no. 06 / 27.03.2014 MAS-CHALCH Publicaziun da fabrica Las seguaintas dumondas da fabrica sun expostas pro l’administraziun cumünala petent fracziun lö da fabrica Albertin Sabina & Gian Marco Ramosch Curtins 45 / parcella 219 intent da fabrica zona(s) / inventar(s) publicaziun dals fin als s-chala externa d’abitar 2 27.03.2014 16.04.2014 petent fracziun lö da fabrica Schaad Bernhard Ramosch Stradun 37 / parcella 345 intent da fabrica zona(s) / inventar(s) publicaziun dals fin als annex e renovaziuns externas da mansteranza e d’abitar 27.03.2014 16.04.2014 Recuors e protestas da dret public cunter intents da fabrica sun d'inoltrar in scrit dürant il temp da publicaziun pro la suprastanza cumünala, Poz 86, 7556 Ramosch. Uffizi da fabrica Valsot Comunicaziun approvaziun da la planisaziun cumünala A basa da l’art. 49 da la ledscha da planisaziun (KRG) ha la regenza dal Chantun Grischun acceptà, cun decisiun dals 11.03.2014, decisiun no. 207, la revisiun parciala da la planisaziun da zonas, acceptada da la radunanza cumünala dals 26.11.2012 dal uriunt cumün da Tschlin chi ha decis la revisiun parciala da la planisaziun dal territori da „Chaflur“ cun las seguaintas resalvas: Art. 46a al. 6 lit. a e b dal uorden da fabrica da Tschlin o La quantità dals edifizis resp. parcellas vegn redütta da 6 sün 4. Plan da zonas e plan general da fuormaziun, 1:1‘000 o Ils müdamaints decis in spazi da las parcellas no. 3612, 3613, 3616, 3618, e 532 nu vegnan acceptats, in vigur resta il plan da zonas e plan general da fuormaziun legal. Ils mezs da planisaziun acconsentits, cun la decisiun cumpletta da la regenza, sun exposts il büro da l’administraziun cumünala da Valsot e pon gnir examiniats dürant ils uraris da fanestrigl. Cunter il cuntegn da quista resalva pon persunas legitimadas far protests infra 30 dis a partir da la data da publicaziun. Quia sün basa da l’art. 102 al. 1 KRG e tenor norma da la ledscha davart la chüra da giurisdicziun administrativa (VRG) pro’l güdisch administrativ dal Chantun Grischun, Obere Plessurstrasse 1, 7000 Cuoira. La suprastanza cumünala Ramassamaint palperi vegl In mardi, 08.04.2013 ramassan ils scolars a partir da las 08.00 h il palperi vegl a Ramosch, Vnà e Seraplana. A Tschlin, Strada e Martina giavüschaina da deponar il palperi vegl infin il plü tard in marcurdi, 14.04.2013 a las 17.00 h als lös da ramassamaint üsitats. Chartun e sachs da plastica nu das-chaina tour in consegn. No vessan amo il giavüsch da na far massa gronds paquets e da tils liar bain. Per l’incletta ingrazchaina ouravant. Las scoulas da Valsot Excremaints da chans Cul’alguaziun da la naiv cumparan sün divers tragets in vicinanza dals cumüns fich blers excremaints da chans. Puchadamaing nu vegn fat adöver dals sachs previs per ramassar ed allontanar. Das-chain giavüschar a possessurs/as da chans da ramassar consequentamaing ils excremaints schi’s rechattan in cumün ed eir in vicinanza dal cumün, impustüt sün tragets bain frequentats da peduns. Grazcha fich per l’incletta. Cumün da Valsot volver p.pl. Immundizchas Il cumün ha constattà chi nu vegnan tgnüdas aint las reglas a reguard ils lös d’immundizchas. Quatras appellain a tuot la populaziun da resguardar seguaintas reglas cun deponar immundizchas süls lös previs. Chartun: Il chartun sto gnir lià insembel e nö be deponà sainza far ün paquet PET: Illas chaistas da PET dess gnir büttà aint be prodots da PET e nö oter s-chart Chavogns d’immundizchas pro las fermativas da posta: Quistas chavognas nu sun previssas per allontanar immundizchas da chasa. Per simlas immundizchas sun previs ils sachs gelgs. In general: Pro’ls lös da ramassamaint vegn büttà davent resp. deponà da tuot la sort roba nö admissa. Grazcha fich per la collavuraziun. Cumün da Valsot Serrada da vias Il cumün ha decis da serrar ils seguaints tragets per tuot il trafic motorisà: via traget dürada Ramosch – Alp Ischolas Valaina (stalla M. Bischoff) – Alp Ischolas incuntschainta Seraplana – La Motta Seraplana – La Motta incuntschainta Vnà – Jürada Vnà – Jürada incuntschainta Vnà – Griosch Mundaditsch – Griosch incuntschainta Vnà – Sursavuogn Vnà – Sursavuogn incuntschainta Chaflur – Tschlin Chaflur – Tschlin incuntschainta Tschlin – Plajazan Pradè – Plajazan incuntschainta Plans Chanver – Balserom Chilcheras – Balserom inscuntschainta Quista decisiun vain abolida tenor il stadi da las vias champestras. Cumün da Valsot
© Copyright 2025 ExpyDoc
