Inhalt B 34 - Spale Alti Garde

Lieby Spalemerynne
und Spalemer,
Kuum isch d'Wiehnachdde verby, s'neje Joor het
agfange – isch scho bald Fasnacht. In däm Joor
kemme die drey scheenschde Dääg vom Joor scho
Mitty Hornyg. So blybd nit vyyl Zydd fir
d'Vorbereidygge. Aber unsery Kindschler sinn jo
Profys. D' Gostym und d'Larve sinn bereits fertyg,
und d'Ladärne im Entstoo. Sowyt wär jo alles guet und wie jedes Joor.
Doch fir die Alty Garde wird's das Joor e spezielly Fasnacht.
Wie bereits scho mehrmools gmälded, fääle uns in däm Joor aigeny
Damboure. Dr Grund derzue isch vyylfäldyg – vo «sich nej erfinde» bis
ebbe gsundheidligge Broblem gits alles. So sinn mer froo, dass uns an
dr Fasnacht dr Stamm nit im Stich lossd und je am Mändyg- und
Mittwuchnomidaag
6 Damboure bi uns lossd mitmache. Härzligge Dangg an Stammverein,
aber vorallem jetzde scho an die zwölf Damboure wo uns unterstitze.
Doch nit gnueg mit em Dambourebroblem. Au Pfyffer und Vorträbler
(Männli und Wyybly) fääle, wäge gsundheidligge Broblem. Zledschd
jetzde no d'Agi unsery Sujetobfrau. Sy brichd sich so aifach schnäll
s'Bai. Zem Gligg gits no unser Eeremitgliid – d'Luzia (17 Joor
Sujetobfrau). Sy isch grad ygsprunge und organisierd wydder.
Härzligge Dangg Luzia. Aber au guety Besseryg an ally, wo ebbe wäge
dr Gsundheit nit kenne Fasnacht mache.
Ai Liechtbligg aber gits. D'Carmen Brugger, d'Severine Eckerlin und dr
Thommy Hediger, wo vom Stamm in die Alti Garde gwäggsled hänn,
sinn e riise Berycheryg. Ych glaub sy hänn bi uns richtyg dr Blausch und
ych freu my uff die erschdy Fasnacht mit iine.
Ebefalls nej isch s'Team im Käller während dr Fasnacht. Erschdmools
hänn mir e Profiteam am Wärgg. Unter dr Leiddyg vom Rest. Landhuus
wird dr Käller während vier Dääg gfierd. Mer sinn gspannd uff
d'Reaktione.
D'Fasnacht 2016 vo dr Alte Garde stoot aber ganz unter em Thema
«Feschdde». Ainersydds „wyss oder farbyg?“, also „Withedinner oder
s'Gegedail“ aber au – und das vorallem – unter 50 Joor Harald bi dr
Spale. So fyyrt dr Harald Schirmer sy 50 schdy Fasnacht in dr glyche
-1-
-2-
Clique. Mir graduliere im Harald ganz härzligg und dangge iim, dass är
all die Joore dr Clique treu bliibe isch. Das isch Spalegaischd!!
So isch är s'guedde Byspyl, dass es e Alti Garde bruchd. Denn ka me au
mit iber 75 no ystoo und drey Dääg fyyre.
Wie immer, dangg ych allne, wo e Bydraag fir unsery AltgardeFasnacht gleischded hänn, wo gholfe hänn, dass mer kenne uff dr Gass
sy und s'gniesse.
Y windsch allne scho hitte drey scheeny, gmietliggy und erläbnisrychy
Dääg und freu my, mindestens 2 vo däne 3 Dääg als Alti Spale kenne
unterwäggs z' sy.
Euere Obmaa
Impressum
Dr Altgardischt kunnt als:
Fasnachts – Nummere 82
Redaggzions-Schluss
Fir d Summer – Nummere 83:
4. Juni 2016
Redaggzion
Béatrice Rau
Leggtorat:
Luzia Wittlin
Layout:
Walter Vögelin
Drugg:
Edition Litho & Druck
Hegenheimermattweg 50, 4123 Allschwil
Dr Käller 62 isch a dr
fasnacht offe:
am Mändig vo 17:00 - ??? h
am Zyschtig vo 20:00 - ??? h
am Mittwuch vo 17:00 - ???
