mai
le afioga i le alii Palemia ma le Kapeneta. Afai foi e i ai
se mea o galo ia te a‟u, ia o le a le afaina ae ou te manatu
e pei ona faai‟u atu la‟u lauga faapefea lau afioga i le
Minisita o Tupe o le Tala Faatatau o le Tupe na e aumai,
a fiu i feliuai. O a‟u foi e lelei tele i le faitau o le Tala
Faatatau o le Tupe a o ou iinei i le Ofisa o le Fono, ae
pau lava lenei o le Tala Faatatau o le Tupe ua faigata ona
ou iloa ma malamalama i ai, aua ua foliga mai i le tulaga
muamua lava. O lea ua faapea ai i le itulau muamua
$22,654,195 ia faasolo mai lava i tupe maua ma tupe
faaaoga ma oo mai ai i lalo faapea o tupe faasili. Ia o iina
ou te ta‟uina ai lenei Tala Faatatau o le Tupe o se Tala
Faatatau le moni, aua e leai lava ma se tupe mama e tasi
o i ai, na o tupe aitalafu uma. Ia ona ou manatu lea ia o
lea ua oo i le taimi lenei ua aumai nei lau Tala Faatatau o
le Tupe ma le Tala Faatatau Faaopoopo mo le 1979, ae
ua uma ona faia a outou gaoioiga, ua uma ona faaaoga
ma faaalu tupe. Ua uma ona faamalolo leipa a isi
matagaluega ona o le leai o ni tupe faatagaina ae ana
tatou vave fono, ua leva ona fai i ai le faatatau. O lea foi
ua aumai nei ina ia pasia ia ae paga lea e pei ona ou fai
atu analeila o le upu to ia te a‟u ua outou faasoa-mata le
atunuu, ua outou faasoa-mata le Palemene, ua fai lava a
outou faiga ae faamoemoe i le aumai mulimuli. O lea la
ou te ta‟u atu ma lo‟u faamaoni o se mea ua le sa‟o ma le
alagatatau. Ma ou te manatu foi i lea Tulafono o loo
faatu mai a o le‟i oo i ai ina ia tuu atu le avanoa e nono
ai tupe i le pule a le alii Minisita. Oi, oi a faapefea ona
toe tuu atu nei. E tuu atu loa ia o le aluga lena e le toe
mafai ona taofi, ma ou te talitonu e le o se mea tatau, e
sili lava ona fai pea i totonu o le Palemene. O lea i‟u a‟u
up una o lenei lau afioga i le Fofoga o le Fono ou te
faamalulu atu foi pe a fai foi ua i ai se upu ua sala.
Lau afioga i le Fofoga o le Fono faafetai atu ua e toe
faamanatu mai ua pei ua tau galo ia te a‟u ona o lo‟u
agaga faamaoni na amata faapena, ia ae pei ua ou
manatu faai‟u ia taatia ai faapea. A o lou finagalo e avatu
ia lau afioga i le alii Minisita, a tuusa‟o lava pe a toe ta
mai le lipine ou te le‟i fai atu mautinoa a o lau up una fai
atu atonu poo le faaaogaina o ia mea.
Lau afioga i le Fofoga Fetalai, ia faafetai foi i le afioga
i le alii Minisita. E faapea la sa ou le manatu i se tulaga
ta te feeseeseai ai ma lau afioga i le Minisita o Tupe. Ou
te faapea atu la, aumai la se tala auiliili o le faaaogaina o
taavale mai le taimi lena e oo i le taimi o le faiga palota.
Ona ou ta‟u atu lea pe a fai o le mea lena e te manao i ai,
aua o lea sa ou fai atu ou te le fia ta‟ua.
Faafetai i lau afioga i le alii Minisita o la‟u lauga foi sa
faalauaitele e le‟i faatuina atu i lau Susuga i le Minisita o
Tupe. Ae faapea o le a faai‟u la‟u lauga a o le mea lea
ua ou manatua. Lau afioga i le alii Minisita o Galuega se
se‟i toe silasila ane i Vaipaipa o le matou nuu na ona i ai
ae le suasua.
Lau afioga i le Fofoga o le Fono e mafai ona ou faapea
atu ma lo‟u faaaloalo lava e tusa ma le fesiligia o a‟u ma
lo‟u foi tootoo e le afioga i le alii Palemia. Na ou taua sa
matou feiloai ma nisi o Samoa ma o samoa faatuatuaina
lava i Hawaii ma taua ai le tagata lea e igoa ia Aluni ona
faapea lea o le upu a le tagata, tago e su‟e i totonu o le
tusi telefoni o lena e i ai. Peitai e le‟i alu tele i ai lo‟u
mafaufau ona ou te talitonu tele ia Tupuola. Ae pei la o
lea ua ou avatua nei se‟i saunoa mai la afai e leai ia
atonu e toe i ai se avanoa agai i Hawaii ona ou suea lea i
le tusi telefoni pe moni. A o le upu lena a le tagata ua i ai
le Konesula Samoa i Sisifo i Hawaii e suafa ia K. Aluni
ma o loo i totonu o le tusi telefoni. O la‟u faaaliga lea ma
le faaaloalo lava.
O le saunoaga foi i le alii Palemia ma taua ai ia lo‟u foi
tagata faapea o Nonumalo o le matai taua a saunoa i se
mea ia e moni lava. O a‟u foi ou te le avatua ni mea
faaoleole o mea ua uuma ona ou sailia, ae pau lava le
mea ou te le‟i feiloai i ni tagata. A o lea lava ua avatu
ona saunoa mai lea o ia pe moni pe leai. Ia afai e moni,
ia e tatau ona fai se fuafuaga i ai, a le moni, ona toe saili
lea ina ia maua le mea tonu. E pei o le uiga lea o la‟u
lauga e avatu ai mafaufauga ma manatu ma taofi.
O le mea lea e pei ona ou tapa le afioga i le Minisita o
Galuega. O le paipa foi lea o matou na fai atu i Lotosoa,
ua fai fai le paipa ona sua lea i le isi taimi, ae le sua i le
Saunoaga Faataupou a Sui Usufono 1961-2011
isi taimi. O le isi lea mea o le ta‟i $15 lea na vili ai paipa.
O lea ua ou aumaia le talosaga i lau afioga a o le
faalavelave e ese foi au faiga faavae, ese foi faiga faavae
a le aufai-paipa latou. O le mea lea se‟i e silasila ane poo
fea faiga faavae o le a matou faia.
Faafetai foi i le alii Taitaifono o le Komiti o Pulenuu
ona ua tafa le latou finagalo ua mafai ai ni pulenuu se lua
o Salepoua‟e ma Lotoso‟a sa fiu i saili mai. O ia mea
uuma ia faamanuia le Atua ia outou galuega ma mea fai.
Ae ou te faamavae atu i lenei taimi i lau afioga o le a ou
tuua le fola faafetai atu mo le tuuina mai o le avanoa ma
lou faapalepale foi i lenei lauga ma taimi sa tuuina mai
ou te tautala ai. Ia o mea uma lava ua ou tautala i ai i
lenei aso ia e faia lava ma lo‟u agaga faaaloalo i le
Nofoa ma lau taitaiga. E faapea foi ona ou faamalulu atu
i lau afioga a le alii Palemia ma lau kapeneta, afai foi ua
i ai se sala i le gagana, ia faatafea i le au i nuu le aina; o
le faafofogaaga a le Palemene, ia faamalo atu faafetai. O
le faiga lava lea o a tatou taualumaga, o a foi ni mea o
faaletonu i le taimi o la‟u lauga, ia e tele lava pesega ae
matua i le ōō e pei o le mua-fetalaiga. Ia alofa le Atua i
le tapuaiga a Samoa, ia maua pea lo outou soifua lelei
tatou te aulia atu ai le Kerisimasi ma le Tausaga Fou i le
alofa ma le agalelei o lo tatou Alii, faapea le tapuaiga a
Ekalesia.
Ia lo‟u itumalo pele Sagaga-le-Falefa, ia alofa le Atua
ma faafualoa lo outou soifua ma avatu le lagi e mama
tatou te aulia ai le aso taua o le lalolagi atoa ma avea o se
Kerisimasi fiafia ma se Tausaga Fou manuia i le alofa o
le Atua. Ia manuia lau afioga i le Fofoga Fetalai faapea
le paia o le Maota.
Afioga PULE LAMEKO
Itumalo Faaalaalafaga:
Safata
Filifilia:
23 Aokuso 1979
Faatauto:
14 Novema 1979
Lauga Faataupou:
10 Tesema 1979
Faafetai atu i lau Afioga i
le Fofoga Fetalai. Ua ou
tulai atu e fai foi se manatu e fau tele ai le tatou Sa i
lenei taeao. Ae ou te le‟i tautala e faaalia sou manatu, e
muamua ona ou faamalulu atu ma faatulou i le mamalu o
Afioga i le Maota, lau Afioga le alii Palemia ma lau
Kapeneta faapea sui mamalu o le Maota, a e ona o au o
se sui fou, o le a sei momoli atu ai ni nai ou alofaaga i
lou itumalo o Safata, ona o au lea ua pale mai i le tofi i
se taimi muamua lenei.
OU te faafetai atu i le paia maualuga i aiga, i la outou
faauluuluga, le paia maualuga aemaise le Alataua, le
alataua taulauniu ma aitu tagata faapea le nofo a Tula ia
Safata, ia tainane foi le paia maualuga i auauna a le
Atua, i fata faitaulaga eseese amata mai Latatui, seia oo i
Niualaoa. Ia tapuai maia, sei taumafai atu le tatou
auauna e saili se tatou manatu aua upufai a lo tatou
Malo.
Lau Afioga a le Fofoga Fetalai o le Maota, ian faatoa
ou tu lava i totonu o le Maota lenei e oo foi i le taimi
lenei, o lo o ou matauina faatoa ou tu lava lea i se mea
matautia, i le fia o faalapotopotoga o le lalolagi ma le
atunuu sa mafai ona ou oo i ai i galuega a le Malo, sa fai
ai au tautalaga, faatoa ou tu lava lea i se Maota matauita
le mamalu. Tu mai loa le fesili i lou mafaufau, o le a lea
mamalu? O lau tali lea i ai: E 47 faipule o lo o aofia ai,
e 156,000 tagata i totonu i le faitau aofai o Samoa, a e 47
tagata o lo o latou faia tonu. O lona uiga, o lea ou te
lauga atu nei i tagata e 156,000 e ala ai ona mamalu; e
156,000 tagata ia ou te lauga nei i ai. A fai la e 156,000
e faamoemoe i totonu o le Maota lenei, e ao ina matua
faaeteete le Maota lenei i le faiga o faavae, o ana
tulafono, o ana upufai; e ao ina matua faia ma le
faaeteete. Afai ua 156,000 le faitau o Samoa ua i ai, o le
isi 20 tausaga oi luma, afai ua sese le tatou faaiuga i le
aso lenei, e toe aafia ma le isi 156,000 tagata ia e le o
fananau mai. O le mea lea e ala ai ona ou matua popole,
ma ou matua fesiligia ai le tumaoti ma le aia tatau o le
Fono Faitulafono lenei.
O le a se tulaga ua tu mai ai nei le mamalu o le Maota?
Le Afioga i le Palemia ma le Kapeneta, a o si au
faaupuga faigofie e faapea – Ua amata po ua foua nei le
pule a le Palemene, uaamata po o afai e leai, ua foua le
pule a le Palemene lenei. Ia o ai na iloa ai ua foua? Ia le
saunoaga muamua a o lei faia le palota laitiiti lea. Ia o
le saunoaga lea a le Palemia i sana lauga faalauaitele a o
sauni mo le palota laitiiti; tuu ia foi le tele o saunoaga ia,
aua e tele ma lasi, a o le a ou fai atu lava nai au faaupuga
ia se lua. Fai mai, sa saili le finagalo o le atunuu. O le
faaupuga muamua lena. O ai e toe saili ai, ua tutusa lava
le Palemene lea e i ai, na o le 4 sui ia e toe tauva mai, a e
fai mai e toe saili le toa 4 i le atunuu. Aumai la ma le
lipoti lea, lea ua toe faatu mai ai, faatu le 21 e palota.
Oi, e matua tei lou loto. E faapefea ona toesaili, o sui
uma lava ia, o le Maota lenei e ona i latou? A e fai mai e
toe saili le toafa. Fai mai le isi faaupuga o le lauga, fai o
le faamavae, a o tua o le faamavae. Oka, oka, o
faaupuga na, a o puipui foi lou mafaufau. A tuu i se isi
faaupuga, e leai lava se isi Samoa e ono agavaa vagana
le alii Palemia lea e i ai. Tailo i se isi faaupuga, aua e
tele mau faaupuga. E faapea atu ai, e tele lava nisi
faaupuga e uiga foi i lea mataupu na ou lauga ai, po o le
a le fia mamalu i totonu o le Maota lenei, vae atu le paia,
o lou gutu ma le afi, e tasi lava le mea na tatou oo mai ai
iinei. O le a le mea lea? O le ola, soifua manuia o tagata
uma, ia amata mai i le e mauoloa aemaise le vaega e
vaivai lo latou soifuaga, aua foi o tulafono uma, e tatau
ona fai i le Maota lenei, ia tasi lava le auga. Ia ola ma ia
manuia tagata, e le gata i tagata ia e ola, a o nisi foi o le a
feola mai.
O le tulaga ia o upufai o le Malo aua ua tele ni finagalo
ua faaalia e uiga i le pule aoao o lo o i totonu o le Fono
Faitulafono, ma le Kapeneta ma lou faaaloalo lava. O
lea lava e manino lava, o se Komiti ua fausia na tofiaina
Saunoaga Faataupou a Sui Usufono 1961-2011
i le Maota lenei latou te faataunuuina tulafono u apaisa i
totonu o le Maota, a o lei tofia se Palemia ma se
Kapeneta latou te talepe tulafono a le Malo. O le mea
lea na ala ai ona pasia, faataunuu tulafono ma upufai na
pasia i totonu o le Maota lenei.
Ia o el a sei faagasolo atu sau faamatalaga e uiga i le
Tala o le Tupe e aofia ai ma le lauga a le Minisita o Tupe
e faatatau ia tatou tupe ma lona tamaoaiga o le a fai i ai
se manatu. O le Tala Autu lenei o le Tupe le a sei ou
otootoina atu, na o sina faamalamalamaga laitiiti lava,
atonu e aoga i le mamalu o le Maota faapea foi le
faafofogaaga a le atunuu. O lo o faatulai mai faapea,
$2,654,795 – Tupe Faaalu ile Faagaoioiga o
Matagaluega eseese; a faaopoopo i ai le $3,138,000 ua
fuafuaina e totogi i ai tupe ua alu faale tulafono, e totogi
ai nogatupe, tului o nogatupe atoa ma totogi o faipule,
tupe o atiina ae e $7,000,000 ona maua ai lea o le
$13,792,000. O tupe maua e masani ona maua e le
atunuu lenei, tupe atoa a le atunuu pe a tuufaatasi e
$31,358,000, o tupe uma ia e maua e le atunuu lenei, a
toese mai ai, ona totoe lea o le $2,136,740; leai se
faamatalaga po o se tali o le mea lea, po le a? O lea e tu
mai i, e leai se tali, o le $2M; o tupe ia e tlee ai tupe
faaaoga i lo tupe maua. Afai e lei saunia e le Ofisa o
Tupe, o lea ua ou fai atu, tusi ane iina, tupe ia o lo o i ai,
tupe faaaoga o lo o i ai ma tupe maua; a o lea e tu mai ai
i le Tala, $37,260 le tupe faasili. Ia o se fesili tele lea, e
pau i luga, a e tei ua omai i lalo, tei ua maua le tupe
faasili. Ua mafua ona maua le tupe faasili lea, e $60,000
na aumai e le Esetete Tausi, $150,000 na aumai i meaai
foi ia na aumai e tufa fua. Sa le tatau ona aumai lea
$150,000 i totonu o le Tala o le Tupe a e tuu se vaega
tupe e faafaigaluega ai, ma tuu i nisi o tagata e
fesoasoani ai, aua foi o le tupe fesoasoani; a o lea ua
aumai nei i le Tala o leTupe e $150,000; e faapefea la le
tausaga lea? O le a le toe i ai se isi tupe e maua mai i lea
vaega? Ona tuu loa lea i ai ma le nogatupe e $2M lea i
ai, ona faatoa maua ai lea o le tupe lea e taua o le tupe
faasili. A na leai le nogatupe lea e $2M, e leai se tupe
faasili. Ia o le fesili, e faapefea pe a tau totogi le
nogatupe lea, a e le maua le $2M? Aua o tupe nei, e
talosaga i tagata e aumai a latou tupe i totonu o faaunega
tupe a le Ofisa o Tupe ona faaaoga lea.
O le isi mea e fia fesiligia, e fia nogatupe e toe totogi ai
le nogatupe lea? E i ai lou talitonuga, e i ai nogatupe o
le a toe faaliliuina ma totogi, e totogi atu ai tupe a tagata
ia e faaune mai e le Malo; ona toe oo lea i le taimi pe toe
3 i le 5 tausaga ona toe totogi lea. A e fia iloa nei ni
nogatupe ua toe faaliliuina, po oni nogatupe foi lea o le a
toe tuu i le isi tagata?
Faafetai lavai le Sui mo le faauilavea, po o le 80 foi, e
mafai lavaona sese i le 70. A e faafetai lava.
O lo o tulai mai ai le $15M o tupe faameaalofa e aumai
mai fafo. O le tala matautia lea e aumai i, le iloa po oai
e aumai ai, tusi ane lava i lau peni le Minisita o Tupe, po
o ai na aumai ai le fesoasoani lea?
O lona lua, o le a tuutuuga o le faiga o nei fesoasoani,
tuutuuga ma aiaiga, ua aumai e faatupe ai le fesoasoni
lenei? Sa tatua ona aumai se tala auiliili o le faaaogaina
o tupe nei faa-fesoasoani. Na ou manatua ai lea o se alii
Polofesa i le Va o Malo, a o ou aoga i Uosigiotne i mea
tau tupe i le va o Malo i le 1974. E 31 sui mai i atunuu
tau atiina ae na auai. Fai mai loa le saunoaga a le alii
Polofesa: “a outou o lava i o outou Malo, sei mataitu
lelei lava le mea nei; o fesoasoani mai fafo, ua taua i le
faaPeretania – „Aid with a string‟ – a faaSamoa ina o le
fesoasoani e uu le „afa.” E i ai la tatou muagagana, “e
togi le moa a e uu lona afa.” O le mea na taua ai e le alii
Polofesa lea vaega, ona o le matautia o ia fesoasoani, e
uma ane le fesoasoani na aumai, ua tele atu tupe a le
Malo e alu ai.
O le a faatepa le mamalu o le Fono i mea ia e taua o
poto faapitoa; e faapea o le a aumai se fesoasoani mai
fafo mo se atiina ae tau faatoaga e alofa mai, a e totogi e
Samoa le isi vaega po o le faagaoioiga o le polokalame
lea, a e sue atu le tagata lea mai fafo na sau, o lea e fai
lana suesuega e fia iloa po o a mea ia e tutupu i totonu o
le atunuu. E uma ane lana suesuega lea, ua sili atu tupe
na faaalu e le tatou atunuu nai lo le fesoasoani lea na
aumai. Ona fai mai lea, o lemea e tau o le fesoasoani
moni lava e tatau ona talia e atunuu vaivai, o le
fesoasoani tuusao. O le uiga o lea upu fesoasoani
tuusao, o tupe lava e tuuina atu lava e le Malo ia, aua e i
ai lona aoga, e fesoasoani ai i le tatou fesuiaiga tupe ma
atunuu ese; tupe e tuusao, e aunoa ma se faapea e i ai se
isi mea e toe taofiofia ai. O le mea lena e tau o le
fesoasoani ai i le tatou fesuiaiga tupe ma atunuu ese;
tupe e tuusao, e aunoa ma se faapea e i ai se tisi mea e
toe taofiofia ai. O le mea lena e tau o le fesoasoani,
fesoasoani tuu mai i le Malo, nonofo le Malo ma
faagaoioi le polokalame e faaaoga i ai le tupe lea. A e le
o le aumai o le tupe, oso ae ma le isi itua, o so mai le isi i
tua, uma ane, ua leai se aoga o le tupe lea na aumai. Ua
toe totogi lava e le atunuu ia, ia le fesoasoani lea, leai se
aoga na ala ai na sau.
Faafetai atu i lau Afioga a le Fofoga Fetalai o le Maota.
A o tali foi le sua i le paia maualuga o le Maota nei, sa
gata lau tautalaga i le itulau 1 o le Tala o le Tupe ua tulai
mai i le Maota.
A e ou te le i see atu i se isi tulaga ma se isi vaega o le
Tala Faatatau o le Tupe, ou te faatepa le mamalu o le
Maota, i se tulaga o mea tau tupe, e pei ona faaalia mai
ai se fesoasoani mai le WSTEC. O lo o taua se $60,000,
ou te manatu o se tupe laitiiti tele lea ua tuu mai i le
faaputugatupe a lo tatou Malo, pe a fuafua i ai; ma le isi
foi vaega, o lea e tuu mai le $60,000 mai le WSTEC, ia a
o lea foi e nono tupe e pei ona aumai i le Tala o le Tupe,
e i ai se latou noga tupe tele o lo o fuafuaina nei.
Ou te faatepa le mamalu o lau Afioga i le Vaega e 35 o
el Tulafono o Mea Tau Tupe 1964, o lo o faitauina mai
faapea: “O le a tatau i le Failautusi o le Tupe i le taimi e
aupito vave e ono mafai ai, a o tuanai le faaiuga o le
tausaga faale tupe, e le silia le aso mulimuli o Aperila,
tausaga faale tupe e sosoo ai, e tuuina atu i le Ofisa
Suetusi, o pepa, o tau faatasiga o alatupe, faamatalaga o
tupe eseese.” Ona sosoo ifo ai lea: “E ao i le Minisita
Saunoaga Faataupou a Sui Usufono 1961-2011
ona tuu mai le Tala o le Tupe i le masaina o Aperila.” A
o lei manava le Fono lenei i le vaitaimi faatoa usuia ai,
sa talosagaina le Afioga a le alii Minisita in ai atuuina
mai se faamatalaga e uiga i tupe maua ma tupe alu a le
tuuina mai le pepa i le Maota lenei. Ua toe atagia mai
foi i i se olegia o le Maota i lenei foi vaega. Ia o pepa
nei ua tulai mai nei: 31 o Mati 1978, 30 Setema 1978, a
e faapefea la le 31 o Tesema 1978?
Sa ou manao lava e aumai se Tala o le Tupe Maua ma
Tupe Alu 1978 sei fai ai se faatusatusaga o le Tala o le
Tupe lea ua tulai mai nei i luma o le Maota. Ia, e i ai se
mafuaga ua tulai mai nei i lou talitonuga, atonu ua matua
tele foi se tupe ua faaaogaina e lei pasia e le Maota lenei.
O le pepa lenei 1978, o lo o faapea mai; tupe aitalafu na
totogi atu mai le faaputuga tupe mai le Ofisa o Tupe e
$3,341,237. O lona uiga o tupe ia, o tupe na aumai na
faa-aitalafu mai tupe maua a le Malo po o le Ofisa o
Tupe, ma tuuina atu i nisi tagata po o ni faalapotopotoga,
a e lei pasia e le Maota lenei. Fesiligia le alii Minisita,
aumai se faamatalaga auiliili o le tupe lea e $3M. O ai le
faalapotopotoga na tuu atu i ai le tupe? O le a le
mafuaga na ala ai ona tuu atu tupe nei? Toe faasolo ane
lea i lalo, o faapea mai, tupe faaaitalafu o faaputuga tupe
o le Ofisa o Tupe e $4,074,991. O tupe ia, o lona uiga o
tupe o lo o nofo aitalafu ai le Ofisa o Tupe, tali tutusa
lava ma nogatupe ia e tuu mai i. O le fesili foi, o fea foi
le pule a le Palemene i le mea lenei? $3M ua tuuina atu i
fafo e faa-aitalafu, o lona uiga ua tele tupe. O lea e fia
maua se faamatalaga; $4M o le isi foi nofo aitalafu a le
Malo i nisi tagata, po o ni faalapotopotoga. E fia maua
se faamatalaga, o fea e aumai ai le 4 miliona lea ua faaali
mai i le Tala o le Tupe 1978?
O le isi mea ua fia fesiligia, e fia se tupe a le Malo oi le
Faaputuga Tupe i le Faletupe o Samoa i Sisifo i el
faaiuga o Tesema 1978? Ou te talosagaina le alii
Minisita ia uami se tala. Pe fia le tupe oi le Faaputuga
Tupe a le Ofisa o Tupe o lo o i totonu o le faletupe o le
tatou Malo? Pe fia se paleni o i ai nei e oo mai le taimi
nei a o fai le tatou fonotaga? O le mea ua mafua ai ona
ou taua lea itu, ona o lou talitonuga; o lo o noso aitalafu
ai foi le Malo, a o lea e tulai mai so o se tala o le tupe
lava, e tupe faasili. La lea ua tulai mai i lou talitonuga, e
faa-aitalafu ma o lea la e nofo aitalafu ai le Malo ma
noatia ai le faletupe a le Malo, ma le mafai ai ona tuuina
atu ni faaunega tupe i tagata o le atunuu. Manatua o le
faletupe e leai so latou tupe, na o le latou tupe lava e
faavae ai le faletupe po o le nofoaga, a o tupe ia e
faagaoioi ai, o tupe teu mai tagata taitoatasi uma i le
atunuu lenei, ma tagata mai fafo., A fai la ni a latou
faaunega tupe, e fua faatatau le tupe nono i tupe teu o lo
o i ai i totonu o le faletupe, lea e ala ai ona fai tupe teu
faavaitaimi ma mea faapena, ona o le puipuia o tupe ia e
tuuina atu e tagata i totonu o le faletupe. A e ou te
talitonu, ua le mafai ni nogatupe i totonu o el fale
teutupe o le Malo o Samoa i Sisifo, ua alu uma le vaega
e manaomia ai tupe e tuuina atu i ai ni faaunega tupe, ua
faaaoga i totonu o tupe ia e nofo aitalafu ai le Malo. O
lea la e fia maua ai se faamalamalamaga i lea vaega.
O le a ou sese atu i le Tala Faatatau o le Tupe, po o le
Tulafono Tau Faaofi mo le 1980. Ia ua tele nisi Sui ua
saunoa e faaali ni o latou mafaufauga e uiga i le Tala
Faatatau Faaopoopo o le Tupe ua tuuina mai ina ia
faatagaina le $3,294,570 e faauma ai gaoioiga o le 1979.
O le luitau tele foi lea i le Palemene. E faapefea nei ona
toe aumai e o atu Sui o le Maota e faamaonia a ua uma
ona faaaoga? Ia tailo i ai, a o lou lava Sui, afai ou te ioe
i le vaega lea o le Tulafono, ua ou auai faatasi ma nisi
Sui o le Palemene i le soliga o le tulafono.
O le Tala Faatatau o le Tupe 1970 i le vaega o lo o taua
ai tualga o mea tau fesoasoani - $15,080,000 o lo o tulai
mai ai i tupe o fesoasoani.
O le 1980.
Faafetai tele i le mamalu o le Maota, ona o le tulaga ua
tulai mai ma le lagolagoina e faaauau lau lauga.
I le Tala Faatatau o le Tupe 1980 – o lo o faaali mai ai
faapea: Fesoasoani mo atiina ae i nuu i tua, Savaii $250,780, e tuuina atu i Faaputuga Tupe o Atiina Ae i
nuu i tua. Leai se faamatalaga po o ai nuu i tua. Ona ou
toe vaai lea i suesuega o lea atiina ae i nuu i tua. O le
1978 na pasia ai e le Maota lenei le $40,000 mai tupe i
lalo o le Ofisa o le Palemia. O tupe mai le fesoasoani
mai fafo, $750,000 ona maua ai lea o le $790,000 i le
1978; oo mai i le 1979 – e $50,000 na faatagisia e le
Maota lenei, na aumai lea ma le meaalofa e $670,000 i
lalo lava o le fesoasoani lenei, maua ai le $720,000. I
tausaga lava ia e lua 1978 ma le 1979, o le tupe ua i ai
nei i totonu o le faaputuga tupe lea e $1.5M, lea ua toe
tuu mai i le Tala Faatatau o le Tupe 1980 i le
faamatalaga tau tupe le malamalama lea e i ai, le
$1,030,000; a tuufaatasi, $2.5 miliona. O lo o faapea
mai o lo o tuu i se vaega tupe o le atiina ae. O le mea
muamua, o fea na aumai ai le pule faataga lea? O lo o
aiaia i totonu o le Tala o le Tupe, o tupe uma lava a le
atunuu e ao ona totogi i totonu o le faaputuga tupe a le
Ofisa o Tupe. A o lea ua tulai mai nei, e ese le
faatupuga tupe lea. O le talosaga la, afai o le Palemia o
lo o faagaoioia le faaputuga tuep lea, o a mea na
faagaoioi ai? Afai o pa uaea ia na omai nai toeaiina i tua
ma nai uaea ia na avatu e faaaoga i ai tupe ia, ia o lona
uiga e 5% le mea e aumai e le nuu. A uma ona aumai le
5% e totogi ai uaea ia, ma pa puaa ma pa povi, vae ane le
mamalu o le Maota, ona toe fai mai lea e toe faaune atu i
le faletupe, faaopoopo i ai mal e pasene a le Faletupe o
le Atiina Ae latou, ua a nei? E le malamalama nai tagata
po o le a le mea lea o le a i ai, a o fea ia miliona ma
miliona o tupe fesoasoani?
Ou te talosagaina, afai la e le o malamalama lou Sui, e
feololo lava e tau iloa nai mea, a e faapefea la toeaiina
mai tua e le malamalama i mea nei. E oo ina i ai se
tulaga e le totogia, aua e le o malamalama po o le a le
mea lea o fai. Aua e tatau ona ou faamalamalama i lou
itumalo pe a ou alu atu i ai; afai e le malamalama i le
vaega le, e faapefea ona totogi pe a le malamalama? Ou
te fesiligia le Minisita o Tupe, po o ai o faafoeina le
alatupe lea? Ia tuuina mai se faamatalaga auiliili i le
Saunoaga Faataupou a Sui Usufono 1961-2011
Maota lenei e uiga i le faaaogaina o tupe nei o lo o
fesoasoani i nuu ma alalafaga i tua.
Tupe Nono mai Fafo – Fai mnai le Tala o le Tupe,
$11,650 tupe e nono mai fafo. Leai se faamalamalamaga
mautu. O le mea matauita lea e i ai i; tagai foi i le
faaunega tupe e $2M lea e sasao nei, o lea e tuu i totonu
o tupe a le Ofisa o Tupe a le Malo, a o lea ua sau le
$11,650. O lona uiga e le o lavea i totonu, i lau matau
atu i ai. O le isi vaega, ua aiaia i le vaega 26 o le
Tulafono o Pule Tau Tupe e fai ai lea feagaiga e sili atu i
lo tupe faatagaina. O le a le tusa ai ma ala o le tulafono
ma le Ao o le Malo le ave o le paoa i le Minisita na te
faia se feagaiga, ma o le kopi o lea feagaiga na osia i lalo
o tuutuuga o lenei fuaiupu. E tatau lava ona aumai i
luma o le Fono Aoao Faitulafono i totonu o aso e 28 talu
mai le aso na faatino ma sainia ai lea feagaiga. O i ai nei
la se tala o le feagaiga o lenei noga tupe? E leai se mea
o i ai nei i le Maota e faatagisia ai le faataunuuga o lea
vaega o le tulafono.
O le a ou see atu i le Ofisa o Malo Aufaatasi. O lo o
faatagisia i le Tala Faatatqau o le Tupe e silia atu i le afa
miliona tupe faaalu i Niu Ioka, Aukilani ma Ueligitone.
A fuafua atu faale mafaufau, e tasi le tagata la e i Niu
Ioka. O Ueligitone, tuu ai pea le faagaoioiga o le ofisa
ia, e toatasi o lo o iina ma lona faletua; o Aukilani ua lua
ona lima lea. Afai la e afa miliona e alu ai, o le tau o le
tagata e toatasi e $100,000; a o le mea e masani ai
aemaise Niu Ioka, afai e i ai se mataupu taua e
manaomia ai se palota a le Malo i le fonotaga a Malo
Aufaatasi, ona uaea mai lea o se latou sui mai o. Ae po
o ua tatau ona tofia se tatou Sui, se tagata lava o i Niu
Ioka. Sa i ai foi se tataou Amapasa sa tatou tofia i se
taimi ua mavae. Sa masani ona uaea mai i le alii
Palemia o le Malo, pe a i ai le mataupu taua lea e
manaomia ai se palota a la outou Malo. E tele la faiai e
o atu ai i le mea lea. O lon auiga ona o atu uma lea, o
failautusi o tupe, loia, nonofo faatasi loa ma faufautua le
alii Palemia, pe faapefea ona tatou palota, po o le ioe, po
o le leai. E uma loa ua tasi, ave le uaea i Niu Ioka, o
matou e ioe i le lafo lea ua faatu; na o le uaea lava, na o
le totogi lava o le uaea e ave i ai. E faapea tatou te
femitai atu nei i Malo Aufaatasi e i ai lava sina tatou
aafia i mea o le lalolagi lenei.
Ou te faatulou atu i le mamalu o le atunuu, pe tatou te
palota pe le palota, e sao lava faiga a tama matutua ia o
Amerika ma Rusia; afai atu lava na e leai, leai. E
faapefea ona tatou o atu e $100,000 i le tausaga e
faaaoga e le tagata i lenei ofisa, a na aumai el tupe lena e
tagi mai ai le aufaigaluega a le Malo e faatupe ai le
siitaga o le totogi lea e i ai, atonu ua aoga.
Ia o le tatou Ofisa i Ueligitone. Ou te lei oo i ai, ae sei
oo foi i ni tusi folau, ni pemita, ma ni fale foi e o atu i ai
a tatou fanau. O lona uiga e le o faatuatuaina tagata o le
tatou Ofisa i Ueligitone, sa tatau i le Ofisa o Niu Sila ona
fai se latou fetuunaiga aua o lea e i ai le tatou Hai
Komisi i Niu Sila; nai o tatou tagata e fia o atu i Niu
Sila; alu faatau i ai iina. A saini atu le tatou Konesula, o
lea ua lelei le fale e sau i ai, e tatau loa ona talia e Niu
Sila. Ia a o lea e fai mai, e manomia le $250 e alu ma le
toeaina e asiasi i le fanau. O le faiga faaKolone lava nei,
e fesiligia pe i ai se tupe o alu ai, i tei ua alu aisi. Faapea
o tatou fai atu nei se faiga faapena i le Malo o Niu Sila.
O le mea lea ua fai nei e le au alii papae ia ua i ai nei,
talu ai o le tatou agaifanua ma le aganuu lelei, na o le
pasese lava e totogi sau loa sue le aiga Samoa. Na ona
faapea vaai le toeaina lena o Leota Ituau e sau soo iinei
tatou te nonofo ai. Ioe, ona uma lava lea, a e leai lava se
tatou fesiligia pe i ai se latou $250 o i ai. O le a le mea e
le faia ai se mea faapea? O le tulaga ua tulai mai, ua
malosi le tatou fia iloa i fafo. Se fai muamua le tatou
atunuu ia lelei, fai muamua i inei i le tatou lotoifale,
faatoa laa atu ai i tua.
O lafo faatutu a Sui. O le isi lea mea ua ou toe fesiligia
ai le mamalu o le Maota lenei. A faatu se lafo a se Sui o
le Maota lenei a e pasia, o lou talitonuga o le tulafono
aua foi o lea e aumai uma tulaga e pasia uma i le Maota
lenei. A fai e pasia se lafo faatu e aumai i totonu o le
Maota lenei, o lou talitonuga afai e aafia ai se Faavae, fai
se tulafono e sui ai le Faavae. Afai e aafia ai soo se
ituaiga tulafono, fai se tulafono e aafia ai le mea lea aua
ua uma ona pasia e le Maota.
O le tausaga 1971, e le o lou taimi lea Tupuola, a e tau
ina tusia atu pea i i , o si toeaina o Taoa Faaoloviti na fai
ai lana lafo. Lau Afioga i le mamalu o le Fono, o si
toeaina o Taoa na faatuina atu se lafo faapea – ia toe
teuteu Tulafono Tau Itumalo ma Alaalafaga 1963, ina ia
mafai ai ona faaopoopo se sui o le alaalafaga o Safata.
O lo o faamaumauina nei i le Vaega 221 o taualumaga o
le Fono, aso 8 Iulai 1971. O e na ioe i le lafo e 18, o e
na tetee e 11; na pasia lelei e le Maota lenei le lafo a si
nei toeaina matua mai Safata. Ia o le a le mea ua fai?
Meamanu lava lou alu e tau sue mai. O lea e talosaga ai,
ia fai nei se tulafono, „aua le toe manatu i isi tulafono ia
faatoa aumai nei ma isi lipoti, o le mea lea ua leva. O le
a toe leli lava Tupuola lau nofoaiga pe a toe vave fai lava
le mea lea o le 1971; fai loa se tulafono e sui ai le mea
lea a si toeaina ua lava foi ona tautua.
O le tatou Tamaoaiga. O le a ou tautala tele i lea
vaega, tamaoaiga o le tatou atunuu. Pau lava le mea lea
o le a ou fautuaina ma lou manatu, le mafuaga lea ua
faaletonu ai le tatou tamaoaiga. I soo se atunuu lava tau
le atiina ae e nonofo ma fai le latou polokalame, po o le
Fuafuaga o Atiina Ae mo le lima tausaga e pei o le
fuafuaga a o faatasi. O lona uiga, ua i ai uma mea uma,
le latou fua aliali mai i lea tausaga, fua e auina atu i fafo
i lea tausaga, lo latou taua i lea tausaga, e fia le tupe o lo
o faataamilo ai. O a uma ituagai mea o i ai, vaai i le
vaega o tagata taitoatasi, aufai pisinisi. E fai atoa la le
polokalame ia. Ao le mea ua tulai mai nei, a taua loa e
se Sui po o le a se tulaga ua i ai, oso loa le Malo fai lea
mea. O le polokalame e faataatia i lalo, tus ape faitio
tagata a ua silafia o le Malo o el latou polokalame lea e
lelei ai le atunuu. O le a le mea e fefe ai e faataunuu le
polokalame lea? O lau fautuaga, fai se polokalame lelei,
e le na o se polokalame e faapea e fia le tamaoaiga. E
Saunoaga Faataupou a Sui Usufono 1961-2011
aofia ai ma tupe uma, oloa mai fafo ma mea e auina atu i
fafo ma mea uma faapena.
Ia sei talanoa atu faapena, ou te fia taua le popo ma le
koko a le tatou atunuu. Po o ai le Minisita o i ai? O le
Komiti Faatino o le Popo o le vaaiga faanoanoa ua i ai
lou Sui, e le afaina ai le o lo o vaaia nei, a o se tulaga le
manuia lea o lo o i ai.
Muamua, o le pisinisi a le tagata lea e fai ona tuu atu
lea o le popo ma le koko i totonu e fafao ai. E faapefea
ona tuu atu le popo ma le koko, le fatu o Samoa e fai se
mea faapea? O le pisinisi lava a le uso lea e i ai, e pule
foi la i le faafaigaluega o tagata aua o lana lava pisinisi.
E leai se mea o i ai aua o lana ia lava pisinisi, a e afaina
lava le aufai popo ma le aufai koko. O le mea sa tatau
ona fai, ia tu maoti le ofisa lea nai lo le i lalo o le Komiti
Faatonu. Afai o i ai le fale popo ma le fale koko i tai, fai
ai se ofisa iina ma nofo ai ma se tagata na te vaaia mea o
faaletonu i nuu i tua tau le tamaoaiga lea. Aua po o a
tatou mea e fai, a le lelei le koko ma le popo, o le „afu
lava lea. Afai o le faaaluga o tupe lea e i ai na mafua ai
ona pau le $1, pe fa selau afe e maua, a e tolu miliona e
faaaoga, ia o le mea lava lea e oo i ai. O le mea lea, ou
te talosagaina ina ia aumai se tala o le tupe, se lipoti mai
le Komiti Faatino o le Popo e faataatia i totonu o le
Maota lenei a o lei uma le tatou fonotaga.
O lona lua, ua ou maua se faamatalaga e uiga i le
memei o le popo faapea e mafai ona oo i le 10%; o se
pasene maualuga tele lea. Sei e tagai ane lava le alii
Minisita i ai, pe moni au pe leai? O le lelei o le tu maoti
o le ofisa lea, e tatau ai ona aumai i tausaga taitasi le
latou tala o le tupe i totonu o le Tala Faatatau ma o le a
auiliili mai ai – lona totogi, tagata faigaluega, o a mea
uma e aafia ai; ma ou te fautuaina, afai o tupe maua e
masani na maua mai i le popo ma le koko i tausga taitasi,
ia i ai se vaega tupe e aumai i Tala o le Tupe a le Malo e
totogi atu i le Komiti lea ma faatulaga ai se tupe
faaagaaga lea. A faapea e apu le tau oi le popo po o le
koko i soo se taimi, aapa loa i ai e aumai e fesoasoani ai
i le tau mai fafo o le popo. Aua o le tupe faaagaga lea o
le a avatu e le Malo e fesoasoani ai pe faameaalofa atu ai
i le aufai faatoaga o le popo ma le koko.
O le tatou auala galue. O leisi lenei polokalame o lo o
taua i le Tala Faatatau o le Tupe faapea e $2,100,000 ua
fuafuaina mo vaipaipa ma alagalue. Ou te iloa o
alagalue o le ki lenei o le tatou tamaoaiga. I le tala atoa
lenei o le tupe, o lo o i ai le $7 miliona mo le atiina ae.
E leai se mea o fuafua mo auala galuega, vagana ai le
tupe foai faameaalofa lea ua aumai e fesoasoani i auala
galue. E fia fesili atu la, po o le a le tulaga o i ai le tatou
polokalame lea o auala galue? Ou te le iloa e au po o le
a le mea lea o lo o i ai. Ua matua sili atu le leaga na i lo
le mea na i ai. O le mea lea, o ai o lo o ona faagaoioia la
tatou polokalame lea? O auala o Safata e matauita le
leaga. O le itumalo lea e tele anoanoai a latou eleele e
lei faatoaina. Ua le mafai nei ona faatoaina ona e leaga
tele o latou auala galue o i ai. O lemea lea e talosaga atu
ai, sei tagai ane a i auala ia. E le faapea na o auala o
Safata, a e o auala o le atunuu atoa. O le polokalame
pito sili ona taua lea. Aua le avatua na o le tasi le vaiaso.
E faapefea ona avatu le na o le tasi le vaiaso, a e o le fatu
lea o tatou ia lelei auala galue e o ai tagata ia latou
faatoaga. Afai ua tatou fiafia e o i taavale, o le mea
faigofie. E faapefea ona le fiafia si toeaina i tua? O lo o
i ai tagata o lo o i ai a latou taavale i nuu i tua. A lelei
auala, e mafai ona faaoga taavale ia e o ai i tua mo a
latou galuega. Po o ai la le Minisita o faafeagai ma le
polokalame lea, tagai ane. Ia matua fai ia lelei auala
galue o le tatou atunuu.
O a tatou moli eletise. O lo o tulai mai nei le $1M mo
le eletise o nuu i tua. O ai nuu ia e ave ia i le miliona
tala lea. Ua ou taua le vaega lea ona o lea ua oo atu nei
le eletise i mauga Fiamoe. Ia o le auala sopo o Safata na
e oso atu iina. Masalo pe toe lima ni nai maila ona oo
atu loa lea o le eletise i Safata, i lau fua atu i ai. Aua o le
la ua oo nei i ai le eletise iina i Mauga Fiamoe. O le mea
e lelei le fai o le auala ma ui atu iina le eletise, aua o nuu
ia o le a manuia ai, o Lefaga, Salamumu, i le sau lea i le
itu lea, alu atu ile itu i Sasae ia Siumu, Faalealili, ia toe
lelei foi o le a atiina ae ai ma le tatou vaituloto foi lea o
Lanutoo. Ia vaai tatou te o fai vai tuloto e faigata auala i
ai, a e o lea e tuu mai Lanutoo na o ni nai maila ona oo
atu lea i ai. E faigofie ona maua mai ai le vai, maua le
eletise, a e ou te le iloa po o le a le mea aoga e maua i le
mamao o nuu ia e tau aumai ai le eletise.
