Dankesschreiben Luzi

Liabi Athletik Juniors,
was ihar am Sunntig botta hend isch eifach Spitza gsi. I
bin überrascht und überwältigt worda und ihr göhrand
alli ufs Podest. Es sind alli da gsi, dia Junga, dia
nümma ganz Junga, dia junga Alta und dia a bitz
ältara aber immer no junga Alta und natürli alli mini
Trainerkollega. As isch fascht wia a Zitreis gsi. Da hend
sich öpa 17 Jahr vo mim Läba versammlet und ihar alli
hend Spura in miar hinterlo. Wenn das nit bewegt? Für a
mol isch nit z Training und d Leistig im Vordergrund
gstanda sondern dia persönlicha Gspröch und dia
bedütend miar sehr viel. Das ihar alli cho sind zeigt,
dass ihar ähnlich tickend. Natürli gilt das au für dia wo
nid hend chöna cho, i han au an Eu denkt.
Es isch sicher es Privileg a so an Abschied z gnüsa törfa.
I danka Eu allna für dä Lebensabschnitt wo mer zämma
ganga sind. Es het mis Läba ganz sicher richer gmacht.
A bsunders herzlicha Dank an Patrizia und Victoria wo
d Brunch – Idee verwiklicht hend, an ihri Helfer und an
d Liferanta vo all dena guata Sacha.
Eu cha ma eifach nid vergässa.
Luzi

Download Report