-3-
-4-
Yylaadig zer
Goschdyymvernissage
Der Vorstand laadet zer Goschdyymvernissage yy. Si isch am
Donnschtig, em 11. Hoornig 2016.
Vom achti Zoobe (20.00 Uhr) bis der Letscht uusegoot
im Käller 62
Unseri Gescht sin dr Reto, d Ursi und dr Martin Luginbühl unsere neie
Zeedeldichter.
Mer mechte noonemool d Goschdyym vorstelle und mitenand uff d
Faasnacht aastoosse. Usserdäm gits die letschte Informatione iber d
Faasnacht.
Uff zaalryychs Erschiine frait sich
D Süscheeobfrau
Agi
SUNNTIGOOBEMORGESTRAICHMIMPFELI
D Fasnachtsdailnäämer vo der Alte Garde dräffe sich am
Sunntig, em 14. Hoornig 2016
Am halber fimfi (16.30) im Stamm Käller
Mer stoosse zämme uff d Fasnacht aa und dr Martin Luginbühl liist unsere
Zeedel, au d Zeedel vom Stamm und de Junge wärde verlääse.
Am halber siibeni (18.30) kaa me die drei Lampe uff em Petersblatz
bestuune, do derzue sinn au d Mitgliider häärzlig yyglaade.
Am Siibeni (19.00 Uhr) pfyffe mer die drei Ladäärne zem Käller 62, dää het
bis ebbe am Zääni Znacht offe.
Bitte beachte:
Dr Käller 62 isch vor em SOMM numme fir die glaadene Gescht offe. Dr
Vorstand bittet alli, das z respäggdiere. Danggscheen.
D'Süscheeoobfrau
Agi
-5-
WBZ Reinach BL
TSM Münchenstein
Sonderschulheim zur Hoffnung Riehen
-6-
F16 Rädäbäng
WYSS ODER FARBIG
Ladäärne vorne:
Wyss oder farbig, en Oobemool?
Ladäärne hinde:
Uff oder under dr Brugg, wyss oder farbig?
Dambuurmajor :
isch d Miss Innerstadt
Vordraab:
Isch farbig oder wyss?
S Spiil:
Isch wyss oder farbig?
marschRepertoire 2016
Alte Schweizer
Gässler
Mätzli
Spaledöörli
Arabi
Sam
Dreier
Whysky
Ryslaifer
San Carlo
Ueli
Saggodo
Retraite
10. Värs
z Basel
Glopfgaischt
Feschtspiil
Mätzli
Läggerli
Naarebaschi
Glunggi
Dreier
Rossignol
Neyi Glaibasler
Basler Marsch
Celanese
Retraite, Saggodo, 10. Värs,
Altfrangg (Pfyffersolo) am
Abend
-7-
-8-
F16 S Süschee
“Wyss oder farbig?”
In de Medie gross propagiert, d Pro Innerstadt die jubiliert. 40 Joor gitt s die
Organisation jetzt schoo, do muess doch ebbis Bsunders, Bassends uusekoo.
Amene heerlige Obe im Sebdämber strööme Mensche us de Drämmli und
uss de Gasse. Iir Ziil isch dr Märtblatz oder die Mittleri Brugg. Mit Stiel und
Pic-Nic-Keerb ussgstattet, wird e Blatz a eim vo de wyss deggde Disch ergaddered. Me driffd sich do zum“ Wysse Dinner“.
Wyss und wyss wohii de luegsch. Glaider, Däschli, Jagge, Hoose, Schue –
jedes Detail muess hütt stimme. Sogar Hochzydsroobe kenne nonemool e
glanzvolle Uffdridd erlääbe.
Me dailt, was us de Keerb füüre kunnt, mit Lütt am Disch wo me erschd sydd e
baar Minute kennt.
D Stimmig isch logger – so e bitz wie sunschd, neume im Süüde.
Au vor de Hüüser an dr Rhy-Promenade und in de Gärte vo de Quartier duet
me am glyyche Obe fyyre. An viile Disch, do und dört au eifach uff Degge am
Boode duet me bi dr „Farbige Nacht“ gmietlig zämmesitze.
Me losst sich, Hummus, Falafel, Knoblauchbrot und Grillwürscht schmegge.
Hörsch Jazz und Blues, Balkan-Sound und Rapp, Gitarrekläng wo d Seel
beriere.
