NAIYANAKAKON
A NABALBALIWAN
ANIA TI ARAMIDEK ITAN?
Charles Brock
PANANGUSAR KADAGITOY A LEKSYON
1.No naiyanaken a nabaliwan dagiti miembro ti grupo nga agad-adal ti
Biblia, nasayaat unay no ituloyda ti agadal ti Biblia kas grupo.
Usarenda daytoy a libro iti panagsaganada nga agbalin a maysa nga
iglesia lokal.
By
Charles D. Brock
2. Mabalin met nga usaren daytoy para kadagiti babbaro nga miembro
ti iglesia lokal.
TI LINAONNA
KASTOY TI ARAMIDEM
Leksion
Panid
1. Ti Baro a Biag...................................................................1
1. Adalem ti maysa a leksion tunggal lawas.
2. Usarem ti maysa nga oras tunggal leksion.
3. Tunggal miembro ti grupo nga agad-adal ti Biblia ket makipartisipar.
Basaenda ti sumagmamano nga panid wenno paragraph. Iti paset
nga LAGIPEN ken PAGSASARITAAN – bay-am nga dagiti
miembro ti mangsungbat wenno mangbirok ti sungbat dagiti
saludsod.
2. Dagiti Baro nga Prebelihio………………………………9
3. Ti Baro a Namnama……………………………………..20
4. Ti Baro a Relasyontayo………………………………….29
5. Ti Baro a Kaipapanan ti Bautismo……………………...39
6. Ti Baro a Pamilya- Ti Iglesia………………………........48
7. Ti Baro a Kaipapanan ti Panagkomunion ken
Panangted………………………..……………………....57
Copyright, 1984
8. Ti Baro a Responsibilidad……………………………….68
PAKAUNA
Naisurat a leksion tapno matulongan ti baro a mamati iti biagna a
nakristianoan. Masarakan ti tema dagitoy a leksion iti balikas ni Apostol
Pablo iti 2 Corinto 5:17: Maysa a baro a parsua ti siasinoman a mainaig
ken Cristo: Naglabasen dagiti daan a banag; dimtengen dagiti baro.
Dagitoy walo a leksion ipalawagna dagiti kangrunaan a napasamak iti
biag ti maysa a mamati. Dagitoy ket: Ti Baro a Kababalin, Ti Baro a
Namnama, Ti Baro a Relasyon, Ti Baro a Kaipapanan ti Bautismo,
Iglesia, Komunion ken Kapullo. Ti maudi a leksion isurona maipapan ti
Baro nga Responsibilidad.
No ti maysa a tao ket maiyanak a mabaliwan, ditoy ti pangruggian ti
baro a biagna. Ti panangadal kadagitoy a leksion, tulonganna ti baro a
namati tapno agballigi ti baro a biagna ken ni Cristo.
Leksion 1
TI BARO A BIAG
Maysa a baro a parsua ti siasinoman a mainaig ken Cristo: Naglabasen
dagiti daan a banag; dimtengen dagiti baro.
2 Corinto 5:17
No maiyanak manen ti maysa nga tao isu ket addaan baro a biag. Dakkel
ti nagbaliwan dagiti tignay ken ugalina.
linteg a maibusor kadagitoy. Ket dagiti kukua ni Cristo Jesus pinapataydan
ti kinataoda agraman ti amin a naalas a rikna ken tarigagay. Inikkannatayo
ti Espiritu iti biag; masapul nga iturayanna met ti biagtayo. Ditay koma
agtitinnangsit wenno aggiginnura wenno agiinnapal. Galacia 5:22-26.
Ti bunga ti daan a biag
Mapadasantayo laeng daytoy baro a biag no ipudnotayo ti
kinamanagbasoltayo ken ni Cristo. Kalpasanna, tallikudantayo ti basol
tayo ket agtalektayo Kenkuana. Daytoy baro a biag ket sagot ti Dios.
Daytoy ti kaipapanan ti baro a pannakaiyanak.
Manipud bersikulo 19 agingga 20, ilistam dagiti basol a masarakan iti daan
a biag.
____________________ ___________________ __________________
____________________ ___________________ __________________
____________________ ___________________ __________________
Mabasatayo iti Roma 6:23: Ta patay ti isupapak ti basol; ngem biag nga
1
agnanayon ti isagut ti Dios gapu iti pannakipagmaymaysatayo ken
Cristo Jesus nga Apotayo.
Lagipem a daytoy ti klase ti biag ti maysa nga tao no awan ni Cristo a
Mangisalakan ken Apo ti biagna.
Adalentayo ti daytoy a leksion maipapan ti baro a biag ken ti baro a
kasasaadtayo.
Iladawan ti Biblia ti dua a klase ti kasasaad, ti daan ken ti baro. Ti daan
isu ti biagtayo kasangoanan nga naiyanaktayo a nabaliwan. Ti baro a
kasasaad isu ti biagtayo kalpasan nga naiyanak tayo a nabaliwan.
Nalawag a makita daytoy dua a klase ti kasasad iti Galacia 5:19-26.
Ipalawag ni Apostol Pablo dagiti bunga wenno resulta dagitoy dua a
klase ti biag.
Nalawag a makita ti aramid ti kinatao. Isuda dagitoy: pannakikamalala,
kinarugit, kinaderrep, panagrukbab kadagiti didiosen, panagan-anito,
panagbibinnusor, panagaapa, panagiinnimon, panagpungpungtot,
panagagawa, panagiinnapal, panagbarbartek, nalabes a panagragragsak
ken dadduma pay a kas kadagitoy. Ballaagankayo ita a kas
panangballaagko kadakayo adi a dagiti agaramid kadagitoy didanto
tawiden ti Pagarian ti Dios. Galacia 5:19-21
Ngem ti Espiritu pataudenna ti ayat, rag-o, talna, anus, kinamanangngaasi,
kinaimbag, kinamatalek, kinapakumbaba ken kinamanagteppel. Awan ti
Ti bunga ti baro a biag
Ipakita met ni Apostol Pablo ti langa wenno kababalin to baro a biag.
Basaem manen dagiti bersikulo iti ngato. Adda siyam a baro a kababalin a
masarakam iti baro a biag. Makita dagitoy a kababalin iti biag ti immawaten
ken ni Cristo agsipud ta agnaeden ti Espiritu Santo iti biagna.
__________________
__________________
__________________
___________________
___________________
___________________
__________________
__________________
__________________
Isuratmo ditoy baba dagiti sumagmamano a baro nga kababalin iti namatin
ken ni Cristo.
Kitaem a naimbag ti bersikulo 25: Inikkannatayo ti Espiritu iti biag;
masapul nga iturayanna met ti biagtayo.
Basaem manen ti 2 Corinto 5:17 (masarakan iti pangruggian daytoy a
leksion)
2
Kuna ni Apostol Pablo iti Efeso 4:22-24: Iwaksiyo ngarud ti daan a kinataoyo a
nangidalan iti sigud a panagbiagyo- ti daan a kinataoyo a dinaddadael dagiti
makaallilaw a derrepna. Masapul a naan-anay ti pannakapabaro ti puso ken isipyo.
Ikawesyo ti baro a kinatao a naparsua nga umasping iti Dios, ket maipakita daytoy
iti nalinteg ken nasantoan a panagbiag.
(Mainayon pay ditoy a basaem tapno maammoam ti kaipapanan ti
nagdumaan ti daan ken baro a biag Colosas 3:15-17).
Mapaneknekantayo manipud Biblia nga normal wenno kadawyan laengen
daytoy a kasasaad ti Cristiano. Saanen a mabalin nga agbiag kas ti daan
panagbiagna. Napabaron ti daan a biagna.
Agsipud ta adda kenkuana ti nadiosan a kababalin; kayatna a sawen a saan
nga agbasol gapu ta nayanak iti Dios. Ti nalawag a pakaiggidiatan dagiti
annak ti Dios kadagiti annak ti Diablo isu daytoy: Saan nga anak ti Dios ti
siasinoman a di agaramid iti nalinteg wenno di agayat ti kabsatna.
Basaem a naimbag dagiti balikas iti bersikulo, “kayatna a sawen a saan nga
agbasol.” Saanna nga inbaga nga saanen nga agbasol. Uray no sika ket
Cristianoka, adda pay laeng kenka ti tarigagay a panagbasol. Ti sao nga
agbasol ket gagaraem ti agbasol. Pagay-ayatmo ti agbasol. Itultuloymo ti
agbasol. Saanna a pagay-ayat ti agbasol. Ibainnan ti agbasol.
Ti baro a kasasaad baro met a banbanag dagiti ibungana.
Dagiti ugali wenno kababalin ket nabaliwan aminen
Dagiti tignay ken aramidna ket baro amin.
2. Ti baro a namati ken Cristo ket nawayawayaanen manipud
pannakaadipen ti basol. Agnaeden ti Espiritu Santo iti biagna.
Mabalin a makunam, “Nabalbaliwanakon. Ngem no dadduma kasla
masulisogak nga agbasol. No dadduma ket matinnagak iti basol. Pudno kadi
nga napabaron ti biagko ken maysaakon a Cristiano?”
Kastoy ti pakaammonatayo nga agtaengtayo iti Dios ket agtaeng met
kadatayo; Intedna kadatayo ti Espirituna.
Kasla maupay dagiti kabarbaro nga Cristiano iti kapadasanda – ta iti maysa
nga aldaw, inawatda ni Cristo, ket iti sumuno nga aldaw agbasolda.
1 Juan 4:4- Ngem dakayo annakko, kukuanakayo ti Dios, ket
naparmekyon dagiti sinan-profeta agsipud ta nabilbileg ti Espiritu nga
adda kadakayo ngem ti espiritu nga adda kadagiti taga-lubong.
Normal kadi daytoy? Siak laeng kadi ti makapadpadas iti kastoy?
Mapukawko kadi ti pannakaisalakanko? Nalabit a damagentayo dagitoy a
saludsod iti bagitayo.
Tapno maawatantayo a naimbag daytoy nga marikrikna ti baro a Cristiano,
adalentayo ti relasyon wenno nakainaigan ti sulisog ken basol.
Ti tao naiyanak ken Cristo ket nawayawayaanen manipud ti kinaadipen ti
basol. Dua a kinapudno ti rumbeng a maammoan:
1. Adda baro a kita ti kinatao nga inawat ti tao a namati ken ni Cristo.
Daytoy ket sagot manipud ti Dios. Mabasatayo manipud 1 Juan
3:9-10: Awan agbasol nga anak ti Dios,
Makitatayo ngarud manipud iti Biblia nga ti naiyanak a nabaliwan ket
saanan nga ituloy ti agbasol- agsipudta inted kenkuana ti Dios ti baro a
kasasaad ken ti Espiritu Santo
Kaano tayo nga inawat ti Espiritu Santo? Immay ti Espiritu Santo iti
biagtayo idi kanito nga inawattayo ni Jesus babaen ti pammati. Adda dua
nga bersikulo a mangipalawag ti iyaay ti Espiritu Santo iti biagtayo.
Mabasatayo iti Aramid 11:17 idi a kinunana ni Pedro, “Nalawag nga
inted ti Dios kadakuada ti isu met laeng a sagut a kas iti intedna
kadatayo idi namatitayo ken ni Apo Jesu-Cristo. Siasinoak ngarud a
mangsuppiat iti Dios?”
3
4
Sasawen ditoy ni Pedro maipapan ti sagut ti Espiritu Santo. Agbalin ti Espiritu
nga inaldaw nga kaduatayo nanipud idi nga inawattayo ni Jesu-Cristo iti
biagtayo.
Aramid 10:47 – Inawat dagitoy a tattao ti Espiritu Santo a kas met iti
panangawattayo idi. Adda aya makaiparit iti pannakabautisarda iti danum?
Nalawag unay nga inawatda ti Espiritu Santo idi nga namatida, ken ni Cristo,
kalpasanna, nabautisaranda iti danum.
Makunatayo ngarud – nga saan nga idalan ti basol ti biagtayo. Addaantayon ti
baro ken nadiosan a kasasaad. Addaantayon ti kabarbaro a mangidaldalan – Isu
iti Dios Espiritu Santo.
No kuna ti maysa a tao nga naiyanaken a nabalbaliwan ngem ituloyna nga
aramiden dagidi daan nga basolna, saan a pudno daytoy a naiyanak manen.
Roma 8:39… awan a pulos kadagiti naparsua ti makaisina kadatayo iti
ayat ti Dios s kukuatayo gapu ken Cristo Jesus nga Apotayo.
Ania ti rumbeng nga aramiden ti maysa nga Cristiano no agbasol?
Kastoy ti mabasa iti 1 Juan 1:8-9 – No kunatayo nga awan basoltayo,
6
allilawentayo ti bagitayo ket saan nga agtaeng ti kinapudno kadatayo.
Ngem no ipudnotayo dagiti basbasoltayo, pakawanennatayo ti Dios ken
ugasannatayto iti amin a kinadakes, ta isu mapagtalkan ken nalinteg.
Kuna pay iti 1 Juan 2:1-2 – Annako, isuratko daytoy kadakayo tapno
dikay agbasol. Ngem no adda makabasol, adda mangibabaet kadatayo iti
Ama, Isu ni Jesu-Cristo a nalinteg. Ni Cristo met laeng ti
pakapakawanan dagiti basoltayo, ket saan laeng a dagiti basoltayo, no di
pay ket dagiti basol ti amin a tao.
Agsublitayo iti saludsod. Mabalin kadi a makabasol ti maysa a tao nga
naiyanaken a nabalbaliwan. Wen, mabalin. Ngem saannan nga igagara ti
agbasol.
No ti namati a Cristiano ket agbasol, masapul nga dagus nga ikompesar
wenno ipudnona dayta a basol iti Dios. Direkta nga ipudnona ket
dumawat ti pammakawan manipud iti Dios. Manamnama nga
pakawanen ken ugasan ti Dios ti basolna.
Ti maikadua a saludsod isu daytoy,- Ti kadi immawaten ken Cristo pagayayatna nga ituloy ti agbasol? Ti sungbat ket Saan.
Ania ti kaipapanan ti pannakasulisog?
Idi di pay namati ken ni Cristo, ti basol isu ti mangkonkontrol iti biagna.
Normal ken kadawyan kenkuana ti agaramid iti basol.
Uray ni Jesu-Cristo ket nasulisog
Para iti namatin ken ni Cristo, ti basol isu ti kabusor ti biagna. Saan a paset ti
biagnan daytoy. Saan nga naragsak ti maysa a Cristiano no umay ti basol
kenkuana.
No naiyanak a nabaliwan ti maysa a tao, sabalin ti kaipapanan ti basol
kenkuana. Masair ket mariknana a dagus no isu ket agbasol.
Mapukaw kadi ti Cristiano ti pannakaisalakanna no isu ket agbasol? Saan. Dina
mapukaw ti pannakaisalakan nga naiteden kenkuana. Noman pay kasta,
saan a naragsak, awan kenkuana ti rag-o. No dina ipudno ti basol na iti
Dios mapukaw kenkuana ti ragsak ti pannakaisalakan. Agtalinaed nga
anak ti Dios nga addaan biag nga agnanayon ngem nakapsut ken nasukir
nga anak ti Dios.
5
Mateo 4:1 Inturong ti Espiritu ni Jesus idiay let-ang tapno sulisogen ti
Diablo.
Hebreo 2:18 – Ita, matulonganna, dagiti masulisog, agsipud ta isu a
mismo, napadasanna ti nasulisog ken nagsagaba.
Hebreo 4:15 – Ti kangatoan a paditayo saan a maysa
a di
makipagrikna iti kinakapuytayo, no di ket maysa a napadas iti amin a
kita ti sulisog a kas kadatayo, ngem saan a nagbasol.
Wen nasulisog ni Cristo ngem saan a nagbasol. Ti pannakasulisog ket
saan a basol. Ti pannakatinnag iti sulisog isu ti basul.
6
Kinuna ni Jesus kadagiti adalana, Kinunana kadakuada: “Agpuot ken
agkararagkayo tapno saankayo a matnag iti sulisog. Sisasagana ti
espiritu, ngem nakapuy ti lasag.” Marcos 14:38.
Pudno nga ti sulisog ket saan nga basol. Ngem panunotem met nga
delikado unay ti kanayon a mapan iti lugar nga ayan ti sulisog. Amangan
ketdi no agbasolka. No mabalin naim-imbag no adaywantayo ti sulisog
tapno ditay matnag iti basol.
LAGIPEN KEN PAGSASARITAAN
1.
8. Ti baro a namati ken Cristo ket addaanen ti baro nga ugali ken
kababalin iti biagna. Pudno_______ Saan a Pudno_____
9. Ania dagiti nagbaliwan ti biagmo manipud idi a naiyanakka a
nabaliwan?
10. Ti kadi sulisog ket basol? Wen_____________; Saan __________
Kasano a masulisog ti maysa a tao?
Kasano nga maparmekmo ti sulisog?
Sawen ti Biblia maipapan iti dua a kita ti kasasaad ti tao. Ti umuna
isu ti daan a kasasaad ket ti maikadua isu ti___________ nga
____________________.
2. Ilistam dagiti sumagmamano nga banag a masarakan iti daan a
kasasad. (Galacia 5:19-21)
3. Ibagam no ania daytoy baro a kasasaad. (Galacia 5:22-26)
4. Iti daytoy a leksion, naadaltayo nga ti baro a namati ken Cristo ket
nawayawayaan manipud iti pannakaadipen iti basol. Inawatna
metten ti_________ a ___________ ken ti___________________
nga agnanaeden iti biagna.
5. Kaano nga inawat ti baro a namati iti Espiritu Santo? (Aramid
11:17)________________________________________________.
6. Ti kadi pudno a Cristiano makabasol? (1 Juan 1:8) Wen__ Saan__
7. Iti daytoy a leksion, ania ti rumbeng nga aramiden ti baro a namati
ken ni Cristo no isu ket agbasol? (1 Juan 1:9)
______________________________________________________
7
8
Leksion 2
DAGITI BARO NGA PREBELIHIO
Napateg nga basaentayo ti Biblia agsipudta sawenna maipapan
kadatayo.
Panagadal ti Biblia
Iti libro ti Genesis sawenna nga pinarsua ti Dios ti lalaki ken ti
babai. Iti baro a tulag, sawen ni Apo Jesus iti dua nga mabalin nga
pagturungan ti lalaki ken babai. Ipakitana nga ti tao ket managbasol.
Kasapulanna ngarud iti Mangisalakan. Maadaltayo pay nga iti
pannakabalin iti basol ket mabalin nga abaken wenno parmeken ni
Jesu-Cristo.
Masapul nga adda Biblia iti tunggal namati. No awanka ti Biblia
ipamuspusan tapno maaddaanka iti kabiitan a panawen.
Napateg nga adalentayo ti Biblia agsipudta isuronatayo nga agbiag a
naballigi ken nakristianoan.
Apay nga napateg unay nga agadalka iti Biblia?
Kuna ni Apostol Pablo, Laglagipem a sipud pay iti kinaubingmo,
naammoamon dagiti Nasantoan a Surat, isuda a makaited kenka iti
sirib nga agturong iti pannakaisalakan babaen ti pammati ken
Cristo Jesus. Amin a paset ti Nasantoan a Surat, impaltiing ti Dios,
ket naserbi a pangisuro iti kinapudno, pangbabalaw, pangatur iti
biddut ken pakasursuroan iti nalinteg a panagbiag, tapno awan
pagkurangan ti tao nga agserbi iti Dios, ket sisasagana nga
agaramid iti amin a kita ti kinaimbag. (2 Timoteo 3:15-17.)
Iti biag ti maysa a namati, adu dagiti prebelihio a mangted adu a
ragsak. Adalentayo ita ti dua kadagitoy nga prebelehio isuda a
napateg unay. Dagitoy ket panagadal iti Biblia ken panag-kararag
Napateg unay nga adalem ti Biblia agsipudta isu ti mensahe ti Dios
iti tunggal tao.
Mabasa tayo manipud ti Biblia nga Ta awan a pulos ti padto a
nagtaud iti nakem iti tao. Indalan ketdi ti Espiritu Santo dagiti tatao
nga agsao iti mensahe a naggapu iti Dios. 2 Pedro 1:21
Saan a kadawyan nga libro iti Biblia. Saan nga aramid laeng ti tao.
