Geschichte - Niederamt

50 Johr Joduklub Fründschaft Gretzenbach
Grundsätzlech wär de Joduklub
Fründschaft im Herbscht 2015 50 Jahr
aut gse, wöu aber do d,Chile wäge
Heizigssanierig gschlosse gse esch hei
mer dä Jubiläumsgottesdienscht ofs
neue Johr verschobe.
Vo de letschte 50 Jahr JK Gretz. gäbs
föu zverzöue, vo mängem schöne
Jodlerfescht,
vo
vöu
schöne
Jodleröbe, Jodleruftritt, Jodlerreise
usw. Paar Date, wo zum Teil mit
Gretz. ztue hei möchti doch erwäne.
1965
esch dä Joduklub Gretzebach vo paar begeischterete Manne gründet worde, eis
Gründigsmitgled esch ou hüt no bi öis debi. Es esch de Peter Zinglé.
1966
het dä JK Gretz. bime erschte öffentlech Uftritt Lieder zum Beschte ge, es esch alässlech
zum 50jährige Bestehe vom Sameriterverein Dänike- Gretz. gse. (100 Jahr)
1967
het dä JK Gretz. bi öbervouem Saau dä erschti vo föune Jodlerobe düregfüert. Au 1967
esch dä JK im NWSJV biträtte. Jetz het sech dä JK Gretz. die erschti Vereinsreis a Bielersee
nach Twann gönnt.
1968
si em JK zwe Jodlerinne biträtte.
1970
As Höhepunkt nach 5jährigem Bestehe het de JK am NW Schwizerische Jodlerfescht in
Solothurn teil gno. Am 5. Juli 1970 fieret de Turnverein Gretz. z75 jährige Jubiläum, wo de
JK au am grosse Umzug metgmacht het.
1973
hets am NW Jodlerfescht z Rinach das erscht Seehrguet gä.
1974
esch dä JK debi gse, wo z nöi erschtöute Waudhus z Gretz. igweiht worde esch.
1978
Am 1.-2. Juli het de JK as erschts mau ame Eidgenössische Jodlerfescht z Schwyz teilgno,
wo d Jodler meteme Guet belohnt worde si.
1980
Z Nordweschtschwizerische Jodlerfescht in Oute: det ha ech säuber zerscht mau dörfe debi
si. Mer hei es Lied zum Beschte gä, es schöns Auphüttli ofene Wage ufbouet und am
Umzug teilgno.
1986
Am erschte Beizlifescht z Gretz, het de JK met eme gmüetliche Beizli und ere Chegubahn
mitgmacht.
1987
De JK het i dem Johr d Jodlermess vom Joscht Marti igschtudiert ond het se am Bättag
20.Sept. da i de Chile urufgfüert. Z`Singe am Bättag set über 20 Johr esch unbeschtritte e
Bericherig vo üsem Chileläbe.
1989
het de Joduklub Gretzebach Frau Ester Studer us Biberstei as neui Dirigäntin chönne
gwünne. Ech erwäne Frau Ester Studer us dem Grund, wöu se üs met 19 Johr Chorleitig vo
aune Dirigente am lengschte dirigiert het.
1990
Am 5. Dez. hei mer de damaligi Kantonshöchschti, Kantonsratspräsident Oskar Scherrer
met vöu Gescht ond Gruppe zäme dörfe fiere.
1992
zom Zitpunkt vo 25 Johr im NWSJV hei mer eus die nöie Trachte agschaffet, hei
Trachteiweihig gha ond es wunderschöns Fescht gfiret. Mer si i dem Jahr ou vom NWSJV
geehret worde.
1994
Das nöchscht NWS Jodlerfescht wo mer hei dörfe metfiere esch z Niedergösge Schönewerd
gsi, wo mer met em Lied d Amsle wi scho mehrmaus d Note 1 öberch hei.
2002
het de JK Gretzebach e nöie Name obercho. Nach verschedene Vorschleg hei mer em de
Name Jodelklub Fründschaft Gretzebach ge.
2012
Set 2012 se mer au internationau verchnüpft. Es Mitglied vo öis de Andi Rey esch met
sinere Frau i Pfilipne usgwanderet. De Andi esch aber emmer no es Mitglied vo eus blibe.
Ufs Johr 1989 chomi no einisch
zrogg. 1989 hei mer öis gseit,
mer möi öppis tue i Rechtig
Nachwuchsförderig. Cind vo
minere Familie hei am Jodlerobe
s Heidi ond de Geissepeter
gschpöut. Zdritte, zäme mit
Geissli sisi of de Bühni gse.
Eine vo dene drüne esch em
Joduklub Fründschaft bis höt tröi
blibe, es esch de Elmar, wo du as
8jährige Bueb de Geissepeter
gschpöut het.
Josef Schmid, Gretzenbach, 17. Januar 2016

Download Report