Spoot am Oobe oder gääge e Morge wärde Räschde vo Wy, Prosecco,
Wurscht und Hobelkääs mit Caipi; Mezze und Tzaziki dailt.
Do reede Mensche im elegante wysse Gwand mit dene im Hippie-Look, ganz
entspannt.
E Mänge hett e scheeni Erinnerig an die magischi Nacht und froggt sich
worum me das nid öfter macht.
Die Alti Garde probiert s an de drei scheenschde Dääg.
Dr Zeedel beschryybt wie me dä Summerobe hett woornää kenne.
D Vordrääbler zeige uns fabig-wyss dr Wääg.
D Ladäärne zaigt d Vordersydde: Wyss oder farbig, e Oobemool? D
Ruggsydde luegt. Isch s uff oder under dr Brugg, wyss oder farbig?
-9-
- 10 -
D Pfyffer löön wyss-farbig dr Spale-Sound erklinge.
Dr Dambuurmajor präsentiert sich als „Miss Innerstadt“.
Und dr drummelndi Spaale-Gaischd gniesst sy 50igschdi Fasnacht mit syyne
Geschd.
Isch winsch alle e heerligi Fasnacht, wo sich s'Wyss nur uff d Goschdyym, nid
ebbe in Form vo Schnee bezied. Erlääbed farb igi, freeligi, tolli 72 Stunde!
Euri Sujet-Obfrau
Agi
Dr MaAGEFAARBLAaN F16
Mändig
Mittwuch
Salaat
Suppe
Riz Casimir
Ryys
Dessert
Suppe
Salaat
Haggbroote
Häädapfelstogg
Dessert
Uffstellig Fasnacht 2016
Hug Stephan
Spitz Patrick
Steinegger Robin
Bossert Theres
Kasselmann Ruth
Hess Sonja
Hug Thomas
Zingg Theo
(Ladärne)
Schwab Roland
Spitz Corinne
Humbel Gittan
Weisskopf Susanne
Jost Ueli
Vögelin Walter
Husi Walter
Béatrice Rau
Doris Pfiffner
Rolf Bachmann
Doris Rohner
Werner Moser
Heidi Moser
Luzia Wittlin
Felix Attenhofer
Brigitte Michel
Esther Müller
Thommy Hediger
Rosi Sidler
Werner Kunz
Janine Tschudin
Helene Meier
Doris Walser
Esther Trachsel
Sévérine Eckerlin Carmen Brugger
- 11 -
- 12 -
Faasnachtsfaarblaan 2016 –
Alti Garde
Wenn sinn mer wo?
Sunndyg, 14. Hoornig
Zyt
Ort
Beschriib
16.30
Käller Stamm D'Fasnachtsdailnäämer träffe sich, um uff
d'Fasnacht kenne a z'stoosse. Wie allewyyl lisd
denn dr Martin Luginbühl dr Zedel sollte es
heissen: erschtmools liist dr Martin Luginbühl
unsere Zeedel, au d Zeedel vom Stamm und de
Junge wärde verlääse.
18.30
Petersblatz
Me kaa s'erschdmoole d'Ladärne vo dr Spale
(Jungy, Stamm, Alti Garde) bestuune.
19.00
Ab Petersblatz Je nach Schneelaag pfyfft die ganzy Spale durch
d'Stadt, bis vor dr Käller 62.
Dr Käller isch nochhär bis am zääny z'Nacht offe.
Mändyg, 15. Hoornig
02.30
Käller 62
Ab jetzde isch dr Käller offe
03.45
Spalebärg
D'Spannyg styggt, me macht sich langsam
baraad.
04.00
Spalebärg
Morgestraich vorwärts marsch! Mer steen und
marschiere gmainsam mit de Junge und em
Stamm bis zem Seibi. Nach däm Halt geen mer
elai wydder.
07.00
Käller 62
Morgeässe. Dr Tambourmajor laded wie jedes
Joor yy.
13.45
14.10
17.15
17.30
Theater
Theater
Me trifft sich bim Theater (Balleenli montiere)
Mer marschiere ab Richtig Stainebärg - Route
(usse – rot): Stainebärg (1. Comité) –
Banggeblatz – Wettstaibrugg (2. Comité) –
Wettstaiblatz (1. Halt) - Riechestroos - Riechering
– Mustermäss (2.Halt, Rest. Altes Warteck)
Clarastrooss (3. Comité) – Clarablatz –
Unt. Räbgass – Wäbergass (3. Halt,
Grotto) Aaschliessend Route nach Aasaag
Clarablatz
Mer träffe vor em Claraschopping yy.