O le Ofisa o Pulenuu. E manaia le Ofisa o Pulenuu pe
a tumaoti. Ua tele feteenaiga i le va lea o le Ofisa o
Pulenuu ma le Ofisa o Faatoaga. E le malamalama nuu i
tua. Alu atu le Ofisa o Faatoaga e fautua atu i le mea
lea. Ua feteenai mea uma. O lou talitonuga, ia tuu le
Ofisa o Pulenuu i lalo o le Ofisa o Faatoaga, ona galulue
faatasi ai lea. E tusa foi pe tuu i lalo o le Ofisa o le
Palemia, ma ia aua nei toe aafia le Ofisa lea i ni mea tau
polokiki. O ai a le Malo e tutu mai, po oai foi tagata e
tutu mai, o latou e faaauau le latou galuega e tatau ona
fai. ma o le isi mea, ia ia lalo o le Ofisa o le Komisi e
Pulea Tagata Faigaluega a le Malo. E fia fesili atu ai, pe
a lavea totogi o pulenuu i le Tala o le Tupe lea e faapea
mai, o le a sii totogi o le aufaigaluega a le Malo? Ia
faamoemoe e maua mai se tali i se taimi o i luma.
O le tataou vaa lenei o le „Forum Samoa‟. Sei ou fai
foi sina faamatalaga puupuu e tau faamaonia ai le tala a
le Polofesa lea na fai mai ia te au i mea lava nei o
fesoasoani a e i ai manoa. O le fesoasoani lenei mai
Siamani e fitu (7) miliona maka.
O le tatou
faaunegatupe na aumai ai e $591,000 Maka. O le mea
ua tulai mai, o le kamupani lea o le „Columbus Line‟, o
le kamupani foi a Siamani. E aumai le fesoasoani mai le
isi itu o Siamani, a e tuu i le isi lima o Siamani o le
„Columbus Line‟. Ona fau lea o le vaa, uma, a e omai le
„Columbus Line‟ i inei, toe fau le kamupani i inei e tau o
le SSS. O lo o fai sea nei i tatou i totonu o le kamupani
lea, a e pulea e Siamani. Na o se faaupuga lava le mae
lea e fapea mai o le tatou vaa, a e leai o lea e pulea e
Siamani le va alea. Ioe, ia a o le isi mea lea o lo o tulai
mai nei, i le Tala o le Tupe lea o lo o tulai mai nei, e leai
ma se tupe o lo o tau mai ai pe fia se tupe e maua mai i i
Saunoaga Faataupou a Sui Usufono 1961-2011
le faaaogaina o le „Forum Samoa‟. E leai se tupe o i ai.
Ia a o le mea matautia lea e i ai; o tupe nono uma lea ua
aumai mo le vaa. E totogi e le Malo le faaunega tupe
ma le pasene o le faaunega tupe. A e aumai tuep ave e le
SSS aua o le kamupani lea mai Siamani. Ua ou tau
faamaonia ai a le lauga a le Polofesa lea. Vaai lelei mo
fesoasoani ia e i ai nai matau ma isi mea faapena. O le
mea lea, aumai se faamatalaga e uiga i le aumaiga o le
meaalofa lea mai Siamani, aemaise a o lea e fausia le
kamupani lea, pe 50% ea le tatou Malo, 50% le Malo o
Siamani.
O le isi mataupu, o le taliaina e le Malo o Samoa o
pisinisi mai fafo e fetineiai ai ma o tatou tagata. O se
mea matautia lea. I so o se Malo tau atiina ae i le
lalolagi, o le latou matafaioi numera muamua, ia puipui
galuega i totonu o le atunuu lava ia. A e o le a le mea
lea ua oo mai nei? Ia sau le kamupani i totonu, ia a o lea
e i ai sia toeaina o Toi, vae atu foi le Sui, ua ta taua foi
lea tualga, ona o mea tau eletise. Fai lea konekalate ua
aumai e le Malo se kamupani mai fafo, ia a e faapefea
nai nei toeaiina ua leva ona tautua i le faiga o moli, ua
toe omai foi eli atu auro i totonu o le atunuu. O lona
uiga o se atunuu e eli auro ai nisi le atunuu lenei. Ia o
tulaga la ia, sei vaai totoa i ai le Malo. Puipui lelei o
tatou tagata, soo se tagata, sei tagai lelei ane. O lea la foi
ou te fesiligia ile taimi lenei, po o a fuafuaga a le Ofisa o
Femalagaiga o aumai ai nei tagata? Ia e oolava ia tatou
faleoloa uma lava ia e i le taulaga, o vaega o oloa sii atoa
ua pule ai lava se papalagi. A ole tele o ia papalagi, o
nisi sa omai e tafafao. A o fea la le tatou tulaga matautia
lea e i ai nei? E le lava a tatou tupe, e le lava galuega, a
e a o mai tagata mai fafo e tafafao, ua ave i ai. Sa tatau
ona fai se Komiti e matua puipuia lelei le vaega lea.
Afai e taofi e Niu Sila le au tafafao e le faigaluega i o pe
a o atu, ia a e tatou te iloa lelei o Niu Sila le au tafafao e
le faigaluega i o pe a o atu, ia a e tatou te iloa lelei o Niu
Sila o se atunuu e faitaulia el e lalolagi i tamaoaiga. O le
a faapefea la o tatou tagata? Ia, o lea e omai i Samoa ua
ave i ai galuega. O le isi itu, ua o mai i inei, miomio,
miomio lava, tei ua faaipoipo ma se teine o tatou, ia fai
si ana pisinisi. Ua feteenai ai ma o tatou tagata ia ua
leva ona fai a latou pisinisi. Sei tagai lelei le Malo i le
tulaga lea. Puipui lelei o tatou tagata.
Ia sei ou oo atu i mea nei o faiga faatosina. Oi ta fia ola
e! O a mea ia e fai i faatosina po o „incentives‟ nei. Na
o sina faamatalaga puupuu leaga ua vave le taimi. E
faapea atu le Malo, aumai uma a outou masini e fai ai le
tou fale gaosi mea lena, e le totogia le tiute mo le tolu po
o le lima tausaga. Lima tausaga e le totogia lafoga. Ia
mo se faataitaiga, faapea, a faapea o ni masini na aumai
fafo e faatu ai se pisinisi e $150,000 o le tiute sa tatau
9ona totogi e $40,000. Ole tiute lea o mea e aumai i
totonuo le atunuu sa tatau ona totogi, a e ua le totogia
ona o le faatosina nei o mea e aumai mai fafo. Ia o se
lafoga sa tatau ona totogi pe $15,000. Afai e $55,000
tupe sa tatau ona totogi e le kamupani lea i le Malo a e
ua le totogia ona o lo o i lalo o faatosina, ia o lemea e
aliali mai e $275,000. Afai la e fia ni kamupnai ua ofi
mai nei, o le a le mea matautia lea e i ai nei? O tagata
kmai fafo ua matua popoto i mea tau pisinisi. E mafai
ona faasoasoa nei se tupe, e $100,000 pe $200,000 alu
lea i Samoa faatu ai le pisinisi. Ua faia ma le mautinoa e
uma loa le tolu tausaga lea na avatu ai e le Malo le
faatosina lea, a e faapea mai aua gau le taumafaiga. E le
o iloa atu e se isi, a e ua faia ma le mautinoa. Ua na o le
toe faatauina uma atu o ana mea totino ona toe foi lea i o
masi a latou tamai tupe na aumai a e toe foi ma le avega
auro lea ua toe faatau ma ana mea totino ia e i ai, a o fea
la tupe o le tiute ma mea uma ia a le Malo? O le isi gau
tele lea e i ai. A e a sue atu nei, o fea ni nai kamupani o
ave nei i ai sina faatosina? Ia tailo po o ai ni kamupnai o
i ai.
Ia o le isi vaega e fia maua se tala mai le Minisita: po
ole a le tulaga o i ai isi kamupnai ia na aumai i totonu o
le Malo? Mo se faataitaiga o le kamupnai lea a
Wiseman‟s. Ia o fea o i ai nei lena kamupani, ae na alu
uma i ai se a le Malo i le kamupani lea? E fia maua mai
se faamatalaga mai le kamupani lea o Wiseman lea e faia
ato ma mea faapena. E fia siligia foi le alii Minisita ina
ia aumaia se faamatalaga mai kamupani o lo o tuuina atu
i ai fesoasoani po o ai o fai sea ai i kamupani na. E tau
atagia i lau faalogo faapea o i ai ea ni Minisita o lo o
faisea ai i totonu o kamupani nei e ave i ai meaalofa nei
o faatosina.
Tulaga o tupe nei e tufatufaina mo le fatauina mai o
oloa mai fafo. Ua gugulu le atunuu. Le isi lea vaega lea
e tupu ai le maualuga o le tamaoaiga o le atunuu lenei.
O le mea lea e tupu mai, e le iloa le faiga o lo o fai ai le
faasoasoaina o le vaega lea. Ou te fia fesiligia le alii
Minisita sei aumai lava sana faamalamalamaga, po o le a
le auala o lo o fai ai le faasoasoaina o tupe ia. A o le
auala lenei sa tatau ona fai; e ave i tua i kamupani. Sue
kamupani ia e mafai ona o faatau mai le koko. I latou ia
e fai a latou faatoaga, e ave i ai. O le taua o le auala lena
e mautinoa ai le toe maua mai o ni tupe faasili. Pei la o
se faataitaiga, o Telefoni, Nelesoni Eveni ma Koki, o
kamupani ia ua iloa, ia aota foi ma le isi kamupani lea o
le Vaisala Corporation. O le mea e taua ai, ona o la e
maua mai ai fua o galuega faatino. A avatu oloa mai
fafo i le isi itu, a o la e suitulaga mai i oloa e auina atu i
fafo i le isi itu. E tatau la ona faaaoga tusaga tupe nei e
tuu ai i luga, e ave faatatau i tagata o lo o maua mai ai
mea e ave i fafo.
Ou te talosaga atu i le Maota, Pipi ma Molesi, ia o le au
„ai afu sili ia na ola mai a i inei o lea e alu uma i ai a
tatou tupe e fia. O le a sa latou mea o fai i le tatou
tamaoaiga? O si toeaina foi lea i aso o le Sisiga Fua e
faapea mai, ia ua $250 lea ua avatu ia Vaovasamanaia e
fai ai sauniga o le Faamamaluina o le Tutoatasi, a e a
tatou vaai i le tupe maua a Molesi ma Pipi, ia o le au eli
auro ia e i ai nei. Ioe. Ia, a avatu lenei $250 e faamalie
ai le toeaina nei foi, a e a faapefea lea e leai ma se atiina
ae e tasi o faia. A ua fia tausaga ma fia tausaga o alu le
tupe a le tatou atunuu i ai? O le fautuaga, fai se
tulafono. O lea lava tatou te o i le Tulafono faaNiu Sila
lenei o le Tulafono o Kamupani 1955. A e tatau ona
Saunoaga Faataupou a Sui Usufono 1961-2011
aumai se tulafono o mea tau kamupani i totonu o le
Maota lenei, ona fuafua lea i ai o kamupani nei mai fafo.
A le lelei na faafoe ma le avea ma kamupani a le atunuu
nei, ia tuu i ai se lua tausaga e tapena ai ma toe faafoi
latou aua o lea ua tele a tatou faleoloa iinei e mafai lava
e tatou faleoloa ona faafoeina lo tatou atunuu. Afai e le
mafai, o le faiga lea e tatau ona fai ai. So o se tupe lava
e aveese atu o tupe mama a kamupani ia mai fafo, tuu i
ai le 50% o le lafoga o soo se tupe mama e ave i fafo. O
le uiga o le mea, ia nofo a le tupe iinei. E taofiofi ai
tagata ia e aua nei toe ave se tupe i fafo a e ia nofo a i
totonu o le atunuu lenei. A le faia ni a latou atiina ae, ia
nofonofo ai pea iinei la tatou tupe a e aua nei ote avea se
tupe i fafo.
O le Ofisa o le Komisi e Pulea Tagata Faigaluega a le
Malo. O leisi lenei ofisa ua matua faaletonu i lou
mafaufau. E tumaoti i le faavae a e palaai foi i le isi itu.
Ua tatau i le Ofisa o le Komisi e Pulea Tagata
Faigaluega a le Malo ona vaai ma le mautinoa ia lelei o
tatu tagata faigaluega ma ia aoaoina lelei. E fia a tatou
sikolasipi ia e aumai nei mai fafo? E le o lelei ona
faafoeina a tatou sikolasipi. O le ala lea o le toatele o
tagata e o sese ma a latou galuega, ona o le le lelei. Ave
i ai totogi lelei. Afai o le tagata Samoa ua sau ma lona
tikeri mai fafo, o le a le mea e alo ai i le mea moni? Tuu
i ai lona totogi e tatau ona tuu i ai. O le fautuaga i mea o
lo o tulaga matautia mai i totonu o le ofisa lea o le
Komisi e Pulea Tagata Faigaluega a le Malo, ou te leiloa
po o anafea na faatea ai e le Komisi lea nai tagata foi ia
faapea sa faanuminumi ma teineiti a e lei faaipoipo. Ou
te le iloa po o ai le Komesina lea sa i ai i lea vaitaimi.
Ua tetea nisi tagata, a o lea e i ai i le Komisi le isi
toeaina paepae la e faanunumi a ma le isi. Ioe, e le
mafai ona aloese le mea moni. A sau le Samoa ua
faanunumi ma le alitiiti, tea ma le galuega, ua uma lana
polofesa na sau ma ia. A e sau le papalagi faanuminu,i
ai lava ina, a e toe ave i ai ma le totogi tele. Ia na alu nei
i o, toe avatu i ai ma le konekalate, ia o lea ua toe sau. O
mea ua matua tumu i le faaletonu. Vaai lelei la i ai.
Afai o oe Asi, vaai lelei i ai i le vaega lea. A e aua le
faanuminumi le isi ma teineiti o tatou ona tuu lea i ai o le
avanoa e fai ai.
Ia o le a la ni tulaga o ia ai? Ua aumai se polokalame e
si au uo lea e vaaia tulaga o mea tau le Komisi e Pulea
Tagata Faigaluega a le Malo. Aumai se polokalame e
fuafua lelei ai o tatou tagata o le a iu mai lea tausaga ma
lea tausaga. Afai o le tagata Samoa la e i ai nei o le a
maualuga, fai se tofiga lelei po o ai le tagata e tulua ma
tutolu faasologa o tulaga – ave e aoao ai iina. Aua ou te
tau atu o se tulaga le manuia i se tagata Samoa e faapea
mai e le mafai ona na faia se galuega a lona atunuu. O le
a le mafai faapefea? E le o le tulaga o le Komisi e Pulea
Tagata Faigaluega a le Malo le tulaga a leaga le tagata
faigaluega ona tuli lea. O le tulaga e tatau ona i ai, a le
lelei le tatou tagata, fai ia lelei. A e le o le faaletonu
lava, tuli. A e sau le palagi ua fai lava ia.
O le isi vaega ou te lagolagoina se fuafuaga i tupe uma
ua faasaoina e le Malo e fai ai se fuafuaga mo totogi o
tagata faigaluega a le Malo. Tuu le 15%, afai e le mafai
e le Ofisa o Tupe ona faavasega tupe e maua mai ai le
tupe, ou te ofo atu lau fesoasoani e sailia ai ni fuafuaga e
fetuunai ai tupe ina ia maua le 15% o totogi o tagata
faigaluega. O lea ua ou tau atu tupe teu mai lea mea ma
lea mea. O lea ua aumai le lipoti o le Tupe lea ua aumai
nei e le Komiti o Tupe, ua tele mea ua faasaoina. Ia
masalo e na o sina afa miliona lava e alu i le mea lea, oo
loa totogi o tagata faigaluega i el 15% lea ou te fai atu ai.
Afai e le mafai, ia ou te ofo atu lau fesoasoani e saili ai
ni tupe e totogi ai. O le totogi maulalo o tagata
faigaluega – leipa, e tatau ona $4 pe $5. E faapefea ona
ola si tagata leipa i nuu i tua i lenei $3 e i ai? Totogi
maulalo faatogi aso ia fuafua i le $4 pe $5. OU te
fautuaina le totogi maulalo mo soo se tagata faigaluega,
e tatau ona amata i el $1,000, a o tagata leipa e $4 i le
aso. Ia o nai manatu ia e uiga i le Oifsa o le Komisi e
Pulea Tagata Faigaluega a le Malo.
O le Ofisa o Mavaega. O le isi lea ofisa sa fesoasoani
malosi i tulaga o mea tau fale. Masalo e leai se isi o
tatou e le o nofo aitalafu i le Ofisa o Mavaega. A o le
mea ua tulai mai nei, ua matua maualuga tele le pasene
ua tuu i ai. Na o atu foi nai tagata e fia faaune mai ni
tupe e fia ola, ma faatu ai na i o latou fale, a o le pasene
lea ua tulai mai ai nei, masalo ua oo i le 10%. O le a
faapefea ona totogi e nai tagata e maualalo o latou
totogi? Sa masani ona 6% sa i ai a o lea ua oo i le 10%.
Ou te masalo ona o le vaega lea foi na faaune mai ai le
tupe i le 1973 e $640,000 na avatu i le Ofisa o le NPF e
tau faafetaui ai le isi tupe na avatu i le Ofisa o Tupe e
faagaoioi ai le Ofisa lea; tuufaatasi pasene ia e lua o le
71/2, ma le 5% lea la ua tuu ae ai i luga e tau faafetaui ai
le mea lea. Masalo o lo o i ai foi i totonu o tulafono tau
mea o mavaega e tatau ona faatupe atu e le Ofisa o Tupe
le Ofisa lea. O le mea lea, e talosaga atu ai e alofa, sei
toe vaai ane lava i le fua faatatau o tului o le tatou Ofisa
o Mavaega.
O le pau o le aoga o le Tālā.
Na o sina
faamalamalamga puupuu, e faamalu atu i le Maota ona
ua fai foi si leava ona tautala lenei tagata. O lou
talitonuga i le mea na ala ai ona pau le tālā, ua leai se
tatou tupe faaagaaga i fafo. Ou te manao e aumai pea se
faamatalaga a le alii Minisita i le mafuaaga na pau ai le
tala. A o lou talitonuga, na mafua ona pau le tala ona ua
leai se tatou tupe faaleoleo i fafo. O lona uiga, o le pau o
le tatou tala, e lei faia i se tulaga lelei. Ia ou te
talosagaina le Ofisa o le alii Minisita ina ia aumai se
faamalamalamaga i lea tulaga.
O le Ofisa o le Soifua Maloloina. Sa saunoa nisi i ai e
uig ai lenei vaega, ma ou te talitonu o le isi falemai o lo
o matautia le tiagaina aua e tua mai i ai le tele o nuu i tua
i Safata, o le falemai lea i Fusi. Ia, ua na ona fau fau le
falemai, ona o atu uma lea i ai o tagata, a e leai se fomai.
O le mea lea ua ou talitonu i ai, ua mafua ona le lava
fomai, ona o le le lelei o le vaaiga o fomai, e pei ona
saunoa nisi Sui. Sei vaai lelei fomai. Ou te fai atu foi au
ona ou te feololo i tulaga o galuega. A e a ma‟i mai se
isi o lou aiga, ia e le mafai ona ou tuuina atu i ai le
Saunoaga Faataupou a Sui Usufono 1961-2011
fesoasoani faafomai latou te manaomia. Na o ni nai
asipolo lava e mafai ona ou tuuina atu i ai. A e tatau ona
fai fuafua lelei. Fai totogi o fomai aemaise alii fomai
poto faapitoa ia latou galuega faafomai.
O le Ofisa o Tupe. Ia ua ou oo soo foi i le Ofisa lea. A
le lelei ona fai totogi o le Ofisa o Tupe, ou te tau atu
lava, e matua faigata lava ona lelei ni mea o le a faia i le
Ofisa lea. O galuega o lo o faia i le Ofisa o Tupe, e
matautia le mamafa. E faitau miliona ofisa ia e i ai .
Vaai lelei le alii Minisita o lo o i ai, e faatulaga lelei
totogi o le Ofisa o Tupe; avane se isi lelei o le atunuu e
aoaoina nei e fesoasoani i le o lo o Failautusi nei o le
Tupe. O lea ua uma le isi fia tausaga e lei i ia lava so
tatou tagata. Na ona o mai o nai tagata ma o latou tikeri,
e le umi a e toe mei i o, ona ai se a? E le lelei le
faatulagaina o totogi. Tagai lelei i totogi o le Ofisa o
Tupe, ma sue se isi e tatau ona lagolago i ai.
Ofisa o Aoga. O mea nei e tatau ona faalelei i le Ofisa
o Aoga. Fai lelei totogi o Asiasi Aoga ma Ulu o Aoga.
Vaai lelei ane lava i le vaega lea o a tatou tamaiti
faataitai. E tatau ona manatu lelei i ia lo tatou Malo i le
Faalapotopotoga lea o tamaiti aoga faataitai. Ai se lelei
o le Minisita pe ana toe sui mai nei le Tala Faatatau o
Tupe ma faapea mai e fia se tupe ua ave e fesoasoani ai i
aoga ia faataitai.
O alauni o tamaiti o le Kolisi Faafaiaoga. E le mafai
ona maua ni a tatou faiaoga lelei pe a tumau pea le le
faia o ni alauni. O le a le mea ua aveese ai alauni o a
tatou fanau ia e i le Kolisi Faafaiaoga a e sa masani ona i
ai. Na amata mai lava i le vaitaimi a o i le Malo o Niu
Sila, na fai mai o latou alauni, ona o el manatu e lelei ai.
A o lea foi ua aveese.
O le Ofisa o Faatoaga – ua fautuaina o lo o lelei tele
fuafuaga o lo o i ai aemaise le alii Minisita lea ou te vaai
atu e laitiiti, ae feololo foi le faiai lea e i ai i mea tau
faatoaga. A e pau le mea ou te fia fautuaina ai lau
Afioga, fai ni lala i itumalo o le Faleoloa o Faatoaga, e
tuu ai vailaau fagavao, faalelei eleele i tua ma le tau
omai o tagata mai tua ma Savaii e omai iinei i le taulaga.
A e sili pe a fai ni fale e o ifo i ai tagata fai faatoaga e
faatau ai i ina a latou vailaau ma faalelei eleele, na i lo le
tau omai agai i Apia ma maualuga ai le tau.
O le tatou Faasao mo a Taeao, tasi lea polokalame lelei.
A e maumau pe ana faapenei ona fai. E 156,000 tagata
Samoas o lo o i ai nei; a tofu le tagata ma le niu e tasi e
toto, Palemia, Kapeneta, Faipule, Palagi, Initia, Saina
tagata uma, e 156,000 niu e toto i le aso e tasi. Aua e
soo se mea lava e ola ai le niu. E fautuaina ai, a tasi lava
le niu a le tagata i aso uma, e 3,000 eka niu e maua ai. Ia
a e o le toto o laau mananaia a e le aia, ia o lo o i ai foi le
laau manaia i luma o le matou fale, a e fai mai le toeaina,
ia pe o le a le aoga o lena laau. O lea la e fautuaina ai, ia
tofu le tagata ma le niu. E 3,000 eka e maua i le aso e
tasi, pe a fuafua lea i le 50 niu i le eka e tasi.
O le tulaga o le Malae Vaalele. Ou te lagolagoina le
faia o se tatou malae vaalele faava o malo. O le isi lenei
tulaga e ao ona tatou manatu i ai, Taaloga a le Pasefika i
Saute. Oi, o le isi lea atiina ae ua matua faaletonu ai le
tatou atunuu, o taaloga. E le o toe faia ni taua i aso nei.
O tatou e leai lava se mea faapea e sau se isi ma se fana
e alu e fana. A e tasi le tulaga e tatou te iloa ai i le
lalolagi lenei, o taaloga. O le mea lea, matua faia ia lelei
le atiina aeina o le Malae Tutuu ia aumai taaloga ua lelei
ona veaga eseeese uma e faaagaaga lelei mo Taaloga a le
Pasefika i Saute.
O le Oifsa o Faasalalauga, ia taumafqai e tumaoti a e
aua le faalagolago sei tau fai atu le Palemia e faataga ni
faasalalauga. A o atu lava faipule, faataga pea i ai e fai
ni a latou faasalalauga po o ni saunoaga.
O le Ofisa o le NPF. Ou te fia fesoasoani atu ma
faaopoopo i nisi o Sui mo le fausia o se tulafono e
aveeseina ai le $20,000 lea o lo o i totonu o le NPF, a e
tuu i lalo po o se $2,000. Ai lava se viia o oe
Vaovasamanaia pe a uma atu lenei masina ua e sau ma
se tulafono e su ai le mea lea. Tuu i lalo ma aveese lea
$20,000. E faapefea ma o fea o le a maua mai ai e tagata
faigaluega iinei faamau puipuia e faaaoga mo lenei mea
ona o lenei vaega. Faaaoga fautuaga uma. Taumafai e
faamalosia tagata ia i ai ni a latou Fuafuaga Faale soifua
ian ia mafai ai ona ave e faamau ai ni a latou faaunega
tupe. Aua o tagata ia latou te faia le NPF. O nai toeaiina
ia mai tua ma tagata faigaluega. A e a alu atu i le NPF, a
e fai mai e na o lau faapefea le fia miliona lea e ave e fau
ai fale o isi tagata ma le fale lea o le NPF po o le a le
taimi e umai ai, ao tupe a tagata faigaluega? Tuu i lalo,
tuu i lalo le tupe lena.
Ia ma e ou te faapenei atu ai i le mamalu o le Maota, ia
o nai fautuaga ia. Ua vela foi le fala i lo outou mamalu i
lau Afioga i le Fofoga Fetalai ma le mamalu o le Maota,
e le o se tulaga o se fia iloa. Pau lava le tulaga e tasi, ia
tatou tuuina atu fesoasoani i le Malo aua la tatou atiina
aeina o lenei Malo. Ma e faaupu atu ai i lenei itula, ia
manuia tele lau Afioga i le Ao Mamalu o le tatou Malo,
ma ia maua se Kerisimasi fiafia a e faapea foi le mamalu
o el atunuu, tainane le mamalu o lau Afioga le Fofoga
Fetalai, faapea le alii Palemia ma le Kapeneta ma le
mamalu o Sui Usufono. Ia maua foi se Kerisimasi Fiafia
ma le Tausaga Fou Manuia e si ou itumalo pele o Safata.
Ia manuia lenei aso.
Afioga SALA SIO
Itumalo Faaalaalafaga:
Gagaemauga Nu.1
Filifilia:
7 Me 1980
Faatauto:
15 Iulai 1980
Lauga Faataupou:
7 Aokuso 1980
Faafetai lava mo le avanoa.
Lau Afioga a le Fofoga
Fetalai, paia o lau Afioga a le Palemia ma le Kapeneta
faapea foi Sui mamalu o le Palemene ma le Ofisa o le
Maota.
Saunoaga Faataupou a Sui Usufono 1961-2011
Ae ou te lei tulai atu, sa ou manatua se tasi upu a se isi
alii faipule o matou. Fai mai o le Malae lenei o le
atunuu po o le Maota Fono foi lenei o Samoa, e ese le
sau gata ona e leai se tasi e fia faauta ato-vae i ai. Ma ua
lagona ai i lou mafaufau i lenei taimi, ou te faafetai lava
i lau Afioga mo le faatautaiga o le sa o Samoa, aemaise
lau Afioga a le alii Palemia ma le Kapeneta ma Sui
mamalu o le Palemene. A e ou te lei oo mai i le Maota
lenei, sa i ai se faaletonu i lou mafaufau ona o tala ave
sese i fafo. A o lenei ua ou matua mautinoa, o se
Palemene sili ona fealofani lenei i lau vaai, faafetai lava.
Ma o le taimi lenei, o le a ou le auiliiliina le vao filifili
ua uma ona tulei ma saunoa i ai le mamalu o le
Palemene. A e na o nai mataupu lava ia ou te fia faaalia
ai se mafaufauga e tusa ai ma lenei taimi, e faasino tonu
lava i le Minisita o Faamasinoga.
Ona o au sa faia pepa ia e tau, o pepa o matai po o
saofai, o lo o feteenai ia te au mea ia e lua o le Tulafono
ma le Aganuu. O le Tulafono, o le faataunuuina lea o le
Resitaraina o matai; a o le Aganuu, o le faataunuuina lea
o le faia o le saofai po o le faatinoina o le saofai. Sa i ai
la se mea na aliali mai i le vaitaimi la sa fai ai a latou
galuega, ona o nisi o matai o le nuu lenei ua le mafai ona
resitaraina o latou matai. Ua omai nisi o aiga e aia i lea
suafa ma tauanau au ou te faia ni pepa matai, po o le
resitaraina lea o matai, ae ua fia totogi a latou tupe.
Peitai ane, sa ou faaalia i ai, e leai lava se feau a se isi i
ai, e pule lava le tagata ia sa fai lana saofai pe resitara pe
le resitaraina. O le mea lea ua ou fia fesili ai i le Afioga
a le Minisita o Faamasinoga, aua ua talia nei la le
talosaga ae e aia i le suafa lea. O lou iloa e lei
resitaraina matai ia. E le gata i lea, e lei faasalalauina foi
i le Savali pei o tu masani ia, o le 3 masina faatoa avanoa
le totogiina o tupe a le ua fia faalavelave.
Ona ou vaai agai lea i le Minisita o le Soifua
Maloloina. Sa ou savalivali atu i le auala lea e tau i le
falemai a tamaiti, sa ou vaaia ni tina se toa 5 pe 6 o
nofonofo ai i le auala lea ma o lo o momoe nonofo ai. O
se mea lava faamomoi loto i lau vaai i ai, ae ma foi i se
isi itu pe afai e vaaia e ni tagata mai fafo tulaga faapea.
Ma o lea ou te talosagaina ai le Afioga a le Minisita, pe a
ae sei fai sina fale i tua e mapu i ai tina o le atunuu. Pei
o lau fautuaga lea i le alii Minisita o le Soifua Maloloina
ma o le mea lava lea pei foi ona taua mai e se tasi Sui.
O mea nei tau i lauava o maliu. Ou te talitonu, ona pau
foi lea o le tulaga ua ou faalogo i ai, i le oi o aiga nei o lo
o faasino tonu i ai se maliu. O le mea moni, afai lava o
le a sii mai se siiga toga pe 100, 200 o lona uiga la, o sua
foi ia o le a fai e 100 pe 200. O le mea lea e fautuaina ai
le Malo, pe le mafai ona fai se tulafono e soloia ai ma
taofia ai lea tulaga? E le afaina lava tamalii ma failauga
a o tamaiti ma teineiti. Ua faapea lava ona faasolo atoa
ma o lea e le tuu ai lava saofai ma faaipoipoga. Ae ona
pau lea o le mea ou te fia faailoa atu e tusa lava foi ma
lea fuafuaga ua oo i ai, e tusa ma le vaai.
O le Minisita lea o Atiina ae. E manaia lava foi mea
uma pei ona faalogoina ae pau lava le mea, ua maualuga
tele le soifuaga. Ua pau ai foi nei fua o le popo ma le
koko ae ona pau lava lea o le oloa a le atunuu e toomaga
i ai i soo se mea, pei lava ona silafia. O le a lafo uma atu
lava i lau Afioga a le Minisita o Atiina ae.
O le Komiti lea o alii Pulenuu, ua ou masani tele ai aua
o au sa Pulenuu. O se galuega fita le galuega lea o lo o
faia e le Komiti o Pulenuu. Faafetai foi i le Minisita o
Faatoaga o lo o lagolagoina pea lava le Komiti lea, ia
uunai Pulenuu ina ia taumafai e galulue. Pei la ua ou
iloa le aoga tele lava o galuega a alii ia ma le alii
Minisita ina ua fua mai la i le vaitaimi nei. O lo matou
lava nuu, ua toe itiiti lava tofu le aiga ma le taavale mai
luga o gaoioiga nei o fualaau ma atiina ae fai ma mea
faapena.
Pei ona pau ia o mea ua ou tuuina atu i luma o le aiga
Kapeneta, ae tau ina alofagia e le Atua ia mea o le a
feagai ma la tatou Fonotaga i lenei aso. Faamanuia mai
lau Afioga aua pei lava o le seuga mai Salafai, pei o le
auiluma o le fale seu, malo lava i lau Afioga fai le faiva,
malo le onosai faapea foi i le Afioga a le Palemia ma le
Kapeneta ma le mamalu o Sui Usufono o le Palemene
ma o le a ou nofo ua uma lau lauga. Faafetai lava.
Tofa SEUMANU AITA AH WA
Itumalo Faaalaalafaga:
Faasaleleaga Nu.1
Filifilia:
9 Mati 1979
Faatauto:
28 Mati 1979
Lauga Faataupou:
19 Tesema 1979
Lau afioga i le Fofoga
Fetalai, i tausaga ua mavae
ina ua tutoatasi Samoa, sa ese foi le logomalie ia i latou
sa avea ma Fofoga Fetalai i ia tausaga ua mavae. Ua oo
mai i lenei taimi, ina ua e seei foi i le Nofoa o le atunuu,
e faamalo faafetai atu. Aua ua sologa malie ma ua
to‟afilemu ona o le faatautaia faaaloalo i lau afioga.
Faavae i le Atua Samoa, e le o masalomia e lo‟u nei
tootoo le tofa ma le faautaga ia i latou sa latou tauasaina
lenei sailiga, poo le a tonu se suafa e ao ina faasuafaina
ai le Faavae o le atunuu. Ma e sa tasi ai lo latou finagalo,
ia i latou o Aiga o Tupu ma Aiga o Pāpā, o Aiga o Nofo,
ia e faapea foi ponaoo malolosi o le atunuu aoao, i ona
fatafaitaulaga e fia. Ma o lenei ua tatou maua ai se
faasuafaina e Faavae i le Atua Samoa. Ma o lenei ua
avea ma pine matagofie o taualumaga o lenei vaitaimi e
auala mai lea i saunoaga ma fetalaiga matagofie a le
mamalu o Sui usufono taitasi.
Ua fiafia lava ma ua matagofie taualumaga e pei ona
tatou savalia nei, ma e ou te mautinoa foi e le o i ai lava
se tasi o le atunuu e le o tuuina atu lana tatalo ma lana
tapuaiga ina ia manuia taualumaga o lenei usugafono. I
le taua tele la ma le anoa o fesili, faatonuga, fautuaga,
lagolagosua foi sa saunoa i ai ma fetalai i ai le mamalu o
le Maota nei, o lea ou te manatu ai, ua teu tusitusia ma
teu fatu ia i matou nei poo le a se tulaga e oo i ai la
Saunoaga Faataupou a Sui Usufono 1961-2011
matou taumafai, aua lava taualumaga ma lo tatou tau
aloalo atu i le manuia o le atunuu ma lona lumana‟i.
O le pule foi a lenei Palemene, pe a liliu i ai mo le
ioeina o vaegatupe o Mea Taitasi, e faatinoina ai lo
matou sagai atu mo galuega faatino a le Matagaluega mo
le 1980, ona o se suiga aua se lelei mo le atunuu aoao i
le fesoasoani atu mo le aufaifaatoaga aemaise foi
faaeleeleaga. Ou te fia molimolioo atu foi la‟u faafetai i
Sui mamalu, ua tuuina mai la latou faatuatuaga i le
Matagaluega ona ua le afea i ni a latou fesili poo ni a
latou fautuaga, ni mea ua vaivai ma sese ai i le tausaga o
le a fano nei. O lea e faamalo atu, faafetai. Ma e faapea
foi ona ou faafetai atu i nisi o sui mamalu o le Palemene,
mo a latou fautuaga ma fesoasoani na tuuina mai. Poo le
a se taumafaiga o le a oo atu i ai mo le lumanai o le tatou
atunuu, e pei ona tasi i ai le faamoemoega, ia i ai se
siitaga poo nisi o suiga fou mo le tatou Malo. Ia ae
faafogafoga maia Sui mamalu sa manaomia se tala e
tuuina atu i le moni ma le faamaoni e pei o lona Faavae.
Sa saunoa le afioga ia Leota ona o le tulaga i le lē fiafia
o le afioaga i le galueaiina o popo i a latou faaeleeleaga,
ou te tuuina atu se lipoti tusitusia e faailoa mai ai le
agaga fiafia ona o loo siisiita‟i a‟e pea i a tatou oloa e
auina atu i fafo. E amata mai i le 1976-1979, 1976 i ona
masina e 10 muamua, e 10,636 tone; i le 1977 e 14,000;
1978 e 11,000 tone; ae o le tausaga e 1979 i masina e
sefulu muamua, e 16,378 tone. Ma o i ua ta‟u mai ai se
ata e silafia ai e le mamalu o le Maota ma le atunuu, o
loo agaigai pea i luma le taumafai a le mamalu o le
atunuu aua nei oloa taua mo le auina atu i fafo.
O le fesili a le tama matua ia Autagavaia, ona ua tau
faaitiitia finagalo o le atunuu i le faigata ona faatino i
ana galuega. E mautinoa e lo‟u faamoemoe ona o loo
matou galulue ma le Komiti o le Faleoloa o
Aufaifaatoaga, ua na o se pasene faatulafonoina mai lona
amataga, o loo faaaogaina nei. Atonu e i ai nisi taimi e
fesuisuiai ai tau o oloa mo le faalauleleia ma faateleina o
faaeleeleaga i le atunuu, ia e mafua mai ona o le siitia o
oloa i atunuu i fafo, ma ē o loo latou fausia. Ae o le
tulaga i le faagasolo i luma ma le manaomia pea o oloa
taua e faaaoga i faaeleeleaga a le atunuu, o loo foliga
mai o loo laa pea i luma ae le o faaitiitia. Ia e faapea foi
ma mea tau faigafaiva. O loo sologa lelei lava le taulia o
ia mea o loo faatauina atu. Ma o i e ta‟u mai ai o loo
faapea lava ona solosolo manuia.
I le Sui mamalu ia Malaitai, i le taimi nei, o loo ua
talitonuina ma faamautuina ua le o tutusa taualumaga o
eleele o le atunuu. E i ai nisi eleele o loo lelei atoatoa
pea mo le totoina o faaeleeleaga, e i ai foi nisi vaega o
eleele o loo ua i ai se faaletonu. Ia ma o lea la ua faigata
ai ona toe solomuli i tua i le lē faaaogaina o faalelei
eleele e pei ona i ai nei ni vaega eseese. E i ai vailaau ma
mea faalelei eleele, ma isi taumafaiga o loo taumafai ina
ia faaleleia ai ogaeleele ua le o ola lelei ai faatoaga a le
atunuu. E faapea foi ona ou faailoa atu i Sui mamalu e
uiga i tagata mai fafo, o loo i ai le poto faapitoa i lea
vaega ma lea vaega, ia e foliga tutusa mai foi se manatu
ua i ai. Ua faigata nei ona toe solomuli mai fautuaga a i
latou o loo maua so latou agavaa i le faufautua mai i le
faaleleia o faatoaga a le atunuu. E le gata i lea, e le o
faagaloina foi i le Matagaluega nisi o fautuaga e maua
mai ia i latou matutua poo i latou foi, i le mamalu o le
atunuu o loo maua pea lo latou poto masani i le
faatautaia ma le faafoeina o faatoaga. Ia e le gata i lea, o
loo ua i ai foi nisi o alo o le atunuu sa auina atu i ni
a‟oa‟oga faapenei, ma ua latou taliu mai ma o latou
gapiā ua lava taoso mo taumafaiga a le atunuu, ia ua
faapea lava ona faaaogaina tele i lenei vaitaimi.
Na taua foi le fale i Palauli o le Matagaluega, ma e o
lenei fale sa fausia i ni tausaga ua mavae i le 1971-1972
ma ua faama‟eaina ai. Sa nofoia i ni nai taimi itiiti e le
aufaigaluega, peitai, o lenei fale e tu i le ogatotonu o le
afioaga, ma o lea ua faigata ai se fuafuaga e faia ai ni
faataitaiga. Ua tulaga le matagofie foi i le silasila a le
atunuu ina ua tau agai mai i le faaneionapo i le
faamatagofieina o afioaga ma alaalafaga. Ma e faapea foi
ona oo mai ai i lenei vaitaimi, e le o toe faaaluina ai se
tupe a lo tatou Malo e auala lea i le matou Matagaluega,
e le o toe i ai se fuafuaga e toe faafou pe toe faaaluina ai
se tupe.
O le isi vaega mulimuli, sa uia foi nisi vaega
faaleaganuu i le maua mai o lenei fanua. E le i totogiina
ma ua i ai le faamoemoe o loo ua tuuina atu nei i le Ofisa
o Fuagafanua ina ia fai se latou fuafuaga pe mafai ona
faatau e le afioaga.
Faafetai lava i lau afioga ma le mamalu o le Maota. A o
le‟i faia le malologa as ou tautalagia le mataupu i le fale
o le matagaluega nei i Palauli lea ua lafo nei i le Ofisa o
Fuagafanua e fai se latou fuafuaga pe faatau atu i le
afioga e pei ona ta‟ua. O le aufaigaluega la a le Ofisa lea
o loo sailia pea ma o loo i ai foi i tala faatatau o seleni i
le tausaga nei lea fuafuaga.
Faamagalo mai a‟u, o loo i ai faatasi i totonu o le
polokalame foi lea o le meaalofa a Siamani le fausia o se
isi fale ma o loo sailia nei se tulaga e faatino a‟i. Ma e sa
faia foi i le amataga le Ofisa lenei i se laoa o le Falefia
ma le Falesalafai foi ma ina ua ou vaai i ai sa ou popole
foi i lea afioaga ina nei o latou matauina pe aisea ua
aveeseina ai. Peitai ua le avea lo‟u popole ma mea e
taofia ai se mea ou te lagona e ao ina malupuipuia ai ia
pepa o Galuega a le Matagaluega faapea foi i le
malupuipuia o mea e faatino ai le galuega. Ma o lea sa
siitia mai ai i se potu avanoa ma le lelei lona
faatotogaina aua le puipuia o le soifua maloloina. E le
gata i lea o loo i ai foi se isi potu i tua e sosoo lava ma le
Ofisa e teu leleia ma malupuipuia ai ia meafaigaluega,
vae atu lau afioga ma le mamalu o le Palemene. O le
auala lea na siitia mai ai, ma o le kamupani a Ah Wa i
Salelologa i lona potu o loo faatuina ai i le taimi nei. Ma
e oo mai i le asō e le o alu ai se tupe a lo tatou Malo.
O le Sui o Talamaivao i le atugaluga i le manu lenei o
le pulupulu, ma e lagona lava i tino fautuaga lelei ma le
tonu. Afai foi ua i ai se faafitauli ua tulai mai i lenei
manu, ia ua ao i le mamalu o le Palemene ona i ai se
fuafuaga ina ia mafai ona i ai se auala faaletulafono e
faatamaia ai. Ma sa ou taumafai foi e saili i tusitusiga a
Saunoaga Faataupou a Sui Usufono 1961-2011
matagaluega i tausaga ua mavae, e foliga mai e lei
aumaia aloaia lea manu i totonu o le atunuu. E faapea se
faamatalaga, o le manu lenei na ola ae i se motu o le
Pasefika. O loo i ai la se masalomia pe na faanana mai e
se isi pe na lele mai foi ia le manu lava ia ona o le felatai
o motu o le Pasefika. A o le tulaga moni i le
faafofogaaga a le Palemene, e le i aumaia aloaia lenei
manu i totonu o le atunuu.
I suesuega foi a le Matagaluega e uiga i le lelei poo le
lē lelei o vailaau, sa i ai se vailaau na amata ai
taumafaiga e pei ona silafia e nisi o le aufaifaatoaga le
vailaau „Nosco‟. Ma e ua silafia mulimuli ane e le
Matagaluega ma i latou sa sailia e le lelei lea vailaau mo
eleele o le atunuu, e umi le taimi e le o toe maua mai ai
se tulaga lelei o le vailaau lea. Ma ua faagalo atu ai a ua
faaaogaina nei nisi o vailaau. Ma e le gata i lea, ua
saunia foi se isi togafitiga mo le malupuipuia o le soifua
o tagata pe afai latou te inuina.
Faafetai lava, ia ona o lau faaiuga i talosaga foi a Sui
mamalu, o le a ou le toe oo atu la i ai.
Ma ua maea nei la ona sailia se vailaau foi e
faaaogaina. E le gata foi i lea ua i ai foi se togafitiga ma
se isi vailaau e toe tuu i totonu ina ia mafai ona silafia
gofie ai e le o le a sese i ai, lona manogi e ese mai ai le
matuitui poo le sasala foi. Ona toe i ai foi lea o se isi
togafitiga, e toe taumafa foi i le ua mao i le vailaau,
vaeatu lau afioga ma le paia o le Fono, e toe pua‟iina
mai ai le vailaau lea na inuina.
