Protocol dalla radunonza generala dils 14 da december 2016 allas 20:00-22:15 en stanza da radunonzas a Rueun Suprastonza Claudio Carigiet, president Arno Spescha, actuar Clemens Cavigelli, cassier Elias Casanova, survigilader da material Bruno Demont, cau da tgira Presents: 38 Perstgisas: 14 Absolut pli: 20 Tractandas 1. Elecziun da dus dumbravusch 2. Approbaziun dalla gliesta da tractandas 3. Approbaziun dil protocol dalla radunonza da primavera dils 4 da matg 2016 4. Rapport dil president 5. Rapport annual dil cau da tgira 6. Rapport dil responsabel da tir e material 7. a) Orientaziun dil rendaquen b) Rapport dils revisurs c) Approbaziun dil quen 8. Fixaziun dallas contribuziuns annualas 9. Orientaziun ed approbaziun dil program da lavur 2017 10. Recepziun da novs commembers e mutaziuns 11. Midada digl artechel Art. 16, alinea 1 „La radunonza generala“ 12. Conclus sur propostas per mauns dalla suprastonza centrala 13. Elecziun per ina perioda d’uffeci dad in onn dils delegai tenor art. 15 A dils statuts dil BKPJV 14. Honoraziuns 15. Elecziuns dil president, cau da tgira e cassier 16. Informaziuns catscha 2016 / survigilader da catscha P. Ragettli 17. Varia Tractandas/Conclus/Discussiun etc. Responsabel Claudio Carigiet fa a tut ils presents in cordial beinvegni. Per igl appel cursescha ina gliesta. Presents total ein 38. C. Carigiet 1. Elecziun da dus dumbravusch Sco dumbravusch vegn Maurus Cavigelli elegius. 2. Approbaziun dalla gliesta da tractandas C. Carigiet Remarca : La tractanda 12, Conclus sur propostas per mauns dalla suprastonza centrala, ei vegnida emblidada sin la gliesta ch’ei vegnida tarmessa tier cun l’invitaziun. Quei ei denton vegniu currigiu entochen la radunonza. La gliesta da tractandas vegn approbada unanimamein. 3. Approbaziun dil protocol dalla radunonza da primavera dils 4 da matg 2016 Il protocol vegn approbaus unanimamein. A. Spescha 4. Rapport dil president Cun plascher e motivaziun ha Claudio surpriu il post da presidi igl onn vargau. Il motiv daco ch’el demissiunescha gia, ei enconuschents. Entgins cavazins e ponderaziuns persunalas da Claudio : Tgira da primavera, buna presenza, aunc entgins catschadurs da Vuorz ed Andiast, e lu fuss ei stau perfetg Di da famiglia a Siat, bellezia di, buna organisaziun, affons han era saviu prender part e guder, in engraziament als catschadurs da Siat Tgira da stad, buna presenza, stau ina biala sera, fetg speditiv e spert, Ignaz veva gia segau miez digl Igniu, grond engraziament Tir intern ad Andiast, program da lavur ha funcziunau fetg bein, buca funcziunau bein ha il baghegiar si l’infrastructura, quei sto era vegnir sil program da lavur, buna participaziun e super resultats, Marco veva in bestial di, grond engraziament a Bruno e Barbara che han organisau e smenau il grill grondius Catscha 2016 ei en nossa secziun schabegiau negins accidents, quei duess era esser aschia ed ei igl impurtont Sur da sesidas e radunonzas seigi dil district ni dil BKPJV ei adina vegniu orientau en detagl el catschadur Grischun La decisiun dil cussegl grond en connex cun la lescha ei mintgin vegnius informaus en detagl dallas medias ni era dil catschadur Grischun Claudio ei buca cuntents cun la catscha speciala. El fa patratgs sco quei duess ir vinavon e spetga sin entginas informaziuns da Patric Ragettli. C. Carigiet 5. Rapport dil cau da tgira Bruno ha giu da finir giu uras da tgira la primavera cun ils candidats Andrea Giger e Cedric Spescha. Ils 19.3 ha la radunonza dalla cumissiun da tgira giu liug. La tgira da primavera ha giu liug ils 16.4 ella val dil Tschegn ad Andiast La tgira da stad ha giu liug ils 27.7 egl Igniu a Siat. En tut ha la secziun Bostg priu en rodund frs. 1000.