Claraschopping Nachtässe im „Kaffy Keenig“. Nur fir
- 13 -
- 14 -
19.45
Gryffegass
Fasnachtsdailnäämer.
Abmarsch zem Gässle – Richtyg Grossbasel, bis
mer mied sinn und in Käller geen.
Mer sinn sicher im Käller
23.00
Käller 62
Zyschdyg, 16. Hoornig
14.00
Käller 62
Besammlig fir die wo wänn. Dr Zyschdyg isch
fakultativ.
14.30
Spalebärg
Abmarsch zem Gässle bis zem Nachtässe.
Mittwuch, 17. Hoornig
13.00
Dalbevorstadt Träffpunggt Brunne Dalbevorstadt
(Balleenli montiere)
13.45
Rittergass
Träffpunggt
14.10
Rittergass
Mer marschiere ab Richtig Banggeblatz - Route
(inne – blau): Banggeblatz – Stainebärg
4(. Comité) – Seibi (1. Halt, friener Gambrinus)
Wyssy Gass - Frejestrooss – Märtblatz –
Ysegass – Schiffländy (4. Comité/ nur Kontrollpunggd) - Mittlery Brugg - Rhygass, (2. Halt,
Kaffy Spitz)Aaschliessend Route nach Aasaag
17.15
Clarablatz
Mer träffe am Clarablatz yy.
17.30
Claraschopping Nachtässe im „Kaffy Keenig“.
Nur fir Fasnachtsdailnäämer.
19.45
Gryffegass
Abmarsch zem Gässle – Richtyg Grossbasel.
20.10
Fischmärd
Yträffe am Fischmärd.
20.30
Fischmärd
Abmarsch zem Gässle mit em Stamm und de
Junge bis zem Seibi
21.40
Stainebärg
Abmarsch mit em Stamm und de Junge Richtyg
Schiffländy – Halt vor dr Spalungge.
Anschl. Storche
Mer geen elai wydder go gässle nach Aasaag vom
Majoor.
01.00
Käller 62
D'Ladäärne wird vor em Käller verabschiided.
01.45
Spalebärg
Fir die wo no Luschd und Kraft hänn gots Gässle
03.00
Käller 62
wydder bis am Viery am Morge Aendstraich und
adie Faasnacht 16 vor em Käller 62.
S'git Rösti mit Spiegeleier
Wär uss Gsundheitligge - oder Altersgrind nimme maag, mälded sich fir
kurzy oder längery Zyt bim entsprächende Spiilchef oder em Major ab. Es
selle ally kenne e tolly und gmietliggy Fasnacht mache.
- 15 -
- 16 -
S Bulletin vo dr
Glyggeschweschter
In dr Zwischezyt wisses scho die maischte vo dr Alte Garde. Dr Felix Kaiser
hett sich miesse ere grosse Operation unterzieh. Voruss gange sinn e
Chemotherapie und Bestrahlige. D Operation isch sowyyt guet verloffe. Jetzt
isch är uff dr Chrischona zem sich ebitz z erhole. Iiber d Griess vo dr Spale hett
sich dr Felix sehr gfreut. Jetzt hoffe mer nadyyrlig, ass dr Felix bald wiider
gsund isch und am Glyggelääbe ka dailnää.
Denn hämmer no 3 "orthopädischi" Fäll khaa: s Walsi hett e nei Hüftglängg
griegt. Au bi iire isch d Operation guet verloffe, wien er gsee hänn, kunnt s
Walsi beraits wiider ko pfyffe und wird an dr Fasnacht yystoo. Em Urs Zeder
hänn sie d Diskushernie operiert. Bis jetzt isch är ändlig schmärzfrei. Mer
hoffe ganz fescht, ass das guet verhebt, und är d Drummle wiider draage ka.
Dernoo hett dr Christoph Zimmermaa no langem Warte ändlig e nei
Gneiglängg griegt.
