Di cum fu ascoasa ditu corlu armanescu sora armana Zoe Carabash Carti dishcljisâ câtâ Liga Armânjiloru (Panelenicâ) ditu Elada Frats shi surări armânji, cu mari jali angrâpsescu aestâ carti, tra s-vâ pirmithusescu ti unâ andamusi cu cumândarlu ali Liga Panelenicâ, d-l Mayirias. Hiu Zoe Carabash amintatâ tu Românie, ditu pârintsâ, pâpânj shi strâpâpânj di arâzgâ armâneascâ, amintats tu Makidunie.Tu atsea Makidunie cari fu ampârtsâtâ la 1913 tu 4 craturi: Gârtsia, Yâryâria, Arbinishia shi Sârbia (adzâ Rip.Makidunia). Fumealja mea vini tu Românie la anlu 194o. Chirolu fu cumu fu, u shtim tuts, bânăm cathi unu cum putum, ma greu i ma efcula. Ti mini bana fu bunâ, aua, tu aestu cratu, câ mi-amintai tu unâ hoarâ iu bana mash armânj shi, ca tuts, sh-mini fuiu praxitâ tu arada armâneascâ: s-tinjisescu omlu, s-bashu mâna ali maie, alu papu, ali dadâ sh-alu afendi. Duhlu ali maie mi hârni, shi cu pirmithili a ljei criscui. Pirmithili eara ditu bana armânjilor, armânj cari virsarâ sândzâ ti Makidunia a loru sh-cari sh-alâsarâ oasili aclo. Gramustea, Moscoploea, Bakitsa, Pindu - suntu locuri cari aspunu tsi him. Mini hiu pirifanâ di arâzga mea shi nu mi-arshunedz sâ spun cari hiu. Tsi cabati am mini câ miamintai tu Românie ca tini, frate Mayirias, s-mi dai nafoara ditu coru? Mini urdinu pi toarali ali maie. Maia muri cu câhâri câ nu putu sâ s-toarnâ canâ oarâ tu cohea ei, shi mini nj adrai un scupo tu banâ s-mi tornu pi toarali a ljei shi s-aprindu unâ tsearâ ti suflitlu a strâpâpânjilor. Mi fuvirsitu/acuzatu câ facu propagandâ, câ hiu paltitâ… Di cari? Nu shtiu. Vrearea ti isnafea mea nu s-pâlteashti! Nitsi tuts pâradzlji ditu lumi nu potu s-njancupârâ vrearea! Atsea tsi nu shtii tini, frate, easti câ pi lumi ari sh-oaminji cu tinjie, oaminji cu bunâ praxi. Dealihea easti câ ari shi ca tini, cari ts-avinji sora ditu coru, câ nu pots sâ-lj dai giuiapi… Ma efculau tsâ fu s-badz un ficioru s-mi avinâ ditu corlu armânescu. Mini ti plâcârsiiu s-shidem di zboru, s-nâ aspunem tsi nâ leagâ shi tsi nâ disparti. Dupu mintea mea, mash sândzâli n-aspuni tsi him shi tuti alanti suntu sinferuri. Nu shtiu cari easti sinferlu a tău, ama a meu easti multu limbidu:VREAREA ARMÂNEASCÂ! Nu ti cârtiiu vârnâoarâ, nu tsâ biui cafélu, cata cumu easti arada armâneascâ, cându prindi stsâ tinjiseshtsâ unâ sorâ cari vini di-alargu…. Vinjiu Sârunâ cu dauâ soatsâ s-nâ hârsim di corlu armanescu sh-anda mi vidzushi ti anfârmâcashi. Câ tse? Eara vinits aclo multsâ armânji di Krushuva, Bituli, Kurceauâ etc… Tsi ti cârti câ trei muljeri armâni ditu România vinirâ la aestâ sârbâtoari? Nu vinjiu cu vârâ tufechi, vinjiu cu vreari shi zboru dultsi, zboru di muljiari