Dr Faschingvorstand – zuä gä – hend rächt vill um d’Ohrä am Fasnachtssamschtig hed de einä glich churz d’Ruäh verlorä da chund zum Grill ä jungä Purscht und fragt de nur: «Gitt’s scho ä Wurscht?» «I fif Minutä», seid dr Grilleur «chasch cho!» D’Wirscht wäret nachä zwar – das gseht’r scho nur eppis merkt’r und seit zum Kolleg de lislig ganz: «Mä setti z’Brot schnell holä nu bim Rieser Hans!» In eigener Sache Im letschtä Jahr tuät dr Lälliverchaif nitt iberall klappä äs Vorstandsmitglied isch tschuld – ÄR nimmt’s uf sini Chappä vu sim ehemaligä Job här sett är ALLI Strassä kännä – gwiss ä-f-Ehr sy Namä reimt sich uf: «Maschinägwehr» Dä Jungs und Mädels – wo dr LÄLLI tent verchaifä druckt är zwar ä Lischtä id Händ – wos settet durälaifä doch dr BONACHER tuät uf allnä Lischtä fählä passiärts hiir wider… mä miässt ä anderä i Vorstand wählä! Ä Chatz verbrennä sig z’Schattdorf unnä Brüch 2016 gaht äs nitt – dr Fehn tuät z’rüch ja ab und zuä git äs so Sachä am Gidelzischtig stellt sich d’Frag: Wohi mit derä – was wemmer machä? Wonärs list seid dr Fedier Peter bimnä Biär: «Gaby nimm sie nit – miär hend scho viär!» Und sett’s ä fifti gä … äs blibt drby grad vu Schattdorf ufä miässt sie gwiss nit sy EXGÜSI Am Fritig nach äm SCHMUDO – eppä um diä zähni NITT am Morget friäh – ja das erwähni sind miär mim LÄLLI de uf Wassä abbä «Äs paar verchaifä…», s’wird scho klappä Und wirkli, vill nätti Lyt hemmer troffä - sägi grad und der oder disi hed doch g’chaift de ysers Blatt im Nachhinein aber liäbi Lyt äs isch äso verzellet Gwissi: UNZÄHLIG Reklamationä heiget sie brcho nach äm Schmutzig Donnschtig - da wellmä schlafä dernig wiä ys – diä sett mä strafä Also ENTSCHULDIGUNG – als erschts grad gschwind hemmiär nitt gwisst, dass i dr SCHMUDO-NACHT ALL Wassner uf dä Beinä sind hemmiär aber epper wikli gweckt… ÄS TUÄT YS LEID!!! Miär hend drüs glehrt – ä-f-Ehr und Eid Ich fand’s auf unserm Estrich – s’ist der Wahn schrieb’s vor 100 Jahren wohl Ernst Zahn? Fall auf Knall oder? Jedes Jahr im Frühling da steht Zürich still Fasnachtsersatz? Kostümfest? Jeder denke was er will ein Schneemann brennt – man reitet Pferde man tut als sei man heut’ – der Mittelpunkt der Erde zerbirst er früh – «der Böög» - so glauben Zürcher eben soll’s ‘nen schönen Sommer geben alles Humbug mit dem Sechseleäuten nur EINE Regel gibt’s – und die ALLEIN tut was bedeuten: «Brennt der Böög in Gösch’nen gar nicht gschwind verliert sein gröss’rer Sechseläuten-Bruder rasch den Grind!» Dr Manuel Steiner mä chad nur stünä vom I-trummälä bis zum Chindermorgästreich – är vorus mit dr Posunä doch am Fasnachtssamschtig chaner chum meh amnä Coci nippä «Z’lang Posunä gschpillt – gitt gschwullni Lippä!» Sin Cousin Vivian – ai 16-ni – wo am glichä Tisch grad sitzt luägt ihn a und seid verschmitzt: «Ja das git’s – das laht sich nit verhindrä doch Fraiä-Lippä chent das Lidä lindrä!» Ä Kommentar vum Lälli? Är tuät ä keinä ha lemmers doch eifach einisch so la stah! D’Andermattner sind im Grund gnu z’lobä äs Jungschwinget machet sie dett obä doch z’Sagmähl holet’s im Tessin isch das