- cun tgira. Bruno fa attents ch’ei havess aunc grond potenzial. Las uras da tgira per ils candidats 2016/2017 ein gia finidas. B. Demont Candidats 2016/2017 : Fabian Flepp, Julian Cavigelli, Remo Alig Candidats 2017/2018 : Samuel Albin, Livio Casanova, Janic Schlosser 6. Rapport dil responsabel da tir e material Il program da lavur per il tir intern ha uonn funcziunau fetg bein Ei ha dau negins accidents ed ei vegniu sittau fetg ferm Il motor da segar ei plazzaus tier Bruno Demont a Vuorz. Elias vegn a prender tal puspei a Siat E. Casanova 7. a) Orientaziun dil rendaquen Clemens informescha en caussa sur dallas finanzas dalla secziun Bostg. Facultad 30.11.2016 22'095.38 Facultad 1.12.2015 22'107.38 Sminuziun dalla facultad -12.0 C. Cavigelli b) Rapport dils revisurs Tenor incumbensa sco revisurs da quen havein nus revidiu il quen annual 2016 dalla secziun Bostg. Il quen ei vegnius presentaus dil cassier Clemens Cavigelli tut en uorden e transparents. Tut las quittanzas ein avon maun e corrispundan allas cudischaziuns. Sin quei fundament proponin nus alla radunonza generala d’approbar il quen 2016 dalla secziun ed da dar scarica al cassier ed alla suprastonza. Nus engraziein al cassier Clemens Cavigelli ed alla suprastonza per la grondiusa lavur en favur dalla secziun. Ils revisurs da quen Damian Tuor, Lothar Cavigelli c) Approbaziun dil quen Il quen vegn approbaus unanimamein 8. Fixaziun dallas contribuziuns annualas La secziun Bostg scriva ils davos onns ceffras cotschnas damai che ils cuosts tier il BKPJV, gasetta da catschadurs etc. ein sesalzai. C. Carigiet Proposta : La suprastonza propona da strihar la reducziun da frs. 20.- per vegnir alla radunonza. Discussiun : Ins ei dil meini, che ina tala proposta ei buca reclia visavi persunas, ch’ein dalla sanadad buca pli hablas da prender part ad ina tgira. 2. Proposta : Maurus Cavigelli propona d’alzar la contribuziun annuala sin frs. 120.e schar las reducziuns (tgira e radunonza) sco tochen dacheu. Votaziun (per la proposta da Maurus Cavigelli) : 24 gie ; 3 na => la contribuziun annuala vegn alzada sin frs. 120.- 9. Orientaziun ed approbaziun dil program da lavur 2017 Puncts da discussiun : -Sera familiara : La sera familiara ei fixada sin ils 4.2.2017 a Rueun. Ei vegn fatg attents, che Andiast ha fixau quella sera ina sera da tscheiver. Ord quei motiv duei ei vegnir sclariu giu tgei pusseivladads ch’ei dat. Per il mument vegn ils 4.2 denton buca stuschaus. - Viadi intern : Igl interess per in viadi intern ei buca d’entuorn aschia che quei punct vegn strihaus dalla gliesta. Activitads e termins 2017 • 21-12-2016 • 02-02-2016 • 04-02-2017 • 10/12-02-2017 • 25-02-2017 • • • • • • • avrel mars/avrel avrel matg 13- 05-2017 fenadur/uost 05-08-2017 settember • • • november december schaner 2018 Radunonza dil destrict II Punctaziun dalla corna Sera famigliara a Rueun Fiera da catscha a pesca a Cuera Conferenza da presidents dallas secziuns "BKPJV" a Favugn Dumbraziun da tscharvas Tgira da primavera Radunonza dil destrict II Radunonza da primavera Radunonza da delegai dil BKPJV a Cazis Tgira da stad Tir intern a Plaun da Tschéss (Andiast) catscha: 02-09 entochen 10-09 e 18-09 entochen 29-09 Dumbraziun da camutschs Radunonza dil district II Radunonza generala Il program da lavur vegn approbaus unanimamein. C. Carigiet 10. Recepziun da novs commembers e mutaziuns Extradas A Peter Hiltbrunner (remarca: l’extrada ei vegnida communicada alla suprastonza pér suenter A. Spescha la suprastonza) Extradas B Bruno Simmen Stan actual Commembers A Commembers B Candidats Total 81 13 6 100 11. Midada digl artechel Art. 16, alinea 1 „La suprastonza generala“ Proposta: La radunonza generala ha liug mintg’onn el decuors dil