Sao ti Dios daytoy. Babaen ti Biblia makisao ti Dios kadatayo –
babaen kadagiti tattao nga pinilina iti panakaisurat ti Biblia. Personal
a mensahe ti Dios daytoy para kadatayo amin.
Napateg nga basaen ti Biblia agsipudta sawenna paipapan iti Dios.
Agsipudta annaknatayon iti Dios gapu ti pammatitayo ken ni Cristo,
kayattayo a maammoan dagiti adu nga banag maipapan iti Ama tayo
idiay langit. Manipud ti rugi agingana iti maudi a paset ti Biblia,
isurona kadatayo ti kinasiasino ti Dios, dagiti aramidna, ken ti
panggepna iti biag ti tao. Tapnu maammoantayo maipapan iti Dios,
masapul nga basaen tayo ti Biblia. Napintas unay nga adalen
manipud Biblia maipapan ti kinasanto ti Dios, kinamanangaasina, ti
hustisya ken ti ayatna. Manipud Biblia makitatayo ti langa ti Dios
babaen ti pannakabasatayo maipapan ken ni Jesu-Cristo. Kinuna ni
Jesus, . . Ti nakakita kaniak, nakita na metten ti Ama. (Juan 14:9)
9
Kas maibasar kadagitoy nga bersikulo amin a paset ti Nasantoan a
Surat ket inpaltiing ti Dios ket naserbi nga __________________,
_________________, _______________ ken ________________.
Mammoantayo ngarud nga uray iti ubing ket mabalinnan ti agadal
ken maawatan ti linaon ti Biblia.
Napateg unay nga adalen ti Biblia agsipudta agpaay daytoy nga
naespirituan a taraon iti dumakdakkel nga Cristiano.
Kinuna ni Jesus. Saan laeng a tinapay ti pagbiag ti tao no di man
pay ket ti tunggal sao nga isawang ti Dios. Mateo 4:4
Tapno nasalun-at ti maysa nga tao, masapulna ti taraon. Tapno
nasalun-at ti naespirituan a biag ti maysa nga Cristiano, masapul nga
agbasa ken agadal iti sao ti Dios.
10
Kuna ni Apostol; Pedro, Kaskay la koma kayyanak a maladaga a
kanayon a mawaw iti puro a gatas a naespirituan tapno iti yinumyo
dumakkel kayo ket maisalakan kayo. 1 Pedro 2:2
Kasano ti Panagbasak ti Biblia?
Masapul ti naurnos ken addaan sistema a panagbasa iti Biblia.
Sumagmamano nga tattao ket agbasada laeng ti Biblia no kasla
mayat ti rikriknada. Lukantanda ti Biblia, agbasada ti saggaysa nga
bersikulo iti agduduma nga kapitulo. Daytoy a klase ti panangbasa
ket awanan sistema wenno urnos. No kastoyti panagbasatayo iti
Biblia, bassit a kinapudno ti maadaltayo ket no dadduma
maliwayantayo pay ti agbasa.
Ania ti kaipapanan ti naurnos a plano ti panagbasa ti Biblia?
Para iti baro a Cristiano, nasayaat nu mangrugi ka iti libro ni Mateo,
isu ti umuna a libro ti Baro a Tulag. Inaldaw a mangbasa ka ti maysa
wenno dua a kapitulo. Inton malpas mo ti Mateo, ituloy mo iti libro
ni Marcos, isu daytoy ti maikadua a libro ti Baro a Tulag. Ituloymo
aginggana nga malpas mo amin a basaen ti libro ti Baro a Tulag. No
mangbasa ka ti dua a kapitulo iti inaldaw, mabasam iti amin nga
libro ti Baro a Tulag iti uneg ti 19 nga lawas.
No mabasam aminen nga entero nga Baro nga Tulag nasayaat nu
irugim manen ti libro ni Mateo. Ngem ita irugim metten nga basaen
iti Daan a Tulag. Mangbasaka ti dua nga kapitulo ti Daan a Tulag iti
inaldaw. Maysa met nga kapitulo ti Baro a Tulag ti inaldaw.
Siyempre, irugim ti panagadalmo iti umuna nga libro iti Daan a
Tulag, Genesis.
Isu daytoy ti maaw-awagan nga naurnos a plano ti panangbasa iti
Biblia.
Daytoy koma ti agbalin nga regular nga aramidmo iti inaldaw.
Noman pay kasta, mabalinmo nga nayonan kadagiti sabali pay nga
leksion iti Biblia kas pangnayon ti ad-adu pay a maadalmo. (No
addaanka uray laeng ti Ebanghelio ni San Juan nasayaat unay nu
irugim ti agbasa ti Biblia. Mangbasaka ti maysa nga kapitulo ti
inaldaw. Ituloymo agingga nga mabasam amin ti ebanghelio. No
11
nalpasmon ket awan pay latta ti Bibliam wenno Baro a Tulag, ulitem
manen nga basaen. Masapul nga gumatangka ti bukodmo a Biblia.
Ania pay dagiti dadduma a masapulmo iti naurnos a
panagbasam ti Biblia.
1. Usarem ti Biblia a nalaka a maawatam ti pannakaipatarusna.
2. Agkararagka kasangoanan nga agbasaka ti Biblia. Agyamanka
iti Dios gapu iti Saona. Dawatem Kenkuana nga tulongannaka
nga mangawat ti basbasaem nga sasaona.
3. Napakumbabaka koma. Ti Biblia ket Sao ti Dios. Nagtaud iti
Dios ket dakkel ti pannakabalinna.
4. Ugedam dagiti bersikulo nga adda naisangsangayan nga
kaipapananda.
Kaanu a Basaek ti Biblia?
Kas naurnos ken naplano nga panagbasa, masapul nga adda met
regular nga tiempom.
Tunggal maysa ket nagduduma ti regular nga orasda tapno basaenda
ti Biblia. Ngamin saan nga agpapada ti eskedyul tayo. Kadagiti
dadumma, ti kapintasan nga oras ket iti parbangon – kasangoanan
nga ruggian ti amin nga trabaho iti dayta nga aldaw. Kadagiti sabali,
pilyenda ti oras kalpasan ti pangngaldaw. Dagiti pay daddduma,
kaykayatda ti oras a panagbasa ti Biblia kasangoanan nga maturogda
iti rabii.
Mangpilika ket mangirugika koma iti regular nga tiempom tapno
agbasaka iti biblia. Siguradoem dayta nga eskedyulmo ket dimo
koma liwliwayan. No maliwayam iti maminsan, nalabit nga
dimonton ituloy. Amintayo ket adu dagiti ar-aramidenna. Masapul
ngarud nga ita mangpilika ti kasayaatan nga orasmo tapno agadalka
ti sao ti Apo. Agkararagka ket panunotem koma nga naimbag
daytoy.
12
Irugim ti agikabesa kadagiti bersikulo.
Naimbag nu adu dagiti maikabesam nga bersikulo. No adda napateg
unay nga bersikulo, isuratmo iti papel ket ikomitmo ti bagim dayta
nga bersikulo. Ulit-ulitem nga sawen ti bersikulo iti dayta nga aldaw.
Sigurado nga maikabesam dayta nga bersikulo kasangoanan ti
sumuno nga aldaw.
Mabasatayo iti salmo 119:11, Ti saom indulinko dagiti lintegmo iti
pusok tapno diak agbasol kenka.
Kinuna ni Jesus, “Nagasgasat paydagiti dumngeg ken mangtungpal
iti Sao ti Dios,” Lucas 111:28
Panagkararag
Adalentayo ita ti maysa pay a dakkel ken napateg nga prebelihio ti
maysa a namati ken Cristo. Daytoy a prebelihio ket isu ti
panagkararag. Adda uppat nga saludsod nga sungbatan tayo ti
daytoy nga leksion.
1.
2.
3.
4.
Ania ti kaipapanan ti kararag?
Apay nga agkararag?
Kasano ti panagkararagko?
Kaanoak nga agkararag?
Ania ti kaipapanan ti kararag?
Makisao ti Dios iti tao babaen iti Biblia. Ti tao makisao iti Dios babaen
ti panagkararag. Ti panagkararag isu ti pannakisaotayo iti Dios. Isu ti
pannakilangentayo iti Dios. Isu ti panangusartayo ti napateg a
tiempotayo nga agpaay iti Dios.
No agkararagtayo, makisasaotayo iti Dios. Iti Mateo 6:9, kinuna ni
Jesus, kastoy ngarud ti panagkararagyo: “Amami sadi langit:
madaydayaw koma ti nasantoan a naganmo;
Maadaltayo iti Mateo 6:6 nga, Ngem no agkararagka, sumrekka iti
kwartom, irekepmo ti ridaw, saka agkararag ken ni Amam a di makita.
13
Ket isu a makakita kenka nga agkararag iti nalimed,
gunggonaannakanto.
Ipakita dagitoy nga bersikulo nga ti panagkararag ket isu iti
pannakisaotayo iti Dios. No agkarargtayo, saantayo nga makisasao iti
tao.
Idi naiyanaktayo a nabaliwan, ti Dios nagbalin nga Amatayo. Datayo
ngarud ket nagbalin nga annakna. Mabasatayo iti Juan 1:12-13, Ngem
kadagiti amin nga immawat ken namati kenkuana, inikkanna ida iti
kalintegan nga agbalin nga annak ti Dios. Saanda a nagbalin nga annak
ti Dios kas iti kadawyan a pannakaipasngay ti tao; ta ti Dios a mismo ti
Amada.
Manipud kadagitoy dua nga bersikulo, makita tayo ti nalatak nga
pondasyon ti kararag. Daytoy a pondasyon ket nagrugi idi nga naiyanak
tayo a nabaliwan. Napateg ngarud daytoy nga prebelihio iti namati
agsipudta ti panagkararagna ket naibasar iti relasyonna iti Dios Ama. Ti
panagkararag ket natural nga relasyon ti Ama ken ti anak. Agsipudta ti
Dios isu ti Amatayo, ibagatayo, ibingaytayo, ipakaammotayo Kenkuana
dagiti planotayo, problema, panagyaman ken panagdaywatayo
Kenkuana. Maawagan daytoy a prebelihio ti kararag.
Apay nga agkararagak?
Natural nga aramiden daytoy ti maysa a namati ken Cristo.
Rumangrang-ay ti relasyontayo iti Dios no agkararagtayo. Ti Dios ket
isu ti kadekketan ken mapagtalkan a gayyemtayo. Ngarud, masapul a
makiasaotayo Kenkuana.
Kasano ti panagyaman ko ti Dios iti inaldaw a bendisyon?
Babaen ti panagkararag. Kuna ti Biblia. Kanayon nga agragsakkayo.
Agkararagkayo iti amin a tiempo. Agyyamankayo iti anianman a
kasasaad. Daytoy ti pagayatan ti Dios iti panagbiagyo ken ni Cristo
Jesus. 1 Tesalonica 5:16-18.
Kasano a mapakawanak kadagiti basolko?
14
Babaen ti panagkararag. Kuna ti Biblia. Ngem nu ipudnotayo, dagiti
basbasoltayo, pakawanennatayo ti Dios ken ugasannatayto iti amin a
kinadakes, ta isu mapagtalkan ken nalinteg. 1 Juan 1:9. (Kitaem ti
Salmo 51 – maysa nga ehemplo ti kararag ti pammakawan)
Kasano nga ibagak ti Dios dagiti kasapulak?
Babaen ti panagkararag. Kuna ti Biblia. Umasidegtayo ngarud a
sitatalged iti trono ti Dios a pagtaudan ti parabur tapno magun-odtayo
ti asi ken masarakantayo ti parabur a tumulong kadatayo iti tiempo ti
pannakasapul. Hebreo 4:16
Ngem nu agkurang ti siasinnoman kadakayo iti kinasirib, agkararag
koma iti Dios ket maikkanto. Ngamin managparabur ti Dios ken siaayat
nga mangted iti amin a tao. Santiago 1:5
Apay nga agkararagak?
-
Agsipudta natural nga ti anak ket makisao ti Amana.
Agsipudta masapul nga agyamanak iti Dios.
Agsipudta masapul ko ti dumawat ti pammakawan ti basbasolko.
Agsipudta masapul nga ipakaammok dagiti kasapulak iti Dios.
Uray ni Apo Jesu- Cristo, nagkararag. Agkararagtayo met koma.
Kasano ti panagkararagko?
Kinuna dagiti adalan ni Jesus, . . . Apo, isuronakami man nga
agkararag, . . . Lucas 11:1
Kasangoanan nga insuro ni Apo Jesus dagiti adalanna nga agkararag,
binallaaganna pay ida kadagiti palso wenno saan a rumbeng a klase ti
panagkararag. Kinunana kadakuada, “No agkararagkayo, diyo
tultuladen dagiti aginsisingpet! Igagarada ti agkararag a sitatakder
kadagiti sinagoga ken kadagiti lanlansangan tapno makita ida dagiti
tattao. Laglagipenyo nga inawatdan ti gunggonanada.
Kadagiti panagkararagyo, diyo aramaten ti adu nga awan serserbina a
sao, kas ar-aramiden dagiti pagano a mangipagarup nga ipangag ida ti
Dios gapu kadagiti atiddog a kararagda. Mateo 6:5,7
Intultuloy ni Apo Jesus nga sinuroan dagiti adalanna maipapan ti
panagkararag. Kinunana, Kastoy ngarud ti panagkararagyo:Amami sadi
langit: Madaydayaw koma ti nasantoan a naganmo; Umay koma ti
Pagariam; Matungpal koma ti pagayatam ditoy daga a kas sadi langit.
Itedmo kadakami ti taraonmi ita nga aldaw; Pakawanennakami kadagiti
basbasolmi, A kas ti pammakawanmi kadagiti nakabasol kadakami;
Dinakam iturong iti nakaro a pakasuotan; Ilisinakami ketdi iti
Managdakdakes. Mateo 6:9-13.
Daytoy ti maaw-awagan a modelo a kararag. Maysa a pagtuladan.
Saanna a kayat a sawen nga daytoy ti kararag nga ulit-ulitentayo dagiti
balikasna. No kiatentayo dagiti dadduma nga kararag ni Jesus ken da
Apostol Pablo, maammoantayo nga saanda nga inulit-ulit dagitoy a
balikas. Kayat nga isuro ni Jesus kadagiti adalanna nga ti napudno a
kararag laonenna dagitoy: Panangdayaw iti Dios, panagtulnog iti
pagayatan iti Dios, panagdawat kadagiti inaldaw a kasapulantayo kas iti
taraon, panangipudno kadagiti basoltayo, panagdawat ti tulong tapno
maiyadayotayo ti pagayatan ti Diablo. Dagitoy met koma a banbanag ti
linaon ti kararagtayo a masarakan iti modelo a kararag ni Jesu-Cristo.
Kas baro a namati kasano nga adalek ti panagkararag?
1.
2.
3.
4.
Pigsaam ti agkararag uray no agmaymaysaka.
Agkararagka ti ababa ken simple a kararag.
Iderektam ti kararagmo iti Dios kas agtaud iti pusom.
Makipagkararagka a kaduam ti miembro ti pamilyam wenno maysa
a gayyem.
5. Agkararagka a kanayon kasangoanan a manganka – agyamanka iti
Dios ti tunggal intedna a kasapulam.
No aramidem a kanayon dagitoy, dikanton mabain nga agkararag uray iti
publiko kas iti serbisyo a panagdayaw ken iti miting ti kararag.
15
16
Kasanoak nga agkararag?
Masapul nga agkararag dagus ti baro a Cristiano kalpasan nga inawat na
ni Cristo. Daytoy ti umuna nga kararagna. Nalabit a kastoyti
pannakaisao ti umuna a kararagna, “ Apo Jesus, agyamanak ti
panangisalakanmo kaniak. Amen.”
Ti managyaman a Cristiano ket rumbeng nga agkararag tunggal
kasangoanan a mangan.
Naimbag unay nu agbalin nga ugali ti maysa a namati ti agkararag
kasangoanan nga irugina ti aldawna. Aramidenna daytoy tapno
dawatenna ti panangidalan ken panangsalaknib ti Dios kenkuanan.
Agkararag pay ti Cristiano kalpasan ti panangserra iti aldaw
kasangoanan a maturog. Masapul nga agyaman iti namati ti
panangsalaknib ken panangidalan kenkuana ti Apo iti agmalem.
Daytoy nga plano ti panagkararag ket tulongannaka tapno mairuam nga
agkararagka ti maminlima a regular iti inaldaw. No inaldaw nga
aramidem daytoy agbalinen a kadawyan ken natural nga paset ti biagmo
ti panagkararag. Urayno anian ti ayanmo wenno ar-aramidem,
mabalinmon ti agkararag.
No tarigagayan ti Cristiano ti dumakkel ken nasalun-at naespirituan a
panagdakkel ken kinasalun-at, masapul nga agbasa ka ti Bibliam ken
agkararagka a regular. No addanka iti Biblia, nasayaat nu basaem
dagitoy nga bersikulo maipapan iti kararag. (Daniel 6:10, Mateo 18:20,
Mateo 26:41, Lucas 18:1, 1 Tesalonica 5:17, Mateo 7:7, Marcos 11:25, 1
Juan 5:15)
3. Pagsasaritaanyo no apay nga importante unay iti naurnos ken
naplano nga panagadal iti Biblia.
4. Malpasmo a mabasa ti Baro a Tulag iti uneg ti 19 a lawas no la ketdi
mangbasa ka ti _____ nga kapitulo iti inaldaw.
5. Mabalinmo kadin nga irugi nga basaen ti Bibliam iti inaldaw? Wen
_____________; Saan pay _____________.
6. No wen ti sungbatmo, ania nga libro ti pangruggiam a basaen? Mano
a kapitulo ti basaem iti inaldaw?
7. Ania nga oras wenno tiempo a basaem ti Bibliam?
8. Apay nga napateg nga agikabesa kadagiti bersikulo iti Biblia?
9. Ania ti kaipapanan ti kararag?
10. Makisasaotayo iti _____________ no agkararagtayo?
11. Apay nga masapul nga agkraragti maysa a namati?
12. Ti pangawag ti kararag a masarakan iti Mateo 6:9-13 ket _______.
13. Naadaltayo manipud daytoy a leksion nga ti namati ket mabalinnan
ti agkararag nga direkta iti Dios. Pudno _____ Saan a Pudno ______
14. Inaganam dagiti 5 a nasayaat a tiempo a panagkararag ti maysa a
Cristiano.
LAGIPEN KEN PAGSASARITAAN
1. Naadaltayo iti daytoy a leksion maipapan iti dua a dakkel nga
prebelihio ti maysa a Cristiano. Aniada dagitoy? _________ ti
______________ ken ___________________________.
2. Ilistam ditoy baba ti lima nga rason apay nga importante nga basaem
iti Biblia.
17
18
Dakkel ti nagdumaanda iti namatin ken ni Jesus. Uray matay ti maysa a
Cristiano isu ket addaan namnamana. Sawen ni Apostol Pablo daytoy iti
1 Tesalonica 4:13-18:
Leksion 3
TI BARO A NAMNAMA
Kasangoanan nga naiyanaktayo a nabaliwan, awanantayo ti namnama.
Mabasa iti Efeso 2: 12-14 idi kinuna ni apostol Pablo, “ Naisinakayo idi
ken Cristo. Ganggannaetkayo idi ket saankayo a naibilang kadagiti
napili a tattao ti Dios. Awan ti nakaibianganyo idi kadagiti tulag a
naibatay kadagiti kari ti Dios kadagiti tattaona. Nagbiag kayo ditoy
lubong nga awanan namnama ken awanan Dios. Ngem ita, babaen ti
pannakipagmaymaysayo ken ni Cristo Jesus, dakayo a naisina idi,
nayasidegkayo babaen ti ipapatay ni Cristo. Ta mismo a ni Cristo ti
nangyeg iti kappia kadatayo babaen ti panamagkaykaysana kadagiti
Judio ken Gentil. Rinebbana ti pader a namagsina ken namagbinnusor
kadagitoy a tattao.
Ti tao nga saan pay a naiyanak a nabaliwan ket agbibiag nga awanan
namnama. Awan ti magun-odna a namnama ti biag nga agnanayon idiay
langit.