vu dett ächt bsunders fin? Dr Lälli ratet: «Tent uf äm Golfplatz doch gli z’Eidgenessisch planä trätet rächtzitig de a Herr Sawiris anä der bringt fir d’Schwingplätz vu El Gouna weichä, wissä Sand und als Siegerpriis nu äs Kamel – ja wärdet vorstellig bim Verband Am Herr Sawiris isch äs wirkli g’lungä är hed d’Andermattner uf Ideä prungä Schlittäfahrtä… Après-Schiwagä vu dr MGB äs gäbti gwiss nu vill, vill meh eppis witers wäri: Synergiä nitzä d’Kamel vu El Gouna chentet doch dr Andermattner Winterdiänscht chli understitzä Caroline – wo oft uf d’Gmeindskanzli cho schaffä chund wohnt z’Andermatt und hed ä Hund der Hund isch mit dr MGB – das isch ä wahrä irgendwiä uf Gesch’nä g’fahrä d’Daniela Rothäfluäh g’seht per Zuäfall de das Tiär erkännt-nä ai – dänkt: Läck du miär! Probiärt ä i-z-fah – hed ä huärä Miäh drby zum Glick hed sie Geduld – und so glingt’s nu gli das Tiär chund wider uf Andermatt – da simmer froh villicht wett’s mal uf Geschenä id Feriä cho? denn wonär d’Caroline wider g’seh heig miäch är: «Kleff, kleff, kleff ha wellä Hirschwurscht holä bim Bumä Walti – da dim Chef!» Dr Billi Bumä und dr Marcel Stössel ai hend chirtzlich bi dr MGB a-g’fangä - ganz genai um dr Job z’wäxlä chas ä hufä Grind ja gä miär wend das etz nit necher under d’Lupä näh g’munklet wird: Dr allerwichtigscht Grund sig z’Wissä gsi, dass da DER Wagä chund und etz hoffet’s glaibi – miär sind z’wenig informiärt dass der Wagä alli Geschner MGB-Mitarbeiter nach äm Fyrabig da abbä fiährt uf Geschenä giängt’s zumindescht abbä bergüf - so g’heert-mä - tuät’s nitt immer klappä bi dr erschtä Fahrt meget’s dä Gescht chum g’wehrä doch dr Wagä mag nit uf d’Oberalp – muäss am Nätschä wägrä Pannä chehrä Dr «Giogg» - ja so wird z’Wassä ja verzellt: Ä Holzbiigi hed är näb dr Suschtästrass doch g’stellt «Nachtbuäbästreich» hed är speter reklamiärt doch so wiä-n-är diä Biigi da het konstruiärt brücht’s keini Buäbä-Chreft - dass diä tuät trolä äs längt wenn ä Spatz druf landet – oder ä Dohlä Ä Wasserschadä hend sie amä Sunntig einisch z’Wassä gha dr Severin Bûmä – Gmeindsarbeiter – isch ai us-g’ruckt da wo d’Laurentia uf-staht g’seht sie ihrä Hund de nitt sie dänkt: Der isch mim Severin wahrschindli mit gägä Mittag isch dr Severin de retour cho d’Laurentia fragt: «Dr Hund isch wo?» dr Severin aber seit i einer Ruäh: «Ich ha dr immer g’seit – ich heig mit dem nyd z’tuä! Du dänksch mal sicher eppä nit ich nähm der nu zum Schaffä mit!» D’Laurentia ganz versteert dr Hundeboxä zuä det lyt das Tiär i aller Ruäh luägt sie a als wett är sägä: Lach mit nu äs bitzli pennä amnä Sunntig wird mä das ja wohl nu chennä? Ai dr Pittier – a ysrem Faschingpräsidänt si Briäder wird z’Gurtnällä am Ländlerabig langsam miäder är seid zu sich: «Ich sett glaib langsam hei» Nur wyt hed är nimmä megä – s’bleibt dabei wo ai z’Gurtnällä d’Sunnä uf-gaht hed sie g’lachet sie gseht wiä ufem Spielplatz grad dr Pittier verwachet är streckt sich uf-mä Bänkli – isch sowyt fit - hed kei Verletzigä d’Orientiärig hedr ai – laift Richtig Getzigä A dr Gurtnäller Gmeindsversammlig isch äs