armânâ cari creasti fumealji, cari caftâ irinji, nu polimu. Tsâ câftai s-shidem di zboru, ama tini fudzeai ca draclu di thimnjeamâ. Earam ca tu filmili absurdi, cu glari: mini tsâ zburam shi tini fudzeai, nu greai tsiva.Tsâ dzash, frati, câ ti voi ca frati, tsâ dzâsh câ hiu armânâ shi câ lipseashti s-mi tinjiseshtsâ, câ shi mini hiu hilji ditu Eladâ, câ am andrepturi ca tini tu Elada. Elada easti shi patrida mea shi loclu pi cari caltsâ tini easti shi loclu a meu. Mini lu voi aestu locu, câ easti amplin di isturia armânjiloru shi am andreptu s-mi ducu, s-mi tornu cathi oarâ, fârâ sâ-nj hibâ frixi câ aclo ari oamini ca tini, cari mi avinâ. Tsâ bâgash tuts gealatslji s-mi-aveaglji… Naca tsâ fu fricâ? Di tsi? Voi sâ-nj dai apandisi, s-aspunji la tutâ armânamea tsi arău adrai di ti aspâreashi di mini? Mini li shtiu tuti, frate, li vedu tuti, ama mini nu facu politicâ shi nitsi nu-nj vindu suflitlu. MINI HIU MASHI ARMÂNÂ! Cu ljirtari, ma vahi nu hii armânu shi mini ti catuyursescu giaba. Nu-i lucurlu a meu cum ti-aspunj tini, grecu,vâryaru, arbinesu. Mini tinjisescu ma nâinti omlu sh-deapoia etnia. Shi dealihea easti câ nj-u voi ma multu soia mea armâneascâ. Vahi nu bagash oarâ câ sinurli câdzurâ di multu shi, mâni-pâimânj va s-him tuts unâ: Evropeanj! Mini di multu mi duchescu ashi; ti itia câ potu s-urdinu, câ potu s-dishcljidu mintea, svedu cum bâneadzâ laolu. Pi pâradzlji a melji vedu Evropa, America. Li voi tuti, ama nai multu nj voi cohea MAKIDUNIA. Mi-ntrebu, frate, nu ti-arshunashi di tsi adrashi? Tsi va s-aspunj la nipots? Câ avinashi ditu coru unâ armânâ, una sorâ di sândzâ? Mini nu tsâ portu yinati, vahi ai multi alti amârtii, vahi ts-ai suflitlu vindutu… Ama, ca dadâ, potu s-tsâ dzacu câ suflitlu a meu ancâneashti. Sh-anda ancâneashti suflitlu, Dumnidzâ veadi .Tsi-avem noi doi ti-ampârtsari? Prindi s-nâ vrem, s-nâ tinjisim shi s-n-aspunem tu banâ PIRIFANJ, ca armânj, nu s-him ampârtsâts! Noi, armanjlji, adrăm craturi, nu li-aspârdzem. Prindi s-hii pirifan câ sh–noi, armanjilji, virsăm sândzâ ti craturli iu bânăm. Mini bânai tu comunismo shi vârnâ nu mi cârti câ hiu armânâ. Azburam armâneashti n-casâ, pi cali, la lucru. Isturia n-aspuni câ him armanji. Shi, cumu dzâtsi unu cânticu: “Noi him ARMÂNJI, ARMÂNJI di var chiro/ shi ARMÂNJI va s-armânem di aua shinclo./Noi limba noastâ nu agârshim,/ Sh-nu nâ-i arshini s-u-azburâm/Di-atselji tsi fugu di ea nâ pizuim”. S-bâneadzâ ARMÂNAMEA! Cu tinjie, vreari shi pirifanj ZOE CARABAS. Bucureshti P.S. deadunu cu dauâ soatsâ nâ dusimu cu mari harauâ Sârunâ tra s-videmu shi s-nâ hârsimu la unâ musheatâ adeti, yiurtusitâ di armânjlji ditu Eladâ: “Tâljearea a pitâljei”. Aoa