Ti laeng tao a naiyanak manen ti maaddaan ti namnama. Mabasa tayo
daytoy a baro a kita ti namnama iti 1 Pedro 1:3-4: Madaydayaw ti Dios
ken Ama ni Apotayo a Jesu-Crsito! Gapu iti dakkel a kaasina
naipasngaytayo iti baro a biag babaen ti panagungar ni Jesu-Cristo.
Sibibiag a namnama ti impaay kadatayo daytoy a baro a biag.
Namnamaentayo ngarud a tawidentayo dagiti nawadwad a bendision a
di agrupsa, di madadael wennu mapukaw nga iduldulin ti Dios sadi
langit a maipaay kadagiti tattaona.
Gapu iti baro a biag a napnoan namnama. Ditayo ngarud liplipatan ti
agyaman iti Dios. Ti Dios ti pagtaudan ti baro a biag ken ti baro a
namnama.
No makipamunpontayo iti maysa nga di pay namati ken ni Cristo Jesus
isu ken dagiti kakabagyanna ket nalawag nga awananda ti namnama.
19
Kakabsat, kayatmi a maammoanyo ti pudno maipapan kadagiti natayen,
tapno dikayto agladingit a kas kadagiti awanan namnama. Mamatitayo
a natay ni Jesus ngem nangungar met laeng. Isut gapuna a patientayo a
ti Dios paikuyognanto ken ni Jesus dagiti natay a nagatalinaed iti
pammati kenkuana.
Daytoy ti pannursuro ti Apo nga ibagami kadakayo: inton aldaw nga
iyaay ti Apo, datayo a sibibiag ditayto unaan dagiti natayen. Addanto
maipukkaw a bilin; agtimekto ti pangulo dagiti angheles; aguninto ti
trumpeta ti Dios, ket ti Apo a mismo bumabanto manipud langit.
Umunanto nga agungar dagiti natay a nagtalinaed iti pammati ken
Cristo. Kalpasanna, datayo a sibibiag iti dayta a tiempo, maurnong
tayto a maikuyog kadakuada iti ayan dagiti ul-ulep tapno sabtentayo iti
Apo idiay tangatang. Iti kasta, kanayonton nga addatayo iti denna ti
Apo. Aglilinniwaliwakayo ngarud babaen dagitoy a sao.
Insarita mismo ni Apo Jesus kadagiti adalanna. Kinuna ni Jesus
kadakuada: “Saankayo a madanagan ken mariribukan; mamati kayo iti
Dios, mamatikayo met kaniak. Adu ti pagyanan idiay balay ni Amak, ket
innak mangisagana iti pagyananyo. Diak koma ibaga daytoy kadakayo
nu saan nga pudno. Kalpasan iti papanko pinangisagana iti
pagyananyo, umaykayto alaen tapno addakayo met iti yanko.” Juan
14:13.
Isuro ni Apostol Pablo idiay 1 Corinto 15:12-14 ken 17-20 maipapan iti
namnama ken panagungartayo:
Ita, yantangay ta ikaskasabami ti pannakapagungar ni Cristo, apay a
kuna ti sumagmamano kadakayo a saan a mapagungar dagiti natay? No
saan a mapagungar dagiti natay, saan ngarud a mapagungar ni Cristo.
Ket nu saan a napagungar, awan ngarud ti serserbi ti ikasabami, kasta
met ti pammatiyo.
No di mapagungar ni Cristo, awan serserbi ti pammatiyo ket
sibabasolkayo pay laeng. Kayatna pay a sawen a napukawen dagiti
natay a nagtalinaed ti pammatida ken Cristo. No agpaay laeng iti
20
daytoy a biag ti namnamatayo ken Cristo, ket awanen sabali, datayo
dagiti nakakakaasi unay kadagiti amin a tao ditoy lubong. Ngem iti
kinapudnona, napagungar ni Cristo kas pammatalged a mapagungarto
met dagiti matmaturog iti tanem.
Baeten ti kadakkelan a kabusor ti tao, uray ni patay, ti namati ken Crsito
ket addaan namnama. Saan ngarud nga masapul nga agbuteng ti
Cristiano maipapan iti masakbayan. Tunggal namati ket addaan balligi
uray umay kenkuana ni patay.
Saantayo laeng nga naikkan ti namnama iti masakbayan no ket addaan
tayo pay ti namnama iti agdama a biag. Ipagaruptayo nga ti biag nga
agnanayon ket mangrugi a mapasamak nu natayen iti tao. Saan a pudno
dayta. Basaem daytoy a bersikulo tapno maamoam no kaanon a
mangrugi a nagun-od ti maysa a tao ti biag nga agnanayon. Kuna ti Juan
5:24 – Ibagak ti pudno kadakayo Ti siasinnoman a dumngeg kadagiti
soak ken mamati iti nangibaon kaniak, maaddaan iti biag nga
agnanayon. Saanton a maukom, no di ket nalasat nan ni patay ket
simreken iti biag.
Isuro daytoy a bersikulo nga mangrugi a mapadas ti maysa a tao ti biag
nga agnanayon apaman nga mamati ken Jesu- Crsito. Agtultuloy daytoy
a kapadasan uray agingga kalpasan iti pisikal nga ipapatay.
Nangrugi a naaddaantayo ti namnama idi nangngegtayo ti Naimbag a
Damag ni Jesus ket inawattayo kas Apo ken Mangisalakan iti biagtayo.
Mabasatayo iti Colosas 1:23, masapul ngarud nga agtalinaed kayo a
natibker ken natalged iti pammati, ket diyo itulok a maisinakayo iti
namnama a nagun-odyo idi nangngegyo ti ebanghelio.
Gapu iti baro a namnama a nagun-odtayo, maaddaantayo met ti baro a
kita ti panagbiag iti inaldaw. No ti agassawa ket maiyanakda a
mabaliwan, ad-adda a naragragsak ti relasyon ti panagtimpuyogda iti
matrimonia. Adda baro a kita ti ayat ken panagpinnateg. Adu dagiti
madadael nga pamilya agsipudta ti ama ket busbosenna ti oras ken
kuartana ti sugal, panagbartek ken dadduma pay a bisyo. Nu dadduma
ket addaan pay iti relasyon iti sabali a babai ket awanen ti tiempona para
21
iti asawana ken dagiti annakna. Maysa a kita daytoy ti awanan namnama
nga pamilya. Ngem babaen ti asi ken ayat ti Dios, palubosanna ti tunggal
tao nga dumngeg iti Naimbag a Damag. Ti tao ket agbabawi kadagiti
basolna ket agtalek a maminpinsan ken Jesu-Cristo. Mangrugi ditoy ti
namnama ti agassawa nga agtalek ken ni Cristo mangrugi kadakuada ti
namnama ken naragsak a pagtaengan.
Awanan namnama ti maysa nga agtutubo nga nagpaadipen kadagiti
maiparit nga agas. Kas maysa nga addict awan serserbi ti biagna.
Awanan ragsak ket kanayon a mabutbuteng. Isuna ti maaw-awagan nga
nangisit nga karnero iti pamilya. Ngem ti Dios nga manangngaasi ket
ay-ayatenna dayta nga tao. Dayta nga agtutubo ket nangngegna ti
Naimbag a Damag maipapan ken Jesu- Cristo. Nagtalek ket inawatna ni
Jesus nga Apo ken Diosna. Nangrugin ti namnama iti biagna. Nagbalin a
baro a parsua. Dagiti daan ken dakes nga ugalina ket nasuktan kadagiti
naimbag ken baro a tarigagay ti panagbiag.
Adda maysa nga negosyante. Kuarta laeng iti adda ti panunot na. Ti
kinalatak, panagballigi ti negosyona ken ti ad-adu pay a kuarta – dagitoy
ti diosna. Awanan tiempo wenno orasna para iti pudno a Dios. Uray iti
pamilyana ket mabaybay – anna metten. Tunggal minuto ket negosyo…
no mapan maturog ken ti panangriingna, kuarta ken negosyo laeng ti
adda iti panunotna. Ngem maysa nga aldaw adda napan kenkuana iti
opisinana nga maysa nga namati ken Cristo. Inbingayna iti daytoy a
negosyante no kasano ti maiyanak a mabalbaliwan. Daytoy nga
negosyante, baeten ti bannog, pupuyat ken dagiti adu nga asikaswenna
nga trabahona ket nagbabawi, inawatna ni Cristo ti pusona. Ti dayta a
tiempo, nangrugi ti namnama ti biagna. Dakkel ti balor wenno gated
daytoy nga namnama nga di mabayadan ti adu a kuarta.
Dagitoy dagiti sumagmamano nga ehemplo ti baro nga namnama no ti
maysa nga tao ket mangngegna maipapan ken ni Cristo ket awaten na
kas Mangisalakan ken Apo ti biagna. Makunatayo ngarud nga adda
dakkel nnga namnama iti biag ti maysa nga tao no agtalek ken ni Jesu –
Cristo. Uray ita mabalin a magun-od daytoy a namnama.
Daytoy a namnama ket masarakan laeng iti Dios. Maadaltayo iti 1 Pedro
1:21 nga Babaen kenkuana, mamatikayo iti Dios a namagungar
kenkuana ken nangted iti dayagna: iti kasta, ti pammati ken namnamayo
addada iti Dios.
22
1. Ti namati ken ni Cristo ket mabalinna nga sangoen ni patay gapu ta
addaan namnama.
2. Ti baro a namnama ket mangrugi iti biag ti maysa nga tao no agtalek
ken awatenna ni Cristo iti biagna.
Ania ti kaipapanan ti sao nga agnanayon? Temporaryo kadi laeng
daytoy? Apagbiit laeng kadi? Kayatna kadi a sawen nga agingga nga
agbasolka ti saanna a pannakapukaw? Saan, saan a dagitoy ti kayatna a
sawen. Ti sao nga agnanayon ket awan patinggana. No kunatayo nga
mapukaw wenno agpatingga daytoy a pannakaisalakan nga inted ti Dios,
pinagbalintayo ngarud nga ulbod ni Jesu-Cristo. Saan a mabalin nga
agulbod kadataayo ni Apo Jesus.
Adalentayo ita ti maysa a saludsod a kanayon nga damagen dagiti baro a
namati ken ni Cristo. Kunada – No naiyanakak manen, ket makabasolak,
mapukawko kadi ti pannakaisalakanko? (Wenno adda kadi natalged a
namnama ti maysa a namati?
Kanayon nga inusar ni Jesu-Cristo daytoy a panagsasao. Ti sao nga
agnanayon a biag ipakitana ti baro a biag ti namati. No addaanka iti
Biblia, basaem daytoy a bersikulo ugedam dagiti sao nga agnanayon a
masarakam. Juan 3:15-16, Juan 8:12, Juan 10:28, 1 Juan 5:13.
Naadaltayo iti immuna a leksion nga possible nga agbasol ti namati
kalpasan nga naiyanak a nabaliwan. Patien dagiti dadduma nga
mapukawda ti pannakaisalankanda no makaaramidda iti basol. Saan a
pudno daytoy. No kastoy ti pammatim a mapukawmo ti pannakaisalakan
nga inted ti Dios kenka, awananka ngarud ti namnama. Awan serbi ti
maysa nga relihion nga saan nga sigurado dagiti-isursurona. Sino kadi ti
mangayat iti pannakaisalakan no mabalin met la gayam a mapukaw?
No ti tao ket naiyanaken a nabaliwan, naikkan metten ti biag nga
agnanayon. Kinuna ni Jesus iti Juan 10:28-30. Ikkak ida iti biag nga
agnanayon, ket pulos a didanto matay. Awan ti makarabsut kadakuada
kaniak. Natantan-ok ti inted kaniak ni Amak ngem dagiti isuamin ket
awan ti makarabsut kadakuada iti panangaywan ti Ama. Ti Ama ken siak
maymaysa.
Naadaltayo ti daytoy a leksion nga:
Isuro ti Biblia nga naiyanaken a nabaliwan ti maysa nga tao, inton
kaanoman dina mapukaw ti pannakaisalakanna agsipudta adda kenkuana
ti baro ken agnanayon a biag.
Panunutem a naimbag daytoy nga insuro ni Apo Jesus, Ibagak ti pudno
kadakayo: Ti siasinoman a dumngeg kadagiti saok ken mamati iti
nangibaon kanyak, maaddaan iti biag nga agnanayon. Saanton
maukom, no di ket nalasatanna ni patay ket simreken iti biag. Juan 5:24
Adda dua a rumbeng nga aramiden ditoy kasangoanan nga ti maysa nga
tao ket maaddaan ti biag nga agnanayon.
1. Denggem ti Naimbag a Damag maipapan ken Cristo
2. Mamatika wenno agtalekka ken Cristo laeng.
No inaramid ti maysa a tao dagitoy dua a banag, maaddaan ti biag nga
agnanayon.
23
Adda mensahe ti natalged a namnama ti namati ken ni Cristo iti daytoy a
bersikulo a nabasa tayo. Ugedam dagiti sao nga agnanayon, biag,
didanto matay, awan makarabsut.
Kuna ti Biblia kas insurat Apostol Pablo: Ania ngarud ti makabalin a
mangisina kadatayo iti ayat ni Cristo? Ti riribuk? Ti rigat? Ti
pannakaidadanes? Ti bisin? Ti kinapanglaw? Ti peggad wenno ti
patay?. . . . Saan! Uray adda dagitoy, agballigitayo nga agballigi gapu
kenkuana a nagayat kadatayo! Ta siguradoak nga awan makaisina
kadatayo iti ayatna: Ti patay man wenno ti biag, dagiti anghelesman
wenno dagiti sabali a nailangitan nga agturay wenno pannakabalin; ti
agdama man wenno ti lubong nga adda ditoy baba – awan pulos
kadagiti naparsua ti makaisina kadatayo iti ayat ti Dios a kukuatayo
gapu ken Cristo Jesus nga Apotayo. Roma 8:35, 37-39 (Basaem manen
dagitoy nga bersikulo ket ugedam dagiti sao nga mangipakita nga adda
natalged nga namnama ken biag nga agnanayon iti maysa a namati.)
24
Kalpasan nga inlista ni Apostol Pablo dagitoy nga banag a kapadasan ti
namati, inyunay unay ni Pablo nga awan kadagitoy ti mabalin a
mamagsina ti ayat ti Dios kadagiti namati ken ni Jesu-Cristo. Napateg
unay a mensahe ti namnama ken talged ti pannakaisalakan ti
maadaltayo.
Ilawlawagtayo. Idi a naiyanaktayo a nabaliwan, nagbalintayo nga paset
ti pamilya ti Dios. Mabasatayo iti Juan 1:12 nga Ngem kadagiti amin
nga immawat ken namati kenkuana, inikkanna ida iti kalintegan nga
agbalin nga annak ti Dios.
Kaspangarigan, idi a naiyanakka a pisikal, nagbalinka a kameng wenno
miembro ti maysa a pamilya. Naaddaanka ti ama ken ti ina. Ngem iti
pannagdakkelmo ket nakabasolka kada tatang ken nanangmo, kayatna
kadi nga sawen nga saandakan nga ibilang nga anak? Anakda ka pay
laeng, uray no sika ket nakabasol kadakuada.
Wen – dakes ka man wenno naimbagka nga anak agtalinaedka latta nga
anakda. Pudno nga saan nga naragsak da tatang ken nanangmo ti
kinasukirmo ngem ibilangdaka latta nga anakda. Nalabit nga gimmuraka
ket pimmanawka iti balayyo. Saanmo kadin ida nga ama ken ina? Isuda
latta ti nagannak kenka, ngem ti ragsak ti timpuyogyo ket kasla
nadadael. Saan nga naimbag nga aramid ti maysa nga anak ti agsukir
kadagiti dadakkelna. Kasta met kadagiti mamati – saan a naimbag nga
agsukirtayo iti Dios nga Amatayo – ngem uray no maaramid daytoy ket
ti maysa nga namati nagbasol, saanna nga napukaw ti relasyonna a kas
maysa nga anak.
Lukatam ti bibliam iti Salmo 51. Basaem ti bersikulo 1-13. Daytoy ti
kararag ni David idi nga dimmawat ti pammakawan manipud ti Dios.
Kuna ni David iti bersikulo 8, “punnoennak iti rag-o ken ragsak.” Iti
bersikulo 12 kuna ni David, “Isublim kaniak ti rag-o ti
panangisalakanmo.
Nagbasol ni David. Inpudnona ti basolna iti Dios. Saan nga dimmawat
manen ni David ti pannakaisalakan. Dumawdawat ketdi ti rag-o ti
pannangisalakan nga nalpas nga inted ti Dios kenkuana.
25
Ti ngarud pannakaisalakan ket maminsan laeng nga mapasamak iti biag
ti maysa nga tao. Dayta nga tiempo ket idi inawatna, ni Jesus iti pusona.
Ngamin – no maiyanak a mabaliwan ti maysa a tao, magun-odna metten
ti biag nga agnanayon, ket inton kaanoman dinto maukomen.
Saanna kayat a sawen nga libretayo nga agbasol gaputa naisalakantayon
nga agnanayon. Ti pudno a mamati ken ni Cristo ket saanna a sawen
daytoy nga “ Mabalinko ti agbasol ken agaramid ti dakes. Saanen a
kadawyan kenkuana ti agbasol ken agaramid ti dakes, saan a bali ta
mapanak met idiay langit. “ Ti pudno a mamati ken ni Cristo ket saanna
a pagay – ayat ti agaramid ti dakes. Saanen a kadaywan kenkuana ti
agbasol kas iti daan a biagna. Mabutengen nga agbasol ket adaywannan
ti pannakasulisog. Gapu ti parabur ken asi ti Dios kenkuana,
mapanunotna ti agbiag a sumurot ti pagayatan iti Dios – gaputa
addaanen ti biag nga agnanayon.
Ti mamati ket addaan namnama uray no umay ni patay kenkuana.
Ti mamati ket addaan namnama uray iti inaldaw a panagbiagna.
Ti mamati ket addaan ti namnama ti natalged ken agnanayon a biag.
LAGIPEN KEN PAGSASARITAAN
1. Ti paggapuan ti namnama ti maysa a namati ket ______________.
2. Ania ti nagdumaan ti pannakaipunpon ti maysa a mamati ken ti saan
a mamati?
3. Kas maibasar iti leksiontayo, ania ti mapasamak kadagiti mamati
inton agsubli manen ni Apo Jesus? (Juan 14: 1-3)
4. Ania ti mangpaneknek nga dagiti mamati ket mapagungardanto? (1
Corinto 15:12-14, 17-20)
5. No matayka ita, ania ti papanan ti kararuam? _____________.
Siguradoka kadi? Wen ____________, saan pay_____________.
6. Mabasa ditoy a leksion ti sumagmamano nga ehemplo dagiti tattao
nga naikkan ti baro a namnama ti biag gapu ta inawatda ni Cristo iti
26
biagda. Kasano met nga napadasam daytoy baro a namnama iti
biagmo, iti pamilyam wenno iti biagyo nga agassawa. Naiyanakka
kadin a nabaliwan?
7. Addaan kadi ti natalged a namnama ti tunggal mamati nga isu ket
agnanayonto nga agnaed diay langit? Wen _______, Saan_______.
8. Inusar ni Apo Jesus ti sao nga ____________________ nga ti
kaipapananna ket baro a biag. (Juan 10:28)
9. No isagutannaka ti Dios ti pannakaisalakan, kaano ti kabayagna nga
matagikuam dayta a sagot? ___________________________
10. Ti sao nga agnanayon kayatna a sawen: awan patinggana
_______________________, temporaryo laeng _______________
11. Saan a napukaw ni David ti pannakaisalakanna. Napukawna laeng ti
______________ ti pannakaisalakan gaputa adda _____________
nga inaramidna.
12. Ania ti mabalin a makisina ti ayat ti Dios iti mamati? ____________
Basaem manen ti roma 8:35, 37-39.
28
27
Leksion 4
TI BARO A RELASYONTAYO
Adalentayo ti daytoy a leksion a maipapan ti baro a relasyon tayo kas
napadas ti tunggal mamati. Uppat amin dagitoy ket mapasamakda no
maiyanak a mabaliwan ti maysa a tao:
1.
2.
3.
4.
Relasyontayo iti Dios kas annakna.
Relasyontayo iti pamilyatayo.
Relasyontayo iti Nakristianoan a pamilyatayo – ti Iglesia
Relasyontayo iti lubong- dagiti di pay namati.