O le afioga ia Pule Lameko, i le tatau ona i ai nisi o
faleoloa o le Ofisa o Faatoaga i tua, ina ia faafaigofieina
ai i le mamalu o le atunuu ona latou maua ni masini poo
ni mea eseese e faaaogaina i le faatoaga. Ma o loo i ai
nei fuafuaga, ma e le o toe umi pe mata o le masina o
Fepuari pe a tuai. O loo fausia nei e Ausetalia ni taavale
afi, o ni loli, ma ua faatotogaina e foliga mai o se
faleoloa tua o le loli, ina ia tuu ai le tele o mea e
manaomia e faifaatoaga i afioaga i tua, ma e tasi le
taavale faapena i le motu nei o Upolu, ia ma le isi foi
taavale loli mo le motu o Salafai, e fealuai lava i aso
taitasi, ina ia mafai ona faafaigofieina ai i le mamalu o le
atunuu mea latou te manaomia mo lea aso ma lea aso mo
a latou faaeleeleaga. E le gata i lea e toalima ia alii tausi
itumalo, e 3 Upolu 2 Savaii, ua avea foi le laga e le Sui
mamalu ma mea ua tau fuafua ai pe mata e le tatau pe a
tuuina foi i ai ni totoga aua le manaomia e le mamalu o
le atunuu i nei tausi itumalo ina ia faafaigofieina atili ai
lea faamoemoe pe a i ai se faaletonu i taavale.
O le afioga ia Fuataga. I le 5% o taavale, ma o le
tausaga 1974, sa talanoaina ai ma sa lei mafai ona
faatulafonoina lea vaega. Sa taumafai e faataitai i le
mamalu o le aufaifaatoaga poo ni a ni foliga e foliga
mai, peitai i lea faataitaiga na tulai mai isi o le mamalu o
le aufaifaatoaga, ua le faaaogaina taavale ia e tai 5%, i
faatoaga, a ua omai ma saili ai nisi auala. O lea la na lei
faamaonia ai i tausaga e 1974.
O le mataupu i le Faasao mo a Taeao, ou te talitonu o le
Palemene lenei e ioeina le lua pe tolu ni aso malolo e
mafai ona faaavanoaina i le finagalo o le Palemene mo le
Faasao poo Faaaliga a le Aufaifaatoaga.
O Tauaanae. O loo faavasegaina i le Ofisa nei le
lapopoa o pou e faaaogaina i galuega a le Malo poo soo
se pou foi e faatauina atu. O le 2” e 1.5sene lona tau i le
futu. O le 24” e 3sene i le futu; o le 36” e 4.5sene i le
futu; afai e i ai ni laau e sili a‟e le lapopoa, ona fua loa
lea faa-kupita futu ma o le a fai e le Ili le tau e talafeagai
mo pou e sili a‟e. Ma o le 1978 na auina mai ai ni pou e
107, o lona faatupeina e $61.32. 1979 – 176 pou na
faaaogaina, ma ua vaevaeina nei pou i le B ma le C ma
ogalaau, pei ona ou taua, e fuafua e latou pe a lapo‟a
tele. E 97 pou e tai .3sene i le futu; e 71 e 4.5sene i le
futu ma le 8 pou lapopoa atu e 3sene i le futu; o lona
aofaiga i le 176 e $195.62.
I se isi vaega o le saunoaga a le Sui mamalu, e uiga i
loli o loo faaaogaina e Matagaluega i Asau. Sa suesueina
i le Faletupe pe moni na faamaonia e le Matagaluega.
Ma ua tulai mai se fesiligia mai e le Faletupe e i ai se
galuega e maua e loli nei pe a aumai? O le tali, i e maua.
Ona e le o se mea fou lea pei ona silafia e le mamalu o le
Palemene, a le lava taavale a le Malo, ia ua faapea ona
faaaogaina ni taavale tua ma o lea la sa aumaia ai loli nei
ma o loo faigaluega ai i le Matagaluega i le uiga tutusa
lava i le faaaogaina lea o taavale mai tua pe afai ua le
lava taavale a le Malo e faataunuu ai galuega. Ae le‟i
faamaonia e le Matagaluega le faaumaina o le tau o le
taavale. Afai o le a malepe, vaeatu le paia o le Maota ma
leaga le taavale, ia o le a tietie lava i luga o lē e ona le
taavale.
O le tele lava o sulu e maua ai figota. Ia e lelei foi le tau
logologo mai o le Sui mamalu e toe fotuai ai foi se isi
manatu fou. Ma ou te talitonu lava o lenei Maota ua na o
mea moni ma le faamaoni e aumai i ai. A faapea foi o le
a see ese ai sa‟u faamatalaga i ni faamaumauga, ia ona
avea foi lea o au ma le tonu i le faafofogaaga a le
Palemene ma lau afioga. O lea ua ou tolaulauina atu tau
o laau ma le faavasegaina i tusitusiga a le Matagaluega o
le Ofisa Tutotonu i Apia nei i le faasolo mai o pou na
toesea ma aveesea, faatasi foi ma le tupe o loo aoina e le
Ofisa o Fuagafanua. O le feagaiga foi sa faaaogaina e le
Potelate, atonu o loo silafia e le alii Palemia taualumaga
e pei o la‟u tau saili atu i ai, o loo faatumauina pea lea
feagaiga. Ae peitai, e le o se tala mautu lena ua ou
tolaulauina atu.
E moni le Sui sa ma feutagai i le masina pei ona taua.
Sa ou naunau e faataunuu lona finagalo, o lea sa tala mai
ai i le telefoni le Faletupe o Atiina A‟e, o lea ua manino
nei i le Laulau-a-Fono le faamalamalamaina. Sa
faamaonia e le Matagaluega e maua le galuega a le
taavale pe a taunuu mai. Ae le‟i faamaonia e le
Matagaluega e totogi le tau o le taavale pe a taunuu mai.
O le tulaga tonu lena pei ona ou tolaulau atu ma lo‟u
faaaloalo tele. E le o se tulaga tuai, leai, o le tulaga e
masani ai galuega a lo tatou Malo. A le lava ana taavale,
e faapea ona tapa taavale a le mamalu o le atunuu ina ia
fesoasoani i ana galuega ma le faataunuuina.
Saunoaga Faataupou a Sui Usufono 1961-2011
E faataunuu e le Matagaluega nei fuafuaga ma tuuina
atu le Lipoti i le Ofisa o Fuagafanua ma o latou ia latou
te tuuina atu i auala masani pei ona faavae mai ai
feagaiga i tausaga ua alu.
E toa 15 i latou e o loo galulue nei i manu ainiu; e to‟a
9 i Upolu, ae 6 i Savaii. Ma sa i ai se suesuega sa
faamaonia lona fesoasoani i niu a le atunuu, o loo ua i ai
la se manu, vaeatu le paia o le Fono, e taumafai i latou ia
e 15 e faasalalau atu ina ia mafai ona tufatufa i manu
ainiu nei ma faatamaia ai.
O le Sui mamalu ia Taliaoa. O loo ua maua nei i le
Faleoloa o Faatoaga mea sa moomia e le Sui mamalu. Ia
faapea foi ona ou faamalie atu pe a faapea sa avatu ni
laufasi, vaeatu le Fono, e faaletonu ia atonu e tofu lava
ma masei. E mafai foi ona toe suia ia mea ua faaletonu.
Lau afioga, ua tatau nei ona faamaoni i latou, aua na
uma loa le mamafatu ia te au o le finagalo o le Sui, na
tuua atu loa le Fono ou talosagaina loa le alii o loo pulea
le Faleoloa, e aumai se tala moni e uiga i mea o loo
manaomia e le Sui. Sa faapea ona ia faailoa mai ia te au
o loo ua i ai. Sa toe taotaotua atu le isi a‟u fesili, ua leva
ona i ai, ae fai mai le tali, i, ua leva ona i ai. O lea e
faasilasila atu ai ma lo‟u ava tele i le Sui, o loo ua maua
nei. Faamalie atu foi pe afai o fesasia‟i le taimi i lo latou
tauaveina o le galuega. Ua tatau foi ia te au ona
fautuaina i latou e toaga e silasila i mea o loo manaomia
e le mamalu o le atunuu.
O le afioga i le Sui mamalu o Tofaeono. O lea foi ua
saunoa i ai le Minisita o Atiina A‟e i le Fale lea o le
Popo ma le Koko i Salelologa. O loo i ai ma se vaega o
le Matagaluega nei, o lena ua silafia e le mamalu o le
Maota Fono.
Ia atonu i Sui mamalu o le Maota, faasa‟o mai foi a‟u
pe afai ua ou le auai atu i nisi o finagalo faaalia ma ni
fesili na tuuina mai.
Faafetai lava i le mamalu o Sui, o le ioega lava a le
Palemene lenei e mafai ona toe faateleina ai se seleni e
toe faaopoopo ai faamiliga na tufatufaina atu i le
mamalu o le atunuu e totoina ai ma faatulafonoina ai, a
oo i le aso To-laau, ia aua lava nei toe totoina se isi laau,
ae tatau ona totoina na o niu. Ou te talitonu o se finagalo
foi o le Palemene e mafai ai ia foi fautuaga taua ia te au.
O le saunoaga a le Sui mamalu ia Vaai. O loo faatagisia
nei i le mamalu o le Palemene, mo sa latou faatatauga i
se vaegatupe ua faalagolago le matagaluega ina ia
faaleleia ai la tatou koko. Ia e faapea foi ma le niu, o loo
tolaulauina ai i le Tala o le Tupe ia moomooga o le
Matagaluega ina ia mafai ona faaauauina pea ia le
polokalame. Ma o loo talosagaina le $73,350 mo niu; ua
talosagaina mo le faaleleia o le koko le $221,375.
O le Sui mamalu ia Aiiloilo, o loo i ai le faamoemoe
mo a tatou Fale Popo ma Fale Koko, ona faigofie foi lea
ona auina atu i latou ia o le au asiasi koko e pei ona
saunoa i ai le Sui. A o le taimi nei, o loo faalagolago
lava le au faatau popo ma le au faatau koko i Savaii e
auina mai i Matautu ma fuaina ai, ma faapea foi ona
asiasia e latou.
O Fuataga i le 5% e pei ona ua uma ona ou taua, i le
tausaga 1974, sa taumafai ai se faataitaiga e tuuina atu i
le aufaifaatoaga ma faapea foi ona lē faamaoni nisi o le
mamalu o le aufaifaatoaga ma sa le faamaonia ai lea
tulaga, e lei faatulafonoina ai. Ae na o se taumafaiga sa
tau faataitai pe mata e tulaga lelei mai.
Faamalo le taulagalaga mo le faamanatuina pea o nisi o
lape. O le a ou tali atu ia la i le fesili a le Sui mamalu ia
Vaai. O loo ua taumafai nei se isi tulaga matagofie i nuu,
ma e atonu e sese foi lea upu o le matagofie, ona e le i
tino mai. Ae o loo ua saunia nei se nofoaga e taumafai
ona sailia uma ai ni auala e faaleleia ai tulaga i le koko.
Ma e sa auina mai ni fuākoko mai le Atu Solomona, ma
ua maea tapena foi lea vaega. Ma o loo faamaonia i le
tele o suesuega e le o aafia i le faamai. O loo ua taumafai
nei la i le 7 eka amata, o lo o ua faapepa foi ma o loo ua
faaolaina le koko, ma ua totoina nei le 7 eka lea ma le
faamoemoe ina ia faatuputupulaia pea ma tufatufa atu i
le mamalu o le atunuu.
E le gata i lea, o loo taumafai foi i se auala ina ia
faanumera tasiina pe a le koko a lo tatou atunuu ae le
numera lua, ma le nipi – aua e maua lava le nipi i soo se
ituaiga koko. O loo i ai la le faamoemoe mo le tausaga
fou e faatinoina ai nei fuafuaga uma faapea ina ia mafai i
se tau lelei foi, ona auai uma koko a le mamalu o le
atunuu e faavai ma faapalaina i le nofoaga lenei, ina ia
maua ai na o le numera tasi ma le nipi. Aua o le mamafa
lava lea o loo i ai ma le numera lua, ia e avatu i fafo e
aumai lona tau, ua eseese.
Atonu ua uma ona ou oo atu i le afioga i le Aloalii. Ua
toe laga e le Sui mamalu o Aiiloilo le faanumeraina i
Savaii, ina nei faitauina mai foi au e Pīpī ma Molesi ona
faapea lea ua ou tautala i ai. Ae ui o lea ona o le mea
moni lava i luma o le mamalu o le Palemene, na o
Molesi lava ma Pīpī lea o loo faavasegaina le numera ma
e mafua lea ona e popole foi le kamupani ina nei oo mai
i Apia nei ae leaga a latou popo. A o le tele o faleoloa
taitoatasi i Salelologa ma nisi foi o kamupani a le
atunuu, latou te le o tuu vasegaina le tulaga i le tasi, lua
ma le tolu. Ae pau lava le mea o loo tulai mai, vaeatu le
paia o le Maota, a pala pe toe faafoi. Ae a lelei ua fuatia
ma avatu loa i le aao o le salipopo lana tupe e aunoa ma
le toe faatalitali sei toe lipoti atu i Apia nei poo leaga
poo lelei.
E pei lava ona ou tuuina atu ma lo‟u faaaloalo tele i le
Palemene, o le tulaga i le 5%. Afai foi ua sese lea
faaupuga, faataitai, ia atonu o loo i ai se upu lelei e tatau
ona tuuina i ai, a o lea ua aliali mai e le faamanuiaina
ona o le lē faamaoni o le aufaifaatoaga. A ua taua faapea
ua saisaitia ai ma i latou o ē faamaoni, ou te talitonu
lava, seiloga e auina mai se agelu na te tau faasoasoaina
le moni ma le lē moni o le atunuu, ia ona maua foi lea o
sona tasi.
O le Palemene nei foi na te ioeina ma o le a le tuuina
ifo i lo‟u faamoemoe o le a ou talatalanoa ia i latou e
aafia ai pe mata e tatau i se taimi o muamua ona toe
faatulai mai lea fautuaga lelei ma le aloaia i lo‟u foi
faamoemoe.
Saunoaga Faataupou a Sui Usufono 1961-2011
O le a tuu maia le fautuaga a Aiiloilo, e pei lava e
logoitino foi le moni o le fautuaga, e tatau lava ona ou
vaai i ai.
I le fesili taua e pei ona saunoa i ai le afioga i le Aloalii,
pei o le Minisita o le Atiina A‟e ma le Komiti Faatino o
le Koko ma le Popo, latou te vaaia tulaga ia. Ma lo‟u
faaaloalo lava.
Faafetai lava, ma e o le fesili foi lea o loo tuputupu pea
i lo‟u manatu. O loo taumafai pea e laga se manatu pe
faapei ona moni aua ou te taunuu atu ua faapea le
faatulagaina o lenei faamoemoe. Ou te faapea atu ai ma
lo‟u ava tele i le Sui mamalu, e taua le fautua mai. O le a
avea ai foi ma mea ou te toe tau lagalaga ai poo le a le
mea e ao ina fai. Faafetai lava i le mamalu o le
Palemene, ae pei lava na ou faatulai atu i le amataga, e
taua ma aanoa a outou timaiga ma fautuaga faapea foi le
taitaiina e lau afioga i le Fofoga o le Fono ua maua ai
pea se to‟afilemu ma se matagofie.
Faafetai lava i le saunoaga a le Sui mamalu. O le tulaga
o loo i ai nei le Iunivesite lea, o loo ua na ona
faamalumalu i ai o le Matagaluega a o le taualumaga ma
a latou polokalame, ua toetoe lava ina tumaoti ia le
Iunivesite lea o le Pasefika i Saute o loo faafoeina nei i
Alafua. O la‟u tali atu lea ma lo‟u faaaloalo lava i le
saunoaga a le sui mamalu.
Atonu ua pa‟ū ia te au le saunoaga a le Sui mamalu i
lauga faalauaitele, ou te faamalulu atu ai foi. Ae avea foi
lea ma tulaga ina nei talaseseina se faamatalaga i le fesili
a le Sui mamalu ma le mamalu o le Palemene, o le a
mafai ona ou sailia se tala mautu mo alo ma fanau a le
atunuu o lo o latou aooga poo le a le tulaga pe a maea
ma faaiuina ma le manuia a latou aoaoga.
Faafetai lava, ona ou te sau i le Matagaluega nei ua ou
tei lava ua auina atu le taavale ou te sau ai. Sa ou
faamoemoe lava i lena taeao amata ou te sau i la‟u
taavale ua uma ona sauni. Ae tei ua tu le taavale lea e oo
mai nei lava o o‟u faaaogaina. Ae le o i ai se faamoemoe
faapea; ae ou te masalo o taavale lava ia a le
Matagaluega. Faafetai foi i le Sui mamalu ua na toe laga
lea mataupu, ai po ua sese le lomitusi a le teine, ma lo‟u
faaaloalo lava.
O lau afioga e i ai la‟u taavale sa faatau mai ia Molesi.
Leai, e le o tausia e le Malo. Sa fuafuagata ia te au lau
afioga i le Fofoga o le Fono ma le mamalu o le
Palemene, se tasi o feau taua sa puapuagatia ai lo‟u
faamoemoe ona ou te talitonu o lenei Maota na o mea
tonu ma le faamaoni e ao ina tuuina mai e le mamalu o
Sui. I le po lea o piiga na taua sa i ai se Minisita sa onā
leaga. Ou te molimoli atu i lau afioga i le Fofoga o le
Fono faapea foi le mamalu o Sui o le Palemene o le
atunuu, e lei i ai se Minisita sa onā i lea po.
Ou te faamalo atu ma faafetai atu e tusa o taualumaga o
le tatou Fono. Ma o lenei foi ua tatou tulalata i le taimi o
le soifua mai o le Pepe fou, tatou te toe faamanatuina ai
le soifua mai o Keriso, o le Alii o le Filemu. E avea ai
foi lenei itula ou te faapea atu ai i le Ao Mamalu o le
Malo, le afioga i le Sui Tofia, lau afioga i le Fofoga
Fetalai ma le paia i Sui mamalu o le Palemene, tainane le
alii Palemia ma le aiga Minisita, faapea foi le
faafofogaaga ia Pule ma Tumua, o Ituau ma Alataua, o
Aiga i le Tai ma le Vaa o Fonoti, ia tainane foi le aufaitatalo o loo latou tauasuina pea le ipu o le ola aua se
manuia auiluma o le atunuu, ia faatamaoaigaina outou i
le afio mai o Keriso ma ia maua so outou Tausaga Fou
fiafia.
Ia faapea foi ona ou faamaise atu ona o se tasi o alii
Minisita sa o matou vaavaa faatasi ua amia nei i lo tatou
nuu tumau. Ia alofagia e le Atua, ia tāfimala ma maua se
faamafanafanaga i le tina o le aiga ma le nofo a alo,
aemaise foi le mamalu tele i le aiga.
Ia mo si o‟u itumalo, ia ui foi ona tatou te valavala i
nofoaga, ae tatou faatasi pea i a outou tapuaiga i luma o
le tatou Matai. Ia manuia lava le Kerisimasi ma le
Tausaga Fou, ae ou malolo atu – Faafetai.
Tofa TAUA LATU LOME
Itumalo Faaalaalafaga:
Aleipata Itupa i Luga
Filifilia:
9 Mati 1979
Faatauto:
28 Mati 1979
Lauga Faataupou:
13 Tesema 1979
Faafetai atu i lau afioga a le
Fofoga o le Fono mo le
avanoa. E ao foi ona avatu le faamalo i lau afioga tusa ai
ma le faatautaiga o le fonotaga talu ona amata mai, ia
faamalo atu fai o le faiva. Faamalo atu foi i Sui Usufono
i le lava o le onosai, faapea le aiga Minisita ma le afioga
a le alii Palemia, lava mai pea le onosai, se‟i faauma atu
pea a matou faitioga ma moomooga alofa ia te outou, e
fai ai a outou fuafuaga aua le manuia o le atunuu mo le
tausaga a sau.
Ia o le a se‟i amata atu sa‟u faamatalaga lau afioga i
mea lava e patino i lo‟u itumalo, mea o loo fia faaleleia
ma mea o loo manaomia e lo‟u itumalo faapea foi
itumalo o loo matou felataa‟i aua le galueaiina o se
manuia, e le gata i le itumalo lenei, ae faapea foi le
atunuu o Samoa atoa. Ia malilie a outou afioga a alii
Minisita, se‟i faamaumau lelei ifo aua o aso uma lava ou
te tu atu ai iinei ma aso uma tatou te fetaui ai, ou te tuitui
atu lava ia te outou se‟i vagana lava ua faataunuuina mea
nei.
O le mea muamua lau afioga a le Fofoga o le Fono, o le
mataupu lea sa lugā lalō foi i fonotaga ua tuanai, sa taua
foi i saunoaga a nisi alii faipule, a o lenei la o le a ou toe
avatua i luma o le mamalu o lau afioga ma le fonotaga.
O le mataupu lea i le uafu i Aleipata, lea sa fesili ai se isi
alii faipule, poo fea o i ai le palolo aua ua le vaai i ai i
lenei vaitaimi. Ma ou te faasilasila atu ai lea faapea, o le
palolo o loo i le uafu i Aleipata, ma o lea palolo o loo
faigaluega i le eliina o le asuemu o loo tanu ai auala a
lenei itumalo, faatasi ai foi ma le tau taofiofiina o le uafu
lenei sa tele i ai faitioga a lenei Maota.
Saunoaga Faataupou a Sui Usufono 1961-2011
Lau afioga a le Fofoga o le Fono ma le mamau o le
Palemene, e i ai lava le talitonuga a lenei itumalo, o lenei
lava uafu o se mea ua alagatatau ona faataunuu. E
talitonu lenei itumalo o le uafu lenei o le a auala mai ai
se isi manuia e fesoasoani i le atunuu lenei o Samoa, ma
o le mea foi lea, na a‟e ai le tofa i failauga ma tamalii o
lenei atunuu, latou te faatuina se Sosaiete ma taulamua i
le taumafaiga o lenei mataupu. Masalo ou te manatua i le
taimi ua fano, sa faatagisia foi e nisi o tofi sa nofoia le
nofoa o lenei itumalo i aso ua fano, i le mataupu lava lea
i se uafu mo lenei itumalo o Aleipata aua e latalata i le
nuu lea o Tutuila ma Manu‟a. O le manatu maualuga e
faafaigofie ma fesoasoani i le lautele o le atunuu e
femalagaa‟i i le va lea o Tutuila ma Manu‟a; ma ou te le
tau ta‟uina lau afioga a le Fofoga o le Fono i lenei
vaitaimi ia le tau o pasese o vaalele. Ua latalata atu nei i
le $50 ia le alu i Tutuila; ae fuafua atu afai e faaaoga atu
le alu i le uafu lea, e le gata ina puupuu le taimi ma
fesoasoani foi i tagata femalagaa‟i ae e le taumate o le
pa‟u foi le pasese, ma o le a tele lava fesoasoani i ē e
femalagaa‟i.
Sa faitio foi nisi lau afioga a le Fofoga o le Fono e
faapea – ua fai si taugata ua tele foi tupe ua alu i lenei
uafu. Ia e moni lava ua tele, ma ou te faafetaia le Malo o
Ausetalia mo le fesoasoani na faatino ai lenei uafu, aua e
pei ona ou fai atu, na taulamua lava failauga ma tamalii
o lenei itumalo ona o loo manaomia ia faataunuuina pea
lenei uafu ma le talitonuga, o loo i ai se manuia o lenei
itumalo i lea atiina a‟e. Ma o le mea lea ou te toe fia
fesiliga atu ai lava le alii Palemia ma le aiga Minisita,
poo le a le fuafuaga ua i ai i le uafu lea, pe faataunuu pe
leai? Afai foi e faataunuu, ia pe o afea e faataunuu ai? O
loo i ai si o‟u popole ina ne‟i te‟i ua tuai ona toe tele foi
lea o isi galuega, aua o loo aia malie pea lava i le sami le
galuega sa faia e le palolo. O lea foi na talosaga ni uso a
faipule, se‟i see maia le palolo se‟i faaaoga e nisi
itumalo, ae a see mai nei ae le‟i mae‟a lea galuega, ia ua
maumau le selau ma ona tupu afe lea sa finau ai foi le
Maota nei i le fonotag aua tuanai. Ma ia malie ai lau
afioga a le alii Minisita, ia aumai se faamalamalamaga o
le mataupu lea.
E faatasi atu la ma se matou foi mataupu n alaga i le
fonotag alea. O le mataupu lea i le aitalafu a le Sosaiete
lea a Aleipata. E ta‟u atu pea lau afioga o le Fofoga o le
Fono, o a‟u e fai lo‟u sea i totonu o le Sosaiete lea, ae le
mafai ona ou tuua le lagona ua oo mai ia te au, ina ia ou
fesoasoani i lo‟u itumalo faapea foi ia taumafaiga a le
Malo. O le itu lea i le aitalafu e pei ona taua ai le
Sosaiete, ma pei ou te tau mafaufau atu i lea vaitaimi, o
se mea e $10,000 poo se mea faapena, faasa‟o mai au i
se taimi, lau afioga a le alii Minisita. Ma o lenei aitalafu
lau afioga e le‟i faaalu fuaina e lenei itumalo. O tupe na
faaalu e totogi ai masini ma loli sa faaaogaina i le
tanuina o le uafu lea. Ma o lenei la vaitaimi, ua le toe i ai
gaoioiga a lenei Sosaiete i le uafu aua lea ua see atu nei i
le Malo. Ona faapea atu ai lea o lo‟u manatu vaivai, ae a
pe a malie le Malo, totogi atu ai ma le aitalafu, aua ne‟i
toe taua o le aitalafu a le Sosaiete, ae tauavea pea e le
Malo aua a oo nei ina faatino le manuia lea, o le Malo
latou te faagaoioia ma latou aveina le manuia o le a
maua mai lea uafu. O le talosaga lea ma le vaivai i lau
afioga faapea foi le aiga Minisita.
O le mataupu lona lua, o mea lava i lo‟u itumalo lau
afioga a le Fofoga o le Fono. O le tulaga lea i le
vaitaumafa a lenei itumalo. Masalo o le tasi lenei
itumalo ua sili ona oge i lenei mea o le vai, ma atonu o
au foi e fou atu i lea itumalo e le‟i leva se taimi o o‟u
aumau ai; ae nao u mafaufau lea, talofa i tama ma tua‟a
sa faasolosolo mai ai nei mau tausaga e tele ua alu, lenei
lava pagatia i nei mea taua tele i le soifuaga o le tagata, o
le vaitaumafa. Ia faafetai atu i le afioga a le alii Minisita
faapea foi ma le alii Palemia mo taumafaiga o loo
taumafai ai nei; ae tau lava ina ou faamanatu atua, e le‟i
taitai ona lava taumafaiga. O lea faatoa tau maua mai se
manuia o lea itumalo i lenei mataupu, tusa nei ua lua nei
vaiaso talu ona faaola le pamu fou lea ua faatuina nei,
ma o lea la ua sau ai nei le suavai. A o lea foi suavai lau
afioga, e faatapulaa foi, e le iloa le taimi, o le taimi ua
sua mai o le taimi ua le sua mai. Ma e afaina uma ai
fuafuaga o tagata ona o se tulaga lea i le vaitaumafa.
O le isi mea lau afioga a le alii Minisita, ia e malie e
le‟i atoatoa ia pitonuu o lo‟u nuu o Lalomanu i le manuia
ua alu atu nei mo lenei vaitaimi. Se‟i alofa ifo, toe avatu
nisi paipa e toe faaauau i isi pitonuu ia o loo le oo i ai lea
manuia ona fiafia lava lea o si nei itumalo. E le gata ai la
i lea, e i ai lava le talitonuga o nei mea o vai pamu, e le
gata ina taugata ae le tumau foi. Ma o lea ua ou faitau
atu i le lipoti a le alii Minisita o Tupe, e i ai le
faamoemoe e faatuina se vaituloto tele i luga i Vaipu ma
Afulilo, ma atonu e mafai ona faasau ai le paipa ma le
vaitaumafa a lenei iitumalo, pe a oo ina faataunuuina lea
atiina a‟e. Ma ua oso anea i foi ma le fesili i lenei
vaitaimi i lau afioga a le alii Palemia ma le aiga
Kapeneta, e matagofie lava le faitau atu i faaupuga ma
tusitusiga, e oso foi le fiafia ma le mimita o le loto. Ae
paga lea, ina ne‟i te‟i na ona tusi ma tatou fiafia ma ou
alu atu i lo‟u itumalo o le a fai lea ma lea, ae uma ane foi
lenei tolu tausaga e leai lava. O le mea lea se‟i malie
lava lau afioga a le alii Minisita, i se taimi o le a e tali
mai, se‟i faamanino mai poo le a tonu le vaitaimi e ono
faataunuu ai nei faamanuiaga i lenei itumalo.
Ona ou soso ifo ai lea i mea tau Eletise. O le mea lava
lea e pogai mai ii le faamoemoe lea o le Malo, ma o le a
tele la i ai sa‟u tautalaga, aua o le a faamoemoe atu il e
tali mai le afioga a le alii Minisita, ona mafai lea ona toe
fai atu o se isi manatu i se taimi o i luma. Ae manaomia
e lenei itumalo e ui lava ina mamao i tua ae manao foi i
le manuia lea e maua i apia o le eletise, vai malulu,
pusaaisa ma ni TV e pei ona ola ai foi tagata o loo soifua
nei i le talafatai o Apia.
O se isi o moomooga ma manatu o lenei itumalo, lau
afioga a le alii Minisita, o le itu lea o se malae vaalele.
Ua matau atu o lea ua i ai le malae vaalele i Salafai, i le
isi itu ma le isi itu. O lea la ua i ai le malae vaalele i lea
itu o Upolu nei, a o lea lava e leai se malae vaalele i le
itu lea i le matamatagi. Ma atonu e tele mea aoga o le a
Saunoaga Faataupou a Sui Usufono 1961-2011
maua ma ni fesoasoani i lenei malae vaalele. E le faapea
o se malae vaalele faava o Malo, ia na o si tamai vaalele
tai pei o Maota e mafai ona o faapea foi ma le
femalagaa‟i o nisi o lenei itumlo e manaomia lea ituaiga
auala.
Lau afioga i le Fofoga o le Fono, na taua e nisi o Sui, o
se tasi o atiina a‟e e tatau ona ave i ai le faamuamua a
lenei Palemene poo le Malo poo le atunuu, o le itu lea i
alo ma fanau i le poto faaonaponei. Ma ou te matua
talitonu ma ioe i lea manatu e pei ona faaalia e nisi o uso
a faipule. Silasila foi lau afioga o lea ua molimauina e
uso a faipule ua ese le suiga ua oo i ai i lenei vaitaimi. E
oo foi i totonu o le Palemene ua fesuiai ua le pei o mea
ua tuanai. Ma e mafua mai nei mea ona o le tele o le
poto fou mai fafo, ua tele foi le atiina a‟e o mafaufau o
alo ma fanau a le atunuu. O i foi a lelei ona aoao le
tamaitiiti, le alo ma le fanau, o le a mautinoa e tatou nei
le mautu o le Mlao Samoa i aso o sau. Na ou manatu ai
lea faapea i lenei lava itumalo, talofa i alo ma fanau a
lenei itumalo. E pei ona taua e nisi o Sui, o faiaoga uma
mai nuu ia i fafo, ma faiaoga o loo iu lelei i aoga a tatou,
o lea lava e nonofo i totonu o Apia. A faapefea aoga ia i
nuu i tua? O lea ou te molimau atu lau afioga i aoga ia e
i lo‟u itumalo, faapea foi le itumalo lea i le Itupa i Lalo.
Poo ai se alo ma se fanau e poto ma atiina a‟e lona
mafaufau e taumafai, o le a le mafai ona atiina a‟e i le itu
lava lea i mea tau faiaoga, aua o faiaoga o lenei itumalo,
e pei ona taua e nisi Sui, ua tele lava i faiaoga na iu ifo
loa i Form IV i vasega ia, toe sau faiaoga atu i lalo i le
Form I ma le Form II, i suega a faiaoga ia, ae leai ni
faiaoga ua iu lelei atu i Malifa, tuu ia nuu i fafo aua e le‟i
oo le matou aoga i se aoga e aumai ai Polofesa mai fafo.
Ma o le mea atonu o faalogo mai le afioga a le alii
Minisita poo se isi foi o le ofisa ma faamaumau ifo se‟i
alofa ifo i nei alo ma fanau ma lo latou manao e taumafai
ina ia avatu ni faiaoga ma siitia ni tulaga.
O le isi la itu lau afioga, e i ai lo‟u manatu faapea ua
tumu naua i aoga maualuluga i Apia ma le talafatai.
Atonu na taua foi e nisi Sui, o aoga maualuluga uma nei
i Apia, e su‟e SC ma le UE; ua matua suegata ni avanoa i
lenei vaitaimi, ma o la‟u matau e muamua lava ave le
avanoa i alo ma fanau i e o aumau i totonu o Apia ona
faatoa tuu atu ai lea o le avnaoa i alo ma fanau mai nuu i
tua, ma alaalafaga tau mamao atu. Ona ou faapea ai lea
lau afioga, pe le‟i tatau ea ona faatuina se isi aoga
maualuga i le itumalo lea o Aleipata, e aofia ai le Itupa i
Luga ma le Itupa i Lalo, o Lepa, faapea ma Lotofaga, e
pei o itumalo ia e fai si tu ese mai le taulaga ma e
taumamao foi. Ma i la‟u suesuega, ua lava ma totoe
tamaiti e iu mai i aoga Maualuluga Tiunia ia e i ai nei, e
mafai ai ona faatumulia se aoga maualuga. E le faapea
lau afioga o le a amata loa, amata i ni vasega, i te‟i ua
faapea mai le Minisita e tele ni tupe e alu ai. Leai o le
manatu, e mafai ona amata malie, a uma mai le F.4 la e i
le Junior High, o le tausaga lea, ona amata lea o le isi
vasega e isi e sosoo atu ai, o le isi tausaga ua faaopoopo
atu i ai le isi vasega, a o lea lava e faasolosolo tamaiti ia
na amata atu i lalo. Ona tuu ai lea o le mea lea e fai e nei
itumalo o le tau asa mai o matua, e tau saili se avanoa i
aoga ia i Apia. Ma o lenei lava aoga e i ai lo‟u manatu e
tatau ona faatu i Lalomanu ona o Lalomanu e tu i le
ogatotonu pe afai e faafitauli mai Lotofaga e tau i le nuu
lea o Tiavea. O moomooga ia, lau afioga i le alii Palemia
ma le aiga Minisita, se‟i fuafua ifo i ai ia fuafuaga a le
Malo faapea nao u taua, o lenei lava mataupu o le a ou
avatua lava i aso uma seiloga lava ua faatinoina.
Ona ou oo ifo lea i lau afioga i le mataupu foi lenei o
loo laga atu e nisi o alii faipule, i le mea lava lenei tau
auala. Ou te manatua ina ua tulai mai se tasi o Sui o nei
itumalo i le tofi Minisita i le tausaga ua te‟a, e i ai ni
manatu faapea o itumalo nei o Aleipata i luga ma lalo,
amuia Aleipata, faafetai o lea ua sao se tatou Sui i totonu
o le aiga Kapeneta. O lea o le a sau uma manuia i le
tatou itumalo, o le a faata le tatou auala, o le a lelei le
mea lea, aua o lea ua i ai Sui o le tatou Itumalo i totonu o
le tatou Kapeneta.
Ua uma nei le tolu tausaga, talofa i moomooga o
Aleipata lea ua a‟e fua le faiva, o la e lava e ala mai i le
pefu, e moe i le pefu. E pei ona taua e isi o faipule i aso
ua tuanai o lenei itumalo, ia o lenei lava e fai lenei mea o
le pefu, ma ua faateteleina nei le pefu aua foi o lea ua
tele taavale ua toe ui atu ai i o. Maumau pe ana ave ifo
se isi o le aiga Minisita se‟i malolo tasi i se laoa poo se
maota lea e tu auala i le itu mai lea i totonu. Na o le 15
minute ae ou te fai atu ua sinā lona ao. Aisea? Ona o le
malosi o le pefu. Ia ou te le ma iloa, e le o au o se fomai
lau afioga i le alii Minisita, pe alu alu nei mafua mai i
lenei pefu se faama‟i tele, ona aafia ai lea o lenei
itumalo. O le mea lea lau afioga a le alii Minisita, sa ou
toe mafaufau laitiiti lva, pe aisea ua le faataina ai, ma le
faataunuuina nei moomooga o lenei itumalo. Ona ou
faapea lea, amuia Salafai, o la toeitiiti soo ona faata uma
auala, o lumafale uma o alaalafaga la ua faata. Amuia le
itu lea i Aana ma Safata, o la foi ua soo le ta. Amuia
Falealili, a la ua tau le ta i Salani toe sopo i le isi itu i
Matatufu. Ia a alu atu i le itu i Ma‟a, ia o lea ua tau i
Falefa. Ona ou faapea lea, ai la o le mafuaaga lea ua ala
ai ona le faataina Aleipata. Leai ua le manatu faapito le
Minisita i lona itumalo, a ua ave faamuamua le faamalo i
nisi itumalo ina nei faitioina ia.
O le mea lea lau afioga a le alii Minisita, i lenei tausaga
o le a sau, ia e tagai ifo ma avane le faamuamua i le itu
lea o Aleipata aua e pei ona ou taua, ona pau lea o si fasi
itu lea e le‟i oo atu i ai le manuia. Mao u te faafetai atu,
o lea ou te tilotilo atu i le Tala Faatatau o le Tupe, o loo i
ai se $60,000 mo le faataina o auala i Upolu; masalo ai o
le fuafuaga lea aua o le fasi auala lea e le tele, e uma
lelei lava i le $60,000 lea.
Ou te fia faafetaia foi le Malo o Niu Sil amo le falemai
tele lea ua fausia nei i Aleipata i Lalomanu. E matagofie
le falemai i ona totoga i totonu i mea o lo o i ai nei. Ae
paga lea, e aumā le manaia ma le matagofie o le falemai
pe a le mafai ona faataunuuina le tiute e ala ai ona
fausia? Ua uma ona tatala aloaia le falemai, ua atoa le
afa tausaga talu ona mae‟a, ae na o le teine pasi e toatasi,
le teine o lo o latou faatinoina lea faamoemoe. E leai se
Saunoaga Faataupou a Sui Usufono 1961-2011
fomai o i ai, o le fomai e tau savali atu e pei ona taua e
se isi Sui, e usu atu i le taavale ona asiasi atu lea, ona toe
foi mai lava lea i le aso e tasi. A oso la se ma‟i pe tupu
se faalavelave, e aafia ai foi au aua ua i ai nisi o gasegase
ua ou momoli maia i Apia poo le 12 i le po e tili atu ai se
ma‟i e le mafai ona ou taofia. E le tóatele foi nisi e i ai ni
auala e mafai ona aumai ai se gasegase i Apia. Ma e le
faatasi foi pe faalua ona ou faia lea galuega ia ae ou te
talitonu o le tiute lea o le falemai na ala ai ona faatino.
Ma e pei foi ona ou tau maua, e i ai se taavale faapitoa a
lenei falemai, ae ou te le iloa la poo fea o i ai, aua e le
tumau se fomai, e le tumau se taavale; ae a tupu la se
faalavelave ona feosofai lea o nai tamalii ma failauga o
lenei itumalo e tau saili se fofo o lenei faafitauli e aumai
ai i Apia i le mea e i ai fomai.
O le mea lea lau afioga, faafetai o la ua ou vaai ua toe
amata o le falemai i nisi ona faaopoopoga. Malie lau
afioga i le alii Palemia ma le aiga Minisita ia alu faatasi
lava le fausia o le falemai ma le avatuu o se fomai, ona
mautinoa lea o le a maua le autu na ala ai ona faatuina
lea falemai.
Ona pau lea o nai mea sa ou mafaufau atu i lenei taimi
mo lo‟u lava itumalo, ma ae ou te le‟i tulai i luga, sa ou
tau mafaufau pe tatau ona ou tu pe leai, aua ua matau atu
ua lava ma totoe saunoaga i le Maota lenei i le Tala o le
Tupe ma mea o loo aliali mai ai. Ia ua i lumamea foi le
saunoaga a le alii Palemia e aua ne‟i toe avatua ni mea
ua uma ona taua e nisi Sui. Ona ou faapea lea, leai e
tatau pea ona avatu mea o loo manaomia lava e lo‟u
itumalo, e le toe mamao foi le isi tolu tausaga, o lea e ala
ai ona ou tulai atu.
O le a ou le toe taua la le tele o mea na laga e nisi Sui, e
pei ona talosaga mai le alii Palemia, ma atonu e toe i ai
se taimi, pe a tali mai foi afioga a alii Minisita ma toe
laga mataupu ona faaali lea o se manatu ae ou te
lagolagoina tele mea n alaga e Sui nei. Ma e i ai se taimi
ona oo atu lea i ai o so‟u manatu, a o le taimi lenei, o le a
faasaoina lava le taimi o le a ou le toe oo atu i ai.
Ma e i ai mea tau asa taua e Sui mamalu ia Faasoo
faapea foi le Sui ia Ron Berking le afioga ia Nonumalo
Faiga ma Pule Lameko. O i latou ia na taua e le Punefu,
o polofesa o mea tau tupe ma o le a le toe oo atu so‟u
manatu i mea na latou faaalia. Ae ou te matua
lagolagoina ma lo‟u talitonuga, e i ai se taimi ona faaoo
lea i ai so‟u leo ma so‟u taofi pe a toe laga ia mea. Ae
se‟i fai atu lava si o‟u manatu puupuu lau afioga i le Tala
Faatatau o le Tupe. E le umi foi aua o lea ua ou fai atu,
ou te le laga ni mea ua taua e nisi Sui vagana ai mea e le
mafai ona ou tuua, mea silisili ona taua i lo‟u lava taofi.
Ou te faafetai i le afioga a le Minisita o Tupe, lau
afioga i le Fofoga o le Fono, mo le lauga ma saunoaga
ma tagofia ma le lelei ona faatinoina e pei ona tauaveina
nei e le Maota. Ma a ou faitau atu ai i le lauga a le alii
Minisita, e matagofie ma e foliga mai, le matua mitamita
o le afioga a le alii Minisita i le tuuina mai o ana lipoti
ma le Tala Faatatau o le Tupe, ma le tautino mai i le
atunuu, o lenei ua matua lelei a tatou atiina a‟e. Silasila
foi i le tele o le siitaga o tupe i le tausaga lea o le a sau.
O lea ua sii atu mai lalo, sii atu i le $60miliona, ma
peiseai i la‟u lava faitau, o le agaga lea o le afioga a le
Minisita, ta‟u mai ai le 100% o loo i ai nei le atunuu,
faapea foi ma ona faamoemoega mo le lumanai.
Faafetai lava i le afioga i le Fofoga o le Fono faapea
uso a faipule mo le faaopoopoina o lo‟u taimi.
E pei ona ou fai atu, ua matagofie le Tala o le Tupe ua
tuuina mai ma le fuafuaga a le alii Minisita, e pei lava
ona faaalia mai i lana saunoaga. Ma ae ou te le‟i tautala i
nisi o mataupu, e i ai ni a‟u fesili laiti ia e fia tuuina atu i
le taimi nei. O le fesili muamua, o loo i ai i le Tala o le
Tupe a le Ofisa o Tupe i le faaiuina i le masina e 6 i le
1978 e pei ona tauaaoina nei e le Maota, se faaupuga
faapea i lalo o Tupe Totogi Faatulafonoina, o tului mo
tupe teu e $23,743. Ma ou te fia fesili atu ai i le afioga a
le alii Minisita, se‟i aumai se faamalamalamaga i se
taimi o i luma, poo a tului ma tupe teu faatasi ai ma le
faatagaina o ia tupe teu ua i ai? E fia foi ni tului ua maua
mai e le Malo i le faafaigaluegaina o tupe tului ia? Pe
mafai la ona maua mai ia faamaumauga laia, faatasi ai
ma le aofaiga i le taimi lenei?
O le fesili loan lua lau afioga a le Fofoga o le Fono, o le
faasolosologa o faaunegatupe a le Malo e pei ona i ai i le
saujnoaga a le afioga i le alii Minisita, e pei e tau matau
atu o loo faagata ona faatinoina ia mea ia i se vaitaimi o
le 1978 poo se vaitaimi foi o le 1979. O la‟u fesili la lau
afioga a le alii Minisita, pe na ona pau ia o nonogatupe a
le Malo? Pe mafai ona tuuina mai se lisi atoatoa o
nogatupe a le Malo ma tupe totogi, e tatau ona fai? Afai
foi ua sui se fua faatatau o le lauiliuina o tupe pe mafai
ona faaliliu uma mai i tau o tupe i aso nei ma tuuina mai
i le Maota se‟i tau mai lava i se taimi lata mai o le
tausaga nei.
O le isi lea a‟u fesili lau afioga pe mafai ona tuuina mai
i le fonotaga i se taimi o i luma, le aofai o tupe faaagaaga
a le Malo o loo i ai i le masina lava lenei? Pe fia se tatou
paleni o tupe faasao i fafo o loo i ai i le masina lenei o
Tesema? Afai foi ua fai si vave o Tesema, ia poo le
faaiuga o Novema. E le o toe tele ni a‟u fesili lau afioga
a le Fofoga o le Fono.
O le fesili lenei faatatau i le itu o le faaitiitia o le aoga o
le tupe lea sa fai i le tausaga nei. E finagalo malie lau
afioga a le alii Minisita, ae tuuina mai se faamatalaga
auiliili i mafuaaga na ala ai ona faaitiitia le tala Samoa.