D Séverine Eckerlin isch ungligglig gfalle, hett sich am Kopf verletzt und
kämpft immer no mit de Folge vo däm Sturz. Jetzt haissts, Duume drugge, ass
d Séverine an dr Fasnacht derbyy isch. D Ruth Kasselmaa het au mit
gsundhaitlige Brobleem z kämpfe. Au iire alles Gueti.
Und kurz bevoor dä Altgardischt in Drugg goot ischs bassiert: Unseri
Süscheeobfrau, d Agnes, isch uff em Haimwäg vom Pfyffe uff ere yysige
Abschranggig bin ere Baustell ussgrutscht und hetts Bai broche. Im
Claraspittel hett me dä Bruch miesse richte und schruube. Mer wintsche iire
an dääre Stell gueti Besserig. Yy hoff, das isch jetzt dr letschti Fall, denn au d
Pfyffergrubbe wird als wie glainer. S wär doch schaad, wenn dr Vordraab elai
uff d Gass miesst go.
Wenn jetzt ebber dänggt, yych ha vo dr Spale aber kaini Besserigswintsch
griegt, denn liigts do dra, ass mer nyt wisse. Drumm, mäldet Eych doch bi dr
Glyggeschweschter.
Yy wintsch alle ganz gueti Besserig.
D Glyggeschweschter
Luzia
Kumm doch auch emool am Donnschtig in Käller 62.
Mer sitzt nach em Probe, ab de zäni Zoobe gmietlig zämme.
- 17 -
Visenta AG
Welche Fragen beschäftigen Sie bei der anstehenden und den künftigen Steuerdeklarationen?
l
Ist meine Steuerbelastung wirklich nicht zu hoch?
l
Sind alle möglichen Steuerabzüge berücksichtigt?
l
Welche Steueroptimierungsmöglichkeiten habe ich noch?
l
Wie deklariere ich meine Liegenschaftsunterhaltskosten?
l
Wie plane ich meinen Liegenschafts-, Wohnungskauf?
Gerne klären wir in einem persönlichen Gespräch Ihre offenen Steuerfragen.
Falknerstrasse 3, Postfach, 4001 Basel
Tel. 061 269 99 10, Fax 061 269 99 19, www.visenta.ch
- 18 -
Dr Kaländer
2016
AF
AF
AF
AF
AF
AF
AF
AM
Iebig im Käller
04.02.2016
06.02.2016
Fasnacht in Nuglar
11.02.2016
Goschdymvernissage
14.02.2016
SOMM
15.-17.02.2016 Fasnacht
06.03.2016
Bummel
10.03.2016
Spielsitzig
26.05.2016
GV
Spaledöörli 2016
– oder Line Dance in Binnige
Wie allewyyl no de Fyyrtige het am 23. Jänner 2016 s Intärne vo dr Spale
Clique im
Kronemattsaal in Binnige stattgfunde, und isch es e tolle Oobe gsi. D Binggis
hän mit glänzige Auge d Rangverkindigunge entgeege gno, heerlig, dr Junge
Garde und im Stamm zue z loose.. Bländendi Darbietige, e grandioose Uffdritt vo de Grachsynfoniker, s Tele Basel und dr Spitzbueb hän s zaalryyche
Publikum grossartig unterhalte.
Au die Alti Gaarde het wiider e Byydraag zer Unterhaltig glaischtet. D Idee
isch im Herbscht entstande und unter dr fachkundige Laitig vom Heideli isch
dr Uffdritt vorberaitet worde. Si het mit de Dänzer stundelang dr Danz
yygstudiert. D Pfyffer hän derzue e Sam pfyffe, aifach wunderbar. Mi härzlige
Dangg ans Heideli und alli Dailnäämer, de Zueschauer het s gfalle und mer
hän vyyl Spass ka.
s'Glöggli
- 19 -
STIFTUNG FÜR DAS LEUKÄMIEGEFÄHRDETE KIND
Langzeitkranke Kinder werden
Gotte oder Götti im zoo basel!
Alle Kinder lieben Tiere. Was liegt daher näher, als langzeitkranken
Kindern ein wunderschönes Erlebnis zu vermitteln: ein Jahr lang Gotte
oder Götti für ein Tier im Basler Zolli zu sein.