Ti Baro a Relasyontayo iti Dios
Mabasatayo manipud Biblia:
Kasta met idi kadakayo. Namati kayo ken Cristo idi nangegyo ti pudno a
mensahe. Inyeg ti Naimbag a Damag ti pannakisalakanyo. Efeso 1:13
Ngem kadagiti amin nga immawat ken namati kenkuana, inikkanna ida
iti kalintegan nga agbalin nga annak ti Dios. Juan 1:12
Annaknakayo amin ti Dios babaen ti pammati gapu iti
pannakipagmaymaysayo ken Cristo Jesus. Galacia 3:26
Inkeddengen ti Dios a babaen ken Jesu – Cristo pagbalinennatayo nga
annakna. Daytoy ti pagayatan ken panggepna. Efeso 1:5
Saankayo idi a tattao ti Dios, ngem ita tattaonakayon. Diyo ammo idi ti
kaasi ti Dios, ngem ita inawatyon ti kaasina. 1 Pedro 2:10
Anian a nagdakkel ti panagayat ti Ama kadatayo! Wen, kasta unay ti
panagayatna kadatayo ta maawagantayo nga annak ti Dios, ket pudno a
kasta. 1 Juan 3:1
Idi nga inawattayo ni Jesu – Cristo nga apo ken Mangisalakantayo
nagbalintayo nga annak ti Dios – tattaonatayon ti Dios. Kasangaonan
nga naiyanaktayo a nabaliwan, ammotayo laeng ti Dios iti panunottayo –
awan pay idi ti personal nga pannakpadastayo kenkuana iti biagtayo.
29
Dakkel ti nagdumaan ti pannakaammotayo laeng iti panunot ken iti
personal a panangawattayo Kenkuana. Ania ti kaipapanan daytoy a baro
nga relasyontayo iti Dios iti personal?
1. Kayatna a sawen nga inaldaw nga idalannatayo ti Espiritu ti Dios iti
nasantoan ken managayat a Dios. Mabasatayo ti Roma 8:14 nga
Annak ti Dios dagiti idalan ti Espiritu ti Dios. Kayatna nga sawen
nga palubosantayo ti Espiritu ti Dios a mangidalan ti panagbiagtayo,
pagtalkantayo ti Dios nga aramidenna ti inkarina. Agkararagtayo iti
Dios no adda aniaman a desisyon nga aramidentayo. Mabalin a
dayta a desisyon ket maipapan iti panagbasam iti kolehio, ti
trabahom, wenno iti panagassawa. Bassit man wenno dakkel nga
banag, interesado ti Dios a mangidalan ken tumulong kenka.
Idalannatayo babaen ti Esperituna. Kayatna a sawen nga ti Dios
mismo ti agbalin nga Ulo ti pagtaengam, ti negosyom, ti
panagiskuelam, ti trabahom, ti rekresyon, ken ti amin a paset iti
biagmo. Ti Dios ti mangidalan – datayo ti sumurot. Agbalin a
naragragsak pay ti biag ti maysa a namati no aramidenna dagitoy.
2. No annaknatayo ti Dios kayatna a sawen nga nawaya – wayaantayon
manipud ti panagbuteng.
Mabasatayo iti Roma 8:15 nga, Ta saannakayo a pagbalinen a
tagabu ti Espiritu nga inted ti Dios kadakayo. Saannakayo met a
pagbutngen.
Kas anna ti Dios saantayo kuma nga agbuteng no umay dagiti
kalamidad ken krisis iti biagtayo. Kas annak ti Dios ditayo koma
agbuteng no kasla ditay makita iti balligi. Gaput pammati, ti
immawaten ken Cristo ket awanen kenkuana ti panagbuteng.
3. No annaknatayon iti Dios, kayatna a sawen a direkta a makapantayo
iti Dios nga Amatayo. Mabasatayo iti Roma 8:15 nga . .
Pagbalinenkayo ketdi nga annak ti Dios, ket babaen ti pannakabalin
ti Espiritu, umawagtayo iti Dios a kunatayo, “Ama!”
Ti Efeso 3:12 kastoy ti kunana, Iti pannakipagmaymaysa tayo
kenkuana ken babaen ti pammatitayo kenkuana, adda
wayawayatayo nga umasideg a sitatalged iti sangoanan ti Dios.
30
Dakkel daytoy a prebilihio dagiti napili a tattao ti Dios. Datayo nga
annakna. Saanen nga kasla idi nga maysa laeng a rabak ti sao nga
Dios. Idi kasla adayo unay ti Dios kadatayo. Ita, isun ti nagbalin nga
naayat nga Amatayo – nga adda mismo kadatayo iti amin a
pannakabalinna.
4. Itan ta annaknatayon ti Dios, addantayon ti manayon a panagballigi.
Mabasatayo iti Roma 8:16-17, 28, Makidanggay ti Espiritu ti Dios
kadagiti espiritutayo a managipakaammo nga annaknatayo ti Dios.
Agsipud ta annaknatayo, tawidentayto dagiti iduldulinna a
bendision nga agpaay kadagiti tattaona. Makipagtawidtayo met ken
Cristo kadagiti indulin ti Dios nga agpaay kenkuana . . . . . . .
Ammotayo a kadagiti amin a banag makipagtrabaho ti Dios iti
pagimbagan dagiti agayat kenkuana, kadagiti inayabanna kas
mayannurot iti panggepna. (Basaem manen dagitoy nga bersikulo
tapno maawatam a naimbag ti kaipapanna.)
Ti umuna ken kapatgan nga relasyon ti maysa a mamati ket relasyon
ti ama ken ti Anak.
Ti Baro a Relasyontayo iti Pamilya
No sika laeng ti maymaysa nga namati iti pamilyayo nalabit nga
kasla marigatanka a makibagay kadakuada. No ti maysa nga anak
ket isu laeng ti naiyanak a nabaliwan, no dadduma ket narigat a
maawatan dagiti nagannak. Mabalin a kunada nga “apay, sinukatam
metten ti dati nga relihionmo?” No dadduma ket papanawen dagiti
nagannak ti anakda nga immawat kenni Cristo gapu ta dida
maawatan ti napasamak iti anakda. No dadduma ket butngenda ket
saandan nga tulongan ti anakda iti panagadalna iti kolehio.
Makitatayo pay daytoy a mapasamak iti biag dagiti agassawa.
Narigat unay no laeng babai ti naisalakan ket saan pay a naiyanak a
nabaliwan ti lalaki.
Kanayon a dida agkaaawatan. Inpalagip ni Jesus daytoy a
mapasamak kadagiti pamilyatayo.
Mabasatayo iti Mateo 10: 34-38 idi a kinuna ni Apo Jesus: Diyo
iparagup nga immayak mangyeg iti kappia no di ket kampilan;
Immayak tapno pataudek ti ibubusor dagiti annak a lallaki kadagiti
ammada, dagiti annak a babbai kadagiti innada, dagiti manugang a
babbai kadagiti katuganganda a babbai. Ti kabusor isu met laeng ti
familiana.
Ti dakdakkel ti panagayatna iti ama wenno inana ngem ti
panagayatna kaniak, saan a maikari kaniak; ti dakdakkel ti
panagayatna kadagiti annakna ngem ti panagayatna kaniak, saan a
maikari kaniak. Siasinoman a di mangibaklay iti krusna ken sumurot
kaniak, saan a maikari kaniak.
Kadagitoy nga bersikulo, isursuro ni Apo Jesus nga adda umay nga
saan a panagkikinnaawatan kadagiti miembro ti pamilya tayo,
kadagidiay nga immawat ken saan nga immawat ken ni Jesu –
Cristo. Saan nga ni Apo Jesus ti mangdadael iti pamilya. Ngem
dagidiay nga saan nga mamati ken mangawat kenkuana isuda ti
mangadadael ti pamilya. No amin koma a miembro ti maysa a
pamilya ket awatenda ni Jesus iti biagda, awan koma ti gulo ket
adda panagkikinnaawatan iti uneg ti pagtaengan.
Ania ti aramiden ti maysa kabarbaro a namati no dagiti kakabagyanna
ket dida maawatan nga isu ket inawatna ni Cristo?
1. Noman pay kaguradaka dagiti kakabagyam gapu iti pammatim ken
ni Cristo, kanayon koma a lagipem a naragsakka ta adda Cristo iti
biagmo.
“Nagasat dagiti maidadanes gapu iti panagtungpalda iti pagayatan
ti Dios, ta kukuada ti Pagarian ti Langit. Nagasatkayo no
pabpabainan, idaddadanes ken padpadaksendakayo gapu kaniak.
Agrag-o ken agragsakkayo, agsipud ta dakkel ti gungonayo sadi
langit . . . Mateo 5:10-12
2. Maawatam koma nga pannakaidadanes ket naipadto nga maaramid.
Kuna ni Jesus . . . . No indadanesdak, idadanesdakayto met. . . . Juan
15:20
32
31
3. No idadanesdakayo, dika agibales, ayatem ketdi ida. Kinuna ni
Apostol Pablo, iti Roma 12:14, Bendisionanyo dagiti mangidadanes
kadakayo; wen, bendisionanyo, a saanyo ket nga ilunod ida.
4. Anusam ken kanayon nga ikararagmo dagidiay nga miembro ti
pamilyam nga di pay namati. Kuna ni Apo Jesus . . . . Ayatenyo
dagiti kabusoryo ket ikararaganyo dagiti mangidadanes kadakayo.
Mateo 5:44
Dadduma nga naiyanak nga nabaliwan ket mapadasda ti dakkel nga
ragsak a kadakuada dagiti kakabagyanda. Maysa a naragsak nga
aldaw para kadagiti Cristiano a nagannak no ti anakda ket maiyanak
a mabaliwan. Umad – adda ti rikna da nga aminda ket saanda nga
agsisina uray agingga idiay nagloriaan a langit.
Ti Baro a Relasyon iti Nacristianoan a Pamilya – ti Iglesia
Kuna ni Apostol Pablo, Ngarud saankayon a gangganaet wenno
sangsangaili. Agkakailiankayon kadagiti tattao ti Dios;
kamkamengkayon iti familia ti Dios. Efeso 2:19
Daytoy nga baro nga pamilyam isu ti Iglesia. Sapulen ngarud ti baro a
mamati ti iglesia lokal a pakangngeganna ti Sao ti Dios. Maadaltayo iti
Baro a Tulag nga dagiti Cristiano idi ket aggigimongda a
sangsangkamaysa agsipudta inawatdan ni Jesu – Cristo iti biagda.
Mabasatayo iti Aramid 2:41-42 maipapan kadagiti baro nga miembro
nga nainayon iti Iglesia idiay Jerusalem. Kalpasan nga inpalawag ni
Pedro ti Naimbag a Damag. Adu kadakuada ti namati iti saona ket
nabautisaranda. Iti dayta nga aldaw, agtalloribu a tao iti nainayun
kadakuada. Inaramatda ti tiempoda a nagsursuro kadagiti apostoles.
Nakikadkaduada kadakuada, nagkakapanganda iti tinapay ken
nagmaymaysada iti panagkararag.
Mabasa tayo pay iti Aramid 2:47 nga . . . Tunggal aldaw, innayon ti Apo
iti bilangda dagiti tattao a maisalakan. No pudno nga naisalakankan ket
talaga nga naiyanakkan a nabaliwan, sapulen ti riknam ti makigimong
kadagiti kapadam nga naisalakanen. Daytoy a panagtitimpuyog isu ti
maaw- awagan iti Iglesia.
33
Kasangoanan nga maiyanak a mabaliwan ti maysa a tao isu ket saan nga
miembro wenno kameng ti aniaman nga iglesia iti Baro a Tulag. Pudno
nga adu kadagiti tattao ti addadan iti relihion kasangoanan nga
naisalakanda. Ngem kalpasan nga ti maiyanak a nabaliwan, ammonan ti
pudno a kaipapanan ti iglesia a pakigimonganna. Kanayon nga ipagarup
dagiti kaadduan nga mabalin nga maisalakan ti tao babaen kadagiti ritual
ken seremonya nga aramidenna. Ipasarna nga iti ipapanna iti simbaan
ket banbanag nga makaited kenkuana iti pannakaisalakan. Ti ipapan iti
simbaan wenno iti Iglesia ket saan nga ritual, wenno kaugalian laeng. Ti
ipapan iti simbaan ket saan nga maysa nga obligasyon. Ti tao nga saan
pay a naisalakan ket mapan iti simbaan ngem silulukat met ti negosyo
ken paglakoanna uray ti Aldaw ti Apo. Daytoy nga tao ket mapmapan iti
simbaan ngem kalpasan iti serbisyo wenno misa mapan na met alaen iti
kawitanna tapno mapan idiay pallotan. Ipagarupna nga iti ipapan idiay
simbaan ket awan relasyonna kadagiti inaldaw nga aktibidadesna.
Ipagarupna nga mabalin na nga mabayadan ti basolna babaen ti
pannangtedna ti donasyonna a kuarta ti simbaan.
Ngem agbaliw amin dagitoy nga kaugalianna no maiyanak nga
mabaliwan. Maaddaan iti baro a kinatao, baro nga ugali ken panggep ti
panagbiag ken baro nga prioridad iti biag. Addaanen ti baro nga relasyon
iti iglesiana. Panawannan ti daan nga pammati ken relihionna ket
sapulennan ti grupo nga mangisursuro ti sao ti Dios.
Mariknana ti baro nga:
1. Ayatna iti iglesia ti Dios.
. . . . iti panagayat ni Cristo iti Iglesia. Intedna ti biagna a maipaay
kenkuana. (Efeso 5:25) Ayatentayo met ti Iglesia ni Apo Jesus.
2. Partisipasyon iti trabaho ti iglesia.
Kuna ti Biblia nga . . . Nagmaymaysada amin a nagkararag iti Dios,
aramid 4:24
. . . . Napnoda amin iti Espiritu Santo, ket situturedda a
nangiwaragawag iti sao ti Dios. Aramid 4:31
Inaldaw a mapanda sangsangkamaysa iti templo. Aramid 2:46
34
Nagmaymaysa dagiti amin a mamati iti nadekket a panagkakadua
ket nagraranudanda ti sanikuada. Aramid 2:44
Kastoy ti baro a biag ti mamati. Addaan baro ken dakkel a
kaipapanan ti relasyonna iti iglesia ni Jesu – Cristo.
Ti Baro a Relasyontayo ti Lubong a Di pay Mamati
Idi saantayo pay a naisalakan, ket saantayo pay a naiyanak a nabaliwan,
addaantayo ti sabali a kita ti relasyon iti lubong. Kuna ni Pablo iti Efeso
2:1-2. Adda idi tiempo a naibilang kayo a natay gapu iti kinasukiryo
ken kadagiti basbasolyo. Sinurotyo idi ti dakes a panagbiag daytoy a
lubong. Pinaiturayankayo iti naesprituan a pannakabalin ti tangatang,
ti espiritu a mangituray ita kadagita tattao a sumukir iti Dios.
Ni Jesu – Cristo mismo sawenna maipapan ti relasyon dagiti adalanna
iti agdama a lubong. Kastoy ti inkararagna iti Dios.
Intedko kadakuada ti saom ket ginura ida ti lubong ta saanda a taga
lubong a kas met kaniak. Diak dawaten nga ipanawmo ida ditoy
lubong, no di ket salaknibam ida iti Managdakdakes. Saanda a taga
lubong a kas met kaniak. Pasantoem ida babaen ti kinapudno. Ti saom
isut pudno. Kas iti panangibaonmo kaniak ditoy lubong, kasta met ti
pangibaonko kadakuada iti lubong. Juan 17:14-18
Maadaltayo kadagitoy nga sasao ni Jesu – Cristo nga:
1. Agnaed ti mamati ditoy lubong ngem saanna nga aramiden ti
aramid ti lubong.
2. Ti managdakdakes (ni Satanas) ket aktibo iti trabahona ditoy
lubong.
3. Masapul nga napudno dagiti mamati iti Dios bayat ti panagnaedda
ditoy lubong.
4. Dagiti mamati ket addanda ti naisangsangayan nga misyon nga
aramidenda ditoy lubong.
Ania ti kaipapanan ti baro a relasyon ti mamati ditoy lubong? Kayatna a
sawen nga ti lubong kagurana ti tao a namati ken ni Jesus. Kinuna pay
35
ni Jesus: “No guraennakayo ti lubong, laglagipenyo a siak ti immuna a
ginurana. Inlawlawag ni Jesus daytoy idi kinunana, No kukuanakayo ti
lubong, ayatennakayo koma ti lubong a kas kukuana. Ngem saankayo a
taga – lubong, no di ket pinilikayo manipud ditoy lubong, ket daytoy ti
gapuna a guraennakayo. Juan 15:18-9
No ti mamati ken ni Jesus ket saanen a taga-lubong, sino ngarud ti
akinkukua kenkuana? Insungbat ni Jesus, Ngem aramidendanto amin
daytoy kadakayo ta kukuakayo; saanda ngamin nga ammo ti nangibaon
kaniak. Juan 15:21
Dagiti tattao iti lubong ket katawaanda dagiti immawat ken ni Cristo.
Guraen ken busurenda ida. Ania ti aramidentayo a namati ken Cristo?
Addantayo ti pagrebbengan nga manngayat ken tumulong kadakuada.
Idi, kasangoanan nga naiyanak tayo a nabaliwan, ti biagtayo ket –
nagulo, dakes, awanan direksyon. Ngem nabaliwan amin dagitoy idi
inawattayo ni Cristo iti puso ken biagtayo. Napabaron ti biag ken iti
panagbiag. Ti ngarud baro nga relasyon ti namati iti lubong isu daytoy:
Guraenna ti basol nga ar-aramiden iti lubong ngem ayaten ken
tulonganna dagidiay nga tattao ti lubong nga agbibiag iti basol.
Nalawag a makita daytoy a relasyon iti sao ni Pedro. Ngem dakayo ti
napili a kaputotan. Papadinakayo ti Ari. Nasionakayo a nasantoan.
Tattaonakayo ti Dios. Wen, dakayo ti napili a mangiwaragawag
kadagiti natan-ok nga aramid ti Dios a nangiruar kadakayo iti
kasipngetan tapno ipannakayo iti naskaskasdaaw a lawagna. 1 Pedro
2:9
Agsipudta napabarotayon, addaantayo ti baro a misyon tapno
iturongtayo dagiti tattao ti lubong iti baro a biag. Daytoy ti baro a
relasyontayo iti lubong dagiti di pay namati. Basaem ti 1 Juan 3:1-3 ken
1 Juan 5:1-5.
LAGIPEN KEN PAGSASARITAAN
1. Inaganam dagiti uppat nga kabarbaro nga relasyon ti maysa a
Cristiano?
2. No ti maysa a tao awatenna ni Jesu-Cristo a Mangisalakan ken Apo
ti biagna isu ket agbalin nga ___________ ti Dios.
36
3. Ania ti kaipapanan dagitoy uppat nga relasyon iti biagtayo nga
Cristiano? Mangisuratka ti uppat.
4. No saan pay a Cristiano ti nagannak ti maysa nga immawat ken ni
Cristo, ania ti mabalin a mapasamak iti relasyonna kadagiti
dadakkelna?
5. Ania ti aramiden ti maysa nga anak nga immawat ken ni Cristo no
dagiti dadakkelna ket saan pay nga naiyanak a naespirituan?
Mangisuratka ti uppat nga mabalinna nga aramiden.
6. Idi naiyanakka a nabaliwan, ania ti inaramid kenka dagiti nadekket
a kakabagyam ken dagiti gagayyemmo?
7. Ania ti simbaan wenno iglesia kenka kasangoanan nga naiyanakka
a nabaliwan? Ania ti kaipapanan ti iglesia kenka itan nga
naisalakankan?
8. Naadaltayo ti daytoy nga leksion nga ti baro a namati ket maaddaan
ti baro nga _______ a maipaay iti iglesia ken baro nga
______________ iti trabaho ti iglesia.
9. Ania ti kaipapanan daytoy a pagsasao? “Dagiti mamati ket
agnaedda ditoy lubong ngem saandan a taga – lubong.