gsi uf z’Thema «Fusion und Zämä-Arbet» gend sie i und tent zum Schluss de dett feschtschtellä: Mit Geschenä und Wassä sig i der Beziähig nitt vill z’wellä Und? Isch äs etz äs Versprächä - ä Drohig oder äs Neckä? Sie wellet ihri Fühler meh nach «NORD» us-streckä!! Dr Triulzi Everisto chad eppis - memmer sägä dr Mike Shiva isch ä Dräck drgägä am Morget hemmer der Zädel im Chaschtä gha am Namittag – isch de das Bebä gwiss scho da drum Everisto wemmer etz mit diär nitt schimpfä obwohl Gurtnäller g’fragt heiget: «Chamä sich gägä Erdbebä la impfä?» Dr Lälli chad ibrigens ai Wahrsägä - wurd är meinä: «Am Schmutzig Donnschtig gent ä hufä hei – uf gwagglig Beinä!» Das z’Erwähnä wemmer nit verpassä mit «allerschönste Orte» meint der Ma tatsächlich: WASSÄ? Aber irgendwiä hed der rächt – äs blibt drby ä hufä Schwizer sind scho 50 mal z’Östrich gsi aber z’Urneroberland - und ys - das kännt ä keinä diä verpasset eppis – temmer meinä! Dr Kalbermatter Daniel gaht ämal uf d’Schi natirlich gaht’s de anäs Kaffee gli pletzlich g’heert mä de dr Dani ä chli chlagä mit dr niwä Schibrillä miäss är sich vill umäplagä ständig putz-är sie – doch äs sig zum Grusä churz drüfabbä sig sie wieder milchig und är g’säch chum usä da seit-em ä jungä Purscht de knapp: «Ich nähmt vorä da diä Plaschtik-Schutzfoliä einisch drab…!» Schad hed em das nitt friähner einä g’seit – äs isch kei Witz der hätt sich qualifiziärt susch gwiss nu de fir St. Moritz Im Underland – das isch bekannt hed’s vill Reklamätafälä am Strassärand fir Theater - Horäschlittärännä – Zirkus – so isch äs ja i jedrä Wiesä tent gli dernig Taflä stah und vor dä Wahlä – sind’s vermehrt nu z’gfindä a jeder Strassälatärnä: Erschtfälder und Schattdorfer…. Chepf ys hed das ja bis etz niä g’schteert im letschtä Friählig hed de d’Stimmig g’chehrt bim Chreisel hed ysers Theater ä Reklamätaflä anä-ta Ä GROSSI GFAHR fir alli sig diä schynt’s – so g’heert mä da und imnä Briäf mäldet’s vu UNNÄUFÄ speter diä Taflä stiäng im faltschä Perimeter «WO sind diä Wächter aber amigs?» fragt dr Lälli un-g’schiniärt «wenn uswärtigs Gsindel – mit ihrnä Parolä – ysrä Tyyfelschtei «verziärt»? «Ab in die Berge» miär säget’s etzä isch als Motto schwär um-z’setzä als Adler giängt’s, als Geiss, Steibock oder Chuäh als Wanderer am Gipfel zuä D’Geschnerälpler hend ä eigni Fasnacht – susch wurtet’s z’Motto gar nit lobä «AB IN DIE BERGE? Hecher gaht’s nit, miär sind scho dobä!» D’Muotathaler Wätterschmecker – so isch äs äbä ai das Jahr d’Prognosä: meiläwyt drnäbä a dr Wiähnacht – meterwys gäbs Schnee janu – miär hend ä keinä gseh bevor bi denä eppis stimmt und etzä chund dr Schock heisst Bümä Kurt, Bümä Walti, Gamma Remo der 1.HC Ambri A-griffsblock doch alls was diä Prophetä säget isch nitt faltsch – äs blibt drbi wär dr Horat Martin a ysrer letschtä Fasnacht gsi s’hät g’schmeckt vu Parfüm, Schnaps und susch nu vill vu Chäppsligwehr und Wurscht vum Grill da hät der Muotathaler gha bi ys ä hufä Freid und: «ÄS BITZLI STINKÄ MUÄSS ÄS!» hät är g’seit Wemmer scho bim Wätter sind chämmer zunrä GÄGÄDARSTELLIG gschwind