Cape Verdean/OO Perguntas Frekuentis Pruposta di Fitxa Skolas P: Modi ki’N podi da nha opinion na pruposta di fitxa skolas? R: Nu ta obi di nhos oji noti. Tanben, famílias é enkorajadu a sisti un di kes audiênsia di orsamentu ki sta ta ben o un Reúnion di Kumitê Skular. Tudu data y informason sta na www.bostonpublicschools.org. Opinion é tanben benvindu atraves di email na [email protected]. P: Kuandu ki desizon final ta ser feitu? R: Kumitê Skular di Boston ta vota na 25 di Marsu di 2015 duranti se reúnion 6:00 di tardi na 26 Court Street, Boston. P: Ondi ki nha fidju/a ta ba skola na prósimu anu? R: BPS ta oferesi opson spesifiku pa txeu alunus, ma na fin famílias ta ten oportunidadi pa skodji un novu skola di ses lista baziadu-‐na-‐kaza. (Konsulta dokumentu ku detalhis sobri skola di nhos kriansa). P: Kual ki é konsiderason pa alunus ki ten difisiênsia o Alunus ki Sta ta Prendi Inglês? R: Tranzison di kes alunus é stremamenti inpurtanti pa ses susesu. Pesual di BPS ta trabadja diretamenti ku famílias di kes alunus pa kria un planu di tranzison baziadu na ses “cluster” di kaza ki ta fazi sentidu pa kada alunu individualmenti. P: N kaba di matrikula nha fidju/a na un di kes skola indentifikadu pa fitxa, kuze ki ta ben pasa agora? R: Famílias ki skodji un skola pa un grau di tranzison (K2, grau 6, grau 9) identifikadu pa ben fitxa ki ka kre envia un novu karton ku skolha ka mesti fazi nada. Konputador ta automatikamenti salta skola ki sta ta fitxa y sigi ku nhos segundu, terseru, ets. skolha. Alunus ki sta na es mumentu na skolas ki sta prupostu pa fitxa ta resebi formulariu di skolha y ta ten ate 6 di Abril pa envia-‐s. Famílias ki kre regresa a Sentru di Boas Vindas di BPS pa fazi novus skolhas podi faze-‐l ate dia 13 di Marsu pa K2, graus 6 y 9 pa prósimu anu letivu. P: Pamodi ki BPS ka podi fazi korti na skritóriu sentral pa mandi skola di nha kriansa abertu? R: BPS ten feitu kortis signifikativu na anu resenti na se orsamentu di skritóriu sentral y ta fazi di novu es anu. Na verdade, maior parti di reduson ta ser fetu na skritóriu sentral di novu es anu. Prefeitu Walsh ten komu objetivu aumenta orsamentu di BPS entri 3-‐4% na es anu. BPS sta ta diresiona $20 milion adisiunal pa skolas atraves di se formula “Weighted Student Funding”. Enseramentu di skolas é nesesariu pamodi BPS ten demaziadu skolas pa numeru di alunus ki el ta sirvi y sta ta stika demaziadu ses rekursu, kulokandu tudu skola na distritu na risku di disvantajen. www.BostonPublicSchools.org Cape Verdean/OO P: Otu skola ta ocupa kel idifísiu ki nhos sta ta fitxa? R: Idifísiu ta kontinua ta ser propriedadi di Sidadi. Na maior parti di kazus, desizon di forma di uza idifísiu ta ser tomadu mas tardi. Na es mumentu, BPS sta ta splora opson di muda un skola izistenti pa idifísiu di Skola Mediu Rogers na Outonu di 2016. P: Kuze ki ta pasa ku prufesores ki sta na es mumentu na skola di nha kriansa? R: Nalguns kazus, prufesores podi muda ku grupu di alunus pa un novu skola. Y na otus kazus prufesores ta entra na prusesu di aplika pa un novu kulokason na otu skola públiku di Boston. P: Si West Roxbury Academy sta fitxa, ta signifika ki Urban Science Academy (ki ta konpartilha idifísiu ku el) sta fitxa tanben? R: Urban Science Academy ka sta rekumendadu pa fitxa y ta manti na mesmu lukal pa prósimu anu. Uzu a longu prazu di Konpleksu di West Roxbuty ta ser studadu y kalker rekumendason na se uzu ta ser inkluídu na planu prinsipal di idifísius di sidadi, ki sta na se planu inisial di dezenvolvimentu. P: Modi ki es skola foi skolhedu pa fitxa en ves di otu skola di BPS? R: Pesual di BPS ta uza un numeru di kriteriu pa disidi ki skolas devi ser rekumendadu pa fitxa, inkluindu tendênsia di inskrison na skola, numeru di famílias ki skodji kel skola, y dezenpenhu akademiku. P: Pamodi ki ka ta speradu ate ki sidadi termina di dezenvolvi se planu prinsipal di idifísius di sidadi interu antis di fitxa kes skolas? R: Infelismenti, BPS ka ten luxu di spera. Dezafius ki BPS sta ta enfrenta ten ki ser abordadu agora o BPS ta kori risku di afeta kualidadi di idukason oferesidu a tudu alunu na distritu. Kel li é primeru pasu pa aborda dezikilibriu strutual ki ta izisti na nos distritu. Rekursu di BPS ta stikadu demaziadu. Ten skola demaziadu pa numeru di alunus ki distritu ten. P: Novu Superintendenti podi reverti es desizon? R: Autoridadi masimu na enseramentu di skolas é Kumitê Skular di Boston. Kumitê ta devi vota na es rekumendason 25 di Marsu. www.BostonPublicSchools.org
© Copyright 2024 ExpyDoc