10. Ania ti baro a relasyon ti mamati iti lubong kadagiti di pay mamati?
37
38
Leksion 5
TI BARO A KAIPAPANAN TI BAUTISMO
Ta ibilangtayo a mapalinteg ti tao iti sangoanan ti Dios babaen ti
pammati laeng, ket saan a babaen ti panangtungpalna iti Linteg. Roma
3:28
No naiyanak a nabaliwan ti maysa nga tao maawatannan ti baro a
kaipapanan ti bautismo. Patien dagiti kaadduan nga agbalin a Cristiano ti
maysa a tao no mabuniagan. Ngem maamoantayo ita nga saan nga
daytoy ti isuro ti Biblia. Kitaentayo a naimbag ita no ania ti isuro ti
Biblia maipapan ti pannakbautisar. Silulukat koma ti panunottayo bayat
ti pannagadaltayo ti Sao ti Dios – ti Biblia.
Kas maibasar kadagitoy a bersikulo kasano a nga agbalin nga anak ti
Dios ti maysa tao? _______________________________________
TI BAUTISMO MAKAUGAS KADI TI BASOL?
No wen ti sungbat mo pangaasim ta basaem manen iti bersikulo ti ngato.
Masarakam kadi ti balikas nga bautismo wenno buniag kadagitoy a
bersikulo iti ngato? Wen _______; Saan _________.
Saan, ti bautismo ket saan a makaugas ti basol. Kuna ti Biblia iti Hebreo
9:28, Kasta met a naminpinsan a naidaton ni Cristo a mangikkat iti
basol ti adu.
Agsipud ta inaramid ni Jesu-Cristo ti pagayatan ti Dios, mapasantotayo
babaen ti naminpinsan a panagidatonna iti bagina met laeng . . . Nupay
kasta, indaton ni Cristo ti maymaysa a daton a maipaay iti agnanayon
gapu kadagiti basol. . . Hebreo 10:10, 12
Inawit ni Cristo iti mismo a bagina dagiti basoltayo idiay krus tapno
mataytayo iti basol ket agbiagtayo iti kinalinteg. Ta babaen dagiti
sugatna, naagasankayo. Juan 3:16
Nalawag unay manipud kadagiti bersikulo nga binayadan amin ni Apo
Jesus dagiti basoltayo idi a namatitayo kenkuana. Ipakita dagiti
bersikulo nga ti inaramid ni Jesus ket maysa a naminpinsan a sakripisyo
nga inton kaanoman dinton maulit.
Basaem dagitoy nga bersikulo tapno maammoam no kasano nga agbalin
nga anak ti Dios ti maysa a tao. Maaramid met ditoy ti pannakaugasna
kadagiti basolna.
Ibagak ti pudno kadakayo: Ti siasinoman a dumngeg kadagiti saok ken
mamati iti nangibaon kaniak, maaddaan iti biag nga agnanayon.
Saanton a maukom, no di ket nalasatnan ni patay ket simreken iti biag.
Juan 5:24
39
Agbalin kadi nga anak ti Dios iti maysa a tao babaen ti pannakabautisar
wenno pannakabuniagna? Wen _________________. Saan
______________________________________________.
Ni Jesu – Cristo ket nagbautisar. Nagbautisar kadi tapno maugasan
kadagiti basolna? Siyempre, saan. Isuro ti Biblia nga awanan basol ni
Jesu- Cristo. Ammoyo a nagparang ni Cristo nga awanan basol tapno
ikkatenna dagiti basol. 1 Juan 3:5. Saan nga isuro ti Biblia nga ti
bunniag wenno bautismo ket makaugas kadagiti basol ti maysa a tao.
ANIA TI ISURO TI BIBLIA MAIPANGGEP TI BAUTISMO
Kitatentayo dagiti sumagmamano nga tattao ditoy Biblia nga
nagbautisar.
Ni Jesu – Cristo
Manipud Mateo 3:13-17 kastoy ti mabasa:
Dimteng ni Jesus idiay Jordan a naggapu idiay Galilea tapno
pabuniagan ken ni Juan. Ngem kayat a lapdan ni Juan ken kinunana ken
Jesus, “Siak koma ti rebbengna a buniagam, ngem apay nga umayka
kaniak”? “Bay – am a maaramid ita daytoy tapno matungpal ti amin a
kinalinteg,” insungbat ni Jesus. Immanamong ngarud ni Juan. Apaman
a nabuniagan ni Jesus, simmang-at iti danum ket adtoy, naglukat
kenkuana ti langit. Nakitana ti espiritu ti Dios a bumabbaba a kas
maysa a kalapati ket nagdisso kenkuana. Ket kinuna ti maysa a timek a
naggapu sadi langit, “Daytoy ti dungdungoek nga Anak a pakaay –
ayoak unay.”
40
Maadaltayo manipud kadagitoy nga bersikulo nga:
1. Rebbengen ti maysa nga anak ti Dios ti agbautisar.
2. Ni Jesus ket anak ti Dios uray kasangoanan nga nagbautisar.
3. Nagbautisar ni Jesus tapno agtulnog iti Amana – saan nga tapno
ugasanna dagiti basolna.
4. Maysa a nataengan ni Jesus idi nagbautisar.
5. Ni Jesus ket nagbautisar babaen ti pannakaibatok iti danum.
6. Naragsakan iti Dios gapu ti panagtulnog iti Anakna.
Ti Ofisial a Taga – Etiopa
Daytoy a pasamak ket masarakan iti Aramid 8:26-39. Basaem ti amin a
paset ti pakasaritaan dita Bibliam.
Ita basaem a naimbag dagitoy nga bersikulo kas isurona maipapan ti
bautismo.
Kinuna ti ofisial ken Felipe, “Sinno kadi ti sarsaritaen ti profeta? Ti
bagina met laeng wenno sabali?” Nagsao ni Felipe ket manipud iti
daytoy a paset ti Nasantoan a Surat, sinaritana ti Naimbag a Damag
maipapan ken Jesus. Bayat ti panagtultuloyda iti dalan, dimtengda iti
lugar nga adda danum. Kinuna ti ofisial ken ni Felipe, “Adtoy ti danum.
Ania ti makatiped iti panagbuniagko?” Kinuna ni Felipe
“Mabalin a buniaganka no mamatika iti amin a pusom.” “Wen
mamatiak, insungbat ti ofisial, “Patiek nga anak ti Dios ni Jesu-Cristo.”
Pinagsardeng ngarud ti ofisial ti lugan. Napanda a dua iti danum ket
binuniagan ni Felipe. Ket idi makasang-atdan, impanaw ti Espiritu ti
Apo ni Felipe ket saanen a nakita ti ofisial. Intuloy ti ofisial ti nagawid a
siraragsak. Aramid 8:34-39
3. Mabautisaran laeng ti maysa a tao no napadasnan ti naiyanak a
nabaliwan.
4. Personal nga nagtalek daydi ofisial ken ni Jesu- Cristo. Siraragsak
nga nagdesisyon nga agbautisar.
5. Nabautisaran daydi ofisial babaen ti pannakaibatok iti danum.
6. Kalpasan ti panamatina ken ni Jesus dagus a nabautisaran. Napalalo
ti ragsakna gaputa sinurotna ti bilin ni Jesus.
Ti Guardia ti Pagbaludan Idiay Filipos
Basaem ti pakasaritaan daytoy iti Bibliam iti Aramid 16:25-34
Nagpaala iti agbambantay iti silaw sa simrek a dagus iti yanda ket
agtigtigerger iti buteng a nagrukbab iti sakanan da Pablo ken Silas.
Kalpasanna inruarna ida. “Appo, ania ti rumbeng nga aramidek tapno
maisalakanak?” sinaludsodna. Kinunada, “Mamatika ken ni Apo Jesus
ket maisalakankanto, sika ken ti familiam.” Inlawlawagda ti sao ti Apo
kenkuana ken iti amin nga adda iti balayna. Iti dayta metla nga oras iti
rabii nupay naladawen, innalana ida sana binuggoan dagiti
sugsugatda; ket dagus a nabuniaganda a sangafamiliaan. Inyawidna da
Pablo ken Silas sana pinakan ida. Nagrag-oda a sangafamiliaan
agsipud ta namatidan iti Dios. Aramid 16:29- 34
Naadaltayo manipud kadagitoy nga bersikulo nga:
1. Namati wenno nagtalek daydi guardia ken ni Jesu – Cristo.
Maadaltayo manipud kadagitoy nga bersikulo nga:
2. Nabautisaran kalpasan nga namati.
1. Ti ofisial a taga-Etiopa ket maysa a nataengan idi a nagbautisar.
3. Daydi nga tao nga nabautisaran ket maysa nga nataengan.
2. Immuna pay a nanggegna maipapan ti Naimbag a Damag.
Kalpasanna, inpudnona dagiti basol ket inawatna ni Jesus iti pusona
kasangoanan a nagbautisar.
4. Daydi guardia ken ti pamilyana ket napalaos ti ragsakda agsipudta
naiyanakda a nabaliwan ket kalpasanna nabautisaranda.
41
42
Manipud kadagitoy nga ehemplo manipud iti Biblia adda lima nga
napateg unay nga kinapudno a maadaltayo.
ni Jesus.”idi a nangngegda daytoy, nabuniaganda iti nagan ni Apo
Jesus.
1. Amin dagiti nabautisaran wenno nabuniagan ket nataengandan. Saan
nga isuro ti Biblia nga buniagan dagiti ubbing wenno maladaga.
2. Tunggal tao a nagpabuniag ket nagdesisyon iti bukodna no kayatna
ti mabuniagan. Naawatanda ti ar – aramidenda ken no apay nga
agbautisarda.
3. Kasangoanan a mabautisaran ti maysa a tao ket binaliwanen ni
Cristo iti biagna.
4. Dagiti nagbautisar ket siraragsakda; saandan nga mapilpilitan.
Kayatda a tungpalen ti bilin ni Jesus kadakuada. Saanda nga mabain
nga agpabautisar.
5. Tunggal maysa kadakuada ket naipabatok iti danum “Naibatokda
amin iti danum ket simmang-atda manipud ti danum.” Ti kapapanan
ti balikas nga bautismo ket “pannakaibatok.” Saan nga isuro ti Biblia
nga panagbuniag ket maaramid babaen ti warsi wenno
panangibukbok iti danum ti ulo. Amin dagiti tattao nga nabuniagan a
masarakan ti Biblia ket naibatokda iti danum.
Nalawag unay nga dagidiay laeng nataengan nga namati ken nagtalek
ken ni Jesus ti mabalin nga sumurot iti panagbautisar.
TI BAUTISMO KAS MASARAKAN TI BARO A TULAG KET
PARA LAENG KADAGITI NAMATI
Mabasatayo iti Aramid 18:8 nga Namati iti Apo ni Cristo a pangulo ti
sinagoga agraman ti familiana. Adu pay ti namati ken nabuniagan
kadagiti taga Corinto a nakangeg iti inkasaba ni Pablo.
Maadaltayo iti daytoy a bersikulo nga dagiti tattao ket immuna nga
___________ ti mensahe, ket ___________, kalpasanna
_____________.
Kitaem ti naimbag ti urnos ti inaramidda: Umuna, nangegda ti mensahe.
Maikadua, namatida ken ni Jesus. Maikatlo, nagbautisarda.
Amin nga ehemplo ti panagbautismo ket kastoy ti urnosda. Ti
panagbuniag ket saan a maaramid kasangoanan ti panamati ken Jesus.
Masarakan met daytoy a kinapudno iti Aramid 19: 4-5. Kinuna ni Pablo,
“Ti panamuniag ni Juan para kadagiti agbabawi iti basolda. Imbaga ni
Juan kadagiti tattao a masapul a patienda ti sumaruno kenkuana nga isu
43
TI PANAGBAUTISAR ITI IMUNA NGA IGLESIA TI BARO A
TULAG
Iti Aramid 2:41 , kastoy ti mabasa, Adu kadakuada ti namati iti sauna
ket nabuniaganda. Iti dayta nga aldaw, agtalloribo a tao ti nainayon
kadakuada.
Nagpalawag ni Pedro babaen ti sermonna maipapan iti Naimbag a
Damag. Kalpasanna, adu dagiti namati iti mensahe. Maamoantayo nga
amin dagidiay nga namati ket nagbautisarda. Kalpasanna, nagbalinda
nga miembro wenno kamkameng iti (iglesia) grupo dagiti namati.
Agpapada amin ti urnos dagitoy nga ehemplo. Pammati nga umuna,
maikadua, panagbautisar. Maadaltayo pay nga ti aleng mabalin nga
agbalin nge miembro iti iglesia ket dagidiay nga namati ken
nabautisaran.
Ti maudi nga bilin ni Jesus kadagiti adalanna ket masarakan idiay Mateo
28: 19 – 20. Inkayo ngarud kadagiti amin a tattao iti amin a lugar, ket
pagbalinenyo ida nga adalak: buniaganyo ida iti nagan ti Ama, ti Anak
ken ti Espiritu Santo, ken isuroyo ida nga agtungpal kadagiti amin nga
imbilinko kadakayo. Laglagipenyo nga addaakto nga agnanayon
kadakayo agingga iti panungpalan ti lubong.”
Napateg unay daytoy nga bilin ni Apo Jesus. Ibabaonna dagiti adalanna
nga pagbalinenda dagiti tattao nga adalanna (mamati) ket kalpasanna
buniaganda dagidiay nga namati, kenkuana. Amin dagitoy nga ehemplo
isurona nga panagbautisar ket maaramid kalpasan ti panamati ken ni
Jesus.
Naadaltayo pay nga ti panagbuniag ket saan a makaugas iti basol. Ti
laeng panagsagaba ken ipapatay ni Jeus – Cristo isu ti makaikkat ti basol
ti tao.
44
APAY NGA AGBAUTISARKA?
1. Agsipudta ehemplo ni Jesu – Cristo. Tuladentayo ti inaramidna ken
tungpalentayo ti inbilinna.
2. Ti panagbautisar ket maysa a testimonio nga aramiden ti namati iti
publiko. Ipakitana nga isu ket namatin ken surotenna ni Jesus nga
apo ti biagna. Ipakpakitatayo a kukuanatayon ni Cristo.
Babaen ti bautismo, ti baro a namati ket agbalinen nga miembro wenno
paset ti familya iti local nga iglesia. Naadaltayo iti Aramid 2:42 nga idi
nabautisaran dagiti namati ket nainayonda iti grupo dagiti namati. No
mabautisarantayo ket ibilangtayon iti bagi tayo a paset iti iglesia nga
mangisuro ken mangaramid kadagiti isursuro iti Biblia. No pudnoka a
namati, ket nagbautisarkan, masapulmo iti kumamang iti local nga
iglesia to Baro a Tulag.
No ti namati ket mabautisaran, ipakpakitana nga isu ket kukuan ni Cristo
ket agbalin a kameng ti lokal nga iglesia.
APAY NGA TI BAUTISMO KET BABAEN TI PANNAKAIBATOK
ITI DANUM?
1. Ti kaipapanan ti sao nga baptize ket “maibatok”.
2. Gaputa isu laeng ti klase ti panagbautisar nga masarakan iti entero a
Biblia. Saantayo ngarud nga mabalin a sukatan. Nabautisaran ni
Cristo babaen ti pannakaibatok iti danum. Naadaltayo pay nga amin
dagidi immuna nga Cristiano ket nabautisaranda babaen ti
pannakaibatok.
3. Ti laeng pannakaibatok ti danum ti mabalin a makailadawan ti
ipapatay ti namati kadagiti basolna ken ti panagungarna iti baro a
biagna ken Crsito. Iti Roma 6:4, kastoy ti maadaltayo. Ngarud, gapu
iti pannakabuniagtayo, kaduatayo ni Cristo a naitanem, ket
nairamantayo iti papatayna, tapno iti kasta, kas iti
pannakapagungar ni Cristo babaen ti nagloriaan a pannakabalin ti
ama, kasta met koma ti panagbiagtayo iti baro a panagbiag.
45
Ti panagbautisar ket saan nga isu ti pannakaitanem – simbolo wenno
ladawan laeng ti pannakaitanem. No ti maysa a tao ket maiyanak a
mabaliwan, immay kenkuana iti pannakaitanem dagiti daan ken
dakes nga ug-ugalina. Mailadawan daytoy nu maibatok ti maysa a
namati. No ti mamati ket aggapu manipud iti danum iladawanna ti
baro a biag nga inawatna idi nagtalek ken ni Jesus nga Apo ti biagna.
INAWATKON NI JESU – CRISTO ITI BIAGKO KAS APO KEN
MANAGISALAKAN. ANIA TI SUMARUNO NGA ARAMIDEK?
No sika ket maysa kadagiti adu nga immawat ken ni Jesus ket
naiyanakkan a nabaliwan, pagsasaritaantayo kadagiti kapadam a namatin
tapno agbautisarkayo. Kalpasanna, agbalinkayo kameng iti naesperituan
a familya a maaw – awagan ti iglesia.
No sika ket inawatmon ni Jesus iti biagmo ket asidegka iti ayan ti Iglesia
nga mangisursuro ti Biblia ket agdesisyon ka a sumurot ti bilin ni Jesu –
Cristo iti bautismo. Agbalinka a paset dayta nga grupo ket ibingaymo
kadakuada maipapan ti baro a biagmo a pinabaro ni Cristo.
Iti panagsurotmo ti bilin ni Jesus iti bautismo, adu dagiti gagayyem ken
kakabagyam ti mangkatawa kenka ket uyawen daka. Lagipem nga
tinallikudamon dagiti tradisyon nga tawid ken daan a pammatim
surutemon ti Biblia nga isu ti sao ti Dios. Uyawendaka dagiti
gagayyemmo ngem maragsakan unay ti Dios iti panagbautisarmo.
LAGIPEN KEN PAGSASARITAAN
1. Naadaltayo ti daytoy a leksion nga magun-odtayo ti pannakaisalakan
gapu ti: panagsagaba ni Cristo __________________panagbuniag
________________ (Kur-itam laeng iti maysa)
2. Agbalin nag anak ti Dios ti maysa nga tao no; mamati ken Jesus
___________; agbuniag _______________________.
3. Ilistam dagiti lima nga kinapudno manipud Biblia maipapan ti
nakitam nga ehemplo ti bautismo.
46
4. Makitatayo iti Aramid 18:8 maipapan ti rumbeng nga urnos ti
panagbautisar. Ibagam dagitoy tallo iti urnosna nga agsaganad.
5. Iti Aramid 2:41 naadaltayo nga immuna nga nangegda ti mensahe,
namatida, ket nabautisaranda. Kalpasanna, __________________ ti
grupo.
6. Apay nga masapul nga mabautisaran ti maysa a mamati?
7. Ti sao nga bautismo kayatna a sawen ________________.
8. Ti pudno nga nakristianoan a panagbautisar ket babaen ti: warsi
______________; pannakaibatok iti danum _____________.
9. Kaano nga mabalin nga mabautisaran ti maysa nga tao? (mangtedka
ti maysa nga ehemplo manipud Biblia)
10. No mabautisaran ti maysa a mamati ipakitana nga isu ket kukua ni
___________ ken kameng wenno miembro ti lokal nga _________.
48
47
ANIA ITI IGLESIA?
Lesson 6
TI BARO A PAMILYA – TI IGLESIA
No ti maysa nga ina ket naipasngaynan ti maladaga, agpatingga kadi
ditoyen ti responsibilidad iti ina? Ania ti mapasamak iti ubing a kaiyanak
no saan a taripatoen iti ina? Ania ti mapasamak ti ubing no awan ti
pamilya a nakaikamanganna? No awan mangkita iti ubing, sigurado a
matay. No saan a nasayaat ti pannakataripatu ti ubing, sigurado nga saan
a nasalun – at ken manag – saksakit. Ania ngarud ti kasapulanna tapno
normal ken nasalun-at ti panagdakkelna?
Tapno normal iti pisikal, emosyon ken naesprirituan a panagdakkelna
masapulna ti taraon, panagtaripato ken panangayat. Ti pannakaiyanak ti
ubing ket saan a ditoy nga agpatingga ti trabaho iti ina. Mangrugi ditoy
ti dakkel a responsibilidadna a mangted kadagiti tallo a napateg a
kasapulan iti anakna – taraon, panagtaripato ken panangayat na iti
anakna. Maaramid dagitoy a tallo a banag iti uneg ken tulong ti pamilya.
