Klazienaveen.

Liturgie veur de Drèentse Karkdienst
14 december 2014
(daarde zundag van Advent)
in de
Eben Haëzerkerk
te
Klazienaveen
Thema: “Longern naor wat komp”
Begun: 10.00 uur
Veurganger:
Ds. E. Akkerman – Hoogeveen
Metwarkers:
Organist: Gea Fictorie
Koor: “Met an doen” o.l.v. Jacques Bolhuis
Technici Radio Drenthe
Disse dienst wordt rechtstreeks uutzunden deur radio Drenthe
Zingen: Er is een God die heurt
Vreugde of bliedschap, kommer of pien
er is een God, er is een God,
stort bij Hum uut, o mèens toch joen hart
Er is een God die heurt.
Gao toch naor Hum um hulpe en raod
wacht niet te lang, ’t is ja spoedig te laot.
dat niet deur twiefel ’t hart wordt versteurd.
Er is een God die heurt.
God schunk zien Zeun in Bethlehems stal.
Heer van het Al, Heer van het Al
Hij dreug verneed’ring, smaad zunder tal,
heerser van schier hielal.
Waant oonze Schepper, Keuning van d’ aard
hef zölfs Zien eigen Zeun niet gespaard.
Gao dan naor Hum, nou ’t morgenlocht gloort.
Hij is de God Die heurt.
Van oost tot west, van zuud tot noord
mèens zeg het voort, mèens zeg het voort
wordt ’s Heren liefde overal heurt.
Mèensenkiend zeg het voort.
Dweel niet in ’t duuster, gao niet allent
moar zuuk het heil bij Jezus allent,
Dat al joen hope bij Hum worde zocht.
Jezus is ’t iewig locht.
Welkom
Zingen: NLB 280 De bliedschap voert oons naor dit huus
1
De bliedschap voert oons naor dit huus (KOOR)
waor ’t Woord an oons geschiedt.
God röp zien Naom over oons uut
en wekt in oons het lied.
2
Dit huus van holt en stien, dat lang
de stormen hef deurstaon,
waor nog de wolk gebeden hangt
van wel oons veur bint gaon.
3
Dit huus dat alle sporen drag
(ALLEN)
van wel maor mèensen bint,
O, God die alles veur oons drag,
wees Ie toch het gebint.
(ALLEN)
4
Is dit een huus, een plaotse waor, (KOOR)
de hemel open brek?
Waor Ie oons veilig schoelen laot
is dit joen eigen plek?
5
O, laot oons zien joen Angezicht (ALLEN)
joen Naom die met oons löp,
en heilig hier oons met joen licht,
het Woord dat hier oons röp.
7
Dit huus slet met oons an de tied (KOOR)
maor blieven zal de kracht,
dat wie hier schoelt ok met Joe giet
tot alles is volbracht.
BEMOEDIGING EN GROET
Zingen: Lied 126 uit Psalmen en Gezangen
Stond zal de Here kommen;
o, mèensen, maakt je klaor!
Men nemp in disse wèreld
het hemels locht al wao.
De keuning komp er an
die God zien volk zal geven:
de redder van oons leven
klopt dommiet bij oes an.
Zörg dat de wegen vrij bint
waor Hij zien voeten zet.
As wij de padenvrij maakt
dan kun wij met Hum met.
Hij komp; bekeer je nou!
Wij moet de gaten dichten,
de heugten moet wij slichten
tussen de Heer en jo.
Kyrië:
Nao elke gebedsintentie zingt het koor:
Bidden veur ’t lös doen van de Biebel.
Eerste Schriftlezing: Jesaja 65: 17-27 (Umzet deur Jennie
Lamberts-Niers)- Gelezen door Dinie de Jong
17.Kiek: Ik schep een neie hemel en een neie èerde.
Wat vrogger west hef, is vergeten, gienien die der nog an denkt.
18.Ik schep joe bliedschup en plezier veur aaltied,
van Jeruzalem maak ik een vrolijke stad, zien volk maak ik bliede.
19.Ik juich over Jeruzalem, ben bliede over mien volk.
