Pro sa vittoria de Nikos
Nikos est unu pitzinnu grecu, in prejone pro aer gherratu contra a unu istatu fascista e prepotente. Est
isserratu dae vreagliu de su 2013, est unu zovanedhu de vint’annos, un anarkicu, unu gherratore. Fit unu
cumpanzedhu de Alexis, mortu a binnic’annos in sas barricatas grecas, barricatas pesatas pro gherrare un
istatu mezanu, un inimicu in cumpanzia kin sas bancas europeas e mundiales, ki sunt ridukenne a sa miseria
e a sa gana, su populu grecu, e non solu. Nikos ke l’ant leatu e isserratu, ca at’affrontatu custu sistema, l’at
affrontatu a cara arta, vieru e orgogliosu. L’at affrontatu kin su pessamentu de Alexis, pessamentu ki non ke
canzellat mai, dae sa die ki at bistu sos ocros, de su cumpanzedhu suo, serrannesi pro s’urtima via, serratos
dae sa zustissa ‘e su potere, ki l’at mortu, kin d’una balla in cara. Mortu ca s’istatu lu cunsideraiat unu
inimicu; comente ki a binnic’annos, unu potet essere inimicu, de calic’unu o de carki cosa. Dae sa die, Nikos
at detzisu ki sa vita sua deviat esser improntata, solu, a sa gherra contra a custu istatu; un istatu barbaru, ki
pro vaker ghirare sos contos de sa billassa sua, sa billassa de sos meres, at ammiseratu millione de
pessones, ridukennelas a s ‘estremu, a sa povertate, e pro vaker custu, est usanne
sa manera prus miserabile, contra a su populu: isfruttamentu, istipendios de gana, corfos de ballas e galera
mala, a kie si lamentat o protestat. Ma Nikos sikit a gherrare. L’est akenne venas in galera. Propriu in custas
dies, Nikos at bintu sa prima battalla; viti unu mese achenne s’iscioperu e sa gana, ca no li kerian dare,
mancu, su dirittu de istudiare, vit belle mortu, ma at resistitu vorte e corazzosu. A custrintu su potere a
tzedere, danneli sa possibilitate de sikire kin s’iscola. Sa vortza ‘e s’ideale l’at mantesu vieru e gherratore.
Kustu zovanedhu lu kerimus in foras.
Sas istradas e sas barricatas lu keren,
sa libertate l’isettat pro l’abbratzare.
Tene vorte cumpanzu.
Ti semus isettanne…
12 dicembre 2014

5e Nuts Night Run Bastogne