Das Erlebnis Tierpate soll einen positiven Einfluss auf den Heilungsverlauf
nehmen und wird die Kinder an etwas anderes denken lassen als an Ihre
Krankheit. Das Kind erhält neben der Patenschaft mit Gratiseintritt für ein
Jahr eine Urkunde samt Foto und Beschrieb des Tieres, für welches es ein
Jahr lang Gotte oder Götti sein darf, sowie ein Plüschtier zur Erinnerung an
diese Patenschaft. Am alljährlich stattfindenden Patentag werden die
Kinder zusammen mit ihren Eltern und Geschwistern eingeladen, fröhliche
Stunden im Zolli Basel zu verbringen. Das gemeinsame Mittagessen mit
Unterhaltungsprogramm sowie die anschliessenden diversen Führungen
machen diesen Tag zu einem Erlebnis.
Die Zeichnungen ihrer Patenkinder, welche die Kinder uns zusenden,
machen uns viel Freude und bestätigen unsere Bemühungen, alles zu tun,
damit diese Aktion erfolgreich weitergeführt werden kann.
Das Sekretariat der Stiftung für das leukämiegefährdete Kind, p.A.
HB&P Treuhand AG in Basel, steht für weitere Informationen gerne
jederzeit zur Verfügung.
(Tel. 061 279 98 91 / [email protected]).
- 20 -
Spale Clique stamm
Sunndigoobemorgestraichmimpfeli (SOMM) 14. Februar 2016:
16:30 Alli Aggtyve vom Stamm und dr Alte-Garde träffe sich im SpaleKäller, zem zämme uff d Fasnacht z waarte. (Wichtig! Dä Aaloss
isch nur fir die Aggtyve vom Stamm und dr Alte-Garde. Dr
Voorstand bittet, das z respektiere – Beschte Dangg)
18:00 Uffbruch Richtig Petersblatz
18:45 Mr pfyffe s Spaledöörli
19:00 Yystoo …! Mit unserne drey scheene Ladärne JG, AG und Stamm
marschiere mer Richtig Peterskirche – Noodlebärg – Spalebärg –
Gämsbärg – Heubärg – Käller 62.
Dr Käller 62 isch offe und dr Wirt luegt, dass e jede rächtzytig hai
goot, um no e Kappe voll Pfuus z nää. Spyrsch s Fasnachtsfieber
styyge?
Morgestraich 15. Februar 2016:
02:30 Dr Käller 62 und dr Spale-Käller sin offe. Im Spale-Käller isch
Sälbschtbedienig – jede ruumt syy Zyyg uff und zahlt sälbständig!
03:15 Besammlig vom Voordraab wie immer im Hof vom Stroofgricht
(Achtig! D Stäggeladärne vom Stamm und dr JG nit vergässe)
Sobald d JG parat isch, aber speetischtens am 03:30 lauft dr
Voordraab mit allne drey Ladärne vom Glygge-Käller zem
Spalebärg
(scho in dr richtige Raihefolg – me goht zämmen aabe JG, AG, ST)
03:45 Besammlig fir alli am Spalebärg uff heechi Noodlebärg – Achtig,
nid z wyt unde yystoo! (hesch s Kopfladäärnli kontrolliert? Und
hesch e Güpfi in dr Larve?!?)
04:00 Morgestraich! – Vorwärts! – Marsch! Au das Joor – aifach s
Maximum!
Zämme mit dr JG und dr AG laufe mer Richtig Määrtblatz –
Gärbergass – Seibi
(Alternativroute: Spalebärg – Rimmeli – Gärbergass – Seibi)
05:00 Ca. Pause uff em Seibi
05:15 Abmarsch Stamm – alli drey Glygge gehn elai go gässle.