Aua atonu sa i ai ni fetusiaiga ma ni auiliiliga o tupe e
ono faaalu ma le ono aafia o le Malo.
O le Komiti lea o le Popo lau afioga a le Fofoga o le
Fono e pei ona taua e nisi Sui. Ou te le iloa pe moni, ae
sa saua foi i le faalogo i se taimi lata mai nei, e faapea e
tele se gau o le falepopo poo le Komiti o le Popo i le
tausaga lea ua te‟a, ia faapea foi ma le tausaga nei, ona o
le le lelei o le vaaiga o fefaatauaiga. O lea la ou te fia
fesili atu ai i lau afioga a le alii Minisita, pe mafai ona
aumai se faamatalaga o le mea lea. Pe faamaonia lea tala
sa i ai se pa‟ū o le popo i le tausaga ua alu, i le mea foi
lea o le mimini. Pe fia se mimini o le popo i le tausaga
ua alu, ia fapea foi ma le tausaga nei? Ua ala ona ou
fesili ona e faapea tonu e maua a se miliona tala ua le
Saunoaga Faataupou a Sui Usufono 1961-2011
maua a le Malo ona o le itu lea o le mimini o le popo i le
tausaga lea ua tuanai. O le mea lea e atugalu i ai le loto,
afai e faamaonia lea itu ia a $1miliona o le matua tupe
tele lea tupe e faalagolago i ai le Malo i ana galuega.
Lau afioga a le Fofoga o le Fono, o loo i ai foi se
tulafono sa pasia faanatinati i le tausaga ua tuanai, e ave
ai le aia poo le paoa i le afioga a le alii Minisita, o Tupe.
Ma e mafua ona ou taua lenei mea, ona o lea foi e tatou
te faafeagai nei ma se isi o Tulafono, e tuu atu ai le
avanoa poo le paoa i le Minisita e faagaoioi ai e ia mea
ia. O le tulafono lea i mea tau lafoga, a pasia isi tulafono
e mafai ai ona fesuiai e le afioga i le alii Minisita, ma
faataatia ese ia lafoga a kamupani poo ni tagata e aumaia
ia tupe mai fafo mo le atiina a‟e o le Malo. O le a i ai i le
afioga a le alii Minisita le aia e faataatia ese ai le
totogiina o lafoga. O le mea la ua ala ai ona ou taua lea
mea lau afioga ona o le manumanu lava o lo‟u loto, aua
e pei o le mea lea e i ai nei, e taua foi i le faalogo, e ono
atagia ai le faamaoni o le afioga i le alii Minisita. Ma
afai e tali mai le afioga i le alii Minisita ma tuuina mai ia
lisi o kamupani uma, ua tuuina i ai lea faamanuiaga,
faatasi ai ma le auala na ala ai ona tuuina i ai, ona mafai
ai lea ona foia lea faafitauli e ono aliali mai, na i lo le
soona masalomia ai fua se tasi o alii faipule, poo se
afioga foi i se alii Minisita. O se tali foi o le fesili lea, o
le a aafia ai la‟u ioe pe leai i le mataupu lea e pei ona
tuuuina mai i le talosaga i le Tulafono lea o loo i ai nei,
mo le nonoina o tupe i fafo. O le fesili atu lea ma le
faaaloalo lava.
Lau afioga a le Fofoga o le Fono, o le Tala Faatatau o
le Tupe e pei ona taatia nei i luga o le Laulau a Fono a le
Palemene. Ou te faaupuina faapea, e matua leai se
vaifofo mo le manuia poo le foia o faafitauli a le atunuu i
le tausaga a sau ma le lumanai, o loo faatataia mai ai i le
Tala o le Tupe lea. Ma ua ou manatua i lenei taimi lau
afioga a le Fofoga o le Fono, le saunoaga a le afioga i le
alii Palemia i le 1976, ina ua faatoa pale mai i le tofi
Palemia. Ae se‟i ou faitauina atu e faamanatu atu i le
mamalu o Sui usufono, ia faapea foi le aiga Kapeneta. O
se tasi o fuaitau o lea saunoaga matagofie lau afioga a le
Fofoga o le Fono, sa faapea ai le afioga i le alii Palemia,
aua ne‟i faitau lau afioga Tamasese faapea ai le afioga i
le alii Palemia, aua ne‟i faitau lau afioga Tamasese o
lenei palota e faamaonia ai ua fulitua Samoa i Tama a
Aiga, o ua faatuatuanai i le mea uliuli o ona fofoga. Ia
faaupu ia i se faaupuga faigofie, ua sailia e Samoa se
fofo o ona faafitauli.” O se tasi o fiatau e faapea – “O le
tofa e tausi ai samoa e le o se tofa lima tusitusi, poo se
tofa saua, poo se tofa e tau faaleaga pe tau faifai. O le
tofa e faamagalo, o le tofa e alofa, o le tofa e faamaoni.”
Lau afioga a le Fofoga o le Fono o se tasi lena o fuaitau
mai se saunoaga matagofie a le afioga i le alii Palemia i
le 1976. Ma atonu sa faitau le atunuu i lea vaitaimi,
faafetai ua tulai mai ia Tupuola Efi. Ma atonu sa faitau le
atunuu i lea vaitaimi, faafetai ua tulai mai ia Tupuola Efi
e sui mai se Palemia, o le a manuia Samoa ma foia
faafitauli a le atunuu e pei ona taua i lana saunoaga
matagofie. O le fesili la lau afioga a le Fofoga o le Fono,
pe ua foia faafitauli a le atunuu? Po ua i ai se vaifofo o
faafitauli a le atunuu?
Ia lau afioga i le Fofoga o le Fono, ou te le toe tau
tolaulau atu ina ia taofi ma faitioga ua uma ona tuuina
atu e Sui mamalu, o lena ua i lumamea finagalo o Sui a
faipule. E tau matau atu o le tele o ia faitioga, e faitio
lava agai i le lē lelei o le pulega o le Malo mai lea tolu
tausaga ua tuanai. Ma o le mea muamua la e pei ona
taatia nei i le Tala Faatatau o le Tupe lea ua i luma o le
Laulau a Fono, ua faatagisia ai le tolu ma ona tupu
miliona e le afioga i le alii Palemia ma le aiga Minisita,
mo le tausaga e 1979. Lau afioga a le Fofoga o le Fono,
ua matau atu toe tolu nei vaiaso, ona faaiuina lea o le
tausaga e 1979. Ma o le mea la e popole i ai ma atugalu i
ai lo‟u taofi, o lea ua uma le tausaga – toe tolu vaiaso
ona faaiuina lea o le tausaga 1979, a o lea ua taatia nei le
talosaga mo le $3miliona mo le 1979. Ia ailoga e
faaaluina i le tolu vaiaso lea tupe. O le isi mea lau afioga
a le Foofga o le Fono, e leai se afaina o le Malo, leai se
afaina o le atunuu, pe afai tatou te faataatia ese le
$3miliona lea, aua ne‟i faia i ai se tatou fuafuaga. Aisea?
Lau afioga a le Fofoga o le Fono, ua tele saunoaga a le
Maota lenei, e faatatau lava i le mataupu lea, i le soli
faavae o le Malo. O le faaaogaina o tupe ua sili atu ma le
mea o loo faatagaina e le maota lenei. Peiseai o le a
tauaveina e le Palemia ma le Kapeneta le aia a le Maota
lenei, ua uma ona tuuina atu.
Silasila lau afioga a le Fofoga o le Fono, o loo manino
le faavae, 1% e mafai ona sili atu ai le faaaogaina. E le‟i
fauina lea e faatatau i o outou tuaā sa latou fausiaina le
Faavae, aua foi sa silafia lava e ē na fausia le Faavae. A
fuafuaina le Tala o le Tupe i le amataga o le tausaga mo
le isi tausaga, o mea uma lava e tatau ona faaaluina ma
le faatupeina, ma le aofai e alu ai, o lea o le a tuu i
totonu o le Tala o le Tupe. Ona faapea lea o se isi
manatu ina ia mafai ona gaoioi pea le Malo, toe tuu la i
ai ma se isi avanoa, ina ne‟i te‟i ua siitia le tau o mea,
tuuu la i ai le 1%. A uma le 1% lena, ona pau ai lea e le
toe sili atu. O le faatagaina lena o le Malo, lea e i totonu
o le Faavae lau afioga a le Fofoga o le Fono. Ma ou te le
toe fia tautala tele foi i ai i le mataupu lea, aua ua matua
lava ma totoe saunoaga ua aafia ai le mataupu lea. Pau
lava le mea lea ou te atugalu ai lau afioga o lea ua taatia
mai nei le manao o le Palemia ma le Kapeneta mo le
$3miliona mo le 1979. O lea ua manino mai i le Faavae
e solitulafono le Malo i le faaaogaina o tupe. O le fesili
la poo le manatu la o le Kapeneta, le afioga i le alii
Palemia, ia solitulafono uma atu ai ma le 47 o Sui
usufono o le Maota lenei? Aua o le mea lea e tupu pe a
tatou pasia nei le Tala Faatatau lenei o le Tupe, ua tatou
solitulafono faatasi uma lava ma le aiga Minisita i le
faaaogaina o tupe nei. O le mea lea lau afioga a le
Fofoga o le Fono, o lo‟u lava Sui ou te le talia le Tala
Faatatau lenei o le Tupe mo le tausaga 1979, ona o
tulaga ia, ina ne‟i te‟i ua faapea mai o le a afaina ai le
atunuu. O lea ua ou fai atu, e le afaina a lea ua uma ona
faaalu o lea ua toe tolu vaiaso. A leai se mea e faia i le
pili lea, e leai se afaina o le atunuu, o lea lava o loo alu
Saunoaga Faataupou a Sui Usufono 1961-2011
pea. Ia solitulafono pea na o le Palemia ma le aiga
Minisita ae mama le tóatele o Sui mamalu o le Fono
lenei.
Lau afioga a le Fofoga o le Fono, e pei ona ona ou
faitauina le saunoaga a le afioga i le alii Palemia i le
1976 – “ua sailia e Samoa se fofo o ana faafitauli.” O le
fesili la i le taimi lenei lau afioga a le Fofoga o le Fono,
po ua faataunuuina le fofo o faafitauli lea pe leai? O la‟u
tali i ai, e leai. Ia silasila lau afioga i le afioaga i tu ama
alaalafaga i tua. O lea ua molimau le tele o faipule, ua oi
le atunuu, ua mafatia le atunuu, o loo alu pea i luga le
tau o le soifuaga. O lea foi ua toe aumai i le fuafuaga a le
alii Minisita e 16% le siitia o le tau o le soifuaga lea e
fuafuaina i totonu o le Tala Faatatau o le Tupe mo le
1980. O lona uiga, e leai se fofo o se faafitauli o aumaia
i totonu o le Tala o le Tupe lenei. E na o le faaopoopo o
le avega. E pei ona taua foi e nisi Sui o fuafuaga a le
Malo, ia siitia tiute o penisini ma suauu. Ia o lena ua uma
ona fautua atu o nisi o uso a faipule, e saogalemu lava le
faipisinisi ia o loo ona aumaia le penisini ma le suauu, ae
tietie le mamafa i le lautele o le atunuu, o ē e
femalagaa‟i i pasi ma taavale afi ma vaa ma mea
faapena, aua o latou na o le a pa‟ū i ai le mamafa o le
siitaga lenei. O le fuafuaga a le Malo lau afioga e malie
lava i faaupuga e malie e faitau atu, e faaopoopo mai lea
fuainumera e lapoa, faaopoopo mai lea mea e matagofie.
A tatou tuu mai la i le faatinoina, ia e le o lelei ona
faatino. E tele ni saunoaga a uso a faipule i le lē lelei ona
faatino o lea mea ma lea mea. O le atiina a‟e i nuu i tua,
o lo‟u lava talitonuga, atonu o le mea foi lea na ala ai
ona taumafai lea mea, ina ia taumafai e atiina a‟e ia
faatoaga ma nuu i tua, ma faaleleia ia tatou tupe i fafo,
aua fefaatauaiga.
Lau afioga i le Fofoga o le Fono, afai o le tulaga lea, ia
ou te ioe foi i ai. E tatau ona ave le faamuamua i
faifaatoaga ma alaalafaga i tu ama atiina a‟e uma, e
mafai ai ona faaleleia ia le tatou tupe i fafo. Ia se‟i ou
faatepa lau afioga a le Fofoga o le Fono i mea ia tau talo,
e pei ona taua e nisi o Sui o le Fono. E uma vave lava le
fiafia o faifaatoaga i tua, pe a vaai atu i le maumaga ua
pala, tulou, ona oso ai loa lea ma le musu ua le toe
faagaoioia le maumaga. Ae faapefea la le mea lea? O i ai
se atiina a‟e a le Malo poo se fuafuaga a le Malo, ina ia
foia ai le itu lea? Atonu o loo i ai, a o lo‟u lava taofi, e le
lava.
Ia silasila lau afioga, o lea ua faatu mai nei le Esetete
Tausi o se kamupani poo se faalapotopotoga malosi i le
mea tau tupe. O lea foi ua o atu e toto le talo ma le fa‟i,
ma la‟u le talo i fafo. Ae peiseai o le faamatalaga a le
Ofisa lea, masalo pe tai maua lava le afa o pusa talo i le
masina i le vaa e tasi, e aveina e le Esetete Tausi. E pei
ona taua e nisi Sui, a alu atu le tufaina o pusa i le vaiaso
lenei a manao i le 30 e avatu, ia ua 5, ia ona galo mai ai
lea. A toe fesili mai i ai e malilie o la e faasolo atu i o,
se‟i foi mai o i le itu lea o Aana, ona faatoa oo mai lea
iinei. E uma lava le tausaga e le‟i toe foi atu le
tufatufaina o pusa ia, poo le fuafuaga ii i le itumalo lea o
matou. Ia o le taimi la lea ua uma foi le fia fai pusa talo o
le atunuu, o lenei itumalo. Ae tasi lea o atiina a‟e o lea e
vaai atu pea, o loo tele le faamanuiaga ma o loo alualu
pea i luma le faamanuiaga lea o loo maua mai ai. Sao u
faalogo foi i se tala talu ai nei, i le Malo lea o le Atu
Kuki ua la‟u a latou talo i Amerika. O le mea la lea e
faafesili atu ai foi i le Malo, po ua i ai ni a latou
fuafuaga, po ua latou fuafuaina nisi o maketi e faatatau
lava mo talo.
Lau afioga a le Fofoga o le Fono, o le talo lava, o le
popo, i ama le fa‟i i nisi o alaalafaga o loo maua ai o loo
faatuatua i ai nuu i tua. Ae pei o loo mafuli lava ia
alaalafaga i nuu i tua i mea tau tupe i mea e maua mai
talo ma le popo. Aua a maua e le faifaatoaga i nuu i tua
le pusa e tasi i le vaiaso, ua maua ai lana $7. Lau afoga
ma le mamalu o le Fono o se matua tupe tele lava lena i
tagata i alaalafaga i tua. O le mea lea e faapea atu ai lau
afioga i le alii Minisita, se‟i fai se fuafuaga i le itu lea.
Pe taofia le Esetete Tausi mai le latou totoina, ae tuu
uma mai pusa e faasoasoa e le Ofisa lea o fefaatauaiga, o
loo latou tau faasoasoa ia nai tamai pusa ia o loo avanoa.
O le koko ma le popo lau afioga a le Fofoga o le Fono,
tasi ia o atiina a‟e e tatau ona ave i ai le faamuamua a le
Malo. Ma e aafia tele lenei atiina a‟e pe afai e le lelei le
tau o le popo, e le lelei le tau o le koko. Ona faapea ai
lea o se manatu, poo le a le mea e le faia ai e le Malo se
fuafuaga, ina ia siisii ma faaleleia le tau o le popo ma le
koko, e faafiafia pea le tagata i nuu i tua, e ao mai le
popo, aua o lea o le a lava le seleni e maua ai. Afai e le
lava tupe e maua mai i le popo lava ia, ia ae pe tai maua
ea le miliona o fesoasoani ia e tuuina mai i atiina a‟e i
nuu i tua lea e faameaalofa mai fafo. Ia atonu lava e
mafai ona faasee ifo se vaega o lena tupe tele, e
subsidize ai ia mea ia, faatasi ai ma mea o vailaau ma
mea uma ia e pei ona taua e nisi o Sui.
Lau afioga a le Fofoga o le Fono, e le toe umi foi se
manatu. Peiseai o le agaga lea ou te tau avatuina o se
agaga e faaali atu ai le le lava o fuafuaga a le Malo, ina
ia manuia ia tagata i tua, manuia le aveina atu o fua o
faatoaga i fafo, ona manuia lea o le atunuu i ana tupe e
faaalu ma tupe faaagaaga i nuu i fafo, lea o la‟u mai ai ia
mea mai fafo o loo ola ai le atunuu. Ma o le fesili lau
afioga a le Fofoga o le Fono, o loo fesili ai pea le atunuu
i lenei vaitaimi, pe i ai se vaifofo o nei faafitauli o loo i
ai i le siitia o tau o oloa, siitia o le tau o le soifuaga, ae le
siitia totogi o tagata faigaluega? E le o lava le faasoasoa
a nai uso faigaluega, o loo maualalo o latou totogi. O le
mea la o loo tulimatai mai nei e latou, pe maua se fofo o
lenei faafitauli i totonu o le fonotaga lenei a le Palemene.
Lau afioga, sa i ai ni atugaluga o nisi o sui faapea, tatou
te fiu a tatou e avatu nei mau fautuaga ma nei mau
timaiga i le Kapeneta, e leai se mea e mafai ona faatino,
aua o lea ua uma ona fuafua le Tala o le Tupe mo le
tausaga lea e 1980. Ae o le mea moni lau afioga, o lea e i
ai le fofo o le faafitauli lea i totonu. O lea e i ai e pei ona
taua e nisi Sui, tuu i lalo le tiute o meataumafa, mea ia o
loo faaaogaina e aiga taitasi, atonu o loo tele i ai le
faaaogaina ma le manaomia. Tuu i lalo le tiute o penisini
ma mea ia, ina ia taugofie le femalagaaiga a le atunuu.
Saunoaga Faataupou a Sui Usufono 1961-2011
Tuu i luga ia tuusaunoaga o mea ia o lafoga i le $1,000,
ina ia lava se tupe e tua i ai ia tagata faigaluega.
Lau afigoa o lea la e umia nei i totonu o le Maota lenei
ia fofo o nei faafitauli. O lea e i totonu o le 47 o Sui
mamalu o le Maota lenei le foia o le oi ma le pagatia o le
atunuu, i le tausaga lea o le a sau. E faapefea la ona foia
ia le faafitauli lea lau afioga a le Fofoga o le Fono? Ona
pau lenei o le avanoa e mafai ai ona tatou toe faafoi ia le
tusi lea i le afioga a le alii Palemia ma le aiga Kapeneta,
e toe fausia mai. Ia toe fausia mai le Tala lenei o le Tupe
i luga o fautuaga a le Fale, e toe tuuina mai tuu i lalo le
tiute ma mea uma nei e fautua atu ai le Maota, sii
letotogi o tagata faigaluega ma mea uma faapena, e pei
ona fautuaina, ona toe tuu mai lea i totonu o le Palemene
lenei. A tatou faia le tulaga lea lau afioga a le Fofoga o
le Fono, ia o lena ua ou fai atu. O le manuia ma le foia o
le oi o le atunuu, o lena e i aao o le 47 o Sui mamalu o le
Maota lenei.
Lau afioga a le Fofoga o le Fono, ona pau lea o nai
manatu o le a tuuina atu i le mamalu o le Palemene. Mao
u te lagolagoina uma lava ia mataupu e pei ona laga e
nisi o Sui. Ia ma lo‟u talitonuga o le a tatou faia se mea e
sili ona lelei, ina ia foia ai le oi ma le pagatia o le atunuu.
Ia faafetai atu i lau afioga a le Fofoga o le Fono e tusa o
le avanoa. Ia maua e lau afioga se Kerisimasi fiafia ma
se Tausaga Fou manuia. Ia faapea foi le aiga Minisita, i
ama le mamalu o uso a faipule. Manuia le tatou Fono.
Afioga Hon TAUAANAE FATU
Itumalo Faaalaalafaga:
Gagaifomauga Nu.3
Filifilia:
9 Mati 1979
Faatauto:
28 Mati 1979
Lauga Faataupou:
11 Tesema 1979
Ou te manatu ua uma ona
vae lago le vaa o Samoa, ua
atoa le vaiaso ua te‟a ma ua toe oo mai foi i lenei vaiaso,
ua malie foi taliga e faalogo, ua malie foi mata e vaai i
uiga faa-Tupu ma uiga faa-Tamalii. Se‟i ta‟u atu
muamua upu ia poo se fesili e fai ma matua i ni nai o‟u
mafaufauga i lenei vaega o totoe o le aso.
O la‟u fesili muamua, o se fesili aupito itiiti lava e
faapea, “O ai na faia oe?” O le tali tatou te iloa uma, na
faia e le Atua. O le fesili lea mai le Tusi Paia ou te fia
faaaoga e avea ma autu ma faavae o upu uma ou te fia
fesoasoani ai i le Malo.
O lona lua o a‟u upu, o upu faa-tatou. E mālū lou Nofoa
o lo‟o e afio ai nei? O le a lau faalogo i lou saofa‟i i lou
Nofoa, e mālū? O le tali, e lelei, ae tasi le mea ou te le
iloa le tau. Manaia le ti‟eti‟e i le Nofoa, a‟o le
faalavelave ou te le iloa le tau.
Sei o‟u taumafai e faamatala upu ua fai ma autu o la‟u
tautalaga poo se autu e ave ai sa‟u fautuaga i le Palemia
ma le Kapeneta ma i latou o lo‟o faafoeina le Malo i
lenei vaitaimi. O ai na faia oe? O matua uma lava o
Samoa e tautala loa le tamaitiiti, e tasi lava le upu a
matua, o ai na faia oe? Vagana ni matua o i Samoa e le o
ni Samoa, ona latou faaaogaina lea o nisi upu i fanau.
A‟o le mea lava e ta‟u o le Samoa moni, o le galuega
matua lava lenei e fai. Poo nei matua na aooga pe e le‟i
aooga, ae iloa lava fai le upu lea i fanau, o ai na faia oe?
Mafaufau, ina ne‟i te‟i ua avea lea upu ma upu tuu
faasolo po‟o se muagagana faa-Samoa i matua Samoa
lava latou. O le a le oo sa‟u upu i le isi vaega, ae vagana
le mea lava e ta‟u o le Samoa. Aisea? E tuu muamua e
matua le faavae poo le fatu i le agaga o le tamaitiiti. O le
mea lea e tutupu a‟e ai Samoa ma avea o se Atunuu
Kerisiano, aua o le fatu ua uma ona tuu i fanau i lo latou
tuputupu a‟e. E ui lava la ina tutupu a‟e fanau pe manuia
pe leai, ae ua tele fanau ua le manuia ma le lelei ona ua
le mafai e matua ona tauave lona mafaufau. Ae tasi o le
mea, ua iloa lava e le tamaitiiti le Atua, ua fai ma faavae
ia te ia ma lona olaga. E ui ina leaga le fanau i ni aso, ae
e silafia lava le Atua - fanau ia a Samoa. E leitioa o lenei
fesili e matua itiiti tele lona faaupuga, a‟o lona aoga e
aofia ai le lalolagi atoa faatasi ma e o lo‟o nonofo ai.
E leai la se tasi o tatou o i inei e sii mai lona lima ma
faapea mai e le aafia i lenei fesili, aua e ese le itiiti o le
fesili ae ese le malosi. E pule i le lalolagi atoa, pule i le
tagata ma e o nonofo ai ma e malosi tele ae itiiti le upu.
Ona ou faapea lea, e leitioa filifili e o tatou tuaa ua
taatitia mai tuugamau ina ia avea le Atua ma Faavae o le
Malo o Samoa. E ofo lava pe a tatou mafaufau loloto, e
leitioa filifili isi ia avea le Atua ma Faavae o Samoa.
Ona o le a? Ona o le malosi tele o lenei upu. E malu lou
Nofoa? E malu ae leiloa lona tau. Samoa, su‟e le tau o
lou nofoa pe se nofoa taugata o lo‟o e alaala ai, pe se
nofoa taugofie o lo‟o e alaala ai nei, pe lelei, pe leaga.
Sue nei e oe le tau o lou nofoa. O le a oo mai le taimi ma
le aso e te tulai mai ai i luga ma faapea mai i le Fofoga
Fetalai, o le tau lea o lo‟u nofoa. E te le mafai ona e
aloese mai le tau o lou nofoa.
Ua uma nei ona faafofoga le mamalu ma le Maota paia
o Samoa i saunoaga, i tofa alualu mamao ma le utaga
loloto a lea Tamalii ma lea Tamalii o le Atunuu lenei o
Samoa. Ua e malamalama ma mautinoa le mea ua i ai
Samoa. E leai se mea o toe pogisa i lau vaai. Ou te
molimau atu, faato‟a ou iloa lea ua fai se Palemene i
Samoa, lenei, afua i lea. E leai se pa‟usisi e tasi i tusi na
tuuina mai e le Malo e le‟i oo i ai suesuega a sui
usufono. Samoa, o lou Malo, galue.
I le tausaga ua mavae na ona oo mai lava ma toe mavae
atu, ae e le‟i taitai oo se faitau i le isi tulimanu, e le‟i
taitai iloa poo fea ua oo i ai le Malo. O lenei, Samoa ua
manino ma malamalama le mea ua oo i ai le Malo. E tasi
le mea, ua ou faatalitali nei i le tau o lo‟u nofoa. Afai e te
manao e ola Samoa, faaali mai le tau o lou nofoa, afai e
moni lou alofa ia Samoa, faaali mai le tau o lou nofoa. O
lea a oo mai ai le taimi ma le aso, e te le „alo ai. Fai lau
filifiliga, sausaunoa ma le faamaoni e pei ona ou fai atu,
o ai ea na faia oe? O le Atua. Tatou te le pepeloa i lo
tatou Tupu o i le Lagi i a tatou upu. Ana fai tatou te o
Saunoaga Faataupou a Sui Usufono 1961-2011
gatasi i a tatou upu ma le finagalo o le Atua, ailoga e i ai
se mea e tupu i le Malo o Samoa? O le faalavelave, e
faavae i le Atua Samoa, fai tatou o, tuu le Atua i le fale,
fai tatou o i fafo. Ou te manatu, o i ina ua i ai se
faaletonu, ona pau lea. Samoa, ua sausaunoa ma fetalai
le tofa alualu mamao ma le utaga loloto, e ui ina ua le
afio mai le Afioga i le Palemia, ae leai, faatonu mai pea.
O a‟u o se tagata ua tumu i le alofa, e moni lo‟u alofa i le
Atunuu.
Lau Afioga i le Fofoga Fetalai ma le mamalu o le
Maota, i ona tulaga masani e leai lava se vave na te
fetuuna‟i upu o Samoa. Samoa, ua uma ona tofi, o le
tagata ma lana galuega, o le tagata ma lana mea e fai. E
le mafai lava e se isi ona toe tuu se isi maa i luga o le
Faavae o Samoa. E leai foi se tasi e toe tusitusi lima aua
foi ua soo le pale i Aiga, Aiga-lua, Aiga i tua, o lena na
tuu ia Pule ma Tumua, puipui, o le galuega lea a Pule ma
Tumua. Puipui Aiga, ia malu Aiga, o le mamalu lena o le
Maota. O le mamalu lena o loo afifio ai nei i Tiafau‟ o le
mamalu lenei ua aofia nei i Tiafau, lea e pule e Pule ma
Tumua. Ia faauta, o le malae o le faautugatagi a Samoa.
Ia faauta o le malae ua uma ai loimata o Samoa na leiloa;
ia faauta, le malae o loo tanumia ai le anoafale o o tatou
tuaa, lea ua tuu mai i tua. Na mafua ai ona maua lea mea
e ta‟u o le Minisita, maua ai le Fofoga Fetalai ma mafua
ai ona maua le Palemia.
E te manatu la Samoa, o tatou tuaa lea e taatitia mai tia
e vaivai? O le a lau faatatau? Na faapefea ona e saofa‟i i
lou nofoa? E fai lava lau fesili ia te oe, oe le o tietie i le
nofoa i le asō. E vaivai o tatou tuaa? Ia fai mai, e leai ni
tikeri, leai ni Iunivesite na o i ai tuaa, o le a ma le a. Sau
le tama ua a? E fia tikeri ua maua mai, o a mea ua
faapipii mai, ua maua Loia ma a, ma a. E faapefea ona
tietie i lou nofoa, o le fesili lea e tuu mai i ou luma?
Samoa, tatou mafaufau i ai. Ua uma ona fai atu la‟u
matua i le itula ua fano ma ona faamatalaga.
Ia faauta, o le malae o le manumalo a‟ia‟i o Samoa. O
le Atunuu lenei na muamua maua lona Tutoatasi i le
Vasa Pasefika. O lona Malo a‟ia‟i lena, o lona maualuga
lena Samoa. Samoa e, e te le mitamita e a? O Samoa
lava na muamua i le Vasa Pasefika. Na mafua mai fea?
O Tiafau le Malo, le malo a‟ia‟i o Samoa. Tiafau, na tutu
a‟e ai o tatou Taitai, tutu ai Tamasese Meaole ma le
Tapaau Faasisina, Malietoa Tanumafili II. O le a le mea
ua fai? Ua tuu ifo le fu‟a a Niu Sila i lalo. Ua a? Tuu le
fu‟a i lalo. Ae saunoa Tama a Aiga: Samoa, Puleono ma
Tumua, tago i lou pale lea, uu mau, vaai i toe leiloa, vaai
lou pale i toe ave i Niu Sila, uu mau i ou lima, uu mau i
toe ave e Siamani, uu mau i toe ave e Saina Komunisi.
Ua a le pale? O fea ua oo i ai le pale o Tama a Aiga? O
fea le pale na fai atu e te uu maua? A lea ua vaai nei i le
ata o le pale lea ua uma ona sausaunoa le tele o sui
usufono ma ta‟u mai le mea ua tupu?
Le Palemia ma le Kapeneta, aisea ua faapea ai le Malo
o Samoa, aisea ua faapea ai le pale, o lea le mea ua
soona fai ai? Tiafau i le aso na sisi a‟e ai le fu‟a, faamau
i luga, taunuu i le tumutumu o le laau, o le a le mea na
tupu? Na timu atoa le motu lenei ia Upolu, faasao e le
Atua Tiafau; o i ina na ta‟u mai ai le Mana o le Atua ia i
latou. E ui ina tetele timuga i lena aso, ae e le‟i timuia
Tiafau. Aisea? O le aso o le manumalo o Samoa, tuu i
lalo le fu‟a a Niu Sila, sisi a‟e le fu‟a a Samoa. Samoa, o
fea lou pale, ua le uu mau e a? Ua mafua i se a? O le a e
faatalale i ai? Le Palemia ma le Kapeneta, e faigata ona
aumai tuaa ua maosiosi o Samoa; o le tele o tuaa ua
taatitia i tia ma tuugamau ua maosiosi. Faalogo i tala ia
ai ma ai, sa tuli i le togavao, ma ai ua maosiosi. Aisea? O
le suega o lou nofoa. E le faigofie e faigata. Fai mai
Iopu, silasila i le Iopu 28: 22 – “Pe sau mai fea ea le
poto. Pe mai fea le poto, o fea o i ai le mafaufau lelei”?
Lau Afioga i le Fofoga Fetalai ma le paia tele o lenei
Maota. Ua ou tulai atu e tau faaauau ni nai manatu o loo
totoe ia te a‟u poo ni nai fautuaga foi i le Malo o loo
tauavea nei le tatou fale.
Sa tatou tuua le Fale nei ma taumafai loa e tautala atu i
upu a Iopu. Fai mai Iopu, “Pe sau mai fea le poto, a‟o fea
foi e maua ai le mafaufau”? Ia faalogo i le tali, “Ua fai
mai le malaia ma le oti, ua lagona e o matou taliga lona
leo o tagi taamilo, ua lagona e o matou taliga le tali lea,
le suega o lenei mea o le poto poo fea o i ai. Ua lagona e
o matou taliga ua faalogo o matou taliga o loo tagi
taamilo, tagi taamilo i itu uma o i inei”. Ua soo Tumua o
tagi taamilo ai le poto, toe tagi taamilo ia Salafai, toe
tagi taamilo i Niu Sila, toe tagi taamilo foi poo Europa, o
le tali lena.
Toe sau loa Iopu, Samoa e le o se poto lena, e le o se
poto le tagi taamilomilo i motu. O le mata‟u ia Ieova, o
le poto lea. O le aloese i faiga faapito i aiga, faiga faapito
i uo, faiga faapito i kamupani, faiga faapito i Itumalo,
faiga faapito i mea o kegi, poo a faiga, o le mafaufau lea.
A aloese i ia mea o le mafaufau lea. O le a lou lagona, o
aloese le Malo i ia mea? O lea ua fai mai afai e aloese i
mea ia, o le mafaufau lea, o le tofa alualu mamao lea, o
le utaga loloto lea, o le tofa lea e sapasapaia tagata uma
o le Atunuu.
Faafetai i le sui usufono mamalu sa ia faaumiumi lo‟u
taimi, faafetai foi i le Maota i le latou lagolagoina o lo‟u
taimi.
Ua ou le malamalama poo fea tonu le auala e mafai ona
taunuu tonu atu ai a matou fautuaga i le Malo ma le
Kapeneta. Ua ou fiu e tau mafaufau ma sailiili poo fea
tonu. Aua foi, afai o le a tuusao fautuaga, o le a le mea e
tupu? O le a tuu le pate ma le polo ae taalo i tagata, mea
ua faigata ona oo i ai. Aisea? Samoa tatou te le‟i omai i
inei tatou te taua‟i-pate; tatou te le‟i o mai e togi e le isi
le muaulu o le isi; tatou te le‟i omai e fitifiti e le isi le
tofa a le isi. E tasi lava le auala ou te lagona ai na tatou o
mai i inei e sue le manuia o tagata lautele. Su‟e i le fea
auala? A lea e fai mai Iopu, sue i le mata‟u ia Ieova ae le
o le mata‟u o a‟u i le Palemia poo le Minisita. E te fiu e
tagi taamilo, e te fiu e fai lea faiga. Samoa, e te
faatauagavale i ia upu? E fiu e taumafai auala e mafai ai
ona oo atu ni fautuaga ia talia. O le galuega lea a le sui
usufono, o lau galuega ma la‟u galuega, avatu ni
fautuaga. A‟o le faalavelave lea, a tuusa‟o loa le
fautuaga ma ua mafatia ai se Minisita ma ua mafatia ai le
Saunoaga Faataupou a Sui Usufono 1961-2011
Palemia, tuu loa lava le pate ma le polo ae fana i le
tagata. E le o i ina o i ai le auala, e le o i ina o i ai le
finagalo o le Atua. O le finagalo o le Atua tatou te
galulue faatasi, tatou felagolagomai, tatou fetufaa‟i. O
mea e manuia ai Samoa ae le o le manuia o oe e toatasi.
E faapefea ona ou taumafai e tautau le lalolagi ae leai
sona tautaulaga?
Lau Afioga i le Fofoga Fetalai, le Afioga i le Palemia
ma le Kapenetta ma le mamalu o Samoa, aisea ua saga
faapouliuligia ai pea le manava? O le taunuuga o
manuia, o le taunuuga o manū, o le taunuuga o mala, o le
taunuuga o leaga. O le a saga faapogisa e a? E mafai ea e
manulele o loo i luga o uluulu o laau ona latou silafia „au
i‟a o le sami? Ou te talitonu e le mafai. O le manulele
lava ia na ola i luga o fugalaau, e le mafai ona silafia
„au-i‟a o loo i le sami. E mafai ea e se tamalii o lenei
Maota poo se failauga ona tu i le tumutumu mauga, na te
silafia faiva o fai i le aloalo, e mafai? Samoa o le Atunuu
iviivia, e leai lava se poto poo se vave na te faia upu o
Samoa. Pau lava le auala e mafai ai o ana Aganuu, o ona
uiga ma ana faiga o lona mafuaaga o la e aumai ai. O le
faavae e faitau po, faitau faafia, faitau faafia, o o tatou
fofoga e le faaaogaina, o le pepelo lenei.
Samoa o se fesili tele ua tulai mai nei i o tatou luma. O
le a le mea ua faaluafesasi ai le Maota? O lona 17 lenei o
tausaga, e le‟i faaluafesasi le Malo e amata mai i onapo o
Niu Sila; tauasa mai le Malo o Samoa, taumafai seia oo
ina fai lo tatou Malo, leai se mea na tupu, e le‟i
faaluafesasi le Malo. O le a le mea ua tupu? O le fesili
tele lea ua tupu mai nei i o tatou luma. Fai i ai lou
mafaufau, fai i ai le tofa. Aisea ua faaluafesasi ai le
Maota o Samoa, lea sa taumafai le Tootoo lea e fai sana
faamatalaga i ai? Ia fai lau tali, fai a e oe lau tali. Ae tasi
le mea e fai lava lau tali i le mea e te lelei ai oe. Tatou
sailia le tali tonu mai le Atua. E faigofie, a faaluafesasi
le aiga, tasi lava le tali, e leaga le matai, faamaualuga le
matai, pule malosi le matai, e le alofa le matai, e loto
leaga le matai. O le mea lea ua faaluafesasi ai isi aiga
ona o faiga a le matai. A faaluafesasi se afioaga, o le a
lau tali? E faamaualuga nisi matai, pule malosi nisi
matai, ua fai e nisi matai nisi auala e le fiafia ai isi matai,
auala ia. O le a le mea ua faaluafesasi ai le Malo? E
faigofie lau tali, e leaga le Taitai, e le loto alofa le Taitai,
e le faamaoni le Taitai.
Faafetai i le Tootoo lea ma lona faauilavea, ae ia e
manatu mai, o lea ou te taumafai e taitai mai le mataupu
nei mai lona tulaga e mafua ai ona faaluafesasi le fale.
Afai e te le malamalama i le faaluafesasi o le fale, o lona
faamalamalamaga ua lua vaega o le fale, ae le tatau ona
lua, e tatau ona tasi pea. A‟o lea e tau su‟e atu le
mafuaaga ua mafua ai ona lua vaega o le fale, e le tatau.
Aisea, e le talafeagai ma le faavae o Samoa. O le Faavae
o Samoa e tasi, a‟o le a le mea ua lua ai? O lea la e tau
saili atu nei le mea e mafua ai le lua e liliu mai i ai le
tofa ma aumai le utaga i le Atunuu.
Faafetai atu, e le tetena pe i ai so‟u mafaufau i le
faauilavea a uso nei. Ona o tatou lava o loo eseese lava
foi lagona ma malamalamaga i tautalaga ma mafaufauga,
i auala ma mea o loo taumafai i ai ma faamalamalama se
agaga. Afai ona o le tulaga lea ua e faaalia faapea o aso
ua mavae ua leva ona fai Vaega, o a‟u la e fou lo‟u
tagata, ou te le‟i iloa ni Vaega ua fai faapea. E pei faatoa
ou vaai lava lea ua fai ni Vaega i le mea lea ua i ai nei.
Ou te le‟i iloa lava ua fai ni Vaega i onapo o Mataafa,
poo onapo o Tamasese, e le‟ faia ai ni Vaega faapea. O
a‟u o le faatoa ou oo mai lea i totonu o le Maota lenei i
lenei vaitaimi pe a fua ma le mea sa matou i ai i aso ua
mavae, e leai ni faiga Vaega. O le mea lea e mafua ai
la‟u tautalaga. Ae afai o le mea lea na i ai, e pei ona
saunoa nei le Minisita o loo fai pea Vaega, o lona uiga la
o lea tatou te tetee nei i le Faavae aua e leai se faiga faaVaega e faia i inei. Afai la o le mea lena o loo fai pea e
tatou, o i ina la e mafua ai lo‟u sese, aua o le Faavae e
tasi lava. Ia o lea ia malie ai alii Minisita ma sui usufono
na faauilavea, o lena le agaga o loo ou tau alu atu ai nei.
A‟o nisi itu e mafai ona ou tali atu, ua ou ta‟u atu i nisi
itu. Ae pei o le mea lea, o loo mamafa faapea o le fai
Vaega, ia o lena.
O le mea la ua tatou moomia nei, o se agaga e mafai ai
ona siitia Samoa i luga e tusa ma lona taumafai. Ua i ai
se agaga e taumafai Samoa i lona uiga faatupu ma lona
uiga faa-tamalii, o a uma ona uiga e taumafai ona fai e
fau faalelei ai le vaa o Samoa. Ona o lenei, afai o le
tulaga lea e fau ai le fale o Samoa, e le manuia. O le a le
mea e le manuia ai? Afai la o oe o lea ua aliali mai nei i
alii Minisita, ua leva ona fai nei mea o faiga faa-vaega, o
a‟u la ou te le‟i i inei. Afai la ua fai faapea, ia o la‟u tali.
E tiga lava la ona iloa e le sui o le mea lea ua sa‟o e le
avea i ai lana palota, ona o faiga faa-vaega. Tiga ona iloa
e sui o le mea lea e manuia ai Samoa, e manuia ai tagata
uma, e te le palota i ai ona o Vaega. Ia afai o le tulaga
lea, ou te manatu Samoa tatou te le taunuu i se lelei. Pau
a le auala ua ou taumafai atu e lo‟u nei Tootoo, ia
taumafai a tatou faiga e taofi ai nei uiga o faiga faaVaega, ae tatou taumafai i se auala e lelei ai ma manuia
ai. O ai e manuia ai Samoa, o lena. O ai e tulai mai e
manuia, o lena, ave i ai le faatuatuaga a le Atunuu e lelei
ai tagata uma, ae le o se lelei o ni vaega o tagata aua e
matua feteenai ma lo tatou Faavae.
Ia o le a tatou oo nei i le taimi o a tatou palota, pe afai o
le tulaga lea. Ona palota mai lea i le mea e le sa‟o, ae oti
lava le Atunuu latou, oti tagata, mafatia tagata. Aua e
mautinoa lava o i o loo i ai le manuia o tagata, o i e
manuia ai tagata uma o Samoa. Pei o le tatou omai i inei
e tatou te faia le mea sa‟o. O a‟u upu o loo taumafai e
taitai atu i le agaga faa-Kerisiano. O lea ua ou fai atu, o
le mafuaaga lea i lo‟u mafaufau. Ua matau e le isi uiga
ua faia e le isi, ua matau e le isi, faiga ua faia e le isi, ona
oo mai lea i se tulaga faapea. O lea tatou te pisa nei i le
tiute, ae fai lava le tiute ia e alu lava e alu lava. Ana tasi
le loto o Samoa, tasi le tofa i lenei Maota, tuu le tiute i
lalo, ua tuu i lalo. Ona ola lea o tagata ma lelei ai. Ae a
tatou o pea i nei tulaga, ia Samoa e ui ona e le o i inei le
Afioga i le Palemia, ou te faapea atu ma lo‟u faaaloalo i
luma o lenei Maota, tatou te le taunuu i se lelei. O le
tatou fetineiai i o tatou loto ma o tatou uiga, o se mea
Saunoaga Faataupou a Sui Usufono 1961-2011
mamafa ia te au. O lo‟u tagata o loo tautala lava i le mea
ou te lagona e a‟u e manuia ai Samoa mo a taeao.
E moomia se tautai matapala e alofa faamaoni ia
Samoa ma ona tagata. E moomia se tautai e mata‟u ia
Ieova ma pulupulu i le amiotonu na te faafoe le vaa o
Samoa. Samoa faagalugalu i tuua Pule ma Tumua e fai
lava le tofa na i le Fono Faavae.
A ou vaai i le tusi lea, o i ai le lisi o tua‟ā o le tatou
Atunuu sa faia le Fono Faavae ma faia le mea lenei, ona
lagona mafatia lea o lo‟u loto. Sa ou tilotilo i o latou
suafa ma ou toe mafaufau i le tofa loloto sa faaalia, o le
utaga loloto sa fai, sa tuuina atu i luma o Tama a Aiga
ina ia manuia Samoa. O le mea moni ou te tautino atu e
le‟i moemiti se tasi e toatasi o i ai i totonu o lenei lisi o
tupu se mea faapenei i le Maota. Ua a nei, o le a nei le
mea ua tupu, ua mafua i se a? Samoa o lo‟u lagona, afai
ona o le poto mai fafo, ona o le malosi o tikeri, poo a
lava uiga ua tatou maua, talofa e, e le‟i faapena le
faamoemoe o Samoa. E le‟i faapena le faamoemoe o o
outou tuaa o loo i totonu o lenei tusi. O le faamoemoe
lava sa i ai ia toafilemu Samoa i aso uma. Toafilemu i le
fea auala? O lana aganuu, o ona uiga faa-tupu ma ona
uiga faa-tamalii. Ua a nei? Talofa! Samoa, Pule, Tumua
na ioe faagalugalu tua, o le loto lava, o le tofa lava i aiga
ma le Atunuu. A‟o le galuega a Tumua ma Pule, lea,
puipui ma faalelei ma faamanuia le Atunuu. Peitai i lenei
vaitaimi ma le mea ua i ai, ua tatou o i tulaga faaPalemene e pei ona saunoa se tasi sui usufono i lenei
vaitaimi.