Schrouwen en karmen wordt der niet meer heurd.
20.Daor is gien poppie meer dat al nao een dag of wat uut de tied
komp, olden van dagen wordt stokold, de jongste giet as
honderdjaorige dood; wie de honderd niet haalt, wordt as vervluukt
beschouwd.
21.Ze bouwt huzen en woont der zölf in, ze plant wiengoorns an en
eet der zölf van;
22.ze bouwt niks waor een ander in wonen giet, ze poot niks wat een
ander opet. Wisse, mien volk leeft net zolang as een boom; wie deur
mij uutkeuzen bint, hebt zölf profijt van heur wark.
23.Heur krabben en knooien is niet veur niks, ze kriegt gien kinder
die prooi wordt van een vluuk. Zij bint, met al heur naozaten, een
geslacht dat de HEER zegent.
24.Nog veur ze roept, geef ik heur antwoord, in tied dat ze nog an ’t
praoten bint, luuster ik der al naor.
25.De wolf en het laom graast met zien beiden, de leeuw et heui of
hij een koe is en een edder leeft van stof. Gienien döt lillijke dingen,
gienien brengt een vluuk op mien heilige barg – zeg de HEER.
Zingen: Dat een neie wèreld der zal kommen
Dat een neie wèreld der zal kommen,
met stoet genog, waor water stroomt veur almaol.
Daor bouwt wij in veilige streken,
woont deur mekaar in buurten van vrede,
in scha van de bomen.
Gien kinder zult daor mèer starven,
ólde meènschen gaot gien dag te vro vort
en jonge meènschen zult niet veur heur honderdste (levensjaor)
starven.
Wij zult oes dan niet veur niks nog ofbeulen,
gien kind wordt nog kregen veur grote bezukings .
De wolf en de laomer zult met mekaor weiden,
en wij lèert de oorlog of.
Tweede Schriftlezing: Johannes 3: 22-30 (Umzet deur Max
Douwes) – Door Dinie de Jong
23. Ok Johannes deupde, in Enon bij Salim, waant daor was zat
waoter. Men trök daor naor toe um zuk deupen te laoten.
24. Johannes was doe ja nog niet toe de gevangenis ingooid.
25. Een stuk of wat van Johannes zien leerlingen kregen het met een
Jeud an de stok over de godsdienstige reiniging. 26. Zie kwamen op
Johannes of en zeden tegen hum: “Rabbi, dennende wel as bij dij was
an de overkaant van de Jordaan, daor hes doe van getuugd. En nou
deupt Hij ok, en men giet allemaol naor Hùm toe.’
27. “Gien mensk”, zee Johannes, “kan zukzölf wat toestellen, of het
möt hum van de hiemel geven wezen.
28. IJ kunt getugen dat ik zegd heb: Ik bin de Christus niet, maor ik
bin veur Hum anstuurd.
29. Wel as de bruud hef, die is de brudegom; maor de brudegom zien
vrund - wel as der bij stiet om te lustern - die is biester gelukkig as e
de brudegom zien stem heurt. Dat is mien geluk, wat as niet op kan.
30. Hij möt wossen en ik mindern.
Zingen: Gezang 117 – Hoe zals Do bij mij kommen
Hoe zals Do bij mij kommen,
hoe wils Do da'k Dij groet,
van oes het hoogst verlangen,
oes alIerheiligst goed?
Wil zölf dien fakkel dragen
in oeze duusternis;
al wat Dij kan behagen,
wordt oes dan klaor en wis.
Wied van dien hoge trone
en 's hemels zunneschien
wils under mèensen wonen
um heur as breurs te zien.
Met God wils oes verzoenen,
tot God tils oes umhoog,
en under millioenen
holds Do ok mij in 't oog.
Preke
Zingen: VL 371 In ’t leste van de dagen – Deur Koor
1
In ’t leste van de dagen zal het weden:
een hoge barg, verankerd in de èerde,
veul hoger dan de heuvels
daorop een hoes van zuver gold tegen hemelsblauwe locht.
De wereldzeeën bint non rustig worden
de golven rolt niet mèer, de branding zweg.
