Statuts Uniun da Promotours «La Scuntrada», Tinizong
I. Firma, sedia, dirada e scopo
Art. 1. Nom e sedia
Cun igl nom «Uniun da promotours „La Scuntrada„» exista en’uniun tenor art. 60 ff. digl codesch civil
svizzer (ZGB) cun sedia a Tinizong. La dirada dall’uniun è illimitada.
Art. 2. Fegnameira e scopo
L’uniun promova la fundaziun ed igl travagl veiv d’en li da scuntrada da vischnanca, tgi porscha tot
igls sarvetschs impurtants. Ella duess surtot gidar a sierar l’infrastructura locala segl camp gastronomia e commers an detagl. Uscheia è garantia igl provedimaint quotidian cun vivonda da basa scu er
dada la pussebladad da sa scuntrar cun provedimaint gastronomic sen territori communal.
Art. 3. Pensums
L’uniun sa deditgescha surtot agls suandonts pensums:
•
•
•
•
•
•
•
•
promoziun d’ena veta da vischnanca activa antras las correspondentas activitads e maseiras
sustign tar l’acquisiziun e tigl mantignamaint dalla infrastructura basignevla per igl travagl da «La
­Scuntrada»
sustign digl travagl (an spezial digl fittadign) cun meds ideals
observaziun dall’ideia fundamentala, sierar, sviluppar anavant e promover
tenor directivas
promoziun digl barat tranter la populaziun indigena, possessours da sagondas abitaziuns ed ulteriouras
gruppas interessadas scu autoritads ed otras organisaziuns
piglier a tschains las localitads per «La Scuntrada»
dar a tschains las localitads incl. infrastructura agls fittadigns
Förderverein «La Scuntrada»
c/o Tina Nüesch-Felber | Cantung Bel 60 | 7453 Tinizong | [email protected] | www.lascuntrada.ch
II. Commembranza
Art. 4. Acquist
Commembers dall’uniun son daventar persungas naturalas u giuridicas, scu er corporaziuns digl dretg
public. Sur dalla admissiun digls commembers decida la suprastanza dall’uniun.
Igl/la commember/A s’obliescha, d’appartigneir all’uniun aglmanc treis anfignen tschintg onns (dependent dalla contribuziun d’antrada).
Art. 5. Sorteida
Siva tgi treis, resp. tschintg onns èn spirias, so la sorteida dall’uniun succeder sen la fegn d’en onn
d’uniun, resp. en onn calendaric (schaner anfignen december). La sorteida ò da neir communitgeida
an scretg alla suprastanza aglmanc treis (3) meis avant, damaias anfignen alla fegn da settember. Tar
ena contribuziun d’antrada da sur 10 000.– fr. sa prolungescha igl termin da disdetga sen 6 meis.
L’exclusiun dall’uniun so er neir exprimeida dalla suprastanza cun indicaziun digls muteivs, surtot schi
igl commember cunterfò a statuts u conclus digls organs dall’uniun.
Art. 6. Dretg sen la facultat dall’uniun / restituziun dalla contribuziun d’antrada
Mintga dretg persunal digls commembers dall’uniun sen la facultat recaltgeda antras las contribuziuns digls commembers è exclus.
La contribuziun unica so neir restitueida igl pi bod siva treis, resp. tar contribuziuns d’antrada a parteir
da 10 000.– fr. siva 5 onns. La suprastanza sa resalva da paer anavos pi bod la contribuziun annuala u
parts da chella.
III. Finanzas
Art. 7. Antradas
Igls meds finanzials per contanscher las fegnameiras dall’uniun vignan stgaffias da:
•
•
•
•
•
contribuziuns d’antrada
contribuziuns digls commembers
avanzamaints d’acziuns ed occurrenzas
sustign antras corporaziuns publicas e da vart privata
donaziuns da sponsours e benefactours
Förderverein «La Scuntrada»
c/o Tina Nüesch-Felber | Cantung Bel 60 | 7453 Tinizong | [email protected] | www.lascuntrada.ch
Art. 8. Contribuziun d’antrada, recumpensaziun
Per crear e promover igl centrum da vischnanca d’utilitad publica «La Scuntrada», vign incassada ena
contribuziun d’antrada unica. Chella contribuziun è eligibla libramaintg. Ella monta per persungas
naturalas (persungas singulas e famiglias) aglmanc 200.– fr., pero maximal 10 000.– fr.. Per persungas
giuridicas monta la contribuziun da 500.– fr. anfignen maximal 50 000.– fr.
Scu recumpensa survignan igls commembers mintg’onn en cupon da consumaziun an la valour da 3%
dalla contribuziun d’antrada. Chel scada mintgamai 18 meis siva dalla retschaveida.
Art. 9. Contribuziun da commembranza
Igls commembers paian ena contribuziun annuala da 50.– fr. La contribuziun digls commembers vign
impundeida per occurrenzas ed activitads dall’uniun, scu per exaimpel per la radunanza generala.
Adattaziuns dalla contribuziun da commembers scu er otras prestaziuns tgi commembers on da porscher, son neir defineidas mintg’onn a caschung dalla radunanza generala.
Art. 10. Responsabladad
La responsabladad persunala digls commembers è exclusa. Per las obligaziuns dall’uniun è exclusivamaintg la facultat dall’uniun responsabla.