O le mea lea Samoa e, na o moomooga o le agaga e fia
lafo atu i luma i le Afioga i le Palemia ma le Kapeneta,
ina ia tatou maua se Malo matagofie ma se Malo lelei e
felagolagomai le tofa ma le utaga i le sailiga o le manuia
o Samoa. O a fea e maua ai? E faapena ona maua? A‟o
le a le mea ua le mafai ai ona maua? E le fia toilalo le isi
tamalii i le isi tamalii, e le fia toilalo le isi failauga i le isi
failauga. O lona uiga ua pei ua tatou faatau-matatao i
totonu o lenei Maota, ae talofa e, i le tatou Atunuu ua
mapu i tiga, ua mamafa le avega, ua le lava ona ave le
mativa, e faigata ona asa. Afai e maua le tofa faa-tupu
ma le tofa faa-tamalii, e faigofie nei ona mama le amo a
Samoa taeao. E faapefea la le tau o mea a Toga o le tatou
tuaoi? E ese a tau o mea a Toga, ese a tatou mea, e
taugata tele. O la foi e i ai le soifuaga i Toga ma isi nuu
o le Pasefika, o lea foi e i inei. A‟o le a le mea ua
mamafa ai? E mamafa lava i faatauga matatao. E oi a
Samoa o le faatauga matatao i le Maota.
Samoa e faamaualalo atu lo‟u lava Tootoo toatasi, ou te
le aofia le mamalu o Samoa. Ta te moomia se Malo
matagofie e galulue faatasi le Kapeneta ma le Palemene.
Ia tatou talatalanoa i lea mea, tatou mafaufau. E agai o
tatou mafaufau i lea mea. Fai mai le Vaega e IV o le
Tulafono Faavae lea e ta‟u mai ii a‟o le fuaiupu e 32, „O
le a i ai se Kapeneta o Minisita o i latou ia o le a i ai le
faatonuga aoao ma le pule e pulea ai ma le pule i pulega
faatonu a le Malo o Samoa i Sisifo, ae fai mea faalogo i
le Palemene.‟ Ua a, o fea o i ai, o fea o faalogo i ai le
Kapeneta? E faalogo ia Alisa, e faalogo i Faamasino Sili,
faalogo i papalagi? Ou te manatu Samoa ana tatou le o
ese ma le Faavae e leai se mea e tupu. Ua mafatia lo
tatou Atunuu ona ua tatou o ese mai le Faavae. Ia e leai
se mea a le Palemene e toe mafai nei. E le mafai ona toe
faalogo i se mea. E le mafai ona toe faia se isi laasaga
aua o lea ua aumai le $3miliona ua uma ona faaaoga e le
Kapeneta. O le a la le isi mea e te faapea mai ai nei,
Samoa e, ua a, ma a? O lea ua aumai nei lenei pili tatou
te toe talanoaina i luma, ae ua na o se atigipusa? A
faapefea le mamalu o Samoa o aofia nei? O lona uiga ua
aveese e le Kapeneta le aia poo le mamalu o Samoa? Sa
ou fai atu analeila, ae malu lou nofoa, o le matua lena o
a‟u upu. Pau le mea e faanoanoa ai, o oe o le tamalii. O
oe o le tulafale, e te mafai lava e oe ona pule i lou loto. E
mafai pe afai e moni lou alofa i le Atunuu. Afai e te
alofa na o laugutu e tautala ai ae leai se alofa ia te oe, ia
soia la ua tatou pelogia le Atua i a tatou upu. O mai tauto
i luma o le Atua, “Ou te faia mea tonu ma mea
faamaoni”. Tauto i upu ae ese le mea o loo i le mafaufau.
Samoa ou te taumafai e faaali so‟u agaga toatasi ou te
lagona ai lo‟u alofa i tagata, e tusa poo a faatusatusaga e
avatu. Poo ua e silafia e moni ua oti tagata? Ua le
talafeagai le soifuaga ma mea o loo ola ai tagata, ae a fai
palota, e te palota lava oe e oti tagata. O le a faapefea la
lo tatou va ma le Atua? Ua tatou le faia ea le amiotonu a
le Atua? Ua tatou o fua i le Falesa ma fai nei mea e tele,
ae ese o tatou loto. Ua tatou fetineia‟i.
Ia faafetai atu, ma o le a le toe oo atu foi i lea itu e pei
ona saunoa ma faauilavea i ai lau Afioga i le Minisita.
O lea o le a ou tau savalivali atu loa i ni nai fesili itiiti
ia ua ou manatua ou te fia fesili ai. O le mea muamua, o
le a ou le toe tautala aoao i le tulaga o tupe ua uma ona
iloa e tatou uma. Ua atoa le vaiaso, pau lava le mea lea
ou te fia ta‟u atu, o le tatou tupe nofo aitalafu o i ai, pei e
tulai mai e $40miliona. O lea e $23miliona o loo tuu mai
nei, ae ou te vaai atu o le 1977 ma le afa o le 1978, ae ou
te le o iloa le vaega o i le isi afa o le 1978 ma le 1979.
Pei la ua aliali mai i lo‟u mafaufau pe ona pau lea o se
aitalafu i fafo a le Malo o Samoa i Sisifo o loo i ai. Ae o
loo taumafai nei le isi $7miliona lea. Se ua mamafa tele
le avega. A tuu ane loa ma isi mea ia o loo faamaonia e
le Malo o Samoa pei ona taua e nisi sui usufono, ua
mamafa tele lea aveaga. Ona ou vaai loa lea i ai ua
faapea mai, e $2miliona le tupe e totogi atu e le Malo o
Samoa i faaunegatupe mai fafo. E $2miliona le tupe lea
e totogi atu i le tausaga. O lea tupe e na o le pasene ae
leai se tupe autu. E tumau pea lenei autu e tauave, e oo
foi i lea tausaga, ave se isi fia miliona, ma le isi tausaga i
ona tua atu, o se isi miliona. Ou te lagona e matua sese
tele ma mamafa tele nei avega. O lenei $2miliona ou te
manatu e tusa ma le lima pauna popo e alu ai, poo le 1/3
o le popo a Samoa pe afai e fai le popo i le $400 i le tone
poo le $450. O le 2/3 e totoe ua matua faatauvaa lea tupe
e ola ai nei tagata ma taumafai ai lo tatou Malo, pe afai o
lea tausaga, fafaga le pasene, fai atu, fai atu, fai atu, na o
le fai atu.
O lona lua, lau Afioga i le Palemia, aisea lava ua soona
faapea ai nei tupe faaalu e $53,000? Ae na o
Saunoaga Faataupou a Sui Usufono 1961-2011
femalagaaiga i Savaii ma Upolu. Le Kapeneta o loimata
na o le au matitiva o le Atunuu o loo faaaoga nei.
Tilotilo atu i Tupe Alu i femalagaaiga $401,000. Tasi na
loimata o le au matitiva o Samoa. O le au vele-koko ma
le au vele-niu ma le au vele-talo, o o latou loimata ia
tatou te faaaoga. Tatou te feoa‟i ai i Atunuu mamao ma
tatou taamilomilo ai i lo tatou motu tele o Salafai ma lo
tatou motu nei. O a mea tatou te mananao e fai, fai. O e
manatu ea i nei uso? O i ai ea sou manatu i ai, pe ua lava
pea i latou e ola pei ni pologa? Na o le usu i le taeao i le
fanua. O lena o loo i ina le tofa ma le utaga.
Faafetai atu i le uso a Minisita lea, o lea ua faato‟a ou
manino atu, ua sese la‟u vaai o le $401,000 ae e le ni
miliona.
Ou te tali atu i le Tootoo lea, o tupe uma lava a
Matagaluega a le Malo. O tupe lava e faaalu i mea ia a
lea Matagaluega ma lea Matagaluega, o lona aofaiga lea
ua ou tautala atu ai. Sa ou taumafai lava e suesue mai
Tupe Alu i femalaaiga a lea Matagaluega ma lea
Matagaluega ma o lea e maua ai le fuainumera lea ua ou
ta‟uina atu. Ia o la‟u tali atu lea i le sui mamalu.
E lē tele ni a‟u fesili i lenei mea o le Tala o le Tupe, aua
ua nofo-fale ia Satuiamaa le Tala o le Tupe. E le tele ni
a‟u fesili ae na o nai fesili a ia ou te fai atu e faatepa i ai
le mamalu o lenei Maota. Pei ona taua e se tasi Tootoo le
$15miliona lea sa taua mai faapea o tupe ia ua aumai e le
iloa poo ni tupe faa-meaalofa. O le mea sa‟o ua oo mai i
lo‟u mafaufau, afai e moni lea fuainumera e
$15,000,000, o lo‟u manatu, e le‟i manatu ea le Minisita
o Tupe ina ia avane lea tupe e faaitiitia ai le tiute mo se
fesoasoani i o tatou tagata? Ia afai e leai, ia na o so‟u
manatu. Sa tatau ona faasaoina ai se isi tiute tele e tuuina
atu ai le tuusaunoaga i lo tatou Atunuu, poo meaai, poo a
lava ni mea e mafai ona fesoasoani atu ai le Malo i lea
tulaga.
O le a ou fesili atu i le Ofisa o Galuega. E muamua ona
ou faafetai atu i le Minisita o Galuega, faafetai galue,
faafetai onosai. Ae ou te tautala atu ona o le vai lea o le
matou nuu. O lenei paipa ua tausaga ma le afa talu ona
uma ona fai, ae le‟i oo faatasi lava i ai se vai i totonu o
lenei nuu. Ona oo lea ina ou sau fai i le Minisita, e malie
lona loto e tipi ese le vaipaipa mai le matou nuu. Sa
malie mai le Minisita i la matou talanoaga, ae ou te toe
foi mai mo ni nai vaiaso se tolu pe fa, ua faia e le
Minisita le galuega, ua tumu nei le faatanoa. O le fesili
faigata i lo‟u mafaufau, pe ua toe tumu o le a i lenei
tausaga ae na le mafai i le a ona tumu i tausaga ua
mavae? Ia faafetai atu aua o lea ua uma ona ou ta‟u atu i
lau Afioga i le Minisita, se‟i tatou mataina pea pe mata o
lenei tumu e tumau pea, pe mata e toe maui mai le vai.
Na o la‟u a fautuaga ou te mautinoa e tau atu pea i luma
o lau Afioga i le Minisita ma le mamalu o lenei Fono,
ave ni paipa uamea. O le mea la e tupu nei i lenei vai, a
alu le vai, ona tete loa lea o paipa, ua pāpā. O la‟u
fautuaga la, ae a pe a sui i paipa uamea aua e le lelei
paipa uga? A i ai loa paipa uamea, ia ua atili ona lelei.
Auala. Ia tasi lenei tamai nuu e le manatu mamafa i ai
le Malo. O loo faasolo pea lava auala ma sa ou manatu
lava au e vave ona oo se mafaufau o le Malo i nai nuu
foi nei o loo maua mai ai a latou tupe maua. E tele tupe
maua mai lea nuu, o la e iloa e Vaovasamanaia. Ua tele
le fesoasoani i le Malo. Ae matua augata le Malo e
faataunuu ni mea lelei agai i ai. Ou te talosaga atu i lau
Afioga i le Minisita, se‟i vaai auala nei e sau i tai aua e
mamao le Itumalo faapea ma le agai i le itu i Sisifo. Ia
atonu lava ua i ai le polokalame a le Malo ae tasi le mea,
ou te le iloa pe o le 1981 poo le 1982 o taumafai lea
fuafuaga.
O le Ofisa o Faatoaga. Masalo o le a matau lelei e le
alii Minisita o Faatoaga sa matou talanoaga i se isi aso.
O le mea ou te ofo ai, ma e ao ina ou tautala atu i luma o
le mamalu o lenei Maota, ua aumai ni loli se lua a se tasi
sui usufono o lenei Maota, ma o na loli na faatau mai i
tupe a le NPF ma le Faletupe o le Atinae, ae na
faamaonia e le Ofisa o Faatoaga. O se faiga e matua
matautia. O se faiga e le sa‟o, faale-alofa ma le le
faamaonia ua faia e lea Matagaluega, a‟o le loli e ave ma
le tasi uso. O a la faiga e mafai ai ona tatou talitonu tatou
te alolofa moni ia Samoa? A sau se isi mai tua e
taumafai se mea faapenei, e alu le tausaga. E i ai sou
fanua, ni mea e faamau ai? A leai, toe alu. A‟o le a lou
manatu i le lua loli ae faamaonia e le Ofisa o Faatoaga?
Ona toe aumai lea toe faigaluega i le Ofisa o Faatoaga
ma totogi i ai e le Ofisa o Faatoaga. O se lagona ea lena
e tusa ma lenei Maota? Le Palemia ma le Kapeneta, ou
te fautua atu, ia outou alofa ia Samoa.
O lau Afioga i le Minisita, ou te lagona e lelei tele lo ta
va ma ou te fia puipui foi ia te oe. Atonu na ou
faamanatu atu ia te oe le aso na ou oo atu ai i le
faalavelave na tupu i taavale i Savaii. Ma o le mea na ta
sailia, na aliali mai na aumai lava le telefoni e le
Faletupe o le Atinae o loli na e lua o loo faamaonia e lo
outou Ofisa o Faatoaga, a‟o ta i ai lava faatasi ma le
Faatonu Sili o Faatoaga. E toatolu i tatou. Ia ou te le fia
taua le suafa, ae masalo o le a manatua lava e le Minisita
i se taimi nei mea.
O lona lua, ou te fia fesili atu i le Minisita o Faatoaga, o
le a le tulaga o fai ai pou ia o loo la‟u mai nei e le Malo
o laau o le matou nuu? I le 1977 e 500; 1978 e 800; 1979
e 1,500. O pou ia o loo la‟u mai nei ma la‟u atu faatutu
ai moli e tai 400, tai 500 i le nuu. A‟o le a le tau o loo fai
ai a matou pou ia?
O lona tolu, e tasi lava le mea o loo matou iloa i le
tatou faiga-feagaiga, o le tipi o le laau ae faaaoga o
matou futu. Na o le faatinoga o le tupe taui lava le mea
matou te iloa, a‟o lenei ua la‟u mai pou e aunoa ma se
iloa. E le o i totonu o se feagaiga lea vaega. A la‟u mai
ni pou e fia ni tau? Leai se mea e tasi o i ai. O lea ou te
fesili ai i lau Afioga i le Minisita o Faatoaga, se‟i saili
mai poo le a le faiga. Ua na o le ta ma la‟u mai ae leiloa
e matou poo le a le tau a‟o ai e ave i ai nei tupe. Poo
faatau e le Malo i nisi mea e maua ai ni ana tupe. E le‟i
faatagaina le Malo latou te soona la‟u mai ni laau mai le
vao. E tasi lava le mea ua faatagaina ai le Malo, o le fai o
le Ili ma tipi mai laau e maua ai futu e faatatau i ai tupe o
le a maua, pau lava lea. Na o laupapa, ae e le‟i faatagaina
Saunoaga Faataupou a Sui Usufono 1961-2011
le Malo e soo se mea latou te faia i totonu o le togavao.
A‟o lenei, se ua matua tele nei pou ua la‟u mai ae leiloa
e matou se tala.
O lona fa, o aso a‟o fai le feagaiga a‟o i ai le Kamupani
Amerika, e matua tele le tupe sa maua e le Malo i na ona
po. Aisea, aua e alu atu le asiasiga a le Malo saili uma le
mea sa tipi, tulou, a maua se laau e le‟i tosoina mai i tua,
pe maua se tafue laau ua maualuga ona tipi, e faasala
uma. E tele le sala sa maua. O sala a lea kamupani e
maua i masina uma lava, a itiiti mai lava o le afe ma ni
selau. O le faiga la sa fai ai sala ia i ia onapo, sa toe
vaelua tutusa le Malo ma le matou nuu. Afai e $2,000, ia
sa ave le vaega a le Malo, ae tuu le isi vaega ma matou,
ae tele lava le Malo. O lenei la ua leai se mea. A e
taamilo i totonu o le vao, o le tele o laau e le tosoina i
tua. O le tele ua na ona faatama‟i ma faataatia. Ae toe
vaavaai i le faulaiga lea ou te fai atu ai nei o laau ua
faaleagaina, o se mea e matautia. Ae lei faapea i onapo o
Amerika. Sa manaia ona fai, ia ai ona o se Malo ese. A
ua taunuu mai loa ina fai e tatou, faapea loa ona fai.
O lona lima, o le feagaiga ea o loo faia nei o le feagaiga
lava lea na sainia i onapo o le Ili, i ona po o Amerika? O
le feagaiga lava lea e tasi na sainia ma le Ili lea lava e
tauave? Pe ua sui ea se isi feagaiga agai i mea lava nei o
laau mai le vao ma mea faapena? A faapea ua sui se
feagaiga, ia ou te talosaga atu i lau susuga i le alii
Minisita o Faatoaga, e le iloa e matou se isi faiga. Matou
te le o malamalama. E ao ina tatou femalamalamaa‟i
tutusa nei tei ua tatou feseseta‟i. O lea ua ou tauina atu i
lau afioga i le alii Minisita, e mamafa le mea o loo
matou vaai i ai. O le tele ia o tupe ua tiai, pe a matou
taamilomilo ai i mea nei. Ou te manatu e le siliga e lau
afioga i le Minisita ae ou te ta‟u atu ua uma ona ou
tautala i le aufaigaluega a le Vaega o Vaomatua ma le
aufaigaluega a le Ili e uiga i lenei mataupu. Afai e le
faia, ia o lau afioga i le alii Minisita lea ou te lipoti atu
agai i ai. Ia fai se faatatau, o le a ou faatali la i se tali mai
lau afioga i le alii Minisita, poo le a le faiga o fai ai pou
ae o le a le tau. Poo le a foi le faiga ua fai ai feagaiga pe
ua soloia pe leai.
O le Ofisa o Aoga. Lau Afioga i le Minisita, o le isi
lenei Ofisa ou te lagona o le lumanai o Samoa, ae ua
tupu ona faavaegau ona o le lē sa‟osa‟o ona fai ma lē
lelei totogi o faiaoga. Na ona tau atu, o le isi lenei
Matagaluega e le tatau ona faatamala i ai Samoa, ona o
lona lumanai. A o mea e tutupu mai, se ou te le toe
talauina atu lea mea ma lea mea. O mea tau faiaoga ma
lea asiasi aoga ma lea pule o le aoga ma fea, pau lava le
mea ou te talosaga atu ai i le afioga i le alii Minisita o
Aoga sei fai lelei totogi o faiaoga. O le lelei o totogi o
faiaoga o le lelei foi lea o le faiga o galuega a faiaoga.
O le Falemai. Lau Afioga i le Minisita, sa faaali atu foi
e Lavea i le itula ua sola le mea foi lea o le a ou tautala i
ai. O le mea ua sui nei e le Malo, o le fuafuaga faavae na
faia i aso ua mavae, o le faia lea o falemai faa-itumalo
mavae. E tofu le itumalo mavae ma lona falemai. O na
falemai sa faia lava e itumalo latou. Sa taumafai latou e
sao tupe ma taumafai, ae avatu na o le fomai. O le a la le
mea le la ua i ai nei? O loo ua fao-tolu, fao-lua ia
itumalo mavae i le falemai e tasi. A faapea e saunoa mai
lau susuga i le alii Minisita ona o le le lava o fomai, e le
o le tali lena e tatau ona tali ai. A faapea e te saunoa mai
o ni faiga e faaitiitia ai le tupe alu, e le o le tali foi lena e
mafai ona foia ai. Aua foi, vae ane le paia o lenei Maota,
e le mafai e ni vae se lua ona ofi i totonu o se vae o se
ofuvae e tasi. E le mafai. Ona o lenei, e ese le gagana a
le isi pule, ese le gagana a le isi Pule. E le mafai ona o
lelei nei falemai. Afai e fale-lua Satupaitea ma Palauli, o
le mea lava lea e tasi e tupu. A taumafai atu Satupaitea i
se tulaga e lelei ai le falemai, ae le fiafia foi Palauli latou
e tauave na mea. E faapena foi le mea lea e tupu i Safotu
ma Fagamalo. A taumafia atu Fagamalo latou i ia mea,
la e lagona e le Alii o le Itu o le Falemai o Saleaula. O
itu la ia e faamalamalama atu i lau afioga i le alii
Minisita, ou te lagona e au, o iina foi e tupu ai le le
manuia o Falemai.
O le isi mea, lau Afioga i le Minisita, ua matua le
malamalama lelei matou ona o le Pulega o Tamaitai, ona
o le pule faale-Komiti ua i ai. Poo fea le mea e sili ona
taua? Sa saunoa foi le Afioga ia Tofaeono Tile, le
Minisita o le Falemai i aso ua mavae, e faigata le mea ua
tulai mai ia i latou, a fai atu le pule a Alii ma Faipule, ae
fai mai se o i fafine. Lau Afioga i le Minisita ma le
faaaloalo lava, e matua teena lava e lenei itumalo se
pulega a ni Komiti i totonu o lenei itumalo. Aua foi poo
a lava faiga e faia e fafine poo fea latou te faia ai, poo a
auala e faia a‟i, e taunuu lava i pulega a alii ma faipule.
O le matai lava na te faia le mea e manatu ai le tamaitai.
O le mea lea ou te fai atu ai au, a tatou o ese ma uiga ia o
le tosotoso pea i tua o le mamalu o le atunuu, o le a oo
lava ina le mamalu. Ona tupu lea i lo‟u mafaufau, afai o
oe o se matai o le itumalo, ae o le a amanaia le pulega a
Komiti, o le a la le aoga o lea matai? O le a la le aoga o
le tulaga o le matai, a o lea e fai mai fafine e faapea ma
faapea?
Ou te fautua atu faapea lau Afioga i le Minisita o le
Soifua Maloloina, tatou o pea i le Faavae.
Faafetai atu i le faauilavea i le susuga a le Minisita. O
le Komiti lea ou te ta‟ua nei, o le Komiti Aoao a le
Falemai, lea e peresetene ai Tapeni. O le Komiti la ma a
latou fonotaga e fai ona taunuu atu lea i Komiti a nuu,
ona fai ai lea o fuafuaga; o komiti la ia e faigata ona
malamalama i ona tulaga, a o se isi Komiti, e pei ona i ai
nei, ua tele le mau Komiti. E pei o lena le auala na ou fai
atu, sei silasila totoa ane lau afioga a le Minisita poo le a
tonu le tulaga e fai e manuia ai itumalo.
Faafetai atu i le faauilavea a le sui usufono lea, Afioga
Tofaeono. Ona o le feseseta‟i lava i le tele o Komiti
Tamaitai, ua le masino le mau Komiti, alu atu lea
Komiti, sau lea Komiti tamaitai. Ua faigata ona
malamalama poo fea tonu Komiti. Afai o lea, ia o lea
lava ou te fai atu ai au i lo‟u malamalamaga i mea sa
fono ai matou ma le Komiti ma le tele o nei itumalo.
O le mea la e talosaga atu ai ma le ava i lau afioga a le
Minisita, e moomia lava e nei itumalo sona fomai,
aemaise le ua i ai le tofi, le alii o le itu, matou te moomia
Saunoaga Faataupou a Sui Usufono 1961-2011
lava so matou fomai. E ui lava ina matou iloa ua matua
gaogao fomai, ae lafo atu pea i lau afioga a le alii
Minisita, sei e fuafua mai. O i tonu ua ou talitonu e oo
mai ai le manuia ma le solo lelei o le tatou galuega, tatou
te felagolagomai ai. Afai e tumau pea i lea auala o loo i
ai, ou te lagona lava e taunuu i se manuia.
O alii fomai. O le tóatele o nisi o alii o tagata ua faapea,
se o alii fomai ua le fiafia mai, ua mata faasiasia, ma
mata faauu; atonu o faapea foi se manatu i tamaitai
tausimai, e lavea i le mata faasiasia ma le mata faauu.
Samoa, e faigata le galuega e 24 itula o galue le fomai.
Afai e te afio a‟e, ae fetaui tonu ma le le lava o le fomai,
o iina e maua ai le mata faauu ae le o se isi lava auala. O
la‟u lea talitonu aua ou te alu soo foi au. Atonu e sa‟o foi
ni molimau a le tasi tootoo, ona ta nofo lea o ita ma
faafoe le mafaufau, ua alu le taeao, ua po o alu lava le
fomai. O le a le auala tatou te mafai ona faia? Tatou
taumafai e tuu se totogi lelei i o tatou fomai. E ui ina
vaivai ma faigata, e toe faamalosia ai lona malosi; tatou
te tuuina atu se totogi lelei ia te ia, ia o lea faatoa tatou
oo atu i ai ma talanoa i le $35,000 le totogi o le fomai
papalagi. A faapefea le tai 4 afe lea ma le tai 5 afe a alii
fomai? Ua tupu atili ai le mata faauu ma le le lava o
fomai, ae ou te talitonu lava au i lo‟u mafaufau, afai
tatou te tuuina atu ni totogi lelei mo nei uso, ou te
manatu o le a lagona foi e i latou le loto fiafia e tauave
pea o latou tiute, e le toe faalogologo tiga.
O Tamaitai. Ou te matua lagolagoina lea galuega fita o
tamaitai, sei alofa ma fesoasoani atu i o latou totogi o loo
galulue ai. Na ou faalogo i se tasi tala, o le galuega lea e
i ai tamaitai fomai, pe afai e latou te tiute i po, e 30 sene
lona totogi o le ova i le po. Tailo pe moni, faasa‟o mai la
au e le alii Minisita pe afai e sese. Afai e 30 sene, o le a
le uiga o lea totogi? Leai se mea e mafai ai pe afai o
tamaitai tiute ia ua tiute i le po. Nao u faalogo foi i le isi
faamatalaga, ua tuu eseina le taavale sa faafoi atu ai
tamaitai i o latou aiga, pe a uma a latou tiute i le 12 po o
le 1, poo le a se taimi faapena. Lau afioga a le Minisita o
Tupe poo le Minisita o le Falemai, o a nei faiga matua
faale-alofa? E uma le galuega a le tamaitai i le po po o le
lua, ae alu su‟e se auala e alu ai? A‟o lenei mau taavale o
loo feoai solo, uma lava le aso o feoai, uma le penisini ae
leai se aoga; a o nei tagata ua uma ona galulue ma
faamaoni mo le vaaiga o gasegase. Ou te fautua atu ma
le loto malosi ma le faamaoni i lau afioga a le alii
Minisita pe afai e moni lea tala, toe faafoi se taavale, e
feaveai ai tamaitai tiute i po.
Ia na ou faalogo foi i se tasi tala, pe moni, e lua ni
tamaitai fomai na tau faalavea e le lima agavale o le fili,
ae lei lavea, na o na taumafai ae le mafai. O uiga
faapena, a tupu mai, e faigata ia i tatou, ona o tatou foi e
momoe i manu ae atia‟e i mala, e ao i lau afioga a le alii
Minisita ona e puipui i tamaitai fomai, i tulaga faigata
faapea, tulaga o le po, aua ua leai se isi mea e mafai ona
fai. O lea ou te matua fautua ai le afioga a le alii
Minisita, afai e moni lea tala, ou te fautua atu ma lo‟u
agaga faamaoni, ia e taumafai malosi e toe ave se
taavale, mo le au tiute poo tamaitai fomai ua galulue i le
falemai.
O alii papalagi. E pei ona taua lenei alii papalagi ua i
uta i le falemai, ua matua maoae. Ia tailo pe faapefea ona
fai. E pei ona taua e se tootoo, aumai le meaalofa a Niu
Sila, toe sau le Niu Sila e faauma atu ai le tupe lea na
aumai, na pau lava o mea ua oo i ai tatou. Ae ou te fai
atu, sa tatau ona i ai se Samoa i la lea tulaga. Toeitiiti
lava tausaga o nofo ai le isi Samoa ae le ave ama pule
faamaoni, ou te le malamalama poo le a ea le auala.
O le mataupu lea ou te fia faaali atu ma le faaaloalo i
luma o le Kapeneta, ma luma o le mamalu o lenei Fono.
Ua faateia foi au i lenei tala ma lenei mea ua tupu mai, o
pepa ia ou te uuina atu i o‟u lima, pepa ia na faaali mai
ai ma‟i na auina atu i Niu Sila i se auala e le sa‟o. O
fetusitusiaiga i totonu o nei pepa, o le a faamaonia ai le
mamalu o le Maota, ma le lē masalomia pe moni pe le
moni, ua faamaonia. Afai ou te vaai atu e pei o le aso 3 o
Mati na fai ai lenei mea. Sa taunuu mai se ma‟i o se
tamaitiiti i totonu o le falemai, ona toe sola lea o le
tamaitiiti i tua. Sa toe foi mai le tamaitiiti ma o le mea ua
fai, sa taumafai loa ave le tamaitiiti i Niu Sila. O le mea
ou te oofo ai pe a ou vaai i tusi ia, ua matua le fetaui
feuiuiaiga o auala e ui ai mea. O lea ua fai mai le tusi a
le isi fomai, ua uma ona ou sailiilia ma tuu i le faata lea
ma‟i pe mama‟i ona fatuga‟o. O lea ua ou faamaonia ai,
e leai se fatuga‟o e ma‟i o lea tamaitiiti, a o lenei ua fai
lava le pule a le Malo, e ave le ma‟i nei i Niu Sila faatasi
ma lona tama, ae totogi e le Malo. E faapea i se a lenei
Malo? O le a le fuafuaga faavae a le falemai? A ma‟i se
ma‟i ma ua faamaonia e le falemai e ave i Niu Sila, o le
mea e oo i ai, e afa le mai, afa le aiga. E totogi e le
falemai le isi afa o le pasese, ae totogi e le mai ia le isi
afa. Tagai la i le ma‟i lea, totogi atoa le ma‟i, toe totogi
atoa le tama o le ma‟i, totogi e le Malo a o lea lava e fai
mai i le upu a le fomai. Ua uma ona ou suesuea, e leai se
ma‟i e tasi o fatuga‟o o lenei ma‟i ae peitai, ua ave
faamalosi pea le ma‟i nei i Niu Sila faatasi ai ma lona
tama, ae totogi pea e le Malo.
O le fesili a le Sui lea, e malamalama lava le tali. E leai
se mafuaaga a o lea ua ou tauina atu. O le fuafuaga
faavae a le falemai, sue le tagata mai, totogi e le Malo le
isi afa, totogi e le mai le isi afa. Faasa‟o mai au e le alii
Minisita. A o se tagata o le aiga la te o, e fai e ia lona
pasese. A o le mai lea, uua alu le ma‟i totogi atoa e le
Malo, toe totogi ma lona tama. Ioe, a o le tama foi o
lenei ma‟i, o se tasi o tootoo i totonu o lenei Maota.
Manaia le Malo o Samoa. O se tasi o tootoo o lenei
Maota sa malaga faatasi ma le ma‟i.
O le mea la ua fenuminumia‟i i lo‟u mafaufau, o tusi
nei, o tusi a le fomai. A o tusi foi a le isi fomai lea e
faamatala mai ai faapea, ou te fautuaina atu ia lenei ma‟i
e ave i Niu Sila e taoto ai aua o i e maua ai mea faapitoa
o lenei ma‟i, ua leva ona ma‟i, lua tausaga. A le avea nei,
ua matua faalavelavea lenei mai. O le mea la e faigata ia
te au, e fai mai le isi fomai i le isi itu, e leai se mai, ae fai
mai le tusi a le isi fomai, ua matua tigaina le mai, o lea
mea ma lea mea, ua tiga, ua pua‟i, ua a, ua a. O lenei
Saunoaga Faataupou a Sui Usufono 1961-2011
mea ua talau mai, o le a e malamalama lava pe a lau atu
le tusi. O le mea la ua faigata ia te au ona ou
malamalama i le mea lea, pe afai e ui i ala o mea, ua oso
atu lava le tusi a le fomai lenei, oso i le Minisita, a o fea
le Sui Faatonu Sili? O fea o ia i le tagata lea sa Sui
Faatonu Sili, le susuga ia Tapeni Solia? I le ala o mea, o
le sui Faatonu Sili na te avea le faatonuga i le alii
Minsita, a o nei mea ua sau lava tusi a le fomai, ua
faasasa‟o.
Ia o le tusi foi lenei a le alii Minisita ua fautuaina le
Malo ia ave loa le mai. Se mea alii ina mamafa o mea e
fai i le atunuu. Nao o mai i lo‟u mafaufau, o se
feuiuiaiga faapea e fai i tua, e tusa o lo‟u mafaufau, o la
e i ai le tagata sui Faatonu Sili, i le va o fomai ia, ma le
alii Minisita. Aua a na o au o se Minisita, ou te taofia
lenei tusi, sei aumai pea e le alii Faatonu Sili o loo ona
tauavea le matagaluega, a o lenei ua aliali ua talia e le
alii Minisita ma fai tuatusi e ave le ma‟i, ae ese le fomai
lea na tusi maia. E oo mai i lo‟u mafaufau, o la e i ai le
Sui Faatonu Sili i totonu o le va lea, faatasi ma le
Minisita, ma le isi fomai, e tolu tagata e aafia i le mea e
tasi.
Lau afioga i le Palemia ma le Kapeneta, o ala ia e fai, o
lea e aafia ai le Minisita. A fai atu la ni a matou upu, ae
fai mai Vaovasamanaia, sei ta‟u mai mea ua iloa ai le
faapito.
Faafetai lava i lau afioga a le Fofoga Fetalai, a uma ona
avatu uma lea o pepa, e le tuua se pepa. A tuu foi o ai na
te pepeloina le Maota o Samoa. O le a avatu lava pepa ia
e te silasila i ai. Ia pe mata la e toe aumai sau tali faapea
e sese lea mea? Afai ua uma na saini fomai ma Minisita i
nei tusi, ou te leiloa la pe faapefea ona toe fai atu se isi
upu, ua le o sa‟o le faaaliga nei. O le a ou faamatala atu
pea ona o le agaga ootia ma le agaga faavauvau. Ona o
faiga faapea ma faiga faale-Malo e lē sa‟o.
Ia o le a la le tali o lena mea? Na ona o atu lava i Niu
Sila tafafao i le lua vaiaso, toe omai i Samoa. Leai se
togafiti na fai, leai se mea e tasi. E le o le aveesea lena, o
le mamalu o lenei Maota? E le o le tau faamatuu atu lena
o le mamalu o lenei Maota o loo taumafai atu ina ia
puipui ma ia mafai ona solosolo lelei? A o auala faapea e
tupu mai, e lagona ai le faanoanoa.
Lau afioga a le Fofoga Fetalai, o nei pepa o le a ou tuu
atu i luma o le Minisita e fai ai ana sailiiliga. Poo le a
tonu, ae ua ou tautala ona o mea tusitusia ma mea ua
sainia faamaoni e tusa ma ala o le tulafono a ua uma ona
fai o lenei galuega, ma ua taunuu.
Ua uma ona talanoa nisi Sui mo Lafoga a Faifeau. Ia ou
te faapea atu, Kapeneta e, sei toe liliu lava lenei tofa i lea
tulaga. E sa‟o foi i se isi itu e pei ona faaalia, a i ai foi
nisi itu e vaavaai mamao i ai e fai ai se fuafuaga. Afai ua
le mafai ona totogi atoa, fai se isi fuafuaga e iloa ai lo
tatou manatu i o tatou alii faifeau, poo le faa-afa poo le a
se isi mea e sui a‟i lafoga ua i ai. Atonu e sa‟o foi alii i
tupe ia, ae mafaufau lelei foi mo se isi itu, i lo tatou va
lelei ma o tatou tofi i alii faifeau.
O le Fale Afitusi ma le Fale Tapaa ma le Fale Pia. O le
Fale Afitusi e faapea nisi manatu o le atunuu, manaia
tele le Malo lenei. Ia vaai, Fale Afitusi, Fale Pia, Fale
Tapaa, auala o a mea ua fai, ae le o lagona e i latou pe
faapefea ona fai. Ou te faapea atu ai, e toafia ni tagata o
Samoa o fai sea i le Fale Afitusi lenei? E fia ni tagata o
latou faia nei mea? Ia tailo. Sa ou talatalanoa i le Pule o
le Fale Afitusi, fai mai le alii Pule, ou te vaai e leai ni
Samoa e fiafia i le Fale Afitusi, talu ai e leai ni a latou
sea o aumaia i le Fale Afitusi. O la‟u tali i ai, e leiloa e
Samoa. O la lava e nonofo latou ma piilima i tua. Afai ua
fai ni sea o le Fale Afitusi, na o sea lava a le au-mautupe
lava i Apia nei, faatasi ai ma le Malo; a o Samoa lava
latou, na o le nofonofo lava.
Le Kapeneta e, ou te manatu, ana faapea se tofa a le
Kapeneta, ave ta‟u i lea nuu ma lea nuu, e aumai se latou
afe e fai ma a latou sea i le Fale Afitusi, ta‟u atu se tusi
faataamilo i lea nuu ma lea alaalafaga, totogi mai poo le
$2,000 poo le $3,000, o le sea lena a lo outou nuu i le
Fale Afitusi. Ou te fai atu e talisapaia. Ia vaai i le mea e
tupu, ona uma lea ua alu le Fale Afitusi, pe fa pe tolu pe
lima tausaga uma le tupe faaalu o le Fale Afitusi, o le a
le mea e tupu? Oo i lea tausaga, fai le faasoa a le Malo
ma le aufai-sea. Vaai i mea leaga, ae fia ni tausaga, toe
oo i lea tausga uma ona totogi tupe alu o le fale, ae o le a
faapefea le lumanai? Ia o le mea o le a tupu mai, na o le
aufai-sea i totonu o le Fale Afitusi o le a manuia i latou i
le tausaga a sau i a latou tufatufaga. Aisea na le faapena
ona fai ia Samoa, sei tofu atu si nuu, a le maua foi a o
sina $100, poo le a le mea e maua e si nuu? Ae ua leai
lava se manatu i ai i lena tulaga. E faapena foi i le latou
Fale Tapaa ma le tatou Fale Pia. Pei lava ou te lagona e
75 sea o le Fale Pia na tuuina atu i le atunuu.
O le faauilavea a lo‟u uso lea, atonu ou te le o fai atu o
le a le sea o le Malo. O lea ou te fai atu ou te manatu poo
i ai se sea o le Malo. Aua o mea a le Malo, ma sea o
tagata nei e faia le Fale Afitusi pe toafia? O lea ou te fai
atu ai ia aumai i luma o le Maota nei le lisi o tagata faisea i le Fale Afitusi, Fale Tapaa, Fale Pia o le atunuu.
Lau afioga i le Fofoga Fetalai ma le mamalu o le
Maota, ou te manatu foi e le o toe tele ni nai fautuaga foi
poo ni fesili i lenei mataupu. E pei o lea lava ua maua
mai e le Kapeneta ma Minisita e aafia ai i nei fesili ua
tuuina atu. Faamolemole ia tuuina mai i luma o lo tatou
Maota nei, poo ni sui foi o aafia ai, i a tatou atiina ae nei
e tolu. Aua e i ai se isi atiina ae lea ou te le nanaina foi i
luma o le Maota o loo i ai lo‟u sea. E tasi le mea e le o le
agaga lea o lo‟u taumafai atu ona o le agaga lenei o le lē
iloa e le atunuu mea o loo fai. Ana faapea e iloa e le
atunuu e tofu ai lava lea nuu ma lea nuu ma ni a latou
fesoasoani i le atiina a‟e lenei ona e faamoemoe e toe
tulai mai lenei tupe e aoga mo nuu i ni taimi o muamua.
O lea ou te moomia ai le Minisita e aafia i lenei mea ina
ia alofa ma tuuina mai i luma o le Laulau-a-Fono ia ni
Samoa poo nisi o lo tatou atunuu o loo i ai ni o latou sea
i totonu o le atiina a‟e nei.
Na ona ou toe pa‟ia le mea lea ua pa‟ia soo e tootoo
ona o le solia lea o le tulafono ma le iloa e lo tatou
atunuu. O se mea mamafa i lo‟u mafaufau ona o le
tulaga lea i le afioga ia Mapuilesua ma lona tagatanuu.
Saunoaga Faataupou a Sui Usufono 1961-2011
Na iloa lelei lava e le Malo o Mapuilesua e lua ni
tagatanuu ae ua fai lava. Pei o lo‟u mafaufau ua fai ma le
iloa, ua soli le tulafono.
O lona lua peiseai e atagia mai ia te au lava e toatasi, o
se agaga o i ai nei i le Kapeneta ma le alii Palemia pei e
moomia e le Kapeneta ma le alii Palemia le auina mai
pea o papalagi i totonu o lo tatou atunuu, aumai lea mea
ma lea mea. Pei e atagia mai ai e sili ona faatuatuaina e
le alii Palemia ma le Kapeneta ia tatou uso papalagi i lo
tagata Samoa. Pei a vaavaai atu i le tele o papalagi ma
matagaluega ua tutu mai ai pei la o le mea lena na fai ai
la‟u fesili. Ia sa i ai foi le papalagi i le Ofisa o le alii
Palemia ae ua faamavae, ma o le la foi ua toe i ai le isi
papalagi. O mea faapea e tuputupu lemu ai i le mafaufau
pe aisea ea ua manao ai pea tatou ia omai uso mai fafo e
galulue i galuega ma matata taua faapea. Ae faapefea
ona faalototeleina ma atiina ae o tatou lava tagata. Ia ua
le tatau foi la ona tatou faapea ua tatou tutoatasi pe afai
na o se upu ae le mafai ona faatinoina i ana galuega uma.
Afai la ua le agavaa alo o Samoa ae ou te lagona e
tóatele lava sui o alo o samoa e agavaa mo se tiute ma
mea e fai. I la‟u vaai faale-tagata ma lou mafaufau,
faatonu mai au pe a faapea ua ou fai atu ua sa‟o lo‟u
mafaufau, ae peitai o le agaga o i ai e pei e faigofie ia
outou pe a tu mai le papalagi e ulu i ai lea matagaluega,
aua e na ona fai atu lava e faapea, ia tu ia i luga ma siva
aua o la e faamanuiaina ia ma fai uma mea o loto ai ia. E
na o sou manatu ae pei o le ata lena e tu mai i lou
mafaufau toatasi.
Ia a o aufaigaluega faapenei e tupu ai foi le popole ma
le atuatuvale o le loto. Sa taua e se tasi o tootoo i le
vaiaso ua mavae le tulafono lea na aumai e pasi e lenei
Maota, o le Tulafono o Tupe Maua. O lea tulafono sa
faaupuina e se tasi o ia alii o loo ulu i ai lea matagaluega.
O le a la le mea na tupu mai ai i le faaupuina o lea
tulafono? Na ona aumai lava pasi le tulafono. Sa finau
foi le Maota ia ae sausaunoa foi alii Minisita, o le pili nei
ua matuua sili le aoga, ua matua sili lenei mo Samoa. Ia
o le a le mea lea ua oo nei i ai? Ua i ai se fuaiupu ua
mafaia e lena alii ona faaitiitia lana lafoga e fai i le Malo
o Samoa. Ua nofo ia ma faaupu lena fuaiupu o le
tulafono lenei ina ia mafai ona faaitiitia ai ana tupe e lafo
atu i le Malo o Samoa. Afai o se tupe sa tatau ona totogi
mai e ia i le Malo o Samoa e $3,000 i le tausaga, ae o lea
ua totogi na o le $1,000, ae tuu le $2,000. O ituaiga auala
faapea ma ituaiga faiga faapea e manua lemu ai le
mafaufau ma mafaufau ifo ai o tatou o Samoa i o tatou
lava tulaga mo o tatou tagata. E pei o le mea lea ou te
manatu ai lava au, ae tailo i ai pe o le a le auala e mafua
ai ona tupu pea lenei auala i le tatou Malo talu ai le tatou
moomia pea o o tatou uso mai fafo. Ia a faapea foi e
omai o tatou uso mai fafo, ua le o mafai ona tuu ifo i lalo
ifo o a tatou fanau, ae omai lava e tasi lava le mea e i ai,
o le taitai, o le pule, o le totogi tele. Ia pei o lou lea
manatu lautele, e le fai a‟i ae na o se mea ou te lagona e
au i lau vaavaai pea i le tatou Malo. O lea ou te talosaga
atu ai i le Kapeneta, tatou taumafai e faaaoga alo o le
tatou atunuu ua maua lo latou atamai, ma le agavaa e
taumafai ai le tatou Malo.
