Transkript Philosophie, Ethik für Sek II Filosofix 4. La chanta da té 2:48 Minuten srf.ch/myschool 00:04 Poss jau preschentar? Quai è tes vischin. El è bain in flot schani, ha dentant in pèr persvasiuns curiusas. Per exempel questa: El crai ch'ina chanta da té giria enturn il sulegl tranter la terra ed il planet Mars. Fin ussa n'ha anc nagin vis quella chanta da té, ella è numnadamain memia pitschna per pudair vegnir observada cun in telescop. 00:41 Tes vischin – lain numnar el "téist" – pretenda però: Sch’ins na po betg mussar il cuntrari d’insatge, rest jau tar mia persvasiun. Quai che na po betg vegnir cunter-cumprovà, quai pon ins crair. Tant è cler: I dat numerusas ipotesas bizaras che na pon betg vegnir cumprovadas, sco per exempel la supposiziun ch'il mund saja vegnì creà d'in monster sgulant da spaghettis. 01:13 Ubain ch'i dat dapertut pitschens elefantins rosa che svapureschan apaina che nus guardain sin els. 01:25 Questas supposiziuns na pon ins betg cumprovar. Tgi che crai dentant ch'insatge existia, sto avair buns motivs per quai. Ch'ins na po betg cumprovar la supposiziun na basta betg. Cas cuntrari pudess ins supponer chaussas absurdas tenor bainplaschair. 01:45 Tge vul quai dir dentant per noss vischin e la chanta da té? Il téist crai che la chanta da té exista. L'ateist crai ch'ella n'existia betg. Il scepticher na crai ni en sia existenza ni en sia nunexistenza, manegia però ch'ins na sappia simplamain betg. 02:20 E co statti cun la cardientscha en Dieu? È ella propi tant irraziunala sco la cardientscha en in monster sgulant da spaghettis? Ha quai senn da crair ch'insatge existia, era sche quai na sa lascha betg cumprovar? 1/1
© Copyright 2025 ExpyDoc