IV. Organisaziun
Art. 11. Organs
Igls organs dall’uniun èn:
•
•
•
la radunanza generala
la suprastanza
igl post da revisiun
Art. 12. La radunanza generala
La radunanza generala ordinaria vign salvada eneda ad onn, igl pi tard pero alla fegn da fanadour. La
suprastanza so convocar radunanzas generalas extraordinarias, schi la pluralitad digls commembers
da suprastanza u aglmanc en tschintgavel digls commembers fon la dumonda persiva an scretg.
Art. 13. Conclus ed elecziuns
La radunanza generala concluda ed eligia an votaziun averta, schinavant tgi vign betg pretendia la
votaziun sot scrutini. Mintga commember ò ena vousch. Igl conclus succeda cun la maioritad simpla
digls commembers preschaints. Tar egualitad dallas vouschs decida igl president/la presidenta.
Förderverein «La Scuntrada»
c/o Tina Nüesch-Felber | Cantung Bel 60 | 7453 Tinizong | [email protected] | www.lascuntrada.ch
Art. 14. Convocaziun, tractandas, cumpetenza da decider
L’invitaziun alla radunanza generala ò da succeder an scretg, aglmanc 8 deis avant igl termin fixo cun
communicaziun dalla glista da tractandas. L’invitaziun so er succeder per e-mail.
Conclus son neir piglias sulettamaintg da tgossas tgi èn enumeradas sen la glista da tractandas. Propostas per la glista da tractandas on da neir fatgas igl pi tard 30 deis avant la radunanza an scretg agl
president/alla presidenta.
Mintga radunanza generala convocada regularmaintg è cumpetenta da decider.
Art. 15. Cumpetenzas dalla radunanza generala
La radunanza generala ò las suandontas cumpetenzas intransmissiblas:
•
•
•
•
•
•
•
•
acceptaziun digl protocol dalla davosa radunanza generala
acceptaziun digls rapports da lavour, digl rendachint e digl preventiv
elecziun dalla suprastanza, digl president e digl post da revisiun per en bienni
da treis onns
fixaziun dallas contibuziuns digls commembers
fixaziun e modus da paiamaint dalla contribuziun d’antrada fixaziun dall’indemnisaziun digls bons da
consumaziun
midada digls statuts
schliaziun dall’uniun
Art. 16. Pensums e cumposiziun dalla suprastanza
La suprastanza consista da 3 anfignen 5 commembers. Cun excepziun digl president/la presidenta sa
constituescha ella sasezza. La dirada d’uffezi è treis onns. Igls commembers da suprastanza èn siva
dalla scadenza digl bienni puspe eligibels.
La suprastanza ò igl dueir da manar l’uniun. Ella ò an spezial las suandontas autorisaziuns ed igls
suandonts pensums:
•
•
•
•
•
•
•
•
•
•
•
convocar sedutas e radunanzas
liquidaziun digls affars sen basa digls conclus da radunanzas
liquidaziun digls affars tgi èn an cumpetenza dalla suprastanza
convocar cumischungs per l’elaboraziun da dumondas specificas
conclusiun digl contract da locaziun e da fittanza cun igl cumegn e cugls fittadigns per «La Scuntrada»
barat e sustign digls fittadigns da «La Scuntrada»
correspondenza cun uffezis ed otras corporaziuns
predeliberaziun da tots affars
correcturas, adattaziun dall’ideia fundamentala «La Scuntrada»
reclama per novs commembers
conclus dallas expensas aint igl rom digl preventiv annual
Förderverein «La Scuntrada»
c/o Tina Nüesch-Felber | Cantung Bel 60 | 7453 Tinizong | [email protected] | www.lascuntrada.ch
Igl president/la presidenta magna la radunanza generala e las sedutas da suprastanza e represchainta
l’uniun anvers anor.
La sottascripziun giuridicamaintg valevla magnan igl president/la presidenta ed en ulteriour commember da suprastanza an collectiv.
Art. 17. Convocaziun, dueirs e conclus
La suprastanza sa radunescha schi savens scu tgi igl president/la presidenta u en commember da suprastanza pretendan. Igls commembers da suprastanza èn obliias, d’adempleir cunsenztgousamaintg
lour dueirs e dad esser preschaints regularmaintg a tottas sedutas.
Conclus dalla suprastanza succedan cun la maioritat simpla digls preschaints. Tar egualitad dallas
vouschs decida igl president/la presidenta.
Art. 18. Post da revisiun
La radunanza dall’uniun eligia dus revisours da chint, tgi on betg dad esser commembers dall’uniun,
per en bienni da treis onns. Els on l’incumbensa da reveder igl chint dall’uniun e da dar giu en rapport
annual a caschung dalla radunannza generala.
V. Determinaziuns finalas
Art. 19. Schliaziun
L’uniun vign schlieida se, schi treis quarts digls commembers preschaints pretendan chegl.
An cass d’ena schliaziun dall’uniun vign defino a caschung dalla radunanza generala, an tge rom tgi la
facultat dall’uniun or dallas contribuziuns d’antrada vign restitueida. Er decida la radunanza generala
sur digl adiever dalla facultat restonta or dallas contribuziuns digls commembers.
Art. 20. Onn da gestiun
Igl onn da gestiun scumainza mintgamai igl 1. da schaner e cozza anfignen igls 31 da december.
Igls statuts preschaints èn nias approvos dalla radunanza constitutiva digls 14 da fanadour 2015.
President/PresidentaScrivant
Tinizong, igls 14 da fanadour 2015 / TF V8
Förderverein «La Scuntrada»
c/o Tina Nüesch-Felber | Cantung Bel 60 | 7453 Tinizong | [email protected] | www.lascuntrada.ch