s-featsirâ atseali pirmithusiti ma-ndzeanâ. Μοσ αρέσει! · Στολιάστε Κορσυαία στόλια Αρέσει στοσς Zoe Carabash, Trisina Dumitru, Duliu-Bajdechi Steliana και σε 6 ακόμη. Sterica Fudulea Si acum am sa scriu si cateva cuvinte in "dialectul daco-roman" (limba romănâ literarâ)....Sunt convins ca la fel se intampla si in Romania ...si aici amintesc un episod in care un reporter nu a fost lasat sa filmezez " o zi din viata aromanilor " pentru ca publica la un radio al makedon-armanilor ( si nu aromanilor ???) . 24 Ιανοσαρίοσ στις 1:51 μ.μ. o Armânamea Trâ Europa Durute sots Sterica, pi site-ul TV Radio Makedonia easti nica alinatu spectacolu di cari azburashtsa, filmatu integral cu aprobarea organizatorilor. Ama, "comentariile" suntu ptsani shi ditu ignorarea (shi ignorantsa di multi ori) cu cari presa romana ...Δείτε περισσότερα 1 · 25 Ιανοσαρίοσ στις 8:47 π.μ. · Τροποποιήθηκε Armânamea Trâ Europa Cumandusearea di la Liga Panelenica s-dirina la cathi Andamoma andicra di romaniki propaganda. Nu straxescu s-veada vara armanu ditu Romanii vinitu oaspi tu loclu a papanjlor. Aesta minduiari psefta va alacseari shi oaspitsli armanj vor aprucheari cu tinjie, nu cu discriminari dupa loclu iu baneadza. Tuts him tu Europa, va alaxeari mintea atsea veaclea ditu chirolu a turcului! Puiu Bajdechi 2 · 23 Ιανοσαρίοσ στις 1:24 μ.μ. Carmina Dumitrescu ... Multu imshata aiesta carti dischcljisa. Zboara tsi inj adjumsira la suflit, zboara ti cafi arman 3 · 23 Ιανοσαρίοσ στις 1:17 μ.μ. Sterica Fudulea Deftura...zboarili nu s-aravda dupa aesti parastiseari 2 · 24 Ιανοσαρίοσ στις 11:40 π.μ. Sterica Fudulea Mi turnai....teta Zoe ..ti palcarsescu s-ti apufuseshtsi..anda hii tu Rumunii soatsili di-anvarliga dzacu ca adari elliniko propaganda....anda ti tornji tu vatra armaneasca dzacu ca adari romaniki propaganda.....cari s-ti acachiseasca......shi cari s-ti pistipseasca ca tini adari propaganda armaneasca /makidoneasca ??? 1 · 24 Ιανοσαρίοσ στις 1:47 μ.μ. Sterica Fudulea Idghea mindueari psefta .. 24 Ιανοσαρίοσ στις 1:52 μ.μ. Duliu-Bajdechi Steliana Atat de putine comentarii? 24 Ιανοσαρίοσ στις 10:18 π.μ. Florentina Costea Ciudii, lai ciudii:( 23 Ιανοσαρίοσ στις 1:04 μ.μ. Sterica Fudulea Dealihea dzatsi lai sotsu.Daima anda adari una arada ti armanji ma cu paradzi di la craturili iu banedza mutreshtsi niheama "dinapoi". Ma ari shi armanji vluisitsi tsi suntu cama "neangaldasitsi" .Shi ti aesta na harsimu pi site-ul radiomakedonia cu filmarili di la andamusea din Ellada ...di una dzuua dit bana armanjilor shi dealihea mushatili habari tsi li pitreatsi cafi emisii Mariana Budesh Caceandoni .... 25 Ιανοσαρίοσ στις 10:06 π.μ.
© Copyright 2024 ExpyDoc
