CENIDH GENTE QUE CAMBIA EL MUNDO AIL Edición y Redacción. Marieli Martínez Marenco Supervisión: Libby Canales Barquero Diseño y Diagramación: Franz Tórrez Hernández Traducción: Humberto Thompson www.humboldt.org.ni Naha ulbankana sipsa kau sakaia, naha asla takanka nani adarka apu kira, Oilwatch, Diakonia an bara Centro Humbolds, an dia ulbanka ba kat kulkanka yabaiasa. Naha ulbankana yamni kaikansa Centro Humbordt, lukanka sakanba dukiara, baku sin Diakonia asla takanba helpka ba wal, klauna tasbaia bila yua munaia dukiara. Naha waunhkatayana aisisa AIL warka kanka natka nani ba, an baku adarka sakan ba. Uplara smalkanka kum yabaia, nahki natkara nayara prawi help munaia dukiara. Naha waunhkataia paskanba lukank kum sakaib nahki natkara tawan wala nanira saukanka nani takanba wal, smatka kum plikan marikaia tawan sirpi wala nanira sauhki ba. AIL pliska nani ba sipsa naku natkara baiki sakan kaia, kan wina wahbisakan ba wala pliki sakuia ba: AIL … Ani wina aula ba an nahki wina aipaswiba. Dia dukiara naku natkara nina makisa AIL, MASKU bara GAS ba, naha nani ba dukia ba, kat diara rayaba brikanba 200 an 500 millan mani nani luan ra bikan kanba, aipaswi balan (Li Kauhla Swap kabu ka nani dus nani ailal brikan pliska ba ra). Tasba munuhtara diara nani aisawi asla takiba, piu wihka auya taim, sipsa AIL, MASKU an bara GIAS nani takaia sa, kuna sipsa kaikaia sin dia nani duhkia nani asla takisa. Gias ba sika pasa kum aisawi diara kum bilara ba, AIL ba trahpapa satka kum asla takan ba an MASKU ba dus nani kahwi aisawi ba tawa tawa taim wal takiba sika. AIL ba sika.. naku natkara ai natka brisa, isti lapta takisa baha mihta karnika yabisa. ( AIL paswanka ba MASKU ba na wala Hidrogeno wiba wal, an sirpira naha satka nani brisa (Azufre wiba, Oxigeno wiba, Nitrogeno wiba, Hierro, Cromo, Niquel an Vanadio nani brisa). AIL paswanka ba tarkikara dia wal bara sa, drahpapa, sal laya tahpla, bawina GIAS wiba sin, an bawina sirpi ka nani ba wala nani sin. AIL ba yus munanka natka ba karnika brisa, klin daukuyaba ninkara masin tara nani ra yus munaia ba wina lait nani baku, masin kara. Tasba aiskara Kuntri bani ba, AIL bara pliska nani ba pat wahbi saki brisa, an pat ridi sin dauki brisa nahki sakaia natkaba, kau yamni natkara pawanka dukiara. • Bak sakan pliska kum: bak sakan pliska kum ba yawan wibiasa kaka anira AIL bara pliska kum, taim ailal luanra pat wahbi saki briba, bar aba nani pliskara AIL ailal nara sipsa saki muni atkaia, sakuna sipsa na saki taim trabil nani ailal takaia. • Wahbi bak sakan pliska kum: baha ba AIL manas bara ba pliska kum, an pat laki kaikan nahki natkara atkaia ban a taim ka nanira, bara sin na pliska nani ba uya travil ailal sin sipsa takaia. Asla takanka kum bar asa kaka naha warkka daukiia natkara dimuia piuwara blestusa, upla an tasbaia bilara rishka yuwika nani ra sin ba purkara kau klir kayaba, wan tasbaiara iwaia rait kava, an pana pana kulkanka laka ba briaia, bara sin klir kaia, an kasak kaia, lukanka yamni brikaia, respek brikaia, wan iwankara, wan daukankara, wan kasakka lukanka briba ra sin lulkaia. AIL plikaia an sakaia natka nani ba AIL sakiba warkka natka ba takaskaia dukiara ba (pliki kaikiba warkaba sakaia warkka ba, an tasba muhnuhtara bara dukia nani yus muni nani ba), bara Mesoamerikara, Oilwatch brih impakiba, wiras sa rishka nani kuntri r aba alki yus munaia apia. Sakuna witin nani wat ba, ba riska nani ba AIL baku ba