Ou te fesiligia le Minisita e aafia ai le uso lea ua ou
faalogo ua sauni e faamavae ma le galuega a o lea foi
uso ou te lagona o loo taitai i ama ua na tauaveina lea
matagaluega. E pei o le mea lea ou te fesili atu i lenei
Minisita e aafia ai ina ia tuuina mai le agaga moni o
lenei uso poo se tasi foi o tamalii o le atunuu lea ua
maua tala salatua o le a faamavae ma le galuega o loo
ulu ai. Poo a mafuaaga? O i asa ave i luga o le Malo, sa
faaalu ai tupe a le Malo ma ua manuia lona taumafai ua
ala ai ona ulu i le matagaluega, ua na taitaiina a o lea foi
ua aliali mai o le a faamavae. O le a ea le auala ua faapea
ai? E ao ona silafia e lenei Maota, poo a mafuaaga, poo
lona totogi ua le lava, poo ni mafuaaga ua tupu mai se va
o ia ma se tasi o le aufaigaluega, poo a lava ni mea
faapea. Pe mafai ona tatou foia lea tulaga aua o le a mou
atu foi lenei tagata faigaluega o pulea se matagaluega
faapenei. Ia o lea ou te fia faamanino atu ai e moomia
lava ina ia tuuina mai i luma i le Laulau-a-Fono se
mafuaaga tatau ua mafua ai ona sauni faamavae lenei
uso, o le tamalii o le atunuu. Ou te manatu pe ou te
tauina atu le suafa ae masalo lava o le a silafia lava e le
Kapeneta ia lenei uso ua oo i ai se tulaga faapena. E
tatau ona silafia lelei lava e tatou le mea e ao ona tatou
faia ona tatou te puipui ai le tatou tagata aoga ma tagata
ua maua ni o latou faailoga i galuega faapea. E pei foi o
o tatou alii fomai. O se tulaga e faanoanoa ai pe afai e
vaai atu i ai i le toe faamavae ma toese ma le tatou
atunuu a o lenei e matua mafaia tatou i le leai o ni tagata
faigaluega.
O le isi lea mea ou te fia fesili atu ai e pei o le fesili lea
e tuu tino lava i le alii Palemia, ae ui i lea e le o afio mai
le Palemia ae fai pea lau fesili ina ia mautinoa ai o loo
oo i ai le agaga. O le mea ua faigata ia te au, ua ou le
malamalama ona o le vaega lea o tina. Ua toe faavae se
tasi vaega o fono a tina. A o lea e i ai le isi fono a tina. O
le mea lena ua ou le malamalama lava au poo le a le mea
ua toe faavae ai lenei fono a tina. Ua toe omai ai ma toe
fai le isi fono a tina ua toe tau ai e faapea, o le fono lea a
tina ua fesoasoani i le Malo. A o fea ua o i ai isi fono a
tina, lea ua uma ona i ai. Oi e tupu mai ai iina i lou
mafaufau e le o se lumanai manuia pe afai foi o le a fai
ni vaega se lua a tina latou. E pei foi ona tau maua atu i
le tatou Maota nei e faapea e lua ni vaega. O au la ou te
le o malamalama e lua ni vaega o fai. Afai foi la o le a
lua ni vaega a tina o le a ea la le tulaga o le tatou
lumanai tatou te fetalai nei e fia maua ni lelei ma ni
filemu. O lau fesili lea sa faasino tonu i le alii Palemia ae
ua le afio mai. Afai e moni le alofa o le Palemia i le
atunuu, valaau uma tina e aofia i le mea e tasi, talanoa i
le mea e tasi, faaali le tofa ma le utaga i le mea o loo i ai
le tofa ma le utaga a le afioga a le alii Palemia. O lo‟u
lea manatu toatasi. Valaau ma le Fono a Tina, le tofa
lena ia Laulu o loo i ai i lena itu. E tatau ona faatasi i ai
latou uma e talanoa i le mea ua tasi i ai le tofa i le
Palemia ma le Kapeneta aua le faamoemoe ia lelei
Samoa a taeao. A o tulaga ia ua i ai, ia tailo. Ouu te
Saunoaga Faataupou a Sui Usufono 1961-2011
lagona e a‟u o le faatau-matatao le mea lenei o le a oo i
ai tina. Tailo, ou te iloa e au uua na o so‟u manatu e
tuusa‟o i luma o le Kapeneta ma le mamalu o Samoa, e
le manuia lenei mataupu. Tailo i ai poo le a le tulaga e
oo i ai.
O lea le Fofoga Fetalai ma le mamalu o le Kapeneta ia
outou utagia lenei mea. O ia mea laiti ou te taua o ni mea
laiti poo ni mea tetele o tutpu mai ai afi tetele i le atunuu
lenei. Ou te le toe manao e faapea ia toe tau Samoa. E
leai foi se Samoa e toe fia tau, ua uuma aso o le valelea o
Samoa, tulou. O nei aso pau lava le mea ua manao
Samoa e fai, o le manuia o tagata ma le o i le lotu. Ou te
fautua atu ma le ava ma le faaaloalo i le Malo ou te
lagona e au lo‟u le fiafia e tauave pea se tulaga faapea.
Ua tatou oo mai i le tiute o oloa. Ou te manatu o le a ita
Vaovasamanaia ia te au, a o le moni o le alofa e le fefe e
ta‟u lava le mea sa‟o. O le mea ou te lagona o loo i le
afioga i le alii Minisita o Tupe e pei e moemiti i ai pe
matuitui lona tino i ai i aso uma lava o le sii o le tiute. E
sii nei, toe sii taeao, toe sii i ona tala atu, aisea? Ou te
manatu a vaai loa le alii Minisita i lea tupe ua tatau ona
maua mai, e tasi lava le auala vave, faaopoopo le tiute i
lea mea ma lea mea.
O le upu faapea sa lavea i se tasi sui, pe afaina tele ai
kamupani i nei mea o sii o tiute. Ou te ta‟u atu i luma o
lenei Fono, e leai lava sina fasi mea e lavea ai se
kamupani. Poo fea le mea e sii i ai tiute a le Malo pe oo i
fea, e leai lava sina pene apa e totogi e se kamupani. A
sii e le Malo, e faa-paleni e le kamupani ma fai i ai lana
pasene. O le fesili la Vaovasamanaia, o le fesili lava lea
e mamafa ia te au. O ai na te totogiina Vaai, sii le pasene
a le Malo, sii le pasene a Kamupani, totogi lava e le
loomatua ma le toeaina la e tolotolo i tua, le tagata e leai
sana galuega. Ona pau lava lena o le tagata na te
totogiina, o tagata na, o tagata la e vele-fa‟i, o tagata la e
vele-vao, tagata la e totō-niu. O tagata na e totogia faiga
pasene ia e tasii nei. Atonu e totogi foi e tatou ni pasene
ae leaga o tatou e fai fusiua. Afai foi e fai le fusiua, o
lona uiga e i ai nai fasi tupe. A o le tagata lenei e ola mai
i le masina atoa, e leai se tupe na te maua, o tagata lava
na o la e tulimatai atu nei poo le a se tatou faiga e fai i ai
i lenei mea o le tiute. E leai se tupe e ola ai, pe uma lava
le masina pe na te maua se $3, poo se $5, a o le tele o
aso e le maua. A o le tele foi o ana ia mea, o mea faalelotu, o mea faale-aiga, o a uma mea e aafia ai le tagata, o
tagata lava na. Vaovasamanaia, ou te talosaga atu i lau
afioga i le alii Minisita, sei fai lava sau fuafuaga i tagata
na. Aua e te fuafua mai i le tatou Maota, tusa lava pe
tetele atu, pe la e tóatele le tatou Maota, aua o loo i ai le
totogi, a o tagata nei o loo i tua, o tagata lava ia o loo alu
i ai le mafaufau sei fuafua mai i ai, poo le a le tulaga e
tatau ona fai i ai tatou te fesoasoani ai.
Lua, ou te toe tau atu ma le faaaloalo lenei mea e le o
toe lilo pe o pogisa i le vaai a le atunuu. O le mea ua
malamalama ma iloa ua mafuli le Malo e atia‟e tagata
fai-tupe poo ē e maua mea ua toe tuu i ai ma isi mea. O
le mea la ua tupu mai, o le va o le maumea ma le mativa
ua mamao lava.
Faafetai atu i lo‟u uso a faipule, ua ou iloa foi
Fuimaono. Ou te le manatu foi la i ai i lea tulaga aua ua
silafia lava e le afioga ia Fuimaono le taleni ma lona
faaaogaina. Ae uu ia taleni, aua e le o ia tatou nei ni
taleni; ua uma tufaga taleni i aso la, a o tatou lava ma le
tatou va fealoaloai. O le mea la e popole ai lo‟u
mafaufau ina nei avea pea lenei va faapea valavala o
tagata ma mea e tutupu mai ai se fouvale o tagata, pe
tupu mai ai se latou mafaufau lē sa‟o. E pei o sa‟u
faatusa e pei lava o le mea lenei ua uma ona fau nei le isi
sitepu e $40miliona, toe fau lona lua o sitepu e
$40miliona, toe fau lona tolu. Vaai la i le mea ua tupu, o
la ua i luga le Kapeneta ma le Palemia i lona tolu o
sitepu ae lei taitai lava uma ona totogi le sitepu muamua.
Ia a tau uma atu le sitepu lea na amata ai, ae lei totogia la
e i totonu. E le o se mea leaga le mea ou te taumafai atu
ai i le Kapeneta ma le Palemia, a o le mea ou te fai atu ai
sei fuafua pe faapefea ona fai. A uma ona fau le sitepu
muamua e fia miliona, sei taumafai e totogi ia uma. A
uma, fau le isi; a o le mea ua vave lo outou faufau mea i
luga. O le mea lena ou te fai atu ai, o iina e tupu mai ai
se auala e popole ai lo‟u nei tagata, se tulaga le manuia
ma se tulaga le sololelei o le tatou atunuu.
O lenei auala e taumafai e le Malo, poo le a ni auala ma
ni faiga e faavavalalata ai le au-maumea ma tagata ua le
lava le latou tamaoaiga, o se tulaga ua tatau, aua a le
silasila totoa loa i ai, e ono tupu mai ai se tulaga le
manuia o le tatou atunuu. O fautuaga ma mafaufauga nei
o loo tuu atu iina aua o oe o le fau-mea, fau lea mea, alu;
fau lea mea, alu. A o le fesili, o ai na te faataunuuina
mea ia e te faufau? Ia o la‟u tali lena, o le tagata e aupito
maualalo i tua lona tamaoaiga, o ia lena e taumafai e
faataunuu mea o maua. E le o se mea leaga le atiina a‟e
ma le alu pea, a o le faalavelave pei e tau tepa mai i tua
poo oo atu pe leai. O le mea e tupu mai tou te vaai mai e
leai se isi o alu atu. Ua o lava na o outou. O le mea lea o
le a tupu. O le a le mea o le a taunuu i ai. E peiseai na o
ni mafaufauga molimoli-po, na o ni mafaufauga e
faataunuu atu iina i lau afioga i le Fofoga Fetalai, na o
mafaufauga lava e fai ae le o ia te i tatou le faataunuuina.
O le tatou tiute o le fautua i le Malo, ta‟u le mea sa‟o aua
le fefe. Afai ua le tonu lelei le Kapeneta, ta‟u le mea
sa‟o. Ou te le fefe e ta‟u le mea sa‟o. Aisea? O le
finagalo lena o le Atua e ta‟u le sa‟o i tagata. O le mea e
ao ona fai e tatau lava ona fai, a avatu la ae le tau ai, ona
pau lava, ae ua uma le sao o le tagata lava ia poo le sui a
usufono ua momoli atu i ina i le fausaga o le tatou Malo.
Ia, ina ne‟i umi se manatu ae ou te faapea atu ma le
faaaloalo lava, afai ua i ai se upu ua sala pe sala foi le
gagana, ia sala lava i le tagata ia, a‟o le agaga ia e
silasila pea le Atua ia i tatou. O le fia galue ma le
faamaoni, o le fia auauna ma le faamaoni, o le fia faiMalo lelei, o le fia fai-Malo fealofani ma le fia fai-Malo
felagolagomai. O le auala lea o lo‟o moomia, ae tatou
faatali i le Lagi aua o le Atua lava na te faataunuuina
faamoemoega pe afai e tasi i tatou ma lo tatou
faamoemoe. Ia manuia lava le Kerisimasi ma le Tausga
Fou, o uo ma e masani e fia malaga mai i lo tatou
Saunoaga Faataupou a Sui Usufono 1961-2011
Atunuu, ia faataunuu pea e le Atua i soo se auala. E i ai
se aso po‟o se taimi e taape lenei Tauaofiaga, ia tu Ieova
i lo tatou va. Soifua.
Tofa TOI AUKUSO
Itumalo Faaalaalafaga:
Faleata i Sisifo
Filifilia:
9 Mati 1979
Faatauto:
28 Mati 1979
Lauga Faataupou:
5 Tesema 1979
Lau Afioga i le Fofoga o le
Fono, e muamua ona
momoli la‟u faafetai i lau Afioga a le Taitaifono mo le
avanoa; tulou foi le paia ma le mamalu o Sui Usufono,
ma a o lei faaalia so‟u manatu e fesoasoani i manatu
faaalia e nisi Sui, e muamua ona momoli la‟u faafetai
aloaia i lo‟u itumalo o Faleata i Sisifo, i tamalii ma
failauga na latou lagolagoina au e avea ma a latou
auauna i totonu o le Fale lenei o Samoa.
O le a amata sa‟u tautalaga mai le Susuga i le Minisita
o Galuega. Ua ou tilotilo atu i le Tala o le Tupe ma le
vaevaega foi o galuega o le a fai i le tausaga a sau, e le o
ta‟ua mai ai le mea lea sa ou faapea, e tatau ona
faasagaonu i lenei vaitaimi. Ma e ao foi ona iloa e Sui
taitoatasi ma le atunuu i lenei vaitaimi i le tele o
faalavelave ua tutupu mai i ala tetele o le Malo. I lenei la
vaitaimi e leiloa e lo‟u nei Sui po o ua faamautu ni
tulafono, po ua fai nisi aiaiga aua le lelei ma le alualu i
luma o le soifua maloloina, e le gata i tagata ae afaina ai
foi le atiina ae o le Malo. Ma e fuafua atu e lo‟u nei Sui,
afai e 100 pe ova atu i le 100 taavale o le a malelepe talu
ai le lē faatulagaina o ni tulafono ma ni aiaiga tatau i lea
itu, ua ou fuafuaina e ova i le „afa miliona le tupe a le
Malo e toe alu atuu i fafo i le fesuiaiga o tupe i nuu
mamao, ona e mafua mai i mea ia e tatau ona fai ae lē o
faia. E pei foi ona talanoa le mamalu o le Palemene, e
maumau lava ona faatumutumu i o latou agaga le atiina
ae. A tatou lelei, teu le itu lea. A maua le tupe lea, e toe
fai a‟i isi atiina ae tau faatoaga ma isi mea e tatau ai mo
le atunuu. O le agai lea o le auala i sisifo ma le alu agai i
le talafatai i Sasa‟e, ua tatau ona faatulaga lelei ni tulaga
e tutu ai pasi i le auala tele, po o le 200 iata le va mai le
isi tulaga o pasi i le isi. E faatatau lea i le alu atu lava o
le pasi alu tu ai, ae „aua le faalavelave le tu i le moa o le
auala auā o le tele o faalavelave o loo tutupu nei, e
mafua mai lava o le itu lea. Ua afaina le soifua o le
tagata, tele tagata ua maliliu, tele taavale ua faaleagaina
e mafua mai i le lē puipuia o lea itu. O lenei mea, nei
faapea le mamalu o le Palemene ai se mea taugata, o
mea nei na o se mea e tu ai le pasi, o lea e tele le oneone
ma mea faapena, na ona avatu lava fai tulaga o pasi i
oneone alu atu le pasi ia tu mai tua. Ia ona leai lava lea o
se faalavelave, aua o tatou auala e vaiti. Tele le mea o le
vaiti, toe lē lelei tulafono, ua atili ai ona tu i se tulaga le
manuia lea itu. E faapena foi taavale laiti i totonu o le
taulaga, ua pule lava le taavale ia i le mea e tu ai. O lea
ua fai mea e tatau ona tutu ai taavale, ae lei
faasagatonuina lava i le vaitaimi lenei.
O le isi tulaga e fia tautala i ai, o totonu lava o fuafuaga
i totonu o le taulaga, ou te le tuua‟ia le Afioga a le
Minisita o Galuega i lea itu, ae a na faapea e amata mai a
o lelei ona fai ma faatino lelei le tulaga lea i le lauitiiti o
le auala ma le faaitiitia o le tu o le taavale i totonu lava o
le taulaga. Sa tatau lava ona fai se mita e tuu ai le tupe a
le taavale ma totogi. O iina e fefe ai le avetaavale alu e
su‟e se mea e tu ai lana taavale ae faaavanoa le mea mo
isi taavale. A na fai ni mita poo ni mea faapena, tasi lena
alatupe a le Malo, ou te mautinoa e le mafai ona i lalo
ifo, po o le limasefulu afe agai i luga i le tausaga, e
fesoasoani uma i nei faafitauli. E pei foi ona ta‟ua e nisi
Sui, e i ai le tupe alu i le lafoga, o tupe uma ia e
fesoasoani ai i le tele o mea faapena.
O le isi mataupu ou te fia ta‟ua mo le agai i luma o le
manuia o Samoa, o mea nei o masini faamalulu „ea. O
lea ua tatou matamata ma vaavaai i le agai i luma o le
fausia o fale tetele o le Malo ma Kamupani, ua tatau nei
ona fuuafua uma e le Malo ma sui ia ata o fale. Sui agai i
le tulaga e mafai ai ona le faaaogaina ni masini
faamalulu „ea aemaise lava Matagaluega a le Malo. I le
vaitaimi o Niu Sila, o la lava e i ai fale sa faaaoga e Niu
Sila, i le vaitaimi lea sa fai ai galuega, ae sa leai lava ni
masini faapena sa faigaluega ai tagata i lea vaitaimi aua
sa malu ona vaaia le atiina ae, ma lelei le puipuiga o le
tupe. A o le vaitaimi lenei, ua toeitiiti lava leai se ofisa a
le Malo e le o i ai se masini faamalulu „ea. E le o fai
fuafua pe popole le Ulu o Matagaluega i lona tulaga. O
le tele o Sui o Matagaluega, e iu mai a latou aoaoga mai
fafo, ona omai loa lea tu i se tulaga maualuga, ma o lena
tulaga ua lē lelei ona faaaoga. Ua le iloa e ia le faigata o
le olaga sa taumafai mai ai tua‟ā ma tagata o Samoa i le
tau faafoeina o ia mataupu e oo mai i le taimi nei. E pau
lava le mea e fai a le Pule o le Matagaluega pe a manao i
nisi fesoasoani na ona tusi lava o le lima, faatu le masini
faamalulu „ea i i, fai le masini faapena i le potu, ma isi
lava mea, ae galo ia te ia le tupe o le a alu ai, e le o
mafaufau i le lumanai o lea itu. Ae manatua, e le totogia
e le atunuu e aofia ai Savaii, Upolu, Manono ma
Apolima ma tagata uma o i ai i Samoa. Afai e sefe ma
fuafua lelei ma fai se fuafuaga a le Kapeneta ma le alii
Palemia e faasagatonu le itu lea, ou te manatu e le i lalo
ifo o le $150,000 le tupe e faasaoina mai ai e le Malo e
aoga lea i isi atiina ae ma mea faapea i le tausaga. A o
le‟i agai atu pea le tautalaga, ua ou fia liliu atu e tautala i
se mea ua ou manatu e tatau ona fai mo lo‟u itumalo. Ou
te fia tautala lava i lau Afioga le alii Palemia ma le
Kapeneta.
I aso anamua a o lei tau le taua muamua o le lalolagi,
faasolo mai ai i le taua lona lua, oo mai i le taua e Ono
Aso i le 1967, sa faoa e nisi nuu o le lalolagi eleele o isi
nuu. Ma e lei faoa i se auala faifailemu, sa masa‟a le toto
o tagata, e le itiiti ai, e tele lava tagata na masaa le toto i
lenei taua, ma sa aveina ia fanua mai i ia nuu, ae oo mai i
Saunoaga Faataupou a Sui Usufono 1961-2011
le taimi nei e pei ona tatou faalogologo atu i ai, o lea ua
toe faafoi eleele ma fanua o ia nuu. Ma o le nuu, e lē o ni
nuu kerisiano, e tele lava i nuu Moselame ma tagata e
leiloa le Atua, Komunisi a o lea ua mafai ona latou
faasagatonu lea itu, ona o lo latou va fealoai faa-natura o
tagata.
E faaumiumi la la‟u tautalaga, ona o lo matou itumalo
aua lo matou eleele o loo ta‟ua o le eleele o Faleata lea o
loo faaaoga nei e le Faalapotopotoga o Esetete Tausi. E
moi nei faapea mai lau Afioga a le alii Palemia, o mea
ua lava ua le o toe i ai ni tusitusiga o ia mea, a o lea lava
e silafia e le mamalu o le atunuu, o le nuu lava lea poo le
itumalo e ona lenei eleele. Ma sa aveese i se auala, i le
taimi o vaivai finagalo o o tatou tua‟a; sa latou ave i se
auala sese ma le taufaavalea. O lea la ua tulai mai nei lo
tatou Malo, ma ua tu mai, e le gata ina o le Malo
Tutoatasi o Samoa, ae ua faavae foi i le Atua. O lea la ou
te faamaulalo atu ai i le Afioga a le alii Palemia, pe lei
afea i lona finagalo se mea e tatau ona faasa‟o ai lea itu.
E viia lava lau Afioga i le alii Palemia e lo matou
itumalo, ona o ou uiga tausaafia ma lou tomai i le tofi, e
tapasā uma ai ou laasaga. Ae malaga atu i fafo e
ta‟uta‟ua oe i lou poto, faapea totonu o Samoa, ae ona
pau lava lea o le mea ua iloa ma maumaututu i ai
finagalo o tamalii o le matou itumalo, ona pau lea o le
mea ua le faaaoga i ai lau tapasa. Ua e soona fai i matou,
pei e masani foi i lou uiga, a fesili atu se tagata ia te oe,
ae ua e mapumapu ma e tilotilo agai i le Sami. O lea foi
ua e faia i lo‟u itumalo, e fiu lava le mea e viga atu ae
tele ina e mapumapu ma luelue lou vae. O lou foai o lo
matou fanua, i uta i Laloanea, e momoli atu lava le
faafetai, ae na o le isi itu, ua matou talanoa ma tamalii
ma failauga o le matou itumalo. Fai mai a latou, sa sili
ona ave se tatou fanua i lalo ifo o Libya iina i le Sahara
desert. O le faatusatusa lea a toeaiina aua ua uma ona
matou iloa le fanua. Ua foi mai ai le Malo ona sa fai ai le
togafa‟i, ae leaga e le maua mai ai ni fua aoga a o lea foi
ua e toe tuu matou i ai. Ia afai o se faamaliega o matou i
le itu tau polokiki, ia, ia e alofa toe faasa‟o lea itu. E
faanoanoa lava le loto atonu e le o oe e afaina, pe afaina
ai foi ae ou te lagona o le Malo atoa e afaina i le itu
lenei. Mai aso a o soifua Mataafa e oo mai nei i lau
nofoaiga, ma le taimi o Tupua Tamasese, na pau lea o le
palemia na maua atu ai lo matou fanua i se mea e lima
eka. O loo faanofo atoa ai nei le isi fuaiala o se nuu
mavae o lea itumalo. Toe oo mai i le taimi o Mataafa,
tusa nei o le lima tausaga sa foai atu ai le 5 eka e fai ai le
matou falea‟oga, ae le o ave fuaina nei mea e avatu. E
togi le moa ae taofi le „afa, toe lisi mai le WSTEC.
O le mea lea ia alofa lau afioga, e pei ona sapasapaia oe
e le atunuu i lou tu mai nei i le tofi, atonu e lei matua
sapaia tele, toeitiiti lava, ae tuuaiina le Malo ona o le
latou faitama faapito. E le o po se lilo i lau afioga, ua
levaleva atu, ua faafia ona alofa le Malo ia Vaimauga.
Ua fia nei ni eleele ua ave ia Vaimauga. Ua fai tasi fai
lua fai tolu, o lena o loo nonofo mai Sui mai Vaimauga,
ae ou te tautala i le sa‟o. Ae leai lava se mea ua ave ia
Faleata, na pauu lava le mea na ave i ai matou, o uta i le
tuloto o le toafa. O le mea lea ua ta‟ua ai pe a faaupu e se
tagata poto faaonaponei, ua sapasapai faa-pepe le Malo
Vaimauga, ae soli pala lava Faleata. O le mea lea ia e
alofa ma faasa‟o nei itu.
O lenei foi ua fai le tatou Sone Saoloto tau Galuega i
Vaitele ma o ia ua faaaoga. E le o faameo lo matou
itumalo aua o mea aogā mo le Malo, a o lea foi ua alu le
auala tele i totonu o le faatoaga lea i Vaitele agai i uta i
Siusega. Ma o iina ua tatau loa ona e silasila toto‟a i ai, o
lea ua amata ona malepe eleele, aumai so matou fanua,
ona malilie lea o le matou itumalo, aua e faatiga taliga ia
te oe. Po o le a se finagalo o le itumalo, aua e toe lua
tausaga o loo totoe e le o toe umi, poo ai se Sui o le a
latou filifilia e aumai. Afai e te toe tu i lena taimi, ia e
faapea foi ona tu‟i oe faapenei. A o lea la, ia malie lau
Afioga sei e faasa‟o lea itu, ma o oe foi o le isi tagata e
fai mea tuu, e i ai mea e te fai mea vave ai, e i ai foi mea
e te fai mea tuu ai.
Ou te lagona ua i lou finagalo e aumai se fasi-eleele ia i
matou, na o na faailoa atu e 300 matai o le matou
itumalo, ae ia e alofa faavavevave matou aua e leai se
mea e tua i ai. E te iloa foi itumalo nei e lua o Faleata ma
Vaimauga e tua mai i ai fafo; Savaii, Upolu nuu i tua,
Manono ma Apolima faapea isi nuu ma Niu Sil ama isi.
E faato‟ai mai uma o latou tagata e nonofo ai i taimi e
tali ai malo. O tamaiti a‟oga ma tagata faigaluega o loo
tumau pea ona nonofo i itumalo nei, seia oo foi i isi aso
faatoa o i o latou aiga. Ia ae leai se mea e tagolima i ai
matou i la lea itu, ae ia alofa lau afioga, ia fai ae
faavavevave se matou eleele, pe lava se 300 eka. E le
afaina ai se inisi e tasi o le WSTEC aua o lea foi ua e
faalogo ua tele tupe a le WSTEC ua maua. E mafai ona
latou o e faaaoga le fanua la e i uta aua e le mafai e ni a
matou tupe ona faatino le fanua. E vaiaso atoa e
faigaluega ai tagata, pe fagota ai faatoa maua le totogi o
le pikiapu e alu e faigaluega ma asi lona fanua. Ua uma
ona matou fuafuaina e eka a le matai, o isi matai e tai 3
kuata eka. A fuafua la, ia o oe o le tagata poto, o oe foi e
mafua ai nei mea o atiina ae, ae afaina foi le matou ae ii.
E sili ai le matou nonofo pea ii pe mativa ma o e
fagogota pea e aumai le tupe lena sefe i lo le totogi o le
pikiapu e alu i uta, ae alu at una o le 3 kuata eka, toe
leaga le toafa.
Faafetai lava Tupuola, ua ou iloa o le a maua so matou
fanua. O le a uma mai le matou tautalaga i lo matou
itumalo, ua lata i le taimi. Ou te le toe tautala i se isi mea
e maua mai ai le polofiti mo le Malo. Ua tatou agaigai i
lua, ua iloa nei taitoatasi e tatou se tulaga matautia ua
aliali mai, ma e tasi lava le vaifofō o le “gamble” po o
taaloga saili manuia. O lea ua faataga bingo, tele taaloga
tau tupe, fai lūlū a le Malo, ia o le mea lava e tasi. Ae ou
te fautuaina ia faatu se “gambling casino” i Samoa, o le
poka ma le mu ia ave i totonu o fale e tatau ona tau ai. E
moni e i ai ni Sui e le malilie i le itu lenei, ae ou te ta‟u
atu, afai tatou te fai mea tuu, ua toeitiiti ona oso lea o
Tutuila po o Fiti, po o ai se nuu o le Pasefika ona tatou lē
maua lea o lea manuia.
Saunoaga Faataupou a Sui Usufono 1961-2011
O tatou lea e tulaga ese mai le lalolagi; e faigata ona
tatou tauva agai i Honolulu aua o le mea e taula‟i ai i
totonu; o tatou e fai si mamao i lalo; e lē nofo nofo afea i
ni malaga, ae vagana o se auala faatosina e ono vave mai
ai se lumanai o Samoa. Ma o lea ou te fautua ai i le
Kapeneta ma le Afioga a le Palemia sei outou iloilo
toto‟a lava i le mea lea.
O le isi itu ou te fia talanoa i ai o le Ofisa o le Minisita
o Atiina ae. Ua ou vaai foi i le pepa o le Tala o le Tupe e
le i ai ni aiaiga mo le toe iloiloina o se fuafuaga e uiga i
le suka. E tatau ona fai se suka i totonu o Samoa. E tele
le laueleele ma mea e lei faaaogaina ua tatau ona tatou
toe fai faalelei lea mea. O le taimi nei ua tatau lava ona
tatou agai i Amerika, e maua mai ai se fesoasoani mo i
tatou. E le aogā ona tatou toe agai i Niu Sila ma
Ausetalia aua o le a tatou tumau pea lava i le mea e tasi e
pei ona sa tatou i ai i le 15 tausaga talu ai; ona o latou e
le manao e faifai mea faatasi ma i tatou nei, nei tei ua le
lava la tatou maketi mai Kamupani lea o le “Sugar
Refining Co” na latou faavalea tatou. Ae tatou tagai i
Amerika, o nuu o le Carribean and Bahamas, o le latou
atiina ae mua lava lea o le suka, e lava a latou suka mo
latou ma e toe auina atu e latou le suka i isi nuu e i ai le
Unaite Setete ma isi atunuu.
E le gata i le suka tatou te faaaoga i le taumafa, a o
toega o le suka o le tatou polofiti uma lena, a o ituaiga
lona lua ma lona tolu, o mea ia e faaaoga e fai ai lole ma
isi mea suamalie, sukalati. O lea ua fai la tatou fale gaosi
„ava ma ua tatau ai ona tatou mafaufau e fai se fale e
gaosi ai uisiki ma o iina e faaaoga i ai le suka numera 2 e
fai ai se “vodka” po o se sini, po o nisi lava mea faapena,
a o loo lava pea a tatou lava suka. Aua e i ai taimi e siisii
ai pea le eletise i luga ona le mafai lea ona toe maua se
tatou suka mai fafo, a ua tatau nei ona sauniuni ma fai ia
itu aua le lumanai ma le atiina ae o Samoa ina ia
tutoatasi i mea uma. O le isi itu ou te fia tautala ai, o mea
lava ia e mataga ai tatou, o le nuu e tu i totonu o le
Pasefika, a e la‟u mai ni tatou fala, saga, fualaau mai
uma i fafo i Fiti ma Ausetalia. Ua tatau lava ona faatu se
factory lapoa, e pei o factory ia i uta, ina ia mafai ona
faatu lea atiina ae aua le tele o le atunuu. O ia mea e pei
ona ou ta‟ua e i ai suka, o fale gaosi mea, o mea e maua
ma tupu mai le eleele o Samoa. E leai se mea e aumai
mai fafo vagana ai masini. Ma afai ae faatino ma tu mai,
o le fia afe ma afe o tupulaga o Samoa nei o loo feoai e
pei e leai ni tupe o latou maua, o le a u‟u tupe uma
tagata. O le a maualuga foi ma fesoasoani i totogi o
tagata, ua ou iloa e lē o toe i lalo ifo o se 25 po o le agai i
luga.
Ma o le mea lea e fautua atu ai i le Malo, sei silasila i ia
mataupu. O le taimi lenei i le tele o fanua o le Malo o
loo taatia vale. O le tele o fanua sa lisi e isi tagata mai le
amataga, e oo mai i le taimi lenei, e lē o lenei ona fai le
lisi. Ua tatau la ona fai se Komiti e asiasi i fanua nei, ia
toe umia uma e le Malo o latou fanua. Aumai la‟ia e
tufatufa aua e tóatele tagata o le atunuu e mafai e latou
ona fai o latou fanua ma tausi ma fai atiina a‟e, ae ona o
le leai o se fanua e tagolima i ai.
I totonu o le talafatai i Apia, ma Taufusi ma isi nuu, o
lo o tele tagata o loo nonofo ai, e aunoa ma se fanua. A
fai e le Malo se tulaga ina ia vaevae lelei fanua pe ta‟i
lua eka, ma tuu i ai atiina a‟e e pei ona faatino atiina a‟e
nei tau fualaau
„aina ma mea faapena i le taimi nei, o iina o le a maua
mai ai se fua aogā maumaututū a le Malo.
O le mea lea e talosaga atu ai i lau Afioga a le alii
Palemia ma le Kapeneta, sei outou silasila lava i la lea
itu.
O le mea lea ou te talosaga atu ai i le mamalu o le
Kapeneta, ma lau afioga le alii Palemia, ia faatu se
Komiti e toe ao mai fanua nei o le Malo, sa lisi e isi.
Amata mai aso o Siamani e tau mai i le taimi lenei.
Aumai fanua nei e vaevae i tagata taitoatasi e leai ni o
latou fanua, aua la le lumanai o atiina a‟e o lo o e
mafaufau nei i ai, ma le Malo atoa ua tatau ona tatou
iloilo toto‟a ma faaali manatu i la lea itu.
O le isi itu ou te fia tautala i ai, masalo pe afaina ai le
Afioga a le Minisita o Tupe. O le mea lea tau faleoloa
tetele i totonu o le taulaga. Ua tatau nei ona faatu pe fai
se faiga faavae lelei ina ia tuu le amio lea ua aliali mai
nei,i oloa tetele ua faataga i ai e lau Afioga vaega-tupe
tetele e tusi ai a latou oloa, e i ai mea‟ai, mea tau eleni,
suka, ma mea faapena; ina ia „aua nei toe faia lea amio o
le aumai o oloa siiatoa a e nonofo ma faatau atu i le
vaega o oloa taitasi. Ua afaina tele ia nuu i Savaii ma
nuu i tua, o i ai ni faitioga mai nisi aufaioloa sa omai ia
te au e faailoa atu ai lo latou mafatiaga aua e lē mafai
ona oo mai i lau Afioga. E .60sene le tau o le pauna
mamoe i fafo i nuu i tua e aofia ai Savaii ona o lē lelei
pulea. O le mea lea e tatau ai ona fai se tulafono ma afai
e le usitai, e sili ona tapuni le faleoloa e aafia ai.
O le isi itu ou te fia tautala i ai atonu e laveea ai foi lau
Afioga a le Minisita o Tupe. E tatau ona iloilo toto‟a i ai
i la lea itu, faatu se tatou Faletupe i Niu Sila, ina ia aoga
i ai alo o Samoa o i Niu Sila; e tele tupe o lo o i Niu Sila,
nai lo tupe o loo salalau iinei. O lea foi e i ai le sea o le
Faletupe o Niu Sila iinei i le Faletupe o tatou ma o lea e
tatau ai ona fai so tatou faletupe i Niu Sila, e ave foi i ai
so tatou sea i luga o le tulaga tutusa.
O le isi foi mea ou te fia tautala i ai lau afioga i le alii
Minisita o Tupe, le itu lava lea tau le NPF. Ou te fautua
atu i la outou Komiti ina ia toe fesuia‟i le faiga faavae o
loo i ai nei i le $20,000 ona faatoa mafai lea ona ave se
faaunegatupe i tua a se tagata, ma o lea faiga o se faiga e
le talafeagai ai ma le mafaufau o le tele o tagata o le
atunuu, faapea Sui mamalu o lenei Maota. E le nofo nofo
maua se $20,000 e mafai ona faataga i se tagata vagana o
se mea e faamau a‟i. Seiloga la ua maua le aofai o ni au
puipuiga malu i fanua ma tupe e ave ona mafai lea ona
aumai sau faaunegatupe e $20,000. Ae ou te talosagaina
lau Afioga, ia taumafai le Komiti e tuutuu i lalo le tupe e
amata ai i le $2,000, pe afai lava ua le lava le alu tele i
lalo. Ma i lea la tulaga ia faaaoga le tupe a le tagata o lo
o lafo tupe nei i totonu o le faletupe lea o le NPF. E le
faapea o fai mai le tulafono, o tagata uma e le a usa latou
puipuiga malu i le $20,000, „aua le totogi atu i ai se tupe.
Saunoaga Faataupou a Sui Usufono 1961-2011
O la lava e totogi i tagata e lea isa latou puipuiga malu o
i ai. O tagata laiti uma nei e ao a latou tupe i le fia afe
ma afe o tagata o Samoa e faigaluega. O lea la, ou te
manatu ai e matuua tele le tupe lea; ae na ona sau lava o
le tama lapo‟a e maua lana puipuiga malu e $20,000 po o
le $100,000, i le ave o le $20,000 ae laina le atunuu. O
lona aiga a faaupu lelei e se tagata poto, ua matua matuiā
lava lea faiga a le Malo.
Ou te fia tautala foi lau Afioga a le alii Palemia, i sina
tama‟i mea laitiiti lea. O le tatou televise iinei ua tatau
ona fai ma e pei e te lei mafaufauina, e fai sau faatagi
aua o oe e lelei le lua fesootaiga ma le Kovana i Tutuila,
Amerika Samoa, ina ia fesoasoani e faaleleia le televise.
E ui lava ina faapea le Malo e eseese faasalalauga ma
eseese tulaga faa-Amerika ma le faa-Peretania, a o lea ua
tatou iloa nei le afe ma afe o televise ua i ai nei. Ma e sili
atu le televise mo aoaoga a tamaiti aua o lea e sau ai ma
a‟oga i mea faapea; e le gata foi i lena o isi foi aoaoga
faaonaponei, e maua mai uma iina.
O le mea lea ia silasila toto‟a lau Afioga. A o lei uma
la‟u tautalaga, ou te momoli atu le faafetai mo le taimi
na faaauau mo au, e momoli atu foi la‟u faafetai i le alii
Palemia mo lona onosai, ae faafetai mo le fanua o le a e
foai mo i matou, ae faamolemole lava lau afioga ia fai i
se taimi vave. Ia ua uma le tautalaga.
Afioga TUIGAMALA SAOFAIGA
Itumalo Faaalaalafaga:
Aana Alofi Nu.3
Filifilia:
9 Mati 1979
Faatauto:
28 Mati 1979
Lauga Faataupou:
11 Tesema 1979
Lau Afioga i le Fofoga o le
Fono, e muamua foi ona fia
avatu la‟u faafetai i lau
afioga, e ui lava ina tele nisi ofo alofa atu ma lagona, ia
ae ou te fia avatu foi la‟u faamalo i lau afioga ona o lenei
itu. A ou matau atu e fou lau nofoaiga e pei foi o le fou o
lo‟u Sui ma le faafoeina o le tatou fonotaga, faamalo.
Ou te fia faamalo atu foi i le tapuaiga a Samoa i ona
tulaga faalupelupeina aemaise le tapuaiga i auauna a le
Atua a o se tapuaiga foi a lo‟u itumalo Aana Alofi Nu.3.
O le a ou le auiliiliina atu o outou paia o Sa ma faigata
aua pe ou te oo i ai pe ou te le oo foi i ai, ou te talitonu o
paia mai le vavau e oo atu lava i le faavavau vaeatu le
paia o lenei Maota. A o lei amataina sa‟u tautalaga, ia,
lo‟u itumalo, tapuai maia ae se‟i ou taumafai e fai se
tatou sao aua lenei nofoaiga o le tatou faigamalo i lenei
tolu tausaga.
A o lei amataina la sa‟u tautalaga, sao u manatu ou te
fia faatuina se fesili faapea. O le a ea lenei mea o le
Palemene? Atonu ua lausilafia lava le tali. Ae na ona ou
tali faapea a‟u. O le Palemene o se isi ta‟u o le Maota o
Samoa, o se isi ta‟u o le Fono Faitulafono na aiaia e le
Faavae e o tatou tua‟a ua tofafa mai tia, ina ia tofusia
mai ai Sui a faipule mai itumalo faa-palota e 45 e pei ona
i ai i lenei taimi faatasi ai ma Sui mai Palota Taitoatasi.
O i lato una o le a aumai i ai le faatuatuaga o le atunuu
atoa latou te fausia Tulafono, latou te faafoeina le alualu
i luma o le tatou Malo Tutoatasi. O lona uiga la i lo‟u
lava manatu, afai ae solosolo manuia, sololelei ma
filemu le atunuu, e mafua mai lava i le lelei o lona
faafoega i totonu o le Maota lenei. Ae afai foi o le a lē
solo manuia ma le lelei le tatou faigamalo i tulaga lautele
o le atunuu, o lo‟u talitonuga e mafua mai lava i le
Maota lenei. Aua foi ua tofu Sui ma faipule o itumalo e
45 o Samoa ma Sui o Palota Taitoatasi ma le faatuatuaga
atoa a le atunuu mo lana faigamalo. E tali tutusa lava le
tulaga lenei ma upu o loo taua mai i le Tusi Paia faapea:
“A pule ma le amiotonu se nuu, ua filemu ma manuia, ae
a pule i le amioleaga se nuu, ua mapuitiga”. O le fesili la
i lenei taimi, o le a se tulaga o i ai nei le tatou nuu poo le
tatou atunuu? Ia, e ia te oe lava Sui mamalu taitoatasi o
lenei Maota lau tali, a o la‟u tali toatasi, ua mapuitiga le
tatou atunuu. E le mafai la ona ou faapea atu, o lenei
Fono ua amioleaga ona pulea, ae atonu o i ai ni mea o
faaletonu ua ao ona faasa‟osa‟oina. I lo‟u lava talitonuga
e toatasi, ou te le tuuaiina i se toatasi, ou te tuuaiina i le
47 lava lenei pe afai o tulaga ia o loo i ai nei le tatou
faigamalo. O le a mulimuli ona ou faamatala atu lea o
la‟u tala. Ae amata ia i sina a‟u tautalaga e fesoasoani
atu ai i lo tatou faigamalo mo lenei tolu tausaga.
E muamua ona ou faapea atu i lo‟u lava saunia o lo‟u
sui, ua i ai lo‟u talitonuga ua tatau ona ou tautala ma lo‟u
fefe i la‟u tautoga atoa ma le faavae o loo faavae ai le
Malo o Samoa, e faavae i le Atua. O lona uiga o a‟u upu
tomua, ia o mea uma lava na ou faalogo i ai e leaga, e le
lelei ma le Malo, ou te le fia tuuina, ae ao lava ona avatu
ina ia ou le tautala i ia tulaga e pei o se tasi upu o loo
tusia, e iloa le mea e fai, e tatau ona fai, ae le faia, o le
agasala.
Ia faafofoga maia lau afioga i le Palemia o loo
faatafagasegase i se taimi o le a saunoa ai. Ou te moomia
lava sana saunoaga e ono faamalieina ai le atunuu aua e
le o po se lilo, e le gata ina muimui a o nusipepa foi
latou e pei ona sau i nisi taimi, tulou le paia o le
Palemene, e aumai faafesili. O ai le au aiafu lea o loo i ai
nei? Na ona uma lava o le masina, o atu tapa le latou
totogi e pei foi ona ou faatulou atu, a tali mai o faipule,
ia e sese. O faipule ua leva ona fia fono, ae ona o le
matafaioi lea e pule toatasi ai le afioga i le Palemia.
Atonu a oo i se taimi e te saunoa ai ma atonu o i ai ni
mafuaaga tatau ma ni mafuaaga taua i lea tulaga. Ona oo
mai lea i le taimi o le tatalaina o le tatou Fono, ua faapea
lava ona faalogo i ai, fai mai foi la outou Faavae e 14
aso, ona toe amata lea. A o lea e maua atu e 19. Malie, e
le se mea a matou o le mea lava lena e pule i ai le
Palemia. A o tala aumai, ai o le faatosotosoina seia
taunuu le Forum Samoa lea e faatosina ai.
Ona ou oo mai lea i le Ofisa o le Soifua Maloloina. Ou
te fia fautua atu i lau afioga i le Minisita ona sa faalua
ona ou ma‟i vaeatu le Maota. O la‟u mea sa matau ai i
Saunoaga Faataupou a Sui Usufono 1961-2011
taimi uma lava pe a uma taumafaga-ti i le taeao o le solo
atu o tagata agai i uta – o tamā, o tina, o alii ma tamaitai.
