Document

Corinne Springmann: Saleee mitenand
Isch möglich, dass mich de Einti oder di Anderi
no känned.
Falls ned, ich bin (won ich no jung gsi bin)
immer is Lager mitcho und han spöter Zwei, Drü
Jöhrli im Leitigsteam mitgwürkt. Jawol. Noch
Zwei, Drür Jöhrli Pause, würk ich das Johr im
Chuchiteam mit und freu mich eu dSuppe
z’versaltze, Sänf i dMorechöpf fülle und suuri
Milch ufztische. I minere Feizit mach ich gern
Selfies, verabscheue de Usgang und Sport findi viel z’gföörlich. Lago
mio, fascht hetti vergässe z’ärwähne wie gern ich Tierli han. Vorallem
Hünd und Pferd findi mega. So isch es. Ich freu mich uf Zwei, Drü
bekannti Gsichter und uf Zwei, Drü neu Chöpf. So, Buebe und Meitli
üebed flissig abtröchne, dass ihrs im Herbscht dänn au jo chönd. ;-)
HELA 2015
Herbstlager der Pfarrei Unterendingen
Anmeldebüechli
Philipp Kloter:
Ich be de Kloti vo Ändige, 29gi und fiire das
Jahr mis 20 Johr Hela Jubiläum. Zäme met
mine Chuchigspänli gebi au das Jahr weder
alles damet er immer e feins Esse uf de
Täller bechömed. Bis im Herbscht und
merked eu: Ede Chuchi schiint immer
d'Sunne!
Motto: BANANANANAS Minions vs Monkeys
Liebe Helaner, liebe Eltern
Es wird bald Herbst, und Herbst = HELA!
In diesem Anmeldebüchlein informieren wir über das
Herbstlager und das Leitungsteam und die diesjährige Küche.
Dieses Jahr arbeiten 17 Leiter und 4 Küchenchefs begeistert an
einer tollen Realisierung für ein weiteres unvergessliches Lager.
Allgemeine Informationen:
Wann: Sonntag, 27. September bis Samstag, 3. Oktober
Wo: Marmorera GR
Was: Unser Ziel ist es, für alle Kinder ein abwechslungsreiches
Lager auf die Beine zu stellen. Sie werden während dieser Woche
neue Bekanntschaften schliessen und gemeinsam unvergessliche
Abenteuer erleben, die nur in einem Lager möglich sind.
Die Tage werden mit Spielen, Sport, Basteln, Tanzen, Theater und
weiteren Aktivitäten wie im Flug vergehen. Wie immer begleitet
uns ein lustiges und kunterbuntes (dieses Jahr hauptsächlich
gelbes) Motto durch die ganze Woche!
Wer: Ins Lager eingeladen sind alle Kinder ab der 4. Klasse der
Primarschule. Jugendliche, die diesen Herbst die 4. Oberstufe
besuchen oder im Sommer die Schule beendet haben,
übernehmen im Lager die Rolle der Hilfsleiter und werden im
Lager weiter instruiert. Wir beschränken uns wie letztes Jahr auf
70 Kinder und Jugendliche, die das Lager besuchen dürfen (“De
schneller isch de gschwinder!“).
Preis: CHF 210.- / Für jedes weitere Geschwister CHF 200.- /
Ministranten zahlen CHF 50.- weniger.
Wie: Anmeldetalon auf der hintersten Seite ausfüllen, abschicken
und sich auf das Lager freuen. Anmeldefrist ist Mittwoch der
09.September. Die Anmeldung wird von unserer Seite nicht
bestätigt. Auf www.hela.ch.vu sind noch mehr Anmeldetalons!
Mehr Infos: Elternabend am 1. September um 19:30 im
Pfarreisaal Unterendingen oder auf unserer Website:
www.hela.ch.vu. Infos zur Reise, Packliste, etc. erhalten alle
Angemeldeten ca. 2 Wochen vor Beginn des Lagers per
Briefpost.
Ansprechperson: Nicolai Werder steht Ihnen vor und während
dem Lager gerne zu jeder Frage Red und Antwort. +41 79 636
61 79 / [email protected]
Wir freuen uns auf deine Anmeldung!
Martin Wild:
Als Spezialischt für vegani Chuchi wett ich vorallem bi de Meitli
vo euch punkte. Feine Tofu amene leckere Sojasösseli oder
Couscous-Salat mitere guete Quorn™
Wurst sind mini Spezialitäte. Ich freue
mich euch d’Gheimnis vonere
tierliebende Ernährig nöcher z’bringe.
Für all wo gern öppis rächts z’Ässe
wönd, gids met em Codewort „(s)teake it
easy“ au Fleisch!
Samuel Huwyler:
Scho als chline Schnodergoof hani mit
Blüemli Chuehfladepizzas verziert und
im Sandchaschte Geburtstagstorte baut.