si taim, tasbara sauhkanka tara brihbalisa, ba nani ba kan sunaia, bara baku lika na warkka ba wan rishka wala nani an tasbara sauhkanka daukbia apia, wan iwankara, bara sin wan lahlaka takiba wan kuntri kara, an tasba iwanka aiskara. Naku kan suni kabia kaka, yawan nani sipsa lait briaia sipsa klin lakara briaia, baku sin na nani warkka ba wal, yawan sipsa kau wan kainara wan kan suni waia, wan kuntri ra, bara sin tasba iwanka aiskara, an nu takaia ani kat yawan nani wan raitka briba wan rishka nani ba yus munaia. Kuntri nani AIL an GIAS warkka wina iwi nani ba naku samplika kum yawan sipsa kaikaia: • Upla pawanka ba uba maiara palisa. • Lahla laikara sin uba pali maiara sa. • Tuktan nani sirpi nani ba sin uba pali pruwisa. • Tuktan nani ai winara yamni briaia ba uba pali maiara sa. •Wan wina tara mai kaikaia ra lahla nani maiara pali sa. • Skul dimaia lai kara basin uba pali maiara sa. • Upla skul dimrasba uba pali ailalsa. • Lahla daukaia maikara uba pali Saura sa • Wan ta bri uplika nani ba, Saura ra kau wark nani ba daukisa. ¿Dia ba kat yawan nani alkaia wat pali luki sa? • Upla ba kasak pali ai sinskara briaiasa wan rishka yuwika nani rispikka yabayaba. • Tawan pawankara waiaba sipsa natka wala kum ku pawaia, wan rishka yuwika nani ra uba sin sauhkras kira, wark takanka kau natka klin wal, bara sin tawan aiska sin i mihta dinkaia. • Wan luhpia nani yauhkikara luki kira ra wan naya kir nanira, siknis Saura nani wina klin swiaia. • Wan indian natka iwanka, bara sin wan almuka nani daukanka kan ba rispikka yabaia, an kaina suni briaia sa. • awan pawanka lakara dimaia ba, kasak pali kaikaia sa, wan tawanka nitka ba na wan nayara tawan sirpi nani bar aba nitka nani ba sin. • Klir kaia sa wan indian tawanka lainka raitka nani ba klauna tasbaika bilara. LA PLAMAIA KARNIKA BA Kaina sunaia kasak lukan ba mitin tara brin nani ra an wan iwanka kir tasba aiskara ba, bilara yuwika nani bara ba dukiara, bara sin tasba aiska bila ra taim nani sat sat nani taki aula ba dukiara, kuntri tara nani wahbi sakan uplika nani , aisikaikanka kum brin chaini tawanka Kyoto wi bara. • Yawan upla tasbara iwiba wan raitka aiska pali brisa, wan naya kir ba kasak pali klin kaia ba. • Indian tawanka bilara, iwi nani ba ai raitka aiska pali brisa, witin nani nahki natkara iwaia ba, ba raitkara OTI convenio ka numbika 169 bara ulbi pat sakan sa. • Mitin tara nani ra laki kaikiba, wan tasbaia aiska bilara taim nani sat sat taki aulaba, ai ulbanka baikisakanka 3 bara, wisa pat pali kainara upla nanira maisa pakaiasa, an kaina sunaiasa, taim Saura nani aula, bara takaisa taim, • Bapanka kum ulbi sakan sa kulkanka yabaiasa, dia nani tasba bilara ba sipsa kaia (upla nani, daiwan nawira an wapi bara raswi ba, dus nani, awala an lakun nani). Nara AIL pliska nani raya sakiba la nani bar aba wal, pura mankan kabia. ¿DIA BA DAUKAIA SA? • Tawan bilara la nani bri ba, pas laki kaikaia sa. • AIL warkka, daukaia storka aisi piuara tawan bilakku, yabal nani daukisa an tubu tara nani manki piuwara, tawanba sipsa, mapara wanhtaya kum ulbanka sakaia. • Makabaia, witin nanira marikbia sins laka ba wal, naha warkka sat ka dukiara. • Tila dimaiasa, bara sin makabaia sa, tawanra makabiwalaia, ba sat warkka daukaia sturka ba smalkaia. • Natka kum plikaia sa, nahki muni sip kabia, naha AIL nani satka yus mun ras kira, lait nani satka briaia. • Tila dimi, bin nani an wapanka nani daukaia, lait ba uya pali