Schwinger-Rap «Bösi Buebe»

Schwinger-Rap «Bösi Buebe»
Refrain
Looset zue und sind parat,
die böse Buebe sind jetzt dra.
Rappe und im Sagmehl ringe
i de Schwitz düend si zämme schwinge.
Vers 1 - Fricktal
Im Aargau sind zwöi Liebi, doch mir sind bösi Buebe.
Wemmer stönd im Sagmäl, git’s mächtig öppis z’luege.
Mir trainiere hart und hart bis mir es 10ni bueche.
Mir hebe zäme: Mir sind d’Fricktaler-Ruechä!
Mir sind zwar no Jungi, doch weisch was hämmer druff?
Muunele, föötele, Brugge, Motore – mir gänd bis am Schluss nid uff.
König z’si das wär e Traum und d’Chraft derfür git Ruebli Chueche.
So stark wie n‘e Muni: Mir sind d’Fricktaler-Rueche!
Vers 2 - Langenthal
Bärnbiet Du mini Heimat,
schöner chas ja nienä si.
Wyberhogä, Bäredruck u Gammä,
glehrt hei mir das nid bim Schneider-Ammä.
Mir füf Gringä mit de Sommersprossä
Hei im Club e Frünschaft gschlosse.
Aui hei Chraft u si fair
üsi Schwüng si legendär.
Refrain
Vers 3 - Kerzers
Vom Schwingclub Cherzers si mir föif Giele,
tüe gärn im Sagmäu kämpfe u trainiere.
Mir wohne i dr Nöchi vo de drü See
u wärde öich in Estavayer bau gseh.
Dr Chranz isch üses grosse Ziu,
drum üebe mir o ganz, ganz viu.
Es super Fescht wird dert stattfinge
Sisch eifach schön bim Eidgenössiche Schwinge.
Vers 4 - Niederurnen
Mir sind Schwinger usem Zigerschlitz,
und churze üch abä we dr Blitz.
I dä Armä händ mir viel Power,
da erblassed alli Gägner i grossem Schauer.
Und wänn ihr platt im Sagmehl sind,
gsänd ihr üüs triumphiära mitem Rind.
Schwinge isch cool, das isch kei Witz,
mir sind die Böse usem Zigerschlitz.
Refrain
Vers 5 - Rotheburg
Schuelzüg ond Örgeli a Nagu hänke,
i Schtau no schnöu go d'Chauber tränke.
Täsche packe ond de los,
D'Vorfreud die esch riesig gross.
Schwenge, Schwenge esch euses Hobby,
wär's ned gärn hed esch e Globi.
För s'Fäscht trainiere, ohni Sorg,
mer send die böse Buebe us Roteborg.
2

Download Report