Spöter bini zum Experte im Darvida grilliere und
Kafirahmedeckeli sammle ufgstege. Spezialitäte wie
Mikrowelle-Popcorn mit chalte Wienerli oder abglofnigs
Joghurt anere Rivella-Sauce ghöred
zu mine beste Menüs. Jetzt wo du
weisch, was ich mit de anderne drü
Hela-Chöch alles für dich uf de
Teller zaubere chan, beni mer
sicher, dass du unbedingt wetsch
mit es Hela cho. Also los, meld di
schnell aa und du dörfsch scho gli
debii si wenni Bananesuppe
zuebereite.
Do wird abgschnitte!
Buechi:
Salutituti mini liebe, ich be emmer no de
Buechi und be 20i. Ich freu mi scho sehr
ufs Hela 2015. Es wird weder es riiiese
Fest im Herbst und ich hoffe er chömmed
all weder mit. Ich bin momentan im
Praktikum zum Sozialpädagog und
schaffe au na es bizeli uf de schöne
„Jast“. So fertig gschriebe, wenn er meh
wend wösse, müender ganz eifach mit is
Lager cho. Mehr gsend eus
SCHUPIDUUUUU!
Koni:
Tschä. Ich be de Koni, 22 und wohne in
Bade und studier in Züri. Aber das Ganze
isch eigentlich total unwichtig. S’einzig
wichtige isch, dass du und all dini
Kollege/Kolleginne/Homies/Bros/BFs und
vo mir us au dini BFFs is Hela chömed!
Bis jetzt isch es immer e unvergässlichi
Woche xi und ich han ghört: Das Jahr
wirds nomol es Spürli gigantischer!
Sina:
Hallihallo ich fange mal ah miteme
Liedliii: Backe backe Kuchen der Bäcker
hat gerufen. Und känneders? Aber zerst
mal jetzt zu mir ich bin d`sina bi 16nii
chume us Ändige und wie ers euch scho
chönd dänke bin ich im 1.Lehrjahr als
Konditorin-Counfiseurin. Ich find`s Affegeil
dasi da Jahr serst Mal als Leiterin debi sii
dörf und wenn du Jungehüpfer mich
kennelerne möchtsch den hol din Fülli
und mäld di ah. Denn das Jahr wird mal
weder LEGENDÄÄÄÄÄÄÄÄÄÄÄÄÄÄÄÄÄÄÄÄÄÄÄR!!!
Nadja:
Salüü... Au das Jahr bin ich weder
debi. Ich bin d Nadja Keller bin 21
und chume us Ändige.
Momentan gnüssi grad na min
Uslandufenthalt in Amerika und
fange im September mis Studium
zur Primarlehrerin ah. Ich bin das
Jahr scho zum zwölfte mal i dem
Lager debi und es isch immer es
riiise Fäscht mit all dene super
Helaner. Damits au das Jahr weder
hammer wir hoffi, dass du weder mitchunnsch. Bis glii im beschte
Lager wos git.
Usschnide und bim Chüelschrank/Pinwand ufhenke!
Nicolai:
Salut ech ben de Nicolai, 19 und
chome us Ändige. Ich han mini
Studie im Chloster in Wettige
beändet ond gang jetzt of Brugg go
Lehrer studiere. Mini Hobbys send
Unihockey, Schiesssport, vell ond
luut lache (Haha Hihi Hoho) ond
es Hela gho. Ich ben das Johr s11.
mol im Lager debi ond chans
chum erwarte, wells sooooo cool
esch. Drom muesch du au
metcho au wenn denn dis Mami oder dis Grosi vellecht grad
Gebori het. Also mer gsend ois. Bes denn.
Kerstin:
Heyyy zäme!! Ich bi d Kerstin und ich
studiere grad ade PH z Brugg um
Primarlehrerin zwerde. Ich wohne jetz
in Untersiggethal, aber das isch kein
Grund för mich ned is Hela z cho. Ich
bi scho velli Johr debi und ha imfall no
keis Hela verpasst!! Es wär e Schand,
wenn du eis verpasse wörsch! Stift id
Hand und pronto amelde! ☺
Livia:
Hallo du Ich bin d’Livia und ich ben Johr alt.
Als Haustier han ich en und eh ,
aber ich hätti au no gern en , en ond en . I minere Freiziit gang ich
gern go fahre und id Jubla. Ich liebe
, und zom Esse ond hoffe mer
essed jede Tag im Lager. Scho mol en
för alli wo metchömed ond ich säge
norno: pack dis , dini , din und din
ii din und chom au is Hela See you Rizi:
Hallööööööle ich bin s'Rizi, 23i,
Technischi Operationsfachfrau und au
da Jooohr mit vo de Partie! Das Johr
isch mis 8 Johr als Leiter und freui mi
scho riiiiisig ufs Lager mit Euch!!
Gsamthaft bin scho sit 15 Johr im
Hela debi....und das wills beste,
s'verücktischte, lustigste Lager, aso
eifach s'beste überhaupt im ganze Jahr
isch. Wen du das au willsch de meld
di sofort a und chum mit!! Bis bald
und es -igs Tägli!
