Dormi dormi bel popin
Dormi dormi bel popin
che la mama la é ta Molin
l papà l’é sun funé
che l laora de calighé
la giata la é morta
l gial sun porta
che l fèsc chichirichì.
(Cianacei)
Nine nane
Nine nane fantolin
che la mama la é ja Molin
l papà l’é sun Salé
che l laora de calighé.
La pita la é morta
l gial sun porta
l micio te stua che fèsc
miao miao
Dormi dormi bel popin
fa la nana fantolin
to pare e to mare
i te sarà semper vejin
dormi dormi bel popin.
(Moena)
Dormi dormi fantolin
Dormi dormi fantolin
inant che vegne l soricin
a te ciuciar l dedolin.
(Pera)
Nina nana bel popin
Nina nana bel popin
fa la nana sul cuscin
l cuscin l’é descojì
fa la nana sul pontin
l pontin l’é dut rot
fa la nana ju junsot.
(Ciampedel)
Nina nana, nina oh
Nina nana, nina oh,
nina nana, nina oh,
dapò vegn Sèn Nicolò
l ge porta le castagne
dute bele dute sane,
a chel pìcol fantolin
fa la nana bel bambin.
(Moena)
Nina nana
Dormi, dormi fantolina,
nina nana berechina
dormi, dormi e fa la nana
chiò sun brac de tia mama.
Dormi, pìcola valenta
che tia mère la é contenta,
te somees n agnolin
coi ciavei fac de òr fin.
Dormi, dormi fantolina,
te ès tia mère chiò vejina,
dormi e làsceme pussèr,
no é più ousc da te ciantèr

Rangliste Football Plausch 2016