21.11.2015 Fasnachts Warm

Fasnachts Warm-Up Party bi de
GschirrScharbeler z Heimbarg 21.11.15
Endlich wider Fasnacht fr Jeni, s letscht Mou dr Vogu alege fr di Einte, Geburi
nochefiire fr di Angere... Egau wases fr eim isch gsi oder wasme vo dere Warm up Party
erwartet het, s Badtüechli fr nach dr chalte Duschi het sicher niemer mitgno gha. Zu
dem aber spöter no meh... Zersch het jo afe gschminkt müeße si, o we di schwarzi Farb
im Gsicht hinger em Susibächer nüm allne glich agnehm isch gsi;). Dr arm Glitzerspray
het es ernöits Mol wider ni alli dörfe beglücke, da es jo ni alli glich z schetze wüße. Üsi
guggeexterni Fahrere het ni wele gschminkt werde. Drfr het ihri Tochter no es größers
Mul ufs Gsicht wele ;P.
Um di 5i hei mir du allgemeini Ufbruchstimmig gha. S Büsli het no e Zwüschehalt z
Huttu uf dr Ribimatt gmacht, damit dene wos gäbiger gange isch dert ihrer Outo hei
chönne deponiere. Da s Büsli tatsächlich z weni Platz fr alli het gha, isch dr Dänu mit em
Jeep u Instrumenteahänger here gfahre. Dr Supernavigator Däster het gseit wos
düregeit. Särli weri bevor si zu üs gstoße isch no fasch neb us gfahre, da si öpper starch
pigmentiert's im Rückspiegu gseh het gha. Zum Glück isch aber alles heil blibe... Wo mir
uf Heimberg igfahre si, het dr Navigator gfunde es göngi no 20 Minute. Mir alli mit eme
chline ? im Gsicht hei ni gwüßt, daß dr Supernavigator zusätzlich no fr üsi Werbig luegt.
Er het gfunde mir chönnte uf Thun id Schuelstroß go chere u mit em Anhänger chli
Werbig mache. Plane cha dr Däster aber eue glich, wiu mir si emu pünktlich ir
Schuelstroß z Heimberg acho.
D Büslifahrerin Jenni het dr Rest vo üs noch am Igang scho abglade (si het gfunge gha,
mi parkiert dert wome ni wit mueß loufe). Alli heil dert acho hei mir als erst's d
Instrument usglade u ner no nöcher bim Igang deponiert.
Da mir no ni grad e Uftritt hei gha, si mir afe inne u hei e Erstverpflegig vorgnoh.
Früsch gstercht (emu dr größt Teil) hei mir d'Instrument gfaßet u e einzigartige
Uftritt gspilt. D Trumpete hei plötzli chönne improvisiere u dr Dürum het mit eme große
Biß es lachends Ändi vo üsere Site gno. Guet glunt si mir i üsi Pouse u hei ganz entspannt
de andere Guggene zuegluegt u zueglost. Fr d Zwüscheverpflegig het s Rebi mit em
Chueche gluegt, wo si ar Tombola gwunne het. Allgemein hei d Gaugesumpfer guete
Erfolg gha bir Tombola. Vo Wöschchörb über Salatsauce zu Guetschine hei mir alles
gha.
Churz vor de halbe 9i het d Ste gfunde Fürobe mir verrume d Rampi (aso eigentli het si
se jo nur chli (sehr) verschobe) ;). Ob si ech gmerkt het was als nechstens uf üs
zuechunt? Uf jede Fall isch no ni Fürobe gsi u es isch witergange :).
Leider heis ni alli glich chönne gnieße. Üsi Tambine het useme sehr guet verständliche
persönliche Grund schnellstmöglich hei müeße. Mit em zwöite Uftritt i de Ouge git d
Lies d Füehrig üsere Vizetambine ab. U do isch di allgemeini Nervosität usbroche. Sogar
sörigi wo scho di 5.Saison derbi si, si nervös gsi fr 2. Als das no ni gnue weri gsi, hei mir
no müeße de Block vervollständige. Wo mir es Lied heti gha wo dri paßt heti, hei di
andere Guggene gfunde si chönntis jo fr üs spile. Guet de versueche mir doch üses Glück
nomol mit de Onkelz, isch du üses Motto gsi. Bibbernt hei mir d Instrument gfaßet u üs
uf di chalti Duschi moralisch vorbereitet. Ufgstellt wi geng hei mir mit em Moment
agfange. Uff überstande! So isch's eigentli witergange. Bir Seßion si z Susis vore
heregstange. Uf jede Fall so, daßme fr einisch ni nur Becher gseh het. Am Ändi vom
Uftritt zum useloufe hei d Zueschouer e Mönscheallee bildet, wo mir spilend dür d
Mengi glüfe si.
Voller Erliechterig hei mir d Instrument wider iglade. "Wo isch di Chlini?", het's plötzli
tönt gha, "si het e Hals gha rot u d Sehne u als hetme gseh".
Zrüg bim Fest hei mirs mit Freud no gnoße, daß mir e super Uftritt hinger üs hei. So si o
diversi Rückmeldige vo Externe cho, daß mir guet gspilt hei.
Trotzdem het s Monsterkonzert us Solidarität ohni üs stattgfunde u mir hei üs ufe
Heiweg gmacht. Dasmol het dr Jeep ke Wärbeusflug meh gmacht, obwohl dr
Supernavigator gfahre isch. Zrüg uf dr Ribimatt u im Schnee, hei sich d Sumpferlis
wider nach Hei verteilt.
Im nechste Üebe isch vo üsere Tambine ganz entspant cho: "ig ha gwüßt, daß dir das
schafit", wo mir ihre verzellt hei, wis üs ohni si ergange isch.

Download Report