z’Mattli Alice seit: «Ich tuä da druf bestah dass ich diä Buräreglä nitt i BLICK ta ha!» PS: BLICK bleibt bei seiner Darstellung! D’Smürfer/Spätzynder hend äs Probeweekend gha dr Billi Bumä isch ai bi denä – iähr wysset’s ja dr Tag dur blast är ganz normal de sy Posunä doch was am Abig gaht tuät ys erstunä wiä all ander im Zighüs Wassä ibernachtä will är nit är lytet am Janick Walker a: «He hol mi ab – ich ha diä Bitt!» Warum? Wieso? Das isch ä Frag ä schwäri brücht är zum I-schlafä äs Kuscheltiär – villicht ä Bäri? Oder hed ihm im Zighüs g’fählt – das temmer meh vermuätä diä gsundi Geschner Luft und ai ä Schlummertrunk ä guätä?? Dr André Simmä – da ibertribet miär kei bitzä isch fir z’Geschner Theater ä grossi Stitzä är meischtret mit Bravour si Rollä jedes Mal nitt so starch isch z’letscht Jahr gsi si Chleiderwahl als Mönch hed’r miässä Sandalä trägä won-är diä us-g’rabä het – cha keinä sägä miär vermuätet schwär – ä-f-Ehr und Eid diä hed z’Andrés Ürgrossvatter am «Turbätag» im 1963 scho treit Tatsach isch – miär säget’s da a dr Premierä hend z’Sandalettä gla dr lingg hend’s g’flickt mit Sekundälym - äs brucht ä ganzi Tubä bim rächtä nitzt ai das nyd meh – da heisst äs torsä de und schrubä doch André hoffentlich hesch diä Sandalä nit verriärt villicht wär z’Talmuseum Urserä nu intressiärt Voräm Gigathlon litet d’Steiner Erika uf Gmeind de a ep si villicht vum Theater chenti äs paar Sachä ha nachmä Telefon heisst äs de: «Klar z’Gaby Fedier bringt äm achti iäch diä War!» Dr Schriber und z’Gaby meinet am 8-i am Samschtig morgä am Fritig 20.15 Uhr macht sich d’Erika de Sorgä und litet am Gaby a ganz bang: «Ich wartä hiä – hesch dü nu lang?» Diä seit: «Ich bi im Underland – doch uf mich chasch dich verlah morn am 8-i – wiä-n-ich g’seit ha – bini da!» bim negschtä A-lass tent uf englisch korrespondiärä dett heisst’s 8 am und pm – de cha das nitt passiärä Z’Gigathlon-OK het drna i z’Wallis ä Usflug g’macht dr Walker Rayni muäss uf z’WC i dr Nacht i dr Wohnigsstubä g’seht är de äs ganz schwachs Liächt ä I-brächer ächt? Ihm wird mit Schweiss de d’Stirnä fiächt doch muätig wiä-n-är isch will är der Sach de nachä ga risst d’Tirä uf – was g’seht är da: Dr Gmeindsschriber – der tuät lislig fluächä und mit dr Stirnlampä d’Bediänig firä Färnseh suächä he Walti – iähr sind im Wallis gsi – weisch was ich meinä dett schiässet’s gli – äs fragt ä keinä «Ha g’meint äs sig ä Wolf!» hätt disä g’seit und nit ämal us’g’stopft wärsch de wordä – ja bim Eid Ohni Hälfer tuät’s bim Gigathlon nit ga ai dr Regli Pius tuät dett Poschtä stah staht i dr Rieserkurvä mängi Stund wyst JEDÄ Velofahrer wo dett obä abbä chund churzerhand um z’KWG är kännt keis Pardon – nei – das hemmer gseh einä seid: «Ich bi nitt vum Gigathlon – chum iber d’Oberalp vu Chur g’sehsch nitt z’Gepäck – bi ufrä Velotour!» Dr Pius seit: «Das isch miär glich – kei dummi Schnurä ai du fahrsch etz hiä hinnä durä!» Also guät - dänkt disä – isch ä Schlaiä – memmer sägä: «Wenn scho denn scho - tuä mi de im Zielrüm ai verpflägä!» Vor Jahrä hed-mä i dr Gotthardstrass nu g’seit hiä