2
In ’t leste van de dagen, wel dan leeft
zal ze zien ankommen, op scharlaken pèerde
op zulvervloten, volken van wied vort:
wij gaot hen Sion waor de wiesheid woont,
daor weet ze wat het pad is van de vrede
daor kwam een neie wèreld veur oes deel.
3
In dagen die nog kommen zult zal het weden
dat zwèerde umsmeed worden zult tot ploegscheren
De oorlog wordt vergeten, ie sneuit je wiendroef
en legt je in de scha neer van je bomen.
en gienien schrikt nog wakker in de nacht
en huuf nog bang weden veur de neie mörgen.
Zingen: Lied 118 uit Psalmen en Gezangen
Op Dij, mien Heiland, blief ik hopen,
verlös mij van mien zeert en smart!
ij wil ik aaldeur blieven dienen
met hiel mien ziel, met hiel mien hart.
Veur Dij zal èerd’ en hemel zingen.
Vernei mij met dien hillig vuur,
kom stao mij met dien glaans deurdringen,
beschien mien hart van uur tot uur.
Vervul, o Heiland, het verlangen
waormet mien hart dien komst verwacht!
Ik wil deemoedig Dij ontvangen;
‘k zal Dij verwachten, dag en nacht.
Blief in dien liefde an mij dèenken,
waor um mij hen de wèreld braandt;
wil aal maor weer dien troost mij scèenken,
hol Do mij altied an de haand.
Dienst van de Gebeden- Stil Gebed - Oonze Vaoder (Het Oonze
Vaoder wordt deur het koor zungen)
Zingen: NLB 737 Jeruzalem, mien vaderstad
1
Jeruzalem, mien vaderstad,
mien moderhoes, wanneer
zal ik dij zien, zoas do bis,
de broed van oeze Heer?
2
Daor is gien zèert en gien verdriet,
ofguunst noch argernis,
en vrees en armoe zint daor niet
de wille is der wis.
3
Daor is gien zun, daor is gien maon,
gien mist, gien duusternis,
maor ’t locht komp van de troon daor hèer
waor de Messias is.
4
En zeker is gien ziekte daor,
gien ongeluk, gien dood,
gien kwaoie duvel, gien gevaor
en gien gebrek an brood.
5
God geev’ mij toch Jeruzalem,
dat ik iens op een dag
een pelgrim an dien poorten bin
en dat ik der in mag.
Zegen
Zingen NLB 425- Vol van dien reie zegen
Vol van dien reie zegen gaot wij op oeze wegen
van hier, oet dit hoes waor dien stem wordt heurd,
In Christus verbunden, tezamen oetzunden
op pad in een wèreld die wacht op dien woord.
Um daor in genaode dien woorden as zaoden
te zèeien tot diep in het donkerste dal,
deur liefde andreven, um wel met oes leeft
dien zegen te brengen die vrucht dragen zal.
Gezang 127
Komt volk, blieft toch niet zitten,
je Keuning in de muut!
Hij zal vortdaolijk kommen,
die je verwondern luut.
Wij, die de Heer verwacht,
laot oes véür al le din gen
Hum oes hosanna zin gen.
Hij komp, Hij komp met macht.
Griept moed, bedroefde harten:
daor komp de Keuning al.
Vergeet je bange smarten,
nou Hij je helpen zal.
Der is weer neie hoop:
Hij nuumt je zien beminden;
in 't woord lat Hij zuk vinden,
in aovondmaol en deup.
Weest onbezorgd, ie armen,
an kinder haost geliek:
in keuninklijk erbarmen
mak God je groot en riek.
Die 't veld een klied andöt,
de vogels gef te eten,
wil ok zien kind doen weten,
dat Hij zien noden zöt.
Joechtert, al hej ok zorgen:
de Keuning komp met macht;
oes, in zien hart opborgen,
hef Hij zo rei bedacht.
Nou zuw in bangt' en zèert'
toch nooit de moed verliezen.
God wil genao bewiezen,
daw Hum as Vaoder eert.

Download Report