bahkira yus munaia apia dukiara. Aisi kaikanka tara kum daukan tasba aiska lalka nani aikuki… Johannesburgo wiba tawankara 2002. “Yawan wan raitkaba kulkanka laka yabaiasa, wat natka bakat, nahki wan ritska briba wan tasbaia bilara, yus munaia pawan ka nani sat ka daukaia wan tawanka bila ra, bara yawan bui kaikaia, sip kabia proyecto nani dimi aulaba tawan lupia laka kat sa kaka au takbia ar apia takaia sipsa.” KAINA SUNAIKA KUM: • Naha satka nani duhkia yus munayasa wan tasba kir sauhkaia apia kaka ( lapta, pasa an Li dukia) • AIL, MASKU an GIAS praiskaba laki kaikaia, rait pali praiskaba manki saki or apia kaka, praiska kum manki ba pasara, sauhki ba kau mana taki sapa kaikaia. • Tanka pliki kaikaia lait proyecto ka nani sat ka bara sa kaka tawanra, or mankaisa kaka, dia sat ka natkara daukais, tawan uplika nanira makabi walansa ki, apia kaka witin nani sep daukaia sipsa sapa. • Stadi munanka kum blestosa daukaia, lait sat ka proyecto kum daukras piuwara, kan sauhkanka sipsa baha wina balaia. • Tawan uplika ba yabalkaba param kaiasa ulbanka nani bara kaikaia an storka nani la sin tanka bri bauhuya. Tasba aiskara 122 campani nani ba naha warka nani satka taki wan payaska nani sauki daukisa 80 porcet ba. Ba tilara kau ba campani 4 bara sa (Exxon MobilOil, BP Amoco, Shell y Chevron Texaco), baha nani ba patkira sa klaut ninara saukanka brihbaliba 10 porcet ba. AIL ¿Dia sa? Tasba aiskara ail saki wark nani ba , an yus muni nani ba kau wan tasba kir ra saukanka bribalisa. Kau ba saki piuara yu bani tawa tawa saukankaba brih aula natka satkara, plis wala wina walara laki ba ai kia nani laiwi piunanira baha nani ba yu ba kau saukisa. Naha sat warka ta krikaia ba plis ka nani paskisa ba piuara diara nani kainara nani ba sipsa kaia dauwan watla nani, pata nani, luhpia sirpi nanira sauhkanka tara nani bribalaia. Saukanka laka dauki ba ail warka nani wina baman apia sakuna natka walara sin saukanka bribalisa, taim nani lakuia taim, pasa karna nani krai, prari nani satka mihta sin, tasba nikban nani ba sin, kauhri nani daknika wihki politik daknika wal travil nani brisuia taim sipsa nani sauhkanka satka nani balaia, pliska nani sin prakaia bara sin sauhkitikaia. Naha diara 3 nina nani kanra pat mankanba wina kaikanka daukaia ani ba kau saukanka bri balisa: SAUKANKA KAIKIBA WAN TASBAIA BILARA: upla nani tilara ba •Wan yuwika tawan bila wina takiba kaina dakbisa, diara nani tasba bilara nani ba sin tiki auia, bara sin baha wina sika indian tawanka sirpi nani ba ai pata nani saki yus muniba yu bani saukanka dauki auia sa. Ail warka ba saukanka tara nani bribalisa naha sat plika nanira (laulu pawi nani ra, unta tara nani ba, kabu ra walpa bara nani ba, auhia unra sin saukisa). Naha wal marikisa saukanka tara pali daukisa, ail warka nani bui wan pata mankaia pliska nani ra sin, an payaska baku sin wan iwankara sin. Ail warka ba piu bani plis nani kumira daukras sakuna ailal nani daukisa, ba wal indian nani iwanka ba saukisa, tasbaia brisa an tawanka wina sin kanhbi sakisa, den witin nani plis ka ba yus munaia dukiara, kiamka wala nani bal iubiaba dukiara. Kabu bilara yuwika nani ba Kabu munuhtara yukika nani bara ba manas pali ba, isi palisa pruaia bara sin tiwaia. Ail warka dauki piuara sipsa kabu ra laiwaia, bara baha laiwira piura kahu munuhtara wih takaskuia, walpa nanira wih takaskuia ba mani nani ailal bara kaisa ai kia nani ba saki, dauwan tara, sirpi nani ra rayaka