chasch nit läbä – d’Geissbeck stinket z’vill bim Eid inzwischä isch das Problem nimmä vorhandä doch isch grad näbädra ä Wellnessbereich entstandä dett laift’s oft bis i alli Nacht etz rund bsunders wenn «die Ente» vu Seedorf obsi chund wird meh Alkohol versorgt – ja das isch wahr als im Reschtrant Gotthard näbädra glaib iber z’Jahr Dr Simon Senn büwt um – da gitt’s ä hufä z’machä und dänkä muäsch drbi ä rächt vill Sachä eppis vergässä hed mä gli – jaja genai aber Simon – doch nitt grad diä eignig Frai… eines Tags bschliesst är ä Tirä z’vill d’Tanja chund nitt a ihri Schlissel anä - wo sie usä will zu allem anä – s’isch ä Grüs ai dr Kari und d’Bernadette sind usser Hüs zum Glick weiss Tanja sich z’hälfä – s’isch äso und gli isch epper mim Ersatzschlissel de cho ja Simon ai Diär hed dr Lälli ä guätä Rat mach dr Tanja i jedem Zimmer Stickleiterä parat oder villicht startet sie ufäm Balkon liäber – dett isch breiter und dett wär besser de: ä Hängegleiter Anrä Garage im Wasä settmä Reparaturä machä drum muäss nitt nur z’Aito usä – sondern ai all ander Sachä z’KWG lytet de dr Dunja Gamma a: «Miär rümet d’Garage us – gäll morn tuät’s ga?» Alles Okay – aber dr Bümä Markus – so isch’s äbä rümt zwar ä Garage üs – nur leider diä drnäbä umä Mittag umä – iähr ahnet’s ja Litet dr Regli Toni i z’KWG de a: «Isch i ander Garagä ai i-brochä wordä – nimmt’s mi Wunder? I ysärä da fählt ä hufä chlinä Plunder!» Mä chad de mim Bümä Markus dr Kontakt uf-näh und bim «Kommissar» Regli de Entwarnig gä Uf Gurtnällä hed d’Walker Monika wellä hätt bim Ressli d’Beatrice Mattli und dr Jonas nu i-ladä sellä d’Beatrice stigt de vorä i dr Jonas will hinnä linggs i-stigä – so isch’s gsi nur uf derä Sitä lyt ufäm Rücksitz War dr Jonas schletzt Tirä wider zuä – isch klar und bevor är hinnä um z’Aito umä mag fahrt d’Monika scho witer – s’gaht Schlag uf Schlag diä Fraiä fort – uf d’Aitobahn z’Wassä wider drab – so isch dr Plan und zwe Fraiä im Aito – iähr chent’s iäch ja scho vorstellä… dr Jonas wär nitt z’Wort cho – wenn är nu hät wellä so tuät’s halt bis uf Wassä ga bis d’Beatrice merkt: «Dr Buäb isch wo? Är isch nit da!» Ja dr Jonas isch zwenig lüt – so isch ysrä Schluss aber blöd isch’r nitt – är chund mim Bus Dr Spirig Sepp fahrt bi dr «Wärchsgarage» vum Radio Central anä d’Winterpneu amnä «Centralaito» dra-tuä tuät är planä dr Garagischt dett isch ä flottä hed am Sepp äs Kaffee rasch a-bottä der nimmt ei Schluck – dr Garagischt isch wider da seit: «Winterpneu? Diä hesch scho dra!» Liäbi Lyt – miär wysset’s medä ab und zuä ä Fähler – macht ä jedä so hed ai d’UZ hiä ämal – da was verbockt und ys mit derä Foti g’schockt nei - «ysrä Tisi» isch nu jinger – das isch klar nur hedr de drfir halt nimmä sevill Haar dr Lälli hed das alles korrigiärä wellä Und tuät iäch diä richtig Foti zur Verfiägig stellä Ä Chatz vom Hasä tuät fridlich ufäm Balkon sitzä de g’seht sie zwe Artgenossä grad dur z’Juppi flitzä und um nyd z’verpassä springt diä Chatz uf z’Balkongländer mit mä grossä Satz landet ufmä Bluämästock – Ibergwicht – isch nimé z’rettä mit samt dem