Jerome:
Tschou zääme, ich bin de Jerome und
chome us Täägerfäälde. Ich bin bald
18nii und scho zum 237schte Mol im
HELA debii. Ich mach e Lehr als
Hochbauzeichner und zeichne all Tag
coolii Hüslii. I minere Freiziit spiel ich
flissig Handball ond iss gern Rüeblii. Im
Summer gang ich viel in Wald go d
Blätter vo de Bäum zelle. Chomm Duu
au met is HELA – dete gits sicher viel
Rüeblii und au Bäum. Ich freu mich,
wenn Duu im coole luschtige HELA
debii bisch – ich gseh Dich dete!!
Marco B:
Hoooi Mitenand. Ich bins, de Marco.
Wenns drum gaht, Ameldebüechlitext
z’schribe, chas guet mal vorcho, dass
i ch d a s ve r g e s s e u n d a u n a ch
mehrfachem Uffordere immer nanig
mache. Dorom bedien ich mich bi de
Standardsätz: Ich freu mich riesig ufs
Hela, es wird mega und du muesch
umbedingt au cho!
Angie:
Hoiii zäme! I ben d‘Angie, 17i und
wohne in Unterendige. Mache e
Lehr als Automatikerin bi de
Gebrüder Meier in Regensdorf. In
dem Jahr ben ich s’erste mal als
Leiterin im HELA. I freue mich
schon jetzt ganz wahnsinnig und
chans fascht nöd abwarte bis es
dänn wieder losgoht. Und wie
gohts euch ….. öppe ähnlich? Also
hopp, schnell ahmälde, damit ihr
garantiert au dieses Jahr weder es super cools Lager mit viel Spass
und Action chönnt gnüsse. Freue mich uf euch und bis dänn im
HELA 2015!!!
Philipp:
Ich ben de Philipp 16ni, ben a de
S p o r t s ch u e l A a ra u , b e g e i s t e r t e
HeLaner ond das Johr s`erschte Mol
als Leiter mit vo de Partie. Ich freu
mich scho mit euch geili Gländgames
z spiele. Aber do deför mönd er euch
natürli vör das börnermesige Lager
amelde, damit das wedermol e rund
Sach wird das Johr.
Fabio:
Salli Salüü min Name esch Fabio Indri.
Öbbe 6800 Täg beni alt ond defo send
63 täg speziell onvergässlich gsii! Ond
zwar die woni em HeLa verbracht han. ;)
Ich wohne in New York ond schaffe det
als Star-Architekt. Ich ha onteranderem s
Empire State Building baue. Wens oms
HeLa gaad chomi natürli gern för e tolli
Woche id Schwiiz. Wenni ned grad dra
be s Lager voorzbereite, spelli gern
Handball.
Ond ja....
Wennd mich ond ganz vell anderi lässigi Chend wetsch besser känne
lerne, denn chom doch au met es HeLa! Chantal:
ich bin d chantal, vor 16 jahr gebore
und wohne inzwüsche z ändige. ich
bsueche d kantonsschuel und das schu s
zweite jahr. i minere freiziit bini am
handball spiele oder im hela;). schu es
ziitli bini debii und es isch eifach de
oberknüller. ich säge euu, sinder nid
debii verpasseder öppis! di best wuche
vum jahr chunnt immer nöcher und
jetzt aber hopp schnell ahmälde, denn
glii gahts los:)
Klöti:
Hoip metenand i ben de Pascal Kloter
(Klöti) ben 16niii chume us Lengnau
und mach d Lehr als Elektriker.
Ich ben jetzt s 5 mol debi und das Johr s
erstmol als Leiter, spele i minere freizit
Unihockey,Chilliere gern met Kollege
und fahre gern mol eh rundi Töff.
Natürlich als routinierte Helaianer freu
mich riesig ufs Lager ;) Ufs beschte
Lager wos je häts gits! ;D #HelaForever
Francesco:
Hallöchen mini liebe Lüüt!! Min Name esch Francesco ond ich
schaffe uf de Regionale
Jugendarbetsstell (JAST). Wells
mer letzt Johr so guet gfalle het im
HELA, chomi das Johr, zom 2te
mol, weder met ond ich be
secher, dass mers das Johr no
loschtiger werdet ha als letzt Johr!
Also mini liebe Lüüt:
CHÖÖÖÖÖÖMET met is nöchste
HELA, es werd eifach de
HAMMER! Tschüss zäme ond bes
im Herbst! :D
Marco S:
H a l l o Z ä m e i ch b e n d e M a rc o
Springmann vo Tägerfälde ben 18ni ond
a de Usbeldig als FaGe. Näbem schaffe
speli gern Unihockey oder gange chli
go Velofahre. Ich lose sehr vell Musig
ond gsene mini Kollege oft zom im
Wald chli go brötle. Scho sed ich gnueg
alt ben, ben ich im HELA debii wells
eifach de Plausch macht med eu e
supper woche z verbrenge.

Download Report