EPG Gezupftes Poulet mariniert mit Salbei und Knoblauch Als

EPG
Gezupftes Poulet mariniert mit Salbei und Knoblauch
Als Häppchen zum Apéro, auf dem Salatteller oder im Sandwich – das
mit viel Salbei und Knoblauch fein marinierte Poulet passt immer. Aber
das ist nur der eine Vorteil, dieses Gerichts. Der andere: Das Poulet
lässt sich sehr einfach und perfekt im Voraus zubereiten.
3 Tipps im Voraus:
 Das Huhn nicht auf grosser Hitze kochen, sondern am Siedepunkt
simmern lassen. So bleibt das Fleisch wunderbar zart.
 Den Sud nach dem Auskochen auf keinen Fall wegleeren. Geben
Sie etwas Salz oder ein Stücklein Bouillonwürfel dazu und
geniessen Sie die feine Hühnerbrühe. Hühnerbrühe lässt sich
übrigens auch problemlos einfrieren und später verwenden.
 Geben Sie wirklich grosszügig Knoblauch und Salbei zum
gezupften Pouletfleisch, nur so kommt das Gericht zu seinem
Aroma.
 Nach dem Rüsten kriegt man den Knoblauch-Geruch an den
Fingern perfekt weg, indem man die Finger beim Waschen mit
Seife zusätzlich am Chromstahl des Schüttsteins reibt. Funktioniert
tatsächlich!
Teaser
Zupfts Pouletflesich mariniert mit viel Chnobli und viel Salbei - das
Gricht vo euesere SRf1 Chochredaktorin maja Brunner hät drüü
entscheidendi Vorteil:
 es isch fein, logisch dass mues se sii
 Es sich eifach zum mache
 Und mer chas guet zum Voruus mache
Und wenn sie meh wännd wüsse – denn losed sie jetzt den grad A Point
– d Chochsendig vo SRF 1
Anmod
Das öppis schmöckt – das isch sicher – es wichtigs Kriterium bime
Gricht. Wenn das , wo guet schmöckt denn auch no eifach zmache isch,
au wemmer nüd mit de Chochschoss uf d‘ Welt cho isch , denn macht
das die ganz Sach umso interessanter. Und wenn mer das, wo guet
schmöckt und eifach zmache isch, au no im Voruus cha vorbereite –
denn, denn wettmer als interesseirte Hobby-Choch eigentlich nume no
wüsse, wie macht mers. Und wie mers macht, das zupfte Pouletfleich,
wo mit viel Chnobli und Salbei mariniert wird, das weiss eusi SRF1
Chochredaktorin Maja Brunner
Maja Zupfts Poulet, das heisst mit nähmed es ganzes Poulet und zupfets
Fleisch i chliini Stückli?
Maja: Das cha mer mache, mer cha s‘ ganze Poulet näh, ime Sud zäme
mit eme gspickte Bölle, echli Sellerie Rüebli, eme Loorberblatt und und e
paar Zwigli Peterli schön süüferli am Südepunkt la simmere bis es gar
isch, la abchüele und denn s‘ Fleüsch so i mundgerechti Stükcli zupfe,
ich nimme für das Gricht jetzt aber nume d^Schenkel vom Poulet, eifach
well s‘ Schenkelfleisch s’saftigschte Fleish vom Huehn ich und nüd
troche wird. Aer suscht alles gnau gliich, öppe 40 Minute uf chliinem
Füür la simmere und denn s‘ Fleisch zupfe. Mer chan übrigens statt
Pouletschenkel au en Chüngel näh, das isch au sehr fein. De Chuüngel
neigtt allerdings au es Bitz zum troche werde, vor allem, wenn er bim
Choche es bitz z‘ heiss überchunnt.
Mod: Also d‘ Pouetschenkel la simmere la im Sud, bis sie gar sind, s‘
Flesich zupfe mer denn vo de Schenkel und de Sud, de cha mer als
Suppe bruche?
Maja. Ja unbedingt das praktische Nebeprodukt vo dem Gricht bruuche ,
uf kän Fall wegleere. Eifach no salze, villicht tuet mer au no es Bitz vome
Bouillonwürfel drii, das git e feini Hühnerbouillon, je besser wir die
natürlich , je meh Pouletschenkel dass mer mitchocht – aber das git uf
jede Fall e feini Suppe und wenn mer die nüd grad sofort bruucht, uf jede
Fall iigfrühre und später bruche.
Mod: Zrugg zum Pouletfleisch, wo jetzt kochet und i Stückli zupft isch –
wie gahts wiiter
Maja: mit Chnobli schelle und i fiini Schiibli schnide. Und zwar ganz en
Huufe Chnobli und au vil Salbei. I dem Gricht dörf mer weder mit em
Chnobli no mit em Salbei giiizig tue – beides git dem Gricht de feini
Gschmack. Also Chnoblizehe, schelle und fiin schiible und de Salbei
wäsche, d‘ Blättli zupe und trochetupfe. Und für die wo jetzt säged,
Salbei das gaht ja, aber Chnoblirüschte, da stinket nacher d‘ Finger
tagelang – keis Problem. Mer mues d‘ Finger eifach nach em Rüschte
grad mit Seife wäsche und d‘ Finger so richtig guet am Chrohmstahl vom
Schüttstei riibe – denn gaht de unagnehm Chnobligruch ewegg.
Funktioniert garantiert! Und will, es git imHandel au so extra ChromstahlSeife - aber ebe de Schüttstei langed eigentlich.
Mod: Mit dem Tipp gäg stinkigi Chnoblifinger statt dim Gricht jetzt
definitiv nüt meh im Weg – mer händ alles parat, die zupfte Pouletscück,
d gschiblet Chnobli, de Salbei – und jetzt.
Maja: Das isch es jetzt eigentlich scho fascht: es Bitz Olivenöl ine
Schüssle gäh, en erschti Schicht Pouletfleisch druflege, schön dicht, eis
Stückli näbed em andere, denn chräftig Salze, Pfeffer druuf, schwarze
grobgmahlne Pfeffer us de Mühli und denn Chnobli und Salbie, denn die
nächscht schicht Fleisch, denn Wieder salze une Pfefferund Chnobli und
Salbei druf. Und so wiiter und so fort, bis alles Fleisch uufbrucht isch.
Denn ales echli atrucke und mit Olivenöl uffülle, bis alles deckt isch. En
schwere Teller druf, damit alles guet presst isch und mit Olivenöl guet
deckt. E Folie druf und ab demit in Chüelschrank, und dete ein bis 2 Täg
la mariniere la.
Mod: passt zu?
Maja: Ich fein zume Salat, ime Sandwich,oder uf gröschtete Brötli zum
Apero.
ambod

Download Report