Stock da tuät äs sie 5 Meter abbä-bettä D’Chatz blibt zwar heil – doch macht sie sich ächt wäg dem Stock chli Sorgä? Uf all Fäll chund sie zrugg de ersch am negschtä Morgä ja Hasä miär hend diä Sach anrä Beratigsstell de witer-g’leitet und imnä Briäf hend diä ys Vorschleg underbreitet: Fir dich da eignät sich als Hustiär – schribet’s ys ehnder Flughind halt oder ai Flädermys Eines Tags im Herbscht glaib färä will dr Gamma Benj zu dä Grosschind uf Luzärä im Juppi fahrt är us dr Garage librämänt ladet ufä Rücksitz War nu – wiä-mäs kännt fahrt de los – luägt i dr Rieserkurvä i Spiägel rasch und ei Momänt – verchlipft är fasch… doch s’isch nit ä Verbrächer - wo tuät hindrem sitzä nei nur sy Chatz – diä wurd z’Luzärä ai vill nitzä är hed de g’chehrt bim Ressliplatz und bringt i z’Juppi retour de diä Chatz ja Benj zum Glick hesch i Rickspiägel g’luägt bim Hans – bim Becker de nit umäsuscht seid mä dä Luzärner CHATZÄSTRECKER Im letschtä Oktober im Bahnhof unnä hend d’Lyt de dänkt: Das isch ja g’spunnä! Mit dem wo’s gseh hend – hend sie Miäh pletzlich chund ä Härdä Chiäh wend ächt diä grad ufnä Reis will’s g’heert hend d’Kollegä im Tessin brchämet zum Frässä Mais Tourischtä uf all Fäll luäget ratlos zuä bi dr Underfiährig isch de scho diä erschti Chuäh zum guätä Glick – das isch äso isch dr Roger Jauch dett anä cho mit Hilf vum Vatter isch äs de ä churzä Chut sie triibet d’Chiäh de retour uf Abfrutt trotzdem Gamma Matthias - du weisch äs medä settsch mit dr Tessiner Purä ibernä «Studäntä-Üstüsch» redä Isäschmid Hans – Tresch Peter sitzet am Chiläbazar am glichä Tisch und besprächet d’War - wo da so umä isch «Diä Walliser Maskä dett» seid dr Tresch «was tät ächt diä so choschtä? Diä muässi glaibi ha – diä will i poschtä!» Und s’gaht kei Minutä - bis dr Hans de laift är hed exakt DIÄ Maskä g’chaift doch ai dr Lälli weiss nit gnai wiä-n-äs isch witergangä uf all Fäll tuät diä Maskä vor äm Büro Tresch im KWG etz hangä miär vermuätät eifach – s’isch äso wiä alli grossä Kunschtsammler – Beyeler und so hed dr Hans dänkt: Was will ich das Wärch däheim im Estrich hiätä? Und tuät’s gschider am KWG zur Presentation fir d’Allgemeinheit etz vermiätä Dr Christof Cavaletti sett äm Suppätag dr Muätter Chuächä bringä an und für sich fir ihn ä liächtä Job – das setti glingä doch wonär uf-staht – dr Tag will planä weiss är nimmä: WO mend etz diä Chiächä anä? Är grift zum Telefon – dänkt das isch ja gli erledigt und z’Monis Telefon het g’schället i dr Chilä – grad isch Predigt das isch zwar - Christof - wirkli ja kei Schand doch z’negschtmal los chli besser zuä – als altä Oberministrant Einer kauft bei Rieser n’en Dreikönigskuchen den König mussten sie zuhause nicht lang suchen denn in einem Teile steckt er – wie ‘ne Maus der Kopf weit drin – die Bein’ schaun raus Ja ganz genai tuät dr Simon dr Umbüw planä ä niwä Chiählschrank muäss de ai nu anä der hed är bschtellt – nur äbä bloss der Schrank isch riesig – nitt nur gross Kari, Thomas, Pumi, Flavio und är sälber ai ment zum Obsi-ferggä de a-trättä - ganz genai ä rächtä Murks – sie tend sich