Adda panagpada ti kaiyanak nga ubing ken ti kaiyanak a Cristiano. Ti
baro a namati ket masapulna met ti naesprituan a taraon pannakataripato
ken panangayat. No saan nga maited kenkuana dagitoy narigat unay nga
dumakkel tapno agbalin a normal ken agserbi nga anak ti Dios. Adda
dagiti daduma nga inawatdan ni Cristo ngem nagsublida manen iti dakes
ken daan a biagda. Saanda nga aktibo iti trabaho ni Cristo. Pudno nga
adda biagda ngem nakapsut ken agsakitda a naespirituan.
Kasano ngarud ti panagdakkel ken irarang – ay iti kabarbaro a namati?
Kasano a maited kenkuana dagitoy tallo a napateg a banag?
Ti Dios ket addaan plano. Adda wagas tapno maited kadagiti annakna
dagitoy a kasapulanda. Kas ti panangbuangayna ti pamilya tapno
tumulong iti kaiyanak nga ubing, inbangonna met ti iglesia a tumulong ti
kasapulan ti baro a mamati.
49
Makita tayo ti ehemplo ti iglesia iti Baro a Tulag ti libro ti Aramid. Iti
Aramid 2:41 – 47 kastoy ti mabasatayo.
“Adu kadakuada ti namati iti sauna ket nabuniaganda. Iti dayta nga
aldaw, agtalloribu a tao ti nainayon kadakuada. Inaramatda ti tiempoda
a nagsursuro kadagiti apostoles. Nakikadkaduada kadakuada,
nagkakapanganda iti tinapay ken nagmaymaysada iti panagkararag.
Gapu kadagiti adu a milagro ken datdatlag nga inaramid dagiti
apostoles, timmaud kadagiti tattao ti dakkel a panagraem.
Nagmaymaysa dagiti amin a mamati iti nadekket a panagkakaduada ket
nagraranudanda ti sanikuada. Inlakoda dagiti dagdaga ken dadduma
pay a sanikuada, ket inbunongda ti naglakoanda, segun ti kasapulan iti
tunggal maysa. Inaldaw a mapanda a sangsangkamaysa iti Templo,
nagkakapanganda kadagiti balbalayda a siraragsak ken
sipapakumbaba. Indaydayawda ti Dios ket nagraem kadakuada dagiti
amin a tao. Tunggal aldaw, innayon ti apo iti bilangda dagiti tattao a
maisalakan.
Dagitoy nga mamati ket pamilya nga naespirituan. Nagtalinaedda a kas
pamilya. Addaanda naisangsangayan nga relasyon kas agkakabsat
gaputa sursurotenda ti Dios, nga naespiritoan nga Amada.
Ti iglesia ket isu dagiti grupo ti tattao nga tinallikudanda ti basolda – ket
nagtalekda ken Jesus nga Apo ken mangisalakan ti biagda. Kalpasanna,
nagbautisarda babaen ti pannakaibatok iti danum. Dagitoy nga tattao ket
itultuloyda ti regular a tiempoda nga aggimong. Kas maysa a pamilya,
agkikinnararagda, agdaydayawda iti Dios ken agadalda ti Biblia.
Aramidenda amin dagitoy tapno mapadayawanda ni Jesus ken tapno
dumakkel ti pagarian ti Dios ditoy daga. Isu daytoy ti iglesia.
Kinuna ni Pablo, ti pananglukat na ti suratna kadagiti taga – Tesalonica.
Iturongmi daytoy a surat kadagiti kamkameng ti iglesia dita Tesalonica,
isuda a tattao ti Dios Ama ken tattao met ni Apo Jesu – Cristo. 1
Tesalonica 1:1
50
Nalawag unay nga ti iglesia ket grupo dagiti tattao nga inkomitda ti
biagda iti Dios. Agtitinnalekda kas agkakabsat babaen ti timpuyog ken
serbisyo.
Ti Iglesia ket saan nga patakder wenno pasdek. Ti iglesia ket isuda dagiti
tattao ti Dios. Mabalin nga dagitoy nga tattao ti Dios ket aggigimongda
iti kapilya wenno iti uneg ti balay ti maysa kadagiti miembro. Wenno
mabalin met nga aggigimongda iti barangay hall, wenno idiay tiendaan,
wenno opisina. Ti iglesia nga agggigimong ti uneg ti napintas ken dakkel
a kapilya ket agpadada.
Kuna ni Apotol Pablo. Pakamustaak met ti iglesia nga aggigimong iti
balayda. (Roma 16:5) Kunana pay. Pakomustaannakayo ni Gayo a
mangsangsangaili kaniak ken akimbalay iti paggigimongan dagiti
mamati. (Roma 16:23)
Ni Jesu – Cristo ti nagtandan, ti ulo ken mangted ti biag ti iglesia. Kuna
ni Jesus iti Mateo 16:18 . . . Bangonekto ti iglesiak, ket uray ni patay
dinto agballigi kenkuana.
Kuna ti Biblia nga ti iglesia ket maiparis iti bagi. Ni Cristo ti ulo ti bagi.
Mabasatayo iti Colosas 1:17-18 nga; Addan ni Cristo sakbay dagiti amin
a b a n a g , k e t g a p u k e n k u a n a n a u r n o s d a i t i l u g a rd a i t i
pannakipagmaymaysada kenkuana. Isu ti ulo ti bagi, kayatna a sawen, ti
iglesia. Isu ti paggapuan ti biag ti bagi. Isu ti inauna nga Anak a
napagungar tapno agbalinkayo a katatan – okan kadagiti amin.
Makita tayo manipud daytoy a bersikulo nga ni Cristo isu ti ulo ti
iglesia. Ni Cristo isu ti pagtaudan ti biag ti iglesia. Ti Apo ti Iglesia ket
ni Cristo. Kuna ti biblia idiay Efeso 5:23 . . . a kas met iti kaadda ti turay
ni Cristo iti iglesia ni Cristo a mismo ti Mangisalakan iti iglesia a
bagina.
Tunggal miembro ti iglesia ken adda iti babaen ni Cristo. Importante
ngarud nga maadalmo nga awan ti siasinoman a tao a mangkontrol
kadagiti miembro ti iglesia. Ni laeng Cristo ti addaan otoridad kas ulo ti
iglesia. Napudno tayo ngarud kas miembro ti iglesiana.
51
ANIA TI ARAMID ITI IGLESIA?
Basaen manen ti Aramid 4:41 – 47. Adda siyam nga aramiden ti tunggal
miembro ti iglesia.
1. Namatida ken Jesu – Cristo.
2. Nagbautisarda.
3. Nainayonda iti grupo dagiti namati.
4. Nagadalda ti sasao ti Apo.
5. Nagtitimpuyogda.
6. Nagbibinningayda kadagiti sanikuada tapno awan pagkurangan ti
tunggal miembro ti pamilya.
7. Nagkikinnararagda.
8. Naggimongda tapno agdaydayaw – da iti Dios.
9. Adda regular a nainayon a baro a mamati ti grupoda.
No ti grupo dagiti namati ket aramidenda dagitoy siyam nga nailista –
maawagan daytoy iti iglesia.
Dimo liplipatan dagiti tallo a napateg a kasapulan ti kaiyanak a
maladaga – taraon, pannakataripato ken panangayat. Manipud iti siyam
nga aktibidades iti iglesia, makitam met kadi nu kasano a matulongan ti
baro a mamati ken Cristo? Ti iglesia ket agadalda ti Sao ti Dios.
Agkikinnararagda. Dagitoy dua a banag ket agserbida a taraon para iti
baro a namati. Ti panagtitimpuyog ken panagdaydayaw , dagitoy dua a
banag ket agserbida a pannakataripato ti baro a mamati. Ket amin dagiti
siyam nga aramiden ti iglesia mapadasan ti baro a mamati ti pudno nga
ayat.
Maysa nga napateg nga aramid ti iglesia ket mapanna ibingay ti ayat ti
Dios kadagiti namati.
Ngem dakayo ti napili a kaputotan. Papadinakayo ti Ari. Nassionnakayo
a nasantoan. Tattaonakayo ti Dios. Wen, dakayo ti napili a
mangiwaragawag kadagiti natan – ok nga aramid ti Dios a nangiruar
kadakayo iti kasipngetan tapno ipannakayo iti nakaskasdaaw a
lawagna. 1 Pedro 2:9
Adalentayonto iti sumaruno a leksion ti ad – adu pay nga aramiden ti
iglesia iti panangibingayna ti Naimbag a Damag.
52
KAANO A MANGRUGI TI MAYSA NGA IGLESIA
Kitaem manen dagiti siyam nga aktibidades iti iglesia kas masarakan iti
Bibliam iti Aramid 2:41-47. Maiyanak ti maysa nga iglesia no agtutulag
dagiti mamati nga aramidenda dagitoy nga siyam nga aktibidades.
Ti grupo ket agbalin nga iglesia no dagiti mamati ket nabautisarandan
ket ituloyda ti aggigimong a regular kas nakristianoan a pamilya.
Agdayawda iti Dios, agadalda ti Biblia, agtitimpuyogda ken ibingayda ti
Naimbag a Damag kadagiti gagayyem ken kaarubada.
Narigat ken saan nga importante nga maamoan no ania nga oras ti
panagbalin ti grupo kas maysa nga iglesia. Saan met nga importante ti
seremonya nga aramiden tapno maiyanak ti maysa nga iglesia. Ti
importante isu ti maymaysa a rikna ti pamilya nga addan ni Cristo
kadakuada. Pumigpigsa daytoy a panagkaykaysa no amin dagiti mamati
ket agbautisarda tapno ituloyda ti agtitimpuyog kas iglesia.
Kitaentayo dagiti praktikal nga kasapulan tapno mairugi ti iglesia ket
maituloy nga aramiden dagiti aktibidadesna.
Umuna, agpili wenno agtutulag iti grupo ti regular nga oras ti
panaggimongda. Kadaywan kadagiti immuna nga Cristiano nga
aggigimongda iti aldaw ti Dominggo. Ngamin, isu daytoy ti aldaw iti
Panagungar ni Jesu – Cristo. Kas mainayon, mabalin met nga agpili ti
grupo ti aldaw tapno regularda nga agkararag, agadal ti Biblia ken
panagtitimpuyogda.
Kaaduan kadagiti iglesia ti Baro a Tulag ket aggigimongda kadagiti
balay dagiti miembro. Natural ken simple dagiti panaggimongda.
Tunggal miembro ket makipartisiparda. Tunggal maysa ket napateg a
miembro. Agkakabsatda amin gapu ti panagtalekda ken Cristo. Awan ti
napanglaw wenno nabaknang kadakuada agsipudta agkakabsatda amin
ket maymaysada a pamilya.
Maikadua, masapul nga agkararag iti grupo tapno tulongan ida ti Dios
no sino kadakuada ti agbalin a liderda kadagiti panagadal ti Biblia.
Basaen ti entero a grupo ti maikatlo ken maikapat nga kapitulo ti 1
Timoteo.
53
Iti damo, nasayaat nu nadumaduma nga miembro ti agsisinnublat a
mangidalan ti grupo iti panagadal. Kalpasan iti sumagmamano nga
gimong, mabalinen ti grupo ti agpili ti permanente nga liderda. Kadagiti
dadduma nga iglesia – ammodan no sino ti pilyenda nga liderda iti
panangidalan ti serbisyo a panagdayaw, panangidalan ti panagkanta ken
panagadal ti Biblia.
Babaen ti napudno a panagkararag dagiti met laeng miembro ti mangpili
ti agbalin a liderda. Laglagipentayo nga “Tunggal maysa ket napateg a
miembro.” Saan nga maymaysa nga miembro ti mangaramid amain ti
panangidalan. Nagdumaduma ti abilidad ti tunggal miembro. Sabali ti
mangisuro ti Biblia, sabali met ti mangidalan ti panagkanta, ket sabali
met ti mangidalan ti panagdayaw. Tunggal miembro ket mabalinna ti
mangidalan ti panagkararag ti publiko. Saan a nasalun-at ti maysa nga
iglesia nu maymaysa a tao ti mangidalan ti panagkanta, isu pay ti
agkararag, isu pay ti mangisuro ken isu pay ti mangasaba.
Iti panagpili kadagiti lider ti iglesia, aluadanyo dagiti tao nga nalaing
nga sumao. Saan nga gapu ta nalaing nga agsao ket nalaing metten a
lider. Pilyentayo ketdi dagiti lider nga napakumbaba, napudno ti
pammati ken siaayat a pasuroan.
Maikatlo, ania ti aramiden ti iglesia nu aggigimongda? Basaem manen ti
Aramid 2:41 – 47.
Addaan tunggal iglesia ti wayawaya nga mangurnos kadagiti aktibidades
na. Kaspangarigan, ti bigat ti Dominggo ket kayatda ti agkararag, wenno
agdengngegda kadagiti testimonio wenno agkakanta kadagiti himno.
Mabalin met nga agadalda iti Biblia. Ti panagadalda ti Biblia mabalin a
maaramid babaen iti sermon wenno panagadal ti maysa a kapitulo iti
Biblia.
Bayat ti idadakkel ti iglesia – maaramiden dagiti lima nga paset iti
serbisyo a panagdayaw. 1. Panagkararag. 2. Testimonio. 3. Panagkanta.
4. Panagadal ti Biblia, 5. Pannangted kadagiti kapullo ken sagsagot.
Agpili ti grupo ti urnos dagitoy nga paset ti serbisyo a panagdayaw.
54
KUARTA TI IGLESIA
Kalpasan ti sumagmamano a lawas pagtutulagan iti iglesia nga
ruggiandan ti mangted kadagiti voluntario a sagsagotda. Maaramid
daytoy kas paset ti tunggal serbisyo a panagdayaw. Mapanunotda nga
masapulda dagiti baro nga arwatenda kas iti pagkantaan, tugtugaw ken
dadduma pay a kasapulan. Amin a kasapulan ti iglesia ket agtaud amin
kadagiti sagsagut dagiti miembro. No aggigimong iti grupo iti balay iti
miembro, mabalin nga ruggiandan ti agurnong ti kuarta nga igatang iti
daga. Kasla dakkel daytoy nga proyekto ngem babaen laeng kadagiti
sagsagot ti miembro nga matungpal daytoy nga kasapulan ti iglesia.
No ngarud nagtutulaganen dagiti miembro nga mangtedda kadagiti
sagsagotda – masapul nga agpilida metten iti tesorero. Ti tesorero ket
masapul nga aktibo ken regular nga agat – atendar kadagiti aktibidades ti
iglesia. Isu ket mapagtalkan ken ammona nga ilista ti dagup dagiti
sagsagot ket paggastosan. Mabalin nga agpili met ti grupo ti asistant nga
tesorero. Ti tesorero ken ti asistantna ket manglukatda ti libro iti nagan ti
iglesia iti kaasidegan nga bangko. No agiruarda ti kuarta, masapul nga
agpirma ti tesorero ken ti asistantna. Ti iglesia ti agdesider no kaano ken
mano ti kuarta nga iruar manipud bangko. Amin nnga paggastosan ket
aprobaran ti iglesia.
DAGITI BARO NGA MIEMBRO
No adda dagiti baro a namati a pudno a nabaliwanen ti biagda, masapul
nga mangbautisarda ket mainayonda iti pamilya ti iglesia. Agdesisyon ti
iglesia nga mangawat kadagiti agbautisar. Agdesisyon pay ti iglesia no
sino ti mangbautisar kadakuada. Ti miembro dayta nga iglesia ket
mabalinna ti mangbautisar no la ket di inaprobaran dagiti miembro ti
iglesia.
Naadaltayo nga tunggal mamati ket masapul nga paset ti nakristianoan a
pamilya – ti iglesia. Naadal tayo pay nga ti laeng iglesia kas pamilya ti
Dios ti mabalin a makaited kadagiti kasapulan ti kaiyanak a mamati.
Naadaltayo met ti kaipapanan ti iglesia ken dagiti aktibidadesna.
Plano ken pagayatan ti Dios nga tunggal mamati ket miembro iti
iglesiana. Ket ti iglesia addaan napateg a misyon – ti panangipakaammo
ti naimbag a Damag iti entero a lubong.
55
LAGIPEN KEN PAGSASARITAAN
1. Dagiti tallo a kasapulan unay ti baro a mamati ket;
______________, ______________, _________________.
2. Naadaltayo manipud Aramid 2:41-47 dagiti siyam nga aktibidades ti
iglesia ti Baro a Tulag. Ania kadagitoy ti adda relasyonna kadagitoy
tallo a kasapulan ti mamati?
Kaspangarigan ti numero 4 ken numero 7 ket adda relasyonna ti
taraon. Ania nga numero ti adda relasyonna ti panangtaripato ken
panagayat?
3. Ania ti kaipapanan ti iglesia?
4. Ti iglesia ket maysa a pasdek ken patakder? Pudno__________,
Saan _________________.
5. Dagiti immuna nga iglesia ti baro a Tulag ket aggigimongda ti
__________________ dagiti mamati (Roma 16:5)
6. Sino ti ulo ti iglesia? Pastor _______________ Jesu – Cristo
_____________.
7. Kaano nga ti grupo nga agad – adal ti Biblia ket agbalin nga iglesia?
8. Sino ti mangpili kadagiti lider ti iglesia?
9. Ilistam dagiti tallo nga kababalin ti maysa nga lider
________________________________________________.
10. Ti normal nga serbisyo ti panagdayaw ket addaan lima a paset. Ania
dagitoy: ______________, _________________________,
___________________________, _________________,
__________________.
11. Amin a paggastosan ti iglesia ket aggapu manipud kadagiti
__________________________dagiti miembro ti iglesia.
56
Leksion 7
TI BARO A KAIPAPANAN TI PANAGKOMUNION KEN
PANNANGTED
Tapno agtalinaed a nasalun-at ti naespiritoan a biag dagiti miembro ti
iglesia, masapul nga maawatanda a naimbag ti kaipapanan ti komunion
ket ti kapullo. Dagitoy ket regular a paset ti nakristianoan a panagbiag.
Ti Komunion
Kasangoanan a natay ni Jesus idiay krus, inayabanna dagiti adalanna
tapno agkakapanganda ti maudi a pangrabii. Daytoy ket agbalin a
panglagip ti asidegen nga ipapatay ni Jesus. Maawagan daytoy a
pangrabii iti komunion wenno maudi a pangrabii ti Apo. Mabasatayo
manipud 1 Corinto 11:23-29 kas insao ni Apostol Pablo.
Ta inawatko iti Apo ti pannursuro nga inyawatko met kadakayo: iti rabii
a pannakaliput ni Apo Jesus, innala na ti tinapay. Kalpasan iti
panagyaman na iti Dios, pinispisina ti tinapay. “Daytoy ti bagik nga
agpaay kadakayo,” kinunana. “Aramidenyo daytoy a pakalaglagipanyo
kaniak.” Kasta met a kalpasan ti pangrabii, innalana ti kopa ket
kinunana: “Daytoy ti kopa ti baro a tulag a napatalgedan iti darak.
Tunggal inumanyo, aramidenyo a pakalaglagipanyo kaniak.” Ta
agingga iti panagsubli ti Apo, ipakaammoyo ti ipapatayna tunggal
mangankayo iti daytoy a tinapay ken uminomkayo iti daytoy a kopa. Isut
gapuna a ti siasinoman a mangan iti tinapay wenno uminum iti kopa ti
Apo iti wagas a pakaibabainanna, makabasolto iti bagi ken dara ti Apo.
Ngarud, masapul nga usigen ti tunggal tao ti bagina sana kanen ti
tinapay ken inuman ti kopa. Ta ti siasinoman a mangan iti tinapay ken
uminum iti kopa a dina ammoen ti kaipapanan ti bagi ti Apo, yegna ti
pannakaukom iti bagina.
57
58
ANIA TI KOMUNION?
Ti komunion ket maysa a panglagip. Kinuna ni Jesus, “Aramidenyo
daytoy a panglagip kaniak.” Tunggal makipartisipar iti mamati ti
serbisyo ti komunion, malagipna ti sakripisyo nga inaramid ni Apo Jesus
idiay krus. Saanna a kayat a sawen a matay ni Jesu – Cristo tunggal
agkomunionka. Natayen ni Jesu – Cristo a naminpinsan. Ket dinto
manen maulit. Kastoy ni kinuna ni Apostol Pablo maipapan ti ipapatay
ni Crsito Jesus. “. . . . Impaayna a naminpinsan ti maysa a daton idi
indatonna mismo ti bagina.” Hebreo 7:27. Ti panggep ti serbisyo ti
panagkomunion ket tapno malagip tayo ti ipapatay ni Apo Jesus.
