‘t Kerkje van Ellesdiek levensbeschouwing cultuur vriendschap Nieuwsbrief 2 - 2014 Nr. 2, februari 2014 Beste vrienden, vriendinnen en belangstellenden, Voe de twidde keêr dit jaer een Nieuwsbrief. Daè is nie zôvee te melden, mae genoeg om even de andacht te vraegen. Ambacht baert kunst Deze biezondere tentoanstellege krieg vee bekieks en terecht. Het is prachtig werk en veraol het ambachtelijke karakter spreekt erg an. De tentoanstellege is nog te bezichtigen op zaèterdag 15 en 22 februari. Nieuwe vriewilligsters Opnieuw bin d’r twî nieuwe vriewilligers toe’etreeë toet de club van gastvrouwen en gast’eêren van ‘t Kerkje. Deze keêr verwelkomme me Jaap Huijssen en Jolanda Schippers uut Kloetege. Jaap za z’n eigen mie het geluud en het licht bezig gaen ouwe. Me bin eêl blie mie deze nieuwe mensen en me ope da ulder het ok leuk vinde om dienstbaer te wezen in ‘t Kerkje. Nieuwe website Onze website www.ellesdiek.nl is vernieuwd en verkeêrt in de proeffase. Graag je opmerkingen en suggesties deurgeve aan [email protected] Een website is van groat belang tegenwoordig, dus is het ok belangriek a t’n goed overkomt, dudelijk is, voldoende informatie geeft enz. Graag je commentaer. [email protected] Oecumenische bieeênkomst Wim de Koeijer schreef het boekje ‘Slik op je voorhoofd’ over het vooroorlogse Yerseke. Je oef dus niet te twufelen an z’n afkomst en dialect. Zondag 16 februari preekt ‘n in ‘t Kerkje. Reina de Koeijer draeg bie in de vurm van zang. Het belooft wee een inspirerende mirreg te worren. Het teêkeniengetje ier nest is ok van De Koeijer. De wandeling Op zaèterdag 1 maerte opene me de tentoanstellege ‘De Wandeling’ mie werk van Marian Stokx, afkomstig uut ‘s-Heêren’oek, mae ze weun in Den ‘Aag. Adrie Uusson kom om te ziengen. Die ei Zeeuwse vèsjes, mae ok Spaanse en Engelse. Kortom fantastische muziek en moaie schilderieën. Gratis toegang, d’r is koffie en een wientje enz. !4.30 uur. Vee reden dus om te kommen! Ierse mirreg Triskell en The Lowland Paddies gae d’r tegenan op de Ierse mirreg op 9 februari. Gezelligheid en goeie muziek gae ier volkome and in and. [email protected] 0113 612 681 Guido Gezelle Guido Gezelle werd op 1 mei 1830 in Brugge geboren. Na zijn studie aan het Sint-Lodewijkscollege werd hij in de jaren vijftig van den 19e eeuw leraar aan het klein seminarie van Roeselare (priesterwijding in 1854). Gezelles poëzie doet bijzonder modern aan doordat hij volop gebruik maakte van de mogelijkheden van klank en ritme. Hij weet de zwaarte van traditionele gedichten uit die tijd te vermijden. Een van z’n bekendste gedichten is nog altijd Boerke Naes. Gezelle Gezongen BOERKE NAAS Wie heeft er ooit het lied gehoord, het lied van Boerke Naas? ‘t En ha, ‘t is waar, geen leeuwenhert, maar toch, ‘t en was niet dwaas. Boer Naas die was twee runders gaan verkoopen naar de steê en bracht, als hij naar huis toe kwam, zes honderd franken meê. ……... Op zondagmirreg 23 februari wordt het programma Gezelle Gezongen uut’evoerd. Drie muzikanten vetolke de poëzie van Gezelle en wissele dat af mie anekdotes en verhalen. Een topper in de Vlaamse theaters. Noe in ‘t Kerkje!!! Oar het vast zienge: O Krinklende winklende waterding met 't zwarte kabotseken aan, wat zien ik toch geren uw kopke flink al schrijven op 't waterke gaan! Priezen Me kriege dikkels priezen voe de verloting. Spullen die a mensen elders winne of voe d’r verjaerdag kriege en uuteindelijk nie kunne gebruke: klokken, waterketels, koffiezetapparaten, potten, serviesgoed, drank enz. enz. Daè binne me aoltied blieë mie, wan een ander kan het wee goed gebruke. De verloting is langzaemeránd nie mî wig te dienken uut ‘t Kerkje. A me aolmae priezen zoue motte kôpe, bleef er vee minder over en het geld kunne me goed gebruke. Me zoue anders zeker de toegangspriezen motte verôôge. Wien a dus een pries beschikbaer wil stelle, die vindt een werm ontael.’Gin twiddehands spul (in de zin van rommel) wan priezen bin of nieuw of waerdevol. Kleine twiddehands goederen è me ok graag, mae die verkôpe me op open daegen en bie ouwejaer. A je ‘t zelf nie mee kan brienge, komme me d’r graag om. Mail of bel: 0113 351317 of [email protected] Kerkje op facebook Me gae mie d’n tied mee. Je kan ‘t Kerkje noe ok vinde op facebook en dus ok berichten ‘laaike’. https://www.facebook.com/kerkje.ellesdiek A je zelf d’r wat op wil zette, stier je een email naè: [email protected] Opa en Opa Pluus Nieuw in Twienkeltje: Opa en Oma Pluus. Ok de herdruk van Nijntje an Zeê is gearriveerd. De boekjes koste € 6,- Kôôp ze in ‘t Kerkje!!