de fasch sälber leid 2 ½ Stund gaht z’Obsiträgä – ja bim Eid wird ächt dr Simon Grosswildjäger – miär sind g’spannt i dem Chiählschrank hed äs Zebra Platz und drzuä ä Elefant Letschtä Summer – wiä-mä weiss isch ai z’Geschenä mängisch ä chli heiss dr Vivian hed – um eppis ganz Chiähls z’ha ä Bixä Coci de i z’Gfrierfach ta doch wo hed’r sini Gedankä nachhär - wo ächt wo? är vergisst diä Bixä dettä – s’isch äso zwe Täg speter isch är vor Schreck fasch retour trolet är macht z’Chiählfach uf und g’seht diä Bixä het’s verpolet eppis hesch etz g’lehrt Vivian – miär säget’s offä was isch dr Underschied zwischet ‘mä Unglick und ‘rä Katastrophä? Ja genai - äs blibt drbi das mim Coci isch äs Unglick gsi doch stell dr vor äs hätt sich um z’letschtä Biär vum Dädi g’handlet hätt sich z’Unglick de zur Katastrophä g’wandlet Grücht stand i jeder Zitig – wiä mä weiss drum bringt dr Lälli üsä etz ai eis: Dr Leandro Rieser heig zum Zezzi dettä g’seit Är heig ganz ä «besä» NEAT-Traim gha – ja bim Eid: «Mi Opa weckt mich: Im NEAT-Tunnäll - da isch ä Brand chum mit Leandro – sie brüchet jedi Hand! Är steckt mich i eis vu sinä altä Fyyrwehrgwändli de bini schweissgebadet, verwachet ändli!» Zigletä vum Billi Bumä tuät guät klappä i dr Blächbixä vu z’oberscht i diä underscht Wohnig abbä am Schluss da gäbtis nu so chliner Sachä zum Bispill z’Namensschildli wäxlä sett-mä ai nu machä nur d’Wohnigs-Ywichig hed’r ai nu über d’Bühni bringä wellä da blibt kei Zyt fir dernig Bagatellä… aber dass d’Partygescht ihn g’findet – wäri trotzdem z’Ziel är lest das provisorisch mit mä Pfyl Am Morgen in der Kirche – am Nachmittag im Heizwerk: Fehlalarm so bleiben Göschner-Feuerwehrleute immer warm D’Jeegergruppä Beertli isch wiä all Jahr underwägs dr scheenschti Hirsch schiässt das Jahr dr Walti - ja ich säg’s dr Marco und dr Hasä hend’s im Bett nu chli vertlittä wo sie ä Schuss uf-weckt – fasch näb dr Hittä äs Hirschpaar – hed äbä dettä durä wellä SIE hed Angscht gha vor dä Jeeger – chend iäch’s scho vorstellä doch ÄR heig g’meint: «Tuä nitt drglichä vu denä da muäsch keinä schiichä!» Hitt jammret d’Hirschchuäh: «Ha dett mi Ma verlorä ja ai äs blinds Huähn g’findet äbä mal äs Chorä!» Dr Gmeindrat Maurer isch in Amerika ja gsi nur zrugg cho äbä isch är z’gli denn ä hufä Amis g’heert mä nach dä Wahlä chleenä drum hättet miär dr Peter denä glaib sellä «vertlehnä» Motto: «Passt Clinton nicht – macht Trump euch immer saurer wir schlagen vor Euch: Peter Maurer!» Der red’ gschyder – jaja der wählet und im Verglich zum Trump… isch besser g’strählet Dr Schriber Walti isch i dr Chilä gsi in Andermatt pinlich – pletzlich schället z’Handy grad är brchund de zersch ä rotä Chopf drickt de haschtig ufnä Chnopf versorgt de z’Handy wider – doch äs isch zum Grusä dr Hasä schnurret pletzlich us z’Schribers Tschopä usä HÄRZLICHÄ DANK Bayern Mûnchen brûstet sich mit 6000 Clubmitglieder prozentual hemmiär mit 103 meh – und diä meischtä sind de eh nu gschyder Nei Spass bisitä – äs isch ys eifach sehr dra glägä fir diä breit Abstitzig DANKÄ z’sägä!!
© Copyright 2024 ExpyDoc