Adda dua nga elemento a masapul iti serbisyo ti panagkomunion.
1. Tinapay
darak. Tunggal inumanyo, aramidenyo a pakalagipanyo kaniak.” 1
Corinto 11:2
Ti tubbog ti ubas ket simbolo ti dara ni Jesus a nagtedted idiay krus
ti kalbaryo. No agkomuniontayo, ket saan tayo nga in-inumen ti dara
ni Apo Jesus. Ti inumentayo ket tubbog ti ubas a simbolo ti dara ni
Jesus. Babaen ti daytoy nga elemento, malagiptayo nga intedna ti
biagna para kadatayo.
Ti ngarud Komunion ket naisangsangayan a serbisyo ti panglagip
nga inbilin ni Jesu-Cristo nga aramiden dagiti mamati. Tunggal
agkomunion tayo malagiptayo ti ipapatay ni Jesus ken isu ti
pagtaudan ti pannakaisalakantayo. Aggapu pay kenkuana ti
pigsatayo nga agbiag ti naespirituan. Ipalagip pay ti komunion nga
agsubli manen ni Jesu-Cristo.
SINO TI MABALIN NGA AGKOMUNION
Kuna ti Biblia nga nangala ti tinapay, sana pinispisi ket kinunana,
Kalpasan ti panagyamanna iti Dios, pinispisina iti tinapay. “Daytoy
ti bagik nga agpaay kadakayo,” kinunana, “Aramidenyo daytoy a
pakalaglagipanyo kaniak.” 1 Corinto 11:24
Mabasatayo ti Lucas 22:14-15 nga, Dimteng ti oras ket simmango ni
Jesus ken dagiti apostolesna iti panganan. “Tinarigagayak unay ti
makisango kadakayo iti daytoy a pangrabii iti Paskua sakbay nga
agsagabaak,” kinunana kadakuada.
Iti komunion agbalin kadi a literal a bagi ni Jesus iti tinapay? Saan.
Inusar ni Jesus ti pagsasao nga “Daytoy ti bagik” kas ti
panangusarna ti sao nga “Siak ti ruangan” (Juan 10:9) wenno “Siak
ti dalan” iti Juan 14:6. No pudno nga literal nga bagi ni Jesus ti
kanen dagiti agkomunion dipay ket nagbalindan a kanibal. (Ti
kanibal isuda dagiti mangmangan dagiti karne ti tao.)
Ti immuna nga pananglagip a pangrabii ket inaramid ni Jesus a
kadakuada dagiti adalanna – dagitoy nga adalan ket immuna pay a
mamatida ket nabautisaranda iti danum.
Maawatan tayo a nalawag daytoy babaen ti insao mismo ni Jesus.
Kinunana, “Aramidenyo daytoy a panglagip kaniak”. Nalawag a
maysa nga serbisyo a panglagip. Ti napispisi a tinapay ket
ipalagipna kadatayo ti napispisi a bagi ni Jesus para kadatayo.
Naaramid ti pannakaisalakantayo gapu ti sakripisyu idiay krus. Ti
tinapay isimbolona ti bagina.
2. Ti Kopa – bunga ti ubas
Kuna ti Biblia, Kasta met a kalpasan ti pangrabii, innalana ti kopa
ket kinunana: Daytoy ti kopa ti baro a tulag a napatalgedan iti
59
Ti 1 Corinto 11:17-33, inpalawag ni Apostol Pablo ti kaipapanan ti
Pangrabii iti Apo. Daytoy a komunion ket maipaay kadagiti mamati a
taga-Corinto. Kuna ni Pablo, 1 Cor. 11:33, Ngarud, kakabsatko,
aggiinnuraykayo no agguummongkayo a mangan iti Pangrabii ti Apo.
KAANO NGA ARAMIDEN TI IGLESIA TI PANGKOMUNION?
Kuna ni Apo Jesus, . . . Tunggal inumanyo aramidenyo a pakalagipanyo
kaniak.” 1 Corinto 11:25.
Kitaem a naimbag ti balikas nga tunggal iti bersikulo iti ngato. Awan ti
eksakto nga tiempo no kaano nga agkomunion ti iglesia. Ti iglesia isuda
ti agdesisyon no kaano wenno maminano ti serbisyoda a komunion.
Kuna dagiti dadduma nga adu kano unay a daras no aramiden a linawas.
60
Dadduma nga iglesia lokal ket agkomunionda iti binulan wenno
maminsan tunggal tallo a bulan. Saan nga importante no kaano wenno
mamin-anu ngem masapul nga agpili dagiti miembro ti iglesia ti regular
nga aldaw ti komunion.
SINO TI MANGIDALAN TI SERBISYO TI KOMUNION?
Kadawyan nga ti pastor ti mangidalan iti daytoy a serbisyo. No awan
pay ti pastor ti iglesia, nasayaat nga agpili dagiti miembro no sino
kadakuada ti mangidalan. Saan a masapul nga ti mangidalan ket di-adal.
Dawaten ti pastor wenno ti lider a tulongan ida dagiti sumagmamano a
miembro tapno maisagana ken ken maiwaras ti tinapay ken tubbog ti
ubas.
PANANGTED TI KAPULLO
ANIA TI KAIPAPANAN TI KAPULLO?
Daytoy nga ugali ket aramid dagiti mamati kas masarakan ti Daan ken
Baro a tulag ti Biblia.
Mabasatayo ti Genesis 14:20 nga “Madaydayaw koma ti Kangatoan a
Dios a nangted ti panagballigim kadagiti kabusormo.” Inted ni Abram
kenkuana to apagkapullo ti amin a sinamsam na. Natalak a tao ti Dios ni
Abram. Inaramat ti Dios ni Abram tapno maibuangay ti dakkel a nasyon.
Benendesionan ti Dios ni Abram. Ni Abram ket nangted ti kapullo na iti
Dios. Ni Abram ket addaan apoko nga agnagan Jacob, Kalpasan ti
natalak a panagballigi, nangipatakder ni Jacob ti altar a bato. Ket
kinunana, “Daytoy bato nga impasdekko a kas baton-lagip isunto ti
lugar a pagdaydayawan dagiti tattao kenka ket itedkonto ti apagkapullo
ti amin nga ited mo kaniak.” Genesis 28:22
Ti kapullo ket isu ti diyes a poryento ti amin a birokmo. Iramanna
daytoy ti kuarta nga masapulam ken dagitay apitmo. Isu daytoy ti
pangruggian ti maysa a mamati a mangted iti Dios ti paset ti bannog ken
birokna. Adu dagiti mamati ti mangmangted ti nasursurok ngem ti diyes
porsyento ti kuarta ken apitda.
APAY NGA TI MAMATI NGA MANGTED TI KAPULLONA?
61
1. Gapu ti kinasiasino ti Dios Ama ken ni Apo Jesus a mangisalakan
tayo.
Ti ayat ti panangted ket nagtaud iti puso ti Dios. Manipud ti
pannakaparsua ti lubong Ti Dios ket nalatak a makitatayo a
manangted a Dios. Inikkanatayo ti lawag, kadagiti mulmula,
dagiti animal ken dingoen. Inikkana ti biag ti tao idi pinarsuana
ti lalaki ken babai. Iti daan a tulag, innikkanna ti nasyon ti Israel
kadagiti adu a bendesyon ken prebelehio. Inikkanna met ida
dagiti responsibilidad. Nangted iti Linteg tapno naur-urnos ti
panagbiag ken relasyon dagiti tattao. Kamaudiananna, intedna ti
kaimbagan iti amin nga bendesyon kas mabasa iti Juan 3:16:
Gapu iti kasta unay a panangayat ti Dios iti lubong, intedna ti
kakaisuna nga Anakna tapno siasinoman a mamati kenkuana
saan a matay no di ket agbiag nga agnanayon.
Agsipudta addaantayo ti Dios a managayat ket mannangted
datayo nga annakna ket sumurot ti ehemplona.
Kastoy ti kuna ni Apostol Pablo maipapan ti nakristianoan a
pannangted, “Saanko nga ibilin daytoy. Ngem iti
panangipakaammok iti gagar dagiti daduma a tumulong,
kayatko a mapaneknekan no pudno met laeng ti ayatyo. Ta
ammoyo ti parabur ni Apo tayo a Jesu-Cristo: Idinto a
nabaknang, nagbalin a napanglaw gapu kadakayo tapno
pabaknangennakayo babaen ti kinapanglawna.” 2 Corinto 8:8-9
2. Mangted ti mamati ti agkapullona agsipudta adu la unay dagiti
bendesyon nga aw-awatenna.
Kuna ni Apostol Pablo Nabaknangkayo unay iti amin nga adda
kadakayo: Iti pammati, iti sao, iti ammo, iti gagaryo a tumulong
ken iti ayatyo kadakami. Iti kasta, kayatmi nga adu koma met
ipaayyo a tulong iti daytoy nga aramid. 2 Corinto 8:7
Adu dagiti bendesyon nga inted ti Dios kadatayo. Innikkan
natayo ti biag nga agnanayon. Ik-ikkannatayo ti material ken
espiritual a kasapulantayo nga inaldaw. No agaw-awat laeng ti
ammotayo ket ditay ammo ti mangted – dayta ket kinaimot ken
kinaawan panagyaman. Ti pannangted ti kapullo ket plano ti
62
Dios tapno dagiti annakna ket maipakitada ti ayat ken
panagyamanda ti Dios.
kinalinteg, kinamanangngaasi ken kinapudno. Dagitoy ti
rebbengyo a tungpalen ket diyo liwayan dagiti dadduma.”
3.Mangted ti mamati kapullona tapno kanayon a maipalagip nga ti
biag ken sanikuatayo ket kukua ti Dios.
5.Mangted ti mamati ti kapullona ta daytoy ti plano ti Dios tapno
agtultuloy ti trabahona babaen ti iglesia.
Kuna ni Apostol Pablo iti Corinto 9:12 “Ta daytoy a
panagserbiyo, saanna la a punnoan ti kasapulan ti tattao ti
Dios, no di ket pataudenna pay ti adu a panagyaman iti Dios.
Kuna pay iti 1 Corinto 16:2 Iti umuna nga aldaw ti lawas,
mangilasin ti tunggal maysa iti kuarta segun ti kabaelanna
tapno saanton a masapul ti agur-ur inton umayak.
Kuna ti Biblia, “… Saan tayo a kukua a bagiyo, no di ket kukua
ti Dios.” 1 Corinto 6:19
Amin a sanikua tayo ket kukua ti Dios. Idi pinastrektayo ni
Jesus iti biagtayo – pinagbalintayo nga mangisalakan ken Apo ti
amin a biagtayo. Kayatna a sawen nga ti balaytayo, ti kotse, ti
jeep, dagiti kuarta, nuang, baka, baboy, manok dagatayo ken ti
negosyo tayo ket kukua amin ni Apo Jesus. Siento porsyento
kukua amin ti Dios. Intalekna laeng dagitoy a sanikua tapno
usarentayo. No mangted tayo ti kapullo ti linawas ken binulan,
maipalagip kadatayo nga amin nga kadatayo ket kukua ti Dios.
Isut gapuna a kinuna ni Apostol Pablo iti 1 Corinto 16:2, Iti
umuna nga aldaw ti lawas, mangilasin ti tunggal maysa iti
kuarta. . . .. Sarsaritaen ni Pablo ditoy ti regular a sagot ti
mamati. Regular met nga maipalagip kadatayo maipapan ti
sanikua nga intalek ti Dios kadatayo. Malagiptayo nga ti
nobento a porsyento a kuarta ken sanikuatayo ket iti nasayaat a
banag koma ti pakaigastoanna.
4.Ti mamati ket mangted ti kapullo agsipudta isuro ti Biblia.
Kitaem a naimbag daytoy a bersikulo. Inusar ni Apostol Pablo ti
balikas nga masapul. 1 Corinto 16;2 “Iti umuna nga aldaw ti
lawas, mangilasin ti tunggal maysa iti kuarta segun ti
kabaelanna tapno saanton a masapul ti agur-ur inton umayak.”
Iti Malakias 3:10 kastoy ti sawen ti sao ti Dios, “Yegyo ti amin
nga apagkapullo iti Templo tapno adu ti taraon sadiay.
Padasendak ket ilukatkonto dagiti pagidulinan ti gameng sadi
langit ket ibuyatkonto kadakayo ti nawadwad a bendision.”
Ibilin ni Apo Jesus ti pannangted ti kapullo iti Mateo 23:23 “
Asikayo pay, dakayo a mamaestro iti linteg ken dakayo a
Fariseo! Agsingsingpetkayo! Ta itedyo ti apagkapullo dagiti
rekrekado a mulayo kas iti yerbabuena, anis ken kumino, ngem
diyo met tungpalen dagiti nasken a pannursuro ti Linteg a kas iti
63
Iti Malakias 3:10 kastoy ti sawen ti sao ti Dios, “Yegyo ti amin
nga apagkapullo iti Templo tapno adu ti taraon sadiay.
Padasendak ket ilukatkonto dagiti pagidulinan ti gameng sadi
langit ket ibuyatkonto kadakayo ti nawadwad a bendision.
Kasano a makagatang ti iglesia kadagiti Biblia ken
pagkantaan?
Manipud kapullo ken sagsagot dagiti miembro.
Kasano a makaibangon ti kapilya tapno adda balay a
pagdayawan ken pag kakararagan?
Manipud kapullo ken sagsagot dagiti miembro.
Kasano a masuportaran ti iglesia ti pastor ken liderda?
Manipud kapullo ken sagsagot dagiti miembro.
Kasano a matulongan ti iglesia dagiti masakit ken
marigrigat nga miembrona?
Manipud kapullo ken sagsagot dagiti miembro.
Kasano nga makapan ti iglesia kadagiti sabali pay a
barbaryo ken il-ili tapno isuroda ti ebanghelio?
Manipud kapullo ken sagsagot dagiti miembro.
64
Agpayso nga saan a mapaggi-giddan nga aramiden a dagus ti iglesia
dagitoy a banag. Ti kabarbaro nga iglesia ket agin-inut a dumakkel dagiti
proyekto ken paggastoanna. Ited ti Dios ti amin a kasapulan ti iglesia no
ammona nga usrenda dagiti bendision ti trabahona.
SADINO TI PANGTEDAN ITI KAPULLO?
Uray ti pamilya ket saan a dagus a gumatang ti balay, daga ken adu nga
ramit ti pagtaengan. Iti di mabayag babaen ti napudno ken nasaririt a
panagplano mabalinnanton a gatangen dagitoy. Kasta met iti iglesia iti
panangaramidna kadagiti proyektona.
Iti libro ti Malakias kunana nga Yegko ti amin nga agkapulo iti templo
tapnu adu iti taraon sadiay. Malakias 3:10. Ti templo ket maiparis iti
iglesia. Addaan responsibilidad ti iglesia tapno maipadamag ti
ebanghelio iti entero a lubong. Maited ngarud dagiti kapullo ken
sagsagot iti iglesia tapno usaren ken gastosen para ti ebanghelisasyon ti
lubong. Naim – imbag nga itedmo ti kapullom ken sagsagotmo iti iglesia
local imbes nga idonarmo kadagiti sabsabali nga organisasyon.
Kas pangserra ti daytoy a leksion, basaem naimbag dagitoy a bersikulo
manipud Biblia.
SINO TI MANGTED TI KAPULLO NA?
Kuna ti Biblia iti 2 Corinto 9:7 Ngarud, mangted koma ti tunggal maysa
kas agubbog iti pusona a saan a nasakit iti nakemna wenno mapilpilit;
ta ayaten ti Dios ti mangted a siaayat. Uray ti 1 Corinto 16:2 Iti umuna
nga aldaw ti lawas, mangilasin ti tunggal maysa iti kuarta.
Tunggal agsao ni Apostol Pablo maipapan ti pannangted ti kapullo ken
sagsagot – makisasao iti iglesia.
KAANO NGA ITED TI APAGKAPULLO?
“Siak ti Apo ket saanak nga agbalbaliw. Dakayo a kaputotan ni Jacob,
saankayo pay a napukaw a naminpinsan. Kas kadagiti kaputotanyo,
tinallikudanyo met dagiti lintegko ket diyu tinungpal ida. Agsublikayo
kaniak, ket agsubliak met kadakayo. Ngem saludsodenyo, “Ania ti
aramidenmi tapno makapagsublikami kenka?” Saludsodak met:
Rumbeng kadi a takawan ti maysa a tao ti Dios? Saan! Ngem
taktakawandak. Kasano? Iti diyo pannagted iti naan – anay nga
agkapullo ken iti daton. Nailunodkayo amin gapu ta sasaurennak ti
entero a pagilian. Yegyo ti amin agkapullo iti Templo tapnu adu ti
taraon sadiay. Padasendak ket ilukatkonto dagiti pagidulinan ti gameng
sadi langit ket ibuyatkonto kadakayo ti nawadwad a bendision. Diakto
ipalubos nga iggesen dagiti apityo ket adunto ti ubas ti kaubasanyo.
Ibilangdakayto a nagasat dagiti amin a pagilian agsipud ta nasayaatto a
pagyanan ti dagayo. Malakias 3:6-12
Naadaltayo manipud kadagitoy nga bersikulo nga:
Kuna ni Pablo ti 1 Corinto 6:12 nga ited ti agkapullo ken sagsagot ti
tunggal Dominggo. Naimbag unay no mairuam a mangetdka iti linawas
ngem iti binulan. Aramidem daytoy a regular a paset ti panagdayawmo
iti Apo. Masapul ti naurnos a sistema ti pannangted kadagiti tunggal
mamati.
1.
2.
3.
4.
5.
Nalawag unay ti sungbat. Tunggal maysa a mamati ket mangted ti
kapullona. Ania ti rumbeng a tawenmo tapno mangtedka ti kapullo. No
nataengan kan a namati, nataenganka metten nga mangted. Ti sao nga
Tunggal maysa ket ibilangna dagiti ubbing, babbaro, babbalasang ken
nataengan. Masapul nga irugin ti ubing ti mangted uray no aggapu iti
bassit a linawas nga ‘allowance’ na. Dagiti Cristiano a nagannak,
masapul nga suroanda dagiti annakda a mangted ti kapulloda. Ti balikas
a tunggal maysa iramanna dagiti napanglaw, nabaknang, di-adal, awanan
adal, ubing, lakay. Awan ti napanglaw unay nga saan a makaited.
Mabasatayo iti Marcos 12:41-44 maipapan ti napanglaw a balo.
Indaydayao ni Apo Jesus ti inaramidna ta intedna amin a sanikuana.
65
Saan nga agbaliw ti Dios.
Ti nasyon ti Israel ket tinalikudanda ti Dios.
Nagbasolda ta tinakawanda ti Dios.
Agbibiagda iti lunod gaputa dida nga it – ited ti kapulloda iti Dios.
Masapul nga itedtayo ti amin wenno kompleto a kapullo tayo iti
Dios.
66
6. Ikari ti Dios ti adu nga bendision kadagidiay mangted ti kapulloda.
Laglagipenyo a ti tao a bassit ti imulana, bassitto met ti apitenna. Ti tao
nga adu ti imulana, adunto met ti apitenna. Ngarud, mangted koma ti
tunggal maysa kas agubbog ti pusona a saan a nasakit ti nakemna
wenno mapilpilit; ta ayaten ti Dios ti mangted a sisiayat. Maited ti Dios
ti amin a masapulyo, ken ad –adu pay tapno makatulongkayo iti amin a
naimbag nga aramid gapu ta kanayon nga aglalapunosan. 2 Corinto
9:6-8
10. Sadino ti pakaitedan ti kapulllo ken sagsagot?
11. Bendesionannaka kadi ti Dios no itedmo ti kapullom kenkuana?
12. Sisasaganaka kadin a mangted ti kapullom iti Apo? Wen; Saan
____________; Kaano a rugiam nga ited? __________________.
LAGIPEN KEN PAGSASARITAAN
1. Ti komunion ket __________________________________.
2. Maipalagip kadatayo ti ___________________________ ni Jesus
tunggal agkomunion tayo.
3. Dagiti dua nga element nga usaren iti komunion ket _____________
ken ___________________________.
4. Ti tinapay ket isimbolona ti ______________________ ni Apo
Jesus.
5. Ti tubbog ti ubas ket isimbolona ti ____________________ni Apo
Jesus.
