EL COLLEG ARCIVESCOVIL DE SARONN Quindes dì fa hoo mandaa on messaggio di posta elettronica al Rettor del Colleg arcivescovil de Saronn, don Paolo Fumagalli; adess el Colleg el se ciama Collegio Castelli e fa parte di un gruppo di altri collegi. El motiv che el ma fa scriv al Colleg l’è ona fotografia. Mi hoo fa i tre medi dal 1954 al 1957, somm no andaa in collegg perché i me eren sciuri, ma per motiv molto seri de salut,, allora, i me hinn sta quasi obbligaa . Anca a chi temp là el collegg el costava e mi somm sta per i me motiv de tanti sacrifici, per mantegnim a Saronn la mia famiglia l’ha dovuu fa tanti economii. Ma vegnem a numm, in de l’ultim ann (1957), in terza media, ghe staa la visita dell’arcivescov de Milan, quel grandissim omm del cardinal Montini, che poeu l’è diventaa papa con’t el nom de Paolo VI. Giammò in seconda media s’eri in del grup di cereghett e in della occasion della visita del cardinal m’aveven da de portà la croz del cardinal. Ghe sta ona piccola proccession che, dall’entrada, travers el cortil, l’è rivadaa nella bellissima cappella. El fotografo l’ha scattaa ona foto indoe oltre a mi e alter tre cereghett (vun l’era el Campi in class con mi) g’hera el rettor don Beretta, el padre spiritual don Virginio, el professor de matematica don Bartolomeo Colombo e don Balbiani Don Beretta el m’aveva daa ona copia de la foto, propi ona bella foto e on bel ricord. Passen i ann e’l Montini l’è incoronaa con’t el triregno, sì insomma el diventa papa. On’organizzazion all’interno della Cà de Sass l’aveva domandaa de vess ricevuu in udienza privada dal papa. La richiesta la vegna accettada e in del grup gh’è anca i me gent e in della borsetta della mia mamma la fotografia de mi con’t l’arcivescov per fala benedì e autografà. Dopo l’udienza e la benedizion, el segretari l’ha ritiraa la foto con la promessa che, ona volta autografada, me l’avaria rispedida a cà…che la foto lì lo vista pù. Ona volta che g’ho avuu l’occassion de parlà con el segretari, dopo on quei ann, el m’ha risponduu che ormai la foto, la faceva part de l’archivi del Vaticano, mi g’ho dì, on po rabbiaa che l’era on gran boion. I stann el Paolo VI el vegna beatificaa e mi me somm ricordaa della foto. Ho pensaa, sicurament in dell’archivi del collegg ghe sarà ona copia e inscì g’ho scritt al rettor. Ona copia de la foto in question la gh’è no in colleg, però el ma dì de andà a troal, e inscì ho fa. Ho rivist dopo cinquantasett ann la cà indoe hoo passaa tri ann. El collegg el se ingrandii e oltre ai medi, alla ragioneria gh’è anca ona scola de coch. Ho spiaa denter di finester di alcune aule e me somm sentii setaa giò insemma a quei giovincelli ho vist che eren fioeu e tosann, ona roba impensabil a quei temp. Somm andaa nella gesetta, che l’è restadaa tal e qual, con tutti i sant pitturaa alle pareti. Ho dii tre ave marie e me vegnii in la ment la grande nostalgia che gh’avevi, el magon, de vess lontan de cà. Me veguu in ment el me professor de italian, latin, storia e geografia el professor Giovanni Borghi de Gerenzan. La mattina dopo la messa andavom in refettori per la colazion el vice rettor, don Antonio Villa, intant che mangiavom el me leggeva sul Corriere i notizi che arrivaven dai inviati in Ungheria, indoe gh’era sciopaa la rivolta. Me vegnuu in ment de quand hoo ciappaa ona punizion (voeuna di tanti), perché mi e on alter avevom scritt in sulla porta del refettori “Perdete ogni speranza o voi ch’entrate perché qui si mangia solo polenta e patate”; però hoo fa no domà i dispresi hoo cippaa do medai. Me vegnuu anca in ment della gita de terza media in Svizzera e Austria, serom in del ‘57 El colleg i’stann l’ha compii centdersett ann quanti fioeu e giovin hinn passaa in quella struttura, ghe staa fa on liber indoe l’è raccontadaa tutta la storia Ah! Momenti me ricordavi pù. A quei de Corsic(h) ghe disi che el noster don Luigi Salvadei l’è staa vice-rettor in del ’51 e l’ex curat don Gaetano Fusi l’è staa rettor dell’arcivescovil dal vottantun al vottantott. Se ve capita de vess in zona andè a visità el colleg, el se troeuva in piazza del Santuari andè denter, all’entrada, el scior Paolino son sicur che el ve darà el permess per ona visita, dopo, intanta che si lì ona sosta de preghiera al bellissim santuari della Madonna la fa mai mal. Il cortile nel 1951 El me dormitori Le foto sono state tratte dal volume “Un cammino lungo cent’anni” edito nel 2002 2014 – mes de settember
© Copyright 2024 ExpyDoc