sakisa. Bara na warka nani li pia nanira tasbara naha warka saukanka tara pali brihbalaia, ail laiwira kabura sip an li aubra buwi sipsa, plis lauhra briwaia. Ail kia ba bui daiwan nani watla nanira saukanka daukisa. Kabu munuhtara dauwan watla nani bara bara sin an daiwan nani bara bara sin. Kabu munuhtara daiwan nani bara ra ba sipsa kum kum nani ba piu prahni bilara kli ai pliska nani paskaia, wala nani ba sipsa mani nani ailal luwaia ai pliska sip paskras, ail laiwan ba taka mihta. Naha trabilka na bui upla li yus muniba ba baman sauhkras, sakuna ai pata pliska saki pliska nani sin sauhki tikisa: inska miski kan pliska nani, kan piuwara naha nani plika wina gelpka brikanba ai pawankara. Sauhkanka daukiba tasba pura ra Aiuhia un nani ra dauwan ai apaika bri pliska nani ba sin sahki tikisa, kau kaikbia sa kaka sipsa daiwan mahbra tasbara man kanra, ail taiar alkuia piuwara, kauba ail ba daiwan mahbra apanba ra alkuia taim, sipsa baikaia piua ba luaia, wala ba sipsa sin pruwaia, an sin skawa takaia. Baha ail laiwanka ba bui, kabu unra dauira nani ba pata sauhki tikisa an kau plis laiuhra blikisa. Unta tara nani ra ail saki ba Ail pliki tauki piuara dus nani ba sakak pali sauhkisa. Ail sakaia pliskaba yus munaia piuwara, blistusa hectaria wal pitka klin munan kaia. Tasbara klauhbaia piuara diara laya satka Saura nani yus munisa, kan ba nani ba tasbara an tihni nani ra sin laiwisa. Bara ba klauhbuiaba wark taki piuwara yu bani sauhkankaba kau kau bribalisa, li karma nani ra, tihni nani ra, awala nani ra bara sin tasba munuhta ra sin. Taim nani shens takiba Yawan nani sipsa kaikaia, ail ba saki taim piuwara, ail taskika ba anki taim wan payaskara kasak pali saukanka yabisa, bara baku sin ail saki piara an pliki piuwara andat taim kau pasara dauhkanka yabisa ((Oilwatch, 1997). Siskira nani daknika bila wisa klaut purara, ail saki laptika kiasmikaba uli wiba uba pali sa, kan uba pura luan mihta (dióxido de carbono CO2, metano CH4, y Óxido Nitroso N2O entre otros). Gabamet nani ai aisanka tilara laki kaikras nahki natkara sip kabia ail praiskaba lahban kaia, Kioto tawankara aisankara pat aisi kaikankan ail praiskaba sakuna ba praiskara baku daukras. Witin nani kau kaikisa pawi waia wark nani ba ail yus muni masinka nani ba wal. Ba aisankara winkan train munaia ail warkaba kau lahbaia sakuna gabamet ka nani ba kau lika suni wisa. Naha aisankara pramas takan naha taim ka sauki briuwia ba nahki natkara yamni daukaia, kan saukanka ba ail saki natka ba wina kau pali sauki brih auiaba mihta, bara gabamet nani sut ba natka plikan kaia sa dia ba kau pain dauhbia sa kaka ba taim ka ba klin sakaia sa sipsa. POLITIC NANI MAPARA BUANKABA Kanra aisanba baku manas pali bara sa, ail warka ba wina tawan pawanka nani satka nani daukisa ai kontri kara. Baha mihta tasba aiskara kontri nani bara sa witin nani ail warka ba sip swiras, mapara bui uplika nani kupia laka apia ba mihta mapara buisa an baku sin pruwisa war nani dauki piuara kontri wala nani ba wal. Kontri tara nani ba ai lahla ka yus munan natka briba kauba kauhru nani asla dauki bara wark nani sin bukisa tasba wala nani mapara, taibi muni yang pramas takisa, ail brisa kaka, ail warka ba daukaia kontri ka bilara. Nicaragua kontri ka bilara, ail riskaba apu sa market tara atkaia pitka. Baku sin lukanka bara sa, klauna tabaia bilara plis nani bara sa wisa ail pliki kaikaia pliska nani bara sa wisa. Nicaragua gabamet