schaner. Igl onn da fatschenta cuozza mintgamai digl 1. da schaner tochen ils 31 da december C. Carigiet La suprastonza ha fatg ponderaziuns en connex cun la radunonza generala digl atun. In motiv ei ch’il cassier savess serrar giu il quen naven digl 1 da schaner entochen ils 31 da december. Aschia fuss era igl extract da banca avon maun. In ulteriur punct ei sco igl ei schabegiau uonn che la radunonza d’atun dil district II ha liug per ils 21 da december, pia suenter nossa radunonza generala, aschia mauncan informaziuns dil district sco era dalla survigilonza. Discussiun : -Propostas per mauns dalla suprastonza centrala ston vegnir dadas giu entochen ils 20 da schaner (radunonza stuess pia ver liug avon ils 20 da schaner) -Tala tractanda savess gia vegnida tschentada dalla radunonza da primavera Votaziun : gie (unanim) 12. Conclus sur propostas per mauns dalla suprastonza centrala Ei dat neginas propostas. C. Carigiet 13. Elecziun per ina perioda d’uffeci dad in onn dils delegai tenor art. 15 A dils statuts dil BKPJV Elegi vegnan Norbert Dermond e Lothar Cavigelli. C. Carigiet 14. Honoraziuns Igl onn 2017 vegnan Gieri Casanova ed Ignaz Spescha honorai sco veterans. C. Carigiet 15. Elecziuns dil president, cau da tgira e cassier Cassier / reelecziun Clemens Cavigelli vegn reelegius sco cassier. President / demissiun da Claudio Carigiet Negin commember dalla secziun Bostg ei prompts da surprender tal post Cau da tgira / demissiun da Bruno Demont Negin commember dalla secziun Bostg ei prompts da surprender tal post C. Carigiet La suprastonza ei buca cuntenta cun la situaziun. Ins duei encurrir vinavon successurs (mintga commember sto era sez vegnir activs), denton san ins buca zunghegiar enzatgi da surprender in post. Sedeclaran negins commembers prompts da suprender ils posts, ston ins encurrir novas sligiaziuns. La suprastonza ei buca prompta da trer il car mo en treis. 16. Informaziuns catscha 2016 / survigilader da catscha P. Ragettli Patric Ragettli informescha detagliadamein sur: -Dumbraziun da selvaschina -Selvaschina disgraziada (Fallwild) -Catscha 2016 -Catscha speciala 2016 -Luf e luf-tscherver -auters animals Survigilonza Ei suonda ina discussiun cun damondas a Patric Ragettli. Claudio engrazia a Patric per las interessantas informaziuns. 17. Varia Stan da sittar: Il stan da sittar sto vegnir serraus cun igl onn 2020 (sch’el vegn buca senaus). Ins sto far ponderaziuns sco ins vul organisar il tir intern. Lescha da catscha: Sco enconuschent ha il cussegl grond refiers l’iniziativa en connex cun la lescha da catscha. Ils iniziants han fatg recuors, aschia che tut vegn tratg ella liunga. Tiziano Crivelli : Tgi che ha interess dallas fotografias (ein vegnidas presentadas duront la radunonza), sa s’annunziar tier Claudio. Guido Sgier ha gudignau ina concurrenza da cuschiniers da catscha. Claudio gratulescha ad el el num dalla secziun Bostg e regala in pign present. Clemens informescha che la contribuziun annuala sa era vegnir pagada bar. Corsin Spescha damonda il Patric tgei influenza ch’el hagi sin il schar sittar en els asils. Patric declara che quei vegni cumandau da surengiu. El sappi bu far dapli che dir na. Ei suonda ina discussiun pertuccond la catscha speciala. Ins duei far patratgs sur da quei, cunzun era pertuccond la segirtad. Avon che serrar la radunonza engrazia Claudio per igl interess e per il prender part alla radunonza. In special engraziament va alla suprastonza. La suprastonza engrazia a Claudio sco era a Bruno per la gronda lavur prestada. Claudio siara la radunonza ed envida tut ils presents ad in pign puschegn offerius dalla secziun Bostg. Siat, ils 17 da december 2016 igl actuar Arno Spescha Tuts
© Copyright 2024 ExpyDoc