06:45 Morgenässe uff em Schiff
08:00 Abmarsch zem go gässle, Route no Aasaag vom Major. Niemerts
goot vor 09:00 haime – denn es isch doch nur aimol im Joor
Fasnacht
09:00 Mer gniesses und geen no lang nid haim …
10:00 Mer gniesses und nämme no aine …
- 21 -
- 22 -
Määntig Noomidaag:
12:15 Dr Vordraab trifft sich im Glygge-Käller und bringt d Zeedel, d
Ladärne, s Stamm- und s JG-Requisit zämme mit dr JG an
Clarablatz (bi dr Kirche – mer stöön diräggt uff dr Route yy)
13:15 Besammlig uff em Clarablatz bi dr Kirche uff dr Route
13:30 Abmarsch Richtig Mäss (Comité) – Plaza – Riechestroos –
Wettstaiblatz – Wettstaibrugg (Comité) – St. Alban Grabe –
Stainebärg (Comité) – Seibi – Falknerstrooss – Spalungge –
Määrtblatz – Schiffländi (Comité) – Mittleri Brugg – Utegass
18:00 Nachtässe uff em Schiff
20:00 Abmarsch zem go gässle, Route no Aasaag vom Major
23:00 Mer gänn d Lampen ab und nämme naimen aine – Brogramm no
Aasag
vom Major
24:00 Mr geen no lang nid haim und mache no e Spale-Rundi …
Mitwuche 17. Februar 2016:
12:30 Dr Voordraab trifft sich uff em Minschterblatz bi dr Ladärne und
bringt d Zeedel und d Ladärne an Stainebärg uff Höchi Nespresso
13:15 Besammlig am Stainebärg uff Höchi Nespresso. D JG stoot am
Banggeblatz yy – vor em Stamm!
13:30 Abmarsch Richtig St. Alban Grabe – Wettstaibrugg (Comité) –
MuBa – Europe (Comité) – Claraplatz – Mittleri Brugg – Schiffländi
(Comité) – Schnydergass – Rimmeli
18:00 Nachtässe uff em Schiff
20:00 Phinggtligg Abmarsch zem go gässle, Route no Aasaag vom Major
20:15 Dräffphunggt mit dr JG und dr AG vor dr Kantonalbangg bim
Bluemerain zem aaschliessende gmainsame gässle
20:30 Phingtligg Abmarsch zem go gässle
21:00 Götti-Halt am Stainebärg bim Casino
21:40 Abmarsch ab Stainebärg mit dr JG Richtig Stryytgass –
Freyestrooss – Määrtblatz – Stadthuusgass – Määrtblatz –
Gärbergass – Falknerstross – Spalungge (Pause)
22:45 Abmarsch mit dr JG Richtig Harmonie (Pause) Mir kenne alli unseri
JG go lose an ihrem Ändstraich unter em Spaledoor.
00:15 Programm no Aasaag vom Major – mer gniesse zämme die
letschte Minute
vo dr Fasnacht 2016
04:00 Ändstraich uff em Rimmeli – mer lesche d Lampen uss. Scheen
ischs gsi! Danggerscheen.
Adiee Fasnacht – bis zem näggschte mol am 06. März 2017!
- 23 -
Übr's Stammsujet 2016:
"Kläbe und kläbe loh! Läbe und läbe loh! Alle dürfen alles. Alles darf alle. Wir
machen, was wir wollen. Jeder darf, keiner muss. Toleranz über alles. Inhalt?
Was ist Inhalt? Braucht es das?
Ob schlank oder vollschlank. Ob schön, oder gruusig. Ob Tambour, Vortrab
oder Pfyffer. Ob grotesk, ob religiös, ob barock, schlicht und ob was auch
immer."
Pryssdrummle und
-pfyffe 2016
Die Alti Garde gratuliert:
Tambouren Einzel
·
6. Rang
Sascha Herzog (Spale)
Pfeifer Einzel
·
2. Rang
·
11. Rang
Nicole Meyer (Spale)
Florian Stähli (Spale)
Pfeifer Gruppen
·
2. Rang
Spale
Solo Duo
·
2. Rang
Christian Walk (Spale),
Patrick Meyer (Die gääle Daggel)
·
7. Rang
Dominic Plattner (Naarebaschi),
Dominique Saladin (Spale)
·
9. Rang
Fabian Staub (Schnooggekerzli),
Florian Stähli (Spale)
- 24 -
Süscheemimpfeli:
D Larve sälber mache
Langi Zyt isch es in dr Spale gängig gsi, d Larve sälber z mache. S wird hitte
amme no dervoo verzellt, z.B. ass me vor lutter Yfer d DambuumajoorLarve esoo guet kaschiert het, ass me si nimme zem Käller ussbrocht het
und het miesse abenander schnyyde...
