bleib am Boi

bleib am Boi
I sitz auf meim Bike, weit weg von dem Oin.
Die Wege so endlos und frei.
I fui mi so guad, ohne Plan ohne Ua.
Vui freia ko ma ned sei.
I drah so um die Kurvn nua no i, a Gfui ohne End.
Bin oans mit da Woid, fliag midn Wind,
de Ewigkeit kimmd mia ganz nah.
Ois wos i wui, ois wos i denk,
ois wos i mag is jetzt glei do.
I drah so um die Kurvn nua no i, a Gfui ohne End.
Freiheit, wia mas kennt!
Sing: la la la la la la…..
I bin wos I bin, vergiss Raum und Zeit,
bin grässa ois jemois schau hi.
Koa Schlucht is so diaf, koa Berg is so hoch.
Des Gfui is stärker als i!
I drah so um die Kurvn nua no i, a Gfui ohne End
Freiheit, wia mas kennt!
Sing: la la la la la la…..
Ohne Kumma, ohne Sorgn mei wea denkt do scho an Morgn,
gibt koa Gesdan gibt koa Heid, mei wos hob i fia a Freid,
i bin lustig i ko lacha, mei wos werd i heid no macha.
I bin voi im Soll!
Denk an de Sun, wenn dunkle Woign nua no renga.
Suach den Dog, wenn de Nacht eam vadrängt.
Hüll di im Glaam, wenn heiße Sorgen di vabrenna.
Ward ned am Tunnl auf des Liachd, das di lenkt.
Bleib am Boi!
Sing: la la la la la la…..
Ohne Kumma, ohne Sorgn mei wea denkt do scho an Morgn,
gibt koa Gesdan gibt koa Heid, mei wos hob i fia a Freid,
i bin lustig i ko lacha, mei was werd i heid no macha.
I bin voi im Soll,
scheiß drauf, i bleib am Boi!

Download Report