ba adar yabansa 5 plis nani ba pri lakara ani campanika bal ail warka daukaia ba, stadi munaia an sakaia, naha nani pliskara, klauna kabu ka bilara. Baha adarka brin ba naha campanika nani ra yabansa Noble Energy S. A. y la empresa Infinity Energy Nicaragua. yabansa lih waihka kati 2008 ka taba, ail pliki kaikaia an sakaia bara sin gas sin, klauna kabuka bilara naha nani campanika ra, empresa estadounidense MKJ Exploraciones Internacionales S.A. baku sin kakamuk katira 2009 mankara Noble Energy Nicaragua gabamet ka ba adar campanika atki brin MKJ Ail pliki kaikaia ba 6 mani kum sas yabisa. Ba nani manka bilara pliska kum sakuia kaka 30 mani kum yabaisa campani kara ai warka nani ba dauhbia duhkiara, pliska sakuia ba taim wina. Noble Energy campanikaba ai warka ba pat ta krikansa Isabel an Tyra pliska nani cost kabuka bilara. Tasbara ail kaikaia pliska nani lahwaunhta daukaia ba pat ta krikansa na pliskara Pozo Paraiso Sur 1, baha ba 168 kilometro Bluefields lalmara, Plataforma Saratoga ba wal. Noble Energy campanikaba ulbi sakanka kum daukan bara wisa 90 des pat ail saki kabia na nani pliskara. adarka brikanba witin atki brin, bara ail pliska nani pliki kaikaia ba wark ra diman sa. Pliska nani wal yabansa pliki kaikaia an sakaia warka daukaia dukiara, klauna kabu ka lalmara, naha nani pliska nani sa Banco Isla Bilwi wina 113 kiometro lalmara, an wala ba Banco Tyra 139 kilometro Bluefields kabuka lalmara. Kumi bani na 4000 KM raun brisa. Ail sakaia adarka yaban kumi bani ba 226,774 hectaria brisa ba ba na pliska sa PROSPECTO PERLAS ba, an bara PROSPECTO TYRA ba brisa 334,230 hectaria, ba ba kaihbia kaka 334, 230 kilometro naya bani ra. Lih mairin kati 2012 ka ta ba Adar brin, pliskara wark takaia bara baku mihta pat ta krikansa, tasba nikbaia pliska nani sipba laki kaikaia, ail saki warka takuia bara 2- D ra. Paraiso Sur pliska ba 370 mita brisa ai naia banira, bara sin tasba munuhtara salkan kabia ba 3,358 mita, ail ba bara sapa kaikaia dukiara. Bara naha lih untika klauhbuia ra ail ba bara takbia kaka, campanika lukisa lih unta wala kum daukaia ba pliska lama nani ra, ba ba dukiara campaniba 90 des kum sas brisa. Na campanika Noble Energy Limited ba na minit ba kat lala kum tikansa US$ 79 millian dalas kum an lukisa kau tikaia US$ 22 millian Dalas kum kau lih unta pas ba salkaia ba dukiara. Nicaragua gabamet ka ba bila kaikanka kum brisa lala wen takaia 17,500 millian Dalas, ba ba la 286 bilara winsa 30 mani kum yabisa ail sakaia ba dukiara campani nanira. Kau adar wal kum yabansa Infinity Energy Nicaragua campanikara, naha nani pliskara Bancos Tyra an Perlas 2009 ka ta ba mankara. Na minit nanira ail pliki kaikaia warka ba dauki aulasa, baku sin tasba nikbaia sipsa sapa sin laki kaikisa baha nani tasbaikara 2 – D wiba wal. Baku sin adarka masip kum kau yabansa naha campanikara Industrias Oklahoma Nicaragua S.A. Indoklanicsa pasific tanira. Na taimka nanira laki kaikisa Pozo San Bartolo – 1 bara, laki kaikisa sipsa sapa sakaia an sin laki kaikisa nahni pitka kat karnika bri sapa, ba ba Zonaa Villa el Carmen wiba saitkara. Gabamet ba kau campani REPSOL EXPLORACION S. A ba wal aisi kaikaia waat sa, klauna kabu ka tani ra pliska nani kum iabaia. CENIDH GENTE QUE CAMBIA EL MUNDO Proyecto "Alianzas y Propuestas para la Proteccion de los Derechos Colectivo de Poblaciones Indigenas y afro descendientes de la Costa Caribe Nicaraguense"
© Copyright 2024 ExpyDoc