Yy bi synerzyt amme mit
em Raymond Hänggi zem
Stibler go d Larve usssueche. Die baide hänn
sich vo friehner här kennt
und vor lutter Erinnerige
an friehner simmer kuum
unter drei Stund zem Atelier use koo. Wo dr Raymond denn bangsioniert
worde isch, hett er gsait är miech d Dambuure-Larve sälber. Mer hänn s
Süschee "Norme-Salat" kha und d Dambuure sinn "Normierigs-Roboter"
gsi. Em Raymond sy Idee isch es gsi, d Larve selle Computer sy. Är hett sich
vorgstellt, Holzkischte uff e stabili Kartonröhre z montiere und hett schon
emool en Entwurf fir die Holzkischte uffzaichnet. Dr Stibler hett em
abgroote vor so grosse Kischte und em vorgschlage in die Kartonröhre e
Helm yzbaue, damit d Larve sitzt und Halt hett. Dr Raymond hett druff
bestande, die Grössi vo de Kischte syg guet, är haig das mit syyne
Dambuure besproche und die fändes guet. Er hett sich denn aber doch lo
iberzyyge, d Kischte ebitz glainer z mache, aber vom ene Helm hett är nyt
welle wisse. D Dambuure Larve sinn denn am ene Donnschtig Zoobe
fertig gsi und d Doris Pfiffner mit em flexible Transportunternääme und
yych hänn d Larve in Käller transportiert, S hänn nit alli Larve im Auti Blatz
kha, so simmer denn emool mit de erschte fünf akoo und hänn dr
Raymond gholt. Wo dä die Larve gsee hett, hett er zerscht emool e baar
furchtbar wieschti Werter gsait iber dr Stibler. d Larve sinn nämmlig wyss
gsi und hätte sette silbrig sy. Denn het er im Stibler aglitte und ussgruefe,
die Larve käme grad wiider zrugg. Dr Doon isch nit so seer nätt gsi. D Doris
und yych sinn wiider zem Stibler zrugg. Au dä hett e baar furchtbar
wieschti Werter gsait iber dr Raymond, ebbe die glyyche wie dr Raymond
bruucht hett.
In ere Nachtschicht sinn die Larve denn doch no silbrig worde und wiider
hänn d Doris und yych si amene Donnschtig in Käller brocht. D
- 25 -
Schönbeinstrasse 1
CH-4056 Basel
Tel. +41 61 262 26 26
Fax +41 61 262 26 29
- 26 -
www.hotelspalentor.ch
[email protected]
Begaischterig vo de Dambuure hett sich in Gränze ghalte wo si d Larve gsee
hänn. S hett au glunge ussgsee wemme si aaglegt hett. Si hänn d Tendänz kha
nach vorne z kippe, das hett dääne "Normierigs-Roboter" ebitz e depressivs
Ussee gää.
Am andere Daag isch bi mir s Delifon haiss gloffe:
esoo kenn me nit Fasnacht mache, mit dääre Larve
kenn me nit drummle, es syg gar nit mit alle
Dambuure absproche worde, mer syyge schliesslig e
Alti Garde, esoo miess me halt pausiere. Yy glaub dr
Raymond isch sälber verschrogge won er gsee hett
wie d Larve "sitze". Är hett denn zimmlig schnäll
yygsee, ass me en anderi Leesig finde muess. Das
hett er au. Är hett d Kischte abmontiert und uss de
Kartonröhre d Larve gmacht. Yy muess saage, s hett guet ussgsee und isch bi
däm vyyle Schnee wo mer an sällere Fasnacht kha hänn sicher aagnäämer gsi
zem draage.
Jä, und in dääne Kischte woone jetzt em Harald syyni frei lääbende Katze in
Rodersdorf. Esoo isch alle gholfe gsi.
Luzia
Reservazione fir dr Käller 62
nimmt gärn Entgeege:
Urs Zeder
Unt. Rheinweg 146
4057 Basel
Natel: 079 365 96 71
Email: [email protected]
Offe am Donnschtig ab de achti
Zoobe oder wenn s’Ladäärnli brennt.
Me kann en au ha fir:
Familie- und Gschäfts-Aaläss, wie
Apéro, Sitzige, Geburtsdääg, etcetera
- 27 -
Wyy-Egge
Hesch gwisst, dass mer unsere Glyggewyy au kaufe ka?
10 Frangge koschtet d’Fläsche fir dehai.
ote
o
R
r
e
d
o
é
s
o
R
Reto
Wysse,
m Kinschtler em
mit dr Etikette vo
unsere
- 28 -

Download Report