6. Apay nga napateg unay ti panagkomunion kas aramid ti iglesia?
7. Ania ti kaipapanan ti kapullo?
8. Isuratmo dagiti lima nga rason no apay nga ti mamati ket mangted ti
kapullona?
9. Sino ti rumbeng a mangted ti kapullona?
67
68
Leksion 8
Adda plano ti Dios iti pannakaiwaras ti naimbag a Damag iti entero a
lubong. Pinilina ti iglesia tapno agbalin nga instrumentona iti
pannakammo amin a tao maipapan ken Jesu – Cristo.
Kastoy ti kuna ni Pablo maipanggep kadagitoy a sagsagut: Nadumaduma
a kita dagiti naespirituan a sagut, ngem maymaysa nga Espiritu ti
mangted kadagitoy. Adu a kita ti panagserbi, ngem maymaysa nga apo ti
pagserbian. Nadumaduma ti kabaelan nga agserbi, ngem maymaysa a
Dios ti mangted iti kabaelan ti tunggal maysa. Iti pagimbagan ti amin,
maipakita ti kaadda ti Espiritu iti tunggal maysa. 1 Corinto 12:4-7
Saritaen ni Apostol Pablo daytoy iti Efeso 3:7-11
Maadaltayo kadagitoy nga bersikulo nga:
Nagabalinak nga adipen ti ebanghelio gapu iti naisangsangayan a sagut
nga inted kaniak ti Dios babaen ti pannakabalinna. Siak ti kanumoan
kadagiti nanumo a tattao ti Dios, ngem siak ti pinili ti Dios a
mangipakaammo kadagiti Gentil iti di matukod a kinabaknang ni Cristo
ken mangipakita kadagiti amin a tao iti pannakaibanag daytoy nalimed
a plano ti Dios. Iti napalabas a tiempo, inlemmeng ti Dios a Namarsua
kadagiti amin a banag daytoy nalimed a planona. Ita, babaen ti iglesia,
maamoan dagiti agtuturay ken dagiti pannakabalin sadi langit ti
kinasirib ti Dios kas mayannurot iti agnanayon a panggepna a
tinungpalna babaen ken Cristo – Jesus nga Apotayo. Efeso 3:7 – 11
1.
2.
3.
4.
TI BARO A RESPONSIBILIDAD
Kas maibasar iti bersikulo a nabasam, ugedam dagitoy nga balikas:
sagut, pinili, panggepna, babaen ti iglesia, planona.
Ti laeng plano ti Dios iti pannakaiwaras ti Naimbag a Damag ket babaen
iti iglesia. Ania ti kaipapanan daytoy? Kayatna a sawen nga
nagunggonaan tayo idi nga naited kadatayo ti prebilehio nga maiyanak a
mabaliwan. Naikkan tayo pay ti baro a biag. Maaddaantayo met ngarud
ti responsibilidad kas tattao ti Dios.
Naikkan ni Apostol Pablo ti naisangsangayan a sagut. Tunggal namati
ken ni Jesu – Cristo ket naikkan met ti naisangsangayan a sagut.
Mabasatayo iti Efeso 4:7 nga “Naikkan ti tunggal maysa kadatayo iti
naisangsangayan a sagut kas mayannurot iti rukod nga inted ni Cristo.”
Ti naisangsangayan a sagut ket isuda dagiti talento ken kinalaing wenno
naisangsangayan nga abilidad nga inted ti Dios iti maysa a tao. Inikkan ti
Dios ti miembro ti iglesiana kadagiti talento tapno rumang – ay ken
pumigsada iti responsibilidadda.
69
Nadumaduma dagiti kita ti sagut.
Amin dagitoy a sagsagut ket inted ti Dios.
Tunggal maysa a miembro ti iglesia ket addaan sagut.
Masapul a tunggal sagut ket usaren a maipaay iti iglesia iti
panangrang – ay ken panagdakkelna.
5. Tunggal sagut ket usaren a pangdayaw ken ni Apo Jesus.
Dagiti Praktikal A Kinapudno:
1. Tunggal namati a miembro iti iglesia ket maysa a ministro. Amin ket
naikkan ti naisangsangayan nga abilidad tapno usarenna ti
pinagministrona. Saan a nasayaat no ibilang tayo iti pastor nga isu
laeng “ti ministro.” Ti pastor ken tunggal miembro ket ministroda
amin.
2. Sawen ti Baro a Tulag maipapan ti nadumaduma nga saad dagiti
miembro ti iglesia. Ti importante ditoy ket saan nga iti pangawag
kadakuada – no di ket ti ar – aramidenda a makatulong iti iglesia.
Saan nga isuro ti Biblia nga ti pangtawag kadagiti lilider ti iglesia
ket Rev. Father wenno reverend. Saanda nga inawagan ni Pablo iti
Reverend Father Pablo, wenno Reverend Father Pedro, wenno
Reverend Father Santiago, wenno Reverend Father Juan. Ti inusar
dagidi immuna a Cristiano ket ti sao a “kabsat” wenno “kakabsat.”
Maragsakan kanu ni Jesu – Cristo no awagan tayo dagiti lider ken
miembro ti iglesia tay ti “kabsat” wenno “kakabsat.” Ni Cristo
mismo ti nagtaudan ti pudno a pangkikinnabsatan. Dinillaw ni Jesus
ti panagusar kadagitoy naindagaan nga titulo. Basaem ti Mateo
23:1-12 iti Baro a tulag. Ti kalatakan ken kapintasan nga panagawag
tayo kadagiti lider ken kameng ti iglesiatayo ket kabsat.
70
3. Nadumaduma dagiti kita ti sagut ken talent, ngem maymaysa ti Apo,
maymaysa ti panagkikinnabsatan.
kalpasan ti panagkararagda. Napnoda amin iti Espiritu Santo, ket
situturedda a nangiwaragawag iti sao ti Dios. Aramid 4:29, 31
Ammo ti Dios nga ti bassit wenno sumagmamano nga lider ti iglesia
ket dida maaramidan amin ti msiyon nga inted ti Dios kadakuada.
Plinanona ngarud a tunggal namati a miembro ket addaan sagut.
Usaren daytoy a sagut iti biag ken panagdakkel ti iglesia.
Kitaem a naimbag ti kapateg ti kararag kadagitoy nga bersikulo. Idi
nakaro unay ti pannakaidadanes dagiti mamati ken Cristo. Napan
dagiti nawarawara a mamati ti mensahe. Aramid 8:4
Kangrunaan iti plano ti Dios ti pannakaipadamag ti ebanghelio ket ti
Panagsaksi wenno Panagtestigo.
Tunggal Cristiano ket rebbengna ti agtestigo. Mabasatayo iti 1 Pedro
2:9 nga Ngem dakayo ti napili a kaputotan. Papadinakayo ti Ari,
nassionnakayo a nasantaoan. Tattaonakayo ti Dios. Wen, dakayo ti
napili a mangiwaragawag kadagiti natan – ok nga aramid ti Dios a
nagiruar kadakayo iti kasipngetan tapno ipannakayo iti
nakaskasdaaw a lawagna.
Kuna ni Jesus iti Mateo 28:19-20: Inkayo ngarud kadagiti amin a
tattao iti amin a lugar, ket pagbalinenyo ida nga adalak:
bautisaranyo ida iti nagan ti Ama, ti Anak ken ti Espiritu Santo, ken
isuroyo ida nga agtungpal kadagiti amin nga imbilinko kadakayo.
Laglagipenyo nga addaakto nga agnanayon kadakayo agingga iti
panungpalan ti lubong.
Daytoy ti baro a responsibilidad tayo. Daytoy ti rason no apay nga
inikkannatayo ti Dios kadagiti naisangsangayan a sagut. Kuna ti
Biblia ti Aramid 1:8: Ngem awatenyonto ti pannakabalin inton umay
kadakayo ti Espirito Santo. Dakayto ti mangpaneknek iti maipapan
kaniak idiay Jerusalem, iti entero a Judea ken Samaria, agingga iti
amin a suli ti daga.
Daytoy ti responsibilidad tayo. Makita tayo iti biag iti immuna nga
iglesia – nga ti panagsaksi wenno panagpaneknek ket napateg a
paset ti aramidna. Uray lappeden ida ti pannakaidadanes kuna ni
Apostol Pedro ken Juan, “No dakami, saan a mabalin a dimi isao
dagiti nakita ken nangegmi.” Aramid 4:20 Kadagiti panagkararagda
iti iglesia – kastoy ti dawatda, Ket ita, Apo, kitaem dagiti
pammutengda. Tulongannakami nga adipenmo nga agsao a
situtured iti mensahem. Nagunggon ti balay a nagmimitinganda
71
Makitatayo pay iti Aramid 8:1 . . . . nawarawara dagiti amin a
mamati iti entero a Judea ken Samaria malaksid dagiti apostoles.
Kadagitoy nga ehemplo nga inaramid dagidi immuna nga miembro
ti iglesia, maadaltayo nga:
1.Ti panagkararag ibungana ti dakkel a pannakabalin.
2.Ti pannakabalin ket aggapu iti Espiritu Santo.
3.Amin dagiti namati ket aktiboda iti panagpaneknek maipapan ken
Jesus.
Inyunay – unay ni Apostol Pablo ti dakkel nga responsibilidadtayo
iti panagpaneknek. Roma 10:13-15
Kas kuna ti nasantoan a Surat, “ Ti siasinoman nga umawag iti
nagan ti Apo, maisalakanto.” Ngem kasano ti yaawagda kenkuana,
no dida mamati? Kasano ti panamatida, no dida mangngeg ti
mensahe? Kasanu ti pannakangegda, no di maipakaamo ti
mensahe? Kasano ti pannakaiwaragawag ti mensahe no saan a
maibaon dagiti mangasaba? Kas koma ti Nasantoan a Surat.
“Nagsayaat ketdin ti yaay dagiti mangyeg iti naimbag a damag!”
Sawen pay ni Apostol Pablo ti baro a responsibilidad ti mamati iti 2
Corinto 5:17-18: Maysa a baro a parsua ti siasinoman a mainaig ken
Cristo: Naglabasen dagiti a banag; dimtengen dagiti baro. Inaramid
amin ti Dios daytoy. Isu ti nangikappia kadakami kenkuana babaen ken
Cristo. Intedna kadakami ti trabaho a mangikappia kadagiti tattao
kenkuana. Makunatayo ngarud nga tunggal mamati ket addaan
responsibilidad a makipartisipar ti plano ti Dios a pannakaiwaragawag ti
Naimbag a Damag. Awanan rason nga agbiag ti maysa nga iglesia no
saan a makipartisipar ti daytoy a responsibilidad.
72
Mabalin kadi ti maysa nga iglesia ti makipartisipar iti
pannakaiwaragawag iti Ebanghelio iti adu a nasyon? Wen, mabalinna ti
makipartisipar babaen ti pannangtedna kadagiti kapullo ken sagsagot na
kadagiti organisasyon nga agsupsuporta kadagiti misyonaryo. Mabalin
nga daytoy nga organisasyon ket addaan kadagiti misyonaryo iti
sangagasut nga nasyon. Adu a kita ti trabaho dagiti misyonaryo a
pakausaran dagita a sagsagot; kas iti ebanghelisasyon, pannakairugi
kadagiti baro nga iglesia, medical, agrikultura, pannakaiwaras dagiti
Biblia ken dadduma a nakristianoan nga babasaen, edukasyon ken
dadduma pay. Mabalin pay ti iglesia lokal ti makipartisipar babaen iti
panangikararagda kadagitoy nga proyekto iti panagmisyon. Napateg
unay nga paset ti panagmisyon ti panagkararag. Uray bassit pay ti iglesia
lokal, mabalinnan ti tumulong ti panagmisyon iti entero a
sangalubongan.
Mabalin kadi a makipartisipar ti iglesia lokal ti pannakaiwaragwag ti
Ebanghelio iti dadduma a probinsiya?
Wen, pudno a mabalin. No adda miembro ti iglesia lokal nga mapan
wenno umalis ti sabali a probinsya, mabalinna nga ipadamag ti
ebanghelio iti baro a lugar nga yanna. Mabalinna pay ti mangirugi ti
grupo nga agadal iti Biblia. Mabalin met nga dayta nga grupo ket
agbalinto nga baro nga iglesia. Ti maysa nga iglesia lokal ket mabalinda
ti agtutulag kadagiti sabali pay nga iglesia iti dayta nga probinsiya tapno
pagtitinnulonganda ti gastos ti panangibaonda ti maysa a misyonaryo.
Possible ngarud unay nga tunggal iglesia lokal ket matungpalna ti
Aramid 1:8. Kitaem manen a naimbag dayta nga bersikulo. Kinuna ni
Jesus nga dagiti pasurotna ket agbalindanto nga mangpaneknek
maipapan kenkuana manipud Jerusalem (ti mismo nga ilim), ti amin nga
Judea (ti probinsiyam), ken ti Samaria (ti bukodtay a pagilian a
Pilipinas) ken ti amin nga paset ti lubong (amin nag nasyon ditoy daga).
Isuro kadi ni Apo Jesus dayta nga bilin no imposible nga maaramid?
Ammona nga tunggal iglesia lokal ket mabalinna ti agmisyon iti amin a
nasyon a ngem irugitayo nga umuna iti bukodtayo a pagtaengan ken
baryo.
Napagsasaritaantayon maipapan kadagiti sagsagot nga inted ti Dios iti
tunggal mamati. Naipalawag metten maipapan iti baro nga
responsibilidad nga inted ti Dios kadagiti tattaona. Nakitatayo metten
73
nga matungpaltayo daytoy nga inbilin ni Apo Jesus babaen ti
pannakipartisipar ti iglesia lokal manipud barbaryo, il – ili, probinsiya, ti
bukodtayo a pagilian ket iti sabali pay a nasyon.
Ita adalentayo no kasano nga maibingayto ti Naimbag a Damag kadagiti
gagayyem, kaaruba ken iti kabaryoantayo.
Idi kabarbaro a nagministro ni Apo Jesus inawisna ni Andres tapno
sumurot kenkuana. Kuna ti Biblia nga idi nagdesisyon ni Andres nga
sumurot ken ni Jesus, Sinapulna a dagus ni Simon a kabsatna ket
imbagana kenkuana, “Nasarakanmi ti Mesias!” (Kayatna a sawen,
Cristo). Kalpasanna, impanna ni Simon iti ayan ni Jesus. . . Iti sumuno
nga aldaw napanunot ni Jesus ti mapan idiay Galilea. Nasarakanna ni
Felipe ket kinunana kenkuana “Surotennak,” Sinapul ni Felipe ni
Natanael. “Nasarakanmi ti tao a sinarita ni Moises iti libro ti Linteg,
ken kasta met dagiti profeta,” kinunana, “Isu ni Jesus a taga
Nazaret. . .” Juan 1:41 – 42a, 43, 45
Kalpasan nga inawat ni Andres ni Apo Jesus, napan a dagus ken ni
kabsatna ket inbagana maipapan ken ni Jesus. Uray ni Felipe idi nga
nangngegna maipapan ken ni Jesus inpadamagna a dagus ken ni
gayyemna a Natanael.
Addaan dakkel nga responsibilidad ti maysa a mamati nga dagusna nga
ibingay ti Naimbag a Damag kalpasan a maiyanak a mabaliwan. Saanen
a masapul nga urayem pay nga agbalinka nga miembro ti organisasyon
iti iglesia. Natural ken kadaywan nga aramidem daytoy nu pudno a
naiyanakka a nabaliwan. No adda maawatmo nga napateg nga sagot
wenno regalo, kadawyan nga ipadamagmo nga dagus kadagiti
gagayyemmo. Kasta met idi inawattayo ni Apo Jesus ken dagiti
bendisyon nga inaramidna iti biagtayo. Saantayo a malappedan nga
ipadamag ti napasamak iti biagtayo. Ipadamagtayo ti baro a talna, ragsak
ken kaipapanan ti biagtayo. Daytoy ti maaw-awagan a panagtestigo. Ti
panagtestigo ket isu ti panangipadamagtayo ti personal a kapadasantayo.
Ammotayo a pudno a napasamak iti biagtayo. Isu ti panangibagatayo no
kasano nga insalakannatayo ni Jesu – Cristo.
No napasamak kadatayo, mabalin nga maaramid met kadagiti gagayyem
ken dagiti tattao iti likmottayo. Ti wagas ti pannakaisalakantayo ket isu
74
met ti wagas ti pannakaisalakanda. Agpapada ti mapasamak iti biagtayo.
Umuna, mangegtayo ti mensahe.
Kalpasanna, tallikudanyo dagiti basoltayo ket maminpinsan nga
agtalektayo ken ni Jesu – Cristo kas Apo ken Mangisalakan ti biagtayo.
Iti panagtestigotayo, sariatentayo amin nu kasano a napasamak daytoy a
kapadasan. Kalpasanna ibagatayo ti nagbaliwan ti biagtayo.
Dadduma kadagiti makangngeg iti panagtestigotayo ket agkatawada,
wenno ibagada nga adda ag – aguuyongtayo. Ngem adda kadakuada iti
dumngeg ket maiyanakda a mabaliwan, kas met iti napasamak kadatayo.
Kanayon a lagipem iti sinao ni Jesus kadagiti immuna nga adalanna, nga
mapantayo ti amin a lugar ditoy lubong ket ibingaytayo ti Naimbag a
Damag, “nga addaakto nga agnanayon kadakayo,” (Mateo 28:20)
Tunggal mamati nga baro, balasang ken nataengan – kuna ni Jesus nga
mapantayo ipadamag maipapan kenkuana ket adda ni Jesus nga
agnanayon kadatayo. Inted daytoy ti Dios nga prebilihio ken
responsibilidad tayo. Daytoy ti trabaho ti tunggal miembro ti iglesia
lokal.
Maysa a baro a parsua ti siasinoman a mainaig ken Cristo. Naglabasen
dagiti daan a banag; dimtengen dagiti baro. Inaramid amin ti Dios
daytoy. Isu ti nangikappia kadakami kenkuana babaen ken Cristo.
Intedna kadakami ti trabaho nga mangibaga kadagiti tattao kenkuana. 2
Corinto 5:17-18
3. Ti kaipapanan ti naespirituan a sagot ket __________________.
4. Ilistam dagiti lima a banag nga naadalmo maipanggep iti
naespirituan a sagsagot.
5. Kas maibasar iti daytoy a leksion sino ti maawagan a ministro?
6. Maadaltayo manipud Biblia nga ti pastor kas kadagiti amin nga
miembro nga immawaten ken Cristo ket maawaganda ti reverendo
_____________; kabsat __________(Kur – itam ti maysa laeng)
7. Mangtedka ti maysa a bersikulo a mangpaneknek nga ti tunggal
mamati ken addaan responsibilidad nga agpaneknek.
8. Ania dagiti tallo nga ehemplo nga maadaltayo manipud kadagiti
immuna nga iglesia ti baro a Tulag.
9. Mangtedka ti maysa a wagas nga ti iglesia lokal nga ayanmo ket
maibingayna ti Ebanghelio iti adu a nasyon.
10. Kasanu nga ti iglesia lokal nga ayanmo ket maibingayna ti
ebanghelio kadagiti sabali nga probinsiya.
11. Ania ti kaipapanan ti panagtestigo?
12. Manginaganka ti maysa nga tao nga kayatmo nga padamagan
maipapan ken Jesu – Cristo.
LAGIPEN KEN PAGSASARITAAN
1. Pinili ti Dios ti ________ tapno agserbi nga instrumentona ti
pannakiwaras ti Ebanghelio iti entero a lubong.
2. Naikkan ni Apostol Pablo ti naisangsangayan a sagot. Uray tunggal
namati ket naikkan met ti ___________a__________________.
75
76

Assemblea territoriale FLC-CGIL PERSONALE DOCENTE E ATA

Schulspeisenplan für die Woche vom 23.03. bis

Allegato - "L.da Vinci" / "M.Torre"

Scarica le slides di Raffaele Colaizzo

test lingua inglese - IIS IPSIA

064 - Bando interno attività ket

Current Transducer - GE Digital Energy

01 - Bando allievi IPSIA Corigliano.pdf

Leggi l`Ordinanza - Periti Industriali Cuneo

Ammessi alla finale nazionale categorie C1-C2-L1-L2