Na i‟u lava ina ou mulimuli ai i se isi taimi, ma ou maua
ai, o le agai lea e fai le latou mea e tatau ai pe a uma
inuga-ti a gasegase. O le nofoaga lea e fai ai a latou
meataumafa nei, ia se‟i vaeatu lava le paia o le Maota, o
le isi itu o fale taele a o le isi itu e taumamafa ai. E
faapea foi i le aoauli, a o le pon a ou vaaia ai e momoe i
lalo o pulu ma poletito o le Falemai nisi matua, ona oo
tia ai lava lea o lo ta mafaufau i le tele o mea o loo fai a
le tatou atunuu, a o sina vaegatupe ou te iloa e le atoa
sina $2,000 sei fai ai sina fale faafale-vaa poo se tulaga
faapena ia malu lelei, sei nonofo ai i lato una, aua e i ai
gasegase e moomia tausimai. O le mea la lea ou te fautua
atu ai i lau afioga i le alii Minisita sei e silasila ane i lea
tulaga.
O gasegase ma togafitiga i nuu mamao. A ou vaai atu i
le Tala Faatatau o Tupe 1979, e $50,000. A o le 1980 o
loo moomia ai se $130,000. Ona faapea lea o lo‟u
mafaufau, pe aisea? O lona uiga ua fausia nei falemai
tetele ma le faamoemoe o le a faaitiitia ai ia tulaga, ae o
le mea ua aliali mai e tusa ma le 160% le moomia ua
faateleina ai le 1980. Ma ou te fia fesili atu ai i lau afioga
i le alii Minisita i le taimi o le a e saunoa ai, sei
faamalamalama lelei mai le tulaga lea, faamalamalama
mai foi pe faapefea ona pasia se gasegase e tatau ona ave
i nuu mamao. O le upu lenei o le a ou fai atu o le upu
masalo ua silafia uma e le Palemene lenei, ae le‟i ui mai
ai se faamatalaga. E oo foi i fomai ua ta‟uina mai ia te au
ma o le mafuaaga lea o la‟u fesili atu, pe moni pe le
moni, avatu pea. Faapea la, na i ai se gasegase o se alo o
se isi o faipule na ave i le tulaga lea lē sa‟o o ala o
faatosina i tulaga o faiga palota. O le mea la lea ou te fia
fesili atu ai, faamalamalama lelei mai, e pei ona ou fai
atu a ou tuuina mea ua ou faalogo ma vaai i ai, o la‟u
agasala tele lea i la‟u tautoga.
O fomai i nuu i tua lau afioga i le alii Minisita atonu ua
saunoa le tele o Sui. O lo matou falemai o loo i ai nei,
tau ma le susuga i le fomai, ia ae pe na o le 2 aso i le
vaiaso e mafai ai ona vaaia mai i le falemai ona o loo
asiasi foi e vaai Lefaga ma Falelatai. Sei tagai ane lava i
ia tulaga aua o lona iuga lava i ma‟i tigaina o le tili mai
lea i Apia nei. Ua leai se aoga o falemai i nuu i tua. A ou
vaai atu foi i ana galuega pe afai o le tulaga uma ia o
fomai, atonu ua le taitai ona talafeagai ma totogi nei o
loo galulue ai alii. Afai o ni tulaga faapea, ia lau afioga i
le alii Minisita, silasila totoa. Matua ave i ai totogi lelei
pe afai ua le lava o tatou fomai. E pei o lea ua aliali mai
ua faamavae nisi, mumusu nisi, ona o totogi, a o lenei o
loo tatou vaaia le tele o atiina ae o lea ou te iloa lava e
a‟u le lē talafeagai i lenei vaitaimi. Ae aumai lena mea e
faalava ai totogi o fomai.
O le tasi itu, sa taua e se tasi Sui, e le fiafia i nusipepa.
Ia i lo‟u lava Sui, sao u fiafia lava i nusipepa, aua ana
leai nusipepa, e le mafai ona iloa nisi mea tetele i totonu
o le Malo poo mea faamaonia pe le faamaonia ae ou te
talitonu e le te‟ite‟i aumai fua e le Sui.
Poo fea ua fai i ai le moliaga lea o nisi o Ofisa o le
Falemai. O lea moliaga atonu o loo silafia e Samoa
aemaise lenei Maota. O le tele o tusitusiga ua agai i ai,
ma o loo taua ai le faaaogaina o tupe a le Malo i le taimi
o faiga palota ma nisi o mea tau i le Falemai ua uma ona
tusi i fafo ma totogi ae le iloa poo fea ua agai i ai. Nao u
maua ai foi i na tulaga faapea o nei tupe, o tupe ua uma
ona faamaonia atu e le afioga i le Minisita o Tupe faapea
foi le susuga ia Alisa. Fai mai o tupe ua uma ona
faamaonia atu. Ia o le a avatu se faamalamalamaga pe a
fia fesiligia a‟u i se taimi.
O le Ofisa o Aoga. Lau Afioga i le Minisita o Aoga,
atonu lava e fou mai foi lau nofoaiga. O lenei lava
mataupu nao u faalogo mai lava a o le‟i ave ata ita ma
faipule, o avau atu lava iinei. Ta te ofo lava pe afai e le‟i
silasila i ai lau afioga aemaise le mamalu o le Maota i se
tulaga lava tau feaveaiga o tamaiti aoga i pasi. O le
matou lava faa-itu pe‟a tutuli mai nai tamaiti i le aoga e
faatali pasi poo le le‟i taina o le 6 poo le 5 ae toe omai
lava i le aufaigaluega i le 8 i taeao e faatali pasi o la e
lava e tutu. Sa ou matua saili e a‟u lea tulaga ma lea
faafitauli pe mafua i se a? nao u maua e faapea e tele ina
le fia aveina e pasi ni tamaiti aoga ona o le taugofie o o
latou pasese. Ae le gata i lena, e le manatumamafa i ai
avetaavale i nai tamaiti. A o le mea e sili ona faanoanoa i
ai i tulaga o aoga i lenei tausaga, o le tuli mai lea o se
tamaitiiti aoga ae alu atu ua ta le 4. A fesili atu pe aisea,
o le tali sa faasala ona o le tuai atu. O se isi taimi ua fai
mai i se 10 sene e totogi ai le sala. Ou te iloa o le tulaga
lava lena o loo i ai le tele o aoaoga. Ona ou fautua atu ai
lea ma le ava lava i lau afioga, sei e tagai ia i lenei
tulaga, ma ou te talitonu o se tala ave lea i lau afioga pe
a mafai ona e foia lenei faafitauli, se pasi mo tamaiti
aoga. Atonu o se tasi lena itu e mumusu ai avetaavale
ona o le mea lea o le ova. Ae ou te fia tautala foi i ai l e
tulaga lea pe a aumai i le Ofisa.
Faafetai atu i lau afioga i le Fofoga o le Fono, ua
faauilavea foi le afioga i le Minisita. Faafetai atu aua o
Sui nei foi o Sui fou. Ae afai o tulaga ia o femalagaaiga,
ia faafofoga mai lau afioga i le Minisita o Femalagaaiga.
Peitai, e pei ona tau aina ia ala atu ai se fautuaga, aua a
ou fai atu nei i le Minisita o Femalagaaiga, ia atonu pe le
o iloa foi e ia se tala se‟i vagana ua e saunoa atu e moni
lava le Sui lea e faafitauli tele tamaiti i le tulaga lea, ae
faafetai atu mo le faasa‟o mai. O le tulaga la lea e pei
ona ou fai atu, o le tasi lea vaega. O le fefefe o
avetaavale e ave le ova. Ou te fautuaina lau afioga ina ia
outou feutaga‟i ma le Ofisa o Leoleo.
Ou te matua fatuaina lava lau afioga i le alii Minisita,
ina ia tatou o ia i le tulaga lea o le faaaoga fua o alo ma
fanau a le atunuu. O a‟u lava la ma lo‟u Sui toatasi ou te
le o manatu i le aotelega ae mo se faataitaiga, e amata
atu i le vaega laiti seia oo i le Vasega Lua Tetele. E i ai
lo‟u talitonuga, o iina tonu lava o le a iloa ai le tamaitiiti
atamai ma le tamaitiiti e ono agai i luma lona mafaufau.
Ona talitonu ai lea poo ai lava matua matitiva i le taimi
lea ua latou silafia, o alo moni ia e ao ona faaaooga ou te
iloa o le a taumafai lava. O le a taumafai loa e faaauau
Saunoaga Faataupou a Sui Usufono 1961-2011
aoga a le fanau. Aua ua ou matua vaai lava i nisi o fanau
atamamai ae faamutaina le latou aoaoga ona o le tulaga
lava lenei o le lē mafai ona faa-aooga ona e le lava tupe.
Ae manu o se tasi lava o alo ia, ona fesoasoani i ai nisi, o
le a ave ama taitai ma ulu o le tatou faigamalo. Ou te
matua fautua atu ai pei ona saunoa nisi Sui o lo ta loto
lava lena. Ia matua i ai sau fautuaga lelei i lo tatou Malo,
ou te iloa a aumai se tulaga faapena, e leai se isi o lenei
Maota e le sapasapaia. Aumai sau tulafono faapena ina
ia faa-aooga fua alo ma fanau a le tatou atunuu.
Ofisa o Leoleo: E muamua ona ou faapa‟i atu i tiute
tauave o loo feagai ma lea ofisa. Pau lava lea o si vaega,
afai lava e sese lo‟u Sui ma ou mafaufauga ia o le tatou
Maota lava lenei tatou te foia ai ia tulaga. O tulaga
tauova, atonu o le tele lava o lenei Maota ua oo atu i
malo tetele i fafo. Ua ou vaai i ai e la‟u lava le uta a le
pasi ia seia oo ina tau le mafai ona pipii vagana le
apaapa. Mao u te talitonu lava lo‟u Sui toatasi e leai lava
se faalavelave ua tupu mai ona o le ova, pau lava le mea
o le saoasaoa o taavale. E mafua ona ou tautala i lenei
tulaga ona ua ootia lo ta mafaufau i tamalii ma failauga
aemaise le malosi o le atunuu o loo latou umia lenei
galuega o le avetaavale. Masalo a asiasi lau afioga i le
Falepuipui, masalo o le tóatele lea o pagota o loo i ai nei
o avetaavale. O isi la e tau togitogi le ta‟i afe ma ona
tupu ma e mafua mai lava ona o le ova. Ae silasila foi o
se tasi lenei o galuega e faafeagai ma le aganuu i aso
uma. Fa‟i o le va fealoaloai, ae vaai mai i se tina poo se
tama, se teine o le taimi lea ua lagona e lena avetaavale
ua itiiti ia te ia le fefe i le Tulafono a ua tele la alofa i
tagata nei. O lea ou te avatu ai pea se‟i e silasila ane lava
i ai lau afioga i le Minisita pe le o se tulaga ea ua
alagatatau pe talia e pei ona fautuaina le afioga i le
Minisita o Aoga ua tatau ona faatagaina le ova o tamaiti
aoga. Vagana o i ai se mafuaaga o silafia lelei e lau
afioga, e tupu mai le ova, pau lava lo‟u lagona ona o le
tatou aganuu i le tutu o isi ae nonofo isi. Ae ou te iloa a
mafai lava ona sii nai tamaiti aoga o le a le afaina a o le
a e maua o latou taimi aoga. Aua e mamafa tele i lo‟u
mafaufau i soo se malo tau atiina ae, ia e moni lava i le
tele o matagaluega, ae pei o matagaluega lava ia e lua ou
te iloa e ao ona tatou silasila totoa i ai – o le matagaluega
o Aoga ina ia maua ai ni alo ma ni fanau atamamai aua
le tatou faigamalo mo le lumanai. Ae le mafai foi ona
solosolo lelei aoga a le fanau pe a le lelei ona faafoeina
le soifua maloloina, le ofisa o le Falema‟i.
O se tasi vaega o le Ofisa o Leoleo. Atonu ua silafia o
le matou itumalo e tulata i le Malae Vaalele, o letele o
taimi o vaalele o tuuga vaalele e fai, ae ou te le i vaaia
lava se leoleo o loo latou tiute i le tulaga lea. Masalo o
aso uma lava, e soli ai le tulafono i aso uma lava. Ua
aafia foi i fonotaga a lo matou nuu i isi taimi ae faa-leai
so matou malosiaga tele e lipoti mai foi ii, ae le mafai
ona tuua seia vagana ua oo atu. Matou te talosagaina ai
afai ona o le toaitiiti o leoleo e a pe afai ni nai mea foi ia
o faa‟oso‟oso i le aualatele e faalemu ai le alu o taavale
aemaise lava i sa‟oga na e i ai e toeitiiti lava ona tutupu
mai ai lea o ni faalavelave. O le fautuaga atu lea mo lea
tulaga.
Ona ua le faatasi mai lau afioga i le Minisita o Fanua
ma Fuagafanua ae tasi lea ofisa sa saunoa ai se tasi o
Sui, le afioga ia Malaitai. O se Ofisa lelei tele mo le
tulaga ta te oo atu loa i se mea e manao ai ia e le umi
lava ae faamanuiaina foi ma ou te faaluaina lea tulaga.
Pau lava lea o si vaega ou te fia talanoa atu ai atonu o
faafofoga mai le afioga i le alii Minisita, o mea ia tau
eleele tanu, e tanu i luga o le sami. O lea e i ai lona
tulaga faapea o loo saunia pepa e faanofo-lisi ai le na
tanuina le eleele. Ou te matua fautua atu i le afioga a le
Minisita ou te le iloa poo ua pasia lea tulaga ae afai e lei
pasia ou te fautua atu ua le alagatatau i lo‟u lava manatu
e toatasi. E ui lava i ni aiaiga o loo i ai faapea soo se
taimi e manao ai le Malo poo le faalauteleina o le alatele
ona faaaoga lea e aunoa ma se taui. A o le toe faa-nofo
lisi lea o tagata sa alu le afu ma tupe e tele i le tanuina o
eleele e le talafeagai ai. Mao u te fautuaina ai le afioga i
le alii Minisita pe a o faafogafoga mai sei silasila ane i
lena mataupu.
O le tasi mea ou te fia fautuaina ai le afioga i le alii
Minisita o le mea foi lea o loo tupu nei i le tele o
matagaluega, lea ua tóatele ai papalagi. A silasila i ai, e i
ai se tasi alo o le atunuu ua i‟u lelei e tutus ama le atamai
o papalagi ia o loo i ai nei. A ua le i ai nei ona o tulaga ia
tau totogi, toeitiiti lava leai se alo o Samoa o totoe ii.
Aua na o papalagi pe maua ea le toaono pe toafitu lea ua
i ai nei. Masalo ana toe faafoi se isi vaega o papalagi ae
tuu ai na o se tasi, e mafai lava ona tauave tiute o le
matagaluega lea. Ua tóatele naunau papalagi ii.
O se tasi itu, o eleele a le Malo. Ua silafia lava o eleele
a le Malo, a ua i ai nisi o le atunuu ua galulue i totonu.
Ua tele a latou faatoaga o loo i ai. Ia te au lava ia ma lo‟u
lagona o loo tatou moomia nisi e galulue. E tele nisi o
afioaga o loo talosaga i eleele ona tuu atu lea i ai ae le
faaaogaina.
Ae o nai tagata nei u asese i totonu ona o le leiloa o
tuaoi. I la‟u a fautuaga lau afioga, ua tatau ona tuu i ai e
galulue, pe a vaai atu o loo solosolo i luma ia latou atiina
ae, ia ma a latou galuega o loo fai ai, ia pe tuu i se tulaga
faa-lisi, poo le faatau motu foi. Ou te talitonu o loo
tóatele lava ni vaega faapena i lo‟u itumalo.
Ou te fia taua foi ia tuulaga ia na aumai e le Malo mo lo
matou itumalo e ta‟i selau eka. Ia faafetai atu lava mo ia
fuafuaga, ae peitai ua tuu mai nei eleele ma si auala lea
sa fai ai ae masalo a afio atu i ai lau afioga a le Fofoga o
le Fono, e le mafai a ona alu ai se taavale. Ua na ona sau
a o timuga ia solofa uma lava mea sa faia. O lea e
talosaga atu ai sei tagai totoa i lea tulaga, ina ia toe faia
auala e faatatau mo le galueaiina o nei eleele.
O le Minisita o Aoga. Malo lava i le tele o galuega. Ae
ou te toe talosaga atu masalo o le faaiuga o le 1978, na
faateia ai foi lo matou nei nuu, faapea uja o atu ia masini
ua suatia faapea o le malae e fai ai taaloga a le itumalo.
Ia faafetai atu mo le galuega ua faia, a o le faalavelave
ua sua sua nei ona toe ai lea o se mea e pei o se autu, vae
atu le paia o le Maota. O lea autu, a e tagai i ai ae timu, o
Saunoaga Faataupou a Sui Usufono 1961-2011
iina lea ua fai nei ma faamoega namu i totonu o le matou
nuu. Ou te talosagaina ai, ua uma foi ona ou oo atu i lau
afioga, ae faapea mai sei maea fonotaga a le Komiti.
Faamolemole sei vave foia lenei faafitauli ua pagatia
matou i le tulaga lea. Atonu ua silafia foi e le Ofisa o le
Soifua Maloloina ua avatu i ai faatonuga ii, ae le o se
mea na mafua ia matou ua mafua mai ona o le fai fai ua
le uma ona fai. Faamolemole sei tagai ane lava i ai i ia
tulaga.
O auala e umia e le Malo lau afioga a le Minisita o
Galuega, ua uma foi ona ou oo atu i lea tulaga. O lo‟u
lava talitonuga e soo se auala e umia e le Malo, e ao foi
ona teuteuina e le Malo, aua o loo feoai ai taavale, o loo
feoai ai foi le mamalu o le atunuu. O le auala lea i
Satapuala, ia e le pei le nuu lea o le tele o afioaga e
faalautatai i luga o le alatele i itu e lua. Ae ona o le
tulaga na ave a i ai e le tatou Malo foi ina ua siitia mai le
mea sa i ai le malae vaalele, e faalaumiumi i uta ma tai,
ia o le alu la i gauta lea e i ai nei le auala lea ou te fia
tautala atu ai ma le faaaloalo lava. Ua na o le feoai ai o
pasi ma le feaveaiga o pasese a o le pefu ia o aso uma sei
vagana lava aso timu. O loo pagatia lava lena afioaga o
le matou itumalo i lenei auala. Ou te talosaga atu ai lau
afioga a le Minisita, ia o le mea sili, faafetai foi, e moni
lava o lau afioga e tulai mai o le Sui mamalu mai
Salafai, ia ae o loo e maupaolo foi i totonu o le matou
itumalo. Atonu o se tasi lea o mea e faafiafiaina ai foi
lou feafioa‟i i o, ia ae silasila ane le itumalo ua uma ona
fai le auala lea.
O auala nei e tau o auala galue se ua ta le malamalama i
auala nei. O se tasi taimi ta te fesili mai i se mea ta te fia
malamalama ai, ia a le o le Ofisa o Galuega, o le Ofisa o
Pulenuu. O le mea lena ua ou le malamalama ai. Ae pau
a le mea e avatu pea ia poo ai le Minisita e faafeagai ma
nei mea ia atonu e tele o nisi o saunoaga ua oo i ai i lea
tulaga, ma e ou te matua lagolagoina. I lo‟u lava taofi sa
sili ona fai ni nai auala se sefulu. A ia matua mautu lelei
ona fai ala-vai. A o le mea lea e i ai nei, ia sa oo mai foi
la‟u faitioga ma lau lipoti i le Ofisa o pulenuu o lena nao
o atu ai foi le afioga i le taitaifono, ua na ona sua lava e
ketapila foi mai ae leai se lola foi lele sei tau ina
faalaulelei ai aua e le mafai ona o ai ni taavale. Semanu
lava la toe oo atu, ai na faatonu atu ia ae alu atu foi na o
le tasi lava le aso. Na ona sau lava alu i uta i le isi auala,
sau alu i le isi auala, ia foi mai. O le taimi lenei ua
manaia ua pei se ala-vai. O la ua tafe ai nei le vai ua le
mafai foi ona feoa‟i ai taavale.
Faafetai atu i lau afioga a le Fofoga o le Fono faapea le
mamalu o le Palemene mo le avanoa e faaauauina ai lau
tautalaga. Ma o loo gata mai lau tautalaga i le Minisita o
Galuega. Toe tasi lava lau fautuaga e fia avatu i le
matagaluega lea o galuega, faatasi ai ma le ofisa o
Fuagafanua, ma le Falemeli. Ia lau matamata i Niu Sila i
nai taimi puupuu i asa ou i ai, sao u vaaia ai le galulue
faatasi o le matagaluega nei e tolu, pe a fuafuaina se mea
aemaise o auala. I le galueaina o le auala lea agai i
faleolo, sa vaaia ai lava e lou Sui le tele o tupe faaalu ma
faamaumauina ona ou te talitonu o le le galulue faatasi o
matagaluega nei e tolu. Sa tatau i lo‟u taofi afai ua
fuafuaina le auala ona tatau lea ona tuu mai i le aufai
telefoni poo fea le mea e tatau ona alu ai telefoni. E
faapena foi ma le tulaga e agai ai le auala. A o le mea sa
i ai, e uma atu ona faatutu pou moli ae alu atu le auala
ese le mea e oso agai i ai. Toe tasei atoa lava lena laina
poumuli, vaeatu le paia, ae toe tuu agai i le mea ua agai i
ai fuagafanua o le auala. Mao u te fautuaina ai lava nei
matagaluega e tolu mo le faasaoina o tupe i lea tulaga
ina ia latou galulue faatasi pe a fuafuaina ni tulaga
faapea e i ai auala. Aua e le mafai lava ona alu ai ma
telefoni ma tulaga uma faapena.
Faafetai atu lava mo le avanoa e faaauauina ai lau lauga
e pei ona saunoa le Sui mamalu, ua malilie foi i ai le
Palemene, ia o le a ou taumafai e faatopetope atu.
Minisita o Femalagaaiga – Forum Samoa. Ou te
talosaga atu i le taimi e te saunoa ai sei auiliili mai lava
sina tala e uiga i lenei vaa. Ua tele foi faamatalaga, ia o
nisi foi e fai leitio, o nisi e leai. Ae atonu o le vaitaimi
lenei o loo fia faafofoga uuma le atunuu i tulaga o le
taualumaga o le tatou faigamalo i sina faamalamalamaga
poo le a tonu le tulaga i le vaa, poo le vaa atoa lava o
Samoa. Poo le a le tulaga o tupe maua, poo fea o ave
agai i ai? Pe tai fia masina ma tatou maua ni tala
faaletupe. I ama tulaga uma lava faapena. O se tasi itu ou
te fia tautala atu ai ma le agaga faamaulalo i lau afioga a
le Minisita o Femalagaaiga, o alo o le atunuu o loo
galulue ai. Ma e atonu o le taeao lea sa tatalaina ai le
vaa, sa foi mai le mamalu i le atunuu, masalo lava ma
nisi foi o faipule sa nofoi, ona o aiga ma alo foi o loo i ai
i ia galuega. O se tala faanoanoa tele lea i le faalogologo
i ai. Na iu lava ina fetagisi nisi seila ma faamatala
faapea, o le feagaiga lava na fai atu iinei e talosaga latou
i o latou aso Sa i o, e le galulue ai. Ia a ua faaupu ane i o
o le faatonuga na avatu iinei ia galulue faasoloatoa latou.
Atoa foi ma o latou totogi e $170 i le masina. Aemaise o
le latou tupe faaagaaga lea na tai $20. Ia fai mai na uma
e lei oo atu i Amerika le latou tupe lea. Ou te talosagaina
ai lau afioga a le Minisita o loo feagai ma lea tulaga sei e
toe silasila lava i lea tulaga. E talitonu foi o lea totogi e
tuu i ai, e le taitai ona talafeagai ma alo ma fanau o loo i
ai, aua foi, e es lava le tulaga e fai ai o latou totogi, ese le
tulaga e fai ai totogi o le auvaa Siamani latou. Ta te fia
malamalama ai la i ia tulaga. Ma ia alofa lava lau afioga,
masalo a toe foi mai a o le tulaga lava lea, ia e tóatele
lava na tau faamavae, ia ae avatu lava foi i ai nai
fautuaga ma nai upu foi e faalototetele ai le auvaa. Ae na
tóatele lava na fai mai, o latou o le a nonofo. Ae peitai, o
le mea sili ua toe foi le auvaa. Ou te talosaga atu ai sei e
silasila ane lava i ia tulaga aua ia alo ma fanau a lo tatou
atunuu o loo galulue ai.
O se tasi tala na faalogo soo i ai taliga i lena taeao, e
avatu pea vaeatu le mamalu o le Maota. Aisea ua le auai
le Ao o le Malo a o le vaa o se mea fou i totonu o le
Malo? O se tulaga faapea e tatau ona i ai le Ao o le
Malo. Ia afai a o se tulaga e tatau ai e le oo i ai lo‟u
malamalama. Ia a o lena ua ou avatu ae sei saunoa mai i
ai le afioga i le Minisita.
Saunoaga Faataupou a Sui Usufono 1961-2011
Minisita o Tupe. E amata atu i le NPF, atonu o le tele
lava foi o ni saunoaga ua oo atu ma ni fautuaga, ia e
tutusa a ma sailiiliga a se tasi o Sui. Ae pe isa ou vaavaai
atu pei e lulu i ai lou vae e le sa‟o. Ae ou te toe faapea
atu pea i lau sailiiliga, fai mai o le tulaga lea e tau o le
$20,000 e le tau fonoina. E faapea o le paoa lava o lau
susuga e na ona e fai atu lava e tuu i luga, ia luga. Tuu i
lalo, ia tuu i lalo. Ou te talosaga atu ai ma le faaaloalo i
le oi lea e oi ai nei le aufaigaluega ma o loo lafo i totonu
i lea tulaga, ia masalo e le atoa se 5% o le aufai-lafoga a
le NPF o loo latou selesele nei le manuia lea. E talosaga
atu ai ma le faaaloalo ua oo atu le tele o saunoaga, ia
atonu ua lava lena, ae ou te toe faaopoopo atu e a pe a
tuutuu ifo i lalo, ia aua o lea foi e maua tala ou te le iloa
pe sa‟o. Pe fou le aufaigaluega iina, e mafai lava a latou
nonogatupe, ia a o lenei lava e oi le lautele o le
aufaigaluega ma e o loo latou lafo le NPF. E talosaga atu
ai sei silasila ane i lea tulaga. Afai e te faia na tulaga
uma, o ou viiga na i le atunuu, e leai se isi e le malie na o
le fiafia ma alalaga i luga ma faamanuia atu i lau
nofoaiga.
Lafoga a le aufaigaluega. Ia ua saunoa i ai le tele o Sui,
ma e ou te toe fia faaopoopo atu i ai. E $416 a soifua ai
se isi i le taimi nei, atonu e ioe lau afioga i le Minisita e
masalo e uma le tolu masina e le oo i ai lena $400. Ou te
talosagaina e pei ona oo atu o nisi o fautuaga ia sii i luga
le tuulaga o mea e tatau ona soifua ai le tagata
faigaluega. O le mataupu tau lafoga a faifeau. Ua le
faatasi mai le afioga i le Palemia, ae ui o lea ou te lagona
lava o le mea e tau i le Minisita o Tupe, ae ou te iloa lava
o sana fautuaga. Fiafia lava i le aso sa ma faatasi ai ma le
afioga i le alii Palemia i se faamanuiaga a se tasi o
Kolisi, sa saunoa ai le taitai ma na faamamafaina ia le
fetalaiga foi lea a Iesu ia Peteru: “Peteru pe sili ea lou
alofa mai ia te au i lo i latou nei?” Pe faatolu lava ona
fetalai Iesu. Aua o le agaga maualuga lava o lena aso ia
faasilisiliina lava mea tau Iesu i lo nisi lava mea. Ona ou
manatu ai lea, tasi lenei mea ou te talitonu ua ao ona se‟i
toe silasila totoa i ai le afioga i le alii Minisita, afioga i le
Palemia, o lafoga a faifeau. Ua tele ina saunoa nisi Sui i
mafuaaga, ma o mafuaaga foi nao u te lagona. Ma ua i ai
lo tatou talitonuga o Samoa, o le i‟oimata o le Ao
Faalupega, mea uma ua tatou foai i ai, tatou te le o faia
ona o latou tino tagata a ua tatou faia ona o le suafa o le
Atua poo le faavae lea o le tatou Malo o loo latou
galulue ai. Ia pe o le mea foi lenei e tau tatā i ai, aua na o
le tasi le tausaga na fai ai lafoga a faifeau, ae tupu mai
lenei mau mala iinei. O lea ta te fesoasoani atu e fautua
atu, e faigofie lava ona toe tuu ese, leai se faigata. A o le
mea o i ai o tatou talitonuga e ono faatupu mala mo
tatou.
Lau afioga i le alii Minisita, sa ou fesili foi i le tatou
taualumaga o le Fono e faigata ona ou ioe i le Tulafono
Tau Faaofi seia vagana ua ou mauaina le malamalama i
tulaga o nonogatupe a le Malo o Samoa i Sisifo i atunuu
i fafo ma totonu o le tatou atunuu. Ia faafetai o lenei ua
maua se isi vaega o nonogatupe i fafo, a o totonu o le
atunuu, ia ou te le o maua lava faamolemole pe maua
sina faamalamalamaga mai o tulaga o nonogatupe uma
ia.
O le Tala Autu o le Tupe i le Itulau e 5. Ia e moni lava
e le malamalama tele foi i mea tau tupe ae manino tele
la‟u matau i le Tala Autu i le itu taumatau i le 1980 e
$5miliona ma ona tupu se tupe faasili e ono maua e le
tatou Malo. A o lona itu tauagavale 1979 o iina e faaali
mai ai foi le tupe faasili e $5,770,080 tupe mama. A o le
mea la lea ua ou le malamalama ai pe afai e moni lea
tala, aisea ua toe manaomia ai i le Tala Faaopoopo o le
1979 se $3.2miliona, a o lea e ta‟ua mai le tala lea o le
1979 le mea o i ai le tupe faasili lea, pe afai o tala
faamaumau faamaonia nei? Ia saunoa maia i ai i se
taimi. I le Tala Faatatau o le Tupe a le Ofisa o Tupe, o
loo aumai ai iina le $10,000 e pei o mea o sea foi nei i
kamupani fou e aumai i fafo. O le mea la ou te fia
malamalama ai, pe aisea na le tuuina ai i lalo o le Tala
Faatatau o le Tupe a le Matagaluega o Atiina ae o le
Tamaoaiga? A o lato una pe afai e sa‟o lo‟u
malamalama, e pulea ia kamupani fou e aumai i totonu o
Samoa, atoa ma le vaavaaiga. A o lea ua aumai i lalo o le
Tala Faatatau o Tupe a le Ofisa o Tupe. Ia atonu o i ai se
mafuaaga taua pe a saunoa mai ia le afioga i le alii
Minisita.
Ou te fia malamalama lau afioga a le Minisita i le tupe
lea a le Komiti Faatino o Taui o Faalavelave Faafuasei.
O fea le mea o teu ai? Afai e moni la‟u tau faalogo
faapea o loo teu i le „Pacific Commercial Bank‟. O la‟u
fesili aisea, a o lea e i ai le tatou faletupe o lea tatou te
fai sea i ai? Ia o la‟u fesili atu lea ma le faaaloalo, ina ia
aumai se tali mo se taimi o muamua.
O le vaega mulimuli ou te fia talosagaina ai lau afioga a
le Minisita e fitoi tonu ma le mataupu tau tiute. Ona e
faavae i le Atua Samoa, e leai se isi fale e taua o le fale o
le Atua vagana falesā. A o tiute ia e i ai nei ma le
tulafono, e na o faamalama lanu, nofoa ma piano, ma
mea faapena e faapa‟ū le tiute. Ia ae le mafai ona aumai
nei faamalama lanu e fai ai se falesa, sei vagana ua i ai
laupapa ma apa ma mea uma faapena. Pe le alagatatau ea
ona teuteu lena tulafono, tainane leai se tiute o nei mea
uma? E ui ina ua maea le matou galuega, ia ae mo nisi
galuega i le lumanai. Ta te fautua atu i lau afioga a le alii
Minisita, atonu lava o le tatou tautuua foi lea i a tatou
galuega i afioaga ma nuu taitasi, o tatou galuega nei tau
falesa. Ia fesoasoani atu mo le faapa‟ūina o le tiute poo
le matua aveese foi.
O le a ou le toe taua foi ia Minisita, nei ou sese poo ai
le Minisita e feagai tonou ma ia mea. O tagatanuu e lua
ia e ta‟ua. E tele saunoaga i ia tulaga ma e tatau lava ona
ava ma faaaloalo i le uso a faipule na mafua ai lenei
tulaga. O le a le ia te au sou fia tulituliina o lona tagata,
ae peitai mo le agai i luma. O se mea mamafatu lava i
lo‟u Sui, le tele o mafuaaga ou te fia talau atu. Atonu o
le tele foi ua uma ona avatu e afioga a alii ma faipule. O
le mea sili ona mamafa i le mafaufau, o se atunuu
aemaise o se Palemene e umia ai e se isi ni tagatanuu se
lua. Ae atonu foi i la‟u tau faalogo, poo ua fuafuagata foi
i le afioga i le alii Minisita poo le afioga i le alii Palemia.
Saunoaga Faataupou a Sui Usufono 1961-2011
Ae ou te fautuaina ma ou te le fefe e avatu le upu moni,
ia le mo le taimi lenei, ae mo le taimi o lumanai. Ia
matua sailia ai ia e o loo i ai i le Palemene lenei. Ou te
talitonu ua ou maua tala e le na o le toatasi, a le toatolu,
pe toafa, pe sili atu, ia e o loo umia ia tagatanuu e lua.
Faafetai foi i le tulai mai o le afioga i le faipule, ua
mafua ai ona tatou sailia o lenei mea. A o ona mafuaaga
ma mea e popole ma atugalu i ai le mafaufau, o se mea
matautia lea i se tulaga o faigamalo, e faipule ai nisi e
umia ia ni tagatanuu se lua.
O le palota o le 21 tausaga. E umi ma loloto ia
mafuaaga ou te fia talau atu. Ma atonu e i ai se taimi o
muamua ona tatou agai tonu lea i lenei mataupu. Ae pau
lava o la‟u faaupuga ona ua ou faitau foi i le tulaga o le
Komiti ma le latou fuafuaga ua tau tulai mai. Ou te
lagona o le taimi a e pasia ai lenei mea, ua sili ona le toe
i ai se faa-matai. Faapuupuu ii lo‟u lagona, ae na o nai
vaega laiti e mafai a ona ou faataatia atu faapea. Afai o
le a tulai mai lenei tulaga, o se mea matautia o le a aliali
i totonu o le tatou Malo. E pei ona ou fai atu, e sili ona
leai se faa-matai, aua foi o lea e le toe natía lea tulaga o
faiga palota o le faapele o tagata. O lona uiga o le lava o
mea e faainu ma faapele le tupulaga, e oo i faiganuu, tiga
lava ona iloa le mea e tatau ona sala ai, ae leai o le a le
faasalaina. O le a finau le e fia alu i le palota, ina ia
faasaoina. E tele a mafuaaga tonu e mafai ona tatou agai
i ia tulaga pe a aumaia le tulafono i totonu. E tele le
aufaigaluega, ua saunoa foi le tele o Sui. A o lo‟u lava
Sui, o se matai atamai ma sona auaiga e manatu ia lelei,
ou te talitonu e ao ona faamalie ma faalelei muamua le
auaiga ina ia tautua ma le faamaoni. Ou te faatusaina la
le tatou Maota nei, o le matai, le auaiga, le aufaigaluega,
ma le aufaifaatoaga, ma latou uma o loo latou galulue
aua le Malo o Samoa, o lo‟u la lagona toatasi ua tele
tausaga o fai mai pea lenei mea e le Malo – a sii i luga le
tau o le soifuaga ona tau faamalie atu lea o le
aufaigaluega i sina siitaga laitiiti. O lenei a vaitaimi
atonu pe afai tatou te o ia e fai le amiotonu, tuusao le
mea e tatau ona i ai le aufaigaluega a le Malo. Mao u te
fai atu a‟u ma le amiotonu, o lo‟u lagona a e toatasi, afai
o i ai se fuafuaga i ni totogi o le tatou Maota lenei o loo
tau aumai mo le tausaga nei ia, e a pe a taatia ia tatou
siitaga, ae ave e faamalie le aufaigaluega?
O meaalofa mai fafo. Ia ua oo foi i ai le tele o
saunoaga. Ae ou te toe fia ta‟ua foi, masalo e i ai lava
aiga Samoa e lei oo faatasi lava i ai se meaalofa lenei. Ia
talu ai ona tulaga lava o faigamalo o loo i ai nei, aemaise
lava o meaalofa i mea taumafa. A aumai ua toe faatau
foi. O ai o loo manuia i ia tulaga? O la‟u tali o le
aufaipisinisi aua e tele a latou tupe, ona omai lea avatu
toe faaopoopo mai ma si a latou vaega i luga, o latou na
o loo manuia. Mai lo‟u lava talitonuga, ou te iloa ma le
mea o loo tatou talitonu i ai, soo se faiva e tapuaia e
manuia, tainane mea taumafa sei fesoasoani atu ia,
faasoasoa uma lava amata mai Savaii, Manono, Apolima
sei oo i ai i le alofa o loo faatagisia poo loo aumai fua
mai fafo.
O Faigafaiva ma Vaa. I lau afioga a le Minisita o loo
fitoi tonu ma nei mea. Pau a le mea ua ou taua i le
faigafaiva, ona o au foi ou te faifaiva. Ou alu atu ma a‟u
i‟a i le isi aso e fia fua, ae fai mai ua le lava ia pusaaisa.
O lana faaupuga le masalo o le tausaga fou o le a
faamoemoe o le a tele ai mea i o i le Ofisa lea i luga o le
eleele fou. Ia ae ta te faalogo atu foi i le tala e uiga i lea
fale, e leai ni i‟a e faatau ai, na o ni sailiiliga poo ni
suesuega e fai ai. Ae afai la o le tulaga lea, ia atonu pe
lelei foi ae o le a oo la i le faafitauli lea o le manogi poo
se tulaga faapena i le taulaga. Ae talosaga atu ai la i ia
tulaga, atonu o le mea lea ua mafua ai ona eseese tau.
Pau lea o se atunuu ou te ofo tele ai o le tatou atunuu, e
tofu a le tagata ma tau o ana mea e oo i faleoloa. Ia e a le
faleoloa o le Malo e fepiitai a ma le laulau faatau i‟a e
faatau poo le 50 sene i le pauna, a o fafo mai o la e
faatau i le alu i lugā. Pe le se tulaga ea ua tatau ona i ai
se fuafuaga i ia tulaga, sa manaomia foi ia atiina a‟e o
vaa fagota, ia o lenei ua tele ia i‟a, ae leai ni mea e tuu
ai. Ou tetalitonu ana faapea e fai lelei se fuafuaga a le
Malo i se tau o i‟a, e aumai uma lava ia i‟a a vaa fagot
ama ave tuu ai iina, e leai foi se isi e toe aloese. O le a
tasi lava le mea e faatau i‟a i ai, na o le faleoloa lea o le
Malo, vagana ia taui‟a e mafai ona faatau i tua. Ou te
talosaga atu ai i lea tulaga.
O vaa fagota ia na taua foi e se isi Sui. E moni lava ma
ou te matua fautua atu i lau afioga a le alii Minisita o loo
fitoi tonu ma lenei mea. Na matou omai e avatu se matou
vaa, ae fai mai toe o vaa tuai o loo lelei e mafai a ona
ave. A o le faaupuga la ina ua maea mea uma ua tapena
o le a ave, e saini pepa. Afai o le vaa tuai sa faaaoga poo
ai le afio‟aga ua le totogia le latou $1,200 poo se mea
faapena, o le $1,200 lena e totogi e oe faaopoopo i ai ma
le latou tau i luga o fuafuaga o mea fagota. O se mea ese
lea tulaga. Na matou finau ma ou fai atu, a faapefea le
vaa o fia tausaga o faaaoga, e le iloa foi poo le a le
tulaga o le umi e toe i ai lea vaa? Ia ae fai mai, o le mea
lava ua pasia e le Malo; ia u ata leiloa la poo fea le Malo
ua pasia ai lea tulaga. U ata talosaga atu ai i le afioga i le
Minisita sei silasila totoa ane. Aua o lona uiga o le
agasala a isi e lei totogia, ae o lenei o le a toe tauave nei
e tagata nei o lea latou toe aveina faalua le vaa. Sei
silasila ane lava i ai faamolemole.
O le tau o le soifuaga. Ia e le umi se tala agai i ai i lea
tulaga, ua silafia lava e le Maota le tulaga ua i ai le tau o
le soifuaga. Pau lava si vaega lea o loo maua i lo‟u taofi
lata mai nei, ua saunoa foi nisi Sui, o le penisini lea e
taua lona tau o le a toe siitia i luga i le $2.03. Ua ou
talosaga atu i le afioga a le Minisita e fitoi tonu i ai lenei
mea, a i ai ni ou alofaaga, toe manatu ifo.
E leai lava se isi na te amoina le mea lenei. O le sii i
luga, o le lelei atili foi lena o le aufai-pamu-penisini. O
le mea foi lena e oo foi i le aufai taavale, sii i luga le tau
o le penisini, sii i luga le tau o le pasese, e faapena foi
ma vaa. O ai la o le a amoina lenei mea? O le lautele o le
atunuu. O le tulaga lea e i ai nei masalo e sili atu i nuu
mamao atu. O le .40sene lea ua aumai ai lenei itu i
Magia, o lona uiga a toe sii, ia o lea oo atu lava i le tālā.
Saunoaga Faataupou a Sui Usufono 1961-2011
Ou te talosaga atu ma fautua atu i lau afioga sei toe
manatu teisi ane lava i lea tulaga e faataatiaese. E mafai
lava ona tatou iloa le tulaga pagatia o le soifuaga lea ua i
ai. E mafai ona faasilasila le Maota faanatinati i le 30
tausaga ua te‟a nei, atonu poo aso na e ta‟u o aso mativa.
Ae o le upu moni, o le aso Sa e le mafai, poo le a le
matitiva, a taumafai ai lava le pisupo 6 pauna a le aiga i
le taimi lena. Ae a la aso nei, ua oo i Lotu a Tamaiti,
masalo ua oo foi i aso faailogaina, ua le mafai ona toe
faatauina e se isi lea tulaga ua i ai nei. Atonu pe sa aoga
foi le mea sa fai i le taimi i le afioga ia Mataafa Fiame o
le taofia ia o nei oloa aua le toe aumaia pisupo ma ni
tulaga faapenei, ae se‟i o tatou soifua pea i mea o lo
omaua i totonu o le tatou atunuu. Atonu e faaitiitia ai le
tau o le soifuaga i lea tau.
Sikaleti. E leai sa‟u tala tele i sikaleti, pau a le mea nao
u ta‟ua ai o le pepa sikaleti lea e masani ona ou ulaula ai
o loo tu mai ai le lapataiga a le Malo. Ou te le iloa la
aua, a ta‟u le Malo, o le Malo o tatou lea e fai ai le
sikaleti ma o loo fai mai lava e aafia ai le soifua
maloloina. E silafia lava la e le Malo e aafia ai le soifua
maloloina ae fai lenei mea. Afai lava o la outou silafia
lena, ia ua tatau lava ona sui lena, ae aumai ni mea lelei
e le afaina ai le soifua. O le tatou sikaleti lava lena e
maua ai lea tulaga, ae le maua ai sikaleti mai fafo.
Lau afioga i le Palemia poo faafofoga mai i le maota
gasegase, o le tele o saunoaga a Sui mamalu o lenei
Maota, ia ua lafo atu lava. A o nisi foi o saunoaga ua
avatu tino lava ma ta‟u atu le mea moni ua i ai le tatou
faigamalo. Ua pagatia, ma o nisi o faaupuga i le tatou
Tala faaletupe o le upu moni lava o Samoa ua gau. O lea
e talosaga atu ai i lau afioga i le Palemia, e i ai lo‟u
talitonuga e i ai lau teleni, e i ai lou agavaa mo le
faafoeina o se malo. Ao mea nei ou te talitonu, afai e le
mafai ona e aveeseina, e le tatau ona faaauauina e oe
lenei tofi. Muamua o lou pule toatasi i tupe a le tatou
Malo e aafia ai foi ma le Kapeneta. E 45 le aofai o Sui o
Samoa ma Sui e toalua o Palota Taitoatasi. A tatou omai
iinei, e moni le tele o Tulafono a le Maota, a o mea tau
tupe o se tala e sili ona ofo ai foi lo‟u Sui fou. O lenei ua
faamalamalama mai. E a lava pe a manatu ane, malilie le
Palemene uja i ai le mea lea ua faaletonu i se tou
faatagana? O ai se isi e le malie pe afai e iloilo atu o le
mea tatau. A o le fai toatasi poo le fai to‟a 8, poo le to‟a
9, o se mea e matautia e faanoanoa ai a‟u. Afai la e le
mafai ona tuuina lea tulaga, ia ou te taofi ua le o se taitai
tatau, e le o se taitai agavaa i lea tulaga e le loto foi i le
malaia. Ou te talosagaina ai ia e alofa ma ia e manatu ifo
lava, pau lava lenei o le Fono e te tua i ai; o le Fono a
faipule lenei. A o se upu faapea o se faatosina mai i fafo,
ou te talitonu e le o iina e maua ai le manuia o le tatou
nofoaiga ma le tatou faigamalo.
Na taua e nisi o Sui lou faatuatuaina, pe sa‟o lea
faaupuga, ae mafai ona ou ioe i ai. Ua e amana‟iaina tele
le tofi Pulenuu ae e te le amanaia le tofi faipule. Ua
saunoa nisi Sui i le eseesega o nei tulaga e lua. O le fita
ma le faigata na uia mai e le faipule, ia ou te le fai atu o
le Pulenuu o se tofi e le lelei, leai, e lelei. A o lona
faatulagaina lea foi ua ou toe lagolago atu ai. O taimi
uma ia sa tatou le fono ai, na o le sosoo lava o fono a le
pulenuu ma lau afioga. Ua na o le matou faalogologo atu
poo a ni mea o le a faafoeina i le fono a Pulenuu. Ia se‟i
silasila ane lava ma e avatu pea lava ni fautuaga ma ni
manatu i lau afioga lava o loo faatautaia lo tatou Malo. O
lenei ua uma ona fai le palota, ua i ai faipule; a‟o le
manatu i lea tulaga, e a pe a talo se tatou Fono? O mea o
le a aafia ai tupe a le Malo, ia malilie le Palemene o le
Komiti lea a tina ua ou manatu lava o se mea e sili ona
lelei. Ae leai, e fai toatasi seia oo ina totogi faaaoga tupe
ae aumai mulimuli mo se pasiga poo se faamaoniga. Ona
lagona ai lava lea o lo ta faanoanoa i nei mea. O la‟u tali
lea nao u tali atu ai muamua ou te le tuua‟iina se isi, ae
ou te tuuaiina le 47 pe afai e faaletonu le tatou Malo. O
lea la nao u tali atu ai i le mafuaaga o ou mafaufauga.
Atonu e amata mai lava i le amataga o le tatou faigamalo
o le mea lava lea o faipule uma lava e aafia pe a
faaletonu se faigamalo. Aua foi o le tatou Maota lenei a
aumai i ai ni fautuaga poo ni mea foi o lo silafia e le
Palemia ma lana Kapeneta e lelei, atonu a e leai se mea
leaga latou te aumaia ae aumai la ia tatou nei. Pe le lelei,
tatou teena, pe a tatou iloa o se mea e le lelei ai le
atunuu. Ou te le fai atu ina ia taua ia tulaga faapea o se
faaituau a ua ou manatu, a uma faigapalota, tatou omai i
le fale lenei ma le amiotonu. O le a le mea eumai e le itu
e sese, ta‟u le sese ma toe faafoi. Faasa‟o mai aumai mea
sa‟o i luma o le Maota lenei ae le o le aumai o ni mea
faaletonu. Ia ua uma le lauga.
Lau afioga i le Fofoga o le Fono o mea o loo atugalu i
ai le tele o Sui e oo foi i lo‟u sui o le lē lava o mea tau
tupe. O le mea e sili ona ou popole ma atugalu i ai, atonu
e le o afaina mai i lenei taimi, ae e le faia se tatou loto,
ae ese foi le finagalo o le Atua ia ma le finagalo i le Lagi
ia i tatou taitoatasi. Ae ne‟i te‟i ua faafuasei atu avatu ai
ma le malamalama lea e fuafuaina e foia ai le faafitauli
lenei, ae tulai mai nisi e le manuia ma malamalama i nei
tulaga, a faapefea la ona fai? O a tatou nonogatupe ia o
loo i fafo lea e tusa ma le $23,150,000? O a tatou
nonogatupe o loo faamau i le igoa mamalu o le Malo e
$5,808,000? A tuu faatasi ia nonogatupe ona maua ai lea
o le $28miliona. Ou te fia fai atu se fesili ona o lo‟u fia
malamalama i totonu o le Malo o Samoa i Sisifo, ae tau
o sina fuafuaga tau lata e tusa i tala faaletupe ma tulaga
uma o i ai pe a, ma se $9miliona, pe o le sili atu foi. A
tuu atu la i ai i le nonogatupe lea, ona maua ai lea o le
tatou tulaga faa-nonogatupe e 30 ma ona tupu miliona
tala. O a tatou nonogatupe i le 1979 i atunuu i fafo e
$6,200,000; i totonu o le tatou atunuu e $2,400,000. A
tuufaatasi ia nonogatupe o le 1979 e $8,600,000. O
fuafuaga o le nonogatupe lea mo le 1980 lea e manao ia
aumai mai fafo se $11,650,000. I totonu o le tatou
atunuu o loo i ai se $2miliona. A tuufaatasi nei
nonogatupe uma, o le a aafia ai le 1978, ona maua ai lea
o se tulaga e $65,217,000. Toetoe lava ina atugalu uma
Sui pe a tulai mai se tulaga faafuasei i le tatou faigamalo.
O le a faapefea nei? O le aofai o o tatou tagata o loo i ai
nei e 156,000. O lona uiga, a tupu mai se faalavelave
Saunoaga Faataupou a Sui Usufono 1961-2011
faafuasei o le tupe, e ao ona totogi mai e le pepe se‟i tau
i le tagata matua le $386.
O le matou faatusatusaga lena. O itu ia o loo atugalu i
ai lota nei Sui toatasi, ae lafo atu ia i le afioga i le
Minisita ma le mamalu o le tatou Palemene ma lau
afioga atonu o le Maota lava lenei e pei ona ou fai atu a
tatou faia ma le amiotonu ia e filemu. Ae a tatou faia ma
le le amiotonu ia ua mapuitiga lo tatou atunuu e pei o lea
ua i ai nei. Ou te talitonu e mafai ona foia e pei ona
saunoa se tasi o Sui, e le o se mea e toilalo ai a outou
afioga. Silasila, o lena ua outou faamaonia i le tele o
lauga ni nai mea sese. E tatau lava ona toe faafoi atu pe
saunoa mai foi, e malie ua faapea ma faapea, ona faasa‟o
lea ma aumai i luma. Ia ou te talosaga atu o le a foi se
faafofogaaga i lau afioga i le Fofoga o le Fono ma le
mamalu o alii Minisita ma le mamalu o Sui a faipule. O
loo faatafa gasegase le afioga i le tatou taitai. O se upu
ua aleu i sa outou faafofogaaga e pei lava o se tasi upu
moni e sa‟o lava le tagata i ona mafaufauga. Ae talosia i
le alofa o le Atua aumai lona finagalo tatou te taumafai
tatou te faia ai mea uma ma le amiotonu i luma o lana
silafaga aua se manuia o Samoa. Ia manuia.
Susuga TUILAEPA SAILELE
Itumalo Faaalaalafaga:
Lepa
Filifili:
20 Me 1981
Faatauto:
14 Aokuso 1981
Lauga Faataupou:
3 Setema 1981
E auala atu i le Nofoa la‟u
faafetai tele i le sui a faipule
ona o le latou fesoasoani mai i la‟u lauga amata.
E muamua lava ona ou faamalo i le Afioga i le Minisita
o Tupe e tusa ai ma lana saunoaga matagofie ua faataatia
manino mai ai le tulaga o le atinae, atoa ai foi ma
fuafuaga o lo‟o i ai mo le toe masina o le Paeaiga o totoe
nei. Atonu e tatau ona ou toe otooto vaega pupuu o lana
saunoaga, ona agai atu lea i ai ma ni nai fautuaga.
O lo‟o faapea mai le Minisita ua pagatia tele le tatou
atinae i le vaitimi nei ona e mafua i le fevesiaiga sa i ai i
le va o le Malo ma lana Aufaigaluega, ua aafia ai a tatou
vaegatupe sa tatau ona maua mai mai fafo e faaagaga lea
mo fefaatauaiga ma ua aafia ai foi vaegatupe ua uma ona
faataatia e tatau ona maua mo le faatinoina o fuafuaga
mo lenei tausaga. Ua aafia ai foi a tatou atinae ona o le
tulaga pagatia o lo‟o feagai ma le Malo ma atunuu i fafo,
o lo‟o i ai o latou sootaga ma lo tatou Malo i tulaga o
fefaatauaiga. O ia fevesiaiga ma tulaga pagatia, e mafua
mai lea i le fesiitai o tupe, le tupe lea o le tala Amerika
atoa ai ma le tau o le suauu ma ua aafia ai tau o oloa a le
tatou atunuu e avatu i fafo. Ua aafia ai foi ma tulaga o le
mafai e lo tatou atunuu ona faaulufale mai oloa i totonu
o Samoa, toe aafia ai foi ma le tau o le soifuaga. Ona
faapea lea o se manatu, e toe talosagaina se isi vaegatupe
aua ni fuafuaga e taumafai e foia ai le tulaga pagatia o
lo‟o feagai nei ma lo tatou atinae.
O lo‟o aumai foi la fuafuaga e fesoasoani ai ina ia
mafai ona avatu i le atunuu faanonogatupe, ae a mavae
se vaitaimi ua fua mai ia faatoaga ona faamagalo lea. Ma
o vaegatupe e tatau ona faatino ai nei fuafuaga, o lea foi
ua aumai manino e le Afioga i le Minisita atoa ai ma le
Tulafono ua faataatia nei, o le toe siitia lea o tiute i le
4%.
O le a avatu la nai fautuaga i mataupu ia ua faataatia
manino e le Minisita. O le a ou amata la i le finauga na
faia nei, ona sa tumua ai foi le Saunoaga a le Minisita.
Ou te iloa o le a matua mafatia lona finagalo pe a i
saunoaga a sui usufono e faatatau i lea mea. Ae e
muamua foi ona ou toe tomanatu i nisi foi o manatu o
Alii Popoto i Tala Faasolopito o le lalolagi, na latou
faapea mai ai, „Afai ae fulitua Taitai o Malo i Tala
Faasolopito o o latou Malo, o i ina tonu e amata tutupu
mai ai faalavelave aua foi o mea na tutupu e toe tutupu
foi?‟
Ua mae‟a ona saunoa le tele o Tootoo e faatatau i le
mafuaaga o lenei finauga. O le mamalu o lo‟o latou
gapatia i galuega a le Malo, o latou lava ia e faamoemoe
i ai le Malo i le amata mai o fautuaga e faia a‟i faaiuga a
le Malo, o latou foi ia e faafoeina faatonuga ua faia e le
Malo. A leai se feutanaiga lelei i le va lea o le Malo ma
lana Aufaigaluega, atonu ua le alulau lelei foi se Malo.
Ona ou manatua lea o nisi manatu ua faapea mai, ua tele
nei vevesi na i ai le atunuu ona o alo ma fanau na o atu i
fafo, ona omai lea ma le atamai mai fafo e taumafai e fai
a‟i le atunuu. Ona ou faanoanoa ai lava lea aua o lea
faatoa ou manatua nei, o lau Afioga i le Palemia ma nisi
foi o Minisita e toafa, o i latou foi na pa‟au atu i atunuu i
fafo aua le fia maua o le malamalama ua faafoe ai nei le
tatou Malo.
O le masani i le fuafuaina o totogi, a fuafua se sii o le a
fai e i ai se Tulafono e faafoliga o se Tulafono pa‟ia, e
ava tele i ai le Komisi e Pulea Galuega a le Malo faapea
foi ma le Malo. O ni fuafuaga e fai i se vaega o le
Aufaigaluega e faatatau mo se siitaga, ia faauta lelei
aafiaina o totogi i le faatusatusaga.
Sa fai ni fuafuaga i Alii Fomai, sa sosoo atu ai ma le
Palemene i le tuasaga ua te‟a, a‟o lo‟o lipoti mai le
Komisi e Pulea Galuega a le Malo o lo‟o faatalitali a
latou galuega i le tau faataatia o totogi o isi foi o le
Aufaigaluega a le Malo ua i ai le poto faapitoa. O le mea
lena e o lo‟o i ai le faatatau a le Malo ina ia „aua ne‟i faia
se vaega e toatasi ae faatuatuana‟i i le isi vaega, aua o i
ina tonu lava e amata mai ai vevesi i le va ma le
Aufaigaluega a le Malo. O le fautuaga la, e tatau ona
aloaia lena Tulafono. Afai o le a fai se fuafuaga i se
vaega e tasi o le Aufaigaluega a le Malo, „aua le se‟i
vagana ua atoa uma le Aufaigaluega a le Malo; e faasino
lea i vaega uma ua i ai le poto faapitoa.
O le itu lea i le faataatiaga o totogi, o lo‟o i ai foi le
tulaga faaletonu e le gata i totonu o Ofisa o le Malo i le
va o le isi Ofisa Sinia ma le isi Ofisa Sinia, ae faapena
foi i le va o Ofisa o le Malo ma Faalapotopotoga
Saunoaga Faataupou a Sui Usufono 1961-2011
Tumaoti a le Malo. O le manatu lea faapea e
faamaualuga totogi o i latou o i Faalapotopotoga a le
Malo, atonu o se manatu e aoga mo atunuu i fafo. O le
atunuu lenei e utiuti ona tagata faigaluega, atonu ua tatau
ona toe manatunatu i ai le Malo i lea tulaga aua o lo‟o
silafia uma lava e le Aufaigaluega a le Malo lea tulaga le
talafeagai o le maualuga tele o totogi o Faalapotopotoga
nei, ae faaletonu tele totogi o i latou o lo‟o galulue i
Matagaluega a le Malo. Ma e le o se mea matagofie i se
Ofisa Sinia a le Ofisa o Tupe po‟o le Ofisa foi o le
Atina‟e le pa‟au atu i se Matagaluega e talanoaina se
totogi o se Alii Ofisa Sinia ae faaluaina le totogi o lena
Ofisa Sini i lona totogi. E le faapena ni mea, e uma lelei
lava se fonotaga se‟i tulou, ua pei o se i‟a foi lea ua
niniva i se vailaau o‟ona le tulaga e i ai le fevesia‟i o
lona mafaufau. O le mea lena o lo‟o lau silafia e le
toatele o i totonu o le Aufaigaluega a le Malo. Ma ou te
manatua, o le isi foi lea auala na ala ai ona tulai atu
Minisita latou te tauave ia tulaga tofi, ona e peiseai o le
isi lea mea na aumai ai Tulafono i le taitaiina e Minisita
o nei Komiti o lo‟o pulea ma faafoeina nei
Faalapotopotoga a le Malo.
A ou vaai la i le lipoti lea a le Komisi sa faaofiina nei i
le taeao e le Afioga i le Palemia, ona ou faapea lea, o le
Komisi Suesue ua na o se fofo e fai i se taimi vave e
vevesi ai ae e le o se mea mautu. Ma e pei lava o fofo fai
faanatinati, ma e faapena foi ona le mautu se faaiuga e
tulai mai ai aua o lo‟o taatia pea ia tulaga faaletonu o
lo‟o i ai nei, e pei o le tulaga i le va o totogi o Ofisa o le
Malo aemaise foi o le va lea o Ofisa ma Faalapotopotoga
Tuamoti a le Malo.
O a‟u fautuaga la na mo ia itu ina ia tagai lelei i ai
Minisita o lo‟o gapatia ma ia tulaga ina ia faataatiaina
lelei totogi o i latou o lo‟o faafoeina galuega a le Malo
ma e o lo‟o i ai atamai faapitoa.
Sa ou faapea lava o le Fonotaga lenei ua tatau ai ona
aumai i totonu o le Fono se Tulafono e faafoe ai ni
fevesiaiga e toe tulai mai i ni aso oi luma e pei o le
faafitauli na tulai mai i le Mau na i ai nei a le PSA. O lea
Tulafono sa tatau ona faatapulaa mai ai le taimi e uunai
ai itu e lua e talanoa ina ia „aua ne‟i toe tupu mai lea mea
e pei ona sa i ai talu ai nei i le le talanoa ma fefaasoaa‟i i
se vaitaimi umi. A maea lea, e tatau foi ona faatulaga
mai ai ma se taimi e tatau ona fai ai se faaiuga, a silia loa
le taimi ona aloaia loa lea i luma o le Tulafono se
faaiuga e tatau ona fai.
O le isi tulaga i le mea lava lea, o le manatunatu lea o le
Malo faapea ma le Komisi o lo‟o Pulea Tagata
Faigaluega a le Malo, ia fuafua lelei alo ma fanau o lo‟o
galulue ma leva i totonu o Ofisa, ua tatau ona tuu i ai
tiute tauave (responsibilities) ina ia tauave ai galuega i lo
le faatali ma saga faatali pea. O le tele o nisi e umi se
taimi o umia lava tulaga faataitai, a faapapalagi o le
“Acting”. Fai mai nisi na gagana ai i le gagana foi lea
lautele, o le aufai-tifaga. Ia e tatau lava ona tuu maoti i ai
se taimi ona ave lea i ai o aiatatau e tauave ai galuega,
aua o le natura o le tagata, a tuai ona ave i ai se avanoa, e
faapena foi ona tuai ona tulai mai ni mea lelei o i ai e
mafai ona ia faia.
O le tulaga la i le tiute e pei ona tulai mai nei, o lena ua
saunoa nisi o sui usufono e faatatau i le 4%. Ona pau
lava le mea ou te faitioina ai, o upu tomua nei e aumai i
le Tulafono ua matua maoti mai ai lava lenei Tulafono
ua faapitoa mo le sueina o se vaegatupe e faamalie ai le
sii lea ua tulai mai nei. E le o se saunoaga a le Minisita
a‟o le upu tomua o le Tulafono Tau Faaofi, aua o lena ua
saunoa nisi sui usufono. Ua fai foi sina ou matamuli aua
ua tele fuainumera ua oo mai i nisi o le Maota e popoto
foi e faaopoopo, a‟o le mea tonu a tuu aofai tupe
faaopoopo o totogi e aofia ai ma totogi, e leai se sootaga
i le sii lea na tulai mai nei, toese ai mai totogi faaopoopo
ma tupe na faasaoina, ona aliali mai ai lea e i ai lava le
tupe faasao e le i lalo ifo o le $180,000. Ona ou faapea
lea, ua ou faaletonu i le Tulafono Tau Faaofi lenei. Afai
o le Tulafono Tau Faaofi e faaleleia ai le tulaga tau tupe
o le Malo ma faatino ai isi atinae ia ua tulai mai, ona ou
faapea atu lea, ua tatau. A e a faapea e faasino tonu lava i
le sii o totogi, ona faale fetaui lea, ae atonu o le tausaga
fou o le a matua talafeagai ai le Tulafono Tau Faaofi
lenei. Ae e pei ona ou fai atu, ua amata ona ou tau
faaletonu i le Tulafono lenei, ae na o ni nai moomooga i
le $400,000 lea e tatau ona laga i le Tulafono Tau Faaofi
ona e peiseai e manaia lava e iloa ai le fai Malo lelei, pe
a tufa i Minisita lea vaega. Aua e peiseai o latou ia na
mafua ai ona tulai mai lea faafitauli. E pei ona ou ta‟u
atu, ua na o ni moomooga ia manatu ua tusia mai.
O le tulaga i le afaina o le Malo ma le atinae i le va ma
Malo i fafo e i ai a tatou fesootaiga faafefaatauaiga, o
lena ua maea saunoa malamalama i ai nisi sui usufono.
O le atinae o lo tatou atunuu, e faamoemoe lava i
faatoaga, atinae o le gataifale, ona lagolagosua lea i ai
ma nai atinae laiti e tai pei o turisi. O le tulaga taua, ia
maua pea le soifua lelei o galuega aua le atunuu. O le
polokalame foi la mo le faatinoina o ia mea, ua leva ona
faataatia fuafuaga tau le atinae i fuafuaga muamua o le
Tai Lima Tausaga o le Atinae o le atunuu. A mavae lea
ona faamuta lea ae sauni fuafuaga lona tolu i le 1975 aua
le faatinoina i le 1976. Peiseai o le lape o fuafuaga na i ai
o le Lima Tausaga ma le isi foi fuafuaga lona lua e Lima
Tausaga, ona e le‟i mafuli tele atu i le atinae o nuu ma
alaalafaga. E peiseai la o le lape lena lea sa faasa‟o i le
atinae ma fuafuaga lona tolu tai Lima Tausaga a le Malo
o Samoa i Sisifo lea sa amata mai i le 1976. O le fesili la
ina ua tatou toe vaai agai i tua i le taimi nei – O a mai le
faatinoga o ia fuafuaga?
Ua maea ona saunoa le tele o sui usufono ma ua faapea
mai le isi sui usufono, se‟i tulou, ua tele povi o lona
itumalo ua maua mai ai; ae ua faapea mai foi le isi sui
usufono, e leai o lo‟o faatalitali lava lona itumalo. A‟o
lo‟u lava iloa i lo matou lava nuu, peiseai o le mea sa
taua e na o se faataitaiga pe a vaai lea i le alagalue, le
tulaga na faavae mai ai alagalue, o le tai 7 aso na fai ai.
Ma o le 7 aso e galuegaiina ai se alagalue, o se fuafuaga
faale mautu tele lena fuafuaga. O le laufanua lenei o
Lepa, o se laufanua lelei tele. O auala na fai ai e matua le
Saunoaga Faataupou a Sui Usufono 1961-2011
mautu lava. O le isi e faaifo i le tofe, ma o le tofe foi
lena na i ai le faalavelave na tupu ai i taavale pauu. O le
isi auala i le nuu lea o Saleapaga e na o le papa. Ia se‟i
vagana roketi e mafai ona malaga ai aua o le a‟ega i le
fua faatatau i ai e tusa ma le 90 tikeri le tusa‟o agai i le
vanimonimo, se‟i vaeatu le mamalu o le Maota. O la‟u la
fautuaga, se‟i toe faafoe lelei lava fuafuaga ia aua sa
faanatinati i le taimi lena ina ne‟i te‟i ua le tofu auala le
toatele. Ia ae pei ona ou fai atu, o fuafuaga lava
faanatinati e tatau lava ona i ai se lape. O le natura o
mea, a nanati lava ia ua tele foi se tulaga faaletonu e
tulai mai ai, a‟o moomooga ua tatau lava ona toe fai
faalelei faavae o auala nei ina ia taatitia lelei ma mafai
ona faaaoga i aso la ma aso timu. O le vaitaimi nei, na o
aso la lava e tau mafai ai ona faaaoga, a‟o le itumalo foi
lenei o lo‟o tele ai le popo o lo‟o sau ai ma o lo‟o maua
lava i faamaumauga i aso ua tuanai le tele o le popo mai
le itumalo lenei.
O le tulaga i atugaluga i le paū tele o a tatou oloa e
auina atu i fafo, e tatau ona vaai i nuu i tua, ia lelei le tau
o le popo, koko faapea ma talo. Ua i ai foi atugaluga e
tatau ona fai se fuafuaga i le faatulaga lelei o le talo. O
fuafuaga lava masani e faia e isi atunuu, a oo i aso e lelei
ai le tau ona faataatiaese lea o se vaega tele lava e tuu i
teugatupe, a oo i asovale ona toe tufa mai lea e toe
faalelei ai le tau. O le masani lena e fai ai e le tele o
atunuu. Sa faia ai foi i le popo ma le koko ae pau le mea,
ua laitiiti tele aua o le tele o alii foi sa i ai i totonu o na
Komiti, e manao lava e ave atu uma tupe i le taimi lea, a
faaletonu ona talosaga mai loa lea o se vaegatupe mai ii,
ma aumai o e faaleleia ai le tau. Ia ona pau lava lo‟u
atugaluga, afai foi o lena, e tatau foi ona toomaga le
Malo i tulaga faapenei o le aumai foi i luma nei o se
vaegatupe po‟o tiute po‟o mea faapena, a‟o lea ua
manaia ua faataatia mai se fuafuaga o le a i ai se
vaegatupe e aumai mai fafo e amata ai fuafuaga ia. Ona
pau a fuafuaga i Komiti ia, a oo ina faatino fuafuaga, ia
faatino lelei ma le faautauta ina ia lava ma totoe tupe e
teu faaagaga aua asovale.
O lo‟o i ai foi isi faafitauli i tulaga i le maketi aua e
mafai ona uunai faatopetope a tatou atinae, ae foliga mai
o lo‟o faaletonu lava a tatou maketi. Ona ou manatu lea
o fuafuaga e masani ona talanoa i ai le tele o Malo pe a
faapea o le a fono, e faapea o tataou nei o Malo tau
atia‟e, se omaia tatou fai fai mea faatasi. Atonu o le tasi
lena auala e tatou te vaai lelei i ai, o fautuaga a le Malo o
lo‟o i ai i le SPEC ae peitai, o le SPEC o lo‟o fesoasoani
i lea itu, ae o le masaniga lava o le tele o Taitai o le
Malo, na o na talanoa i lea itu ae vaivai tele le faatinoga.
O lo‟o i ai Malo o lo‟o taulalata mai, pei o Amerika
Samoa, Toga ma Fiti. E i ai a tatou oloa e moomia foi e
na atunuu. Na o le pau le atugaluga, o i ai ea se tuutuuga
tumau ma tusia a faapea o le a oge Fiti, e mafai ona
tapaina e Samoa e ave atu i ai ni talo? O fuafuaga na ou
te iloa e tatau ona toe silasila totoa i ai le Malo, po‟o le
laitiiti o ni selau tala e maua mai ai, a o lo o maua mai ai
se vaega tupe a nisi o le aufai faatoaga.
O lo o faia ia fuafuaga o faasolo nei i tulaga i mea tau
Vaa, o feutagaiga lava ia vavalalata i le va o Malo o le
Pasefika. Atonu foi e faapena ona fuafua i ai i le vaalele,
ia feutanaiga vavalalata ina ia faasaoina le tele o tupe o
lo o faaalu ai aua o le faamasinoga foi lea “faaeconomist”, latou e atamamai foi ia itu o mea tau atiina
ae, e lelei ona fai faatasi, tauave fatasi ia le tau, tauave
faatasi le tupe maua e mafai ona maua mai a e faigata
ona tauamo e se Malo e taotasi, ona faapena lea ona
faigata o le tauave o se tau o tulai mai ai.
O le tulaga foi i le atiina ae o tatou Gataifale. O lea foi
na saunoa le Sui o lo o faaletonu o tataou Maketi, o
maketi lava. Ae a faapea e faaletonu, e tatau lava ona
amata ona tatou tilotilo i le vaega lea e mafai oan galue
ai iinei i Samoa, e pei ona tatou faia i le popo, ua tatau le
suauu i Samoa nei, atonu e faapena foi ona faia i le koko.
E pau lava o le mea, o le tele lava o manatu, tatou te tapa
alii atamamai latou te faia mea faapenei, a o le tele foi o
faaiuga e aumai, e faapea mai lava, e le mafai, e tele le
tupe e alu ai. Ona ou manatua lea o le tele o fuafuaga na
faia i le Faleava, le falepia lea o le Vailima. E lua ea pe
tolu fuafuaga na faia a o le tali lava, e gau peitai, e lei
malie lava le Malo i lena vaitaimi seiloga e tatau ona
aumai se suesuega e aumai ai ma ta‟u mai, e lē gau, ona
maua ai lea o le suesuega e faaiu mai faapea, o le mea e
tatau ona fai, ona fai ai lea ma o lea e manuia ai nei le
atunuu. Atonu o se tulaga faapena tatou te taumafai i ai,
pe a faapea ua le moomia a tatou oloa ona o tulaga ia pei
ona ta‟ua e le tele o Sui.
O lo o afaina foi a tatou atiina ae aemaise le eleele, le
atiina ae o Faatoaga, i mea tau faama‟i. O lea foi ua tele
faamatalaga ua aumai i le niu, ua afaina foi le niu ia. O
lona uiga, atonu tatou te vaavaai lelei i ai i suesuega, o lo
o i ai foi fuafuaga faapea o atiina ae i le tau taofiofia o
faama‟i, ae masalo lava e le o lava. Aua foi, afai o aso
ua tuanai sa tele ni pusa-fa‟i sa tatou mafai ona ave i
fafo, ae oo mai nei ua laitiiti, e tatau lava ona tatou le
nofonofo a e faaauau pea suesuega ina ia toe foi pea le
tulaga sa i ai i aso ua tuanai.
Sa i ai foi le manatu i le atiina ae o niu. Sa i ai ni
malaga sa alu i fafo po o le 1975, na i ai nisi Sui o le
Esetete Tausi faapea foi le Ofisa o Faatoaga. O le
manatu, e tele le avanoa na maua mai o niu e fua fetiitii.
O lea manatu ua matua leva tele talu mai na faiga
malaga na i ai aua peiseai o atiina ae na o lo o fuafua foi
i ai ma tau manatunatu ai i se faiga e mafai ona toe
totoina a tatou niu ma tele se fua e maua mai ai.
O le tulaga lea o le toe iloilo foi o le Malo i o tatou
eleele, atonu ua matagoife lea itu. E mafai foi ona sosoo
faatasi ma fuafuaga a le Malo e fesoasoani faapitoa e
avatu ai se nogatupe, a manuia ona faamagalo lea. Ou te
talitonu i le fesoasoani malosi foi o isi Ofisa o le Malo i
lea tulaga, tai pei o le Ofisa o Fanua ma Suafa, e i ai
eleele e tatau ona galueaina. Afai o afaina i faalavelave
masani foi i va o nuu e tatau ona vave foia ma o na
tulaga, e tatau ai lava i le afioga i le Minisita ona tagai
lelei i ai. E tai pei la o le eleele lea e i gauta o Lepa, o lo
o fai ai nei ma tatali ai se faamasinoga i va o itumalo o lo
Saunoaga Faataupou a Sui Usufono 1961-2011
o aofia ai. O le eleele e taua tele ona o le lafulemu, ma e
susu pea ona e tele le suatimu. Atonu o i foi e fitoi tonu
ai le alagaupu foi lea “e afua mai mauga manu”.
O le tulaga lava lena o le tau atiina ae o lenei foi itu, ou
te toe laga ai se amnatu i le afioga i le Minisita o fitoi
tonu i ai le mataupu i le uafu lea e i Aleipata. Po o le a
le tulaga ua i ai, aua e taua tele lea mo le atiina ae o lea
foi itumalo? Afai ua faaletonu le tulaga o i ai nei, ia
atonu e pau lava le mea o le talepe ae toe fau se isi uafu
pe a talafeagai ai i le vaaiga faa-inisinia.
O le vaaiga i auala ia, o le tulaga lava i le vaai i le atiina
ae, sa taua i le lipoti a le Ofisa o le Atiina Ae e faapea, o
lo o i ai se fuafuaga i le faataina o le auala e alu atu i
Lotofaga aga i Aleipata, oso atu i totonu o Lepa. Ou te
matua talosagaina ia afioga i Minisita ina ia silasila totoa
i lea itu, ina ia vave ona faataunuu ia fuafuaga, atoa ai
foi ma le faia o gataifale i auala i le puipuia mai galu o lo
o afaina ai foi lenei nuu. Ma ou te molimau atu lava, e
faapei o ni vai pupuna le pupusa o le pefu i aso uma lava
e la i lenei afioga, pe afai ae o atu ni taavale. Ae afai ua
le mafai ona o le tulaga tau tupe, atonu o se isi fuafuaga
e faata na o aai, o le mea lava e masani ai e pei foi o le
tulaga e talosaga ai le tele o Faipule i aso ua tuanai. Afai
e tatau ona taofia auala i Apia ia ua tatau ai, aua o lau
vaai i ai, e tai faafouina lava i vai lā po o vai timu, ia le
tele o auala ma faamaimau ai le tele o tupe i Apia, ae o
lo o i ai mea e mafai ona faaaoga tatau i ai. Ua ou taua
lea itu ona o lou iloaina, i totonu i gauta o le togavao, o
lo o faata ia le sooga auala e tusa ma le maila. Atonu
ana faaaoga i lona ta i totonu o le nuu ma afioga o se
mea ua tatau ai.
I le itu la i fuafuaga ia e pei ona alo atu i ai le Malo, i le
faia o nogatupe nei, e mafai ona toe faamagalo. E na o
le pau lava lau fautuaga, ina ia silasila totoa i tuutuuga
ona o lea ua faapea mai i fuafuaga o faatoaga e pei ona i
ai i aso na amata ia ona fai le faatoaga o lo o fesoasoani
atu i ai lenei vaega tupe a le Malo. E pau lava le mea, e
tatau ona faia ma le maumaututu ia fuafuaga ina nei tei
foi ua faavavevave a o avea lena ma auala e motu atu ai
se isi vaega tupe a le Malo. Sei silasila totoa i le 60%
lena e mafai ona faamagalo pe a, le 70% po o le 75% foi.
O le ponesi lea o lo o fuafuaina mo le tufatufaina o tupe
faaagaga mai fafo, o le fautuaga i le Komiti Faatino o
Tupe o lo o faafoeina lea fuafuaga, o le manatunatu le
alofa i le atunuu, i nuu ma afioaga o lo o fitoi tonu i ai le
avega o le aumai o oloa a le atunuu e ave i fafo. O i
latou tonu ia o lo o faapogai ai le tele o le manuia o le
atunuu. E tatau foi la ona fuafua i ai i le tulaga o oloa e
mafai ona ave atu i nuu ma afioga i faleoloa laiti. I le
tulaga ua i ai nei, e le mafai ona latou maua i le taimi nei
se tulaga maoti ma le faafiafiaina o i latou i le omai i
faleoloa tetele e tusi atoa oloa, ua le toe faia lena mea. O
le mea e tupu mai ai, o le taugata o le soifuaga i totonu o
nuu ma afioaga. E tele auala e mafai ona faia e le
Komiti, e tai pei o le uunaiga pea o kamupani tetele ina
ia ave pea le avanoa i nuu. O le isi, o le ave o tupe
faaagaga ia i faleoloa laiti, ia po o le fesoasoani foi i
asosi o lo o tau tulai mai nei o faleoloa laiti e tusi sao a
latou oloa. O ni fesoasoani na o mafai ona faia e le
Malo, ae avatu foi i le tulaga faa-faatoaga.
I le itu lava o tupe ia faasoasoa mo le faatauina mai o
oloa mai fafo, o lo o taua e le afioga i le alii Minisita, o
le tele o se vaega tupe o alu, o lo o alu lea i totonu o
tulaga o suauu ma penisini, e tusa ma le $12 miliona i le
vaitaimi nei. Na taua e se tasi e faapea e tusa e 70% o
nei penisini o lo o faaalu i taavale. Atonu tasi lena auala
e mafai ona faatupu manatu i le Malo i se tulaga e mafai
ona faaitiitia ai ia tupe alu a le atunuu i fafo ona e
faaaoga i le penisini lava lea, ae faaaoga ia le tupe faasao
e aumai ai ia mea taumafa. E tai pei la o lenei, e mafai
ona vaaia lelei le tau taofiofia foi o taavale laiti. E
malosi tele le „ai penisini e faapea po o le tai 6 tai 8
ogaumu. E le gata i lena, ao le tau taofiofi foi o taavale
ia e uili fa, po o le “four wheel drive” aua e tele foi le
latou ai penisini. Ma e o lau vaai i ai i lenei vaitaimi, e
toeitiiti lava po o se tagata e oka lana taavale ona aumai
taavale ia e „ai penisini tele. O le isi o fautuaga uma lava
nei e tuuina atu i le Malo, o mea ia o “pick-up” o le tele
o isi Malo ua le toe aumaia ni pusa, e aumai lava taavale
mai fafo e taugofie foi i le aufai-faatoaga ona aumai lea
fau i totonu o nuu lava ia pusa o taavale. O lea foi ua ou
vaai ua i ai ia taavale iinei e fau lava iinei ia pusa. E
faapena Niu Sila. Ua i ai foi kamupani ua ave i ai
fesoasoani e latou te faia ai nei pusa o taavale ma e tasi
lena vaega e mafai ona faasaoina mai ai se isi vaega tupe
o lo o alu faamaimau i taavale atoa ai foi ma le
faaaogaina o taavale a le Malo.
E le gata i lena ao Faalapotopotoga foi a le Malo, ia
atoa ai foi ma le tau faasaoina o nisi foi o moli o le auala
tele e soona mumu solo. O le tulaga lea e tatau foi ona
fai fuafua i le Ofisa o Leoleo, ia latou foi suiga i le
Tulafono e pei ona faia i le tele o isi atunuu e tau faatalafeagai ma le tulaga i nei aso i le taugata o le penisini.
O le tulaga i le tau toe iloiloina o Tulafono e faasino i
le saoasoa o taavale ma tulaga uma faapena, e tatau ona
e atonu o se isi lea mea e onomea ona silasila i ai ia le
Malo. O le isi mea e goto atu ai foi i fafo le tatou tupe, o
le vaavaaia lea o mea o Faalapotopotoga faakamupani.
E mafai ona faia suesuega i Samoa nei, o kamupani lava
i Samoa nei, po o le Inisinia ia po o le tulaga foi faatusiata ma mea faapena, ae soia tatou te apaapa tele i
fafo, aua e tasi lena mama o le tatou tupe faaagaga mo le
fefaatauaiga.
O le tulaga foi i fuafuaga o Afulilo, ou te matua
lagolagoina ia lea foi fuafuaga, aua o Afulilo ma le itu
lea e tele le suatimu, a oo i aso e la ai, ona amata lea ona
vaivai le suavai ae sei vagana ai le itu lenei. E taua tele
ona e tele foi se manuia o le atunuu e maua mai ai. O le
Komiti lea e faafoeina ia suesuega o mea tau suauu, e
taugofie i lo le penisini, e pau lava si atugaluga ona e pei
e faamuta le latou tiute tauave i le na o le faaputuputu o
faamatalaga o i ai nei, ae pei e le sili lena o le
faaputuputu e pei ona taua i le saunoaga a e tatau foi ona
vaavaai lelei i suesuega e mafai ona faaputuputu ma
sueseu atili i ai, i auala eseese ma taugofie e mafai ona
Saunoaga Faataupou a Sui Usufono 1961-2011
maua ai e le atunuu se manuia. E maua fesoasoani
faapea mai le EEC i tulaga ia.
O le Atiina Ae o le WSTEC, ia o lena ua maea ona
saunoa nisi Sui, e pau lava le faatuatuaga e taua tele ia le
atiina ae lenei, aua e tele le laueleele o le atunuu o i ai.
E taua foi i le itu o lo o vaai e faatatau i ai le atunuu pe
tau i se tulaga lelei ia le faatinoga o fuafuaga o lo o
faavae i luga o faiga faanei ona po. Afai ae faaletonu, ia
ona faapena foi lea ona faaletonu le atunuu. E i ai la si
tamai mea lea ou te atugalu i ai, lea sa faapea ai se
saunoaga a se tasi o Sui e faitio i le vaega tupe lea e ave
sao i ai a o lo o toe tuu i ai, e le o se tupe a le Malo, o le
tupe a le Faletupe. E ala foi ona aumai le tupe a le
faletupe ona o le faatuatuaga o lo o i le Malo, ona auala
lea i ai. O lona uiga, o atiina ae nei, o atiina ae lava a le
atunuu e sao foi i ai i fautuaga ma faitioga. E tatau lava
foi i lenei Komiti ona fai ma gasolosolo atu e matamata
lelei ia latou galeuga ma feasiasia‟i, e le gata i luma fale
ia ae o i le taele o le pa, e pei foi ona ou asia le aso
ananafi i Fiaga, ia atonu o i ai foi iina nisi mea e ono
faatupu mafaufau i le faaleleia atili o se faatoaga.
O le tulaga i atugaluga ia a tatou tagata faigaluega, e
masani nisi o tagata o le Pasefika ma feoai ma fai a latou
fesootaiga ma nisi atunuu tai pei o Toga ma Niu
Kaletonia, ia ma ii Ausetalia, pe le maua se avanoa e
avatu ai ni o tatou tagata faafaigaluega faa-konekalate i
na foi atunuu. O fesootaiga lava e masani ona fai, ia
atonu o le isi lea mea e tatau foi ona silasila totoa i ai le
Malo.
O le paleni o atiina ae, e i ai le manatu faapea e tatau
ona paleni lelei ia atiina ae o faatoaga, o atiina ae o
falemai faapea foi ma aoga. Aua foi a manuia mai ia i
laotu faapea pe gasegase latou o lo o faafoeina faatoaga,
ia e tatau lava ona tapatapa i le falemai ma faafoisia le
malosi ma toe foi atu e galue. O le mea la lea ou te
matua talosagaina ai le Minisita O fitoi tonu i ai ia le
falemai, o le matou falemai e moomia se teine tausimai e
nofo tumau ai, ae a mamao foi i Lalomanu ia ona faigata
lea ona fai se fesootaiga aemaise se ma‟i tigaina e tulai
mai i le tuga o le po. O le mea la lea sa talosagaina ai foi
i le Ofisa se telefoni, ae ua faamalieina lava lou nei
tagata ina ua faapea mai le afioga i le Minisita, o le a ou
taumfai i ai i le telefoni. E pau lava le mea, e lelei lava
le faavavevave ina nei oo foi le tausaga fou ou oo atu i
se tasi ma te feiloai ae faapea mai, ia ua ese foi lena alii
sa lua feiloai, ua uma foi le avanoa.
O le tulaga la e i ai aoaoga, o le isi vaeag lea o atiina
ae, pau lava le mea, pe atonu pe le o le taimi foi lenei e
tatau ai foi ona manatunatu i se fesoasoani e avatu i aoga
a Ekalesia o lo o lagolagosua i lenei tiute tauave o le
atunuu ma le Malo? O le fesoasoani i aoga o lo o latou
taumafai i ai, aua e pau le mea latou te faia, o le soona ta
sii o pili o fanau, ona pagatia ai lea o i latou o lo o maua
avanoa i nei foi aoga.
Ae faaiu ai lau tautalaga i le Savali. O le Savali faapea
foi ma le 2AP, e peiseai o vaega lava nei e lua e avatu ai
i le atunuu ia faamatalaga uma o mea e fai ma mea e
tutupu. E pau a le mea na faaletonu ai ona o le vaitaimi
o le faauiese, sa iloga ai lava le faaletonu. O le matou
nuu a fia maua se tala i fanua e ono talitonu gofie i ai le
matou nuu, ona ki lea agai i Tutuila. O le mea o masani
a atunuu faa-temokarasi, o le puipuia tatau lea o le aia
ina ia aumaia ai i luma o le atunuu faamatalaga, e le gata
o faamatalaga o lagolagoina ai se mataupu po o
faamatalaga foi e ono faatautee i se mataupu. O iina
tonu ae matagofie ai le soifua faatemokarasi o se Malo.
Ou te manatua ai foi la ma mea o taaloga foi nei o lakapi
pe a fai malaga le au a lea nuu i lea nuu. E masani lava
ona talatalanoa ai, e manaia le taaloga pe a faapea e
tatala le taaloga. O lona uga i le faapapalagi, o le “open
rugby”. Pasi pasi solo le polo, ona ou faapea lea, tatala a
tatou upu-fai, tatala a tatou faiga Malo, tatou fetalaa‟i i
luga o le 2AP ma le Savali.
Sa i ai se aitu vavalo o se tasi nuu ma malaga ane o
tagisa se tamatai ona faapea lea o le aitu, “o le a le mea
ua gasea i le finagalo”? Ona faapea lea o le tali a le
tamaitai, “o lo o maua au i se ma‟i”. Ona faapea lea o le
aitu mamana, “aua le popole o le a ou faamalolo ia te
oe”, ia ona faamalolo lea, ona agai pea lea o le tafaoga a
lenei aitu mamana ona tau mai foi lea i le isi tagata taalo
o lo o tagi foi. Ona faapea atu lea o le aitu, o le a le mea
e te tagi ai? Ona faapea mai lea o le tagata leaga, ua ou
tagi ona ua ou le mafai ona ou alu i le au lakapi lea leaga
ou te le iloa taalo tatala. Ona faapena lea o lenei aitu,
paga lea! Ia ona fetagisi lotulotu ai lea o le aitu ma lenei
tagata taalo.
Ona faai‟u atu ai lea o se tautalaga, ia lagimaina lau
Afioga i le Fofoga o le Fono, lagimaina foi lau Afioga i
le Palemia ma le Kapeneta, ni tuata‟afalu i sui usufono
mamalu o le Palemene ma le aufaafofoga, ia maua pea le
ola e a‟u nei e fesoasoani atu ai i Taualumaga o le tatou
Fonotaga.
***************

Pinkeye Handout - Samoan - Anchorage School District

TULAFONO TAU FAAOFI O TEUTEUGA O LE TULAFONO O

failauga ataeao

TULAFONO TAU FAAOFI O FEAGAIGA I SINEVA 2015 SAMOA

tulafono tau faaofi o vai pulea tumaoti 2015 samoa

SCBF Pamphlet - Samoa National Provident Fund

lalolagi puaoa le malulu

Aokuso 2014 O Le Liahona - The Church of Jesus Christ of Latter

malo tutoatasi o samoa pulega o auala ma felauaiga ile